Category: کرونا اپڈیٹس

اسلام آباد: اللہ کی رحمت اور بروقت فیصلہ سازی سےجلد وبا پر قابو پانے کی پوزیشن میں آگئے،اطلاعات کے مطابق معاون خصوصی برائے صحت ڈاکٹر ظفر مرزا نے کہا ہے کہ اللہ کی رحمت اور بروقت فیصلہ سازی سےجلد وبا پر قابو پانے کی پوزیشن میں آگئے۔

تفصیلات کے مطابق ہیلتھ سیکٹر سے متعلق اپوزیشن کی پریس کانفرنس پر ظفر مرزا نے رد عمل دیتے ہوئے کہا کہ ہیلتھ ریفارمز پی ٹی آئی حکومت کی ترجیحات میں شامل ہے۔

انہوں نے بتایا کہ پاکستان کا کرونا کے حوالے سے ردعمل دُنیا میں بہترین رہا،ہم نے جلد اقدامات اُٹھائے جس سے پہلا کیس تاخیر سے رپورٹ ہوا،کیسز میں پھیلاؤ کے حوالے سے پاکستان میں کئی ممالک سے زیادہ تیزی سے کمی آئی،اللہ کی رحمت اور بروقت فیصلہ سازی سےجلد وبا پر قابو پانے کی پوزیشن میں آگئے۔

ڈاکٹر ظفر مرزا کا کہنا تھا کہ اسمارٹ لاک ڈاؤن،ایس او پیز،ٹی ٹی کیو کی حکمت عملی پر عمل کیاگیا،این سی او سی کے قیام سے وبا کو کنٹرول،مانیٹرنگ کے عمل کو بہتر بنایاگیا۔

معاون خصوصی نے کہا کہ حکومت نے پہلی دفعہ پی ایم ڈی سی میں اصلاحات کا عمل شروع کیا،ماضی میں پی ایم ڈی سی کرپشن،نااہلیت کا گڑھ رہی۔

انہوں نے کہا کہ حکومت کی جانب سے اسپتالوں میں اصلاحات کی کوششیں جاری ہے،سرکاری اسپتالوں کو پرائیوٹائیز کرنے کی تمام خبریں من گھڑت ہیں،تمام سرکاری اسپتال حکومتی سرپرستی میں ہی چلیں گے، اسپتالوں میں انتظامی امور،فیصلہ سازی کے لیے لوکل مینجمنٹ کی خدمات لی جائیں گی۔

ظفر مرزا کا کہنا تھا کہ پاکستان میں ہیلتھ سیکٹر میں مسائل کی ذمہ دار سابقہ حکومتیں ہیں،ماضی میں ہیلتھ سیکٹر کے مسائل کو کبھی بھی ترجیحی بنیادوں پرحل نہیں کیا گیا۔

صوابی : اسد قیصر سے صوابی سے آئے ہوئے عمائدین کے وفد کی ملاقات ، مسائل کو فوری حل کرنے کی ہدایت جاری ،اطلاعات کے مطابق اسپیکر قومی اسمبلی اسد قیصر سے صوابی سے آئے ہوئے عمائدین کے وفد نے ملاقات کی

باغی ٹی وی کےمطابق اس اہم ملاقات میں اسپیکر نے وفد کے مسائل سنے اور مسائل کو فوری حل کرنے کی ہدایت جاری کی

اس موقع پراسپیکرقومی اسمبلی اسد قیصرنے عمائدین کو ملک کی تازہ ترین صورت حال سے آگاہ کرتے ہوئے کہا کہ ملک معاشی طور پر مشکل حالات سے گزر رہا ھے۔ ان کا کہنا تھا کہ وزیر اعظم عمران خان نے معاشی جیلنجز کے تدارک کے لیے سخت فیصلے کیے۔

اسد قیصرنے بتایا کہ وزیراعظم عمران خان کے درست معاشی اقدامات سے ملک کی تقدیر بدلے گی۔ملک کو کرونا وائرس جیسی وباء کا سامنا ھے۔ اسد قیصر نے کہا کہ میری اللہ تعالی سے دعا ہے کہ جلد کرونا وائرس سے نجات مل جائے۔

اسپیکرقومی اسمبلی کا کہنا تھا کہ اللہ کے فضل سے کورونا کے مریض تیزی سے صحت یاب ہو رہے ہیں۔ پوری ٹیم دن رات جان فشانی کے ساتھ محنت کر رہی ھے۔ فرنٹ لائن پر لڑنے والے ڈاکٹرز اور پیرامیڈکس ہمارے ہیرو ہیں،کورونا کی وجہ سے ملک کو دو چیلینجز کا سامنا تھا۔

ایک ہی وقت میں ہمیں کورونا اور معاشی چیلینج کا سامنا تھا۔ محدود وسائل کے باوجود ہمارے صحت کے شعبے نے کارکردگی دکھائی حکومت نے غریب عوام کے روزگار کا خیال رکھا۔حکومت بجلی مافیا، چینی مافیا اور آ ٹا مافیا سے لڑ رہی ہے۔

اسپیکر قومی اسمبلی اسد قیصر نے کہا کہ ماضی میں لوگ کاروبار کرنے سیاست میں آتے تھے۔ میں جب تک سیاست میں ہوں میں اپنا کاروبار نہیں کروں گا۔ صوابی کے عوام کی محرومیوں کو خاتمہ میری اولین ترجیح ہے۔

اسپیکر قومی اسمبلی اسد قیصر نے کہا کہ صوابی کے عوام کے لیے بہترین طرز پر ہسپتال قائم کیے۔ صحت کے شعبے میں جدید طرز کی سہولیات فراہم کر رہے ہیں۔

اسپیکر قومی اسمبلی اسد قیصر کا کہنا تھا کہ صوابی میں بہترین تعلیمی ادارے قائم کیے گئے ہیں۔ سڑکیں، سوئی گیس اور بجلی کے مسائل حل کرنے کے لئے ترقیاتی کام جاری ہیں۔

کراچی:پی آئی اے نے اپنے مسافروں کو ترک فضائی کمپنی سے برطانیہ اور یورپ پہنچانے کے انتظامات کرلیے،اطلاعات کے مطابق پی آئی اے نے یورپ اور برطانیہ کیلئے متبادل انتظامات شروع کردیے جس کے تحت ترک فضائی کمپنی کے ذریعے یورپین ممالک میں مسافروں کو پہنچایا جائے گا۔

ذرائع کے مطابق پی آئی اے انتظامیہ کی جانب سے پاکستان سے بیرون ملک جانے والے مسافروں کو یورپ اور برطانیہ کیلئے متبادل انتظامات شروع کردیے گئے۔

پی آئی اے ترکی کی فضائی کمپنی pegasus airlines کے ذریعے اپنے مسافروں کو برطانیہ اور یورپ پہنچائے گی،قومی ائر لائن اور پیگاسس کے درمیان 31جنوری2020کو کوڈ شیئرنگ کا معاہدہ ہوچکا ہے۔

کوڈ شیئرنگ کو مزید فعال کرنے کیلئے بات چیت آخری مراحل میں داخل ہوگئی ہے،پی آئی اے پاکستان سے مسافروں کو ترکی کے صبیحہ گوچن ایئرپورٹ استنبول پہنچائے گی۔ 2 گھنٹے بعد مسافروں کو پیگاسس ائرلائن سے برطانیہ اور یورپ کے ان شہروں میں جہاں پی آئی اے پابندی سے قبل پروازیں آپریٹ کرتی تھی وہاں مسافروں کو پہنچایا جائے گا۔

قومی ائرلائن یورپ اور برطانیہ کے دوسرے 25 مقامات کیلئے اپنے شیڈول فائنل کررہی ہے۔ ذرائع کے مطابق یورپ اور برطانیہ کےلیے ایک اور متبادل انتظام کے تحت خصوصی چارٹر پروازوں کے ذریعے مسافروں کو پہنچانے کے حوالے سے بھی تگ ودو جاری ہے،جس کے لیے فرانس کی ایک نجی چارٹرطیارہ کمپنی سے بھی بات چیت جاری ہے۔

واضح رہے کہ پاکستانی پائلٹس کےلائسنس مشکوک ہونے کے معاملے پر امریکا اور یورپ نے پی آئی اے کاخصوصی اجازت نامہ منسوخ کرتے ہوئے پروازوں پر پابندی عائد کردی ہے۔

لاہور:تاجروں کی ہارن بجاؤ حکمران جگاؤ تحریک کا آغاز،قافلہ لاہورسے اسلام آبادروانہ،اطلاعات کے مطابق ہارن بجاؤ حکمران جگاؤ تحریک کا قافلہ اسلام آباد روانہ ہوگیا ہے ، تاجروں اور دیگر کاروباری تنظیموں سے وابستہ افراد بذریعہ موٹر وے ، کاروں ، منی بسوں اورٹرکوں میں روانہ ہوئے ، ملتان روڈ پر ٹریفک بحال ہو گیا۔

تفصیلات کے مطابق تاجروں کی ہارن بجاؤ حکمران جگاؤ تحریک کا آغاز ہوگیا اور ہارن بجاؤ حکمران جگاؤ تحریک کا قافلہ اسلام آباد روانہ ، تاجروں اور دیگر کاروباری تنظیموں سے وابستہ افراد بذریعہ موٹر وے ، کاروں ، منی بسوں اورٹرکوں میں روانہ ہوئے ، ملتان روڈ پر ٹریفک بحال ہو گیا ہے۔

انجمن تاجران پاکستان کے جنرل سیکرٹری نعیم میر نے تحریک کا حصہ بننے پر دیگر کاروباری ایسوسی ایشنز نے خیر مقدم کیا۔ انجمن تاجران پاکستان کے جنرل سیکرٹری نعیم میر کا کہنا تھا کہ معیشت گھٹن کا شکار ہے اور تاجر دیوالیہ ہوگئے اور مزدور، محنت کش فاقہ زد ہوگئے ہیں، حکومت ہوش کے ناخن لے اور تمام کاروبار کھولنے کی اجازت دے۔

دوسری جانب عوامی رکشہ یونین کی تاجر تحریک نے حمایت میں ریلی نکالی اور سیکڑوں رکشے ٹھوکرنیاز بیگ پر پہنچ گئے ،، مجید غوری کی قیادت میں شرکا کےمہنگائی ،بے روزگاری اوربھتہ خوری کے خلاف نعرے اور ہارں بجاؤ حکومت جگاؤ تحریک کے مطالبات کی مکمل حمایت کا اعلان کردیا۔

یاد رہے کہ چیئرمین لاہور ریسٹورنٹس ایسوسی ایشن عامر قریشی نے 18 جولائی کو اسلام آباد میں احتجاج کی دھمکی دی تھی انہوں نے میرج ہالز، کیٹرنگ، فروٹس اور پولٹری ایسوسی ایشنز کے عہدیداروں کے ہمراہ گلبرگ میں نیوز کانفرنس کرتے ہوئے کہا تھا کہ عمران خان کو لاکھوں لوگ بے روزگار ہوئے نظر کیوں نہیں آرہے؟

میرج ہالز، کیٹرنگ، فروٹس اور پولٹری ایسوسی ایشنز کے عہدیداروں کے ہمراہ گلبرگ میں نیوز کانفرنس کرتے ہوئے کہا کہ عمران خان کو لاکھوں لوگ بے روزگار ہوئے نظر کیوں نہیں آرہے؟

میرج ہالز اور کیٹرنگ ایسوسی ایشنز نے بھی اٹھارہ جولائی کو ہارن بجاؤ، حکمران جگاؤ تحریک میں شمولیت کا اعلان بھی کیا، عامر قریشی نے کہا کہ ریسٹورنٹس، میرج ہالزاورکیٹرنگ کا کاروبار بند ہونے سے کئی شعبوں کا کاروبار ختم ہوکررہ گیا ہے۔