Baaghi TV

Category: جرائم و حادثات

  • سیالکوٹ: 22 سالہ لڑکی کی نہر میں چھلانگ لگا کرخودکشی کرلی، ایک خاتون کو پولیس بچالیا۔

    سیالکوٹ: 22 سالہ لڑکی کی نہر میں چھلانگ لگا کرخودکشی کرلی، ایک خاتون کو پولیس بچالیا۔

    سیالکوٹ، باغی ٹی وی( بیوروچیف شاہد ریاض سے)تھانہ ہیڈ مرالہ پولیس نے خاتون کی خودکشی کی کوشش ناکام بنا دی،دوسرے واقعہ میں 22 سالہ لڑکی نے سمبڑیال نہر میں چھلانگ لگا کر زندگی کا خاتمہ کر لیا

    تفصیلات کے مطابق تھانہ ہیڈ مرالہ پولیس موبائل کو دوران گشت اطلاع موصول ہوئی کہ ایک عورت نہر میں چھلانگ لگا کر خودکشی کرنے کی کوشش کررہی ہے، اطلاع پاکر پولیس موبائل پوری موقع پر پہنچی اور بروقت کارروائی کرتے ہوئے عورت کو بچا لیا اور بحفاظت تھانہ میں لے گئے۔

    بعد دریافت پتا چلا کہ 4 بچوں کی ماں سلمٰی بی بی نامی خاتون نے گھریلو نا چاقی کی وجہ سے دلبرداشتہ ہوکرنہر میں چھلانگ لگا کر خود کشی کرنے کی کوشش کی جوکہ پولیس نے معززین علاقہ کی موجودگی میں میاں بیوی کے درمیان صلح کرا دی

    جبکہ دوسرے واقعہ نیں 22 سالہ لڑکی نے سمبڑیال نہر میں چھلانگ لگا کر زندگی کا خاتمہ کر لیا ،اگوکی کے علاقہ کوٹ ماناں کے رہائشی شوکت مسیح کا کہنا ہے کہ اسکی 22 سالہ بیٹی ہما اپنے بھائی کے ساتھ میڈیسن لینے گئی تھی سمبڑیال نہر کے کنارے پانی پینے کے بہانے موٹرسائیکل رکوا کر نہر میں چھلانگ لگا دی اطلاع ملنے پر ریسکیو اہلکاروں نے لاش کی تلاش شروع کر دی ہے

  • گوجرانوالہ :وزیر خوراک پنجاب ان ایکشن، جعلسازی کرنے والے سنیکس یونٹ پر چھاپہ

    گوجرانوالہ :وزیر خوراک پنجاب ان ایکشن، جعلسازی کرنے والے سنیکس یونٹ پر چھاپہ

    گوجرانوالہ ،باغی ٹی وی س(نامہ نگار محمدرمضان نوشاہی )وزیر خوراک پنجاب ان ایکشن، جعلسازی کرنے والے سنیکس یونٹ پر چھاپہ

    وزیرخوراک اور ڈی جی فوڈ اتھارٹی عاصم جاوید کی سربراہی میں فوڈ سیفٹی ٹیموں کا کنگنی والا میں واقع سنیکس یونٹ پر چھاپہ،1000لٹر کھلا اور ناقص آئل، 210 کلو ممنوعہ فلیور اور ایکسپائر اجزاء تلف، 5لاکھ جرمانہ عائد

    وزیر خوراک پنجاب نے بتایا کہ سپلائی کے لیے تیار اشیاء پر تاریخ اجراء اور تنسیخ موجود ناتھی،صفائی کے بدترین حالات، کاکروچز، چھکلیوں اور دیگر کیڑے مکوڑوں کی بھرمار پائی گئی۔ برآمد شدہ ناقص آئل میں پاپڑ اور سنیکس فرائی کر کے پیک کیے جارہے تھے۔

    وزیر خوراک پنجاب بلال یاسین کاکہنا تھاکہ خوراک کی تیاری میں نان فوڈ گریڈ اشیاء کا استعمال اور پیور فوڈ ریگولیشنز کی خلاف ورزیاں کی جارہی تھی۔ ناقص آئل سے تیار اشیاء خورونوش کا استعمال دل کے عارضے میں مبتلا کرتا ہے۔

    ان کاکہناتھاکہ سنیکس اور گولیاں ٹافیاں بچوں کی پسندیدہ اشیاء ہیں، ملاوٹ کرنے والے کسی رعایت کے مستحق نہیں،خوراک کی تیاری میں مضر صحت ممنوعہ اجزاء کے استعمال پر مکمل پابندی عائد ہے۔

    وزیر اعلیٰ پنجاب کے حکم پر صحت بخش خوراک کی فراہمی کے لیے فوڈ سیفٹی ٹیمیں ہمہ وقت فیلڈ میں موجود ہیں۔ملاوٹ سے تیار اشیاء سستے داموں مارکیٹ میں سپلائی کرنے والوں کے گرد گھیرا تنگ کیا جارہا ہے،خوراک کی تیاری سے ترسیل تک تمام مراحل پر کڑی نگرانی کی جائے، جعلسازی کے خاتمے کے لیے جامع پلان تیار کیا جارہا ہے۔

  • میرپورماتھیلو: صحافی نصراللہ گڈانی قتل کیس کا ایک ملزم گرفتار

    میرپورماتھیلو: صحافی نصراللہ گڈانی قتل کیس کا ایک ملزم گرفتار

    میرپورماتھیلو،باغی ٹی وی (نامہ نگارمشتاق لغاری)پولیس نے مقتول صحافی نصراللہ گڈانی قتل کیس کا ایک ملزم گرفتارکرلیا۔دوسری طرف شہید صحافی نصر اللہ گڈانی کے قاتلوں کی عدم گرفتاری کے خلاف احتجاج کیا گیا

    میرپور ماتھیلو میں قاتلانہ حملے میں جاں بحق ہونے والے صحافی کے قتل کیس میں ملوث ایک ملزم کو پولیس نے یارو لوند کے علاقے سے گرفتار کیا۔ پولیس کے مطابق گرفتار ملزم سے صحافی کے قتل میں استعمال موٹرسائیکل بھی برآمد ہوئی جب کہ ملزم کو تفتیش کےلیے نامعلوم مقام پر منتقل کردیاگیاہے۔

    پولیس حکام کا کہنا ہے کہ ملزم کے ساتھیوں کی گرفتاری کےلیے چھاپے مارے جارہے ہیں، جلد ہی نصراللہ گڈانی قتل کیس میں ملوث دیگرملزمان کو بھی گرفتار کرلیں گے۔

    یاد رہے کہ میرپور ماتھیلو سے تعلق رکھنے والے صحافی نصراللہ گڈانی پر 21 مئی کو فائرنگ کی گئی تھی جس کے بعد انہیں علاج کے لیے کراچی منتقل کیا گیا جہاں وہ زخموں کی تاب نہ لاتے ہوئے دم توڑ گئے تھے۔

    دوسری طرف شہید صحافی نصر اللہ گڈانی کے قاتلوں کی عدم گرفتاری کے خلاف احتجاج کیا گیا ، صحافیوں اور سول سوسائٹی اور شہریوں نے ایس ایس پی آفس کے سامنے قومی شاہراہ پر دھرنا دے دیا

    دھرنا شہید نصر اللہ گڈانی کی والدہ بچوں اور شہید نصر اللہ گڈانی پریس کلب کے صدر کی قیادت میں دیا گیا ہے ، دھرنے کے باعث سندھ اور پنجاب کی طرف جانب والی ٹریفک مکمل معطل ہو گئی، مسافر سخت پریشان ، مسافر اور مال بردار گاڑیوں کی لمبی قطاریں لگ گئیں

    مظاہرین کاکہناتھاکہ 16 دن ہو گئے ہیں ابھی تک حملہ آورا دہشتگرد گرفتار نہیں کیئے گئے ہیں، پولیس پر اعتماد نہیں ہے جے آئی ٹی بھی بے سود ثابت ہوئی اس لئے عدالتی کمیشن بنایا جائے ، قاتلوں اور سہولت کاروں کو فوری گرفتار کیا جائے

  • گن پوائنٹ پر بکرے چھیننے والا گینگ گرفتار

    گن پوائنٹ پر بکرے چھیننے والا گینگ گرفتار

    ایس پی اقبال ٹاؤن محمد سلمان لیاقت کی زیر نگرانی بکرا ڈکیت گینگ گرفتار کر لیا گیا
    کچھ روز قبل ملزمان نے سمن آباد کے علاقہ میں سٹی گاڑی پر شہری شہباز سے گن پوائنٹ پر بکرے چھینے تھے۔ملزمان کو ایک ہفتہ کے اندر گرفتار کر کے چھینے ہوئے بکرے اور گاڑی برآمد کر لی۔ ایس پی اقبال ٹاؤن محمد سلمان لیاقت کا کہنا ہے کہ ملزم شہزاد کو گرفتار کر کے شرقپور سے بکرے برآمد کئے گئے۔شہری شہباز کو اس کے بکرے دے دیئے گئے شہری شہباز اپنے بکرے ملنے پر خوش ہو گیا،شہری شہباز نے بکرے ملنے پر اقبال ٹاؤن پولیس کا شکریہ ادا کیا اور دعائیں دی،ایس پی اقبال ٹاؤن محمد سلمان لیاقت نے ایس ایچ او شیراکوٹ ملک خالد’ ایس ایچ سمن آباد عامر انجم اور پولیس ٹیم کو شاباش دی.اور کہا کہ جرائم پیشہ عناصر کے خلاف جنگ جاری رکھیں گے۔

  • میانوالی، بس پر چلی گولیاں، تین افراد کی موت

    میانوالی، بس پر چلی گولیاں، تین افراد کی موت

    پنجاب کے علاقے میانوالی میں مسافر کوچ پر فائرنگ کا واقعہ پیش آیا ہے، گولیاں چلنے کے نتیجے میں تین افراد کی موت ہو گئی ہے جبکہ چھ زخمی ہو گئے ہیں

    اطلاع پر پولیس اور ریسکیو ٹیمیں موقع پر پہنچ گئی،ریسکیو حکام کے مطابق مسافر بس پر گولیاں میانوالی کے علاقے عیسیٰ خیل میں چلائی گئیں، نامعلوم افراد فائرنگ کے بعد جائے وقوعہ سے فرار ہو گئے ہیں، ریسکیو ٹیموں نے لاشوں اور زخمیوں کو ہسپتال منتقل کیا،پولیس نے بھی واقعہ کی تحقیقات کا آغاز کر دیا ہے.واقعہ میں تین افراد کی موت اور چھ زخمی ہیں.

    پولیس حکام کے مطابق واقعہ خاندانی دشمنی کےباعث پیش آیا،جاں بحق اور زخمیوں کا تعلق مندہ خیل سے ہے جو کچہری عیسیٰ خیل سےواپس جارہے تھے،ملزمان فرار ہو گئے ہیں جلد گرفتار کر لیں گے

    بلوچستان میں مسافر بس میں آتشزدگی،تین مسافروں کی موت
    قبل ازیں بلوچستان میں بھی افسوسناک واقعہ پیش آیا،مسافر بس میں آگ لگنے سے تین مسافر چل بسے جبکہ 12 زخمی ہوئے، بس کراچی سے کوئٹہ جا رہی تھی،بس میں 28 مسافر سوار تھے،ایس ایس پی لسبیلہ کے مطابق ، تیز رفتار بس اوتھل کے قریب موٹر سائیکل سے ٹکرائی جس کے بعد بس میں آگ بھڑک اٹھی،ریسکیوٹیم موقع پر پہنچی تا ہم بس میں آگ لگنے سے 3 مسافر جھلس کر جاں بحق اور 12 زخمی ہو گئے. زخمیوں کو طبی امداد کے لئےڈسٹرکٹ ہیڈ کوارٹر اسپتال اوتھل منتقل کیا گیا ہے،ریسکیو حکام کے مطابق جب بس میں آگ لگی تو چند مسافروں نے کھڑکیوں سے کود کر جان بچائی.

    نیب ترامیم کیس: عدالتی کارروائی کا تحریری حکم نامہ جاری

    نیب ترامیم کیس ، بانی پی ٹی آئی کو مقدمے کا تمام ریکارڈ فراہم کرنے کی ہدایت

    نیب ترامیم کیس لائیو نشر کرنے کے لئے خیبرپختونخواحکومت نے درخواست دائر کر دی

    نیب ترامیم کیس، عمران خان کے دلائل نہ ہو سکے، سماعت ملتوی

  • پشاور تھانے کے باہر خواجہ سراؤں کا احتجاج،لگایا گھناؤنا الزام

    پشاور تھانے کے باہر خواجہ سراؤں کا احتجاج،لگایا گھناؤنا الزام

    خیبر پختونخواہ کے صوبائی دارالحکومت پشاور میں پولیس کے خلاف خواجہ سرا سڑکوں پر آ گئے

    خواجہ سراؤں نے پشتخرہ تھانے کے باہر احتجاج کیا اور پولیس کے خلاف نعرے بازی کی، خواجہ سراؤں اس موقع پر الزام عائد کیا کہ محفل موسیقی چل رہی تھی، پولیس موقع پر گئی اور ہمارے اوپر فائرنگ کی گئی،پولیس میں کالی بھیڑیں ہیں جو ہم پر ظلم کرتی ہیں،فائرنگ کرنے والے اور ہمیں زدوکوب کرنے والے پولیس اہلکاروں پر مقدمہ درج کیا جائے،

    دوسری جانب پولیس کا کہنا ہے کہ محفل موسیقی میں جرائم پیشہ افراد کے ہونے کی اطلاع پر پولیس وہاں گئی تھی، پولیس کو دیکھ کر خواجہ سرا مشعل ہو گئے اور پولیس پر حملے کی کوشش کی، پولیس کی جانب سے مقدمہ درج کرنے کی یقین دہانی پر خواجہ سراؤں نے احتجاج ختم کر دیا

    خیبر پختونخوا میں خواجہ سراؤں کے لئے مفت قانونی اقدامات

    اوچ شریف: جعلی خواجہ سراؤں کا ڈانس پارٹی گروپ کے نام پر مبینہ طورشی میل اور لڑکیاں سپلائی کرنے کا انکشاف

    مس پرتگال مقابلہ حسن،خواجہ سرا نے جیتا مقابلہ

    میک اپ کے بغیر خاتون نے مقابلہ حسن جیت لیا

    خواجہ سراؤں نے بھی خود کو بطور ووٹرز رجسٹرڈ کرالیا

    نوجوان مرد ہم جنس پرست ایڈز کے مریض بننے لگے،اسلام آباد میں شرح بڑھ گئی

    خیبرپختونخوا کے خواجہ سراوں کو بینظیر انکم سپورٹ پروگرام میں شامل

  • کم عمر لڑکیوں سے جنسی زیادتی،برطانیہ میں سات افراد پر فردجرم عائد

    کم عمر لڑکیوں سے جنسی زیادتی،برطانیہ میں سات افراد پر فردجرم عائد

    کم عمر لڑکیوں سے جنسی زیادتی کا کیس، برطانیہ میں سات افراد پر فرد جرم عائد کر دی گئی ہے

    برطانوی عدالت نے ملزمان محمد عمار، محمد ضمیر، عابد صدیقی، محمد سیاب، یاسرعجائیبی، طاہر یاسین اور رامین باری پر فرد جرم عائد کی ہے، ملزمان نے جن لڑکیوں سے جنسی زیادتی کی تھی انکی عمریں 11 سے 16 برس تھیں، ملزمان لڑکیوں کو چلڈرن ہاؤس سے لے کر گئے اور متعدد بار جنسی زیادتی کی.”‎شیفیلڈ کراؤن کورٹ نے نو ہفتے تک جاری مقدمے کی سماعت کے بعد ملزمان کو مجرم قرار دینے کا فیصلہ سنایا”۔

    برطانوی میڈیا کے مطابق 2014 میں ایک رپورٹ شائع ہوئی تھی جس میں رودرہیم میں 1997 سے لیکر 2013 تک برطانیہ میں مقیم پاکستانی افراد کے ایک گینگ کی طرف سے 1400 لڑکیوں کو جنسی زیادتی کا نشانہ بنائے جانے کے انکشاف کے بعد آپریشن اسٹوو وڈ کے نام سے تحقیقات کا آغاز کیا گیا تھا ،برطانوی نیشنل کرائم ایجنسی کے مطابق کمسن لڑکیوں کے ساتھ جنسی زیادتی کے واقعات سپر مارکیٹ، قبرستان، پارک، کار اور بچوں کی نرسری کے عقب سمیت مختلف مقامات پر ہوئے تھے،ایک بچی کو ہوٹل میں دو افراد نے جنسی زیادتی کا نشانہ بنایا تھا،

    قبل ازیں برطانیہ میں کم عمر لڑکیوں کو متعدد بار جنسی زیادتی کا نشانہ بنانے والے 24 ملزمان کو سزا سنائی گئی ہے،جن ملزمان کو عدالت نے سزا سنائی وہ ویسٹ یارکشائر میں 1999 سے 2012 کے درمیان متعدد کم سن لڑکیوں کے ساتھ جنسی زیادتی، بدسلوکی اور اسمگلنگ کے مرتکب پائے گئے ہیں، اس کیس کی ابتدا 2018 میں 8 بچیوں کے ساتھ جنسی زیادتی کی تحقیقات کے دوران ان ملزمان کی گرفتاریوں سے ہوئی، تحقیقات کے دوران ملزمان کا پورا نیٹ ورک پکڑا گیا اور دیگر بچیوں کے ساتھ جنسی زیادتی کے واقعات بھی سامنے آئے،

    ٹاٹا موٹرز کی کینٹین میں سموسوں سے کنڈوم،تمباکو،پتھرنکل آئے،مقدمہ درج

    شادی کی ضد مہنگی پڑ گئی،ملزم نے خاتون کو پارک میں زندہ جلا دیا

    خبردار، حق خطیب سے بڑا فنکار آ گیا، سائنس ہار گئی،ہاتھ سے موبائل کی بیٹری چارج

    بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

    سوشل میڈیا پر دوستی،پھر عریاں تصاویر،پھر زیادتی،کم عمر لڑکیاں‌بنتی ہیں زیادہ شکار

    حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

    سوشل میڈیا پر رابطہ،دبئی ویزے کے چکر میں خاتون عزت لٹوا بیٹھی

    زبردستی دوستی کرنے والے ملزم کو خاتون نے شوہر کی مدد سے پکڑوا دیا

    دوران دوستی باہمی رضامندی سے جنسی عمل کو شادی کے بعد "زیادتی” قرار دے کر مقدمہ درج

    خاتون کو برہنہ کر کے تشدد ،بنائی گئی ویڈیو،آٹھ ملزمان گرفتار

  • تنگوانی: خسرہ کی وباء ایک بچہ جاں بحق،متعدد مبتلا، محکمہ صحت منظرسے غائب

    تنگوانی: خسرہ کی وباء ایک بچہ جاں بحق،متعدد مبتلا، محکمہ صحت منظرسے غائب

    تنگوانی،باغی ٹی وی (نامہ نگارمنصوربلوچ)خسرہ کی وباء ایک بچہ جاں بحق،متعدد مبتلا، محکمہ صحت منظرسے غائب

    تنگوانی اور گرد و نواح میں خسرہ وبائی بیماری نے تباہی مچا دی ہے کئی بچے اس وبائی بیماری میں مبتلا ہیں جبکہ کئی بچے اس وبائی بیماری کی وجہ موت کا شکار ہوچکے ہیں ،گذشتہ روز تنگوانی کے قریب گاؤں کھنڈو خان نندوانی میں چھ سالہ بچہ اسد اللہ ولد سہنو نندوانی خسرہ میں مبتلا ہوکر جاں بحق ہوگیا ہے

    یہ خطرناک وبائی بیماری پورے علاقہ میں پھیل چکی ہے ،شہریوں نے انتظامیہ سے درخواست ہے کہ متاثرین کو فوری طور پر طبی سہولیات فراہم کی جائیں۔

    واضح رہے کہ خسرہ انتہائی متعدی اور ممکنہ طور پر شدید بیماری ہے جو بخار، سرخ دانوں، کھانسی اور آنکھوں کی سرخی اور آنکھوں سے پانی بہنے کا باعث بنتی ہے۔ یہ بنیادی طور پر خسرے سے متاثرہ شخص کے کھانسنے یا چھینکنے کے بعد ہوا کے ذریعے پھیلتی ہے۔

    طبی ماہرین کے مطابق خسرے کی علامات متاثرہ ماحول میں رہنے کے سات سے 21 دن بعد نمودار ہوتی ہیں۔ خسرہ دانے نکلنے کے اندازاً چار دن پہلے سے لے کر دانے نکلنے کے چار دن بعد تک متعدی ہوتا ہے۔

  • اوچ شریف: میپکو حکام کی نااہلی، جھولتی تاریں موت کے پھندوں میں تبدیل

    اوچ شریف: میپکو حکام کی نااہلی، جھولتی تاریں موت کے پھندوں میں تبدیل

    اوچ شریف،باغی ٹی وی (نامہ نگارحبیب خان )اوچ شریف میں میپکو حکام کی نااہلی، جابجا جھولتی تاریں موت کے پھندوں میں تبدیل، کھمبوں پر لگے بجلی کے ان گنت میٹر صارفین کے لئے وبال جان بن گئے،

    تفصیلات کے مطابق اوچ شریف میں میپکو حکام کی مبینہ غفلت اور نااہلی کے باعث جابجا جھولتی تاریں شہریوں کے لیے موت کے پھندوں میں تبدیل ہو چکی ہیں جب کہ کھمبوں پر لگے بجلی کے میٹر اور تاروں کے گچھے بھی صارفین کے لیے وبال جان اور اذیت کا سبب بن کر رہ گئے ہیں،

    شہریوں نے میپکو حکام کے خلاف احتجاج کرتے ہوئے میڈیا کو بتایا کہ جھولتی تاروں اور کھمبوں پر لگے بجلی کے میٹروں کے باعث کئی نقصانات ہو چکے ہیں، ایک میٹر جل جائے تو اس کے اردگرد لگے میٹر بھی متاثر ہوتے ہیں، جس کا بھاری مالی نقصان صارفین کو برداشت کرنا پڑتا ہے جبکہ دفتروں کا طواف علیحدہ کرنا پڑتا ہے،

    شہریوں کاکہنا ہے کہ متعدد بار میپکو حکام کو شکایات درج کرانے کے بعد بھی کوئی نوٹس نہیں لیا جاتا۔

  • اوچ شریف:میونسپل کمیٹی کا تجاوزات کے خلاف آپریشن،دکان داروں کو بھاری جرمانے،ریڑھیوں کے ٹائرکاٹ ڈالے

    اوچ شریف:میونسپل کمیٹی کا تجاوزات کے خلاف آپریشن،دکان داروں کو بھاری جرمانے،ریڑھیوں کے ٹائرکاٹ ڈالے

    اوچ شریف ،باغی ٹی وی(نامہ نگارحبیب خان) میونسپل کمیٹی اوچ شریف کا تجاوزات کے خلاف اپریشن، دکان داروں کو بھاری جرمانے، قبضے میں لی جانے والی درجنوں ریڑھیوں کے ٹائروں پر ”کاتیاں ” چلا دیں،

    تفصیل کے مطابق اسسٹنٹ کمشنر احمد پور شرقیہ/ ایڈمنسٹریٹر میونسپل کمیٹی اوچ شریف فیصل احمد کے زیرنگرانی میونسپلٹی عملے نے الشمس چوک، مین بازار، خیر پور ڈاہا روڈ اور عباسیہ روڈپر تجاوزات کے خلاف آپریشن کرتے ہوئے دکان داروں پر بھاری جرمانے عائد کیے اور برلب سڑک پر موجود سامان بھی تحویل میں لے لیا،

    آپریشن کے دوران ٹریفک کی روانی اور خریداری کے لیے بازار آنے والی خواتین و دیگر راہگیروں کے پیدل چلنے میں رکاوٹ اور پریشانی کا سبب بننے والے درجنوں ریڑھیوں کو بھی قبضے میں لے لیا گیا،

    اس موقع پر میونسپل کمیٹی کی طرف سے بار بار وارننگ دینے اور تجاوزات ختم نہ کرنے والے عادی ریڑھی بانوں کی ریڑھیوں کے ٹائرز ٹیوب چھریوں سے کاٹ کر ناکارہ بنا دیے گئے،

    اس حوالے سے میڈیا سے بات چیت کرتے ہوئے اسسٹنٹ کمشنر نے کہا کہ انسداد تجاوزات کے حوالے سے ریڑھی بانوں اور دکان داروں کو ریلیف فراہم کرنے اور ہر بار وارننگ دینے کے ساتھ ساتھ متعدد بار تجاوزات ختم کرنے اور سامان دکانوں کے اندر رکھنے کا کہا گیا ہے لیکن ریڑھی بان اور دکان دار حضرات قانون کی مسلسل خلاف ورزی کر رہے ہیں جو کسی صورت برداشت نہیں کریں گے،

    انہوں نے کہا کہ تاریخی شہر اوچ شریف سے تجاوزات کا خاتمہ کر کے ٹریفک کی آمدورفت کو یقینی بنانے اور شہر کی اصل خوبصورتی کو ہر صورت بحال کریں گے۔

    دریں اثناء ریڑھی بانوں نے اپنے موقف میں بتایا کہ ہم غریب لوگ روزانہ کرائے پر ریڑھیاں لے کر شدید گرمی میں محنت مزدوری کر کے اپنے بچوں کا پیٹ پالتے ہیں، پہلے بھی کئی بار جرمانے ادا کر چکے ہیں اور اپنے کنڈے بھی ضبط کرا چکے ہیں۔ دھوپ میں پڑے پڑے سارا سامان خراب ہو جاتا ہے، ٹائروں کو ناکارہ کر دینے سے ہم ریڑھی مالکان کو معاوضہ کہاں سے اور کیسے ادا کریں گے؟