ڈی جی خان(باغی ٹی وی) ڈیرہ غازی خان پولیس نے ایک بڑی کارروائی کے دوران دہشت گردی کا منصوبہ ناکام بنا دیا۔ پولیس، ایس آئی یو اور ایلیٹ فورسز نے قبائلی علاقے جادے والی میں سرچ آپریشن کیا، جہاں جادے والی قبرستان کے قریب سیکیورٹی فورسز کو نشانہ بنانے کے لیے نصب آئی ای ڈی برآمد ہوئی۔ بم ڈسپوزل اسکواڈ نے بروقت کارروائی کرتے ہوئے دھماکا خیز ڈیوائس کو ناکارہ بنا دیا، جس سے علاقہ ایک بڑے سانحے سے محفوظ رہا۔
ترجمان پنجاب پولیس کے مطابق دہشت گردوں کا ہدف سیکیورٹی فورسز تھیں، تاہم پولیس اور فورسز کی بروقت حکمتِ عملی نے ان کے مذموم عزائم خاک میں ملا دیے۔ آپریشن کے دوران علاقے کو مکمل طور پر کارڈن کر کے سیکیورٹی یقینی بنائی گئی۔
آر پی او ڈیرہ غازی خان کیپٹن (ر) سجاد حسن خان نے کارروائی کی براہِ راست نگرانی کی اور پولیس ٹیموں کی بہادری کو سراہا۔ ڈسٹرکٹ پولیس آفیسر طارق ولایت نے کہا کہ ڈیرہ غازی خان کی سرزمین دہشت گردوں کے لیے تنگ کر دی جائے گی، دہشت گرد عناصر کسی رعایت کے مستحق نہیں۔ ان کا مزید کہنا تھا کہ شہریوں کے جان و مال کے تحفظ کے لیے قبائلی اور حساس علاقوں میں پولیس و فورسز کے سرچ آپریشن کامیابی سے جاری ہیں۔
Category: جرائم و حادثات
-
ڈیرہ غازی خان: پولیس کا بڑا آپریشن، فتنہ الخوارج کی دہشت گردی کی کوشش ناکام
-
گھوٹکی پولیس کی بڑی کارروائی، 9 موٹر سائیکلوں سمیت بھتہ خور اور بائیک لفٹر گینگ گرفتار
میرپور ماتھیلو (نامہ نگار،مشتاق لغاری) ایس ایس پی گھوٹکی محمد انور کھیتران کی ہدایات پر گھوٹکی پولیس نے بڑی کارروائی کرتے ہوئے بھتہ خوری اور موٹر سائیکل چوری میں ملوث ایک بڑے گینگ کا پردہ فاش کر دیا۔ پولیس نے کارروائی کے دوران 5 مرکزی ملزمان کو گرفتار کرکے ان کے قبضے سے 9 چوری شدہ موٹر سائیکلیں برآمد کر لیں۔
ڈی ایس پی گھوٹکی انور علی شیخ اور ایس ایچ او تھانہ اے سیکشن محمد قابل بھیو کی قیادت میں پولیس ٹیم نے مختلف سنگین مقدمات میں مطلوب ملزمان وزیر ولد عطا محمد گھوٹو، سرور ولد امین گھوٹو، ریاض ولد در محمد گھوٹو، اسداللہ ولد خدا بخش گھوٹو، اور پرویز ولد محمد بچل گھوٹو کو گرفتار کیا۔
ابتدائی تفتیش کے مطابق، گرفتار ملزمان ریاض گھوٹو اور اسد اللہ گھوٹو کا تعلق جاگیرانی گینگ کے ڈاکوؤں لطف جاگیرانی، ندیم جاگیرانی اور شوکت جاگیرانی سے ہے۔ یہ ملزمان نہ صرف جاگیرانی گینگ کے سہولت کار ہیں بلکہ بھتہ خوری میں بھی ملوث ہیں۔ گرفتار ملزمان نے حال ہی میں گھوٹکی کی شوگر مل سے چار موٹر سائیکلیں چوری کرنے کا بھی اعتراف کیا ہے جو برآمد کر لی گئی ہیں۔
یاد رہے کہ کچھ دن قبل ڈاکو ندیم جاگیرانی اور اس کے ساتھیوں نے گھوٹکی شہر کے رحمو محلہ میں رشید لنجار کے گھر پر فائرنگ کی تھی جس کے نتیجے میں ایک مرد اور ایک عورت زخمی ہوئے تھے۔
پولیس کا کہنا ہے کہ گرفتار ملزمان نے مختلف علاقوں میں متعدد سنگین وارداتوں میں ملوث ہونے کا انکشاف کیا ہے۔ یہ ملزمان کچے کے علاقے میں جاگیرانی گینگ سے ملاقات کرتے تھے اور انہیں شہروں میں وارداتوں کے لیے معلومات فراہم کرتے تھے۔ ملزمان کا کرمنل ریکارڈ چیک کیا جا رہا ہے اور مزید تفتیش جاری ہے۔ ایس ایس پی گھوٹکی نے اس کامیاب کارروائی پر پولیس پارٹی کے لیے شاباشی کا پیغام دیا ہے۔
-
گھوٹکی پولیس کی کاروائی، سنگین جرائم کے اشتہاری مردو عوارت گرفتار
میرپور ماتھیلو (باغی ٹی وی،نامہ نگارمشتاق لغاری): ایس ایس پی گھوٹکی محمد انور کھیتران کی ہدایات پر گھوٹکی پولیس نے روپوش، اشتہاری اور دیگر جرائم پیشہ افراد کے خلاف کاروائیوں کو تیز کر دیا ہے۔ اس سلسلے میں تھانہ جروار کے ایس ایچ او صفدر عباس پھلپوٹو نے اپنی ٹیم کے ہمراہ اہم کامیابی حاصل کی ہے۔
دورانِ گشت، خفیہ اطلاع پر کاروائی کرتے ہوئے پولیس نے سکھر کے تھانہ کندھرہ میں درج کرائم نمبر 101/2024 کے تحت دفعہ 302 اور 201 تعزیراتِ پاکستان کے ایک قتل کے مقدمے میں مطلوب ایک اشتہاری ملزم اور ایک ملزمہ کو گرفتار کر لیا ہے۔
گرفتار ہونے والوں میں اسحاق ولد مبارک جکھرانی اور مسمات حلیمہ عرف ذلی جکھرانی شامل ہیں، جو میرپور ماتھیلو کے نواحی علاقے گڑھی چاکر کے رہائشی ہیں۔ پولیس نے ملزم اور ملزمہ کو مزید قانونی کاروائی کے لیے متعلقہ اداروں کے حوالے کر دیا ہے
-
ننکانہ:تین ماہ قبل ہونے والی 18 لاکھ کی روڈ رابری کا مرکزی ملزم گرفتار
ننکانہ صاحب (باغی ٹی وی نامہ نگار احسان اللہ ایاز)تھانہ بڑا گھر پولیس کی بڑی کارروائی میں تین ماہ قبل ہونے والی 18 لاکھ روپے کی روڈ رابری کا سراغ لگا لیا گیا۔ پولیس نے مرکزی ملزم حماد کو گرفتار کر کے اس کے قبضے سے واردات کے دوران چھینی گئی رقم اور اسلحہ برآمد کر لیا۔
ڈی پی او فراز احمد نے ملزم سے برآمد شدہ 18 لاکھ روپے کی رقم مدعی مقدمہ خلیل احمد کے حوالے کر دی۔ چھینی گئی رقم واپس ملنے پر مدعی مقدمہ نے ننکانہ پولیس سے اظہار تشکر کیا۔
ڈی پی او فراز احمد کا کہنا ہے کہ واردات کا سراغ پولیس ٹیم کی پیشہ وارانہ مہارت کا نتیجہ ہے اور شہریوں کے جان و مال اور عزت کا تحفظ پولیس کی اولین ترجیح ہے۔
-
میرپورخاص: پاک آرمی کے حاضر سروس افسر میجر بلال آفتاب انتقال کر گئے
میرپورخاص (باغی ٹی وی نامہ نگار سید شاہزیب شاہ)پاکستان آرمی کے حاضر سروس افسر میجر بلال آفتاب خون کے سرطان کے باعث راولپنڈی میں انتقال کر گئے۔ ان کا جسد خاکی آج میرپورخاص لایا گیا، جہاں ہدیٰ مسجد، ہدیٰ سٹلائٹ ٹاؤن میں نمازِ جنازہ ادا کی گئی۔ پاک آرمی کے چاک و چوبند دستے نے سلامی پیش کی۔
نمازِ جنازہ میں فوجی اعلیٰ افسران، سیاسی و سماجی رہنماؤں اور پولیس افسران نے شرکت کی۔ پاکستان ایکس سروس مین سوسائٹی میرپورخاص کے ڈسٹرکٹ پریزیڈنٹ صوبیدار رانا محمد اشرف نے تمام تحصیلوں کی قیادت کرتے ہوئے اپنی ٹیم کے ہمراہ شرکت کی۔
-
ڈیرہ غازی خان: ویسٹ مینجمنٹ کمپنی نے گند دیہات میں پھینک کر علاقہ برباد کردیا، عوام سراپا احتجاج
ڈیرہ غازی خان( باغی ٹی وی، نیوز رپورٹر شاہد خان) ویسٹ مینجمنٹ کمپنی نے گند دیہات میں پھینک کر علاقہ برباد کردیا، عوام سراپا احتجاج
تفصیل کے مطابق ویسٹ مینجمنٹ کمپنی Dewoo نے شہر کا کچرا باڑہ کے خوبصورت علاقے اور وڈور روڈ کے قریب ڈال کر علاقہ مکینوں کی زندگی اجیرن بنا دی ہے۔ گندگی کے ڈھیروں سے ملیریا، ہیضہ اور دیگر بیماریاں پھیلنے لگی ہیں جبکہ مقامی افراد اور گزرنے والے شہریوں کو سانس لینے میں بھی شدید دشواری کا سامنا ہے۔اہل علاقہ نور محمد، فیض بخش، فیضان ماچھی، حیات اللہ، عبداللہ ماچھی، عبداللہ لغاری، عمران لغاری و دیگر نے الزام لگایا ہے کہ انتظامیہ کی نااہلی کے باعث اب تک 15 سے 20 افراد سانس کی بیماریوں کے باعث جان کی بازی ہار چکے ہیں اور باقی لوگ دوائیاں جیب میں رکھ کر چلنے پر مجبور ہیں۔
مکینوں نے خبردار کیا ہے کہ اگر گند ڈالنے کا سلسلہ نہ روکا گیا تو وہ سرکاری دفاتر کے سامنے شدید احتجاج کریں گے اور کچرا پھینکنے والی گاڑیوں کو روک دیں گے۔
اہل علاقہ نے وزیر اعلیٰ پنجاب مریم نواز، کمشنر اور ڈپٹی کمشنر ڈیرہ غازی خان سے فوری نوٹس لینے کا مطالبہ کیا ہے تاکہ بیماریوں کے پھیلاؤ کو روکا جا سکے۔
-
اوچ شریف: دریائے ستلج میں طغیانی، پانی بستیوں میں داخل، مکانات اور فصلیں متاثر
اوچ شریف ( باغی ٹی وی، نامہ نگار حبیب خان) اوچ شریف کے نواحی علاقے دریائے ستلج میں طغیانی کے باعث پانی کی سطح مسلسل بلند ہو رہی ہے۔ پہوڑاں والا پتن کے قریب پانی تیز رفتاری سے رہائشی بستیوں میں داخل ہو گیا ہے۔
ابتدائی اطلاعات کے مطابق 100 سے زائد مکانات اور ایک سرکاری اسکول مکمل طور پر پانی کی زد میں آ چکے ہیں جبکہ سینکڑوں ایکڑ پر کھڑی فصلیں بھی تباہی کے خطرے سے دوچار ہیں۔
دیہاتی اپنے مویشی اور سامان محفوظ مقامات پر منتقل کر رہے ہیں، تاہم کئی خاندان اب بھی متاثرہ علاقوں میں محصور ہیں۔
مقامی افراد نے حکومت پنجاب اور ضلعی انتظامیہ سے فوری امدادی کارروائیوں، ریسکیو ٹیموں کی تعیناتی اور ریلیف کیمپوں کے قیام کا مطالبہ کیا ہے۔ ان کا کہنا ہے کہ بروقت اقدامات نہ کیے گئے تو جانی و مالی نقصان میں مزید اضافہ ہو سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔ -
ڈاؤ یونیورسٹی اسپتال میں ٹرینی نرس کے ساتھ مبینہ ہراسانی پر ہیڈ نرس معطل
ڈاؤ یونیورسٹی اسپتال کراچی میں زیر تربیت نرس کے ساتھ مبینہ ہراسانی کے واقعہ کے معاملے پر اسپتال انتظامیہ نے ہراساں کرنے والے ہیڈ نرس کو معطل کر دیا اور اس حوالے سے نوٹیفکیشن جاری کر دیا۔
اسپتال انتظامیہ کے مطابق ہفتے اور اتوار کی درمیانی شب کی ویڈیو پر وائس چانسلر نے نوٹس لیا تھاپروفیسر جہاں آرا کے مطابق ہراسانی میں ملوث افراد کو کوئی رعایت نہیں دی جائے گی، ڈاؤ یونیورسٹی میں ہراسانی کے معاملے میں زیرو ٹالرنس پالیسی ہے اسپتال انتظامیہ کے مطابق مزید ملزمان کے خلاف کارروائی ہوگی۔
ڈاؤ یونیورسٹی اوجھا کیمپس کے اسپتال کی ایک وڈیو وائرل ہوئی تھی جس میں میں مرد عملے کی جانب سے نرس کے سامنے غیر اخلاقی حرکات و اشارے کرتے دیکھا جا سکتا ہے یہ واقعہ دو روز قبل اوجھا کیمپس آئی سی یو میں پیش آیا تھا وڈیو میں عملے کے دو افراد نائٹ ڈیوٹی کے دوران نرس کو مجبور کرتے رہے، تاہم نرس نے مزاحمت کی۔
زرائع کے مطابق ہراساں کرنے میں مبینہ طور پر ٹیکنیشن دلشاد، ہیڈ نرس دانش ملوث بتائے جا رہے ہیں قائم مقام وائس چانسلر ڈاؤ یونیورسٹی پروفیسر جہاں آرا نے بتایا کہ ملوث ملازمین کو معطل کردیا گیا ہے رجسٹرار کو واقعے کی فوری تحقیقات کرنے کی ہدایت بھی کر دی ہے، تحقیقاتی کمیٹی 24 گھنٹے میں رپورٹ پیش کرے گی انھوں نے کہا کہ یونیورسٹی میں انسداد ہراسانی کمیٹی موجود ہے، ملوث ہونے پر ملازمین سخت ایکشن لیا جائے گا، یونیورسٹی میں ایسے واقعات ناقابل برداشت ہیں، وائس چانسلر نے کہا کہ ہراسگی کے واقعات پر ملازمت سے برطرفی اور بھاری جرمانے بھی کیے جاتے ہیں۔
-
سرگودھا: پولیس موبائل رولر سے ٹکرا گئی، 1 ملزم جاں بحق، 7 زخمی
سرگودھا میں پولیس موبائل سڑک بنانے والے رولر سے ٹکرا گئی، حادثے میں ایک ملزم جاں بحق جبکہ 5 پولیس اہلکاروں سمیت 7 افراد زخمی ہو گئے۔
پولیس کے مطابق اہلکار 3 ملزمان کو گرفتار کر کے سرگودھا لا رہے تھے کہ قصبہ گلاپور روڈ کے قریب موبائل سڑک تیار کرنے والے رولر سے ٹکرا گئی۔حادثے میں ایک ملزم موقع پر جاں بحق ہو گیا، جبکہ 2 ملزمان اور 5 پولیس اہلکار شدید زخمی ہوئے جنہیں اسپتال منتقل کر دیا گیا۔پولیس ترجمان نے بتایا کہ واقعے کی تمام پہلوؤں سے تحقیقات کی جا رہی ہیں۔
ربیع الاوّل کا چاند نظر نہیں آیا، یکم ربیع الاوّل 26 اگست کو ہوگی
-
جہیز نہ لانے پر سسرالیوں نے بیٹے کے سامنے ماں کو زندہ جلایا گیا
بھارتی ریاست اتر پردیش کے شہر نوئیڈا میں جہیز نہ لانے پر سسرالیوں نے خاتون کو بیٹے کے سامنے زندہ جلا ڈالا۔
بھارتی میڈیا کے مطابق مقتولہ نکی کی شادی 2016 میں ہوئی تھی اور چند ہی ماہ بعد سسرالیوں کی جانب سے جہیز کے لیے دباؤ اور تشدد شروع ہوگیا، سسرال والے 36 لاکھ روپے کا مطالبہ کرتے تھے، اور جہیز میں دی گئی دیگر چیزوں کو بھی ناکافی قرار دیتے تھےواقعے کے روز نکی کو بہیمانہ تشدد کے بعد اس کے بچے کے سامنے پیٹرول چھڑک کر آگ لگائی گئی۔
پولیس کے مطابق،نکی کی بہن کنچن، جس کی شادی بھی اسی گھر میں ہوئی تھی، کا کہنا ہے کہ دونوں بہنیں سالوں سے جہیز کے لیے ظلم کا شکار تھیں کنچن نے بتایا کہ اسے بھی اس رات شدید تشدد کا نشانہ بنایا گیا اور کہا گیا کہ "تم مرو گی تو ہم دوسری شادی کر لیں گے، نکی کو اسپتال لایا گیا مگر وہ جانبر نہ ہو سکی واقعے کا مقدمہ درج کرلیا گیا ہے، خاتون کے شوہر کو گرفتار کر لیا گیا ہے جبکہ دیگر ملزمان کی تلاش جاری ہے۔
پاکستان بنگلہ دیش نالج کوریڈور کے قیام کا اعلان