Category: کرونا اپڈیٹس

لاہور:3سے 5افرادبھی ہوں تو نماز جمعہ اداہوجائے گا: اطلاعات کےمطابق موجودہ حالات میں کرونا وائرس کے باعث حکومت وقت نے نماز جمعہ کی ادائیگی کے لئے 5افرادکی جوشرط رکھی ہے اس حوالہ سے دارالافتاء جامعہ نعیمیہ کی طرف سے شرعی فتوی جاری کیا جاتا ہے کو موجودہ حالات میں کرونا وائر س کے روکنے کے لئے سماجی دو ری اختیار کی جائے ۔ افراد کا اکٹھ نہیں ہوناچاہیے ۔

اس حوالہ سے فقہاء کرام کی طرف سے جونماز جمعہ کی ادائیگی کے لئے اذن عام کی شرط رکھی گئی ہے اس میں خلل کاباعث نہیں بنے گی کیوں کہ متعدی مرض والا جس سے موذی مرض کے ملحق ہونے کاخدشہ ہو اورپیاز کھانے والے وہ بدبو کی وجہ سے مسجد میں آنے سے روکنا جائز ہے کیو ں کہ کرونا وائرس ملحق مرض ہے یہ لوگوں کے باہمی ملنے سے پھیلتاہے لوگوں کی جان کاتحفظ ضروری ہے3سے 5افرادبھی ہوں تو نماز جمعہ اداہوجائے گا ۔

جن افراد کو حکومت وقت حفاظتی اقدامات کے پیش نظرمسجد میں آنے سے روکتی ہے ہوہ شرعی معذور ہیں ۔ وہ گھر میں تنہا،تنہا نماز ظہرادا کریں ۔ اس حوالے سے ناظم اعلیٰ جامعہ نعیمیہ علامہ ڈاکٹرراغب حسین نعیمی ،مفتی عمران حنفی نے اپنے فتوی میں مزید کہاکہ کروناوائرس متعدی ومہلک بیماری ہے جوایک متاثرہ شخص سے دوسرے کومنتقل ہوتی ہے اوریہ سلسلہ چلتے چلتے کئی افراد تک پہنچ جاتاہے جس کی مثال ہمارے سامنے حقیقت کی صورت میں موجود ہے

جامعہ نعیمیہ کے علما کا کہنا ہے کہ اس وبائی متعدی مرض سے محفوظ رہنے کافی ا الحال ایک ہی طریقہ ہے کہ افراد ایک دوسرے سے علیحدہ رہیں ،اگر اختلاط ہوگا تو مرض پھیلے گا جس سے جان جانے کا اندیشہ ہے جب کہ انسانی جان کاتحفظ ضروری ہے کیوں شریعت کامقصدد انسان کے پا نچ بنیادی امور کی حفاظت کرنا ہے وہ پانچ امور یہ ہیں ،دین ۔ جان ۔ عقل ،نسب اورمال ہے ۔ مقاصد شرح میں جان کی حفاظت اہم ترین ہے ۔ عوام الناس سے اپیل کی جاتی ہے کہ حکومت کی طرف سے نشرکئے گئے حفاظتی اقدامات پرعمل کریں اورتوبہ واستغفار کریں ،صدقہ وخیرات کثرت سے کریں کہ صدقہ سے آفات وبلیات وور ہوجاتی ہیں ۔

لاہور:وزیراعظم کا میڈیا ورکرز کو ریلیف پہنچانے کےکاحکم،جلد بقایاجات ملنے کی امید پیدا ہوگئی ،اطلاعات کےمطابق پی ایف یو جے کے صدر جی ایم جمالی اور سیکرٹری جنرل پی ایف یو جے رانا محمد عظیم کی درخواست پر وفاقی حکومت کی جانب سے وزیر اعظم کے سپیشل کرونا ریلیف فنڈ برائےمیڈیا کے تحت میڈیا انڈسٹری کے بقایا جات کی ادائیگی کی پالیسی بنائی جا رہی ہے

ذراائع کے مطابق وفاقی حکومت ٹی وی اور اخبارات کےدو ارب چالیس لاکھ روپے کے واجب الادا بقایا جات اداکرےگی۔ پنجاب اور کے پی کے کے ذمہ ایک ارب اڑسٹھ لاکھ کی رقم واجب الادا ہے۔ وفاقی اور صوبائی حکومتیں میڈیا انڈسٹری کے بقایاجات کی ادائگی کے لئے رقم جاری کریں گی ۔وفاقی حکومت چار ارب باون لاکھ کی رقم انفارمیشن منسٹری کو جاری کرے گی۔ جو پی بی اے اور اے پی این ایس کو ان کے کلیم کی گئی رقم کی تصدیق کر کے ادا کرے گی۔

اس کے لئے پی بی اے۔ اے پی این ایس اور پاکستان ایڈورٹائزنگ ایسوسی ایشن کی مشترکہ کمیٹی بنائی جائے گی۔ وزیر اعظم کی ہدایات اور اے ی این ایس اور پی بی اے کی جانب سے سٹاف کے بقایا جات اور تنخواہوں کی ادائگی یقینی بنانے کے لئے اے پی این ایس اور پی بی اے تمام ٹیویچینلز اور اخبارات سے عہد لے گی کہ وہ حکومتی فنڈز ملنے کے بعد سب سے پہلے اپنے سٹاف کے واجبات ادا کریں گے۔

اگر ادارے اپنی تحریری یقینی دہانی کی خلاف ورزی کرتے ہوئے سٹاف کی ادائگیاں نہ کریں گے تو اداروں سے حکومت ٹیکس کی صورت میں رقوم واپس لے گی۔ اس انتظام اور ادائگیاں یقینی بنانے کے لئے پی ایف یو جے کے تمام ذمہداران اس کو مکمل چیک کرتے رہیں گے کہ تمام میڈیا ہاوسسز میں میڈیا ورکرز کو ان کی تنخواہیں اور بقایات مکمل طور پر ادا کئے گئے ہیں یا نہیں اگر میڈیا مالکان کی جانب سے یہ گرانٹ ملنے کے باوجود بھی میڈیا ورکرز کو تنخواہوں اور بقایات کی ادائیگیاں نہ کی گئیں تو ان تمام میڈیا ہاوسسز کی مکمل تالہ بندی کی جائے گی اور ان کے گھروں کا بھی گھیراو کیا۔جائے گا ۔

لاہور:شدت پسند تنظیم انصارالاسلام کے سربراہ مولانا فضل الرحمن نے وزیراعظم کی ٹائیگرفورس کو مسترد کردیا،اطلاعات کےمطابق جمعیت علمائے اسلام کے سربراہ مولانا فضل الرحمان نے وزیراعظم عمران خان کی قائم کردہ ٹائیگر فورس کو مسترد کردیا۔اپنے بیان میں فضل الرحمان نے کہا کہ یہ ملک کسی ایک جماعت کے سربراہ کی بنائی گئی فورس کے حوالے نہیں کیا جاسکتا، ہمیں ٹائیگر فورس کی ضرورت نہیں۔

مولانا فضل الرحمان نے کہا کہ اگر قومی سطح پر کام کرنا ہے تو قومی تحریک کی نیت کرنی چاہیے، ہم ٹائیگر فورس کی طرف سے کسی ریلیف کے کاموں کا حصہ نہیں بنیں گے۔اس سے قبل مولانا فضل الرحمان نے ملک بھر میں اپنے رضاکاروں کو ہدایت کی تھی کہ وہ کورونا وائرس سے نمٹنے کے حوالے سے مقامی انتظامیہ کی معاونت کریں۔

خیال رہے کہ وزیراعظم عمران خان نے کورونا کی صورتحال سے نمٹنے کے لیے کورونا ٹائیگر ریلیف فورس بنانے کا اعلان کیا تھا جو کہ لوگوں کو امداد پہنچائے گی اور وائرس سے متعلق آگاہی اور آئسولیشن کا طریقہ کار بتائے گی۔وزیراعظم کا کہنا تھا کہ کورونا کو سرمائے سے شکست نہیں دی جاسکتی، پوری قوم متحدہ ہوگی تو کامیابی ملے گی، کورونا کے خلاف ہماری طاقت ایمان اور نوجوان ہیں۔

انہوں نے بتایا کہ ٹائیگر فورس میں ینگ ڈاکٹرز، نرسز ، اسٹوڈنٹس ، ڈرائیور سب شریک ہوں گے ،ٹائیگر فورس اور ریاستی اداروں کے ساتھ مل کر تمام کمی پوری کریں گے۔ٹائیگر فورس کیلئے رجسٹریشن کا عمل وزیراعظم سٹیزن پورٹل کے ذریعے کیا جارہا ہے اور یکم اپریل سے رجسٹریشن شروع ہوچکی ہے۔

ذرائع کے مطابق شدت پسند تنظیم انصار الاسلام کا قیام اسی وقت عمل میں آیا تھا جب جمعیت علمائے اسلام معرض وجود میں آئی۔انصار الاسلام میں شامل افراد کی تعداد ملک بھر میں 80 ہزار کے لگ بھگ ہے اور اس میں شامل افراد نے قانون نافد کرنے والے اداروں کا مقابلہ کرنے کے لیے پشاور میں مشقیں بھی کی ہیں۔

لاہور:لاک ڈاون کی وجہ سے لوگ پریشان ہیں ، ان کو خوراک راشن جلد پہنچایا جائے ، ہیومن رائٹس کمیشن آف پاکستان،اطلاعات کےمطابق ہیومن رائٹس کمیشن آف پاکستان نے حکومت کوخبردارکرتے ہوئے کہا ہےکہ لاک ڈاون کی وجہ سے حالات ابترصورت حال اختیارکررہے ہیں ، لہذا جلد از جلد عوام الناس تک راشن پہنچایا جائے

باغی ٹی وی کےمطابق ایچ آرسی پی نے اپنے بیان میں کہا ہےکہ حکومت کی طرف سے سست روی کی وجہ سے معاملات کچھ بہترنہیں دکھائی دیتے .اگرحکومت نے عوام الناس تک جلد راشن نہ پہنچایا تو صورت حال بہت ابترہوجائے گی اورلوگ بھوک کی وجہ سے ماردھاڑ کرسکتے ہیں‌

ہیومن رائٹس کمشین آف پاکستان کی طرف سے کہا گیا ہےکہ حکومت جلد از جلد لوگوں کی مشکلات حل کرنے کا فیصلہ کرے اوراقدامات بھی کرے، ہیومن رائٹس کمیشن آف پاکستان کی طرف سے پی ٹی آئی کی صوبائی حکومتوں‌پرسخت تنقید کی گئی ہے کہ اگر آج مقامی حکومتوں کا دورہوتا تو یہ مشکلات درپیش نہ ہوتیں

کراچی : پاکستان میں کورونا وائرس سے صحت یاب ہونے والے پہلے مریض یحییٰ جعفری نے اپنا پلازمہ کورونا کے شکار مریضوں کے علاج کیلئے عطیہ کردیا۔یحییٰ جعفری کا کہنا ہے کہ وائرس کچھ ہی عرصے میں تاریخ بن جائے گا لیکن ہماری کوششیں یاد رکھی جائیں گی۔ملک میں پیسیو امیونائزیشن کا طریقہ علاج ممتاز ہیموٹولوجسٹ ڈاکٹر طاہر شمسی کی تجویز پر اختیار کیا جارہا ہے جس کی اجازت حکومت سندھ دے چکی ہے۔

کراچی کے نجی اسپتال میں ماہر امراض خون ڈاکٹر ثاقب انصاری اور اپنے والدین کے ہمراہ پریس کانفرنس کرتے ہوئے کورونا وائرس سےجنگ لڑکر صحت یاب ہونے والے مریض یحییٰ نے اپنی کہانی سنائی۔انہوں نے کہا کہ یہ وائرس کچھ ہی عرصے میں تاریخ بن جائے گا لیکن ہماری کوشش یاد رکھی جائیں گی۔

ماہر امراض خون ڈاکٹر ثاقب انصاری نے بتایا کہ جو مشینیں ڈینگی کے علاج میں کام کرتی ہیں و ہی کورونا میں استعمال ہوتی ہیں۔ کورونا کے 90 فیصد متاثرین میں پلازمہ کی ضرورت نہیں پڑتی۔ڈاکٹر ثاقب کہتے ہیں کہ اس طریقہ علاج کے لیے حکومت کے فیصلے کے منتظر ہیں۔

پریس کانفرنس میں قومی کرکٹر رومان رئیس بھی موجود تھے۔ انہوں نے کورونا کے خلاف جنگ لڑنے اور اپنا پلازمہ عطیہ کرنے پر یحییٰ کو مبارک بعد پیش کی اور عوام سے احتیاط کرنے اور حکومتی اقدامات پر عمل کرنے کی درخواست بھی کی۔یحییٰ جعفری کا پلازمہ کورونا وائرس کے مریضوں کا علاج پیسیو امیونائزیشن کے طریقے سے کرنے میں کام آئے گا۔

لاہور: کورونا وائرس کے مریضوں پردو دوائیوں کا تجربہ کامیاب، 18 مریض صحتیاب،اطلاعات کےمطابق کورونا وائرس سے متاثرہ مریضوں کے لئے ہائیڈروکسی کلوروئین اور ایزیتھرو مائی سین دوائیاں فائدہ مند ثابت ہونے لگی ہیں۔ مریضوں کو ان ادویات کا پانچ دن کا کورس مکمل کرایا گیا، اب تک اٹھارہ مریض صحتیاب ہو چکے ہیں۔

تفصیلات کے مطابق اینٹی ملیریا کیلئے استعمال ہونے والی دو دوائیوں ہائیڈروکسی کلوروئین اور ایزیتھرو مائی سین کو کورونا وائرس کے مریضوں پر استعمال کرنے کے کامیاب نتائج سامنے آ رہے ہیں۔متاثرہ مریضوں کو ہائیڈروکسی کلوروئین پہلے روز دو گولیاں صبح اور دو شام دی گئیں جبکہ باقی چار دن ایک گولی صبح اور ایک شام دی جا رہی ہے۔

کورونا ایڈوائزری گروپ کے کوچیئرپرسن اسد اسلم نے اس بارے میں بات کرتے ہوئے کہا ہے کہ گلے کی سوزش، بیکٹریا، جلد کے انفیکشن، آنکھ اور کان کے انفیکشن کے لئے استعمال ہونے والی ایزیتھرومائی سین ایک گولی صبح اور شام پانچ دن کا کورس مکمل کروایا جاتا ہے۔ تمام سرکاری ہسپتالوں میں یہ ادویات استعمال کروا کر مریضوں کو صحت یاب کیا جارہا ہے۔

ڈاکٹر اسد کا مزید کہنا تھا نجی معالج بھی یہ دو ادویات اپنے کورونا کے مریضوں کو استعمال کر سکتے ہیں۔ تاہم انہوں نے خبردار کیا کہ یہ دوا اپنے معالج کے مشورہ کے بغیر کھانے سے سائیڈ ایفیکٹ بھی کر سکتی ہے، اس لئے ڈاکٹر کی مشاورت کے بغیر اسے استعمال نہ کیا جائے۔

پروفیسر اسد اسلم نے بتایا کہ پنجاب کے سرکاری ہسپتالوں میں کورونا کے مریضوں کو دو ادویات کا پانچ دن کا کورس مکمل کرایا گیا، اب تک اٹھارہ مریض صحت یاب ہو چکے ہیں۔ ان مریضوں میں میو ہسپتال کے 8، پی کے ایل آئی کے 4 اور پنجاب کے دیگر اضلاع سے 5 مریض صحتیاب ہوئے۔