Category: جرائم و حادثات

اسلام آباد حادثہ،کشمالہ طارق کے بیٹے پر مقدمہ درج

باغی ٹی وی کی رپورٹ کے مطابق وفاقی دارالحکومت اسلام آباد کے سری نگر ہائی وے پر تیز رفتار گاڑی کی ٹکر سے 4 افراد جاں بحق اور 2 زخمی ہوگئے ہیں

گاڑی میں وفاقی محتسب کشمالہ طارق کے شوہر اور بیٹا سوار تھے۔ پولیس نے حادثے کا مقدمہ درج کرلیا جس میں سابق ایم این اے کے بیٹے کو نامزد کیا گیا ہے۔سابق ایم این اے کشمالہ طارق کے شوہر کی گاڑی بے قابو ہوکر دوسری گاڑی اور موٹر سائیکلوں سے جا ٹکرائی۔ حادثہ اتنا شدید تھا کہ اس میں 4 افراد موقع پر ہی دم توڑ گئے۔

مرنے والے افراد کی شناخت انیس، حیدر، فیصل اور فاروق کے نام سے کی گئی، حادثے میں 2 افراد زخمی بھی ہوئے جنہیں پمز منتقل کر دیا گیا۔ جائے حادثہ پر موجود لوگوں نے ڈرائیور کو پکڑ کر پولیس کے حوالے کر دیا۔

جی 11 سگنل پر ایک اندوہناک حادثہ پیش آیا جس میں چار افراد اپنی جان سے ہاتھ دھو بیٹھے اور دو زخمی ہوگئے جنہیں اسپتال منتقل کردیا گیا۔ پولیس اور ٹریفک پولیس موقع پر ہے۔ پولیس ہلاک اور زخمی ہونے والے افراد کے اہل خانہ سے رابطہ کرنے کی کوشش کر رہی ہے۔ 1/2 https://t.co/W7kRPYY1SU

— Islamabad Police (@ICT_Police) February 1, 2021

عینی شاہدین کا کہنا ہے کہ حادثہ کشمالہ طارق کے شوہر کی گاڑی کے سگنل توڑنے کے باعث پیش آیا۔ پولیس کے مطابق جاں بحق تین افراد کا تعلق مانسہرہ سے ہے، جن کے ورثا سے رابطے کی کوششیں کی جا رہی ہیں۔

جی الیون میں ٹریفک حادثے کا مقدمہ واقعہ میں زخمی والے شہری کی مدعیت میں درج کیا گیا۔ ایف آئی آر کے متن میں کہا گیا کہ حادثے میں 4 دوست جاں بحق ہوگئے، جاں بحق نوجوان مانسہرہ سے اے این ایف کا ٹیسٹ دینے آئے تھے، سفید رنگ کی جیپ نے ٹکر ماری، جیپ کی ٹکر سے گاڑی میں سوار 4 نوجوان جاں بحق اور موٹر سائکل سوار زخمی ہوئے۔

باغی ٹی وی نے تحقیقات کیں تو پتہ چلا کہ کشمالہ طارق کے شوہر کو چوٹ لگی اور اطلاعات کے مطابق اسکو شیشے لگے جس سے وہ زخمی ہوا. اسلام آباد پولیس کے مطابق واقعہ میں چار افراد کی ہلاکت ہوئی ہے جبکہ دو زخمی ہوئے ہیں پولیس نے گاڑی کے ڈرائیور کو گرفتار کر لیا ہے جبکہ ہلاک اور زخمیوں کے لواحقین سے رابطے کی کو شش جاری ہے۔

پولیس میں بھرتی کیلئے جعلی اپوائنمنٹ لیٹر دے کر رقم ہتھیانے والا نوسر باز گرفتار

راولپنڈی پولیس کی اہم کاروائی، اسلام آباد پولیس میں بھرتی کیلئے جعلی اپوائنمنٹ لیٹر دے کر رقم ہتھیانے والا نوسر باز گرفتار کر لیا گیا

بنی پولیس نے ثمینہ رند کی درخواست پر نومبر 2020 میں مقدمہ درج کیا، مدعی مقدمہ اک کہنا تھا کہ زاہد بسرا نے میرے بیٹے کو اسلام آباد پولیس میں بھرتی کرانے کے عوض ڈیڑھ لاکھ روپے لیے اور جعلی اپوائنمنٹ لیٹر دے کر میڈیکل کرانے کے 8000 روپے بھی لیے،

پولیس کا کہنا ہے کہ ملزم نے عبوری ضمانت کروائی، بنی پولیس کی موثر تفتیش کے باعث ملزم کی ضمانت سیشن کورٹ اور ہائیکورٹ سے خارج ہوئی جس پر بنی پولیس نے ملزم زاہد بسرا کو گرفتار کر لیا، ملزم کے سہولت کاروں کو بھی گرفتار کیا جائے گا،

ایس پی راول کی جانب سے ایس ایچ او بنی اور پولیس ٹیم کو شاباش دی گئی، ایس پی راول رائے مظہر اقبال کا کہنا ہے کہ شہریوں کو ان کی جمع پونجی سے محروم کرنے والے قانون کی گرفت سے نہیں بچ سکتے،

شاہراہ عام پر گن پوائنٹ پر گاڑیاں چھیننے والا ملزم گرفتار
باغی ٹی وی کی رپورٹ کے مطابق ڈی آئی جی انوسٹیگیشن شارک جمال کی ہدایت پر جرائم پیشہ عناصر کے گرد گھیرا تنگ ہونے لگا

ایس پی AVLS اعجاز رشید کے مطابق شاہراہ عام پر گن پوائنٹ پر کار/موٹرسائیکل چھیننے والا ملزم گرفتارکر لیا گیا،ملزم نے چند روز قبل تھانہ وحدت کالونی کے علاقہ میں ایک شہری سے گن پوائنٹ پر گاڑی چھینی تھی،،ملزم نے 2 ہفتے قبل سبزہ زار کے علاقہ میں سے ایک شخص سے موٹر سائیکل چھینا تھا،

ملزم کے قبضہ سے 5 کلو چرس بھی برآمد کر لی گئی،ملزم نے دوران تفتیش مختلف وارداتوں کا اعتراف کیا،ملزم کے خلاف مقدمہ درج،مزید تحقیقات جاری ہیں نواز چیمہ AVLS/DSP اور انکی ٹیم نے کاروائی کرتے ہوئے ملزم کو گرفتار کیا

ایس پی AVLS اعجاز رشید کا کہنا ہے کہ جرائم پیشہ عناصر کے خلاف اسی طرح کاروائیاں جاری رہینگی،،جرائم پیشہ عناصر کسی رعایت کے مستحق نہیں ہیںڈی آئی جی شارق جمال کی جانب سے AVLS/DSP نواز چیمہ اور ان کی ٹیم کو شاباش دی گئی

سیاسی رہنما کے گھر پر کیا کام ہو رہا تھا؟ پولیس کا چھاپہ، مردو خواتین گرفتار،رہنما فرار

باغی ٹی وی کی رپورٹ کے مطابق دہلی کالونی میں پولیس نے پی ایم ایل ف کے عہدیدار کے گھر پر چھاپہ مار کر بھاری مقدارمیں تیار گٹکا اور خام مٹیریل برآمد کر لی

فنگشنل لیگی عہدیدار چوہدری صدیق عرف کوبرا فرار ہونے میں کامیاب ہو گئے پولیس نے فیکٹری سے ایک درجن سے زائد خواتین اور مردوں کو حراست میں لے کر مقدمہ درج کرلیا اطلاع کے مطابق فیکٹری پی ایم ایل ف ڈسٹرک ساؤتھ کے نائب صدر چوہدری صدیق عرف کوبرا چلارہے تھے جو پولیس کے لیے بیٹ بھی جمع کرتیں ہیں

مورخہ 31/1/2021 کو بوقت 2000 بجے بمقام دہلی کالونی زیرو لائن گلی نمبر 1 علاقہ تھانہ فرئیر نے کاروائی کرتے ہوئے بدنام زمانہ فرئیر تھانہ کا بیٹر صدیق عرف کوبرا کے گٹکے کے کارخانے میں کاروائی کی جس کے نتیجے میں 1-امجد عرف بنگالی ولد سیعد اللہ 2_مختیار علی ولد ھو خان ملغانی ہمراہ 16 خواتین و بچیوں جو کارخانہ میں 500 دہاڑی پر کام کرتی تھی ان کو گرفتار کیا جن کے قبضے سے 5 ٹرم 11بوریاں چھالیہ 17بوریاں جونا وکھتہ 17 ڈپ پیکنگ مشین 8بوریاں نجمہ وزعفرانی پتی تمباکو 10بوریاں گٹکا پیک کرنے والی تھلیاں برآمد ہوئی

گر فتار ملزمان مرد خواتین اور فیکٹری کے مالک صدیق عرف کوبرا کے خلاف تھانہ فریر میں مقدمہ الزام نمبر 42/2021 جرم دفعہ 8/1/2 گٹکا ماوا ایکٹ 2019 قائم کرکے تفتیش کا آغاز کر دیا ہے جبکہ صدیق کوبرا مزکورہ مقام پر موجود نہیں تھا