Category: کرونا اپڈیٹس

لاہور:کرونا اورترقی ساتھ ساتھ ، پنجاب کی تاریخ میں پہلی بار بورڈ آف ریونیواب ہرکسی کے سامنے ہرکسی کی پہنچ میں‌،اطلاعات کے مطابق سینئر ممبر بابر حیات تارڑ کا بڑا اقدام، بورڈ آف ریونیو پنجاب کو تاریخ میں پہلی مرتبہ ڈیجٹلائزیشن کی دوڑ میں شامل کردیا، ریونیو جوڈیشل کیسز، سرکاری اراضی کا اہم ریکارڈ کی آن لائن فراہمی سمیت محکمہ کی ویب سائٹ بھی فعال ہوگی۔

پنجاب انفارمیشن ٹیکنالوجی بورڈ کے تعاون سے بورڈ آف ریونیو کے جوڈیشل کیسز کی آن لائن ڈیٹا انٹری کا منصوبہ شروع کردیا گیا، منصوبہ کے پہلے مرحلہ میں ریونیو جوڈیشل کیسز کی 9 ہزار فائلز کو آن لائن کیا جا رہا ہے جن میں انتقال، سیٹلمنٹ، اشتمال، کالونیز، ٹیکسز، کے معاملات شامل ہیں۔سنیئر ممبر بابر حیات تارڑ کا کہنا تھا کہ زیر سماعت ریونیو کیسز کی ضلعی سطح پر آن لائن اپ ڈیٹ جبکہ مدعیوں کو آئندہ ایم ایس ایس کے ذریعے کیس کی تاریخ بارےآگاہ کیا جائے گا۔

بابر حیات تارڑ نے مزید بتایا کہ بورڈ آف ریونیو کے ذیلی محکموں کو بھی ڈیجٹلائزیشن کے راستے نئی جدت دی جا رہی ہے، بورڈ آف ریونیو کی ویب سائٹ، ای لائبریری، سرکاری اراضی کا ڈیجیٹل ریکارڈ، نقشہ جات بھی منصوبہ کا حصہ ہیں۔

بابر حیات تارڑنے بتایا گیا کہ ڈیجٹلائزیشن کے دوسرے مرحلہ میں تمام کمشنر، ڈپٹی کمشنر اور ایڈیشنل کمشنرز کے کیسز بھی آن لائن ریکارڈ بینک کا حصہ ہونگے جن کی بروقت فیصلہ سازی ممکن ہو سکے گی۔علاوہ ازیں پنجاب لینڈ ریکارڈ اتھارٹی نے لاہور سمیت پنجاب بھر میں اراضی ریکارڈ سنٹرز کھول دیئے، شہر بھر کے اراضی ریکارڈ سنٹرز کو مخصوص سٹاف کے ساتھ کھولا گیا۔

ذرائع کے مطابق شہری سنٹرز جانے سے پہلے دیئے گئے ہیلپ لائن نمبر 042111222277 پر بکنگ کروا کر سنٹرز پر جائیں گے، ایک روز قبل کروائی جانیوالی بکنگ پر ہی سنٹرز میں داخل ہونے اور فرد لینے لی سہولت ہو گی، اراضی ریکارڈ سنٹرز کے انچارج کو بکنگ لسٹیں صبح نو بجے دفاتر کے باہر آویزاں کرنے کی ہدایات دی گئی ہیں

لاہور:کرونا وائرس نے پنجاب حکومت کی امیدوں پرپانی پھیردیا ، کپتان اورکھلاڑی پریشان ،اطلاعات کےمطابق کرونا وائرس کی وبا سے پنجاب میں مالی بحران بڑھ گیا، پنجاب حکومت نے ترقیاتی منصوبوں پر مزئد فنڈز کے اجرا پر پابندی عائد کر دی۔ آئندہ سے اب کسی منصوبے اور محکمے کو ترقیاتی فنڈز جاری نہیں ہوں گے۔

تفصیلات کے مطابق کورونا وائرس کی وبا سے پنجاب میں مالی بحران بڑھ گیا ہے اور پنجاب حکومت نے ترقیاتی منصوبوں پر مزید فنڈز کے اجرا پر پابندی عائد کر دی ہے۔ذرائع کے مطابق آئندہ سے کسی منصوبے اور محکمے کو ترقیاتی فنڈز جاری نہیں ہوں گے، منصوبوں کے لئے مختص موجودہ فنڈز اب دیگر انتظامی معاملات پرخرچ ہوں گے اور مختلف منصوبوں کیلئے مختص فنڈز اب زیادہ ترہیلتھ سیکٹر کو منتقل ہوں گے۔

ذرائع کا کہنا ہے کہ 50 ارب سے زائد کا ترقیاتی فنڈ ابھی محکمہ پی اینڈ ڈی کے پاس ہے، مذکورہ فنڈز اب حکومتی احکامات پر نان ڈویلپمنٹ سیکٹر کو جاری ہوں گے اور کورونا وباء سے موجودہ بجٹ میں محصولات کم ہوئیں اور اخراجات بڑھ گئے۔

کورونا وائرس سے نمٹنے کے لیے حکومت پنجاب کی جانب سے ہنگامی بنیادوں پر اقدامات کیے جارہے ہیں جس سےحکومت کوموجودہ بجٹ میں خسارے کا بھی سامنا کرنا پڑرہا ہے, ذرائع کے مطابق حکومتی احکامات پر پی اینڈ ڈی بورڈ کے حکام نے اس مشکل وقت میں مختلف منصوبوں کو نظرانداز کر کے چھ ارب روپے کے فنڈز نان ڈویلپمنٹ کے لیے منتقل کر دیئے ہیں جوکرنٹ بجٹ میں انتظامی اور دیگراخراجات پریہ فنڈز استعمال کیے جائیں گے۔

پنجاب میں کورونا وائرس سے انتظامی اخراجات مزید بڑھ رہے ہیں، ٹیکس کی مد میں محصولات نہ ہونے کے باعث بجٹ خسارے میں جارہا ہے، خسارے میں انتظامی اخراجات پورے کرنے کے لیے ڈویلپمنٹ کا بجٹ استعمال کرنا ہوگا۔

دوسری جانب پی اینڈ ڈی بورڈ کی رپورٹ کے مطابق کورونا کی تباہ کاریوں سے پنجاب کو کھربوں روپے کا نقصان ہوگا اس حوالے سے پی اینڈ ڈی بورڈ نے رپورٹ تیار کی ہے اور وزیر اعلی کو پنجاب کو رپورٹ ارسال کردی گئی ہے، رپورٹ کے مطابق کورونا کی وجہ سے پنجاب حکومت کو 18 کھرب روپے تک نقصان کا تخمینہ لگایا گیا ہے اور کورونا کے باعث پنجاب کا جی ڈی پی بھی 9 فیصد تک کم ہو جانے کا خدشہ، ہر ماہ ایک فیصد تک مزید کم ہوگا

ادھر ذرائع کےمطابق اس حوالے سے وزیراعظم عمران خان اورپارٹی قیادت سخت پریشان ہے اور ان کے پنجاب کوترقی یافتہ بنانے کے خواب کوبہت زیادہ دھچکہ لگا ہے ،یہ بھی معلوم ہوا ہے کہ کپتان نے اپنی ٹیم کو تسلی دیتے ہوئے کہا ہےکہ جذبے جن کے جوان ہوں وہ گھبرایا نہیں کرتے

لاہور:کرونا وائرس کی تباہ کاریاں اپنی جگہ ، مگر ایک خوشخبری بھی ہے اہل وطن کے لیے ،اطلاعات کے مطابق ایک طرف کرونا وائرس نے تباہیاں پھیلا رکھی ہیں اورکہیں یہ غم دے کرجارہا ہے تو کہیں روشن راتوں کوتاریک کررہا ہے ، ان حالات میں اہل وطن کے لیے کسی خوشخبری کا آنا کسی نعمت سے کم نہیں ، اطلاعات کےمطابق ٹائمز ہائیر ایجوکیشن نے دنیا کی یونیورسٹیز کی امپیکٹ رینکنگ جاری کر دی، 85 ممالک کی 766 یونیورسٹیوں میں پاکستان کی 23 یونیورسٹیز بھی شامل ہیں، جینڈر ایکوالیٹی کیٹیگری میں لاہور کالج کو پاکستان کی نمبر ون یونیورسٹی قرار دیا گیا ہے۔

ٹائمز ہائیر ایجوکیشن نے دنیا کے 85 ممالک کی 766 یونیورسٹیوں کی جانچ پڑتال کی ہے، رینکنگ کے مطابق پہلی 200جامعات میں پاکستان کی کامسیٹس یونیورسٹی بھی شامل ہوگئی ہے جبکہ امپکٹ رینکنگ کی جینڈر ایکوالیٹی کیٹیگری میں لاہور کالج فار ویمن یونیورسٹی کا پاکستان میں پہلا نمبر ہے اور اسی کیٹیگری میں عالمی جامعات کی فہرست میں 15 واں نمبر ہے، اس رینکنگ میں لاہور سے آٹھ جامعات شامل ہیں۔

پہلی دو سو جامعات میں یونیورسٹی آف ویٹرنری اینڈ اینیمل سائنسز بھی شامل ہے جبکہ رینکنگ میں یونیورسٹی آف لاہور، یونیورسٹی آف مینجمنٹ اینڈ ٹیکنالوجی، یونیورسٹی آف ایجوکیشن، یونیورسٹی آف انجنیئرنگ اینڈ ٹیکنالوجی، گورنمنٹ کالج یونیورسٹی اور کنگ ایڈورڈ میڈیکل یونیورسٹی کا نام شامل ہے۔دوسری طرف اس رپورٹ میں کہا گیا ہےکہ موجودہ حکومت کی بہترین تعلیمی پالیسیوں سے نظام تعلیم میں بہتری آرہی ہے،

امریکی ادارے ٹائمز ہائیر ایجوکیشن کا کہنا ہےکہ ایشیائی یونیورسٹیوں میں پاکستان کی نمائندگی میں اضافہ اچھی بات ہے، اس سال پاکستان نے اوسطا بہتر نتائج حاصل کئے ہیں، جبکہ اس سے قبل شعبے میں پاکستانی جامعات کمزور تھیں۔

واضح رہے کہ 2018 میں پاکستان کی 9 جبکہ لاہورکی 4 جامعات ٹائمز ہائر ایجوکیشن کی عالمی درجہ بندی میں اپنی جگہ بنا سکی تھیں جن میں جی سی یونیورسٹی لاہور چھٹے نمبر پر تھی، عالمی رینکنگ میں پاکستان کی کامسیٹس انسٹیٹیوٹ آف انفارمیشن ٹیکنالوجی، زرعی یونیورسٹی (فیصل آباد)، نیسٹ اسلام آباد، بہاؤالدین زکریا یونیورسٹی (ملتان)، یونیورسٹی آف انجینئرنگ اینڈ ٹینکنالوجی (لاہور)، یونیورسٹی آف لاہور، پیمز ارڈ ایگریکلچر یونیورسٹی (راولپنڈی) اور یونیورسٹی آف ویٹرنری اینڈ ہیلتھ سائنسز (لاہور) شامل تھیں

لاہور:کورونا وائرس سے بچاؤ کیلئے پی آئی اے کی نئی حکمت عملی،جس کا ٹیسٹ آئے گا مثبت وہ کہاں جائے گا یہ بھی بتادیا ،اطلاعات کے مطابق دوران پرواز فضائی میزبانوں اور مسافروں کے کورونا وائرس سامنے آنے کا معاملہ، کورونا سے متعلق پی آئی اے انتظامیہ نے نئے احکامات جاری کردیے۔

پی آئی اے حکام کی جانب سے جاری ہونے والے احکامات کے مطابق دوران پرواز فضائی میزبان اور مسافروں کو کورونا کی نشاندہی ہونے پر آئیسولیٹ کیا جائے گا، ایسے کریو کو فوری الگ کردیا جائے اور مسافروں کو دوران پرواز کورونا ہونے پر حفاظتی ڈریس، دستانے، چشمہ پہن کر ڈیل کیا جائے۔

پی آئی اے انتظامیہ کے نئے احکامات کے مطابق کورونا والے مسافر کے لیے علیحدہ واش روم بھی پرواز میں رکھا جائے، کورونا والے مسافر یا کریو کو جہاز کی لینڈنگ کے بعد ہیلتھ اتھارٹیز خود اپنے ساتھ لے جائیں گی۔بیرون ملک پھنسے پاکستانیوں کی وطن واپسی کیلئے پی آئی اے 24 اور 25 اپریل کو لاہور سے 5خصوصی پروازیں آپریٹ کرے گی۔ پی آئی اے حکام نے لاہور ائیرپورٹ انتظامیہ کو آگاہ کر دیا۔

پی آئی اے لاہور سے مانچسٹر، ٹورنٹو، میلبورن اور لندن کیلئےپروازیں آپریٹ کرے گی۔24اپریل کو پی آئی اے کی پرواز پی کے 709 صبح 8بجے کے قریب لاہور سے مانچسٹر جائے گی۔24اپریل کو ٹورنٹو سے فیری فلائیٹ پی کے 784 دوپہر کو لاہور آئے گی۔جبکہ تیسری پرواز پی کے 8962 شام پانچ بجے میلبورن روانہ ہوگئی۔25اپریل کو پی آئی اے کی فیری فلائیٹ پی کے 710 مانچسٹر سے لاہور آئے گی۔ 25اپریل کو ہی پی آئی اے کی پرواز پی کے 757 لندن روانہ ہو گی۔

یاد رہے ذرائع کے مطابق 15اپریل کو جدہ سے بذریعہ سعودی ائیرلائن آنے والے 255 مسافروں کے ٹیسٹ کیے گئے تھے۔ جن میں سے 47مسافروں کی رپورٹ مثبت آئی، جبکہ 16اپریل کو مسقط سے لاہور آنے والی سلام ائیر کی پرواز سے 15مسافروں کے کورونا ٹیسٹ مثبت آئے،بذریعہ سلام ائیر مسقط سے آنے والے 176مسافروں کے ٹیسٹ کیے گئے تھے۔ ذرائع کے مطابق مسافروں کو 48 گھنٹے تک قرنطینہ میں رکھا گیا تھا، مسافروں کی کورونا رپورٹ مثبت آنے پر آئسولیشن وارڈ منتقل کردیا گیا۔

لاہور:محکمہ تعلیم نے اساتذہ اورافسران کوموبائل فون بند نہ رکھنے کا حکم ، کیوں دیا گیا ، اہم خبرآگئی ،باغی ٹی وی کے مطابق حکومت پنجاب سکول ایجوکیشن ڈیپارٹمنٹ نے صوبے کے اساتذہ اورایجوکیشن مینجرز کے لیے ایک ایس اوپیز جاری کیا ہےجس میں‌ پچھلے ماہ دئے گئے حکم نامے کی توثیق کی گئی ہے

باغی ٹی وی کے مطابق اس حکم نامے میں کہا گیا ہے کہ تمام اساتذہ اورایجوکیشن آفیسرز اپنا موبائل فون بند نہیں کریں گے یہ موبائل فون ہر وقت آن ہونا چاہیے ، یہ بھی کہا گیا ہے کہ خلاف ورزی کرنے والوں کے خلاف ایکشن لیا جائے گا

ذرائع کےمطابق حکام کا کہنا ہےکہ یہ فیصلہ اس لیے کیا گیا ہے کیونکہ حکومت کو یہ اطلاعات ملی تھیں کہ ڈیوٹی تائمنگ کے دوران اکثرموبائل فون بند رہتے ہیں ، حکام کا کہنا ہےکہ یہ فیصلہ کرونا سے بچاو کے حفاظتی اقدامات کے طورپرکیا گیا ہے