Category: کرونا اپڈیٹس

لاہور:ماریہ بی اور ان کے شوہر نے میڈیا پر جاری خبروں کی شدید تردید کرتے ہوئے کہا کہ گزشتہ روز ہونے والے واقعہ کے متعلق عوام کو تفصیلات سے آگاہ کرنا ہماری ذمہ داری ہے۔ میرے شوہر کی تمام تر میڈیکل رپورٹس سے دیکھا جا سکتا ہے کہ ان کا کورونا ٹیسٹ منفی ہے۔

واقعہ کی تفصیل سے آگاہ کرتے ہوئے ماریہ بی اور ان کے شوہر طاہر سعید نے اپنے ویڈیو پیغام میں بتایا کہ ان کا ملازم باورچی طاہر سعید کچھ دن قبل وہاڑی سے لاہور آیا تو اسے بخار اور دیگر علامات ظاہر ہونا شروع ہوئیں۔ جس پر ہم نے فوری ایکشن لیتے ہوئے ذمہ داری کا احساس کرتے ہوئے اپنے خرچہ پر نجی لیب کے ذریعے میڈیکل ٹیسٹ کرایا، اور میڈیکل رپورٹ آنے تک ایک کمرے تک محدود کردیا۔

اگر ہم اس سکریننگ سے نہ گزرتے تو سب سے پہلے ہمارا گھر متاثر ہوتا۔ اور نجانے کتنے اور لوگ متاثر ہو جاتے۔ بعد اذاں ملازم عمر فاروق کی رپورٹ پازیٹیو نکلی۔ یہ میڈیکل رپورٹ ہمارے پورے خاندان کے لئے بہت بڑی پریشانی کا باعث تھی۔ لیکن اس کے باوجود ہم نے عمر فاروق کو گھر میں علیحدہ رہائش اور کمرہ کرنتینہ کے طور پر مہیا کیا جہاں پر اس نے کچھ وقت قیام کیا لیکن فون پر رابطہ کرنے پر اس نے کہا کہ وہ اپنے آبائی گاؤں میں رہنا چاہتا ہے۔ جس کے بعد اس نے میرے شوہر طاہر سعید کو یقین دہانی کرائی کہ اس کے گھر میں کرنتینہ کے لئے علیحدہ کمرہ بھی موجود ہے جہاں پر وہ اپنے آپ کو سماجی طور پر تنہا کر سکتا ہے۔

میرے شوہر طاہر سعید نے باورچی عمر فاروق کو پبلک ٹرانسپورٹ پر سفر کرنے سے منع کیا اور سیلری کے ساتھ ساتھ سفر کے لئے اضافی رقم بھی فراہم کی۔ ہمارا خاندان نہایت خوفزدہ تھا اور ہماری پہلی ترجیح پورے خاندان اور ملازمین سمیت سب کی سکریننگ کرانا تھی۔ نجی لیب نے بھی عمر فاروق کی میڈیکل رپورٹ کے بعد کوئی رہنمائی فراہم نہیں کی۔ جس کے بعد ملازم عمر فاروق کی ضد اور اصرار پر ہم نے مشورہ کر کے فیصلہ کیا کہ ملازم عمر فاروق کو اس کے بھائی کے ہمراہ علیحدہ گاڑی میں اس کے آبائی گاؤں میں پہنچا دیا جائے۔

واقعہ کی تفصیل سے آگاہ کرتے ہوئے انہوں نے کہا کہ رات گئے پولیس کا ہمارے گھر میں چھاپہ مارنا اور تفتیش کے بغیر مقدمہ درج کرنا سراسر زیادتی ہے۔ ملک میں جاری ہیجانی کیفیت اور پریشانی میں مزید اضافہ کرنے کا باعث ہے۔ بحیثیت ذمہ دار شہری ہم نے تمام اداروں سے مکمل تعاون کرتے ہوئے ملازم عمر فاروق ، جو کہ ہمارے گھر میں باورچی کے طور پر خدمات سرانجام دے رہا تھا، کی مکمل میڈیکل رپورٹس اعلیٰ حکام تک پہنچائیں۔ اور کئی حکومتی ادارہ جات کے ساتھ مکمل تعاون کرتے ہوئے ملازم کا رابطہ نمبر اور پتہ فراہم کیا تا کہ اسے حفاظتی کرنتینہ میں رکھا جائے۔

اس کے بعد پبلک ہیلتھ اورکئی اداروں کیطرف سے فون آئے ہم نے ان کو سارا گائیڈ کیا اورساری صورت حال سے آگاہ کیا ، وہاڑی کے ڈسٹرکٹ ہستپال کے ایم ایس کے کا فون آیا اورانہوں‌نے بھی بتایا کہ عمر فاروق میں کرونا کے کوئی آثار موجود نہیں اور وہ پہلے سے بہتر محسوس کر رہا ہے ، بس احتیاط ضروری ہے ۔ اور ہم اس کو اپنے پاس کرنتینہ میں رکھ رہے ہیں۔

پھرجب یہ ساری صورت حال سب کے علم میں تھی اورسب کو ہم نے عمر فاروق کے بارے میں بتا دیا تھا توپھرہمارے خلاف کیوں گھر سے زبردستی بھگانے کا مقدمہ درج کیا گیا ہے ، یہ سراسر زیادتی ہے ، جھوٹ ہے، پولیس خواہ مخواہ اپنی ایفی شی اینسی دکھانے کے لیے اس معاملےکوایک جرم کے طورپرپیش کررہی ہے ، ایسے مقدموں سے عوام کو حکومت پر اعتماد کمزور ہو گا۔ ہم محب وطن پاکستانی ہیں، اور انسانیت کی خدمت پر یقین رکھتے ہیں۔ مشکل کے اس وقت میں ہم پوری قوم کے ساتھ ہیں اور حکومت اور اداروں کا ہر قسم کا ساتھ اور تعاون دے رہے ہیں۔

اسلام آباد:بڑی زرخیز ہے میرے وطن کی مٹی : پاکستانی طلبہ نے کوروناوائرس کی 20 سیکنڈ میں تشخیص کا آلہ بنالیا،اطلاعات کےمطابق دوپاکستانی طلبہ نے کوروناوائرس کی جلد تشخیص کے لیے سسٹم ڈیٹیکٹر بنایاہےجو پھیپھڑوں کے کمپیوٹڈ ٹومو گرافی (سی ٹی اسکین) سے وائرس کو شناخت کرلےگا۔

غلام اسحٰق خان انسٹیٹیوٹ صوابی میں زیر تعلیم مکینکل انجینئر محمد علیم اور ان کے ساتھی کمپیوٹر انجینئرنگ کے طالب علم راہول راج نے یہ آلہ بنایا ہے۔طلبہ کا کہنا ہے کہ کورونا وائرس بہت تیزی سے پھیل رہاہے اس لیے انہوں نے وائرس کی تشخیص کے لیے درکار کِٹس کی کمی کو مدنظر رکھتے ہوئے آرٹیفیشل انٹیلی جینس ٹول (مصبوعی ذہانت) سے مدد لینے کا فیصلہ کیا۔

غلام اسحٰق خان انسٹیٹیوٹ صوابی میں زیر تعلیم مکینکل انجینئر محمد علیم اور ان کے ساتھی کمپیوٹر انجینئرنگ کے طالب علم راہول راج کا دعویٰ ہے کہ ان کے بنائےگئے ماڈل کے ذریعے پھیپھڑوں کے سی ٹی اسکین کرکے کوروناوائرس کی موجودگی کی 92 فیصد تک درست تصدیق ہوسکتی ہے اور یہ عمل صرف 10سے20 سیکنڈز میں مکمل ہوجائےگا۔

واضح رہے کہ پاکستان میں عام طور پر لیبارٹری سےکورونا وائرس کی تشخیص میں کم از کم 24 گھنٹے درکار ہوتے ہیں۔

خیال رہے کہ پاکستان میں کورونا وائرس سے اب تک مجموعی طور پر 7 افراد جاں بحق ہوچکے ہیں جب کہ ملک بھر میں کیسز کی تعداد 958 ہوگئی ہے۔دنیا بھر میں کورونا سے متاثرہ افراد کی تعداد 3لاکھ 95 ہزار اور ہلاکتوں کی تعداد 17 ہزار سے زائد ہوچکی ہے۔

160 سے زائد ممالک میں پھیلی وبا کی وجہ سے پوری دنیا کو ماسک، کورونا کی تشخیص سے متلعق میڈیکل آلات، کِٹس اور وینٹی لیٹرز کی کمی کا سامنا ہے جب کی مریضوں کی تعداد روز بروز بڑھتی جارہی ہے۔

کراچی : 88 سال کا ریٹائر شخص ہوں، میں نہیں رو رہا، آپ رو رہے ہیں‘۔کورونا سے نمٹنے کیلئے گمنام عمر رسیدہ شخص کا سندھ حکومت کو 10 لاکھ کا عطیہکورونا وائرس سے پاکستان کے سب سے زیادہ متاثرہ صوبہ سندھ نے اگرچہ وبا سے نمٹنے کے لیے کئی ہنگامی اقدامات کیے ہیں۔

کورونا سے جنگ جیتنے کے لیے سندھ کے وزیر اعلیٰ سید مراد علی شاہ نے مخیر حضرات سے فنڈ دینے کی اپیل بھی کی تھی اور اب انہیں ان کی اپیل پر ایک گمنام شخص کی جانب سے فنڈ کے لیے اچھی خاصی رقم موصول ہوئی ہے۔وزیر اعلیٰ سندھ کو کسی گمنام عمر رسیدہ شخص نے کم سے کم 10 لاکھ روپے کا امدادی چیک بھجوایا، جس کی تصدیق خود وزیر اعلیٰ سندھ نے اپنی ایک ٹوئٹ میں کی۔

Today I received this anonymous donation made to “Sindh Coronavirus Emergency Fund”, along with a letter from the donor. Such acts of kindness strengthen our resolve to continue fighting this challenge, & reassure us that humanity stands tall during such extraordinary times! pic.twitter.com/DmvNwzlTHE

— Murad Ali Shah (@MuradAliShahPPP) March 23, 2020

وزیر اعلیٰ سندھ نے اپنی ٹوئٹ میں بتایا کہ ’آج سندھ کورونا وائرس ایمرجنسی فنڈ میں ایک کمنام شخص نے رقم عطیہ کی، جبکہ ساتھ میں ایک نوٹ بھی بھیجا، ایسے لوگوں کی وجہ سے ہم اس چیلنج سے لڑ سکتے ہیں، اس سے یہ بات بھی ثابت ہوتی ہے کہ غیر معمولی اوقات میں بھی انسانیت سب سے آگے ہے‘۔

ذرائع کے مطابق وزیر اعلیٰ سندھ نے رقم کے ساتھ بھیجے گئے نوٹ کی تصویر بھی شیئر کی جس میں لکھا تھا کہ ’88 سال کا ریٹائر شخص ہوں، میں نہیں رو رہا، آپ رو رہے ہیں‘۔

خیال رہے کہ وزیر اعلیٰ سندھ مراد علی شاہ نے دو روز قبل صوبے میں بڑھتے کورونا وائرس کے خطرے کے پیش نظر عوام کو گھروں تک محدود کرنے کے لیے رات 12 بجے سے لاک ڈاؤن کا اعلان کیا تھا۔پاکستان میں اب تک 916 کورونا کیسز کی تصدیق ہوچکی ہے جبکہ 7 افراد اس وائرس سے ہلاک بھی ہوچکے ہیں۔

اسلام آباد :اسلام آباد سے لاپتہ ہونے والا کورونا وائرس کا مشتبہ مریض کہاں سے پکڑاگیا، خبرسن کرہرکوئی حیران،اطلاعات کے مطابق اسلام آباد سے لاپتہ ہونے والا کورونا وائرس کا مشتبہ مریض پاکستان ریل کے ذریعے اپنے علاقے میں جاتے ہوئے پکڑا گیا۔

ذرائع کےمطابق سیہون کا رہائشی مشتبہ مریض اسلام آباد کے اسپتال سے بغیراطلاع روانہ ہوگیاتھا جس کے بعد مشتبہ مریض کی موجودگی پر پولیس اور محکمہ صحت کی ٹیموں نے عوام ایکسپریس رکوائی۔

مریض کی موجودگی پرعوام ایکسپریس کی تلاشی لی گئی تو مریض سندھ کے شہر نواب شاہ میں ٹرین میں موجود تھا جسے تاج کالونی پھاٹک پر اتار لیا گیا۔بعد ازاں محکمہ صحت کی ٹیم نے خصوصی لباس پہنا کر مریض کو پیپلز میڈیکل اسپتال منتقل کردیا۔

لاہور:کرونا وائرس: صوبہ پنجاب میں سکولوں کو 30 مئی تک بند رکھنے کا اعلان،پھرگرمی کی چھٹیاں شروع،اطلاعات کےمطابق پنجاب حکومت نے کابینہ کے اجلاس میں بڑے فیصلے کرتے ہوئے صوبے کے سرکاری سکولز کی چھٹیاں یکم جون تک بڑھانے کی منظوری دیدی ہے۔

صوبائی کابینہ کے اجلاس میں پنجاب کے ہسپتالوں میں حاضر ڈاکٹرز، پیرا میڈیکس سٹاف کی انشورنس کروانے اور بلوچستان کے لئے ایک ارب روپے کی گرانٹ دینے کی منظوری بھی دی گئی۔

کابینہ اجلاس کے بعد پریس کانفرنس کرتے ہوئے وزیراعلیٰ سردار عثمان بزدار نے بتایا کہ صورتحال کے پیش نظر صوبے میں بلدیاتی انتخابات موخر کر دیے گئے ہیں۔انہوں نے اعلان کیا کہ صوبے بھر کے سکولوں کی چھٹیاں 30 مئی تک بڑھانے کا فیصلہ کر لیا گیا ہے۔ وزیراعلیٰ نے کہا کہ نجی سکولوں کو تجویز دی کہ وہ بچوں سے نصف فیس وصول کی جائے۔