Category: اہم خبریں

لاہور:تحریک طالبان پاکستان نے”عورت مارچ” کا ذمہ دارفارن فنڈڈ میڈیا کی بجائے سرکاری اداروں کو ذمہ دارقراردیا،اطلاعات کے مطابق تحریک طالبان پاکستان کی طرف سے سیکورٹی اداروں کو دھمکی دی گئی ہے اوران کو عورت مارچ کا ذمہ دارقراردیا گیا ہے ،

اپنے پیغام میں تحریک طالبان پاکستان کے ترجمان محمد خراسانی کہتے ہیں کہ دین اسلام ایک مکمل ضابطہ حیات ہے اسلامی شریعت نے تمام شعبہ ہائے زندگی کیلئے جو قوانین وضع کیے ہیں وہ بلا شبہ انصاف پر مبنی ہے. دین اسلام میں مردوں عورتوں حتی کہ تمام مخلوقات کے حقوق واضح ہیں۔

سید قطب رحمہ اللہ کا قول ہے کہ اللہ تعالی نے لوگوں کیلئے جو شریعت بھیجی ہے وہ اس کائنات کیلئے اللہ تعالی کے کلی قانون کا ایک حصہ اور جزء ہے،

لھذا اس دنیا میں اس شریعت کو نافذ کرنے کا لازمی اور مثبت اثر یہ ہوگا کہ اس پوری کائنات کی روش اور لوگوں کے طرز عمل کے درمیان ایک حسین ہم آہنگی پیدا ہو جائے گی .شریعت الہی ایمان کا ثمرہ اور نتیجہ ہے اور ایمان اس کی بنیاد ہے.

روشن خیالی کے نام پر وطن عزیز پاکستان میں حدود اللہ کی پامالی روز کا معمول ہے. اسی سلسلے میں پچھلے کئی سالوں سے پاکستان میں عورت مارچ کا انعقاد کیا جاتا ہے. جس میں بے ہودہ اور قبیح قسم کے نعرے لگائے جاتے ہیں. ان مارچوں کی سرپرستی پاکستان میں سرگرم  این جی اوز کر رہی ہیں.

جبکہ ان مارچوں کو تحفظ پاکستانی سیکورٹی ادارے فراہم کرتے ہیں.یہ لوگ ملک پاکستان کی مذھبی شناخت کا قتل کرنا چاہ رہے ہیں.جو پاکستانی عوام کو نامنظور ہے.
کئی جگہوں پر اس مارچ کے خلاف پاکستان کے غیرت مند عوام نے احتجاج بھی کیا ہے جو یقینا ایمانی غیرت کا ثبوت ہے.

تحریک طالبان پاکستان دین اسلام اور حدود اللہ کا تحفظ اپنا فرض سمجھتی ہے اور اس کیلئے اپنا تن من دھن قربان کرنے کیلئے تیار ہے.

وطن عزیز پاکستان میں  فحاشی و عریانی پھیلانے کیلئے سرگرم تنظیموں کے نام پیغام دینا چاہتے ہیں کہ اپنے قبلے درست کریں، اس امت میں اب بھی ایسے نوجوان موجود ہے جو دین اسلام اور حدود اللہ کا دفاع کرنا جانتے ہیں.

راولپنڈی :پاکستان میں آسٹریلیائی ہائی کمشنرکی آرمی چیف جنرل قمر جاوید باجوہ سے ملاقات،اطلاعات کے مطابق پاکستان میں آسٹریلیائی ہائی کمشنر ہز ایکسی لینسی ڈاکٹر جیفری شا نے آج جی ایچ کیو میں آرمی چیف جنرل قمر جاوید باجوہ سے ملاقات کی۔

ملاقات کے دوران باہمی دلچسپی کے امور، افغان امن عمل سمیت مجموعی طور پر علاقائی صورتحال اور مختلف شعبوں میں دوطرفہ تعاون پر تبادلہ خیال کیا گیا۔

آئی ایس پی آر کے مطابق آرمی چیف اس موقع پرکہا کہ پاکستان آسٹریلیا کے ساتھ اپنے مضبوط سفارتی ، معاشی اور دفاعی تعلقات کی قدر کرتا ہے۔

دونوں نے خطے میں امن اور سلامتی کے لئے کوششوں سمیت دوطرفہ تعاون کو مزید فروغ دینے کی خواہش کا اعادہ کیا۔

آسٹریلیائی ہائی کمشنر نے علاقائی امن و استحکام کیلئے پاکستان کے مثبت کردار کو سراہا۔

اسلام آباد: ڈپٹی چیئر مین سینیٹ کی سیٹ بھی حکومتی حمایت یافتہ محمد مرزا آفریدی نے جیت لی:پی ڈی ایم صدمے سےدوچار ،اطلاعات کے مطابق سینیٹ میں ڈپٹی چیئر مین کی سیٹ حکومت کے حمایت یافتہ محمد مرزا آفریدی نے جیت لیا۔

سینٹ میں ڈپٹی چئیرمین الیکشن مکمل ہوچکے ہیں اور اطلاعات کے مطابق مرزا آفریدی نے 54 ووٹ لئے

مولانا عبدالغفورحیدری صرف 44 ووٹ ہی لے سکے

یہ بھی معلوم ہوا ہےکہ کوئی بھی ووٹ مسترد نہیں ہوا

تفصیلات کے مطابق سینیٹ میں ڈپٹی چیئر مین کا الیکشن ہوا جس میں وزیراعظم عمران خان کی طرف سے نامزد کردہ امیدوار محمد مرزا آفریدی نے پاکستان ڈیمو کریٹک موومنٹ (پی ڈی ایم) کے امیدوار مولانا عبد الغفور حیدری کو شکست دیدی ہے۔

واضح رہے کہ پاکستان تحریک انصاف (پی ٹی آئی) اور ان کے اتحادیوں کی جانب سے ڈپٹی چیئرمین سینیٹ کے لیے نامزد امیدوار سینیٹر مرزا محمد آفریدی کا تعلق ضلع خیبر سے ہے۔

وزیراعظم عمران خان نے خیبر پختونخوا کے قبائلی ضلع خیبر کی تحصیل باڑہ کے قبیلہ سپاہ سے تعلق رکھنے والے سینیٹر مرزا محمد آفریدی کو ڈپٹی چیئرمین سینیٹ کے لیے نامزد کیا ہے۔

مرزا محمد آفریدی آزاد حیثیت سے مارچ 2018 میں سینیٹر منتخب ہوئے اور وہ مارچ 2024 میں ریٹائر ہوں گے۔

سینیٹر مرزا محمد آفریدی نے اسلام آباد سمیت مغربی ممالک سے اعلیٰ تعلیم حاصل کر رکھی ہے۔مرزا محمد آفریدی پشاور زلمی کے مالک جاوید افریدی اور سینٹر ایوب آفریدی کے کزن ہیں اور ان کا تعلق ارب پتی خاندان سے ہے جن کا بیرون ملک بھی کاروبار ہے۔

سینیٹر مرزا آفریدی کے چچا محمد شاہ آفریدی بے نظیر بھٹو کے دوسرے دور حکومت میں قبائلی ضلع خیبر سے رکن قومی اسمبلی منتخب ہوئے تھے

اسلام آباد:ہمارے امیدوار کوجان بوجھ کرہرایا گیا:ہم یہ قبول نہیں کریں گے :پی ڈی ایم آپے سے باہر،اطلاعات کے مطابق سینیٹ کے آج کے انتخابات میں حکومت کے حمایت یافتہ صادق سنجرانی دوبارہ چیئرمین سینیٹ بن گئے ہیں‌ لیکن پی ڈی ایم یہ قبول کرنے کے لیے تیارنہیں

اسلام آباد میں پریس کانفرنس کرتے ہوئے راجہ پرویزاشرف نے کہا ہےکہ یوسف رضا گیلانی کے ووٹ جان بوجھ کرمسترد کیے گئے ہیں‌ جن کا بہت زیادہ دکھ ہے

راجہ پرویز اشرف نے کہا کہ یہ الیکشن ہائی جیک کیا گیا اورہمارے ووٹروں کوڈرا کران سے ووٹ لیا گیا

ن لیگ کے رہنما احسن اقبال کہتے ہیں کہ دنیا چاند پرجارہی ہے اورہم ووٹ کوعزت دو کا نعرہ لگا رہے ہیں ہمارا حمایت یافتہ امیدوار جیت گیا ہے

ان کا کہنا تھا کہ وہ مسترد ووٹوں کا پی ڈی ایم کے ووٹ مسترد کرتے ہیں‌ اس لیے صادق سنجرانی یہ سیٹ چھوڑ کرہمارے حمایت یافتہ امیدوار کودے دیں‌

اسلام آباد :سب سے پہلے اللہ تعالیٰ کاشکریہ ادا کرتاہوں،صادق سنجرانی نے چیئرمین سینیٹ کا حلف بھی اٹھا لیا ،اطلاعات کے مطابق حکومتی اتحاد کے چیئرمین سینیٹ صادق سنجرانی نے کامیابی کے بعد اللہ کا شکرادا کیا ہے

دوسری طرف صادق سنجرانی نے چیئرمین سینیٹ کا حلف بھی اٹھا لیا ہے

اس حوالے سے پیش رفت آئی ہے کہ صادق سنجرانی کومبارکباد کا سلسلہ جاری ہے اورپاکستان اوربیرون پاکستان سے پاکستانی بہت خوش دکھائی دے رہے ہیں

یہ بھی معلوم ہوا ہےکہ ڈپٹی چیئرمین سینیٹ کے لیے ووٹنگ جاری ہے