سرگودھا(نمائندہ باغی ٹی وی) تھانہ بھاگٹانوالہ میں ایک ماہ کے دوران خواتین سے زیادتی کے نو واقعات صرف ایک وقوعہ کا مقدمہ درج ھو سکا تھانہ بھاگٹانوالہ جرائم پیشہ افراد کی لئے جنت بن گیا
خواتین سے متعدد زیادتی اور بچوں سے بد فعلی کے واقعات سیاسی مداخلت کے باعث درج نہیں کئے جاتے
ضلع سرگودھا میں خواتین اور بچوں سے زیادتی کے بڑھتے واقعات پولیس کارکردگی پر سوالیہ نشان
متاثرہ خاندانوں کا انصاف کی عدم فراہمی پر ڈی پی او سے ایس ایچ او بھاگٹانوالہ کے فوری تبادلے کا مطالبہ
Category: جرائم و حادثات
تھانہ بھاگٹانوالہ جرائم پیشہ افراد کیلیے جنت بن گیا
حیوانیت کی انتہا گونگی لڑکی کو اجتماعی زیادتی کا نشانہ بنا ڈالا
سرگودھ(رپورٹر باغی ٹی وی ) تھانہ بھاگٹانوالہ کی حدود چک83 جنوبی میں بااثر افراد نےگونگی لڑکی سے اجتماعی زیادتی کر ڈالی تفصیلات کے مطابق متاثرہ بائیس سالہ انعم کو گھر میں اکیلا دیکھ کر اوباش لڑکوں نے اجتماعی زیادتی کا نشانہ بنا ڈالا دونوں ملزمان نے لڑکی کو گن پوائینٹ پر چار پائی سے باندھ کر زیادتی کا نشانہ بنایا ملزمان مبشر اور حمزہ زیادتی کے دوران ویڈیو بھی بناتے رہے متاثرہ لڑکی کا نے پولیس
کو بیان میں بتایا
بااثر لڑکوں نے گونگی لڑکی کو تشدد کا نشانہ بھی بنایا کپڑے بھی پھاڑ دئیے دونوں اوباش ملزمان متاثرہ لڑکی کے رشتہ دار بتائے جاتے ھیں
متاثرہ لڑکی والدین سمیت تھانہ بھاگٹانوالہ پہنچ گئی پولیس نے مقدمہ درج اور قانونی کاروائی کے بجائے متاثرہ خاندان پر صلع کے لئے دباو دینا شروع کر دیا
۔ زیادتی کا شکار بننے والی لڑکی اور لواحقین کو آٹھ گھنٹے میڈیکل کے لئے زلیل کرنے کے بعد پولیس نے دھکے دے کر نکال دیا
الہ آباد میں 5 ماہ کی حاملہ خاتون اور اس کی والدہ پر خاوند کا تشدد
قصور ، الہ آباد:-
الہ آباد میں وارڈ نمبر 6 کی رہائشی خاتون نزیراں بی بی کو اس کے شوہر شاہد نے اپنے دوست اسلم کے ہمراہ تشدد کرکے زخمی کر دیا تھا۔
باغی ٹی وی کی رپورٹ کے مطابق نزیراں بی بی اور اس کی والدہ گھر میں موجود تھیں تو شاہد نشے میں دھت تھا ۔ گھر میں آتے ہی گالیاں دینے لگ گیا۔ منع کرنے پر نزیراں بی بی اور اس کی والدہ پر تشدد کیا اور دونوں کے سر پھاڑ دیے ۔
خون میں لت پت دونوں ماں بیٹی ہسپتال سے تشدد کی رپورٹ لے کر مقدمہ درج کروانے کے لیے تھانہ الہ آباد میں گئیں لیکن 10 روز گزرنے کے باوجود ابھی تک مقدمہ درج نہیں کیا گیا۔
میڈیکل رپورٹ کے مطابق نزیراں بی بی کے سر میں 10 ٹانکے اور اس کی والدہ کے سر میں 12 ٹانکے لگائے گئے ہیں اور جسم پر ڈنڈوں اور تشدد کے نشانات موجود ہیں۔
یاد رہے کہ نزیراں بی بی 5 ماہ کی حاملہ ہے اور تھانے کے چکر لگا کر تنگ آ کر سوشل میڈیا ویب سائٹ پر ویڈیو اپ لوڈ کرکے ڈی پی او قصور سے دادرسی کی اپیل کی ہے۔
سرگودہا:ڈی پی او حسن مشتاق سکھیرا نے پولیس مقابلہ میں زخمی ہونے والے کنسٹیبل کی سول ہسپتال میں عیادت کی۔
سرگودہا:ڈسٹرکٹ پولیس آفیسر حسن مشتاق سکھیرا نے علاقہ تھانہ شاہ پور سٹی میں پولیس مقابلہ کے دوران زخمی ہونے والے کنسٹیبل مظہر اقبال کی ڈسٹرکٹ ہیڈکوارٹر ہسپتال میں عیادت کی۔ ڈی پی او سرگودہا نے زخمی ہونے والے کنسٹیبل سے خیریت دریافت کی ۔انہوں نے علاج معالجہ اور دیگر طبی سہولتوں کا جائزہ لیا اور اطمینان کا اظہار کیا ۔ انہوں نے ڈاکٹرز سے بھی بات چیت کی اور کہا کہ زخمی کانسٹیبل کے علاج معالجہ میں کوئی کسر نہیں اٹھا رکھی جائے گی اس موقع پر انہوں نے اپنے جوان کی جلد صحت یابی اور نیک تمناؤں کا اظہار کیا ۔
60 سالہ جان محمد کی کمسن لڑکی سے زبردستی شادی، نکاح خواں سمیت باراتی بھی پہنچے حوالات
پنجاب کے شہر صادق آباد میں کمسن لڑکی کی 60 سالہ بوڑھے سے زبردستی شادی پولیس نے ناکام بنا دی
لاہور میں بچوں کے ساتھ زیادتی اور ویڈیو بنا کر بلیک میل کرنے والا گروہ سرگرم
باغی ٹی وی کی رپورٹ کے مطابق پنجاب کے ضلع صادق آباد کے چک نمبر 148 کے رہائشی 60 سالہ جان محمد کی کمسن لڑکی سے زبردستی کی تقریب جاری تھی کہ اہل محلہ میں سے کسی نے پولیس کی اطلاع دے دی ، پولیس نے چھاپہ مار کر 60 سالہ دولہا اور نکاح خوان سمیت 6 باراتی گرفتار کر لئے. تھانہ صدر کی پولیس کا کہنا ہے کہ لڑکی کو کمرے میں بند کیا گیا تھا اور اسے معلوم ہی نہیں تھا کہ کس کے ساتھ اسکی شادی کی جا رہی ہے. پولیس کے مطابق لڑکی کی شادی اس کی مرضی کے خلاف جاری تھی. پولیس نے تمام افراد کو گرفتار کر کے ملزمان کے خلاف مقدمہ درج کر لیا ہے.
لڑکی کے اغواء میں ملوث ملزمان آزاد،متاثرہ خاندان کو سنگین نتائج کی دھمکیاں دینے لگے
مظفرگڑھ پریس کلب میں پریس کانفرنس سے خطاب کرتے ہوئے مٹھن مائی کے والد اللہ بچایا اور والدہ بشیراں مائی نے کہا کہ ان کی بیٹی کو غلام فرید عرف بگڑی ، عظیم بخش، ندیم اور دُر محمد نے اغواءکرلیا تھا اورمقدمہ نمبر303/19 درج ہونے کے بعد گرفتاری سے بچنے کےلئے عدالت سے قبل از گرفتاری ضمانتیں کرالیں اور ان کی مغویہ بیٹی مٹھن مائی کو لاہور لے جاکر نامعلوم مقام پر حبس بے جا میں رکھا جہاں سے موقع ملتے ہی مٹھن مائی نے اپنے والد کو فون کرکے بتلایا کہ اغواءکار اسے لاہور لائے ہیں اور وہ موقع پاکر اغواءکاروں کے قبضہ سے نکل آئی ہے جس پر والداللہ بچایا مغویہ مٹھن مائی کو واپس لایا اور پولیس نے مغویہ کے عدالت میں بیان کرائے۔ انہوں نے بتایا کہ مقدمہ کے نامزد ملزمان کو سزاسے بچانے کےلئے مقامی زمیندار فرحان جتوئی اور اس کے گروپ کے افراد فضل حسین ، ظفر حسین ، اللہ ڈتہ، پیر بخش ، سیفل خان ، ممتاز حسین، عظیم بخش اور کالو خان وغیرہ مقدمہ کی پیروی سے دستبردار ہونے کےلئے دباﺅ ڈال رہے ہیں اور دھمکیاں دے رہے ہیں کہ اگر مقدمہ کا راضی نامہ نہ دیا تو وہ دوبارہ مٹھن مائی کو اغواءکرلیں گے۔ انہوں نے کہا کہ مقامی بااثر زمیندار کی پشت پناہی کی وجہ سے ملزمان کو کھلی چھٹی ملی ہوئی ہے اور انہیں ملزمان گروپ سے اپنی جان ومال کا سنگین خطرہ ہے، اس لیے وہ انسپکٹر جنرل پنجاب پولیس، ڈپٹی انسپکٹر جنرل پولیس ڈیرہ غازیخان رینج اور ڈسٹرکٹ پولیس آفیسر مظفرگڑھ سے اپیل کرتے ہیں کہ انہیں قانون کے مطابق تحفظ فراہم کرتے ہوئے نامزد ملزمان اوران کے پشت پناہوں کو قانون کی گرفت میں لایا جائے اور انہیں عدالت سے سزا دلاکر مدعی فریق کو انصاف فراہم کیا جائے۔
لاہور میں بچوں کے ساتھ زیادتی اور ویڈیو بنا کر بلیک میل کرنے والا گروہ سرگرم
قصور کے بعد صوبائی دارالحکومت لاہور میں کم سن بچوں سے جنسی زیادتی کرنے والا گروہ سرگرم ہو گیا، زیادتی کی ویڈیو ریکارڈ کر کے بچوں کو بلیک میل کیا جانے لگا
باغی ٹی وی کی رپورٹ کے مطابق پنجاب کے صوبائی دارالحکومت لاہور کے علاقہ شاہدرہ میں کمسن بچوں اور لڑکوں سے زیادتی کرنے والا گروہ سرگرم ہو گیا ہے. ملزمان بچوں سے زیادتی کی ویڈیو بھی بناتے، متاثرہ بچوں نے والدین کو بتایا اور ملزمان نے بلیک میل کیا تو والدین پولیس کے پاس پہنچ گئے. پولیس نے والدین کی درخواست پر مقدمہ درج کر کے چار ملزمان کو گرفتار کیا ہے ،پولیس کا کہنا ہے کہ ملزمان بچوں کو نشہ آور مشروبات پلا کر ان کے ساتھ زیادتی کرتے اور ویڈیو بنا کر ان کے گھر والوں کو بلیک میل کرتے. پولیس نے ملزمان کو گرفتار کیا تو بعد ازاں ملزمان نے بااثر ہونے کا فائدہ اٹھا کر مدعی سے ساز باز کر کے ضمانت کروا لی جس کے بعد ملزمان رہا ہو گئے اور پھر سے بچوں سے زیادتی کے واقعات میں اضافہ ہو رہا ہے، اہلیان علاقہ نے ملزمان کے خلاف کاروائی کا مطالبہ کیا ہے.
اسی برس ماہ جنوری میں وفاقی محتسب کی رپورٹ میں انکشاف کیا گیا ہے کہ بچوں سے زیادتی میں پنجاب پہلے نمبر پر ہے۔ قصور میں سینکڑوں متاثرہ بچے غریب اور ان پڑھ خاندانوں کے جبکہ مجرم بااثر تھے۔ پشت پناہی جاگیرداروں اور سیاستدانوں نے کی اورپولیس بھی بکاؤ نکلی ۔ ان واقعات میں مجرموں کو سزا ملنے کی شرح ڈھائی فیصد ہی رہی ۔رپورٹ کے مطابق سال 2017 میں پاکستان میں 4ہزار 139 واقعات رپورٹ ہوئے جن میں سب سے زیادہ 1ہزار89 پنجاب میں پیش آئے ۔ صرف قصور میں گذشتہ دس برس کے دوران واقعات کی شرح 6 فیصد سے بڑھ کر 16 فیصد سے زائد ہوگئی ۔ نظام کی خرابیوں کے باعث 97 فیصد سے زائد مجرم سزا سے بچ نکلے۔
جنوری میں ہونے والے سینیٹ کمیٹی کے اجلاس میں یہ بات سامنے آئی کہ فاقی دارالحکومت اسلام آباد میں گزشتہ 5سال میں اسلام آباد میں 560بچوں کے ساتھ زیادتی کی گئی۔ ان میں سے 300کیس رجسٹرڈ ہوئے جبکہ 260غیر رجسٹرڈ رہے۔
انڈیا پاکستان میچ پر جواء کھیلنے والے بکی سمیت 7 جواری گرفتار
گجرات(نمائندہ باغی ٹی وی )انڈیا پاکستان کرکٹ میچ پر جواء کھیلنے والے بکی سمیت 7جواریے گرفتار،جوئے پر لگی رقم برآمد ۔ تفصیلات کے مطابق ڈی پی او سید علی محسن کی ہدائیت پر گجرات پولیس نے انڈیا اور پاکستان کے مابین کھیلے جانے والے کرکٹ ورلڈ کپ کے میچ پر جواء کھیلنے والے 7جواریوں کو رنگے ہاتھوں گرفتار کرلیا۔ایس ایچ او تھانہ لاری اڈہ صفدر عطاء بھٹی نے پولیس ٹیم کے ہمراہ کریک ڈاؤن کرکے مکہ کالونی سے کرکٹ ورلڈ کپ میچ پر جواء کھیلنے والے سات افراد کو بکی سمیت گرفتار کیا۔ ملزمان میں بکی حسنین رضا عرف نینی سکنہ کابلی گیٹ،فیضان یوسف سکنہ محلہ خواجگان،محمد ادریس سکنہ کالو پورہ،کامران ارشد سکنہ کالو پورہ،عابد جاوید عرف شانی سکنہ شمالی ڈھکی،شہزاد منشاء سکنہ محلہ کالوپورہ اور احمد محمود سکنہ محلہ بخشو پورہ گجرات شامل ہیں۔جنہوں نے پاکستان اور انڈیا کے درمیان کھیلے جانے والے کرکٹ ورلڈ کپ کے میچ میں جواء لگا رکھا تھا۔ملزمان کے قبضہ سے جوئے پر لگائی گئی رقم 65ہزار روپے،موبائل فون اور ایل سی ڈی قبضہ میں لے کر مزید تفتیش شروع کردی گئی ہے۔
ناقص کارکردگی پر ایس ایچ اوز کی تبدیلی
سرگودھا( نمائندہ باغی ٹی وی) ڈسٹرکٹ پولیس آفیسر حسن مشتاق سکھیرا نے ایس ایچ اوز کو تبدیل کر دیا۔ تفصیلات کے مطابق انسپکٹر محمد اویس گجر کو ایس ایچ او تھانہ ترکھانوالہ سے ایس ایچ او تھانہ سلانوالی، انسپکٹر افضل لالی کو پولیس لائن سے ایس ایچ او تھانہ شاہ پور صدر، انسپکٹر صاحب خان کو پولیس لائن سے ایس ایچ او تھانہ شاہ نکڈر ، انسپکٹر افتخار احمد کو پولیس لائن سے ایس ایچ او تھانہ بھلوال صدر اور سب انسپکٹر فاروق حسنات کو ایس ایچ او تھانہ سلانوالی سے ایس ایچ او تھانہ کوٹ مومن تعینات کر دیا ہے ، جبکہ چند روز قبل لائن حاضر کیے جانے والے پانچ اسسٹنٹ سب انسپکٹرز کو تھانوں میں تعینات کر دیا ہے۔ جن میں حق نواز اے ایس آئی کو تھانہ کڑانہ، رانا مقصود کو تھانہ کوٹمومن، محمد اعظم کو ترکھانوالہ، قلب عباس کو بھلوال سٹی، فیاض احمد اے ایس آئی کو تھانہ جھاوریاں تعینات کیا گیا ہے، جبکہ اے ایس آئی طاہر انور اے ایس آئی حافظ مدثر کو محافظ سکواڈ کا انچارج تعینات کرتے ہوئے انہیں فوری طور پر اپنی اپنی نئی تعیناتیوں پر رپورٹ کرنے کی ہدایت کی ہے۔
گیپکو ان ایکشن، کھاریاں میں بجلی چور رنگے ہاتھوں پکڑا گیا
گجرات (نمائندہ باغی ٹی وی) گیپکو سب ڈویثرن نمبر1کھاریاں کا بجلی چوروں کے خلاف کریک ڈاﺅن جاری‘ تھانہ کھاریاں کینٹ کے علاقہ گیمن بازار میں ڈائریکٹ تاریں لگا کر بجلی چوری کرنے والے غلام سرور نامی رہائشی کورنگے ہاتھوں پکڑ لیا اور بجلی چوری کرنے پر تھانہ کھاریاں کینٹ میں زیر دفعہ ت پ 462-1 مقدمہ درج کروادیا،میٹر کاٹ کر جرمانہ بھی کیاجائے گا اس موقع پرSDOعبدالقیوم نے کہا کہ کسی بھی بجلی چور کو کسی قسم کی رعایت نہیں برتی جائے گی۔ہم گیپکو چیف معظم فضل کے احکامات پر اور ایکسین کھاریاںملک امین اعوان کی زیر قیادت کرپٹ ڈاﺅن جاری رکھیں گے ۔
