Category: کرونا اپڈیٹس

دبئی :کرونا نے حکومت کو کچھ تو”کروناں” پرمجبورکردیا ، نوجوانوں کو آن لائن شادیوں کی اجازت دینے کا فیصلہ کرلیا ،اطلاعات کے مطابق متحدہ عرب امارات (یو اے ای) کی حکومت نے کورونا وائرس کے پھیلاؤ سے بچنے کے لیے لاک ڈاؤن کے دوران آن لائن شادیوں کے منصوبے کا اعلان کردیا۔

کورونا وائرس کی وجہ سے لاک ڈاؤن نافذ کیے جانے کے بعد مجمع اور شادیوں کی تقاریب پر پابندی کی وجہ سے وہاں کی حکومت نے آن لائن شادیوں کا منصوبہ متعارف کرایا ہے، جس کا مقصد لوگوں کی ذہنی صحت کو برقرا رکھنا ہے۔

متحدہ عرب امارات میں بھی دنیا کے دیگر ممالک کی طرح گزشتہ ماہ مارچ کے آغاز سے کورونا وائرس کے حفاظتی اقدامات کے پیش نظر لاک ڈاؤن نافذ ہے اور وہاں پر عوامی تقاریب پر بھی پابندی عائد ہے۔ تعلیمی ادارے، مذہبی عبادت گاہیں اور عوامی مقامات کو بند کردیا گیا ہے، وہیں عدالتوں میں بھی کم سے کم رش لگانے کے احکامات جاری کیے گئے ہیں، جس وجہ سے وہاں پر شادیوں و طلاقوں کے معاملات محدود ہو چکےہیں۔

سعودی عرب کے اخبار سعودی گزٹ نے اپنی رپورٹ میں ایک اور عرب نشریاتی ادارے کی رپورٹ کا حوالہ دیتے ہوئے بتایا کہ متحدہ عرب امارات کی وزارت انصاف نے آن لائن شادیوں کا منصوبہ متعارف کراتے ہوئے شادی کے خواہش مند جوڑٖوں کو تجویز دی ہے کہ وہ شادی کے لیے کچھ دن قبل ہی شادی کے سرکاری دفاتر میں اپنی شادی کے دستاویزات بھجوائیں۔

وزارت کے مطابق شادی کے خواہش مند افراد کی جانب سے بھجوائے گئے مکمل دستاویزات کی تفتیش کے بعد شادی کے لیے مختص فیملی کورٹ کے دفاتر جوڑے کو نکاح کے لیے پہلے مطلع کریں گے، جس کے بعد ہی ان کا آن لائن نکاح کرایا جائے گا۔

منصوبے کے تحت عدالتیں خود ہی گواہوں سے رابطہ کرکے انہیں بھی آن لائن شادی کے طریقہ کار سے آگاہ کریں گی اور پھر نکاح سمیت شادی کی دیگر تمام رسومات آن لائن ادا کرکے جوڑوں کو سرٹیفکیٹ فراہم کردیے جائیں گے۔

شادی کے خواہش مند افراد کو اپنی اپنی ریاستوں کی شادی سے متعلق عدالتوں کی بنائی گئی ویب سائٹ پر آن لائن دستاویزات جمع کروانے ہوں گے اور ان دستاویزات کا پہلے عدالتی عملہ جائزہ لے گا، جس کے بعد کسی بھی جوڑے کی شادی کروائی جائے گی۔

وزارت انصاف کے مطابق مذکورہ منصوبہ متحدہ عرب امارات کے نوجوان افراد کی ذہنی صحت کو برقرار رکھنے یا اس میں بہتری لانے کے لیے بنایا گیا ہے تاکہ مشکل کی اس گھڑی میں وہ شادی نہ ہونے کے باعث ذہنی اضطراب یا دباؤ کا شکار نہ ہوں۔

خیال رہے کہ متحدہ عرب امارات میں 14 اپریل کی دوپہر تک کورونا وائرس سے متاثرہ افراد کی تعداد بڑھ کر 4 ہزار 500 سے زائد ہو چکی تھی جب کہ وہاں 25 ہلاکتیں بھی ہو چکی تھیں۔

لاک ڈاؤن کی پابندی کروانے کے لیے انوکھا اور عجیب کام

باغی ٹی وی :انڈونیشیا کے ایک گاؤں میں کرونا لاک ڈاوُن کو مزید مؤثر بنانے اور لوگوں کو گھروں تک محدود کرنے کے لیے نوجوانوں کے ایک گروپ نے خوفناک بھوت نما رضاکار سڑکوں پر اتار دیے۔

مقامی ذرائع ابلاغ مطابق کے آبادی کے لحاظ سے چوتھے بڑے ملک کے صوبے جاوا کے ایک کے پووح نامی گاوُں میں لوگوں کی جانب سے بار بار لاک ڈاوُن کی خلاف ورزی کرنے پر نوجوانوں کے ایک گروپ نے بھوت رضاکار سڑک کے کنارے نصف بینچوں پر بیٹھا دیے۔رات کو نکلنے والے سڑک کنارے بیٹھائے گئے کفن پوش بھوت نما رضاکاروں نے اپنے آپ کو سر تا پیر سفید چادر سے لپیٹا ہوا ہوتا ہے۔رات کو نکلنے والے سڑک کنارے بیٹھائے گئے کفن پوش بھوت نما رضاکاروں نے اپنے آپ کو سر تا پیر سفید چادر سے لپیٹا ہوا ہوتا ہے۔

کفن پوش رضاکار اندھیرے میں سنسان مقامات پر کھڑے ہوکر رات کو گھروں سے باہر نکلنے والے لوگوں کے سامنے آکھڑے ہوتے ہیں، جس سے وہ بھاگنے پر مجبور ہوجاتے ہیں۔

انڈونیشیا میں کرونا وائرس تیزی سے پھیل رہا ہے۔ وزارت صحت کے مطابق کرونا سے ملک بھر میں چار ہزار پانچ سو سے زائد افراد متاثر ہوئے ہیں اور اب تک 399 اموات ہوئی ہیں

تہران:ایران نے قبل ازوقت ہی 10 ہزارقبریں تیارکرلیں ، لوگ پوچھتے ہیں کس کس کی قبریں‌ ؟اطلاعات کےمطابق شہری انتظامیہ نے کورونا وائرس سے ہونے والی ممکنہ اموات کے پیش نظر تہران میں 10ہزار قبریں تیار کرلی ہیں۔

غیر ملکی خبر رساں ادارے کے مطابق تہران کی سٹی کونسل کے ایک رکن مجتبی یزدارنی کے مطابق اتوار کو اراکین کو بتایا گیا ہے کہ دار الحکومت کے جنوب میں واقع ملک کے سب سے بڑے قبرستان ’بہشتِ زہرا‘‘ کے رقبے میں 12 سو 35 ایکڑ کا اضافہ کرکے کورونا وائرس سے ہونے والی ممکنہ ہلاکتوں کے پیش نظر 10 ہزار قبریں تیار کرلی گئی ہیں۔ اس کے علاوہ قبرستان میں قائم ایمرجینسی شیلٹر میں میت کو غسل دینے کا انتظام بھی کردیا گیا ہے۔

مجتبی یزدانی کے مطابق کورونا وائرس سے مرنے والوں کے لیے دو میٹر گہری قبر بنائی جاتی ہے۔ ایران کے بعض شہروں میں میت کو جراثیم سے پاک کرنے کے لیے تدفین کے وقت قبر میں ان بجھا چونا بھی ڈالا جاتا ہے اور بعض علاقوں میں اس کی پابندی نہیں کی جاتی۔ واضح رہے ’’بہشت زہرا‘‘ ایران کا سب سے بڑا قبرستان ہے جس میں 17 لاکھ قبریں موجود ہیں۔

ادھر یہ بھی اطلاعات ہیں‌کہ لوگوں کوجب یہ پتہ چلا کہ حکومت کی طرف سے قبل ازوقت ہی قبریں کھودی جارہی ہیں تووہ پوچھتے ہیں کہ یہ کس کس کی قبریں ہیں اورلوگ اسی وجہ سے خوف زدہ بھی ہیں‌

ایران میں اب تک 73 ہزار سے زائد افراد میں کورونا وائرس کی تشخیص ہوچکی ہے جب کہ 4 ہزار 5سو سے زائد اموات ہوچکی ہیں۔

واشنگٹن یہ سب میرے اختیارمیں ہے ،کرونا سے پریشان ڈونلڈ ٹرمپ نے اہم اعلان کردیا ،اطلاعات کےمطابق ڈی سی: امریکی صدر ڈونلڈ ٹرمپ نے اپنی تازہ ترین پریس کانفرنس میں کہا ہے کہ وہ یکم مئی سے پورے امریکا میں لاک ڈاؤن ختم کردیں گے اور وہ ایسا کرنے کا پورا اختیار رکھتے ہیں۔ وائٹ ہاؤس میں ہونے والی یہ پریس کانفرنس ڈھائی گھنٹے جاری رہی۔

تاہم اس بارے میں امریکی ریاستوں کے گورنروں اور قانونی ماہرین سے مشاورت نہیں کی گئی کیونکہ امریکی آئین کے مطابق، امریکا کی ہر ریاست اپنے شہریوں کے مفاد اور تحفظ سے متعلق فیصلے کرنے میں مکمل آزاد ہے اور یکم مئی سے امریکا میں لاک ڈاؤن ختم کرنے کے فیصلے پر عمل درآمد کا انحصار بھی ریاستوں کے گورنروں کی صوابدید پر ہوگا۔

ڈونلڈ ٹرمپ کا کہنا تھا کہ امریکا میں کورونا وائرس کی وبا کا زور ٹوٹ رہا ہے اور انہیں امید ہے کہ یکم مئی تک حالات مزید بہتر ہوجائیں گے۔اس موقع پر انہوں نے میڈیا پر کڑی تنقید کرتے ہوئے ایک ڈاکیومنٹری بھی دکھائی جس میں کورونا وائرس وبا کے حوالے سے ٹرمپ انتظامیہ کی کارکردگی کے بارے میں میڈیا پر چلنے والی خبروں کو جھوٹ اور بے بنیاد ثابت کیا گیا تھا۔