Baaghi TV

Category: جرائم و حادثات

  • سکھر:گیس سلنڈر کی دکان میں دہماکوں کے بعد آگ لگ گئی

    سکھر:گیس سلنڈر کی دکان میں دہماکوں کے بعد آگ لگ گئی

    سکھر:گیس سلنڈر کی دکان میں دہماکوں کے بعد آگ لگ گئی ،اطلاعات کے مطابق سکھر ،روہڑی ریلوے اسٹیشن پر گیس سلنڈر کی دکان میں دہماکوں کے بعد آگ لگ گئی،اس آگ کے شعلے دور دور تک دکھائے دینے لگے

    سکھر سے پولیس ذرائع کے مطابق دکان میں لگنے والی آگ نے قریبی دو ہوٹلز اور دو دکانوں کو اپنی لپیٹ میں لے لیا ، جس کے بعد دکانوں میں آتشزدگی سے تین افراد معمولی زخمی ہوئے لیکن ان پر حرارت کے سخت اثرات بھی مرتب ہوئے

    ادھر پولیس ذرائع کے مطابق اس دھماکے میں ہونے والے زخمی افراد کو روہڑی اسپتال لے جایا گیا ،واقعہ کی اطلاع پر ریسکیو ٹیمیں جائے وقوعہ پر پینچ گئیں ،فائربریگیڈ گاڑیوں نے بڑی کوششوں کے بعد آگ پر قابو پالیا

    پولیس کے مطابق آتشزدگی سے معمولی نقصان ہوا ہے ،گیس سلنڈر پھٹنے کے دہماکے کی آوازی دور تک سنی گئی ، واقعہ کی اطلاع پر شہریوں کی بڑی تعداد جائے وقوعہ پر پہنچی ،

    ادھر ٹھٹھہ میں کوئلے کی کان میں دبنے سے 2 مزدور جاں بحق جبکہ 2 شدید زخمی ہو گئے ہیں۔

    یہ واقعہ ٹھٹھہ میں جھرک کے قریب پیش آیا جہاں کوئلے کی کان میں دب کر 2 مزدور جاں بحق جبکہ دو شدید زخمی ہو گئے۔

    ایس ایچ او جھرک زاہد شیخ کا کہنا ہے کہ مزدور کوئلے کی کان سے کوہ نکال رہے تھے، تودہ گرنے سے ملبے تلے دب گئے۔

  • پمز ہسپتال،شعبہ آپٹامالوجی مریضوں سے بدسلوکی کی بدترین مثال بن گیا

    پمز ہسپتال،شعبہ آپٹامالوجی مریضوں سے بدسلوکی کی بدترین مثال بن گیا

    اسلام آباد : پمز ہسپتال میں آنکھوں کا شعبہ ڈاکٹروں کی بداخلاقی اور مریضوں سے ناروا سلوک کی بدترین مثال بن گیا ، ڈاکٹر صبا نامی آنکھوں کی ڈاکٹر خود اخلاق سے نابینا ہوگئی ،کمرے کو اندر سے کنڈیاں لگا کر خوش گپیاں ،آنکھوں کے سینکڑوں مریض باہر انتظار کی سولی پر لٹک گئے ،احتجاج پر عمر رسیدہ خاتون مریض کو دھکے دیکر کمرے سے باہر نکال دیا ،علاج سے انکار ۔ انتظامیہ کو شکایت کرنے پر ٹس سے مس نہ ہوئیں ، جوائنٹ ایگزیکٹو ڈائریکٹر کا حکم بھی ہوا میں اڑا دیا ،لواحقین کے ہسپتال انتظامیہ کو ڈاکٹر صبا کیخلاف باضابطہ درخواست جمع کرادی ۔

    تفصیلات کے مطابق پمز ہستال انتظامیہ وزیراعظم پاکستان عمران خان اور صحت کے معاون خصوصی ڈاکٹر فیصل سلطان کے اصلاحاتی ایجنڈے کو نافذ کرنے میں ناکام ہوگئی ۔ ہسپتال میں ینگ ڈاکٹرز کی جانب سے آئے روز کسی نہ کسی بہانے سے ہڑتالیں اور احتجاج معمول بن گیا جب کہ ہسپتال انتظامیہ اپنی رٹ قائم کرنے میں مکمل ناکام نظر آتی ہے ۔ صرف یہی نہیں بلکہ کمزور انتظامیہ کی وجہ سے تکبر اور انا میں اٹے ڈاکٹرز غریب مریضوں کے لئے خدا بن بیٹھے ہیں ۔

    گزشتہ روز سوہان اسلام آباد سے آئی 68 سالہ عمررسیدہ خاتون مریضہ سے بھی پمز ہسپتال میں آنکھوں کے شعبہ کی ڈاکٹر صبا نے انتہائی نامناسب اور تضحیک آمیز رویہ اپناتے ہوئے علاج سے انکار کردیا ۔ مذکورہ مریضہ کے بیٹے طاہر نے بتایا کہ وہ اپنی والدہ کو لیکر صبح ساڑھے 8 بجے ہستپال آئے اور ایک بجے تک شعبہ آپٹامالوجی میں کمرہ نمبر تین کے سامنے دوائی کا نسخہ لکھوانے کے لئے انتظار کرتے رہے ،اس دوران ڈاکٹر صبا نامی ڈاکٹر نےمسلسل کمرے کے دونوں دروازوں کو اندر سے کنڈی لگائے رکھی اور اپنی دوستوں کے ساتھ خوش گپیوں میں مصروف رہی ، گھنٹوں کے انتظار کے بعد جب عمرہ رسیدہ مریضہ کمرے میں گئی تو ڈاکٹر صبا نے انہیں آدھا گھنٹہ بیٹھانے کے بعد بغیر نسخہ دیئے کمرے سے انتہائی بدتمیزی ،ڈانٹ ڈپٹ اور دھکے دیکر باہر نکال دیا اور کمرے کے دوبارہ کنڈیاں لگا لیں۔

    مریضہ کے بیٹے کے مطابق آدھے گھنٹے انتظار کے بعد جب سٹاف کے کہنے پر مذکورہ ڈاکٹر نے دروازہ کھولاتو انھو ں نےایک بار پھر مذکورہ ڈاکٹر سے نسخہ لکھنے کی درخواست کی اور سوال کیا کہ آیا انھوں نے دروازوں کو کنڈیاں کیوں لگا رکھی ہیں جب کہ سینکڑوں مریض باہر خوار ہورہے ہیں تو مذکورہ ڈاکٹرآگ بگھولہ ہوگئیں اور ایک بار پھر انہیں والدہ سمیت کمرے سے باہر نکال دیا ۔ بیٹا مریضہ کے مطابق وہ اس واقعے کی شکایت لیکر جوائنٹ ایگزیکٹو ڈائریکٹر ڈاکٹر اعجاز قدیر کے پاس گئے ،تو انھوں نے اپنے پی اے کو مذکورہ ڈاکٹر کے پاس بھیجا اور نسخہ لکھنے کی ہدایت کی تاہم ڈاکٹر صبا نے جوائنٹ ایگزیکٹو ڈائریکٹر کی ہدایت بھی نظر انداز کردی اور ایک بار پھر نسخہ لکھنے سے انکار کردیا ۔ مریضہ اور ان کے لواحقین کا کہنا ہے وہ اس واقعے سے شدید ذہنی اذیت اور پریشانی کا شکار ہوئے ہیں اور معاون خصوصی صحت ڈاکٹر فیصل سلطان ،سیکرٹری ہیلتھ کئیر اور پمز ہسپتال انتظامیہ سے اپیل کرتے ہیں کہ مذکورہ ڈاکٹر کیخلاف کارروائی کرتے ہوئے انہیں انصاف فراہم کیاجائے ۔

  • انٹرنیشنل کبڈی کھلاڑی میچ کے دوران فائرنگ سے ہلاک

    انٹرنیشنل کبڈی کھلاڑی میچ کے دوران فائرنگ سے ہلاک

    نئی دہلی :انٹرنیشنل کبڈی کھلاڑی میچ کے دوران فائرنگ سے ہلاک ،اطلاعات کے مطابق نامعلوم حملہ آوروں نے انٹرنیشنل کبڈی کھلاڑی سندیپ ننگل کو میچ کے دوران فائرنگ کرکے قتل کردیا۔

    غیر ملکی میڈیا کے مطابق عالمی سطح کے کبڈی کھلاڑی پر فائرنگ کا واقعہ جالندھر کے ملیاں گاوں میں چل رہے ایک کبڈی کپ کے دوران پیش آیا۔حملہ آوروں کی بندوق سے نکلی بیس گولیاں سندیپ کے سر اور سینے میں لگیں۔

    کبڈی میچ کے دوران فائرنگ شروع ہوئی تو تماشیوں نے اپنی جان بچانے کےلیے دوڑ لگادی جب کہ سندیپ ننگل شدید زخمی حالت میں وہیں گرگئے۔لوگوں نے سندیپ کو فوری طور پر اسپتال منتقل کیا تاہم وہ زخموں کی تاب نہ لاتے ہوئے راستے میں ہی دم توڑ گئے۔

    میڈیا رپورٹس میں کہا گیا ہے کہ سندیپ نے ایک دہائی تک کبڈی کی دنیا پر راج کیا ہے، وہ پنجاب کے علاوہ وہ کنیڈا، امریکا اور برطانیہ میں بھی کھیل چکے تھے، مداح انہیں گلیڈیئیٹر کے نام جانتے تھے۔

    ادھر چند دن پہلے پاکستان میں فیصل آباد میں پاکستان کبڈی ٹیم کے کھلاڑی ملک بنیامین کی دعوت ولیمہ میں شرکت کرنے والا مہمان فائرنگ کے دوران گولی لگنے سے جاں بحق ہوگیا۔

    یہ واقعہ فیصل آباد کے نواحی گاؤں چک نمبر 102 رب بڈھے چک میں پیش آیا جہاں ملک بنیامین کے ولیمے کی تقریب ہورہی تھی جس میں جشن مناتے ہوئے شدید فائرنگ کی گئی جس کی زد میں ایک نوجوان علی شدید زخمی ہوگیا۔

    علی کے ساتھی اسے زخمی حالت میں لاہور لے گئے لیکن وہ راستے میں ہی دم توڑ گیا۔ ایس ایچ او کھڑیانوالہ محسن منیر نے کہا ہے کہ کھڑیانوالہ پولیس لاش لینے لاہور جا رہی ہے، لاش کا پوسٹ مارٹم کرو ا کر مزید قانونی کارروائی کی جائے گی۔ پولیس کا کہنا ہے کہ کئی گھنٹے بعد ہمیں واقعہ کا علم ہوا اور ہمیں بتایا گیا ہے کہ علی اپنی ہی گولی لگنے سے ہلاک ہوا ہے۔

  • نورمقدم قتل کیس، سزائے موت کے قیدی ظاہر جعفر نے اپیل کر دی

    نورمقدم قتل کیس، سزائے موت کے قیدی ظاہر جعفر نے اپیل کر دی

    نورمقدم قتل کیس، سزائے موت کے قیدی ظاہر جعفر نے اپیل کر دی

    نور مقدم قتل کیس کے مرکزی ملزم ظاہر جعفر نے سزا کے خلاف اسلام آباد ہائی کورٹ سے رجوع کرلیا

    عدالت نے سزائے موت کے قیدی مرکزی ملزم ظاہر جعری کی اپیل پرٹرائل کورٹ سے ریکارڈ طلب کرلیا ہے نور مقدم قتل کیس کے مرکزی مجرم ظاہر جعفر کو ٹرائل کورٹ کی جانب سے سزائے موت اور 25 سال قید بامشقت کی سزا و جرمانے کی سزا سنائی گئی تھی جس کے خلاف آج ظاہر جعفر نے اسلام آباد ہائی کورٹ میں اپیل دائر کردی۔ مرکزی مجرم کی جانب سے سزا کو کالعدم قرار دینے کی استدعا کی گئی ہے

    شریک ملزمان بھی سزا کے خلاف رجوع کرچکے ہیں، جبکہ مجرمان کی سزا بڑھانے اور ملزمان کی بریت کیخلاف نور مقدم کے والد شوکت مقدم بھی ہائی کورٹ سے رجوع کرچکے ہیں،

    اسلام آباد ہائیکورٹ کے جسٹس عامر فاروق اور جسٹس سردار اعجاز اسحاق نے نور مقدم قتل کیس میں 9 ملزموں کی بریت کے خلاف اپیل پر سماعت کی، عدالت نے نور مقدم قتل کیس کا ریکارڈ طلب کرلیا،نورمقدم کے والد شوکت مقدم کی جانب سے شاہ خاور ایڈوکیٹ عدالت میں پیش ہوئے،

    عدالت کو بتایا گیا کہ اس کیس میں مجرموں کی سزا کے خلاف بھی اپیلیں آئی ہیں، عدالت نے نور مقدم قتل کیس سے متعلق تمام اپیلوں کو یکجا کرنے کی ہدایت کردی

    نور مقدم قتل کیس میں 9 ملزمان کی بریت کے خلاف اسلام آباد ہائی کورٹ میں اپیل دائر کر دی گئی اسلام آباد ہائی کورٹ میں مجرم ظاہر جعفر کے والدین اور خانساماں جمیل کی بریت چیلنج کر دی گئی ،تھراپی ورکس کے سی ای او سمیت 6 ملزمان کی بریت کے خلاف بھی اپیل دائر کی گئی،مالی اور چوکیدارکو دیگر دفعات کے تحت بھی سزا دینے کی اپیل دائرکی گئی مدعی مقدمہ شوکت مقدم کی جانب سے وکیل شاہ خاور نے اپیل دائر کی،اپیل میں کہا گیا کہ ملزمان کے خلاف ڈیجیٹل شواہد موجود ہیں ٹرائل کورٹ نے خلاف قانون بری کیا،ملزمان کی بریت ختم کرکے قانون کے مطابق سزا دی جائے ،مجرم ظاہر جعفر کے والدین ، خانساماں اور تھراپی ورکس ملزمان کو ٹرائل کورٹ نے بری کردیا تھا

    قبل ازیں نور مقدم قتل کیس کے مرکزی مجرم ظاہر جعفر کی سزا بڑھانے کیلئے اسلام آباد ہائیکورٹ میں بھی اپیل دائر کردی گئی ہے مدعی مقدمہ شوکت مقدم نے اسلام آباد ہائی کورٹ میں موقف اپنایا کہ مجرم جان محمد اور افتخار کی سزا بھی بڑھانے کی اپیل کی جبکہ شوکت مقدم کے وکیل شاہ خاور نے تین اپیلیں دائر کیں اپیل میں استدعا کی گئی کہ مجرم ظاہر جعفر کے خلاف ڈیجیٹل شواہد موجود ہیں، ٹرائل کورٹ نے کم سزا دی، مجرموں کی سزا قانون کے مطابق بڑھائی جائے

    اسلام آباد ہائیکورٹ میں گیارہ ملزمان کے خلاف اپیل دائر کی گئی،گیارہ ملزمان میں سے نو ملزمان کو بری کیا گیا جبکہ دو ملزمان کوکچھ دفعات کے تحت سزا نہیں دی گئی جان محمد اور افتخار کی اپیل الگ ہے،جن دفعات میں انکو سزا نہیں دی گئی انکو مزید سزا دینے کی اپیل کی گئی ہے ،شاہ خاور ایڈوکیٹ ہی نورمقدم کیس اسلام آباد ہائیکورٹ میں پیروی کریں گے،

    قبل ازیں نورمقدم قتل کیس کا فیصلہ سنا دیا گیا، عدالت نے نور مقدم قتل کیس کے مرکزی ملزم ظاہر جعفر کو سزائے موت سنا دی ایڈیشنل سیشن جج عطاء ربانی نے فیصلہ سنایا،عدالت نے شریک ملزمان ظاہر جعفر کے ملازمین جمیل اور افتخار کو دس دس سال قید کی سزا سنائی ،عدالت نے ملزم کے والدین کو بری کر دیا،عدالت نے تھراپی ورکس ملازمین کو بھی بری کر دیا ،کمرہ عدالت میں بڑی تعداد میں لوگ موجود تھے ،نورمقدم کے والد شوکت مقدم بھی فیصلہ سننے کے لیے کمرہ عدالت میں موجود تھے کمرہ عدالت میں وکلاء اور میڈیا نمائندگان کی بھی بڑی تعداد موجود تھی اس موقع پر سیکورٹی کے سخت انتظامات کئے گئے تھے، عدالت کے باہرپولیس کی بھاری نفری تعینات تھی،جب فیصلہ سنایا گیا تو نور مقدم کا قاتل ظاہر جعفر بھی عدالت میں موجود تھا،

    :کس کوکیوں اورکتنی سزا دی ؟ نور مقدم قتل کیس کا تفصیلی فیصلہ جاری ،

    نورمقدم کے قاتل کو بھاگنے نہیں دیں گے،دوٹوک جواب،مبشر لقمان کا دبنگ اعلان

    مبشر لقمان کو ظاہر جعفر کا نوٹس تحریر-سید لعل حسین بُخاری

    نور مقدم کیس، فنڈ ریزنگ اور مبشر لقمان کے انکشاف، بیٹا اور بیٹی نے نوازشریف کو ڈبودیا تاریخی رسوائی، شلپا شیٹھی، فحش فلمیں اور اصل کہانی؟

    نور مقدم کیس اور مبشر لقمان کو دھمکیاں، امریکہ کا پاکستان سے بڑا مطالبہ، ایک اور مشیر فارغ ہونے والا ہے

    جب تک مظلوم کوانصاف نہیں مل جاتا:میں پیچھے نہیں ہٹوں‌ گا:مبشرلقمان بھی نورمقدم کے وکیل بن گئے

    مبشرلقمان آپ نے قوم کی مظلوم مقتولہ بیٹی کےلیےآوازبلند کی:ڈرنا نہیں: ہم تمہارے ساتھ ہیں:ٹاپ ٹویٹرٹرینڈ 

    :نورمقدم کی مظلومیت کیوں بیان کی: ظاہر جعفر کے دوست ماہر عزیز کے وکیل نے مبشرلقمان کونوٹس بھجوا دیا

    نور مقدم قتل کیس،فیصلہ آ گیا،مرکزی ملزم سفاک ظاہر جعفر کو سزائے موت کا حکم

    نور مقدم کیس زندہ رکھنے پر مبشر لقمان کا شکریہ، جویریہ صدیق

    آج ہمیں انصاف مل گیا،نور مقدم کے والد کی فیصلے کے بعد گفتگو

    انسانیت کے ضمیرپرلگے زخم شاید کبھی مندمل نہ ہوں،مریم نواز

    مبارک ہو، نور مقدم کی روح کو سکون مل گیا، مبشر لقمان جذباتی ہو گئے

    نور مقدم کیس میں سیشن کورٹ کا فیصلہ خوش آئند ہے ،اسلامی نظریاتی کونسل

    نور مقدم کیس کے کتنے پیسے لیے؟ وکیل نے سب کچھ بتا دیا

    نور مقدم قتل کیس، ملزمان کی بریت کے خلاف اسلام آباد ہائی کورٹ میں اپیل دائر

  • جنسی خواہش کی تکمیل نہ ہونے پر گھر میں گھس کر خواجہ سراؤں پر گولیاں برسا دی گئیں

    جنسی خواہش کی تکمیل نہ ہونے پر گھر میں گھس کر خواجہ سراؤں پر گولیاں برسا دی گئیں

    جنسی خواہش کی تکمیل نہ ہونے پر گھر میں گھس کر خواجہ سراؤں پر گولیاں برسا دی گئیں

    باغی ٹی وی کی رپورٹ کے مطابق جنسی خواہش کی تکمیل پوری نہ ہونے پر مانسہرہ میں گھر میں گھس کر پانچ خواجہ سراؤں کو گولیاں مار دی گئی ہیں

    افسوسناک واقعہ مانسہرہ میں پیش آیا جہاں ایک گھر میں گھس کر خواجہ سراؤں پر فائرنگ کی گئی ہے، فائرنگ سے پانچ خواجہ سرا زخمی ہوئے ہیں جنہیں طبی امداد کے لئے ہسپتال منتقل کیا گیا ہے، ٹرانس جینڈر کمیونٹی کے اراکین نے حکام سے مجرموں کی گرفتاری کا مطالبہ کیا ہے .پولیس کا کہنا ہے کہ خواجہ سراؤں پر حملے کی تحقیقات کر رہے ہیں پولیس حکام کے مطابق ایک زخمی خواجہ سرا نے الزام لگایا کہ ملزم سبطین جنسی تعلقات رکھنا چاہتا تھا پولیس نے ملزم کو گرفتار کرکے مقدمہ درج کرتے ہوئے تفتیش شروع کردی۔

    پاکستان میں خواجہ سرا پر حملے کوئی معمولی بات نہیں۔ اکتوبر 2021 میں، مانسہرہ میں ایک اور خواجہ سرا اس وقت شدید زخمی ہو گیا جب ایک مسلح شخص نے حملہ کر کے ان کے ساتھ زیادتی کی کوشش کی۔ خنجر سے ان کی گردن کاٹ دی گئی۔ 2018 میں بھی مانسہرہ میں بھی ایک خواجہ سرا پر ان کے گھر پر حملہ کیا گیا اور تشدد کیا گیا۔

    پشاور میں 2016 میں، ایک خواجہ سرا کی اسوقت موت ہو گئی جب ہسپتال کے عملے نے اس کے علاج میں تاخیر کی کیونکہ وہ یہ فیصلہ نہیں کر پا رہے تھے کہ خواجہ سرا مریض کو مردانہ وارڈ میں رکھا جائے یا خاتون

    پاکستان میں خواجہ سراؤں کو بدنامی، غربت اور پسماندگی کا سامنا کرنا پڑا ہے، اس کے باوجود کمیونٹی کے تحفظ کے لیے مختلف قوانین منظور کیے گئے ہیں۔

    واقعہ پر عورت مارچ کے منتظمین کی جانب سے سماجی رابطے کی ویب سائٹ ٹویٹر پر ٹویٹ کی گئی ہے اور کہا گیا ہے کہ مانسہرہ میں 5 خواجہ سراؤں کو گولی مارنے کے واقعہ پر ہم حیران ہیں۔ ٹرانس جینڈر کمیونٹی کے خلاف تشدد کی اطلاع بہت کم ہے،مجرموں کی گرفتاری ضروری ہے، خواجہ سراؤں کی فلاح و بہبود کا مطالبہ بھی کرتے ہیں،

    دوسری جانب تحریک انصاف کی حکومت نے دعویٰ کیا ہے کہ حکومت خواجہ سراؤں کے حقوق کے لئے کام کر رہی ہے وفاقی وزیر برائے انسانی حقوق ڈاکٹر شیریں مزاری نے اسلام آباد میں 3 کروڑ 58 لاکھ کی لاگت سے تعمیر کئے گئے پاکستان کے پہلے ٹرانس جینڈر پروٹیکشن سنٹر کا افتتاح بھی کیا تھا یہ سنٹر ٹرانس جینڈرز کو قانونی امداد ، صحت کی بنیادی سہولیات ، نفسیاتی مشاورت اور عارضی پناہ گاہ بھی فراہم کرے گا، ڈاکٹر شیریں مزاری کا کہنا تھا کہ پاکستان کے دیگر شہروں میں ٹرانس جینڈر پروٹیکشن سنٹر قائم کیئے جائیں گے تاکہ پاکستان کی خواجہ سرا برادری کو مرکزی دھارے میں لایا جا سکے اور ان کے حقوق کو یقینی بنایا جا سکے۔

    لاہور میں خواجہ سرا کو قتل کر دیا گیا

     سارہ گِل نے پاکستان کی پہلی خواجہ سرا ڈاکٹر کا اعزاز اپنے نام کرلیا ہ

    خواجہ سرا مشکلات کا شکار،ڈی چوک میں احتجاج،پشاورمیں "ریپ” کی ناکام کوشش

    خواجہ سرا کے روٹھنے پر خود کو آگ لگانے والا پریمی ہسپتال منتقل

    خواجہ سرا پر تشدد کرنے والے ملزمان گرفتار

    خواجہ سراؤں کو ملازمتوں میں کوٹہ مقرر کرنے کا مطالبہ سامنے آ گی

    خواجہ سرا کا یہ کام دوسروں کیلئے مشعل راہ ہے،لاہور ہائیکورٹ

    پنجاب کے شہر میں دو خواجہ سراؤں کو گھر میں گھس کر گولیاں مار دی گئیں

    دو خواجہ سراؤں کا قتل،پولیس نے خواجہ سراؤں کو دھکے مار کر تھانے سے نکال دیا

    پشاور میں پہلی بار خواجہ سراء کو منتخب کر لیا گیا، آخر کس عہدے کیلئے؟

    خواجہ سرا کے ساتھ گھناؤنا کام کر کے ویڈیو بنانیوالے ملزمان گرفتار

    دوستی نہ کرنے کا جرم، خواجہ سراؤں پر گولیاں چلا دی گئیں

    مردان میں خواجہ سرا کے ساتھ گھناؤنا کام کرنیوالے ملزما ن گرفتار

    خواجہ سرا کے ساتھ بازار میں گھناؤنا کام کرنیوالے ملزمان گرفتار

    خواجہ سرا بھی اب سکول جائیں گے، مراد راس

    خواجہ سرا کے ساتھ ڈکیتی، مزاحمت پر بال کاٹ دیئے گئے

    پشاور پولیس کا رویہ… خواجہ سرا پشاور چھوڑنے لگے

    شہر قائد خواجہ سراؤں کے لئے غیر محفوظ

    خواجہ سراؤں پر تشدد کی رپورٹنگ کیلئے موبائل ایپ تیار

    پولیس میں نوکری کیوں نہیں دی؟ خواجہ سرا عدالت پہنچ گئے

  • سنگدل ماں نے بیٹی کو پیدا ہوتے ہی چلتی ایمبولینس سے سڑک پر پھینک دیا

    سنگدل ماں نے بیٹی کو پیدا ہوتے ہی چلتی ایمبولینس سے سڑک پر پھینک دیا

    کراچی : ) سنگدل ماں نے بیٹی کو پیدا ہوتے ہی چلتی ایمبولینس سے سڑک پر پھینک دیا۔

    تفصیلات کے مطابق کراچی میں ایک دل دہلا دینے والا واقعہ پیش آیا ہے۔واعہ فئیر کے علاقے میں ماں نے بیٹی کو پیدا ہوتے ہی سڑک پر پھینک دیا۔پولیس نے بچہ پھینکنے والی خاتون اور اس کی ماں کو گرفتار کر لیا۔پولیس حکام کے مطابق خاتون نے چلتی ایمبولینس میں بچی کو جنم دیا اور بچی پیدا ہوتے ہی ایمبولینس سے ہاتھ باہر نکال کر سڑک پر پھینک دی۔
    پولیس نے سی سی ٹی وی فوٹیج کی مدد سے گرفتاریاں کیں۔رواں سال فروری میں قائد آباد کے قریب ٹرین کی پٹریوں سے نومولود بچے کی لاشیں برآمد ہوئی تھیں ، کراچی میں نومولود بچے کی لاش ملنے ایک اور واقعہ پیش آیا، قائد آباد کے علاقے سے ریلوے پھاٹک کے قریب سے نومولود کی لاش ملی، بچے کی لاش ایدھی ہوم سہراب گوٹھ منتقل کردی گئی تھی۔

    ریسکیو حکام کا کہنا تھا کہ نومولود بچوں کی لاشوں کی اطلاع اہل علاقہ کی جانب سے دی گئی۔

    ریسکیو حکام نے بتایا کہ بلدیہ ٹاؤن سیکٹر 3 سے رواں ماہ کی 21 اور 22 تاریخ کو دو مختلف مقامات سے 2 نومولود بچوں کی لاشیں ملیں ، جنہیں ضابطے کی کارروائی کے بعد ایدھی سہراب گوٹھ سرد خانے منتقل کیا گیا تھا۔حکام کے مطابق تینوں بچے وقوعہ پر ہی انتقال کر چکے تھے، سماجی رہنما و ماہر تعلیم حنید لاکھانی نے شہرقائد میں نومولود بچوں کی لاشیں ملنے کے سلسلے پر افسوس کا اظہار کرتے ہوئے کہا ہے کہ یہ بہت دکھ کی بات ہے کہ ہمارے معاشرے میں ایسا ظلم ہورہا ہے جس کے بارے میں سن کر ہی رونگٹے کھڑے ہوجاتے ہیں۔
    حنید لاکھانی نے کہا کہ یہ واقعات ہمارے معاشرے میں پنپتی اخلاقی گراوٹ کی نشاندہی کے لیئے کافی ہیں، حالات اسقدر خراب ہوچکے ہیں کہ اگر ان پر توجہ نہ دی گئی تو تکلیف دہ صورتحال پیدا ہونے کا خدشہ ہے۔ انہوں نے کہا کہ ایک انسان کا نا حق قتل پوری انسانیت کے قتل کے مترادف ہے اور بچے تو معصوم ہوتے ہیں نومولود بچے کو تو کچھ بھی معلوم نہیں ہوتا۔

  • پارلیمنٹ حملہ کیس، صدر مملکت سمیت تحریک انصاف کے سب رہنماؤں کو ریلیف مل گیا

    پارلیمنٹ حملہ کیس، صدر مملکت سمیت تحریک انصاف کے سب رہنماؤں کو ریلیف مل گیا

    پارلیمنٹ حملہ کیس، صدر مملکت سمیت تحریک انصاف کے سب رہنماؤں کو ریلیف مل گیا
    انسداد دہشت گردی عدالت اسلام آباد نے پارلیمنٹ حملہ کیس کا فیصلہ سنادیا

    اے ٹی سی اسلام آباد نےصدر عارف علوی سمیت تمام نامزد ملزمان کو بری کردیا اے ٹی سی اسلام آباد کی جانب سے وفاقی وزرا اور پی ٹی آئی رہنماوں کی بریت کی درخواستیں منظور کر لی گئیں ,اسلام آباد کی انسداد دھشتگردی عدالت کے جج محمد علی وڑائچ نے صدر عارف علوی ، پرویز خٹک ، شاہ محمود قریشی ، اسد عمر ، جہانگیر ترین ، علیم خان سمیت سب کو بری کر دیا وزیراعظم عمران خان پہلے ہی بری ہو چکے ہیں۔

    قبل ازیں ‏انسداد دہشت گردی عدالت اسلام آباد میں پارلیمنٹ حملہ کیس کی سماعت‏ ہوئی وزیر خارجہ شاہ محمود قریشی، شفقت محمود اور سیف اللہ نیازی عدالت میں پیش ہوئے‏ اے ٹی سی اسلام آباد نے ملزمان کو حاضری لگا کر جانے کی اجازت دے دی‏

    واضح رہے کہ اس کیس میں وزیراعظم عمران خان کو بری کر دیا گیا تھا،انسداد دہشتگردی کی عدالت کے جج راجا جواد عباس حسن نے فیصلہ سنایا تھا،صدارتی استثنا کے باعث صدرمملکت عارف علوی کی حد تک کیس داخل دفترہے ،اس سے قبل عدالت عمران خان کو ایس ایس پی تشدد کیس میں بری کرچکی ہے۔ صدر مملکت عارف علوی، وفاقی وزراء شاہ محمود قریشی، پرویز خٹک، اسد عمر، شفقت محمود، صوبائی وزیر علیم خان، جہانگیر ترین بھی مقدمہ میں ملزم نامزد ہیں

    واضح رہے کہ اگست 2014 میں تحریک انصاف اور پاکستان عوامی تحریک نے عام انتخابات میں مبینہ دھاندلی کے خلاف دھرنا دیا تھا جس کے دوران دونوں جماعتوں کے کارکنان نے پولیس رکاوٹیں توڑ کر وزیراعظم ہاؤس میں گھسنے کی کوشش کی تھی اور مبینہ طور پر پی ٹی وی پر حملہ کیا۔ اس دوران شاہراہِ دستور پر تعینات پولیس اہلکاروں اور مظاہرین میں جھڑپ ہوئی اور پی ٹی آئی اور پی اے ٹی کے 50 مظاہرین نے مبینہ طور پر سینئر سپرنٹنڈنٹ پولیس عصمت اللہ جونیجو کو حملہ کر کے زخمی کیا تھا۔

    پارلیمنٹ حملہ کیس، وزیراعظم کی بریت پر عدالت کا بڑا فیصلہ آ‌گیا

    پی ٹی وی پارلیمنٹ حملہ کیس کی سماعت کرنیوالے جج کو او ایس ڈٰی بنا دیا گیا

    پی ٹی وی،پارلیمنٹ حملہ کیس،پارلیمنٹ کا جنگلہ کیوں توڑا گیا تھا؟ وکیل نے بتا دیا

    اسلام آباد پولیس نے ان تمام واقعات کے مقدمات عمران خان، طاہر القادری، عارف علوی، اسد عمر، شاہ محمود قریشی، شفقت محمود اور راجہ خرم نواز گنڈاپور کے خلاف درج کئے جن میں انسداد دہشت گردی کی دفعات بھی شامل کی گئیں

    صدر عارف علوی اور وزیر خارجہ شاہ محمود قریشی سمیت پی ٹی آئی کی سینئر لیڈرشپ پارلیمنٹ حملہ کیس میں بری ہوگئی۔ جبکہ مقدمہ 30 اگست 2014 کو تھانہ سیکرٹریٹ میں درج کیا گیا تھا

    پی ٹی وی،پارلیمنٹ حملہ کیس کا فیصلہ محفوظ

    پارلیمنٹ حملہ کیس،صدر مملکت عدالت پیش،کیا بیان دیا؟ سب دنگ رہ گئے

  • سبی میں بم دھماکا: 4 ایف سی اہلکار شہید، 6 شدید زخمی

    سبی میں بم دھماکا: 4 ایف سی اہلکار شہید، 6 شدید زخمی

    بلوچستان کے علاقے سبی میں بم دھماکے میں 4 ایف سی اہلکار شہید اور 6 شدید زخمی ہوگئے۔

    باغی ٹی وی : سیکورٹی ذرائع کے مطابق سبی کی تحصیل سانگان میں سیکورٹی فورسز کے قافلے پر دیسی ساختہ آئی ای ڈی بم کا دھماکہ ہوا جس کے نتیجے میں 4 ایف سی اہلکار شہید اور 6 شدید زخمی ہوگئے۔

    وزیراعظم کا ایف سی اہلکاروں کی تنخوا ہ میں 15 فیصد اضافے کا اعلان

    شہید اور زخمی ہونے والے فرنٹیئر کور کے اہلکاروں کو ایئر ایمبولینس کے ذریعے کمبائنڈ ملٹری اسپتال (سی ایم ایچ) سبی منتقل کر دیا گیا زخمی ہونے والے تمام 6 اہلکاروں کی حالت تشویش ناک بتائی جاتی ہے۔

    واقعے کی اطلاع ملتے ہی سیکیورٹی فورسز نے جائے وقوعہ پر پہنچ کر علاقے کو گھیرے میں لے لیا اور سرچ آپریشن شروع کردیا ہے۔

    بلوچستان میں ممکنہ دہشت گردی کا خطرہ، لیویز اہلکاروں کی چھٹیاں منسوخ ،ہائی الرٹ جاری

    لیویز کی ابتدائی تفتیش کے مطابق دھماکہ اس وقت ہوا جب ایف سی بلوچستان 150 ونگ کا قافلہ سانگان میں ٹی 6 چیک پوسٹ سے ٹی 5 چیک پوسٹ کی جانب جا رہا تھا کہ سڑک کنارے نصب آئی ای ڈی بم کی زد میں آ گیا بم ڈسپوزل اسکواڈ کی جانب سے دھماکے کی نوعیت کا تعین بھی کیا جا رہا ہے

    واضح رہے کہ 8 مارچ کو بھی سبی میں جیل روڈ پر بم دھماکے میں 7 افراد جاں بحق اور 35 زخمی ہوگئے تھے۔

    جائیداد تنازعہ: دیور نے بھابھی اور تین بچوں کو قتل کر دیا

  • ایرانی لڑکی نے قاسم سلیمانی کی موت کا بدلہ لینے کیلئے اپنے امریکی بوائے فرینڈ کو چاقو گھونپ دیا

    ایرانی لڑکی نے قاسم سلیمانی کی موت کا بدلہ لینے کیلئے اپنے امریکی بوائے فرینڈ کو چاقو گھونپ دیا

    لاس ویگاس: ایرانی لڑکی نے قاسم سلیمانی کے قتل کا بدلہ لینے کے لیے امریکی بوائے فرینڈ کو ملاقات کا جھانسا دیکر چاقو گھونپ دیا۔

    باغی ٹی وی : مڈل ایسٹ آئی کی رپورٹ کے مطابق پولیس نے بتایا ہے کہ اس 21 سالہ ایرانی لڑکی نکا نیکوبین کی مذکورہ شخص سے ڈیٹنگ ویب سائٹ پر ہوئی تھی، جس کے بعد دونوں نے 5 مارچ کو سن سیٹ سٹیشن ہوٹل میں ملنے پرفیصلہ کیا اور انہوں نے ایک مشترکہ کمرا کرائے پر لیا تھا۔

    یورپی یونین نے یوکرینی پناہ گزینوں کیلئے دروازے کھول دئیے

    پولیس کے مطابق نیکوبین نے اس شخص کی آنکھوں پر پٹی باندھنے کے بعد مبینہ طور پر اس شخص کی گردن میں چاقو گھونپ دیا تھا، پولیس نے بتایا کہ لڑکی مقصد سپاہ پاسداران انقلاب کی القدس فورس کے سابق کمانڈر قاسم سلیمانی کے قتل کا بدلہ لینا تھا۔

    رپورٹ کے مطابق اس شخص نے زخمی ہونے کے بعد نیکوبن کودھکا دے کر پیچھے ہٹا دیا تھا اور 911 پر کال کرنے کے لیے کمرے سے باہر بھاگ گیا تھا جبکہ لڑکی نے ہوٹل کے ایک ملازم کو بتایا کہ اس نے ابھی ایک شخص کو چاقو گھونپ دیا ہے۔

    یوکرین تنازع:برطانیہ کا100 سےزائد روسی تاجروں کے اثاثے منجمد کرنے اور روسی مصنوعات پرمزید پابندیاں…

    دوسری جانب لاس ویگاس ریویوجرنل کی رپورٹ کے مطابق مذکورہ شخص کی موجودہ حالت کے بارے میں کچھ معلوم نہیں نیکوبن کو 24 مارچ کو ابتدائی سماعت کے لیے عدالت میں پیش کیا جائے گا ایرانی لڑکی پر اقدام قتل، مہلک ہتھیار اٹھانے اور چوری کے الزامات عائد کیے گئے ہیں جبکہ لڑکی کی جانب سے وکیل کی خدمات لینے کا کوئی اعتراف سامنے نہیں آیا ہے۔

    واضح رہے کہ امریکی فورسز نے جنوری 2020ء میں عراق کے دارالحکومت بغداد کے بین الاقوامی ہوائی اڈے کے نزدیک ایک ڈرون حملے میں القدس فورس کے کمانڈر میجرجنرل قاسم سلیمانی کو ہلاک کردیا تھا۔

    برطانیہ کا ایسٹر سے پہلے تمام کورونا پابندیاں ختم کرنے کااعلان

  • جائیداد تنازعہ: دیور نے بھابھی اور تین بچوں کو قتل کر دیا

    جائیداد تنازعہ: دیور نے بھابھی اور تین بچوں کو قتل کر دیا

    گجرات: جائیداد کے تنازعہ پربھابی اور تین بچوں کو قتل کرنے والے شخص کو پولیس نے موقع پر گرفتار کرلیا۔

    باغی ٹی وی : ابتدائی تحقیقات کے مطابق گجرات کے نواحی گاؤں شام پور میں ملزم صفدر حسین نے جائیداد کے تنازعہ پر سگے بھائی کی بیوی اور بچوں کو ڈنڈوں سے مار کر قتل کیا پولیس اور فرانزک ٹیمیوں نے موقع سے شواہد اکٹھے کر لیے ہیں، گرفتار ملزم کے خلاف سخت قانونی کارروائی کرکے قرار واقعی سزا دلوائی جائے گی-

    کار نہر میں گرنے سے ایک ہی خاندان کے 7 افراد جاں بحق، فائرنگ سے 5 خواجہ سرا زخمی

    قتل ہونے والوں کی شناخت شکیلہ بی بی، 14 سالہ روشان، 10 سالہ عائشہ اور 4 سالہ مریم کے نام سے ہوئی۔ مقتولہ کا شوہر منور حسین روزگار کے سلسلے میں سعودی عرب مقیم ہے۔

    بھابی اور تین بچوں کو قتل کرنے والا شخص

    رشتے سے انکارپر لڑکی کے والد کی فحش ویڈیو بنا کرگھناؤنا کام کرنیوالا گرفتار

    آئی جی پنجاب راؤ سردار علی خان نے قتل کے واقعہ کا نوٹس لیتے ہوئے آر پی او گوجرانوالہ سے رپورٹ طلب کرلی ڈی پی او گجرات کے مطابق گجرات پولیس نے فوری کاروائی کرتے ہوئے ملزم صفدر حسین کو موقع پر گرفتار کر لیا، اطلاع ملتے ہی پولیس کی بھاری نفری موقع پر پہنچ گئی۔

    اسلام آباد:نوازش نامی شخص کو قتل کر کے خود کشی کا رنگ دینے کی کوشش

    آئی جی پنجاب نے ڈی پی او گجرات کو واقعہ کی تفتیش اپنی نگرانی میں کروانے کی ہدایت کی اور کہا کہ تفتیش کو جلد مکمل کرتے ہوئے لواحقین کو انصاف کی فراہمی یقینی بنائی جائے۔

    بھائی کی شادی پر رقص کیوں کیا؟ بیوی کے بال اور ناک کاٹنے کی کوشش پر شوہر گرفتار