لاہور:ثقلین مشتاق اور عبدالرزاق کوعبوری کوچ کیوں نامزد کیا گیا؟اہم وجہ سامنے آگئی ،اطلاعات کے مطابق پاکستان کرکٹ کے عبوری کوچز کا کوچز کا اعلان کردیا گیا ہے ، ثقلین مشتاق اور عبدالرزاق نیوزی لینڈ کیخلاف ہوم سیریز میں بحیثیت عبوری کوچز ذمہ داریاں نبھائیں گے۔

ادھرذرائع کے مطابق آج پاکستان کرکٹ ٹیم کے ہیڈ کوچ مصباح الحق اور بولنگ کوچ وقار یونس کوچنگ کے عہدوں سے دستبردار ہوگئے۔عہدمصباح الحق اور وقار یونس کو ستمبر 2019 میں قومی کرکٹ ٹیم کا بالترتیب ہیڈ کوچ اور بولنگ کوچ مقرر کیا گیا تھا۔

اس حوالے سے ہیڈ کوچ مصباح الحق کا کہنا ہے کہ جمیکا میں قرنطینہ کے دوران اپنے 24 ماہ کی کارکردگی کا جائزہ لیا، جانتا ہوں یہ آئیڈیل وقت نہیں مگر فی الحال ایسے فریم آف مائنڈ میں نہیں کہ آئندہ چیلنجز سے نبرد آزما ہو سکوں۔

عہدے سے دستبرداری کے بعد سابق کوچ مصباح الحق نے کہا کہ اپنے اہلخانہ کے ساتھ وقت گزارنا چاہتا ہوں۔

جبکہ باولنگ کوچ وقار یونس نے کہا کہ مصباح الحق نے اپنا فیصلہ بتایا تو میں نے بھی عہدہ چھوڑنے کا فیصلہ کرلیا، پاکستان کے نوجوان بولرز کے ساتھ کام کرنے پر بہت مطمئن ہوں۔

اس حوالے سے چیف ایگزیکٹو پی سی بی وسیم خان کا کہنا ہے کہ پی سی بی مصباح الحق کے فیصلے کا احترام کرتا ہے، گزشتہ 24 ماہ میں مصباح الحق نے اپنی تمام تر توانائیاں پاکستان کرکٹ کے لیے خرچ کیں، وقار یونس نے بھی جرات مندانہ فیصلہ کیا ہے۔

وسیم خان نے کہا کہ ہم نے ثقلین مشتاق اور عبدالرزاق کو عبوری کوچز کی حیثیت سے نیوزی لینڈ سیریز کے لیے تعینات کیا ہے، آئی سی سی مینز ٹی ٹونٹی ورلڈ کپ 2021 کے لیے ٹیم منیجمنٹ کا اعلان مناسب وقت پر کردیا جائے گا۔

لاہور :وزیراعظم عمران خان چیخ چیخ‌ کرتھک گئے مگردونمبری کرنے والے بازنہ آئے ،اطلاعات کے مطابق محکمہ صحت پنجاب نے لاہور میں جعلی کورونا ویکسینیشن سرٹیفکیٹ بنانے میں ملوث اپنے ایک ملازم کو گرفتار کرلیا، ملزم عبدالرحمان شہریوں سے 4ہزار روپے رشوت لیکر جعلی انٹریاں کرتا تھا۔

لاہور پولیس کے مطابق کورونا ویکسی نیشن کے جعلی سرٹیفکیٹ بنانے والوں کے خلاف کریک ڈاؤن جاری ہے ،یہ بھی معلوم ہوا ہے کہ بعض مصدقہ اطلاعات کےبعد لاہور ایکسپو سنٹر سے شہریوں کی ویکسین کی جعلی انٹری کرنے والے ملزم کو گرفتار کرلیا۔

جوہرٹاون پولیس کے مطابق ملزم عبدالرحمان شہریوں سے 4ہزارروپےرشوت لیکر جعلی انٹریاں کرتا تھا ، جعلی انٹریاں کرانے والا عبدالرحمان محکمہ صحت میں درجہ چہارم کا ملازم ہے۔

یاد رہے گذشتہ ماہ سندھ حکومت نے نیشنل کمانڈ اینڈ آپریشن سینٹر (این سی او سی) سے جعلی ویکسی نیشن کارڈ یا سرٹیفیکٹ بنانے والوں کے شناختی کارڈ بلاک کرنے کی سفارش کی تھی۔

واضح رہے کہ کرونا ویکسین لگوائے بغیر شہریوں کو سرٹیفیکٹ جاری کروانے یا جعلی بنا کر دینے کے حوالے سے انکشاف سامنے آیا تھا، جس کے بعد سندھ حکومت نے تحقیقات کیں اور گروہ کے خلاف کارروائی عمل میں لائی گئی۔

لاہور:وزیراعظم کی ہدایت پرتعلیمی اداروں میں موبائل فون کے استعمال پر پابندی؛ نوٹیفکیشن جاری ،اطلاعات کھےمطابق وزیراعظم عمران خان کی منظوری کے بعد یہ فیصلہ کیاگیا، فیصلہ کے بعد جنوبی پنجاب کے تعلیمی اداروں میں موبائل فون کے استعمال پابندی لگادی گئی، اس حوالے سے باقاعدہ نوٹی فکیشن بھی جاری کیاگیا۔

تفصیلات کے مطابق وزیراعظم عمران خان نے جنوبی پنجاب کو الگ صوبہ بنانے کا فیصلہ کیا تھا جس کے تحت جنوبی پنجاب سیکرٹریٹ کی خود مختاری کےلئے تاریخی فیصلہ کرتےہوئے رولز آف بزنس میں تبدیلی کی گئی،

ذرائع کے مطابق اس حوالے سے اب ایک اور اہم فیصلہ کیا گیا کہ جنوبی پنجاب کے تعلیمی اداروں میں موبائل فون کا استعمال بند ہوگا،پنجاب حکومت کی جانب سے نوٹی فکیشن جاری کیا جس کے تحت جنوبی پنجاب کے 11 اضلاع میں موبائل فون کے استعمال پر پابندی عائد کی گئی۔

نوٹی فکیشن کے مطابق ملتان، بہاولپور، بہاولنگر،خانیوال، وہاڑی،لودھراں،رحیم یارخان، ڈیرہ غازی خان، مظفر گڑھ، لیہ، راجن پور کے اضلاع شامل ہیں،جاری نوٹی فکیشن میں تحریر کیاگیا کہ ملتان، بہاولپور، بہاولنگر،وہاڑی میں سکولوں کے اوقات کار کے دوران اساتذہ کوموبائل فونز استعمال کرتے دیکھا گیا۔

دوسری جانب 2019 میں لاہور کے تعلیمی اداروں میں بھی اساتذہ کی جانب سےسکولوں کے اوقات کار کے دوران موبائل استعمال کرنے کے کیسز سامنے آنے پر پابندی لگائی گئی تھی۔

واضح رہے کہ گزشتہ روز پریس کانفرنس کرتے ہوئے وزیراعلیٰ پنجاب کا کہنا تھا کہ جنوبی پنجاب کی ڈویژن گیارہ اضلاع پر مشتمل ہوگی، چیف سیکرٹری اور عملہ کو تعینات کر دیاگیا جبکہ ایڈیشنل چیف سیکرٹری کو دفاتر اور فنڈز کے اختیارات ہوں گے،جنوبی پنجاب سیکرٹریز دفاتر کو بھرتیوں کے اختیارات بھی مل گئے ہیں۔

ان کا کہنا تھا کہ پنجاب کی پہلی تاریخ میں جنوبی پنجاب کےلئے 33 فیصد ایک سو نوے ارب روپے مختص کیے گیے ہیں، جنوبی پنجاب کی عوام کو مبارک باد دیتا ہوں یہ مرحلہ جنوبی پنجاب کےلئے اہم ہوگا۔ پورا پنجاب ہمارا ہے جنوبی پنجاب ہو یا وسطی پنجاب توجہ ہے،سپیکر سمیت سب کے ساتھ اچھے تعلقات ہیں ان کے آئیڈیاز پر کام کرتے ہیں۔

کراچی :لو جی نئی مصبیت آگئی:شادی ہال مالکان کو گرفتار کرنےکا حکم،اطلاعات کے مطابق محکمہ داخلہ سندھ نے شادی ہال مالکان کےخلاف کارروائی کےلئے نیا حکمنامہ جاری کر دیا۔

تفصیلات کے مطابق محکمہ داخلہ سندھ نے انڈور شادی کی تقاریب منعقد کرنے والے بینکوئٹ ‏اور شادی ہالز کو سربمہر کرنے کے احکامات جاری کر دیے۔

محکمہ داخلہ نے متعلقہ اداروں کو ہدایت کی ہے کہ رات دس بجےکے بعد کھلے رہنے والےشادی ‏ہالز مالکان کو گرفتار کیاجائے، شادی کی آوٹ ڈور تقاریب میں 300سےزائد مہمان مدعو کرنے پر ‏کارروائی کی جائے۔

محکمہ داخلہ نے روزانہ کی بنیاد پر شادی ہالز کےخلاف کارروائی کی رپورٹ دینےکا حکم دیتے ‏ہوئے کہا ہے کہ کراچی ڈویژن اور ضلع حیدر آباد میں رات دس بجے کےبعد کھلے رہنےوالےہوٹلز ‏ریسٹورینٹس سیل کرنےمالکان گرفتار کیا جائے۔اس حوالے سے آئی جی سندھ ، کمشنر کراچی ، کمشنر حیدرآباد اور دیگر حکام کو ہدایت جاری کر ‏دی گئی ہیں۔