Category: کرونا اپڈیٹس

صرف دو روپے لیکر مریضوں کا علاج کرنیوالا ڈاکٹر کرونا کے باعث چل بسا
باغی ٹی وی کی رپورٹ کے مطابق صرف دو روپے لے کر مریضوں کا علاج کرنے والا ڈاکٹر کرونا وائرس کی وجہ سے جان کی بازی ہار گیا

بھارتی ریاست حیدرآباد میں مسلمان ڈاکٹر محمد اسماعیل حسین کی کرونا وائرس کی وجہ سے موت ہو گئی ہے، ان میں کرونا وائرس کی تشخیص ہوئی تھی،انہوں نے بیرون ملک کا سفر نہیں کیا تھا لیکن کرونا کے پھیلاؤ کے بعد انہوں نے اپنا کلینک بند کر دیا تھا اور کرونا رید زون میں جا کر مریضوں کا علاج کر رہے تھے جہاں سے ان میں کرونا وائرس کی تشخیص ہوئی.

76 سالہ ڈاکٹر اسماعیل حسین عوام میں مقبول تھے انکی موت کی خبر کے بعد ان سے علاج کروانے والوں کی انکے گھر کے باہر لائن لگ گئی ، بڑی تعداد میں شہری ان کے گھر پہنچ گئے،ڈاکٹر اسماعیل کسی مریض کو علاج سے انکار نہیں کرتے تھے،وہ صرف دو روپے میں مریض کا چیک اپ بھی کرتے تھے اور دوائی بھی دیتے تھے

ڈاکٹر اسماعیل حسین اتنے مقبول تھے کہ کرناٹک کے اضلاع اور تلنگانہ سے بھی مریض ان کے پاس علاج کے لئے آتے تھے. انکے محلے کی مسجد کے امام عبدالروف کا کہنا ہے کہ ڈاکٹر اسماعیل نے ہمیشہ عوام کی خدمت کی، انہوں نے جو کمایا تھا وہ مریضوں پر ہی لگا دیا، انہوں نے پیسے کی پرواہ نہیں کی اگر کسی کے پاس پیسے نہیں تو پھر بھی وہ علاج کرتے تھے کبھی کسی کو مایوس نہیں کیا.

ڈاکٹر اسماعیل سرکاری ڈاکٹر تھے جب ریٹائر ہوئے تو انہوں نے اپنا کلینک کھولا اور اسکی فیس دو روپے رکھی تھی بعد ازاں مریض انہیں اپنی خوشی سے دس یا بیس روپے دے جاتے تھے،وہ دو روپے لے کر علاج کرنے کے حوالہ سے علاقہ میں مشہور تھے انکے کلینک میں ہر وقت مریضوں کا رش لگا رہتا تھا اور جب تک وہ تمام مریضوں کو چیک نہ کر لیتے انہوں نے کبھی کلینک بند نہیں کیا نماز کا وقفہ ضرور کرتے تھے.

ڈاکٹر اسماعیل کے علاقے کے رہائشی سماجی رہنما چندر شیکھر جو ڈاکٹر اسماعیل کے دوست تھے وہ کہتے ہیں انکے کلینک میں ایک ڈبہ ہوتا تھا جس میں مریض چیک اپ کے بعد پیسے ڈالتے تھے،اور کبھی تو ایسا ہوتا کہ کم پیسے ڈال کر زیادہ واپس نکال لئے جاتے لیکن وہ کچھ نہ کہتے

ڈاکٹر اسماعیل کی وفات پر تمام علاقے میں سوگ کا سماں ہے، انکی آخری رسومات سرکاری قوانین کے مطابق ادا کی گئیں، نماز جنازہ میں انکے بیٹے سمیت 5 افراد کو شرکت کی اجازت دی گئی. انکے پسماندگان میں بیوہ کے علاوہ تین بیٹیاں اور ایک بیٹا شامل ہے.

ایک ہی خاندان کے 11 افراد میں کرونا وائرس کی تشخیص
باغی ٹی وی کی رپورٹ کے مطابق ایک ہی خاندان کے 11 افراد میں کرونا وائرس کی تشخیص ہوئی ہے

بھارتی علاقے پرانی دہلی کی جامع مسجد کے قریب چوڑی والا علاقہ میں ایک ہی خاندان کے 11 افراد میں کرونا وائرس کی تشخیص ہوئی ہے، ان میں 2 ماہ اور 12 سال کے بچے بھی شامل ہیں، اس خاندان کے تمام افراد نے پرائیویٹ طور پر اپنا کرونا کا ٹیسٹ کروایا تھا تب ان سب کی رپورٹ مثبت آئی.

دہلی کے چوڑی والا علاقہ میں کئی جگہ پر دو گھروں کے درمیان دو میٹر کی دوری بھی نہیں ہے اور اس وجہ سے لوگوں میں وائرس پھیلنے کا خطرہ بہت زیادہ ہے۔ چوڑی والا جامع مسجد سے تقریباً آدھے کلو میٹر کے فاصلے پر یہ لوگ رہائش پذیر ہیں اور تین بھائیوں کی دیملیاں ایک ساتھ رہتی ہین، اس خاندان میں کل 18 افراد ہیں جن میں سے 11 میں کرونا کی تشخیص ہو چکی ہے جبکہ سات محفوظ ہیں.

بھارتی میڈیا کے مطابق اس خاندان کے ایک شخص نے بیرن ملک کا سفر کیا تھا اور اس میں کرونا کی تشخیص ہو چکی تھی لیکن اس سے قبل وہ اپنے خاندان والوں کو مل چکا تھا، وہ شخص ہسپتال میں زیر علاج تھا کہ اسکے خاندان کے دیگر افراد کے ٹیسٹ کروائے گئے جن میں سے 11 کے مثبت آ گئے ان سب کو دہلی کے ایل این جے پی ہسپتال میں‌ داخل کروا دیا گیا ہے.

ایک ہی خاندان کے 11 افراد میں کرونا کی تشخیص کے بعد محکمہ صحت کی ٹیمیں علاقہ میں پہنچ چکی ہیں اور ان افراد سے جو لوگ رابطے میں آئے تھے ان کو تلاش کیا جا رہا ہے انکے بھی ٹیسٹ کروائے جائیں گے،انکے پڑوسیوں کے بھی ٹیسٹ کروائے جائیں گے

واضح رہے کہ دہلی میں کرونا وائرس کے 2 ہزار سے زائد مریض سامنے آ چکے ہیں، بھارت میں کرونا وائرس کی وجہ سے 3 مئی تک لاک ڈاؤن نافذ ہے.

قرنطینہ مرکز میں وقت پر کھانا نہ ملنے سے تبلیغی جماعت کے رکن کی ہوئی موت

باغی ٹی وی کی رپورٹ کے مطابق قرنطینہ مرکز میں کھانا وقت پر نہ ملنے سے کرونا کے مریض کی موت ہو گئی، مریض شوگر کے عارضہ میں بھی مبتلا تھا

واقعہ بھارت میں پیش آیا، دہلی کے سلطانپوری علاقہ میں واقع قرنطینہ مرکز میں ایک 50 سالہ شخص کی موت ہوئی ہے اس کا تعلق تبلیغی جماعت سے تھا۔ قرنطینہ مرکز میں اس مرحوم شخص کے ساتھ رہنے والے لوگوں کا الزام ہے کہ شوگر کا مریض ہونے کے باوجود اس شخص کو نہ وقت پر دوا دی گئی، نہ ہی اس کو وقت پر کھانا دیا گیا۔ دوا اور کھانا دینے کے لئے قرنطینہ مرکز کے اسٹاف اور ڈاکٹرس سے بار بار درخواست بھی کی گئی تھی

بھارتی ریاست تامل ناڈو کے کوئمبٹور کے رہنے والے محمد مصطفی کو راجیو گاندھی سپر اسپیشلٹی اسپتال سے چار روز قبل سلطانپوری میں واقع قرنطینہ مرکز میں منتقل کیا گیا تھا اورانکی دوبارہ کرونا ٹیسٹ کی رپورٹ بھی نہیں آئی تھی۔ محمد مصطفی 19 مارچ کو تمل ناڈو سے دہلی میں تبلیغی جماعت کے اجتماع میں شرکت کے لئے آئے تھے اور 24 مارچ کو انہیں اپنے ساتھیوں کے ساتھ واپس جانا تھا لیکن 24 مارچ کی رات کوگیر لاک ڈاون کے اعلان کے بعد وہ نہیں جاسکے۔

31 مارچ کو انہیں راجیو گاندھی سپر اسپیشلٹی اسپتال لے جایا گیا تھا جہاں ان میں کرونا وائرس کی تشخیص ہوئی تھی، مصطفی کی اہلیہ کا کہنا تھا مصطفی ڈاکٹرز سے شوگر کی دوا اور وقت پر کھانے کی گزارش کرتا رہا، لیکن کسی نے اس کی نہیں سنی۔ اس نے مجھ سے کہا تھا کہ اگر اس کو وقت پر کھانا اور دوا ملتی رہے تو وہ ٹھیک ہو جائیں گے لیکن اب تو میں ان کو آخری بار بھی نہیں دیکھ پاوں گی مصطفی کے اہل خانہ میں اہلیہ اور دو لڑکے ہیں۔

کورونا کا خوف ، معمر خاتون کی لاش گھر والوں نے کنوئیں میں پھینک دی

باغی ٹی وی کی رپورٹ کے مطابق کرونا کے خوف سے گھر والوں نے 65 سالہ خاتون کی لاش کنویں میں پھینک دی

واقعہ بھارت میں پیش آیا جہاں جھار کھنڈ کے مشرقی سنگھ بھوم کے علاقہ بہرا گوڑا میں ایک 65 سالہ خاتون کی کرونا وائرس سے موت ہوئی تو اسکے رشتے داروں نے آخری رسومات ادا کرنے کی بجائے اسکی لاش کو کنویں میں پھینک دیا

خاتون کا کرونا ٹیسٹ مثبت آیا تھا لیکن وہ صحتیاب ہو گئی تھی، اسکا ٹیسٹ منفی آ چکا تھا لیکن بعد میں جب وہ ہسپتال سے گھر گئی تو اسکی موت ہو گئی اسکے خاندان والوں نے آخری رسومات کی ادائیگی کے بجائے لاش کو کنویں میں پھینک دیا، علاقے کے لوگوں نے اسکی آخری رسومات میں شرکت سے انکار کر دیا تھا،

کرونا لاک ڈاؤن، گھر میں فاقے، ماں نے 5 بچوں کو تالاب میں پھینک دیا،سب کی ہوئی موت

کرونا میں مرد کو ہمبستری سے روکنا گناہ یا ثواب

لاک ڈاؤن ختم کیا جائے، شوہر کے دن رات ہمبستری سے تنگ خاتون کا مطالبہ

کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

لاک ڈاؤن ہے تو کیا ہوا،شادی نہیں رک سکتی، دولہا دلہن نے ماسک پہن کے کر لی شادی

کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم

کرونا لاک ڈاؤن، مودی کے بھارت میں خواتین اور بچوں کے ساتھ زیادتی کے واقعات میں کمی نہ آ سکی

واٹس ایپ کے ذریعے فحش پیغام بھیجنے والا ملزم ہوا گرفتار، کئے ہوش اڑا دینے والے انکشاف

شادی سے انکار، لڑکی نے کی خودکشی تو لڑکے نے بھی کیا ایسا کام کہ سب ہوئے پریشان

واضح رہے کہ بھارت میں یہ پہلا ایسا واقعہ نہیں بلکہ کئی ایسے واقعات پیش آ چکے ہیں جہاں کرونا سے مرنے والے ہندوؤن کی آخری رسومات کی ادائیگی کے لئے کوئی تیار نہین ہوتا انکے خاندان والے بھی کرونا سے ڈر جاتے ہیں تب مسلمان گھروں سے نکلتے ہیں اور انکی آخری رسومات کی ادائیگی کرتے ہیں، بھارت میں کم ازکم چھ ایسے واقعات پیش آ چکے ہیں.

کرونا وائرس، کڑی تنقید کے بعد تبلیغی جماعت کو اب بھارت میں ” ہیرو” کہا جانے لگا
باغی ٹی وی کی رپورٹ کے مطابق بھارت میں کرونا وائرس سے تباہی جاری ہے، کرونا وائرس کو لے کر بھارت میں تبلیغی جماعت پر کڑی تنقید کی گئی کرونا وائرس کو تبلیغی وائرس کہا گیا تا ہم اب بھارت میں تبلیغی جماعت کے اراکین نے ایسا کام کر دیا کہ بھارت تبلیغی جماعت کے اراکین کو ہیرو کہنے پر مجبور ہو گیا

دہلی کے نظام الدین مرکز میں بھارتی ریاست تامل ناڈو سے شرکت کرنے والے تبلیغی جماعت کے وہ اراکین جن میں کرونا وائرس کی تشخیص ہوئی تھی اور وہ صحتیاب ہو گئے ہیں، انہوں نے کرونا کے مریضوں کے علاج کے لئے پلازمہ عطیہ کرنے کا اعلان کیا ہے جس کے بعد تبلیغی جماعت کے اراکین جن پر کڑی تنقید کی گئی تھی کو بھارت میں ہیرو کہا جا رہا ہے اور یہ بھی کہا جا رہا ہے کہ بھارت سے تبلیغی جماعت ہی کرونا کا خاتمہ کر سکتی ہے

دہلی کے نظام الدین مرکز میں شرکت کرنے والے تبلیغی جماعت کے اراکین کو نہ صرف ہراساں کیا گیا بلکہ ان کے خلاف مقدمے بھی درج کئے گئے، ٹویٹر پر ٹرینڈ چلائے گئے لیکن مشکل کی اس گھڑی میں تبلیغی جماعت ہی کرونا وائرس سے بچاؤ کے لئے میدان میں آئی اور رضاکارانہ طور پر پلازمہ عطیہ کرنے کا اعلان کیا ہے، تامل ناڈو کے ایک ہزار سے زائد تبلیغی اراکین جن کا کرونا ٹیسٹ پہلے مثبت پھر منفی آیا تھا انہوں نے خود کو پیش کر دیا ہے،تامل ناڈو میں 1629 مریض سامنے آئے تھے جن میں سے 1300 افراد نے دہلی اجتماع میں شرکت کی تھی.

کرونا وائرس کے علاج کے لئے پلازمہ تھراپی کے استعمال کے حوالہ سے ڈاکٹر کا کہنا ہے کہ یہ تھراپی اس صورت میں استعمال کی جاتی ہے جب دوا سے مریض کا علاج نہ ہو سکے، اسلئے اسے پلازمہ دیا جاتا ہے اور مریض صحتیاب ہو جاتا ہے، اینٹی باڈیز سے مریض میں قوت مدافعت پیدا ہوتی ہے. پلازمہ کے لئے خون عطیہ کرنے والے کا بیماری سے صحتیاب ہونا ضروری ہے،اسکے لئے اس بات کا خیال رکھا جاتا ہے کہ مریض جو صحتیاب ہوا کم ازکم اسے دو ہفتے گزر چکے ہوں،

تامل ناڈو میں ایمن کالج آف آرٹس اینڈ سائنس فار ویمن کے ڈائریکٹر ، ایم ایم محمد ، پہلے کور ونا وائرس سے متاثر ہوئے تھے اور انکا ٹیسٹ بھی مثبت آیا تھا ۔ ایم ایم محمد کا کہنا ہے کہ اگر ڈاکٹر ان سے کہیں گے تو وہ اپنا پلازما عطیہ کرنے کو تیار ہیں۔میری عمر 68 سال ہے۔لیکن اگر ڈاکٹر مجھے مشورہ دیں گے تو میں تیار ہوں۔ انہیں 16 اپریل کو تریچی جنرل اسپتال سے ڈسچارج کیا گیا تھا۔ ایم ایم محمد کا کہنا تھا کہ مسلمانوں میں خون کا عطیہ بہت عام ہے۔ اگر ہمیں موقع ملا تو ہم مذہب یا دیگر اختلافات سے قطع نظر بھی انسانیت کی مدد کے لئے آگے آئیں گے۔

اس ضمن میں تامل ناڈو کے مقامی علماء کرام اور دیگر سماجی کارکنان بھی مختلف اضلاع میں تبلیغی جماعت کے صحتیاب مریضوں سے رابطہ کر رہے ہیں،پلازمہ عطیہ کرنے کے لئے تیار افراد کی ایک لسٹ تیار کی جا رہی ہے، دہلی نظام الدین مرکز کے امیرمولانا سعد کاندھلوی نے تبلیغی جماعت کے اراکین سے پلازمہ عطیہ کرنے کی اپیل کی تھی جس پر تبلیغی جماعت کے اراکین میدان میں آئے اور ایک ہزار کے قریب اراکین نے اپنے نام لکھوا دیئے.

تامل ناڈو کے ہسپتالوں سے صحتیاب ہونے والے مریضوں کو ایک فارم بھی دیا جا رہا ہے جس میں ان سے پوچھا گیا ہے کہ کیا وہ پلازمہ عطیہ کریں گے، اس فارم پر سوائے تبلیغی جماعت کے اراکین کے کسی نے بھی پلازمہ عطیہ کرنے کی حامی نہیں بھری، دہلی کے اجتماع میں شرکت کرنے والے اراکین جو کرونا سے صحتیاب ہو چکے ہیں انہون‌نے تامل ناڈو کے علاوہ دیگر ریاستوں میں بھی پلازمہ عطیہ کرنے کا اعلان کیا ہے،اب وہی بھارتی میڈیا جو تبلیغی جماعت کے اراکین کو تبلیغی وائرس، کرونا جہاد کہہ رہا تھا اب بھارت کے لئے ہیرو قرار دے رہا ہے، تبلیغی جماعت کے اراکین کا کہنا ہے کہ ہم انسانیت کو بچائیں گے اور بلا تفریق سب کے لئے پلازمہ دیں گے،

تمل ناڈو حکومت پلازما تھراپی کے استعمال کے لئے انڈین کونسل آف میڈیکل ریسرچ (آئی سی ایم آر) سے منظوری کی منتظر ہے ابھی تک ریاستی سرکار کو اجازت نہیں ملی جیسے ہی اجازت ملے گی پلازمہ سے مریضوں کا علاج شروع کر دیا جائے گا.

دوسری جانب دہلی کے ایک ہسپتال میں 14 اپریل کو ایک مریض کو پلازمہ منتقل کیا گیا تھا، 49 سالہ مریض کو وینٹی لیٹر پر رکھا گیا تھا اسکے والد کا بھی کرونا سے موت ہو گئی تھی جبکہ والدہ میں بھی کرونا کی تشخیص ہوئی تھی،جو اب صحتیاب ہو چکی ہیں، مریض کی بگڑتی حالت کو دیکھتے ہوئے اسکے رشتے داروں نے پلازمہ تھراپی کا کہا جس پر ڈاکٹر نے ایک ایسے شخص کو راضی کیا جو کرونا سے صحتیاب ہو چکا تھا اس نے پلازمہ عطیہ کیا اور دوسرے مریض کو لگا دیا گیا، پلازمہ تھراپی کے بعد مریض کی حالت بہتر ہو گئی اور صرف 5 دن بعد 19 اپریل کو مریض کا کرونا کا ٹیسٹ منفی آیا، مریض کا دوبارہ ٹیسٹ کیا گیا وہ بھی منفی آیا.