Baaghi TV

Category: جرائم و حادثات

  • اوچ شریف:پولیس کی جانب سے 9،10محرم الحرام کے پر امن انعقاد کے لئے جامع سکیورٹی پلان ترتیب دے دیا گیا۔اسد سرفرازخان

    اوچ شریف:پولیس کی جانب سے 9،10محرم الحرام کے پر امن انعقاد کے لئے جامع سکیورٹی پلان ترتیب دے دیا گیا۔اسد سرفرازخان

    اوچ شریف ،باغی ٹی وی( نامہ نگار حبیب خان) 9اور10محرم الحرام 2024کے پر امن انعقاد کے سلسلہ میں ڈی پی او اسد سرفرازخان کی ہدایات پر جامع سکیورٹی پلان ترتیب دے دیا گیا، جلوس و مجالس کے شرکا ء کو فول پروف سکیورٹی مہیا کرنے کی ہدایات جاری، پولیس کی بھاری نفری سکیورٹی کے فرائض سرانجام دے گی، بروقت پیغام رسانی کیلئے ڈسٹرکٹ کنٹرول روم قائم کیا گیا۔ ڈی پی اوبہاولپور اسد سرفرازخان

    تفصیلات کے مطابق یوم عاشورہ میں ضلع بہاولپور میں 142 جلوس اور 110مجالس عزا منعقد ہونگی۔ضلع بھر میں A کیٹگری کے 06، B کیٹگری کے 05 اور C کیٹگری کے 131 جلوس برآمد ہونگے ۔ اسی طرح کیٹگری A کی 01،B کی03 اور C کی 106مجالس عزا بھی منعقد ہونگی۔

    جلوس و مجالس پر 2500 سے زائد پولیس جوان و افسران اہلکاران کے علاوہ 1600 کے قریب وولنٹیرز بھی ڈیوٹی کے فرائض سرانجام دیں گے۔

    ڈسٹرکٹ پولیس کے ہمراہ ڈولفن فورس، ایگل اسکوارڈ ، سپیشل برانچ اور ایلیٹ فورس بھی سیکیورٹی کے فرائض سر انجام دے گی۔

    9 اور 10 محرم الحرام کے دوران سکیورٹی کو فول پروف رکھنے کے لیے سی سی ٹی وی کیمرے، ڈرون کیمرے، جیمرز، سنیپر ڈاگز ،واک تھرو گیٹس، خار دار تار اور سٹیل بیریئرز کا استعمال کیا جائے گا۔ تاکہ کسی بھی ناخوش گوار واقعہ سے بچا جا سکے

  • میہڑ: پانی کے تنازع پر جھگڑے میں زخمی ہونیوالوں کا مقدمہ درج نہ کرنے پرپولیس کیخلاف احتجاج

    میہڑ: پانی کے تنازع پر جھگڑے میں زخمی ہونیوالوں کا مقدمہ درج نہ کرنے پرپولیس کیخلاف احتجاج

    میہڑ،باغی ٹی وی (نامہ نگارمنظورعلی جوئیہ )پانی کے تنازع پر جھگڑے میں زخمی ہونیوالوں کا مقدمہ درج نہ کرنے پرپولیس کیخلاف احتجاج

    تفصیل کے مطابق میہڑ میں چار روز قبل شہر کی گل محمد کالونی میں تنیہ برادری کہ دوگروپوں میں زرعی زمین کے پانی کے پرانے مسئلے پر جھگڑے میں زخمی ہونے والے افراد کا مقدمہ درج نہ ہونے اور پولیس کی زیادتیوں کہ خلاف تنیہ برادری کےافراد کا بھٹائی پریس کلب پہنچ کر معید تنیو،سرتاج تنیو ،ظہور تنیو ،ضامن تنیو ،نوید تنیو اور دیگر کی قیادت میں احتجاجی مظاہرہ کیا

    میڈیاسے گفتگو کرتے ہوئے کہاکہ چار روز قبل ملزمان پولیس اہلکار عمران تنیو، پولیس اہلکار اعجاز تنیو،علی اکبر ،علی اصغر،مزمل، ارشاد تنیو اور دیگر ملزمان نے ہمارے سات افراد کو ڈنڈے اور کلہاڑیاں مار کرشدید زخمی کردیا تھاجبکہ پولیس ہمارے مخالفین سے بھاری رشوت لیکر الٹا ہمارے پانچ افراد کے خلاف مقدمہ درج کرکے زخمی دو افراد مرید اور وقار کو گرفتار کردلیا ہے اور ملاقات پر بھی پابندی لگادی ہے جسکی ہم سخت لفظوں میں مزمت کرتے ہیں

    انہونں ے مزید کہاکہ ہم غریب اور عزت دار شریف شہری ہیں جبکہ ہمارے مخالفین بااثر افراد ہیں جنکو سیاسی افراد کی پشت پناہی حاصل ہے

    متاثرین نے ڈی آئی جی حیدرآباد ،ایس ایس پی دادو اور دیگر اعلیٰ حکام سے مطالبہ کیا ہے کہ واقعے کا نوٹس لیکر ہمارے اوپر درج کئیے گئے جھوٹے مقدمے ختم کئے جائیں اور ہمارے مخالفین کیخلاف مقدمہ درج کرکے ملزمان کو گرفتار کیا جائے اور ہمیں تحفظ دلایاجائےدوسر ی صورت میں انصاف کےلئے عدالت کا دروازا کھٹکایا جائیگا.

  • ڈیرہ غازی خان:عبداللہ ٹاؤن میں شرابی کا ڈرنک کارنرپر دھاوا،ہاتھاپائی،توڑپھوڑ،15کال پراٹینڈ نہ ہوئی

    ڈیرہ غازی خان:عبداللہ ٹاؤن میں شرابی کا ڈرنک کارنرپر دھاوا،ہاتھاپائی،توڑپھوڑ،15کال پراٹینڈ نہ ہوئی

    ڈیرہ غازی خان، باغی ٹی وی( نیوز رپورٹرشاہد خان )عبداللہ ٹاؤن میں شرابی کا ڈرنک کارنرپر دھاوا،ہاتھاپائی،توڑپھوڑ،15کال اٹینڈ نہ ہوئی،متاثرہ کی حکام بالا سے دُہائی

    تفصیل کے مطابق ڈیرہ غازی خان میں عبداللہ ٹاؤن کالونی میں کاشف ڈرنک کارنر پر وقاص نامی لڑکے نے شراب کے نشے میں دھت ہو کر دکان پر غل غپاڑہ کیااور دکان میں شدید توڑ پھوڑبھی کی اور دکان کے مالک کاشف کے ساتھ ہاتھا پائی کی اور دکان سے مدعی کاشف کے مطابق 30000 روپے کی رقم لڑائی کے دوران اٹھا کر لے گیا

    ڈرنک کارنرکے مالک کاشف نے کئی بار 15 پر کال کی لیکن کوئی ریسپانس نہیں ملا ، ڈرنک کارنرکے مالک کاشف نے DPO ڈیرہ غازیخان سید علی سے اپیل کی ہے کے ایسے شر پسند عناصر کے خلاف سخت سے سخت کارروائی عمل میں لائی جاۓ اور وقاص نامی شخص کو حراست میں لے کر اس کے نقصان کا ازالہ کیا جائے

    دوسری طرف ذرائع کابتانا ہے کہ مطابق عبداللہ ٹاؤن کالونی میں اس وقت شراب کا دھندہ عروج پر ہے جس سے نوجوان نسل کا مستقبل تباہ ہو رہا ہے

    مقامی لوگوں نے DPO سید علی اپیل کی ہے خدارا تھانہ صدر پولیس سے ایسے لوگوں کے خلاف سخت کارروائی عمل میں لائی جائے تاکہ نوجوان نسل کا مستقبل برباد ہونے سے بچ سکے.

  • اننت امبانی کی شادی میں دعوت نامے کے بغیر گھسنے کی کوشش کرنیوالا یوٹیوبر گرفتار

    اننت امبانی کی شادی میں دعوت نامے کے بغیر گھسنے کی کوشش کرنیوالا یوٹیوبر گرفتار

    بھارت میں مکیش امبانی کے بیٹے اننت امبانی کی شادی کی تقریب میں دعوت نامے کے بغیر گھسنے کی کوشش کرنیوالے یوٹیوبر سمیت دو افراد کو گرفتار کر لیا گیا،

    اننت امبانی اور رادھیکا مرچنٹ بالاآخر شادی کے بندھن میں بندھ گئے ہیں، شادی کی تقریبات ابھی بھی جاری ہیں،یہ شادی دنیا کی مہنگی ترین شادی ہے، جس میں دنیا بھر سے معروف شخصیات نے شرکت کی، بھارتی وزیراعظم بھی شادی کی تقریب میں شریک ہوئے ہیں،اننت امبانی اور رادھیکا مرچنٹ کی شادی کی تقریب میں ریئلٹی ٹی وی اسٹار کم اور کلوئی کاردیشن، سامسنگ کے چیئرمین لی جائے ینگ، بالی وڈ سپر اسٹار شاہ رخ خان، سلمان خان، دپیکا پڈوکون، اور دیگر شعبوں سے تعلق رکھنے والی معروف ہندوستانی اور غیر ملکی شخصیات نے شرکت کی،

    اننت امبانی اور رادھیکا مرچنٹ کی شادی سے قبل کی تقریبات کا آغاز مارچ میں 3 روزہ جشن سے ہوا تھا جس میں امریکی گلوکارہ ریحانہ اور بھارتی گلوکار دلجیت دوسانج کے کنسرٹ بھی شامل تھے ،امبانی خاندان نے شادی کی تقریبات کے سلسلے میں ہی ایک لگژری کروز پر بھی مہمانوں کو مدعو کیا اور اس کے بعد شادی سے ایک ہفتہ قبل سنگیت کی تقریب ہوئی جس میں گلوکار جسٹن بیبر نے بھی پرفارم کیا تھا،

    شادی میں شرکت کے لئے دعوت نامے جاری کیے گئے تھے تا ہم دو افرا د بنا دعوت نامے کے شادی کی تقریب میں گھسنے کی کوشش کر رہے تھے جن کو ممبئی پولیس نے گرفتار کیا ہے،پولیس حکام کے مطابق جن افراد کو گرفتار کیا گیا ہے ان میں سے ایک یوٹیوبر تھا جبکہ دوسرے نے خود کو بزنس مین بتایا، دونوں آندھرا پردیش سے ممبئی آئے تھے،ممبئی پولیس نے دونوں کو گرفتار کر کے الگ الگ مقدمے درج کر لئے ہیں.

    بھارتی امیر ترین تاجر مکیش امبانی کے بیٹے اننت امبانی کی شادی کی دنیا بھر میں دھوم مچی ہوئی ہے، بھارتی میڈیا کے مطابق شادی کی تقریب میں ناصرف بالی وڈ فنکاروں کی بڑی تعداد نے شرکت کی بلکہ انٹرنیشنل اداکار و گلوکار بھی اس شادی میں شریک ہوئے اور محفل سجائی،عموماً جس کی شادی ہو رہی ہوتی ہے اسے تحائف ملتے ہیں لیکن اس شادی کی چونکہ ہر بات نرالی ہے لہٰذا دولہے میاں نے اپنے تمام دوستوں بشمول اداکار شاہ رخ خان اور رنویر سنگھ کو ریٹرن گفٹ دیے،بھارتی پاپارازی نے کچھ ویڈیوز اور تصاویر شیئر کی ہیں،بھارتی میڈیا کا بتانا ہے کہ اننت امبانی نے ریٹرن گفٹ کے طور پر لمیٹڈ ایڈیشن کی گھڑیاں دوستوں کو دیں، اس ایک گھڑی کی قیمت 2 کروڑ بھارتی روپے ہے،

    مکیش امبانی نے نئی ’بم پروف‘ مرسڈیز کار خرید لی

    راہول گاندھی سن لے:ہماراخاندان ہرسال50کروڑ ٹیکس دیتا ہےآپ کی طرح بھوکا ننگانہیں:مکیش امبانی

    امیرلڑکے سے شادی کا انکار کیا تو گھر میں بند کر دیا گیا،25 سالہ لڑکی کی تحفظ کی اپیل

    یونیورسٹی میں فحش ویڈیوز اور مبینہ نشے کی فروخت،عدالت میں درخواست دائر

    کالج کی طالبات نے ساتھی طالبات کی واش روم میں فحش ویڈیو بنا کر وائرل کردیں

    محکمہ صحت لاہور کا کمال،سیمینار کے دوران فحش ویڈیو چل گئی

    اننت امبانی کی شادی کی تقریبات،مکیش امبانی کا مہمانوں کا خیر مقدم

  • ٹرائیبل یونین آف جرنلسٹ کی جانب سےنوشہرہ میں صحافی حسن زیب کے قتل کی بھرپورمذمت

    ٹرائیبل یونین آف جرنلسٹ کی جانب سےنوشہرہ میں صحافی حسن زیب کے قتل کی بھرپورمذمت

    لنڈی کوتل(باغی ٹی وی رپورٹ)ٹرائیبل یونین آف جرنلسٹ کی جانب سےنوشہرہ میں صحافی حسن زیب کے قتل کی بھرپورمذمت
    تفصیل کے مطابق ٹرائیبل یونین آف جرنلسٹ نے اکبرپورہ بازار میں روزنامہ ”آج“ اخبار کے جنرل رپورٹر حسن زیب کے قتل کی بھرپور مذمت کرتی ہے اور وزیر اعلٰی خیبرپختونخوا علی امین گنڈاپور اور انسپکٹر جنرل پولیس خیبر پختونخوا سے واقعے کا فوری نوٹس لینے اور قاتلوں کی فوری گرفتاری کا مطالبہ کیا ہے۔

    ٹرائیبل یونین آف جرنلسٹس کے مرکزی صدر قاضی فضل اللہ اور جنرل سیکرٹری خادم خان آفریدی نے اکبرپورہ بازارمیں فائرنگ کے نتیجے میں جاں بحق روزنامہ آج کے رپورٹر حسن زیب کے قتل کی شدید الفاظ میں مذمت کرتے ہوئے کہا ہے کہ حالیہ دو ماہ میں خیبرپختونخوا میں صحافی کے قتل کا تیسرا واقعہ رونما ہوچکا ہے۔ جو نہایت افسوس ناک بات ہے،

    انہوں نے کہا کہ وزیر اعلٰی خیبرپختونخوا علی امین گنڈاپور اور آئی جی خیبرپختونخوا اس افسوناک واقعے کا فوری طور پرنوٹس لیں اور مقتول صحافی حسن زیب کے قاتلوں کو گرفتار کر کے انصاف کے کٹہرے میں لایا جائے، بصورتِ دیگر ٹرائیبل یونین آف جرنلسٹ احتجاجی مظاہرے کریں گے۔

    یاد رہے کہ صحافی کے قتل کی سی سی ٹی وی فوٹیج بھی سامنے آگئی ، جس میں دیکھا جاسکتا ہے کہ دو موٹر سائیکل سوار گاڑی کے پیچھے آئے اور ایک نے فائر کیا۔ پہلا فائر ہوتے ہی گاڑی رکی تو موٹر سائیکل سے ایک حملہ آور اترا اور بڑے اطمینان سے گاڑی کے پاس جا کر صحافی حسن زیب کو مزید گولیاں ماریں، قتل کے بعد دونوں حملہ آور موقع سے فرار ہوگئے۔

    مقتول صحافی کے قتل کا مقدمہ بھائی انور زیب کی مدعیت میں تھانہ اکبر پورہ میں درج کردیا گیا۔ایف آئی آر کے مطابق دو نامعلوم موٹرسائیکل سواروں نے گاڑی میں موجود حسن زیب کو متعدد گولیاں مار کر قتل کیا، گولیاں لگنے سے حسن زیب موقع پر جاں بحق ہوگئے تھے۔

  • منڈی بہاؤالدین: کسی کو بھی مہنگے داموں اشیائے خوردونوش فروخت کرنے کی ہر گز اجازت نہیں،ندیم بلوچ

    منڈی بہاؤالدین: کسی کو بھی مہنگے داموں اشیائے خوردونوش فروخت کرنے کی ہر گز اجازت نہیں،ندیم بلوچ

    منڈی بہاؤالدین،باغی ٹی وی (افنان طالب نامہ نگار ) کسی کو بھی مہنگے داموں اشیائے خوردونوش فروخت کرنے کی ہر گز اجازت نہیں،ندیم بلوچ

    ڈپٹی کمشنر شاہد عمران مارتھ کی خصوصی ہدایت پر اسسٹنٹ کمشنر منڈی بہاؤدین ندیم بلوچ روزانہ کی بنیاد پر فیلڈ میں مسلسل متحرک،اسسٹنٹ کمشنر ندیم بلوچ نے کٹھیالہ شیخاں میں مختلف سبزی، بیکری و کریانہ شاپس کی دکانوں پر اشیائے خوردونوش کی قیمتوں کو چیک کیا۔

    انہوں نے مہنگے داموں سبزی فروخت کرنے والے دکانداروں کو 10 ہزار روپے جبکہ مہنگے داموں اشیائے خوردونوش فروخت کرنے پر مختلف کریانہ شاپس مالکان کو 20 ہزار روپے جرمانہ بھی عائد کیا.

    اسسٹنٹ کمشنر کا کہنا تھا کہ کسی کو بھی مہنگے داموں اشیائے خوردونوش فروخت کرنے کی ہر گز اجازت نہیں دی جائے گی۔

    اسسٹنٹ کمشنر نے مختلف ہوٹلز اور نان بائیوں کی دکانوں پر روٹی اور نان کی قیمتوں کو چیک کیا اور وزن کا بھی معائنہ کیا۔روٹی اور نان حکومتی مقررکردہ نرخ پر فروخت کی جا رہی تھیں جبکہ وزن بھی پورا پایا گیا۔

    اسسٹنٹ کمشنر نے بعض ہوٹلز اور نانبائیوں کی دکانوں پر روٹی اور نان کی قیمتوں کے فلیکسز آویزاں نہ ہونے پر انہیں وارننگ جاری کرتے ہوئے فوری طور پر نمایاں جگہوں پر فلیکسز آویزاں کرنے کی ہدایت کی۔

    اسسٹنٹ کمشنر نے کٹھیالہ شیخاں میں وزیراعلی پنجاب مریم نواز شریف کے پنجاب سوشو اکنامک رجسٹری پروگرام کے تحت بننے والے مختلف رجسٹریشن سنٹرز کا بھی معائنہ کیا،

    انہوں نے رجسٹریشن سنٹرز پر ڈیٹا اینٹری عمل کا جائزہ لیا اور سنٹر پر پینے کے صاف پانی، بیٹھنے کے مناسب انتظام سمیت دیگر سہولیات کا بھی معائنہ کیا۔

  • سرگودھا: 08 محرم الحرام کے جلوسوں و مجالس کا سیکیورٹی پلان جاری

    سرگودھا: 08 محرم الحرام کے جلوسوں و مجالس کا سیکیورٹی پلان جاری

    سرگودھا،باغی ٹی وی ( سٹی رپورٹرادریس نواز چدھڑ سے ) ڈی پی او ڈاکٹر اسد اعجاز ملہی کی ہدایت پر 08 محرم الحرام کے جلوسوں و مجالس کا سیکیورٹی پلان جاری

    ترجمان سرگودھا پولیس کے مطابق ضلع بھر میں 08 محرم الحرام کو 78 جلوس برآمد ہوں گے ۔ جن میں سے 10 جلوس کیٹگری اے، 13 کیٹگری بی اور 55 کیٹگری سی کے ہیں ۔ اسی طرح 08 محرم الحرام کو ضلع بھر میں 244 مجالس کا انعقاد کیا جائے گا ۔

    08 محرم الحرام کے جلوسوں و مجالس پر فول پروف سیکیورٹی کیلئے سرگودھا پولیس کی 2 ہزار سے زائد نفری تعینات کی گئی ہے ۔ جلوس و مجالس کے داخلی وخارجی راستوں پر واک تھروگیٹس نصب کئےگئے ہیں۔ جلوس میں شامل ہونے والے افراد کی تلاشی بذریعہ میٹل ڈیٹکٹر کی جائے گی ۔

    جلوس کی نگرانی کیلیئے خصوصی طور پر سی سی ٹی وی کیمرے لگائے گئے ہیں ۔ پولیس موبائل کیم کے ذریعے جلوس کی لائیو مانیٹرنگ کی جائے گی ۔

    شہر میں ٹریفک کی روانی کو یقینی بنانے کیلیئے متبادل ٹریفک پلان بھی ترتیب دیا گیا ہے ۔ جبکہ ڈی پی او سرگودھا کا کہنا تھا کہ امن و امان کی فضا کو برقرار رکھنے کیلئے سرگودھا پولیس ہر لمحہ کوشاں ہے،تمام مذہبی اجتماعات کو بلاتفریق فول پروف سیکیورٹی انتظامات فراہم کرنا سرگودھا پولیس کی اولین ترجیح ہے ۔

  • سرگودھا:تھانہ جھال چکیاں پولیس نے 3 منشیات فروش گرفتار کرلئے

    سرگودھا:تھانہ جھال چکیاں پولیس نے 3 منشیات فروش گرفتار کرلئے

    سرگودھا ،باغی ٹی وی( سٹی رپورٹرادریس نواز چدھڑ سے ) تھانہ جھال چکیاں پولیس نے منشیات فروشی کی چین توڑ دی ۔ تین منشیات فروش گرفتار ، ڈی پی او کی جانب سے ایس ایچ او عارف چیمہ اور انکی ٹیم کو شاباش , تعریفی سرٹیفیکیٹ و نقد انعام کا اعلان

    تفصیلات کے مطابق ڈی پی او سرگودھا کی ہدایت پر ایس ایچ او تھانہ جھال چکیاں عارف حسین چیمہ نے سب انسپکٹرز اللہ دتہ , محمد کاشف و دیگر پولیس ٹیم کے ہمراہ منشیات فروشوں کیخلاف کارروائی کرتے ہوئے ملزم وارث مسعود کو منشیات فروشی کے مقدمہ میں گرفتار کیا جس نے بتلایا کہ وہ محمد زبیر سے منشیات خریدتا ہے ملزم زبیر کو بھی منشیات فروشی کرتے رنگ ہاتھوں گرفتار کیا گیا ۔ جس نے انکشاف کیا کہ وہ عثمان سے منشیات خرید کر لاتا ہے ۔ تھانہ جھال چکیاں پولیس نے ملزم عثمان کو بھی منشیات فروشی کرتے رنگ ہاتھوں گرفتار کر لیا۔

    گرفتار ملزمان سے چرس 4 کلو 170 گرام برآمد کر لی گئی ، جن پر منشیات فروشی کی دفعات کے تحت الگ الگ مقدمات درج کر لیئے گئے ہیں ۔

    گرفتار ملزمان سے مزید انکشافات کی توقع کی جا رہی ہے جبکہ بہترین کارروائی کرنے پر ڈی پی او سرگودھا نے ایس ایچ او تھانہ جھال چکیاں عارف حسین چیمہ اور انکی ٹیم کو شاباش دی اور نقد انعام و تعریفی سرٹیفیکیٹ دینے کا اعلان کیا ۔

  • سکھر کے سول ہسپتال میں مردہ عورت کا 4 گھنٹے تک علاج،سوشل میڈیا پر ویڈیو وائرل

    سکھر کے سول ہسپتال میں مردہ عورت کا 4 گھنٹے تک علاج،سوشل میڈیا پر ویڈیو وائرل

    سکھر (باغی ٹی وی رپورٹ)سکھر کے سول ہسپتال میں مردہ عورت کا 4 گھنٹے تک علاج جاری رہا سوشل میڈیا پر ویڈیو وائرل

    تفصیل کے مطابق سکھر کے سول ہسپتال میں کوشی نامی خاتون ڈیلیوری کے بعد تشویشناک حالت میں آئی سی یو وارڈ میں داخل کیا گیا،جہاں مریضہ کو وینٹی لیٹر پر رکھاگیا،

    ڈیوٹی پر موجود ڈاکٹرزاور پیرامیڈیکل سٹاف اپنے یخ بستہ کمروں کی کنڈیاں لگا کر سوگئے ،مریضہ کی انتہائی تشویش ناک حالت کے باعث ورثاء ڈاکٹرزکو ڈھونڈتے رہے ،

    وائرل ویڈیو میں ورثاء سے میں ایک شخص نے بتایا کہ نائٹ ڈیوٹی والے ڈاکٹرکو منت سماجت کی ہماری مریضہ کی حالت انتہائی خراب ہے ،ڈاکٹرنے کہاکہ اسے کراچی لے جاؤ،اس شخص کابتانا ہے کہ ڈیوٹی ڈاکٹرسے کہاکہ آپ ہمیں ریفر سلپ بناکردیں ہم اپنی مریضہ کوکراچی لیکر جاتے ہیں تو اس ڈاکٹر نے ریفرکرنے کیلئے 20 ہزار روپے مانگ لئے .

    اس دوران ایک گارڈ نے بتایا کہ میں نے قبر میں جاناہے ،میں جھوٹ نہیں بولوں گا مجھے ڈاکٹرنے کہا کہ تم تالہ لگادو تو میںنے ڈاکٹرکی توجہ مریضہ کی طرف دلانے کی کوشش کی اور کہاکہ مریضہ انتہائی سیریس حالت میں ہے ،جس کے جواب میں ڈیوٹی پرموجود ڈاکٹرنے مجھے ڈانٹ دیا اور کہا تمہاراجوکام ہے وہ کرو ،تم کون ہومجھے کہنے والے،دوبارہ کہنے پر ڈاکٹر نے پھرڈانٹ دیا.

    اس طرح نوجوان خاتون نام نہادمسیحاؤں کی مسیحائی کی بھینٹ چڑھ کر زندگی کی بازی ہار گئی ،لیکن 4 گھنٹے تک فوت ہونے والی مردہ خاتون کو وینٹیلیٹراور دوسری مشینیں لگی رہیں اور اس کاعلاج چلتا رہا ،کسی ڈاکٹرنے شعبہ انتہائی نگہداشت میں انتہائی تشویشناک حالت میں لائی گئی مریضہ کی طرف توجہ نہ دی.

    جاں بحق ہونے والی خاتون کے ورثاء میں سے ایک شخص نے ڈاکٹروں کی نااہلی سے متعلق بتایا کہ ڈیلیوری سے قبل ہم نے اسی سول ہسپتال سے اس خاتون کا الٹراساؤنڈ کرایا ،جس میں بتایا گیا کہ بچی ماں کے پیٹ میں مرچکی ہے ،لیکن جب ڈیلیوری ہوئی تو زندہ بچی پیدا ہوئی جو اس وقت چلڈرن وارڈ میں داخل ہے ،جومردہ تھی وہ زندہ ہے ،جو زندہ تھی وہ ڈاکٹروں کی غفلت کی وجہ سے مرچکی ہے

    جاں بحق ہونے والی خاتون کے ورثاء نے وزیر اعلی سندھ سیدمرادعلی شاہ نوٹس لینے کامطالبہ کیا ہے اور ذمہ داروں کیخلاف کارروائی کامطالبہ کیا ہے تاکہ آئندہ کوئی اور بنت حوا ء ان نااہل مسیحاؤں کی غفلت اور لالچ کی بھینٹ چڑھے.

  • اوچ شریف:موٹر سائیکل اور رکشہ میں تصادم ,خاتون جاں بحق

    اوچ شریف:موٹر سائیکل اور رکشہ میں تصادم ,خاتون جاں بحق

    اوچ شریف،باغی ٹی وی (نامہ نگارحبیب خان)موٹر سائیکل اور رکشہ میں تصادم ,خاتون جاں بحق

    اوچشریف میں رکشہ ڈرائیور کی غفلت کے باعث موٹر سائیکل اور رکشہ میں تصادم ہو گیا، افسوس ناک حادثے کے نتیجے میں خاتون جاں بحق ہو گئی۔ ریسکیو ذرائع کے مطابق حادثہ واٹر پارک کے قریب جلال پور روڈ پر پیش آیا ۔

    ریسکیو ذرائع کا کہنا ہے کہ تیز رفتار رکشہ ڈرائیور نے اچانک ٹرن لیا تو موٹر سائیکل سوار رکشہ میں جا لگے ،اس افسوسناک حادثے کے نتیجے میں موٹر سائیکل پر سوار ایک خاتون موقع پر دم توڑ گئی۔

    جاں بحق ہونے والی خاتون کی شناخت 50 سالہ شازیہ بی بی کے نام سے ہوئی۔ ریسکیو ٹیم نے ڈیڈ باڈی ورثاء کے حوالے کر دی تا ہم رکشہ ڈرائیور موقع سے فرار ہونے میں کامیاب ہو گیا ۔