Category: جرائم و حادثات

سرگودہا،پھلروان (نمائندہ باغی ٹی وی )پھلروان کے نواحی علاقے میں ذاتی رنجش پر 3 افراد نے 65 سالہ بزرگ کو بے رحمی سے تشدد کرکے موت کے گھاٹ اتار دیا، تفصیلات کے مطابق پھلروان کے نواحی علاقے چکیاں پھلروان میں درینہ رنجش پر 3 افراد نے 65 سالہ بزرگ کو بے رحمی سے تشدد کا نشانہ بنایا اور مقتول کو کھیتوں میں میں چھوڑ کر فرار ہوگئے مقامی افراد نے 65 سالہ نواز کو ابتدائی طبی امداد کے لیے رورل ہیلتھ سنٹر منتقل کیا جہاں سے مقتول کو ڈسٹرکٹ ہیلتھ کوراٹر سرگودھا ریفر کیا گیا جہاں زخموں کی تاب نہ لاتے ہوئے 65 سالہ شخص جان کی بازی ہار گیا پولیس ذرائع کے مطابق مقتول اور ملزمان خاندان کی عرصہ دراز سے دشمنی چلی آرہی تھی اور مخالف پارٹی کے ملزمان نے موقع پاکر 65 سالہ شخص کو ڈنڈوں اور سوٹوں سے تشدد کر کے موت کے گھاٹ اتارا دیا تھانہ پھلروان پولیس نے نعش قبصہ میں لے کر پوسٹ مارٹم کے لیے رورل ہیلتھ سنٹر پھلروان منتقل کی جہاں پوسٹ مارٹم کے بعد نعش کو ورثا کے حوالے کر دیا گیا

سرگودھا(نمائندہ باغی ٹی وی) مڈھ موڑ قبرستان میں دفن کی جانے والی خواتین کی بے حرمتی کا معاملہ شدت اختیار کر گیا جعلی عاملین کا کالے جادو کرنے کے لئے مردہ خواتین سے زیادتی کا انکشاف تفصیلات کے مطابق دفن کی گئی خاتون فوزیہ بی بی کو لواحقین دفن کر کے گئے تو علی الصبح میت قبر سے باہر پائی گئی گورکن نے میت کے لواحقین سے رابطہ کر کے نعش دوبارہ دفنا دی
مڈھ موڑ قبرستان میں پندرہ روز کے دوران مردہ خواتین سے زیادتی کا تیسرا واقع ھے
قبرستان کے گردو نواح میں درندہ صفت جعلی عامل نے خوف و ہراس پھیلا دیا
تین مردہ خواتین دفنائے جانے کے بعد قبر سے باہر پائی گئیں
پولیس کو اطلاع اور ملزم کئ نشان دہی کے باوجود گرفتاری عمل میں نہ آ سکی
اہل علاقہ میں شدید غم وغصہ کی لہر محلے کے نوجوانوں نے اپنی مدد اپ کے تحت قبرستان میں پہرہ دینا شروع کر دیا جعلی عامل کا نام اشرف چشتی بتایا جا رہا ھے جسے ابھی گرفتار نہیں کیا جا سکا علاقے کے افراد جعلی عامل کو قتل کرنے کے در پے جبکہ پولیس خاموش تماشائی بن گئی

سرگودھا:ایس ایچ او تھانہ کینٹ کی منشیات فروشوں کے خلاف بڑی کاروائی، بدنام زمانہ چارشراب فروشوں سے ہزاروں بوتلیں شراب برآمد
سرگودھا:ڈسٹرکٹ پولیس آفیسر حسن مشتاق سکھیرا کی ہدایت پر منشیات فروشوں کے خلاف کاروائی کرتے ہوئے ڈی ایس پی سٹی سرکل خالد حسین تارڑ کی نگرانی میں ایس ایچ او تھانہ کینٹ انسپکٹر قیصر عباس کی سربراہی میں اسسٹنٹ سب انسپکٹر قیصر اقبال پر مشتمل ٹیم کے ہمراہ تھانہ کینٹ کے مختلف علاقہ 49شمالی میں ریڈ کرکے بدنام زمانہ منشیات فروشوں عمران عرف میانی ولد مشتاق قوم عیسائی اور عظیم عرف کاشی ولد اسلم اقوام عیسائی سکنائے چک49شمالی سے ساڑھے چار ہزار سے زائد بوتلیں شراب برآمد ہوئیں، ملزمان پولیس کو چکما دیکر فرار ہوگئے جبکہ مریم ٹاؤن کے قریب ریڈ کرکے ملزمان عمران بشیر ولد بشیر مسیح اور اسکی بیوی مسماۃ صنم بی بی کو 150بوتل شراب سمیت رنگے ہاتھوں گرفتارکرلیا ہے۔ چاروں ملزمان کے خلاف منشیات فروشی کی دفعات کے تحت مقدمات درج کرلیے گئے ہیں۔ اس موقع پر ایس ایچ او تھانہ کینٹ انسپکٹر قیصر عباس نے بتایا کہ ملزمان نے یہ شراب عیدالفطر کے موقع پر شہر کے مختلف علاقوں میں فروخت کرنی تھی۔ملزمان عمران عرف میانی اور عظیم عرف کاشی کی گرفتاری کے لیے خصوصی ٹیم تشکیل دی گئی ہے۔ مزید تفتیش جاری ہے۔

سرگودھا(نمائندہ باغی ٹی وی )تھانہ کینٹ پولیس کی کاروائی، بدنام زمانہ شراب فروش رنگے ہاتھوں گرفتارتفصیلات کے مطابق ڈی پی او حسن مشتاق سکھیرا کی ہدایت پر منشیات فروشوں کے خلاف کاروائی کرتے ہوئے ایس ایچ او تھانہ کینٹ انسپکٹر قیصر عباس کی سربراہی میں اسسٹنٹ سب انسپکٹر قیصر اقبال پرمشتمل ٹیم کے ہمراہ سلطان کالونی ریڈ کرکے بدنام زمانہ شراب فروش غفار مسیح ولد اقبال مسیح قوم عیسائی سکنہ سلطان کالونی کو 120لیٹر شراب سمیت رنگے ہاتھوں گرفتارکرلیا ہے۔ گرفتارملزم کے خلاف منشیات فروشی کی دفعات کے تحت مقدمہ درج کرلیا گیا ہے مزید تفتیش جاری ہے۔

سرگودھا(نمائندہ باغی ٹی وی) پنجاب پولیس کا ایک اور کارنامہ،مسلح پولیس اہلکار بنک سے نکلتے شہری کو اٹھا کر تھانہ لے گئے جھوٹے مقدمات میں پھنسانے کی دھمکیاں دے کر دو لاکھ روپے وصول کر لیے عیدی کے نام پر مزید بیس ہزار روپے کی ڈیمانڈ،آئے روز کی بھتہ خوری سے تنگ آکر شہریوں نے انٹی کرپشن حکام کو درخواست گزار دی،مقدمہ درج،پولیس کانسٹیبل رنگے ہاتھوں گرفتار،دیگرپولیس اہلکاروں کے خلاف انکوائری شروع،نامزدپولیس اہلکاروں کی صلح نہ کرنے اور پیروی سے باز نہ رہنے پر شہری اوراس کے اہل خانہ کو جھوٹے مقدمات پھنسانے کی دھمکیاں،متاثرہ شہری عدم تحفظ کا شکار،انصاف کے لیے الیکٹرانک میڈیا کلب پہنچ گیا تفصیلات کے مطابق چٹھہ ٹاؤن لاہور روڈکے رہائشی اعجاز میکن نے الیکٹرانک میڈیا کلب میں ظلم کی داستان سناتے ہوئے بتایا کہ میں کچھ عرصہ قبل خیام چوک میں واقع بنک الحبیب میں پیسے جمع کروا کر نکل رہا تھا کہ فہد بلال T/ASI انچارج محافظ سکواڈ ہمراہ پولیس کانسٹیبلان رانا شاہد، تحسین اور عمر چیمہ تعینات تھانہ کینٹ آگئے اور مجھے زبردستی گن پوائنٹ پر تھانہ فیکٹری ایریا میں واقع محافظ سکواڈ آفس لے آئے اور کہا کہ دو لاکھ روپے دو ورنہ تم پر پانچ کلو فرضی چرس ڈال کر 9-Cکا مقدمہ درج کر دیں گے جس پر میں نے پولیس ملازمین کی منت سماجتیں کی کہ آپ کیوں میرے ساتھ ناجائز زیادتی کر رہے ہیں لیکن انہوں نے میری ایک نہ سنی اور اپنی ڈیمانڈ پر بضد رہے جس پر انہوں نے میرے اہل خانہ کے ساتھ میرا رابطہ کروایا جس پر میرا بھائی اور رشتہ دار میری گائے فروخت کر کے رکھے ہوئے پیسے اور مزید ادھار مانگ کر دو لاکھ روپے اکٹھے کر کے لے آئے اور فہد بلال T/ASIکو دے کر میری جان بخشی کروائی چند دن پہلے رانا شاہد کانسٹیبل نے دوبارہ مجھ سے رابطہ کیا اور کہا کہ عید ی کی مد میں بیس ہزاردو ورنہ تمہیں 9-Cمیں چالان کر دیں گئے میں نے موجودہ صورتحال پر انٹی کرپشن کو درخواست گزاری اور انہوں نے ریڈ کر کے راناشاہد کا نسٹیبل کو بیس ہزار روپے مجھ سے وصول کرتے ہوئے رنگے ہاتھوں گرفتار کر لیا جبکہ دیگر ملازمین کے خلاف انکوائری جاری ہے پولیس اہلکاران مقدمہ میں صلح کے لئے ہمیں خوفزدہ کر ہے ہیں جس کی وجہ سے میں اور میرے اہل خانہ انتہائی ذہنی اذیت اور پریشانی میں مبتلا ہیں اور ہم خوف کے مارے گھر کے اندر تک محدود ہونے پر مجبور ہو چکے ہیں
اس سلسلہ میں میں نے ڈسٹرکٹ اینڈ سیشن جج کو پولیس اہلکاران کی طرف سے دی گئی سنگین نتائج اور ناجائز مقدمات میں پھنسا کر جیل بھجوانے کی دھمکیوں پر 22A-22Bکے تحت حقوق انسانی میں درخواست گزار رکھی ہے میری الیکٹرانک میڈیا کلب توسط سے چیف جسٹس آف پاکستان،وزیر اعظم پاکستان،وزیر اعلی پنجاب اور آئی جی پنجاب پولیس سے استدعا ہے کہ مجھے اور میرے اہل خانہ کو تحفظ فراہم کیا جائے اور پولیس کو کسی بھی غیر قانونی اقدام کرنے سے روکا جائے اور میرے ساتھ زیادتی کرنے والے پولیس اہلکاروں کے خلاف سخت کاروائی کی جائے اور ان کو محکمہ پولیس سے نکالا جائے جو کہ محکمہ پولیس کی بدنامی کاباعث بن رہے ہیں