Category: کرونا اپڈیٹس

عمران خان صاحب آپ نے تو بڑی شادیاں کرا لیں جنہوں نے شادیاں کروانی ہیں انکا سوچیں،شادی ہالز کھولیں، مزدور سڑکوں پر آ گئے
باغی ٹی وی کی رپورٹ کے مطابق لاہور میں شادی ہالز اور اس سے متعلقہ انڈسٹری کی بندش پر مزدوروں نے احتجاجی مظاہرہ کیا ہے

پنجاب کے صوبائی دارالحکومت لاہور میں آل پاکستان کیٹرنگ ایسوسی ایشن ، ساؤنڈ ایسوسی ایشن اور مارکیز ایسوسی ایشن نے مال روڈ پر مطالبات کے حق میں مظاہرہ کیا اور حکومت سے مطالبہ کیا کہ کرونا لاک ڈاؤن کے دوران بند کئے گئے شادی ہالز کو کھولا جائے، شادی ہالز کی بندش سے ہزاروں افراد بے روزگار ہو چکے ہیں

احتجاجی مظاہرے میبں شریک خاتون مسرت جٹ کا کہنا تھا کہ میرا ڈیکور کا کام ہے اور چار ماہ سے کام ٹھپ ہے،13 مارچ کو ہمارا کام کرونا کی وجہ سے بند کر دیا گیا، چار ماہ ہو گئے ہمارے گھر فاقے پڑے ہوئے ہیں، ہم نے چار ماہ صبر کیا لیکن اب صبر کا پیمانہ لبریز کھل گیا،غلہ منڈی،مویشی منڈی، سبزی منڈی، ہال روڈ، سب کھل گیا پتہ نہین شادی ہالز والوں کے ساتھ عمران خان کی کیا دشمنی ہے عمران خان آپ تو بڑی شادیاں کرا لی ہیں جنہوں نے شادیاں کروانی ہیں انکا سوچیں ،بہت مزدوروں کا روزگار اس انڈسٹری سے وابستہ ہے، انکے گھروں کے چولہے بند نہ کریں ، خدا را ہم پر رحم کریں،ہماری درخواست ہے ہاتھ جوڑ کر منت کرتے ہین ہمارا کاروبار کھول دیں، گھروں کی چیزیں بیچنے کی نوبت آ گئی ہے، گھروں دکانوں کے مالک کرائے مانگتے ہیں اور یہ بھی پوچھنا ہے کہ ہم بجلی کے بل جلا دیں یا جمع کروائیں، جمع کہاں سے کروائیں روزگار ہی نہیں،

مظاہرے میں شریک اور شخص کا کہنا تھا کہ شمالی لاہور ساؤنڈ ایسوسی ایشن کا صدر ہوں، شمالی لاہور میں 5 ہزار کے قریب لائٹس اور ساؤنڈ کے لوگ ہیں، ورکرز کی تعداد لاہور میں بہت زیادہ ہے جو بے روزگار ہو چکے ہیں، ایک شادی ہال یا ایونٹ منیجمنٹ والے ایک نہین بہت لوگ ہوتے ہیں، حکومت کا کہنا ہے کہ ایس او پیز کے مطابق ہونا چاہئے، جتنا کام ایس او پیز کے تحت شادی ہال میں ہوتا ہے ایسا کہیں نہیں ہوتا

ایک اور شخص کا کہنا تھا کہ میرا لائٹ کا کام ہے، میرے ساتھ 10 بندے کام کرتے ہیں،4 ماہ سے ہم بھوکے مر رہے ہیں کوئی کام نہیں، ہم سفید پوش لوگ ہیں مانگ نہیں سکتے، ہمارا کاروبار کھولا جائے، سب بے روزگار ہیں

زبیر احمد کا کہنا تھا کہ 30 سال سے کاروبار کر رہے ہیں، مجبور ہو کر سڑکوں پر آئے ہیں حکومت سے درخواست ہے کہ ہمارا کاروبار بحال کریں، بے روزگاری ،بھوک کرونا سے زیادہ خطرناک ہے، لوگ بھوک کی وجہ سے نفسیاتی مریض، چور بن گئے ہین، ہماری فریاد سنی جائے ہم بھی انسان اور پاکستانی ہین، ہم کسی پارٹی کے ساتھ نہیں، ہم بھوک کے ساتھ ہیں، ہماری بھوک کی جنگ ہے

زبیر احمد کا کہنا تھا کہ حکومتی نمائندے ہمیں لولی پوپ دیتے ہیں لیکن وعدے پورے نہین کیے جا رہے، آج ہم یہیں رہیں گے، مر جائیں گے یہاں سے نہین جائیں گے

باغی ٹی وی کی رپورٹ کے مطابق چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل محمد افضل نے لاہور میں قائم قرنطینہ مراکز کا دورہ کیا اور کئے گئے انتظامات کا جائزہ لیا۔

اس موقع پر ایم ایس ایکسپو قرنطینہ سینٹر ڈاکٹر زاہد نے  چیرمین این ڈی ایم اے کو بریفنگ دیتے ہوئے کہا کہ ایکسپو سینٹر میں قلیل مدت میں ایک ہزار بستروں پر مشتمل قرنطینہ مرکز قائم کیا گیا جہاں کرونا وائرس کے مریضوں کو تمام طبی سہولیات فراہم کی گئی ہیں۔

بعد ازاں چیرمین این ڈی ایم اے نے سوشل سکیورٹی ہسپتال میں قائم قرنطینہ سینٹر کا بھی دورہ کیا اور انتظامات کا جائزہ لیا سوشل سکیورٹی ہسپتال کے ایم ایس ڈاکٹر خالد مسعود نے بتایا کہ پچاس بستروں پر مشتمل قرنطینہ مرکز میں  کرونا وائرس کے مریضوں کی تشخیص اور علاج معالجہ جاری ہے۔

وزیراعظم پرتنقید کا وقت نہیں، کرونا وائرس کا پاکستان مقابلہ کر سکتا ہے، بلاول

کرونا وائرس، سندھ حکومت نے انتہائی اقدامات کا فیصلہ کر لیا،بین الصوبائی بارڈر ہوں گے بند

گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

بھارت میں کرونا کے 44 مریض، مندر میں بتوں کو بھی ماسک پہنا دیئے گئے

مفتی عبدالقوی کا نیا چیلنج، دیکھیے خصوصی انٹرویو مبشر لقمان کے ہمراہ

خبردار،آ ئندہ 30 دن سخت احتیاط کریں ، کرونا شدت پکڑ رہا ہے، نقصان کی صورت میں ذمہ دار آپ خود ہونگے

لاہور کا کوئی محلہ کرونا سے محفوظ نہیں، 6 لاکھ 70 ہزار مریضوں کا اندازہ، وزیراعلیٰ کو بھجوائی گئی سمری میں انکشاف

میری خالہ نے بتایا کہ ہمسائے کے لوگ کرونا کا شکار، کوئی موت کے ڈر سے ہسپتال جانے کو تیار نہیں، گھر میں جانیں دے رہے

20 سالہ عبدالرحمان نے ایکسپو قرنطینہ سے فون پر بتایا کہ سانس میں مسئلہ، لیکن آکسیجن نہیں دے رہے، صبح اطلاع ملی کہ آپکا بیٹا فوت ہوگیا ہے

‏ایکسپو لاہور600 مریضوں کو قرنطینہ کا کرایہ 55کروڑ، نیب چیئرمین کی آنکھیں یہاں کیوں بند ہیں؟ حنا پرویز بٹ

چیرمین این ڈی ایم اے لیفٹیننٹ جنرل محمد افضل نے قرنطینہ مراکز میں کئے گئے اقدامات کو سراہا اور کرونا وائرس سے بچاؤ کے لئے انتظامیہ کی کوششوں کی تعریف کی۔

ایکسپو سینٹر فیلڈ ہسپتال کے اخراجات، فیاض الحسن چوہان نے سب بتا دیا

پنجاب میں کورونا وائرس کے449نئے کیس، تعداد87,492 ہو گئی

باغی ٹی وی : ترجمان پرائمری اینڈ سیکنڈری ہیلتھ کیئر کے مطابق پنجاب میں کورونا وائرس کے449نئے کیس، تعداد87,492 ہو گئی۔
لاہورمیں 220،ننکانہ10،قصور2،شیخوپورہ2،راولپنڈی56،اٹک2،چکوال 1،جہلم 4اورگوجرانوالہ میں 14کیسز رپورٹ ہوئے۔ سیالکوٹ3،گجرات27،حافظ آباد2، منڈی بہاؤالدین 3،خانیوال1،وہاڑی9، فیصل آباد19،چنیوٹ 1،ٹوبہ4،جھنگ1 اور رحیم یار خان میں 3کیسز سامنے آئے۔

سرگودھا9،میانوالی 7،خوشاب 2،بہاولنگر5، بہاولپور6،لودھراں 3،ڈی جی خان11،مظفرگڑھ11، ساہیوال1، اوکاڑہ1اورپاکپتن میں 9کیسز رپورٹ ہوئے۔کورونا وائرس سے 13 مزید اموات، کل تعداد2026 ہو چکی ہیں۔ اب تک604,349ٹیسٹ کیے جا چکے ہیں۔ کورونا وائرس کو شکست دینے والوں کی تعداد 63,977 ہو چکی ہے۔
عوام سے گزارش ہے کہ حفاظتی تدابیر اختیار کرکے خود کو محفوظ بنائیں۔
Daily Sitrep 13-07-2020

کورونا وائرس کی علامات ظاہر ہونے پر فوراََ1033 پر رابطہ کریں۔
ہاتھوں کی صفائی میں ہی سب کی بھلائی