Category: اہم خبریں

بھارتی مسلمانوں پر مودی سرکار کی پولیس کا تشدد،وزیراعظم عمران خان میدان میں آ گئے، کیا کہا؟

باغی ٹی وی کی رپورٹ کے مطابق وزیراعظم عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ بھارتی پولیس کی بربریت نچلے درجےتک پہنچ گئی،ظلم فاشٹ مودی ایجنڈے کے تحت مسلمانوں کی نسل کشی پروگرام کا حصہ ہے،بھارتی پولیس مودی حکومت کے ایجنڈے کو پورا کررہی ہے،

سفاک مودی سرکار کے مسلم کش ایجنڈے کے تحت ہندوستان میں مسلمانوں کا قتل عام جاری ہے اور بھارتی پولیس بربریت کی نئی مثالیں قائم کررہی ہے۔
https://t.co/BRI9LRHMX3

— Imran Khan (@ImranKhanPTI) January 4, 2020

وزیراعظم عمران خان نے ٹویٹر پر بھارتی نیوز ویب سائٹ کی خبر کا لنک بھی شیئر کیا جس میں‌ بھارتی پولیس کے مسلمانوں پر مظالم کے حوالہ سے بتایا گیا ہے،

گزشتہ روز بھی وزیراعظم عمران خان نے ٹویٹر پر اپنے پیغام میں کہا تھا کہ انتہاء پسند سفاک مودی سرکار ریاستی دہشت گردی پر اتری ہوئی ہے اور دنیا خاموش تماشائی کا کردار ادا کررہی ہے۔ اقوام عالم آخر کب تک چپ سادھے مودی سرکار کی بربریت کا نظارہ کرتی رہیں گی؟

گزشتہ ماہ کی 11 تاریخ کو منظور کیے گئے کالا قانون کے خلاف بھارت بھر میں شدید احتجاج جاری ہے، لاکھوں افراد ملک کی مختلف ریاستوں میں احتجاج کر رہے ہیں جبکہ اس دوران پولیس کے ساتھ جھڑپوں کے دوران 29 مظاہرین ہلاک ہو چکے ہیں سب سے زیادہ ہلاکتیں ریاست اتر پردیش میں ہوئی ہیں۔

احتجاج میں حصہ کیوں لیا؟ مودی سرکار کا غیر ملکی طالبعلم کیخلاف انتہائی اقدام

متنازعہ شہریت بل، دلہن نے بھی کیا مودی سرکار کے خلاف احتجاج

متنازعہ شہریت بل، بھارت میں اپوزیشن رہنماؤں کے خلاف مقدمے درج

متنازعہ شہریت بل احتجاج، بھارتی پولیس نے درندگی کی سب حدیں عبور کر لیں، طلبا کو برہنہ کر کے……..

مودی کے باپ کا ہندوستان تھوڑا ہی ہے؟ برقع پوش خواتین کا دیو بند میں مودی سرکار کو چیلنج

بھارتی پولیس کے تشدد کا نشانہ بننے والے 72 سالہ حامد نے سنائی افسوسناک داستان

متنازعہ شہریت ایکٹ، احتجاج پر ایک اور غیر ملکی کو بھارت چھوڑنے کا حکم

اسلام آباد:مودی حکومت بھارت میں ریاستی دہشت گردی پر اتر آئی ہے، وزیراعظم کا سخت ردعمل ،اطلاعات کےمطابق پاکستان وزیراعظم عمران خان نے کہا ہے کہ مودی حکومت بھارت میں ریاستی دہشت گردی پر اتر آئی ہے۔

وزیراعظم عمران خان نے سماجی رابطے کی ویب سائٹ ٹویٹر پر اپنے پیغام میں کہا کہ دنیا کب تک انتہا پسند مودی کے فاشسٹ اقدامات پر خاموش رہے گی، مودی حکومت بھارت میں ریاستی دہشت گردی پر اتر آئی ہے۔وزیراعظم عمران خان نے اپنے ٹویٹ میں بھارتی اخبار کے آرٹیکل کا حوالہ بھی دیا۔

انتہاء پسند سفاک مودی سرکار ریاستی دہشت گردی پر اتری ہوئی ہے اور دنیا خاموش تماشائی کا کردار ادا کررہی ہے۔ اقوام عالم آخر کب تک چپ سادھے مودی سرکار کی بربریت کا نظارہ کرتی رہیں گی؟
https://t.co/GbIzHtEUlq

— Imran Khan (@ImranKhanPTI) January 3, 2020

انتہاء پسند سفاک مودی سرکار ریاستی دہشت گردی پر اتری ہوئی ہے اور دنیا خاموش تماشائی کا کردار ادا کررہی ہے۔ اقوام عالم آخر کب تک چپ سادھے مودی سرکار کی بربریت کا نظارہ کرتی رہیں گی؟واضح رہے کہ بھارت میں متنازع شہریت قانون کے خلاف احتجاج جاری ہے اب تک پولیس سے جھڑپوں میں 33 افراد جاں بحق ہوچکے ہیں۔

عالمی ذرائع ابلاغ کے مطابق گزشتہ روز نئی دہلی میں درجہ حرارت 2 ڈگری تک گر گیا لیکن شاہین باغ کی ہزاروں خواتین مسلسل 17ویں رات متنازع شہریت قانون کے خلاف چھوٹے بچوں کو لے کر باہر نکلیں اور دھرنا جاری رکھا۔

یاد رہے کہ چند روز قبل بھارتی ضلع بجنور کے علاقے نہٹور میں مودی سرکار کے شہریت قانون کے خلاف مظاہرے کے دوران گولیاں لگنے سے 2 مسلم نوجوان محمد سلیمان اور محمد انس جاں بحق ہوگئے تھے۔مقتول سلیمان کے والد زاہد کا کہنا تھا کہ جب ہم اس مٹی میں پیدا ہوئے اور اسی مٹی میں دفن نہیں ہوں گے تو کہاں جائیں گے۔

لاہور:ایران اپنے جنرل کا بدلہ لے کررہے گا،ایرانی قونصلیٹ محمد رضا ناظری نے مبشرلقمان کے ساتھ گفتگو میں بتادیا ،باغی ٹی وی کےمطابق امریکہ کی طرف سے ایرانی جنرل قاسم سلیمانی کی ہلاکت کے بعد پاکستان کے معروف صحافی اور تجزیہ نگار مبشرلقمان خطے کی ہر لمحے بدلتی ہوئی صورت حال پر گہری نظررکھے ہوئے ہیں

باغی ٹی وی کے مطابق پاکستان میں ایرانی قونصلیٹ جنرل محمد رضاناظری نے آج اپنی خصوصی گفتگو میں مبشرلقمان سے کرتے ہوئے کہا کہ امریکہ نے جنرل قاسم سلیمانی کو شہید کرکے جنگ کو دعوت دی ہے، انہوں نے مزید کہا کہ دنیا کو یہ جان لینا چاہیے کہ امریکہ کو اس بزدلانہ حملے کا جواب دینا پڑے گا

محمد رضا ناظری نے مبشرلقمان کے ایک سوال کے جواب میں کہا کہ امریکہ کو شاید یہ نہیں پتہ کہ اس خطے میں امریکی مفادات کو بہت زیادہ نقصان پہنچ سکتا ہے ، انہوں نے مزید بتایا کہ اس وقت لبنان ، عراق،شام فلسطین ، یمن اور کئی اور ملکوں میں لاکھوں کی تعداد میں ایران کے ہم نوا موجود ہیں جو امریکی مفادات کو بہت زیادہ نقصان دے سکتے ہیں

محمد رضا ناظری سے جب مبشر لقمان نے پوچھا کہ کیا یہ ممکن ہے کہ ایران امریکہ کو نقصان پہنچا سکتا ہے، حالانکہ امریکہ تو بہت دور ہے ، اس پر محمد رضا ناظری نے انکشاف کیا کہ یہ وہ دور جب ملکوں کے پاس ایسی ٹیکنالوجی موجود ہےکہ وہ دور سے اپنے دشمن کو نقصان پہنچادے

پینل گفتگومیں جب مبشر لقمان نے امریکہ کی ڈیموکریٹک پارٹی کے اہم رہنما شاہد احمد خان سے سوال کیا کہ کیا اس ساری صورت حال کا ذمہ دارا مریکہ نہیں ہے تو جواب میں انہوں نے کہا کہ جی واقعی امریکہ ذمہ دار ہے اور وہ یہ محسوس کررہے ہیں کہ کل کواگر خطے میں جنگ چھڑتی ہے تو اس کا ذمہ دار بھی امریکہ ہی ہوگا

باغی ٹی وی کے مطابق میزبان مبشرلقمان نےباتوں ہی باتوں میں ایسے رازوں سے پردہ اٹھا دیا جو کہ اس سے پہلے شاید جن پر ایک پردہ ہی تھا ،مبشر لقمان نے انکشاف کیا کہ امریکہ کو یہ بھی معلوم ہونا چاہیے کہ پورے مشرق وسطیٰ میں جنرل قاسم سلیمانی کے تربیت یافتہ لاکھوں کی تعداد میں رضاکار موجود ہیں‌جو جنگ کی صورت میں خطے میں موجود امریکی فوجیوں پربجلی بن کرگرسکتے ہیں

مبشرلقمان نے مزید بتایا کہ خطے میں جنرل قاسم کے بنائے ہوئے گروپس ، لبنان ،شام، ایران ،عراق یمن اوردیگر علاقوں میں ابھی بھی موجود ہیں ، عراق میں ایک لاکھ 40 ہزار فدائین بھی اس جنگ میں ایران کا ساتھ دیں گی، روس کا جدید اسلحہ استعمال کریں گے ، حزب اللہ اور حوثی بھی ایران کا ساتھ دیں ،فلسطینی گروہ بھی اس صورت میں ایران کا ساتھ دیں گے اوراگرایسا ہوگیا تو پھر تیسری عالمی جنگ کے برپا ہونے میں کوئی شک نہیں ہوگا

راولپنڈی :سخت سردی ، برف باری اور شدید زلزلہ ، پاک فوج کے جوان گلگت بلتستان میں مصروف خدمت ہیں، ترجمان پاک فوج نے شمالی علاقہ جات میں سخت سردی کی تاریک راتوں میں پاک فوج کی جان نثاری کی اطلاعات دے دیں

باغی ٹی وی کےمطابق گلگت کے علاقہ آستور میں ابھی آنے والے شدید زلزلہ میں پریشان حال لوگوں کی مدد کے حوالے سے پاک فوج کے تعلقات عامہ کے ادارے کے ترجمان میجر جنرل آصف غفور نے اپنے ٹویٹ پیغام کے ذریعے ہم وطن پاکستانیوں کوتسلی دی ہے کہ پریشان نہ ہوں پاک فوج کے جوان اپنے بھائیوں کی مدد کررہے ہیں

میجر جنرل آصف غفور نے بتایا ہےکہ پاک فوج کے ہیلی کاپٹر انجنیئرز،ڈاکٹرز اور پیرا میڈیکل کا عملہ رات کی ٹھنڈی اور تاریک راتوں میں پہاڑوں کی گہرائیوں میں اترکرپریشان حال لوگوں کی خدمت کررہے ہیں ،

پاک فوج کے ترجمان ادارے کی طرف سے بتایا گیا ہےکہ ٹریفک میں حائل رکاوٹیں ہٹا دی گئی ہیں اور اب ٹریفک رواں دواں ہے، یہ بھی بتایا گیا ہےکہ لوگوں کی طبی امداد جاری ہے اور لوگوں کو ان کے گھروں تک پہاڑوں کی چوٹیوں سے لیکرمیلوں نیچے گہرائیوں تک کھانا بھی پہنچایا جا رہا ہے

اسلام آباد:امریکی وزیرخارجہ کا آرمی چیف جنرل قمرباجوہ سےرابطہ،آپ کے تعاون کے خواہشمند ہیں‌،اطلاعات کے مطابق امریکی وزیرخارجہ نے آرمی چیف جنرل قمر باجوہ سے رابطہ کرلیا، دفترخارجہ کی جانب سے اقوام متحدہ کے چارٹر کی پاسداری کی اپیل کی گئی۔

باغی ٹی وی کےمطابق امریکی اسٹیٹ ڈیپارٹمنٹ کے مطابق آرمی چیف جنرل قمر باجوہ سے گفتگو میں ایرانی جنرل قاسم سلیمانی کی ہلاکت پر گفتگو کی گئی۔اس دوران مائیک پومپیپو نے جنرل قمر جاوید باجوہ سے خطے کی بگڑتی ہوئی صورت حال میں کردار اداکرنے کی درخواست کی ہے

COAS received telephone call from US Secretary of State Mike Pompeo. Regional situation including possible implications of recent escalation in Middle East was discussed. (1of2).

— DG ISPR (@OfficialDGISPR) January 3, 2020

امریکی وزیر خارجہ مائیک پومپیپو نے آرمی چیف سے دوران گفتگو کہا کہ ایران خطے میں عدم استحکام پیدا کر رہا تھا۔ امریکی مفادات اہلکاروں تنصیبات اور شراکت داروں کا تحفظ کریں گے۔

یہ بھی معلوم ہوا ہےکہ آرمی چیف جنرل قمر جاوید باجوہ نے امریکی وزیرخارجہ سے بات کرتے ہوئے کہا کہ پاکستان تمام فریقوں سے صبروتحمل سے کام لینے کا مشورہ دیتا ہے تاکہ حالات کنٹرول میں رہیں

لاہور: جنرل قاسم سلیمانی کی ہلاکت ،خطے میں جنگ چھڑسکتی ہے،پاکستان حالات پرنظررکھے،ان خیالات کا اظہارمعروف صحافی مرتضیٰ علی شاہ نے ممتاز صحافی اینکر اور تجزیہ نگار مبشرلقمان کے ساتھ خطے کی صورت حال پر تبصرہ کرتے ہوئے کیا،

مرتضیٰ علی شاہ کہہ رہے ہیں کہ خطے میں صورت حال ایک خطرناک جنگ کی طرف جارہی ہے،خطے میں تمام گروپس نے ایرانی حکومت کا ساتھ دینے کا اعلان کیا ہے، مبشر لقمان سے بات کرتے ہوئے مرتضیٰ علی شاہ کہتے ہیں کہ قاسم سیلمانی کی ہلاکت کےبعد اب ایران کی حکومت مخالف گروہوں نےبھی اس معاملے پرایران کی حکومت کا ساتھ دینےکا اعلان کیا ہے

مرتضی علی شاہ کہتے ہیں اگر ایران اور ایران نواز گروہوں کی طرف سے ٹکراو ہوتا ہے تو اس صورت حال میں امریکی اتحادی امریکہ کوجنگ میں نہ کودنے کا مشورہ دے گا ،یہ بھی معلوم ہونا چاہئے کہ اس موقع پر امریکہ اپنے نیٹو اتحادیوں کو ہوسکتا ہے کہ استعمال کرلے ۔اس صورت حال میں حالات مزید بگڑ سکتے ہیں

فیصل آباد:وزیراعظم نے فیصل آباد میں تاریخی منصوبوب کاسنگ بنیاد رکھ دیا،اطلاعات کےمطابق وزیراعظم عمران خان فیصل آبا د پہنچ گئے ۔وزیراعلیٰ پنجاب سردار عثمان بزداربھی اس مو قع پر وزیراعظم عمران خان کے ہمراہ موجود تھے۔

باغی ٹی وی کے مطابقا فیصل آباد میں پناہ گاہ کا افتتاح کرتے ہوئے کہا کہ وہ غریبوں کے لیے کچھ کرنا چاہتے ہیں ،وزیراعظم عمران خان کی پاکستان کے غریب اور بے گھر افراد کیلئےکاوشیں جاری ہیں،وزیراعظم نے افتتاح کے بعد وزیراعلیٰ پنجاب عثمان بزدارکے ساتھ پناہ گاہ کے مختلف حصوں کا معائنہ کیا اور وہاں موجود افراد کیساتھ کھانا بھی تناول فرمایا۔

علامہ اقبال انڈسٹریل اسٹیٹ کا سنگ بنیاد رکھتے ہوئے وزیراعظم عمران خان نے کہا کہ چاہتاہوں پاکستان وہ ریاست بنے جس کی ترجیح کمزور طبقے کو اوپرلانا ہے، پاکستان کی ترقی صنعتی ترقی سے مشروط ہے، چین پاکستان میں سرمایہ کاری میں بہت زیادہ دلچسپی لےرہا ہے

تفصیلات کے مطابق فیصل آباد میں وزیراعظم عمران خان نےانڈسٹریل سٹی میں پودا بھی لگایا، سی پیک کےتحت پہلے انڈسٹریل سٹی میں ملکی وغیرملکی کمپنیاں400 ارب روپے کی سرمایہ کاری کریں گی، جس سے تین لاکھ افرادکوروزگارملےگا۔

وزیراعظم نے کہا کہ غربت ختم کرنے کیلئے پاکستان کو انڈسٹریلائزڈ بنانا ہوگا ، انڈسٹریلائزیشن نوجوانوں اور مستقبل کیلئے لازمی ہو چکی ہے ، 60کی دہائی میں پاکستان میں انڈسٹریلائزیشن ہورہی تھی اور 70کی دہائی میں جو پالیسیاں آئیں اس نے پاکستان کو غلط راستے پر لگادیا۔

حکام نے وزیراعظم کو پناہ گاہ میں فراہم کی جانیوالی سہولتوں پر بریف کیا جبکہ پناہ گاہ سے متعلق یادداشت پر دستخط بھی کیے گئے۔

واضح رہے کہ تین روز قبل بھی وزیر اعظم عمران خان اور وزیر اعلیٰ پنجاب سردار عثمان بزدار کی ہدایات پر بے سہارا ،غریب اور بے گھرافراد کے لیے اقدامات کرتے ہوئے پنجاب کے 36 اضلاع میں 92 عارضی پناہ گاہیں قائم کی گئیں تھیں۔

اسلام آباد:جمہوریت کا حسن:آرمی چیف کی مدت ملازمت کےحوالے سے پیدا کردہ بحران کو پارلیمنٹ نےحل کر دکھایا،باغی ٹی وی ذرائع کےمطابق آج پارلیمنٹ نے یہ ثابت کردکھایا ہے کہ واقعی جمہوریت میں حسن ہے،

باغی ٹی وی کےمطابق چند دن قبل جب آرمی چیف کی مدت ملازمت کے حوالے سے آئینی بحران پیدا کردیا گیا تھا ،اورجس آئین کے تحت سابق آرمی چیف جنرل اشفاق پرویز کیانی کوتوسیع دی گئی تھی اس کو متنازعہ بنادیا گیا

ذرائع کےمطابق اس آئینی بحران کی وجہ سے ملکی معیشت اوراداروں کوناقابل تلافی نقصان پہنچا تھا ، اس بحران کو جس طرح آج پارلیمنٹ نے حل کردکھایا اس پروہ قوتیں بھی آج خوش ہیں جوجمہوریت کے حوالےسے کوئی زیادہ مطمئن نہیں تھے

باغی ٹی وی کےمطابق قائمہ کمیٹی برائے دفاع نےتینوں سروسز ایکٹ بل کی منظوری دی ہے۔اس سے قبل قومی اسمبلی کا اجلاس اسپیکر اسد قیصر کی زیرصدارت ہوا جس کے 13 نکاتی ایجنڈا سامنے لایا گیا جس میں آرمی ترمیمی ایکٹ شامل نہیں تھا تاہم آرمی ایکٹ کو سپلیمنٹری ایجنڈے کے طور پر پیش کیا گیا۔

اجلاس میں وزیرمملکت علی محمد خان کی وقفہ سوالات معطل کرنےکے لئے رولزمعطلی کی تحریک منظورکی گئی جس کے بعدوزیر دفاع پرویز خٹک نے آرمی چیف کی مدت ملازمت میں توسیع کے لیے آرمی ترمیمی ایکٹ 2020 اجلاس میں پیش کیا۔

قومی اسمبلی کے اجلاس میں پاکستان ائیر فورس ترمیمی ایکٹ 2020 اورپاکستان بحریہ ترمیمی ایکٹ 2020 بھی وزیر دفاع نے پیش کیا تھا جس کے بعد تینوں بلوں کو قائمہ کمیٹی برائے دفاع کو بھیج دیا گیا تھا اور اسمبلی کا اجلاس کل صبح 11 بجے تک ملتوی کردیا گیاتھا۔

بعد ازاں حکومت اور اپوزیشن کے درمیان قائمہ کمیٹی برائے دفاع کا اجلاس آج ہی طلب کرنے پر اتفاق ہوا اور ان بلوں کو آج ہی کمیٹی سے منظور کروانے پر اتفاق رائے قائم ہوا۔

باغی ٹی وی کےمطابق آج پارلیمنٹ نے اپنی بالادستی ثابت کردی ہے ،جسے چند دن پامال کیا گیا تھا ،یہ بھی معلوم ہوا ہےکہ بعض حلقے اس آئین سازی کوپھرسے سپریم کورٹ میں چیلنج کرنے کی سازش تیارکرنے کا سوچ رہے ہیں
لیکن امید یہی کی جارہی ہےکہ اس سازش کوناکامی کا منہ دیکھنا پڑے گی