Category: جرائم و حادثات

فیصل آباد،باغی ٹی وی (ویب نیوز) خاتون سے مبینہ زیادتی،3 پولیس اہلکار گرفتار

پنجاب کے شہر فیصل آباد میں خاتون سے مبینہ زیادتی کرنے والے تین پولیس اہلکاروں کو گرفتارکرلیا گیا ہے۔گرفتار پولیس ملازمین میں شجاعت بلوچ، صہیب اخلاق شامل ہیں۔

واقعہ تحصیل سمندری میں پیش آیا، پولیس اہلکاروں نے خاتون اور مرد کو پکڑا تھا جس کے بعد وہ خاتون کو تھانے کی بجائے نامعلوم مقام پر لے گئے

تینوں پولیس اہلکاروں نے خاتون کے ساتھ مبینہ طور پر زیادتی کی لیکن جب معاملہ اعلیٰ حکام کے نوٹس میں آیا تو تینوں پولیس اہلکاروں کو گرفتار کر لیا گیا۔

اوچ شریف باغی ٹی وی (نامہ نگار حبیب خان) دریائے ستلج میں پانی کی سطح میں مسلسل اضافہ، سیلابی پانی شمس آباد، وزیر آباد سمیت متعدد مواضعات میں رہائشی علاقوں کے قریب پہنچ گیا، تحصیل احمد پور شرقیہ کے مضافات بیٹ کے علاقوں میں ہزاروں ایکڑ پر کھڑی فصلیں دریا برد ہوگئی ہیں،جبکہ باقی ماندہ فصلوں کو بچانے کیلئے مقامی کاشتکار زمیندارہ بندوں کو بچانے کی کوششوں میں مصروف ہیں،

تحصیل انتظامیہ کی زیر نگرانی ریسکیو ٹیمیں نشیبی علاقوں میں مصروف عمل ہیں ریسکیو ترجمان کے مطابق نشیبی علاقے کے مکینوں کو محفوظ مقامات پر منتقل کرنے کیلئے 24 مواضعات میں ریسکیو آپریشن مسلسل جاری ہے اور اب تک 30000 سے زائد افراد کو محفوظ مقامات پر منتقل کر دیا گیا ہے ، جبکہ تحصیل بھر میں پانچ ریلیف کیمپ جن میں سے دو ماڈل ریلیف کیمپ فعال ہیں جہاں خیمہ بستی، میڈیکل اور وٹرنری کیمپس میں ادویات فراہم کر دی گئی ہیں

شفٹ وائز عملے کو بھی 24 گھنٹے چوکس رہنے کے احکامات جاری کئے گئے ہیں ، جبکہ ڈپٹی کمشنر بہاول پور نے متاثرہ علاقوں میں لگائے گئے ریلیف کیمپس میں مویشیوں کے چارے کا بندوبست کرنے کا بھی حکم جاری کر دیا ہے ، جبکہ ایمرجنسی صورتحال سے نمٹنے کیلئے پانچ فلڈ بوٹنگ پوائنٹ بھی فعال ہیں ریسکیو ٹیموں کا کہنا ہے کہ 24 گھنٹے الرٹ ہیں اور تحصیل انتظامیہ کی زیر نگرانی فرائض کی انجام دہی کیلئے تیار ہیں

نواب شاہ ،باغی ٹی وی (نامہ نگار عنائت اللہ)قاضی احمد ڈکیتی کی مختلف وارداتوں میں شہری نقدی موبائل فون سے محروم امن و امان کی صورتحال انتہائی تشویشناک شھری گھرو تک محدود

نواب شاہ کے تحصیل قاضی احمد میں آئے روز چوری،رہزنی اور ڈکیتی کی وارداتوں نے علاقہ مکینوں کو سخت پریشان کر رکھا ہے علاقے مکین گھروں تک محدود ہوکر رہ گئے ہیں ،قانون نافذ کرنے والے اداروں کی جانب سے ملزمان کو گرفتار نہ کئے جانے اور امن و امان کی صورتحال کو بہتر نہ بنائے جانے کے باعث علاقہ مکینوں کو سخت دشواری کا سامنا کرنا پڑ رہا ہے

راہگیر نوجوان عبدالرحمان آرائیں سے شام کے وقت جام پیٹرول پمپ کے سامنے دو مسلح ملزمان جو کہ موٹر سائیکل پر سوار تھے اسلحہ کے زور پر دس ہزار روپے اور موبائل فون چھین کر فرار ہوگئے ،نوجوان عبدالرحمان جوکہ یو بی ایل بینک میں بطور ملازم کام کرتا ہے نے اپنے بیان میں بتایا کہ میں بینک سے واپس گھر جارہا تھا کہ مجھے مسلح ملزمان نے اسلحہ کے زور پر لوٹ لیا نوجوان نے اعلی حکام سے مطالبہ کیا ہے کہ اسے اس کا موبائل فون اور رقم واپس لے کر دی جائے اس کاکہنا تھا کہ اس کے اہم کاغذات کا ڈیٹا موبائل میں موجود ہے جس کے نہ ملنے کے باعث اسے سخت دشواری کا سامنا کرنا پڑے گا

جبکہ دوسری واردات کولڈ ڈرنک ایجنسی پر ہوئی جس میں 4 لاکھ روپے نقدی موبائل فون چھین کر ملزمان باآسانی فرار ہونے میں کامیاب ہوگئے ، سیام راہو نے اپنے بیان میں بتایا کہ وہ اپنی ایجنسی پر بیٹھا ہوا حساب کتاب میں مصروف تھا اسی دوران دو مسلح ملزمان آئے اور اسلحہ کے زور پر مجھ سے نقدی اور موبائل فون چھین کر فرار ہوگئے

شہر کے سیاسی،سماجی اور تاجر برادری نے آئی جی سندھ پولیس،ایس ایس پی نوابشاہ سے مطالبہ کیا ہے ملزمان کو فوری گرفتار کرکے انہیں سزا دی جائے اور عوام کی بے چینی ختم کی جائے ،شہریوں نے کہاکہ اگر پولیس حکام نے کوئی نوٹس نہ لیاتو دوسری جانب سخت احتجاج کیا جائے گا

اوچ شریف باغی ٹی وی (نامہ نگار حبیب خان) موٹر وے ایم فائیو پر حادثہ، لوڈر مزدا کی ٹرالر کو ٹکر کے نتیجے میں دو افراد جاں بحق، ریسکیو 1122 ٹیم نے نعشیں ہسپتال منتقل کر دیں،

تفصیل کے مطابق موٹر وے ایم فائیو پر اوچ شریف انٹر چینج کے قریب کراچی سے لاہور جانے والے لوڈر مزدا ڈرائیور کو نیند آنے کے باعث آگے جانے والے ٹرالر سے ٹکرا گیا جس کے نتیجے میں مزدا کا ڈرائیور اور ہیلپر موقع پر جاں بحق ہوگئے جن کی شناخت 30 سالہ سیف اللہ اور 22 سالہ مجاہد اللہ کے نام سے ہوئی حادثے کی اطلاع ملتے ہی ریسکیو 1122 ٹیم موقع پر پہنچ گئی اور نعشیں نکال کر رورل ہیلتھ سینٹر اوچ شریف منتقل کر دیں

میرپورساکرو،باغی ٹی وی (نامہ نگارقادرنوازکلوئی)دوگروپوں میں تصادم ،ایک ہلاک
تفصیل کے مطابق میرپورساکرو کے بھارہ شہر میں خاصخیلی برادری کے دو گروپوں میں لڑائی ہوئی ہے جس میں چھریوں کے وار سے خمیسو ولد بسر خاصخیلی نامی نوجوان شدید زخمی ہو گیا، جسے شیخ زیڈ ہسپتال میرپور ساکرو لے جایا گیا جہاں وہ زخموں کی تاب نہ لاتے ہوئے دم توڑ گیا،
وجہ تنازعہ کے بارے معلوم نہیں ہوسکا کہ خاصخیلی برادری کے دو گروپوں میں لڑائی کیوں ہوئی،دوسری طرف پولیس نے بھی ابھی تک کوئی قانونی کارروائی نہیں کی ہے.