Category: کرونا اپڈیٹس

ٹیکساس : میں نے سوچا تھا کہ یہ ایک دھوکہ ہے ، لیکن ایسا نہیں ہے،کوویڈ پارٹی’ میں شرکت کے بعد 30 سالہ کا انتقال ،اطلاعات کے مطابق ٹیکساس میں ‘کوویڈ پارٹی’ میں شرکت کے بعد 30 سالہ کا انتقال ہوگیا

دی گارڈین اخبارلکھتا ہےکہ جاں بحق ہونے والی اس مریضہ کا کہنا تھا کہ : ‘میرے خیال میں غلطی ہوئی ہے ، میں نے سوچا تھا کہ یہ ایک دھوکہ ہے ، لیکن ایسا نہیں ہے’ ،

ادھر اس موت کے حوالے سے ٹیکساس کے ایک طبی عہدیدار نے بتایا ہے کہ 30 سالہ مریض کی موت ایک "کوویڈ پارٹی” میں جانے کے بعد ہوئی ، جس میں یہ یقین کیا گیا تھا کہ وائرس کو جھانسہ دے رہا ہے۔

سان انتونیو کے میتھوڈسٹ ہسپتال کے چیف میڈیکل آفیسر ڈاکٹر جین ایپلبی نے کہا ، "مریض کی وفات سے قبل ، انہوں نے اپنی نرس کی طرف دیکھا اور کہا ‘مجھے لگتا ہے کہ میں نے غلطی کی ہے ، مجھے لگتا تھا کہ یہ ایک دھوکہ تھا ، لیکن ایسا نہیں ہے۔” .

ایپلبی نے کہا: "میں خبردارکرنے والے نہیں بننا چاہتا ، اور ہم اپنی برادری کو یہ سمجھنے میں مدد کے لئے کچھ حقیقی دنیا کی مثالیں بانٹنے کی کوشش کر رہے ہیں کہ یہ وائرس بہت سنگین ہے اور آسانی سے پھیل سکتا ہے۔”

یاد رہے کہ فلوریڈا میں 15،000 نئے کورونا وائرس کیس رپورٹ ہوئے ، جو امریکہ میں ایک دن میں ریکارڈ ہے

کوروناوائرس کے باعث دنیا بھر میں 5 لاکھ 71ہزار سے زائد افراد ہلاک

باغی ٹی وی :دنیا بھر میں کورونا وائرس کی موذی وباء نے مسلسل اپنے پنجے گاڑ رکھے ہیں، جس کے ناصرف مریضوں میں بلکہ اس سے اموات میں بھی ہر روز اضافہ ہو رہا ہے۔عالمی وبا کورونا وائرس کے باعث دنیا میں 5 لاکھ 71 ہزار 574 افراد ہلاک ہو چکے ہیں اور ایک کروڑ 30 لاکھ 36 ہزار550 متاثر ہیں جب کہ 75 لاکھ 82ہزار شفایاب ہوئے ہیں۔

امریکہ کورونا وائرس سے متاثر ہونے والے ممالک میں پہلے نمبر پر ہے جہاں 34 لاکھ 13 ہزار 995 افراد متاثرہیں۔ گزشتہ 24 گھنٹوں میں مزید 371 افراد ہلاک ہوئے اور مجموعی ہلاکتیں ایک لاکھ37ہزار782 ہوگئی ہے۔

برازیل میں 18 لاکھ 66 ہزار سے زائد افراد کورونا سے متاثر ہیں اور 72ہزار151اموات ہوئی ہیں۔

بھارت کورونا وائرس سے متاثر ہونے والا تیسرا بڑا ملک ہے جہاں مریضوں کی تعداد 8 لاکھ 79 ہزارسے زائد ہے اور 23 ہزار187 افراد جان کی بازی ہار چکے ہیں۔ روس میں کورونا سے 7 لاکھ 27 ہزار162 افراد متاثر ہیں اور اموات کی مجموعی تعداد11 ہزار335 ہوگئی ہے۔پیرومیں کورونا سے ہلاکتوں کی تعداد 11 ہزار870 ہوگئی ہے جبکہ مجموعی کیسز کی تعداد 3 لاکھ26 ہزار سے زائد ہے۔

کورونا وائرس سے چلی میں تین لاکھ 15ہزارسے زائد افراد متاثر ہیں اور 6 ہزار 979 جاں بحق ہوچکے ہیں۔اسپین میں کورونا سے ہلاکتوں کی تعداد 28 ہزارچار سوسے تجاوز کر گئی ہے جبکہ مجموعی کیسز کی تعداد تین لاکھ 988 ہے۔میکسیکو میں دو لاکھ 99 ہزار750 زائد افراد میں کورونا وائرس کی تشخیص ہوچکی ہے اور35 ہزارسے زائد افراد جان کی بازی ہار چکے ہیں۔

برطانیہ میں کورونا سے اموات کی تعداد 44 ہزار 819 سو سے بڑھ گئی جبکہ 2 لاکھ 89 ہزار سے زائد افراد کورونا وائرس سے متاثر ہیں۔برطانیہ میں کورونا ٹیسٹ اینڈ ٹریس سسٹم لاگو ہے اور کورونا مریضوں سے ملاقات کرنے والوں کو آئسولیٹ کیا جا رہا ہے۔

ایران میں دو لاکھ 57 ہزار سے زائد افراد کوروناوائرس سے متاثر ہیں اور12 ہزار829جاں بحق ہوچکے ہیں۔پاکستان کورونا وائرس سے متاثر ہونے والے ممالک میں 12ویں نمبر پر ہے جہاں2 لاکھ48ہزار872 افراد متاثر اور5ہزار197 ہلاک ہوچکے ہیں۔
میکسیکو میں کورونا وائرس سے کُل اموات کی تعداد 35ہزار 6ہو گئی جبکہ کورونا کے کیسز 2 لاکھ 99ہزار 750ہو گئے۔برطانیہ میں کورونا سے اموات کی تعداد 44 ہزار 819ہوگئی جبکہ کورونا کے کیسز کی تعداد 2 لاکھ 89ہزار 603ہو چکی ہے۔

ساؤتھ افریقہ میں کورونا وائرس کی وباء سے مجموعی اموات 4ہزار 79ہو چکی ہیں، جہاں اس وائرس کے اب تک کل کیسز 2 لاکھ 76ہزار 242رپورٹ ہوئے ہیں۔

واشنگٹن :امریکا میں ایک دن میں کورونا کےریکارڈ 66 ہزار 500 سےزائد کیسزرپورٹ ،تعداد ایک لاکھ 34 ہزار 729 ہوگئی ،اطلاعات کے مطابق میں گزشتہ 24 گھنٹوں کے دوران کورونا وائرس کے کیسز کی ریکارڈ تعداد رپورٹ ہوئی ہے۔

الجزیرہ کی رپورٹ کے مطابق جانز ہوپکنز یونیورسٹی کے اعداد وشمار میں دکھایا گیا کہ امریکا میں ایک دن میں مجموعی طور پر 66 ہزار 528 نئے کیسز کی تصدیق ہوئی ہے۔جانز ہوپکنز یونیورسٹی کا کہنا تھا کہ امریکا بھر میں اس وقت کیسز کی مجموعی تعداد 32 لاکھ 42 ہزار 73 ہوچکی ہے۔

امریکا میں 760 مزید ہلاکتوں کے بعد اموات کی مجموعی تعداد ایک لاکھ 34 ہزار 729 ہوگئی ہے۔امریکا میں گزشتہ 5 میں سے 4 دنوں میں 60 ہزار سے زائد کیسز رپورٹ ہوئے ہیں۔

امریکا، دنیا میں کورونا وائرس سے سب سے زیادہ متاثر ہونے والا ملک ہے جس کے بعد برازیل اور تیسرے نمبر پر بھارت ہے۔

خبرایجنسی رائٹرز نے اسٹیٹ ڈپارٹمنٹ کے حوالے سے رپورٹ میں کہا کہ فلوریڈا کورنا وائرس کے آغاز سے اب ایک دن میں سب سے زیادہ کیسز رپورٹ ہونے والی ریاست بن گئی ہے۔

سرکاری اعدادو شمار کے مطابق فلوریڈا میں 15 ہزار 299 افراد کا ٹیسٹ مثبت آیا جبکہ مجموعی کیسز 2 لاکھ 69 ہزار 811 ہیں۔

اس سے قبل 10 اپریل کو نیویارک میں ایک دن میں سب سے زیادہ 12 ہزار 847 کیسز سامنے آئے تھے، کیلی فورنیا میں ایک دن میں 11 ہزار 694 کیسز رپورٹ ہوئے تھے جبکہ نیویارک میں 15 اپریل کو 11 ہزار 571 کیسز کی تصدیق ہوئی تھی۔

رپورٹ کے مطابق امریکا کی دیگر 40 ریاستوں میں بھی کیسز میں اضافہ ہوا ہے جبکہ مجموعی طور پر 4 دنوں سے روزانہ 60 ہزار کیسز کے ساتھ امریکا میں کیسز کی بڑی تعداد رپورٹ ہورہی ہے جو سب سے زیادہ ہے۔ایریزونا، کیلی فورنیا، فلوریڈا اور ٹیکساس میں کیسز میں اضافہ تیزی سے ہورہا ہے۔

صحت کے حکام نے شہریوں سے اپیل کی کہ وائرس کے پھیلاؤ کو روکنے کے لیے ماسک ضرور پہنیں لیکن ماسک پہننے کا معاملہ بھی امریکا میں سیاست کی نذر ہوگیا ہے۔تاہم امریکی صدر ڈونلڈ ٹرمپ نے فوجی ہسپتال کے دورے کے دوران پہلی مرتبہ ماسک پہنا۔

ڈونلڈ ٹرمپ نے واشنگٹن کے مضافاتی علاقے میں قائم والٹر ریڈ نیشنل ملٹری میڈیکل سینٹر تک ہیلی کاپٹر کے ذریعے سفر کیا اور وہاں صحت کی دیکھ بھال فراہم کرنے والے افراد سے ملاقات کی۔

وائٹ ہاؤس سے روانہ ہوتے وقت صحافیوں سے گفتگو کرتے ہوئے ان کا کہنا تھا کہ ‘جب آپ کسی ہسپتال میں ہوتے ہیں تو مجھے لگتا ہے کہ ماسک پہننا بہت اچھا ہے’۔

امریکی صدر اس وبائی مرض کے دوران ماسک پہننے والوں میں بہت دیر سے شامل ہوئے۔امریکا کے نائب صدر مائیک پینس سمیت زیادہ تر ممتاز ری پبلیکنز ماسک پہننے کی تائید کرتے رہے ہیں۔

ریپبلکن گورنرز بھی ریاستوں میں صورت حال سنگین ہونے پر اب ماسک کے استعمال کی ضرورت پر زور دے رہے ہیں۔تاہم ڈونلڈ ٹرمپ نے نیوز کانفرنسز، کورونا وائرس ٹاسک فورس اپ ڈیٹس، ریلیوں اور دیگر عوامی تقریبات میں ماسک پہننے سے انکار کردیا تھا۔

ان کے قریبی لوگوں نے ایسوسی ایٹڈ پریس کو بتایا تھا کہ صدر کو خدشہ ہے کہ ماسک انہیں کمزور دکھائے گا اور ڈونلڈ ٹرمپ کو اس بات پر تشویش ہے کہ اس نے معاشی بحالی کی بجائے صحت عامہ کے بحران کی طرف توجہ مرکوز کردی ہے۔

ڈونلڈ ٹرمپ نے ڈیموکریٹک حریف جو بائیڈن کو ماسک پہنے پر ان کا مذاق بھی اڑایا اور یہ تاثر دیا کہ جو بائیڈن کمزور دکھائی دیتے ہیں۔

امریکا میں ماسک پہننا ایک اور سیاسی تقسیم کا سبب بن گیا ہے جہاں ریپبلکن ڈیموکریٹس کے مقابلے میں ماسک پہننے سے کتراتے ہیں۔

اوکیناوا : درجنوں امریکی میرینز کورونا کا شکارہوگئے،اطلاعات کے مطابق جاپان کے جنوبی علاقے اوکیناوا میں دو اڈوں میں موجود امریکا کے درجنوں میرینز کورونا وائرس کا شکار ہوگئے ہیں اور وائرس کے مزید پھیلنے کا خدشہ ظاہر کیا جارہا ہے۔خبرایجنسی اے پی کی رپورٹ کے مطابق اوکیناوا کی انتظامیہ نے امریکی فوج سے اس حوالے سے وضاحت کرنے کا مطالبہ کر دیا۔

عہدیداروں کا کہنا تھا کہ ہم اتنا کہہ سکتا ہیں کہ حال ہی میں درجنوں کیسز سامنے آئے کیونکہ امریکی فوج کی جانب سے حتمی تعداد جاری نہیں کی گئی، اس لیے تعداد کے حوالے سے کچھ نہیں کہا جاسکتا۔رپورٹ کے مطابق کورونا کے زیادہ کیسز میرین کور میں رپورٹ ہوئے ہیں۔

اوکیناوا کے عہدیداروں کا کہنا تھا کہ ایئراسٹیشن فوٹینما اصل مرکز ہے تاہم کیمپ ہینسن میں بھی متعدد کیسز سامنے آئے ہیں۔مقامی میڈیا نے ذرائع کے حوالے سے رپورٹ کیا کہ تقریباً 60 افراد کورونا سے متاثر ہوئے ہیں۔

اوکیناوا کے گورنر ڈینی تماکی نے نیوز کانفرنس میں بتایا کہ ‘ہمیں امریکی فوج کی جانب سے جو کچھ بتایا گیا اس پر حیرت ہوئی’۔انہوں نے نیوز کانفرنس میں سوال اٹھایا کہ کیا امریکی فوجی وائرس کے خلاف حفاظتی اقدامات پر عمل کررہے ہیں اور مطالبہ کیا کہ حالیہ پیش رفت پر واضح کیا جائے۔

دوسری جانب امریکی میرینز کی جانب سے ایک بیان میں کہا گیا کہ فورسز کورونا وائرس کے پھیلاؤ کو کم کرنے اور بیس سے باہر سرگرمیوں کو محدد کرنے کے لیے اقدامات کررہی ہیں۔

انہوں نے کہا کہ ان اقدامات کا مقصد کورونا وائرس کے متاثرین اور ہلاکتوں کی تفصیلات فراہم کیے بغیر اپنی فوج، ان کے خاندان اور مقامی آبادی کی حفاظت کرنا ہے۔

خیال رہے کہ جاپان اور امریکا کے درمیان دو طرفہ سیکیورٹی معاہدے کے تحت اوکیناوا سمیت دوسرے بیس میں تقریباً 50 ہزار امریکی فوجی موجود ہیں۔

یاد رہے کہ مارچ میں چین نے دعویٰ کیا تھا کہ عین ممکن ہے کہ مذکورہ وائرس کو امریکی فوج چین کے شہر ’ووہان‘ لے کر آئی ہو۔