Baaghi TV

Category: کرونا اپڈیٹس

  • لاک ڈاؤن، لاہور میں مزید سخت اقدامات،تبلیغی اجتماع میں شرکت کرنیوالوں کی فہرستیں تیار کرنیکا فیصلہ

    لاک ڈاؤن، لاہور میں مزید سخت اقدامات،تبلیغی اجتماع میں شرکت کرنیوالوں کی فہرستیں تیار کرنیکا فیصلہ

    لاک ڈاؤن، لاہور میں مزید سخت اقدامات،تبلیغی اجتماع میں شرکت کرنیوالوں کی فہرستیں تیار کرنیکا فیصلہ

    باغی ٹی وی کی رپورٹ کے مطابق صوبائی وزیر قانون راجہ بشارت اورچیف سیکرٹری پنجاب میجر (ر) اعظم سلیمان خان کی زیر صدارت اجلاس ہوا ، اجلاس میں صوبے میں کورونا وائرس کی صورتحال، انتظامی امور کا جائزہ لیا گیا

    اجلاس میں آئی جی پنجاب شعیب دستگیر، کمشنر لاہور ڈویژن سیف انجم اور متعلقہ افسران نے شرکت کی،پنجاب میں دوسر ے  صوبوں اور بیرون ممالک تبلیغی اجتماعات میں شرکت کرنے والے افراد کی فہرستیں تیار کرنے کا فیصلہ کیا گیا ہے

    چیف سیکرٹری نے کہا کہ تمام انتظامی افسران تبلیغی اجتماعات کے شرکاء کی فہرستیں فراہم کریں،اجلا س کو بریفنگ دی گئی کہ تبلیغی جماعت کے تمام اراکین کی سکریننگ تقریبا مکمل کر لی گئی ہے،محکمہ لائیو سٹاک اور سوشل ویلفیئر کی موبائل گاڑیاں عوام کی سکریننگ کیلئے استعمال کرنے کا فیصلہ کیا گیا ہے، ہسپتالوں میں کورونا کے علاوہ معمول کے علاج معالجے کیلئے اوپی ڈیز کو مکمل فعال کرنے کا فیصلہ کیا گیا ہے

    آئی جی پنجاب نے کہا کہ کورونا وائرس سے متعلق ڈیوٹی سر انجام دینے والے پولیس اہلکاروں، وارڈنز اور دیگر عملہ کی سکریننگ کروائی جائے۔ایک ضلع سے دوسرے میں قیدیوں کی منتقلی کے دوران انتظامیہ رابطے میں رہے۔ آئی جی پنجاب نے آرپی اوز کو ہدایت کی کہ ایجنسیوں کیجانب سے جاری ہونیوالے تھریٹ الرٹ کو خاص اہمیت دی جائے،

    چین میں‌ کرونا وائرس کا پہلا مریض اب کس حال میں ہے ؟

    کرونا کے وار جاری، 288 پولیس اہلکاروں میں ہوئی کرونا کی تشخیص

    سعودی عرب میں کرونا کے مریضوں میں مسلسل اضافہ، شاہ سلمان نے دیا عالمی ادارہ صحت کو فنڈ

    تبلیغی مرکز کے نواحی علاقے کے 200 افراد کرونا کے شبہہ میں ہسپتال منتقل،ڈرون کے ذریعہ علاقہ کی نگرانی

    بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ

    کرونا وائرس،بھارت میں اتنے مریض ہو جائیں گے کہ لاشیں بلڈوزر سے گڑھے میں ڈالنا پڑیں گی

    کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

    دوسری جانب لاہور میں لاک ڈاؤن مزید سخت کرنے کےلیے 48 مقامات پر ناکہ بندی کی گئی ہے،سی ٹی او لاہور نے مزید اضافی 48 سینیئر وارڈنز، 47 وارڈنز اور 7 کانسٹبلز کو تعینات کر دیا،

    سی ٹی او لاہور سید حماد عابد نے لاک ڈاؤن احکامات، ڈبل سواری اور پبلک ٹرانسپورٹ کی خلاف ورزی پر کارروائی کی ہدایت کی، سی ٹی او کا کہنا تھا کہ کار میں دو سے زائد افراد پر بھی کارروائی کی جائے، شہر بھر میں ناکے لگا کر شہریوں کی نقل وحرکت کو محدود کیا جا رہا ہے ،ناکوں پر شہریوں سے حسن سلوک سے پیش آیا جائے،بلاوجہ سڑکوں پر آنے والوں کی حوصلہ شکنی کی جائے،

    سی ٹی او لاہور نے شہریوں سے اپیل کی کہ شہری کررونا وائرس کےخلاف لاک ڈاؤن میں مثبت کردار ادا کریں،

  • ایک طرف دنیا کرونا سے نبرد آزما تو دوسری طرف بھارت نے کشمیریوں‌سے ایک اورہاتھ کردیا

    ایک طرف دنیا کرونا سے نبرد آزما تو دوسری طرف بھارت نے کشمیریوں‌سے ایک اورہاتھ کردیا

    کراچی:ایک طرف دنیا کرونا سے نبرد آزما تو دوسری طرف بھارت نے کشمیریوں‌سے ایک اورہاتھ کردیا ،اطلاعات کےمطابق بھارت نے گزیٹ نوٹی فیکشن جاری کردیا جس کے تحت جو جموں و کشمیر میں 15 سال سے مقیم ہے وہ اپنے ڈومیسائل میں مقبوضہ علاقے کو اپنا آبائی علاقہ قرار دے سکے گا۔

    الجریزہ اور گلف نیوز کے مطابق بھارت کی جانب سے مذکورہ اقدام مقبوضہ کشمیر کی خصوصی حیثیت ختم کرنے کے 8 ماہ بعد سامنے آیا ہے۔اس ضمن میں بھارت نے گزیٹ نوٹی فیکشن جاری کردیا۔واضح رہے کہ نئی دہلی نے یکطرفہ فیصلہ کرتے ہوئے مقبوضہ کی خصوصی حیثیت گزشتہ برس 5 اگست کو منسوخ کردی تھی۔بھارت کے نئے قوائد کو مقبوضہ جموں و کشمیر میں سخت تنقید کا سامنا ہے۔

    جموں و کشمیر سول سروسز ایکٹ میں واضح کیا کہ ڈومیسائل میں مقبوضہ علاقہ کو اپنا آبائی علاقہ قرار دینے والا شخص کے لیے ضورری ہے کہ وہ جموں و کشمیر کے وسطی علاقے میں 15 سال تک رہائش اختیار کی ہو یا 7 سال کی مدت تک تعلیم حاصل کی ہو یا علاقے میں واقع تعلیمی ادارے میں کلاس 10 یا 12 میں حاضر ہوا اور امتحان دیے ہوں۔

    اس سے قبل مذکورہ جموں و کشمیر کے آئین کی دفعہ 35 اے میں شہری سے متعلق تعریف درج تھی کہ وہ ہی شخص ڈومیسائل کا مستحق ہوگا جو مقبوضہ علاقے میں ریلیف اینڈ ریبلٹیشن کمشنر کے پاس بطور تارکین وطن رجسٹرڈ ہو۔

    آئین کی دفعہ 3 اے میں مرکزی حکومت کے عہدیداران بشمول آل انڈیا سروسز آفیسرز، پی ایس یوز اور مرکزی حکومت کے خود مختار ادارے کے عہدیداران، پبلک سیکٹر کے بینکوں و مرکزی جامعات کے عہدیداران، مرکزی یونیورسٹیوں کے عہدیداران اور مرکزی حکومت کے تسلیم شدہ تحقیقی اداروں کے بچے بھی شامل ہیں ’جنہوں نے جموں و کشمیر میں 10 سال کی مدت تک خدمات انجام دی ہیں یا ایسے والدین کے بچے جو سیکشن میں کسی بھی شرائط کو پورا کرتے ہیں۔

    اس دوران مقبوضہ کشمیر میں پیدا اور بڑے ہونے والوں کی حالت زار پر سے متعلق ایک واقعہ پیش آیا جب وائرس کی وجہ سے بھارت کے لاک ڈاؤن سے بچنے کے لیے ایک شخص نے خود کو مردہ ظاہر کیا اور چار لوگوں کے ہمراہ ایمبولینس میں نکلنے کی کوشش کی۔

    پولیس نے بتایا کہ حکیم دین مقبوضہ جموں کے ایک ہسپتال میں سر میں معمولی چوٹ لگنے کی وجہ سے زیرعلاج تھا جب ایک ایمبولینس ڈرائیور نے 70 سالہ شخص کو اپنی جعلی موت ظاہر کرنے کی تجویز دی تاکہ چوکیوں سے نکلا جا سکے۔

  • بیرون ممالک میں پھنسے پاکستانیوں کو قریشی نے سنائی بڑی خوشخبری

    بیرون ممالک میں پھنسے پاکستانیوں کو قریشی نے سنائی بڑی خوشخبری

    بیرون ممالک میں پھنسے پاکستانیوں کو قریشی نے سنائی بڑی خوشخبری

    باغی ٹی وی کی رپورٹ کے مطابق وزیرخارجہ شاہ محمود قریشی کا وطن واپسی کے منتظر پاکستانیوں سے متعلق بیان دیتے ہوئے کہا کہ بہت سے پاکستانی بیرون ممالک سے وطن واپس آنا چاہتے ہیں،

    وزیر خارجہ شاہ محمود قریشی کا کہنا تھا کہ قومی رابطہ کمیٹی نے17پروازیں بحال کرنے کی منظوری دی، ہم ان پاکستانیوں  کو بتدریج واپس لائیں گے،ہماری پہلی ترجیح ٹرانزٹ میں پھنسے پاکستانیوں کو وطن واپس لانا ہے، ہماری دوسری ترجیح ویزا ایکسپائرہونے والے پاکستانی ہیں،تیسری ترجیح بیرون ملک مقیم پاکستانی اور زیرتعلیم طلبا کو واپس لانا ہے،

    وزیر خارجہ کا مزید کہنا تھا کہ 4 سے11اپریل تک کا بین الاقوامی پروازوں کےشیڈول کا اعلان کیاہے،ہمیں ان تمام مسافروں کو ایئرپورٹ پر کورونا ٹیسٹنگ سےگزارنا ہے،ہم اپنی ٹیسٹنگ اور قرنطینہ کی استعدادکار بتدریج بڑھا رہے ہیں، پروٹوکول پر مکمل عملدرآمد ہوگا تو کراچی کیلئے بھی پروازیں کھولیں گے،

    قبل ازیں حکومت پاکستان نے کینیڈا حکومت کی درخواست پر دو خصوصی پروازیں ٹورنٹو کے لئے روانہ کردی ہیں۔ترجمان پی آئی اے عبداللہ خان کے مطابق کراچی سے پرواز پی کے 781 اور لاہور سے پی کے779 مجموعی طور پر چھ سو مسافروں کو لے کر روانہ ہوئی،اس دوران مسافروں کی جامع اسکریننگ اور ان کے سامان کو ڈس انفیکشن کیا گیا۔

    پی آئی اے ترجمان کے مطابق دونوں پروازوں کے لئے حفاظتی اقدامات بین الاقوامی معیار سے بہت زیادہ بڑھ کرتھے،تمام مسافروں کی اسکرینگ اور ڈس انفیکشن پی آئی اے کے عملے نے بہت مستعدی سے کی، ان پروازوں کی مانیٹرنگ کے لئے پی آئی اے کی اعلی انتظامیہ خود ایئر پورٹ پر موجود تھی۔

    پی آئی اے ترجمان کے مطابق پی آئی اے کی دونوں خصوصی پروازوں کو گزشتہ روز اڑان کے لیے اجازت ملی تھی،کینیڈا سے دونوں پروازیں خالی واپس آئیں گی، دیگر پروازوں کی بکنگ کیلئے پی آئی اے کے دفاتر اور کال سینٹر سے مسلسل رابطے میں رہیں۔ کورونا وائرس سے احتیاط کے تناظر میں لوگ آن لائن بکنگ اور ٹکٹنگ کو ترجیح دیں تاکہ ہجوم سے بچا جا سکے۔

    وزیر اعظم کے معاون خصوصی معید یوسف نے گزشتہ روز کہا تھا کہ اگلے چند روز کے دوران بیرون ممالک پھنسے پاکستانیوں کو ملک واپس لائیں گے۔ ترکی،باکو،کوالالمپور، برطانیہ،کینیڈا کیلئےخصوصی پروازیں جائیں گی۔ ‏پہلےمرحلے میں کینیڈا اور برطانیہ کیلئے کراچی، لاہور اور اسلام آباد سے پروازیں چلائی جائیں گی، ‏فلائٹ آپریشن بندش کے دوران متاثرہ مسافروں کو ترجیح دی جائے گی، ‏ٹورنٹو کے لئے فلائٹ آپریشن 3 اپریل سے بحال ہو گا،

    ‏تمام پروازیں واپس صرف اسلام آباد ایئر پورٹ پر لینڈ کریں گی ‏پروازیں اترنے کے بعد لاؤ نج میں تمام مسافروں کا ٹیسٹ کیا جائے گا، ‏ملک بھر میں ہر قسم کی علاقائی پروازیں 11 اپریل رات 12بجے تک منسوخ رہیں گی ،‏حکومت پاکستان نے ڈومیسٹک پروازوں کو منسوخ کرنے کی تاریخ میں توسیع کردی

  • کرونا وائرس کے شکلیں تبدیل کرنے کا پہلو تشویشناک، مریم اورنگزیب نے کیا بڑا مطالبہ

    کرونا وائرس کے شکلیں تبدیل کرنے کا پہلو تشویشناک، مریم اورنگزیب نے کیا بڑا مطالبہ

    کرونا وائرس کے شکلیں تبدیل کرنے کا پہلو تشویشناک، مریم اورنگزیب نے کیا بڑا مطالبہ

    باغی ٹی وی کی رپورٹ کے مطابق مسلم لیگ ن کی ترجمان مریم اورنگزیب نے کہا ہے کہ کرونا وائرس کی مقامی آبادی میں منتقلی اور مقامی حالات کے مطابق وائرس کے شکلیں تبدیل کرنے کا پہلو تشویشناک ہے

    مریم اورنگزیب کا کہنا تھا کہ وائرس کے طبی پہلووں کے حوالے سے بھی قومی سطح پر کوئی نظام وضع کرنا اشد ضروری ہے ،عدالتی حکم کے باوجود پی ایم ڈی سی کو بحال نہ کرنا افسوسناک ہے ، ٹیسٹنگ، سکریننگ کے لئے فوری طورپر واضح طریقہ کار، معیارات بنائے جائیں ،وائرس پھیل رہا ہے، ایسے میں کسی واضح پالیسی کا نہ ہونا خطرناک ہے

    مریم اورنگزیب کا مزید کہنا تھا کہ کورونا متاثرین کی بڑھتی تعداد کے باوجود اب تک ڈاکٹرز، نرسز اور طبی عملے کو حفاظتی لباس نہیں پہنچایا گیا جس پر شدید تشویش ہے. ڈیزیز سرویلنس کا نظام جلد از جلد قائم کیا جائے بصورت دیگر خدانخواستہ  صورتحال ہاتھ سے نکل جائے گی ،انتظامی اقدامات کے ساتھ ساتھ مستقبل کی حکمت عملی کے لئے بڑے خاکے کو بھی ذہن میں رکھنا ہوگا

    مریم اورنگزیب کا مزید کہنا تھا کہ پارلیمانی مانیٹرنگ کمیٹی کے فورم پر سیاسی جماعتوں کے قائدین کو بھی بریفنگ دی جانی چاہئے ،٭ اجتماعی کاوشوں کے لئے سب کی تجاویز سے ملک اور قوم کو خطرات سے بچانے میں مدد مل سکتی ہے، جیلوں میں کورونا سے بچاو کے فوری اور موثر انتظامات کئے جائیں

    تبلیغی مرکز کے نواحی علاقے کے 200 افراد کرونا کے شبہہ میں ہسپتال منتقل،ڈرون کے ذریعہ علاقہ کی نگرانی

    بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ

    کرونا وائرس،بھارت میں اتنے مریض ہو جائیں گے کہ لاشیں بلڈوزر سے گڑھے میں ڈالنا پڑیں گی

    مریم اورنگزیب کا مزید کہنا تھا کہ چین سے کورونا کے خلاف امداد کی دوسری قسط پر چین کی قیادت اور عوام کا شکریہ ادا کرتے ہیں ، چین کی طرف سے حفاظتی لباس، ماسک، سکینر اور ٹیسٹنگ کاسامان کورونا کے خلاف جنگ میں مددگار ثابت ہوگا

  • فون کیوں نہیں اٹھایا؟ وزیر صحت نے سیکرٹری صحت کو تھپڑ مار دیا

    فون کیوں نہیں اٹھایا؟ وزیر صحت نے سیکرٹری صحت کو تھپڑ مار دیا

    فون کیوں نہیں اٹھایا؟ وزیر صحت نے سیکرٹری صحت کو تھپڑ مار دیا

    باغی ٹی وی کی رپورٹ کے مطابق بلوچستان کے صوبائی وزیر زمرک اچکزئی نے سیکرٹری صحت کو تھپڑ رسید کردیا

    صوبائی وزیر زراعت انجینئر زمرک خان اچکزئی نے کورونا وائرس کے حوالے سے رپورٹ فراہم نہ کرنے اور تین دنوں سے مسلسل ٹیلیفون نہ اٹھانے پر سیکرٹری صحت کو تھپڑ رسید کردیا ،جس کے بعد وزیر اعلیٰ بلوچستان نے آج کابینہ اجلاس طلب کرلیا اہم فیصلہ متوقع ہے

    صوبائی وزیر زراعت زمرک خان اچکزئی کی بدھ کو سیکرٹری صحت مدثر وحید ملک سے کورونا وائرس کے حوالے سے تفصیلی رپورٹ فراہم نہ کرنے اور بار بار کال پر جواب نہ دینے پر تلخ کلامی ہوئی صوبائی وزیر زراعت کا کہنا تھا کہ پنجاب سے آنے والے افسران کے بلوچستان آکر تیور بدل جاتے ہیں جس پر دونوں سے تلخ کلامی ہوئی جس پر صوبائی وزیر نے سیکرٹری صحت کو تھپررسید کیا.

    جب اس سلسلے میں صوبائی وزیر زراعت انجینئر زمرک خان سے رابطہ کیا تو انکے پرنسل سیکرٹری نے آج سیکرٹری صحٹ سے ہونے والے جھڑپ کی تصدیق کرتے ہوئے کہا کہ اس حوالے سے وزیر اعلیٰ نے کابینہ کا اجلاس آج بروز جمعرات طلب کرلی ہے جس میں اس والے سے اہم فیصلہ متوقع ہے۔

    تبلیغی مرکز کے نواحی علاقے کے 200 افراد کرونا کے شبہہ میں ہسپتال منتقل،ڈرون کے ذریعہ علاقہ کی نگرانی

    بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ

    کرونا وائرس،بھارت میں اتنے مریض ہو جائیں گے کہ لاشیں بلڈوزر سے گڑھے میں ڈالنا پڑیں گی

    چین میں‌ کرونا وائرس کا پہلا مریض اب کس حال میں ہے ؟

    کرونا کے وار جاری، 288 پولیس اہلکاروں میں ہوئی کرونا کی تشخیص

    سعودی عرب میں کرونا کے مریضوں میں مسلسل اضافہ، شاہ سلمان نے دیا عالمی ادارہ صحت کو فنڈ

    واضح رہے کہ کوئٹہ میں صوبائی وزیر کے بیٹے میں بھی کرونا وائرس کی تشخیص ہوئی ہے، ذرائع کا کہنا ہے کہ صوبائی وزیر زراعت کے بیٹے میں ہی کرونا کی تشخیص ہوئی ہے

    بلوچستان کے وزیراعلیٰ ہاؤس کے ملازم میں بھی کرونا وائرس کی تشخیص ہوئی ہے جس کے بعد اسے قرنطینہ کر دیا گیا ہے، بلوچستان کے صوبائی وزیرکے بیٹے میں بھی کرونا وائرس کی تشخیص ہوئی ہے جو لندن سے واپس آیا تھا، وائرس کی تشخیص کے بعد اسے گھر میں قرنطینہ کر دیا گیا ہے

    بلوچستان بھر میں کرونا وائرس کی وجہ سے لاک ڈاؤن نویں روز میں داخل ہو گیا ہے جس کے باعث کارباری مراکز، ہوٹلز اور مارکیٹس بند ہیں۔ چیف سیکریٹری بلوچستان فضیل اصغر کے مطابق بلوچستان میں کرونا سے متاثرہ  17 مریض صحتیاب ہو کر گھروں کو لوٹ چکے ہیں۔

    پاک ایران تفتان سرحد 40 ویں روز جبکہ پاک افغان سرحد 32 ویں روز بھی بند ہے۔ بلوچستان کے 3 قرنطینہ سینٹرز میں 367 افراد مقیم ہیں جن کی اسکریننگ کا عمل جاری ہے

    کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

  • پشاور زلمی کے چیئرمین نے کیا وعدہ پورا، ریلیف فنڈ میں دیا ایک کروڑ،ماسک بھی کیے عطیہ

    پشاور زلمی کے چیئرمین نے کیا وعدہ پورا، ریلیف فنڈ میں دیا ایک کروڑ،ماسک بھی کیے عطیہ

    پشاور زلمی کے چیئرمین نے کیا وعدہ پورا، ریلیف فنڈ میں دیا ایک کروڑ،ماسک بھی کیے عطیہ

    باغی ٹی وی کی رپورٹ کے مطابق وزیر اعظم عمران خان سے چیئرمین پشاور زلمی جاوید آفریدی کی ملاقات ہوئی ہے

    ہائر پاکستان کی جانب سے 2 لاکھ ماسک وزیر اعظم عمرا ن خان کو پیش کئے گئے،زلمی فاؤنڈیشن کی جانب سے ایک کروڑ روپے کا چیک وزیر اعظم کو پیش کر دیا گیا،

    پشاور زلمی کے چیئرمین کا کہنا تھا کہ اگلے ہفتے ایک چارٹر طیارہ میڈیکل آلات لے کر پاکستان پہنچے گا،وزیر اعظم عمران خان نے ہائر اور زلمی فاؤنڈیشن کی خدمت کے جذبے کی تعریف کی.

    وزیراعظم عمران خان کا کہنا تھا کہ وباء کیخلاف قومی مدافعت میں معاونت کیلئے "وزیراعظم کا کرونا ریلیف فنڈ-2020” قائم کردیا گیا ہے۔ میں چاہتا ہوں کہ سب اس فنڈ میں اپنا حصہ ڈالیں تاکہ ان لوگوں کی دیکھ بھال ممکن ہوسکے جنہیں بندشوں (لاک ڈاؤن) نے افلاس کے کنارے لاکھڑا کیا ہے

    وزیراعظم عمران خان کا مزید کہنا تھا کہ اپنے قابل ٹیکس عطیات نیشنل بنک آف پاکستان کی کراچی میں قائم مرکزی شاخ میں موجود اکاؤنٹ نمبر: "786 786 4162” پر بجھوائیں۔ اکاؤنٹ کی مکمل تفصیلات اور عطیات کی منتقلی کے حوالے سے ہدایات درج ذیل لنک پر دستیاب ہیں؛

    واضح رہے کہ وزیراعظم عمران خان کے کرونا ریلیف فنڈ میں پشاور زلمی کے چیئرمین جاوید آفریدی نے ایک کروڑ روپے دینے کا اعلان کیا تھا،سماجی رابطے کی ویب سائٹ ٹویٹر پر ٹویٹ کرتے ہوئے جاوید آفریدی کا کہنا تھا کہ پوری امید اور یقین ہے کہ پاکستان کا ہر صاحب استطاعت مشکل گھڑی میں آگے بڑھ کر اپنا کردار ادا کرے گا ، تمام پاکستانیوں سے درخواست ہے کہ وزیراعظم کے کورونا ریلیف فنڈ میں اپنا حصہ ڈالیں ، تمام پاکستانیوں سے یہ بھی درخواست ہے کہ گھر میں رہیں اور تمام احتیاطی تدابیر اختیار کریں

  • حیدرآباد میں کرونا وائرس سے پہلی ہلاکت، تبلیغی جماعت کا رکن چل بسا

    حیدرآباد میں کرونا وائرس سے پہلی ہلاکت، تبلیغی جماعت کا رکن چل بسا

    حیدرآباد میں کرونا وائرس سے پہلی ہلاکت، تبلیغی جماعت کا رکن چل بسا
    باغی ٹی وی کی رپورٹ کے مطابق سندھ میں کرونا وائرس کا ایک اور مریض جان کی بازی پار گیا

    ٹنڈو آدم خان کا 65 سالہ محمد خان حیدر آباد میں زیر علاج تھا، 28 مارچ کو سول ہسپتال کے آئسولیشن وارڈ میں داخل کروایا گیا تھا ، آج اسکی ہلاکت ہوئی ہے،حیدر آباد میں آج کرونا وائرس کے باعث ہلاک ہونے والا مریض تبلیغی جماعت کا کارکن تھا۔ مریض کو پہلے سے ہی سانس لینے میں تکلیف تھی جس کی وجہ سے وینٹی لیٹر پر رکھا گیا تھا،

    آج ایک اور ہلاکت کے بعد سندھ میں کرونا وائرس سے مرنے والے افراد کی تعداد 10 ہوگئی ہے.حیدرآباد میں کرونا کے مریضوں کی تعداد 135 ہے، سندھ میں کورونا سے27 افرادصحت یاب ہوچکے ہیں

    وزیراعلیٰ سندھ مراد علی شاہ نے شہریوں سے اپیل کی ہے کہ عوام کے تعاون کے بغیر کورونا وائرس کی وبا کو شکست دینا ممکن نہیں ہے۔ اس وبا کو ختم کرنے کے لیے عوام گھروں میں رہیں،عوام کے تعاون سے ہی ہم اس خطرناک بیماری کا مقابلہ کرسکتے ہیں،اس بیماری کا واحد حل سماجی میل جول میں فاصلہ رکھنا ہے.

    کرونا وائرس کی وجہ سے ملک بھر میں لاک ڈاؤن ہے، حکومتوں نے لاک ڈاؤن کی وجہ سے امدادی پیکج کا اعلان تو کیا ہے لیکن ابھی تک کسی بھی حکومت نے عوام کی امداد نہیں کی جس کی وجہ سے غریب شہریوں کے گھروں میں فاقے پڑنا شروع ہو گئے ہیں

    پاکستان میں اب تک کورونا وائرس سے ہونے والی ہلاکتوں میں سے پنجاب میں سب سے زیادہ 11 ہلاکتیں ہوچکی ہیں جب کہ سندھ میں 10، خیبرپختونخوا 8، گلگت بلتستان 2 اور بلوچستان میں ایک شخص جاں بحق ہوچکا ہے۔ پنجاب کے ضلع لاہور میں 4، راولپنڈی 3 جبکہ رحیم یار خان اور فیصل آباد میں ایک ایک ہلاکت ہوئی ہے۔ حیدرآباد میں آج پہلی ہلاکت ہوئی ہے

  • انصاف امداد پروگرام،کتنے لاکھ درخواستیں ہوئی موصول؟

    انصاف امداد پروگرام،کتنے لاکھ درخواستیں ہوئی موصول؟

    انصاف امداد پروگرام،کتنے لاکھ درخواستیں ہوئی موصول؟

    باغی ٹی وی کی رپورٹ کے مطابق پنجاب میں ہسپتالوں کی او پی ڈیز مکمل فعال کرنے کا فیصلہ کیا گیا ہے

    پنجاب میں کرونا وائرس کے پھیلاؤ کو روکنے کے لئے چیف سیکرٹری کی زیر صدارت اجلاس ہوا جس میں بریفنگ دی گئی ہے کہ پنجاب میں تبلیغی جماعت کے تمام ارکان کی سکریننگ مکمل کر لی گئی ہے،تمام اضلاع سے تبلیغی جماعت کے ارکان کی مکمل فہرستیں طلب کر لی گئی ہیں،دوسرے صوبوں اور بیرون ملک موجود ارکان کا ڈیٹا جمع کرنیکا فیصلہ کیا گیا ہے

    بریفنگ میں بتایا گیا ہے کہ کورونا سے متعلق ڈیوٹی دینے والی پولیس،وارڈنز اور دیگر عملہ کی بھی سکریننگ ہوگی،انصاف امداد پروگرام کے تحت تک97لاکھ درخواستیں موصول ہو چکی ہیں.

    دیہاڑی دار مزدوروں کو ریلیف دینے کے لئے چیف منسٹر انصاف امداد پروگرام کا  آغاز کر دیا گیا ہے -زکوۃ کے مستحق ایک لاکھ 70 ہزار خاندانوں کی امداد کے لئے87 کروڑ روپے کے فنڈز جاری کر دیئے ہیں -وزیر اعلی انصاف امداد پروگرام کے تحت ان افراد کو کل تک مالی امداد پہنچ جائے گی -پنجاب کی تاریخ میں پہلی بار مالی امداد فراہم کرنے کا انتہائی شفاف اور تیز ترین طریقہ کار اختیار کیا گیا ہے -چیف منسٹر انصاف امداد پروگرام کے لئے 10 ارب روپے مختص کئے گئے ہیں -25 لاکھ مستحق خاندانوں کو 4 ہزار روپے کی مالی امداد دی جائے گی-وزیر اعلی پنجاب انصاف امداد پروگرام کا تمام نظام آن لائن ہے

    درخواست دینے والوں کے کوائف کی تصدیق کی جائے گی اور لاکھوں لوگوں کو تصدیق کے بعد یہ امداد فوری طور پر دی جائے گی- درخواست گزاروں کو کسی دفتر میں نہیں آنا پڑے گا -آن لائن صرف نام، شناختی کارڈ نمبر اور موبائل فون نمبر کی معلومات لی جائیں گی -مالی امداد کی ادائیگی بھی آن لائن ہی ہو گی اوردرخواست گزار شکایات بھی آن لائن درج کرا سکیں گے-

  • مساجد میں نماز جمعہ اور نمازوں کی ادائیگی پر پابندی، گھر میں جمعہ کیسے پڑھیں؟

    مساجد میں نماز جمعہ اور نمازوں کی ادائیگی پر پابندی، گھر میں جمعہ کیسے پڑھیں؟

    باغی ٹی وی کی رپورٹ کے مطابق جامعہ بنوری ٹاؤن نے گھر میں نماز جمعہ کی ادائیگی سے متعلق فتویٰ جاری کر دیا

    فتویٰ میں کہا گیا ہے کہ کورونا وائرس کے باعث مساجد میں جانا ممکن نہ ہوتوکم از کم 4بالغ افراد گھر میں نماز جمعہ ادا کریں،گھر میں نماز جمعہ کی ادائیگی کے دوران دروازہ کھلا رکھا جائے، کوئی نماز میں شریک ہوناچاہے تو اسے نہ روکا جائے، کوئی نماز میں شریک ہوناچاہے تو اسے نہ روکا جائے،

    فتویٰ میں کہا گیا کہ اگر کوئی شخص باجماعت نماز نہ پڑھ سکے تو وہ اکیلے نماز ظہر ادا کرے،اگر مسجد میں پنج وقتہ نماز باجماعت پڑھنا ممکن نہ ہو تو گھر میں جماعت کرائی جائے،امام کے پیچھے ایک مرد یا ایک نابالغ بچہ ہو تو وہ امام کی دائیں جانب تھوڑا پیچھے کھڑا ہو،اگر امام کے ساتھ دو یا دوسے زیادہ بالغ مرد ہوں توہ پیچھے صف میں کھڑے ہوں،اگر امام کے ساتھ ایک خاتون ہو تو وہ پچھلی صف میں کھڑی ہو،اگر امام کے ساتھ ایک خاتون ہو تو وہ پچھلی صف میں کھڑی ہوں،امام کے ساتھ ایک مرد اور ایک خاتون ہوں تو مرد دائیں تھوڑا پیچھے اور خاتون پچھلی صف میں کھڑی ہوں،

    واضح رہے کہ کرونا وائرس کے پھیلاؤ کو روکنے کے لئے ملک بھر کی مساجد میں نماز جعمہ سمیت نما زپنجگانہ کی ادائیگی پر شہریوں پر پابندی لگا دی گئی ہے،پنجاب میں بھی شہریوں کی مساجد میں نماز ادا کرنے پر پابندی عائد کر دی گئی

    محکمہ اوقاف پنجاب کی جانب سے نئی ایڈوائزری جاری کردی گئی، پنجاب حکومت کی جانب سے کہا گیا ہے کہ پنجاب بھر کی تمام مساجد میں صرف 3 سے 5 افراد نماز ادا کریں،خطیب، امام، مؤذن اور خدمت گار مسجد میں نماز ادا کریں،شہری نماز جمعہ و نماز پنجگانہ گھر پرادا کریں تاکہ موذی مرض سے بچا جا سکے،

    حکومت پنجاب کی جانب سے جاری اعلامیے میں کہا گیا کہ خطیب، امام مسجد، موذن اور کیئر ٹیکر نماز ادا کریں گے، باقی افراد گھروں میں نماز ادا کریں، لوگ گھروں میں نمازیں ادا کریں تاکہ کرونا وبا سے محفوظ رہ سکیں، حکومت پنجاب نے طبی ماہرین کی ہدایات کی روشنی میں اقدام اٹھایا۔

    نماز جمعہ پر پابندی، طاہر اشرفی نے کیا بڑا اعلان، طبی عملے کو کیا سلیوٹ

    سندھ حکومت کا بڑا فیصلہ، نماز جمعہ کے اجتماعات پر پابندی

    قبل ازیں سندھ اور بلوچستان حکومت نے بھی اسی طرح کے اھکامات جاری کئے تھے، کراچی پولیس کی جانب سے شہر بھر کی تمام مساجد کو باجماعت نمازوں کی ادائیگی پر پابندی سے متعلق نوٹس جاری کر دیئے گئے ہیں۔حکومت سندھ کی جانب سے کورونا وائرس کی صورتحال کے پیش نظر مساجد میں نماز کے اجتماعات پر پابندی عائد کرنے کے حکم کے بعد کراچی پولیس کی جانب سے جاری نوٹس میں کہا گیا ہے کہ پابندی کے حوالے سے شہر بھر کی تمام مساجد کی انتظامیہ کو آگاہ کر دیا ہے،پولیس کا کہنا ہے کہ حکومت کے حکم پر عمل درآمد کرانا مساجد انتظامیہ کی ذمہ داری ہے، اگر حکم کی خلاف ورزی کی گئی تو مساجد انتظامیہ کے خلاف قانونی کارروائی کی جائے گی

    خیبر پختونخواہ اور اسلام آباد میں بھی مساجد میں نمازوں کی ادائیگی کے لئے صرف 5 افراد کو اجازت دی گئی ہے.شہریوں سے اپیل کی گئی ہے کہ وہ نماز جمعہ سمیت تمام نمازیں گھر میں ادا کریں.

  • موجودہ وسائل سے کرونا پر قابو پا لیں گے، وزیراعظم پرعزم

    موجودہ وسائل سے کرونا پر قابو پا لیں گے، وزیراعظم پرعزم

    موجودہ وسائل سے کرونا پر قابو پا لیں گے، وزیراعظم پرعزم

    باغی ٹی وی کی رپورٹ کے مطابق وزیراعظم عمران خان نے کہا ہے کہ ہم موجودہ وسائل سے کورونا پر قابو پالیں گے،

    وزیراعظم عمران خان کا کہنا تھا کہ حکومت کی ترجیح ہے کہ ملک میں صنعت کو فروغ دیا جائے ،تعمیراتی صعنت کےلیے کل امداد ی پیکج کا اعلان کریں گے پاکستان میں کورونا وبا کا پھیلاؤ کم ہے،ہم نے مزدور طبقے کے لیے امدادی پیکج کا اعلان کیا،

    وزیراعظم عمران خان کا کہنا تھا کہ حکومتی پیکج سب کے لیے موثر ثابت ہوگا ،کورونا وائرس سے کمزور طبقے کو بہت نقصان ہوا ہے کاروبار اور صنعتی زون کے بغیر ترقی ناممکن ہے موجودہ صورت حال سے صرف پاکستان نہیں پوری دنیا کی معیشت متاثر ہوئی،ہم نے 14اپریل تک لاک ڈاوَن میں توسیع کی ،کرونا وائرس کی وجہ سے پوری دنیا مشکل میں پڑی ہوئی ہے،

    وزیراعظم عمران خان کا کہنا تھا کہ سب سے بڑا چیلنج کرونا کے پھیلاؤ کو روکنا ہے،احساس پروگرام کےذریعےغریب گھرانوں تک پہنچنے کی کوشش کررہےہیں،پوری قوم نے ملک کرکمزور طبقے کاخیال رکھنا ہے،تقریبات اور اجتماعات سے کورونا پھیلنے کا خدشہ ہے،کرونا کے پھیلاؤ کو روکنے کے اقدامات کر رہے ہیں.

    وزیراعظم عمران خان کا کہنا تھا کہ ہمیں احساس پروگرام کے ذریعے غریب گھرانوں کی مدد کرنی ہے،12 ہزار کا پیکج ڈائریکٹ غریب گھرانوں تک پہنچے گا، کسی قسم کی سفارش کی ضرورت نہین پڑے گی، تاجروں کو بھی سپورٹ کرنا ہے، بزنس کمیونٹی کے بغیر پاکستان آگے بڑھ ہی نہیں سکتا، انڈسٹری کے لئے اچھا ماحول پیدا کریں گے،

    کرونا وائرس سے ملک بھر میں تباہی جاری ہے، پاکستان میں کرونا وائرس کے مریضوں کی تعداد 2291 ہو گئی ہے ہلاکتوں کی تعداد 31 ہو گئی ہے

    گزشتہ 24 گھنٹوں میں 5 ہلاکتیں اور 255 مریض سامنے آئے ہیں، کرونا وائرس کے سب سے زیادہ مریض پنجاب میں 845 ہیں، کے پی میں 276، بلوچستان میں 169، سندھ میں 743، اسلام آباد میں 62 اور گلگت میں 187 مریض ہیں. آزاد کشمیر میں کرونا وائرس کے 9 مریض ہیں.

    بھارتی گلوکارہ میں کرونا ،96 اراکین پارلیمنٹ خوفزدہ،کئی سیاستدانوں گھروں میں محصور

    لاک ڈاؤن کی خلاف ورزی پر کتنے عرصے کیلئے جانا پڑے گا جیل؟

    کرونا وائرس، پارلیمنٹ کا مشترکہ اجلاس بلانے کا مطالبہ، رکن اسمبلی کا بیٹا بھی ووہان میں پھنسا ہوا ہے، قومی اسمبلی میں انکشاف

    کرونا وائرس سے کس ملک کے فوج کے جنرل کی ہوئی موت؟

    ٹرمپ کی بتائی گئی دوائی سے کرونا کا پہلا مریض صحتیاب، ٹرمپ نے کیا بڑا اعلان

    کرونا کیخلاف منصوبہ بندی، پاکستان میں فیصلے کون کررہا ہے

    کرونا وائرس سے پاکستان میں 107 مریض صحتیاب بھی ہو چکے ہیں،پنجاب میں کرونا وائرس کے مریضوں میں سے 416 مریض ڈی جی خان، رائیونڈ، فیصل آباد، ملتان کے قرنطائن سنٹرز میں ہیں، لاہور میں کرونا وائرس کے 178، قصور، ایک ،ننکانہ 13، پنڈی 51، جہلم 28، اٹک ایک، گوجرانوالہ 13، گجرات 90، منڈی بہاؤالدین 4، حافظ آباد 5، نارووال 2، سیالکوٹ ایک، سرگودھا 10، میانوالی میں 3. خوشاب میں ایک،ملتان، وہاڑی میں دو دو، رحیم یار خان میں 3، فیصل آباد میں 9، بہاولنگر میں 3، بہاولپور میں ایک، لودھراں میں 2، لیہ میں ایک اور ڈی جی خان میں 5 مریض ہیں.

    ملک بھر میں کرونا وائرس کے 107 مریض صحتیاب ہو چکے ہیں،

    کرونا امیر غریب نہیں دیکھتا،ہمارے پاس ایمان کی بڑی قوت ہے، ڈیم فنڈز کے خرچ بارے وزیراعظم نے کیا بڑا اعلان