Category: کرونا اپڈیٹس

کرونا وائرس،بھارت میں بنا 100 بستروں کا پہلا ہسپتال،مودی کہہ رہے ہیں اسے بڑی کامیابی
باغی ٹی وی کی رپورٹ کے مطابق کرونا وائرس کے بھارت میں بڑھتے کیسز کے بعد جہاں لاک ڈاؤن کا اعلان کر دیا گیا وہیں ممبئی میں 100 بستروں کا ہسپتال بھی بنا دیا گیا

بھارتی وزیراعظم مودی کی اپیل پر ایک فاؤنڈیشن نے ممبئی میں ہسپتال قائم کیا گیا ہے جہاں کرونا کے مریضوں کا علاج کیا جائے گا، مہاراشٹر کے وزیراعلیٰ نے مودی سرکارکو مختلف شہرون میں‌ شہریوں‌کو کھانا مفت فراہم کرنے اور دیگر اقدامات کے لئے 5 کروڑ روپے کا فنڈ دینے کا بھی اعلان کیا ہے،

ممبئی میں دو ہفتوں میں کرونا وائرس سے نمٹنے کے لئے ہسپتال تیار کیا گیا،اس کا خرچ ایک فاؤنڈیشن برداشت کرے گی.اس ضمن مین مختلف فاؤنڈیشن نے اشتراک سے کام شروع کیا ان میں ریلائنس فاونڈیشن، ریلائنس رٹیل، جیو، ریلائنس لائس سائنسز، ریلائنس انڈسٹریزاور ریلائنس کے چھ لاکھ ممبرا ن بھی شامل ہیں جنہوں نے کرونا کے خلاف اقدامات کئے ہیں. ممبئی میں بننے والا یہ پہلا بھارتی ہسپتال ہے جو کرونا کے مریضوں کے لئے بنایا گیا ہے اور اسے مودی سرکار بڑی کامیابی قرار دے رہی ہے.

دوسری جانب ریلائنس فاونڈیشن نے ہی کرونا وائرس سے لاک ڈاؤن کی وجہ سے غیر سرکاری تنظیموں کے اشتراک سے مختلف شہریوں میں لوگوں کو مفت کھانا مہیا کرنے کا پروگرام بھی بنایا ہے،

واضح رہے کہ بھارت کی 30 ریاستوں اور مرکز کے زیر انتظام خطوں میں کورونا وائرس کی وجہ سے پوری طرح سے لاک ڈاون کردیا گیا ہے جبکہ کچھ دیگر ریاستوں نے بھی اپنے کچھ اضلاع میں اسی طرح کی پابندیوں کا اعلان کیا ہے ۔ مرکزی حکومت نے ریاستوں سے یہ بھی کہا ہے کہ اگر ضروری ہوتو اضافی پابندیاں بھی نافذ کی جائیں ۔ پڈوچیری ، پنجاب اور مہاراشٹر نے اپنے یہاں کرفیو لگانے کا بھی اعلان کردیا ہے ۔

تمل ناڈو میں کرونا وائرس کے تین مزید مثبت کیسز سامنے آنے کے بعد بھارت میں کورونا وائرس سے متاثر مریضوں کی تعداد 471 تک پہنچ گئی ہے جبکہ اب تک 9 افراد ہلاک ہو چکے ہیں، مہاراشٹر ، پنجاب ، ہماچل پردیش ، تلنگانہ ، آندھراپردیش ، کیرالہ ، سمیت متعدد ریاستوں نے مکمل لاک ڈاؤن کا اعلان کیا ہے اور اپنی سرحدیں بند کردی ہیں۔ مہاراشٹرا اور پنجاب نے پیر کے روز بھی کرفیو کا اعلان کیا تاکہ لوگوں کو یہ یقینی بنایا جا سکے کہ لوگ ممنوعہ احکامات کی خلاف ورزی نہ کریں

گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

بھارت میں کرونا کے 44 مریض، مندر میں بتوں کو بھی ماسک پہنا دیئے گئے

کرونا وائرس، بھارت میں 3 کروڑ سے زائد افراد کے بے روزگار ہونے کا خدشہ

بھارتی گلوکارہ میں کرونا ،96 اراکین پارلیمنٹ خوفزدہ،کئی سیاستدانوں گھروں میں محصور

بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ

خیال رہے کہ گزشتہ برس چین کے شہر ووہان سے منظر عام پر آنے والا کورونا وائرس اب دنیا کے 192 ملکوں تک پھیل چکا ہے جس سے مجموعی طور پر 3 لاکھ 35 ہزار سے زائد افراد متاثر اور 14 ہزار 476 افراد ہلاک ہو چکے ہیں۔ جب کہ وبا سے متاثر 98 ہزار سے زائد صحتیاب بھی ہو چکے ہیں

بھارت میں کرونا وائرس کے مریضوں میں اضافہ، کتنے مریض ہوئے صحتیاب؟

دنیا بھر میں کرونا وائرس سے متاثرہ افراد کی تعداد ساڑھے 3لاکھ سے تجاوز کر گئی

باغی ٹی وی : کورونا وائرس نے اپنی تباہی دنیا بھر میں‌ پھیلا رکھی ہے . دنیا بھر میں کرونا وائرس سے متاثرہ افراد کی تعداد ساڑھے 3لاکھ سے تجاوز کر چکی ہے۔ سپین میں ایک ہی روز 410، ایران میں 127 افراد موت کے منہ میں چلے گئے۔

جرمنی 17، بیلجیئم 13،چین، سوئٹزر لینڈ اور پرتگال میں 9،9، ملائیشیا 4، عراق 3، انڈونیشیا اور بنگلا دیش میں مزید ایک ایک ہلاکت ہوئی۔ اٹلی میں متاثرین کی تعداد 59 ہزار، سپین میں 33 ہزار ہوگئی۔ جرمنی 26 ہزار، ایران میں متاثرہ افراد کی تعداد 23 ہزار سے زائد ہو گئی ہے۔

غیر ملکی میڈیا کے مطابق کرونا وائرس سے سب سے زیادہ ہلاکتیں اٹلی میں ہوئی ہیں جہاں کم از کم ساڑھے پانچ ہزارافراد کی ہلاکت کی تصدیق کی جا چکی ہے۔ خیال رہے کہ یہ تعداد چین سے بھی زیادہ ہے جہاں سے یہ وبا شروع ہوئی تھی۔امریکہ میں اس وائرس سے متاثرہ افراد کی تعداد 25 ہزار سے زیادہ ہو چکی ہے اور واشنگٹن نے اپنے شہریوں کو بیرون ملک سفر کرنے سے منع کر دیا ہے۔

ادھر یورپی یونین نے وائرس کے پھیلاؤ کے بعد 30 روز کے لیے یونین کے باہر سے تمام مسافرین کے لیے اپنی سرحدیں بند کر دی ہیں۔آسٹریا میں مریضوں کی تعداد 3611 ہے اور ایک دن میں 367 مریضوں کا اضافہ ہوا ہے۔ فرانس میں وائرس سے ہلاکتوں کی تعداد 674 تک پہنچ گئی ہے۔ فرانسیسی پارلیمان نے ملک میں دو ماہ کے لیے طبی ایمرجنسی لگانے کی منظوری دے دی ہے۔ ہالینڈ کی حکومت نے سپین سے آنے والی تمام پروازوں پر دو ہفتے کے لیے پابندی لگا دی ہے۔

خیال رہے کہ کرونا وائرس کے خطرات کے پیش نظر اسرائیلی حکام نے مسجد اقصیٰ کو بھی غیر معینہ عرصے کے لیے بند کر دیا گیا تھا۔ اس بندش کے بعد سے مسلمانوں کو مسجد اقصیٰ کے احاطے یا حرم الشریف میں نماز کی ادائیگی کی اجازت تھی مگر اسلامی مقتدرہ نے اب وہ بھی منسوخ کر دی ہے.

دوسری طرف آسٹریلیا اور کینڈا نے اپنے دستے ٹوکیواولمپکس میں نہ بھجوانے کا اعلان کردیا آسٹریلین اولمپک کمیٹی نے اعلان کرتے ہوئے کہا کہ دنیا کی موجودہ صورت حال میں اپنے اتھلیٹکس کو ٹوکیو نہیں بھجوا سکتے۔ اس وقت دنیا ایک مشکل صورت حال سے دوچار ہے اپنے اتھلیٹس کی زندگی خطرے میں نہیں ڈال سکتے ۔اس طرح اولمپکس مقابلے بھی ملتوی ہوتے دکھائی دیتے ہیں.

کرونا وائرس سے کس ملک کے فوج کے جنرل کی ہوئی موت؟

باغی ٹی وی کی رپورٹ کے مطابق کرونا وائرس کی وجہ سے مصری فوج کے جنرل خالد شلتوت جان کی بازی ہار گئے

خبر رساں ادارے کی رپورٹ کے مطابق مصری فوج کے جنرل کی موت اتوار کو ہوئی تھی، ان میں کرونا وائرس کی تشخیص ہوئی تھی جس کے بعد انہیں ہسپتال منتقل کر دیا گیا تھا، ان کا علاج جاری تھا کہ ان کی موت ہو گئی

خالد شلتوت واٹر ایڈمنسٹریشن کے ڈائریکٹر بھی تھے، مصری فوج کے ترجمان کا کہنا ہے کہ میجر جنرل خالد شلتوت کا شمار قابل ترین فوجی افسروں میں ہوتا تھا۔ خالد شلتوت کے کرونا وائرس سے جاں بحق ہونے پر فوج صدمے سے دوچار ہے۔

کرونا وائرس سے بچاؤ کے پیش نظر احتیاطی تدابیر اختیار کرتے ہوئے مصری فوج نے لبریشن کمپلیکس، مرکزی چوراہوں، شاہراہوں، سب ویز، میٹرو ٹرین، جامعات، پارلیمنٹ ہاؤس اور وزیراعظم ہاؤس سمیت دیگر عمارات کی صفائی کا عمل شروع کررکھا ہے۔ میجر جنرل شلتوت کی وفات کے باوجود فوج شہروں اور اہم تنصیبات کی صفائی اور اسپرے کا کام جاری رکھے گی

واضح رہے کہ کرونا وائرس کے پیش نظر مصر کے تمام ایئرپورٹس 19 سے 31 مارچ تک بند کردئیے گئے تھے۔مصر کے صدر عبدالفتاح السیسی نے صدارتی فرمان جاری کر کے اسکولوں، کالجوں اور یونیورسٹیوں میں تعلیم معطل کردی تھی جس پرعمل درآمد 15 مارچ سے شروع کر دیا گیا تھامصری صدر نے کرونا وائرس سے نمٹنے کے لیے 100 ارب مصری پونڈ مختص کیے ہیں۔

مصری وزیر اعظم کا کہنا ہے کہ ملک میں کھانے پینے کی اشیا وافر مقدار میں موجود ہیں جو کئی مہینے کے لیے کافی ہوں گی۔ عوام پریشان نہ ہوں اور حد سے زیادہ سامان خریدنے سے گریز کیا جائے۔ انہوں نے تاجرو ں کو بھی وارننگ دی ہے کہ وہ صورتحال سے ناجائز فائدہ اٹھانے کی کوشش نہ کریں، تاجروں کی اجارہ داری کی ہر کوشش کو ناکام بنا دیا جائے گا اور بحران کے بہانے اشیا کے نرخ بڑھانے والوں سے سختی سے نمٹا جائے گا.

واضح رہے کہ مصر نے اب تک کرونا وائرس کے 285 کیسوں کی تصدیق کی ہے۔ان میں آٹھ افراد کی موت ہو چکی ہے،مصر کی دانش گاہ جامعہ الازہر نے قاہرہ کے قدیم حصے میں واقع اپنی تاریخی جامع مسجد کوبند کرنے کا اعلان کیا ہے اور کہاہے کہ یہ اقدام عبادت گزاروں کے تحفظ کے لیے کیا جارہا ہے اور کرونا وائرس کی وبا کے خاتمے تک مسجد بند رہے گی۔الازہر کے سینیر علماء کی کونسل نے 15 مارچ کو کہا تھا کہ حکومت کو لوگوں کو کرونا وائرس سے بچانے کے لیے مساجد کو بند کرنے کا حق حاصل ہے۔

واضح رہے کہ چین سے پھیلنے والے خطرناک ترین کورنا وائرس سے اموات کا سلسلہ تھم نہ سکا، وبا سے ہلاکتیں مسلسل بڑھتی جارہی ہیں، 190 ممالک و خودمختار علاقوں میں پھیلنے والے کورونا وائرس سے مرنے والوں کی تعداد 16 ہزار 100 ہوگئی ہے۔ دنیا بھر میں کورونا وائرس کےمریضوں کی تعداد3 لاکھ 66ہزار948ہو گئی ہے جب کہ کورونا سےصحتیاب ہونےوالوں کی تعداد ایک لاکھ، 1ہزار65 ہے، پاکستان میں کرونا وائرس سے 6 ہلاکتیں ہو چکی ہیں.