Category: کرونا اپڈیٹس

بیجنگ :چین سے پھربُری خبرآگئی، وائرس کی نئی لہر، جیلن شہر میں لاک ڈاؤن،اطلاعات کےمطابق چین کے شمال مشرقی شہر جیلن نے ایک مقامی کورونا وائرس کلسٹر کے وجود میں آنے کے بعد اپنی سرحدیں جزوی طور پر بند کر دی ہیں اور نقل و حمل کے رابطے منقطع کردیے ہیں۔شہر میں سامنے آنے والے نئے کیسز پر چین میں بیماریوں کی دوسری لہر کا خدشہ پیدا ہوگیا ہے۔

40 لاکھ سے زیادہ آبادی والے شہر جیلن نے بدھ کے روز بس سروس معطل کردی اور کہا کہ اس سے صرف اسی صورت میں رہائشیوں کو شہر چھوڑنے کی اجازت دی جائے گی جب ان کا گزشتہ 48 گھنٹوں میں کورونا وائرس ٹیسٹ منفی آیا ہوگا اور انہوں نے ’سخت آئی سولیشن‘ کی غیر معینہ مدت مکمل کی ہوگی۔

مقامی حکومت نے ایک بیان میں کہا کہ تمام سنیما گھر، ان ڈور جم، انٹرنیٹ کیفے اور دیگر منسلک تفریحی مقامات کو فوری طور پر بند کرنا چاہیے جبکہ فارمیسیز کو بخار اور اینٹی وائرل ادویات کی تمام فروخت کی اطلاع دینی چاہیے۔

ہفتے کے آخر میں شوالان کے نواحی علاقے میں انفیکشن کی ایک نئی لہر کی اطلاع ملی تھی، بدھ کے روز جیلن کے نائب میئر نے متنبہ کیا تھا کہ صورتحال ’انتہائی شدید اور پیچیدہ‘ ہے اور ’اس کے مزید پھیلاؤ کا خطرہ ہے‘۔بدھ کے روز اس شہر میں 6 نئے کیس رپورٹ ہوئے یہ تمام کیسز شولان سے جڑے ہوئے ہیں جس سے مقامی لانڈری سے منسلک کیسز کی کل تعداد 21 ہوگئی ہے۔اتوار کے روز شہر سے جانے ہونے والی ٹرینوں کے ساتھ ساتھ شولان نے عوامی آمد و رفت بھی بند کردی۔

سرکاری نشریاتی ادارے سی سی ٹی وی کے مطابق جیلن میں بدھ کی صبح مرکزی ریلوے اسٹیشن سے ٹرین سروسز بھی معطل کردی گئیں۔واضح ر ہے کہ چین بڑے پیمانے پر کورونا وائرس پر قابو پاچکا ہے جس کے بعد پورے ملک میں لاک ڈاؤن اور پابندی کو ختم کردیا گیا ہے۔

حالیہ دنوں میں ووہان میں کئی ہفتوں تک کسی کیس کے سامنے نہ آنے کے بعد نئے کیسز سے اس شہر کے تمام ایک کروڑ 10 لاکھ رہائشیوں کی ٹیسٹنگ کرنے کی مہم چلائی جارہی ہے جہاں گذشتہ سال کے اواخر میں کورونا وائرس سامنے آیا تھا۔واضح رہے کہ دنیا بھر میں کورونا وائرس کے کل کیسز کی تعداد 4 لاکھ 83 ہزار ہوگئی ہے جبکہ وائرس کے 2 لاکھ 92 ہزار سے زائد افراد ہلاک بھی ہوچکے ہیں۔

دنیا بھر میں کرونا کے وار تیزی سے جاری

باغی ٹی وی :عالمی وبا قرار دیے جانے والے کورونا وائرس سے پوری دنیا میں متاثرہ افراد کی تعداد 43 لاکھ 58 ہزار سے زائد ہو گئی ہے جبکہ جاں بحق افراد کی تعداد دو لاکھ 93 ہزار سے تجاوز کر گئی۔

پوری دنیا میں اب تک اپنے یقین، مضبوط قوت ارادی اور طاقتور مدافعتی نظام کی بدولت 16 لاکھ 11 ہزار سے زائد افراد کورونا کو شکست بھی دے چکے ہیں۔

خبر رساں ادارے کے مطابق امریکہ میں کورونا وائرس سے متاثرہ افراد کی تعداد 14 لاکھ 08 ہزار سے بڑھ گئی ہے جب کہ 83 ہزار 8 سو سے زائد اموات ریکارڈ کی جا چکی ہیں
امریکا تاحال کورونا وائرس سے سب سے زیادہ متاثرہ ملک ہے جہاں ناصرف کورونا مریض بلکہ اس سے ہلاکتیں بھی اب تک دنیا کے تمام ممالک میں سب سے زیادہ ہیں۔

امریکا میں کورونا وائرس سے اب تک 83 ہزار 425 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 14 لاکھ 8 ہزار 636 ہو چکی ہے۔

امریکا کے اسپتالوں میں 10 لاکھ 28 ہزار 465 کورونا مریض زیرِ علاج ہیں جن میں سے 16 ہزار 473 کی حالت تشویش ناک ہے جبکہ 2 لاکھ 96 ہزار 746 کورونا مریض اب تک شفایاب ہو چکے ہیں۔

اسپین میں کورونا کے اب تک 2 لاکھ 69 ہزار 520 مصدقہ متاثرین سامنے آئے ہیں جب کہ اس وباء سے اموات 26 ہزار 920 ہو چکی ہیں۔

کورونا وائرس سے روس میں کل اموات 2 ہزار 212 ہو گئیں جبکہ اس کے مریضوں کی تعداد 2 لاکھ 42 ہزار 271 ہو چکی ہے۔برطانیہ میں کورونا سے اموات کی تعداد 32 ہزار 692 ہوگئی جبکہ کورونا کے کیسز کی تعداد 2 لاکھ 26 ہزار 463 ہو گئی۔

اٹلی میں کورونا وائرس کی وباء سے مجموعی اموات 30 ہزار 911 ہو چکی ہیں، جہاں اس وائرس کے اب تک کل کیسز 2 لاکھ 21 ہزار 216 رپورٹ ہوئے ہیں۔فرانس میں کورونا وائرس کے باعث مجموعی ہلاکتیں 26 ہزار 991 ہوگئیں جبکہ کورونا کیسز 1 لاکھ 78 ہزار 225 ہو گئے۔

برازیل میں کورونا وائرس 12 ہزار 461 زندگیاں نگل چکا ہے جبکہ اس کے مریضوں کی تعداد 1 لاکھ 78 ہزار 214 تک جا پہنچی ہے۔جرمنی میں کورونا سے کُل اموات کی تعداد 7 ہزار 755 ہو گئی جبکہ کورونا کے کیسز 1 لاکھ 73 ہزار 274 ہو گئے

باغی ٹی وی کی رپورٹ کے مطابق 113 سالہ معمر خاتون نے کرونا کو شکست دے دی

سپین میں 113 سالہ خاتون نے کرونا کو شکست دی ہے، امریکہ میں پیدا ہونے والی 113 سالہ ماریہ سپین کے شر اولوت میں مقیم ہیں ان میں کرونا کی تشخیص ہوئی تھی جس کے بعد انہوں نے خود کو ہسپتال منتقل کرنے کی بجائے کیئر ہوم میں آئسولیٹ کر لیا تھا،اور کرونا وائرس کو شکست دے دی

کیئر ہوم کے ترجمان کا میڈیا سے گفتگو میں کہنا تھا کہ 113 سالہ ماریہ بیماری سے بچ گئیں اور اب ان کی حالت بہتر ہے۔معمر خاتون میں کرونا کی علامات ظاہر ہوئی تھیں، اب وہ بہتر محسوس کررہی ہیں، ان کا گزشتہ ہفتے ٹیسٹ ہوا تھا جس کا نتیجہ نیگیٹو رہا۔

کرونا وائرس کا شکار 113 سالہ یہ خاتون کئی ہفتوں تک اپنے کمرے میں محدود رہیں اور عملے کے صرف ایک فرد کو حفاظتی ملبوسات میں انہیں دیکھنے کی اجازت تھی۔

خاتون کی صحت یابی کے بعد مقامی ٹی وی نے خاتون کی ویڈیو بھی جاری کی جس میں وہ عملے کو بہت مہربان اور خیال رکھنے والا کہہ رہی ہیں، جب ایک ملازم نے ان سے لمبی زندگی کا راز پوچھا تو ان کا کہنا تھا کہ وہ خوش قسمت ہیں کہ انہیں اچھی صحت کا تحفہ ملا

کرونا لاک ڈاؤن، شادی کی خواہش رہی ادھوری، پولیس نے دولہا کو جیل پہنچا دیا

کرونا لاک ڈاؤن، گھر میں فاقے، ماں نے 5 بچوں کو تالاب میں پھینک دیا،سب کی ہوئی موت

کرونا میں مرد کو ہمبستری سے روکنا گناہ یا ثواب

لاک ڈاؤن ختم کیا جائے، شوہر کے دن رات ہمبستری سے تنگ خاتون کا مطالبہ

لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا

کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

لاک ڈاؤن ہے تو کیا ہوا،شادی نہیں رک سکتی، دولہا دلہن نے ماسک پہن کے کر لی شادی

کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم

113 سالہ ماریہ کی پیدائش 4 مارچ 1907 کو سان فرانسکو میں ہوئی تھی اور پہلی جنگ عظیم کے موقع پر اپنے خاندان کے ساتھ اسپین آئیں، وہاں انہوں نے 1918 میں اسپینش فلو کا بھی سامنا کیا تھا.