Category: اہم خبریں

کرپشن کیس،جی ایچ کیو نے سزا دی، سویلین کو کیوں سزا نہیں ہوئی؟ پارلیمنٹ میں سوال آ گیا

باغی ٹی وی کی رپورٹ کے مطابق پبلک اکاﺅنٹس کمیٹی کے فیصلوں پر عملدرآمد اور مانیٹرنگ کے لئے قائمہ کمیٹی کا اجلاس پیر کو پارلیمنٹ ہاﺅس میں کمیٹی کے کنوینر سردار ایاز صادق کی زیر صدارت ہوا۔ اجلاس میں کمیٹی کے رکن سابق وزیراعظم راجہ پرویز اشرف اور خواجہ آصف کے علاوہ متعلقہ سرکاری اداروں کے افسران نے شرکت کی۔

قومی خبر رساں ادارے اے پی پی کے مطابق کمیٹی نے وزارت منصوبہ بندی و ترقی اور ریاستوں و سرحدی امور کی وزارت کے 1999-2000‘ 2005-06 ‘ 2006-07ءاور 2008-09ءکے آڈٹ اعتراضات پر عملدرآمد کی صورتحال کا جائزہ لیا۔

وزارت منصوبہ بندی و ترقی کی آڈٹ رپورٹ کا جائزہ لیتے ہوئے این ایل سی کے منافع میں حکومت سمیت تمام شیئر ہولڈرز کے حصہ کے حوالے سے پی اے سی نے ہدایت کی کہ آڈٹ ‘ فنانس‘ این ایل سی اور وزارت منصوبہ بندی و ترقی ایک ماہ میں اس کا حتمی فیصلہ کرکے پی اے سی کو رپورٹ پیش کرے۔

2004-05ء این ایل سی کی سٹاک ایکسچینج میں سرمایہ کاری کے حوالے سے ہونے والے نقصانات کے حوالے سے پی اے سی کو بتایا گیا کہ جی ایچ کیو کی تحقیقات کے نتیجہ میں 4 افسران کو سزا دی گئی ہے۔ آڈٹ نے کہا کہ سزا تو دی گئی مگر ریکوری نہیں ہوئی۔ نیب حکام نے کہا کہ ہمیں ریکارڈ فراہم نہیں کیا گیا۔ این ایل سی کے نمائندے نے کہا کہ سزا یافتہ لوگوں کی پنشن اور مراعات روک لی گئی ہیں۔ یہ رقم نقصانات سے کہیں زیادہ بنتی ہے۔

پی اے سی نے کہا کہ فوج کے افسران کو تو سزا دے دی گئی ہے مگر ایک سویلین شخص کے خلاف کارروائی نہیں ہوئی ۔ پی اے سی نے ہدایت کی کہ سول شخص کے خلاف کارروائی کے لئے نیب کو ریکارڈ فراہم کیا جائے۔

خواجہ محمد آصف نے کہا کہ اس سکینڈل میں بروکرز کو 38 کروڑ کی کمیشن بھی دی گئی تھی۔ این ایل سی کے نمائندے نے کہا کہ این ایل سی کو اس سرمایہ کاری میں منافع ہوا ہے۔ سردار ایاز صادق نے کہا کہ این ایل سی سرمایہ کاری کرنے کا مینڈیٹ ہی نہیں رکھتی تھی۔ سیکرٹری منصوبہ بندی و ترقی نے کہا کہ اس حوالے سے تمام ریکارڈ جی ایچ کیو میں ہے۔

پی اے سی کے استفسارپر این ایل سی حکام نے کہا کہ ہم اسی حوالے سے مزید کوشش کرتے ہیں۔ سردار ایاز صادق نے کہا کہ فوج نے تو اپنے لوگوں کو سزا دے دی ہے مگر اس سکینڈل میں ملوث سعید الرحمن اور دیگر سول افراد کے خلاف کارروائی تو اس وقت ہوگی جب ریکارڈ ملے گا۔ پی اے سی نے سیکرٹری منصوبہ بندی و ترقی کو ہدایت کی کہ 7 دنوں میں ریکارڈ کی فراہمی کے لئے خط لکھ کر ذاتی طور پر متعلقہ حکام کے حوالے کیا جائے اور پی اے سی کو پیش رفت سے آگاہ کیا جائے۔

آڈٹ حکام نے پی اے سی کو بتایا کہ فروری 2006ءمیں این ایل سی نے جاپان پاور لمیٹڈ کے 19 فیصد حصص 11کروڑ روپے میں خریدے۔ خواجہ محمد آصف نے کہا کہ جاپان پاور لمیٹڈ 1994ءسے ٹیرف کے جھگڑے کی وجہ سے نقصان میں جارہی تھی۔ این ایل سی کا 2006ءمیں اس میں سرمایہ کاری کرنا سمجھ میں نہیں آتا۔

پی اے سی نے ہدایت کی کہ معاہدے میں کون کون لوگ شامل تھے اور این ایل سی کو یہ مینڈیٹ حاصل تھا یا نہیں اور جاپان پاور لمیٹڈ کی گزشتہ تین سالوں کی بیلنس شیٹس بھی 7 دنوں میں فراہم کی جائیں تاکہ ہم سرمایہ کاری کی وجوہات کا تعین کرسکیں۔ سیفران کے آڈٹ اعتراضات کا جائزہ لیتے ہوئے پی اے سی نے ہدایت کی کہ مالیاتی نظم و نسق کو ہر ممکن طریقے سے یقینی بنایا جائے۔

واضح رہے کہ این ایل سی کرپشن سیکنڈل میں ملوث 2 سابق فوجی افسران سے ان کے رینک ، میڈلز اور پنشن سمیت تمام مراعات واپس لیتے ہوئے ان افسران کو سزائیں دے دی گئیں تھیں. پاک فوج کے ترجمان ،ڈی جی آئی ایس پی آر کی جانب سے بتایا گیا ہے کہ این ایل سی کرپشن سیکنڈل کی تحقیقات مکمل ہوئی تھیں اور ان کے مطابق سابق فوجی افسر میجر جنرل (ر) خالد ظہیر اختر سمیت لیفٹیننٹ جنرل (ر) افضل مظفر کو سزائیں دے دی گئی ہیں۔

اسوقت کے آرمی چیف جنرل راحیل شریف نے ہنگامی بنیادوں پر کیس کا فیصلہ سنانے کی ہدایات کیں جس کے مطابق میجر جنرل (ر) خالد ظہیر اختر اور لیفٹیننٹ جنرل افضل مظفر کو سزا سنا دی گئی ہے جبکہ لیفٹیننٹ جنرل (ر) خالد منیر خان کو بری کر دیا ہے۔ میجر جنرل (ر) خالد ظہیر اختر کے رینک، میڈلز، اعزازات ایوارڈ اور پنشن سمیت تمام سہولیات واپس لے لی ہیں۔

باغی ٹی وی کی رپورٹ کے مطابق سابق یوسف رضاگیلانی کے سابق مشیرمیاں خرم رسول کوایک اورکیس میں سزاسنادی گئی. عدالت نے محفوظ فیصلہ سنا دیا

ایل پی جی کوٹا کیس میں خرم رسول کو8سال قید 15کروڑروپے جرمانے کی سزاسنائی گئی،سابق مشیرمیاں خرم رسول پر بے نامی کمپنیاں اور اختیارات کے ناجائز استعمال کا الزام تھا.

احتساب عدالت کے جج محمد بشیر نے ایل پی جی کوٹہ کیس پر 7 جنوری کو فیصلہ محفوظ کیا تھا،میاں خرم رسول گزشتہ 8 سال سے اڈیالہ جیل قید میں ہیں

فواد چودھری نے تھپڑ مارا اور گالیاں دیں،سمیع ابراہیم نے مقدمہ کیلئے درخواست دائر کر دی

سمیع ابراہیم کو تھپڑپڑا تو فردوس عاشق نے کی معذرت،صحافیوں کی مذمت

سمیع ابراہیم کو تھپڑ، ملک بھر کی صحافی برادری سراپا احتجاج، فواد چوہدری کو وزارت سے ہٹانے کا مطالبہ

یوسف رضا گیلانی کے مشیر کےخلاف کرپشن کا کیس،مجرم میاں خرم رسول کیس کے شریک ملزم نے پلی بارگین کرلی تھی، نیب کے مطابق شاہد محمود نے ایک کروڑ 71 لاکھ کی پلی بارگین کی،چیئرمین نیب نےملزم کی پلی بارگین کی درخواست منظورکی،

واضح رہے کہ گزشتہ برس بھی میاں خرم رسول کو ایک مقدمے میں کرپشن ثابت ہونے پر سات سال قید کی سزا سنائی تھی، جج محمد بشیر نے فیصلہ سنایا تھا، ملزم کو 2012 میں گرفتار کیا گیا تھا.

واضح رہے کہ سال 2012ء میں نیب کی جانب سے سابق وزیراعظم یوسف رضا گیلانی کے میڈیا ایڈوئزر میاں خرم رسول، جو کہ ٹرو کانسپٹ پاٹنرشپ اینڈ پیراماؤنٹ رینبو کمپنی کے مالک بھی ہیں، کے خلاف ایک ریفرنس دائر کیا تھا۔ان پر الزام ہے کہ انھوں نے دیگر دو افراد کے ساتھ مل کر ٹریڈنگ کارپوریشن آف پاکستان اور پاک عرب ریفائنری کمپنی کے ساتھ چینی اور اسکریپ کے کام کا غلط تاثر دیا تھا۔

افغان کارپٹس نے میاں خرم رسول پر 63 کروڑ روپے کا دعویٰ کرتے ہوئے کہا ہے کہ انھوں ںے یہ رقم کمپنی کو ایل پی جی کوٹہ دلوانے کے لیے رشوت کے طور پر لی تھی جبکہ میاں خرم رسول کے وکیل کا دعویٰ ہے کہ یہ رقم 12 کروڑ روپے سے زائد نہیں ہے۔نیب کی انویسٹی گیشن رپورٹ کے مطابق ملزم نے اپنے بھائی کی مدد سے لوگوں سے 38 کروڑ روپے کی رقم حاصل کی۔

چیئرمین نیب کی ویڈیو لیک کرنیوالوں کے خلاف ریفرنس دائر

چیئرمین نیب کے خلاف خبر پر پیمرا ان ایکشن، نیوز ون کو نوٹس جاری، جواب مانگ لیا

کرونا وائرس سے کتنے پاکستانی چین میں متاثر ہوئے؟ ترجمان دفتر خارجہ نے بتا دیا

باغی ٹی وی کی رپورٹ کے مطابق ترجمان دفتر خارجہ نے کہا ہے کہ ووہان شہر میں موجود پاکستانی طلبہ سے رابطے میں ہیں،اسلام آباد میں بھی چینی حکام سے رابطے میں ہیں آج بھی چینی سفیر کے ساتھ دفترخارجہ میں فارن سیکریٹری کی ملاقات ہوئی،چین میں مقیم طلباء اوردوسرے پاکستانی محفوظ ہیں,

ترجمان دفتر خارجہ نے کہا ہے کہ چین میں موجود کوئی پاکستانی کورونا وائرس سے متاثر نہیں ہوا ہے۔ اسلام آباد میں دفتر خارجہ اور بیجنگ میں پاکستانی سفارت خانہ کورونا وائرس سے پیدا ہونے والی صورت حال پر نظر رکھے ہوئے ہے۔ 

ترجمان نے پاکستانی کمیونٹی کے ساتھ مکمل تعاون کی یقین دہانی کراتے ہوئے ان سے وائرس سے بچاؤ کے لئے تمام حفاظتی اقدامات پر عمل کی درخواست کی ہے۔ ترجمان نے ووہان میں موجود پاکستانی طلبہ اور طالبات سے کہا ہے کہ وہ سفارت خانے سے رابطے میں رہیں اوروہ ویب سائیٹ پر خود کو رجسٹر کرائیں،چین میں پاکستانی طلبہ کے والدین سے رابطہ کرنے کی کوشش کررہے ہیں،طلبہ سفارت خانے کے ویب سائٹ پر موجود نمبرز پر رابطہ کرسکتے ہیں

کرونا وائرس، چین میں ہلاکتوں میں اضافہ ،کتنے پاکستانی چین میں ہیں ؟ ترجمان دفتر خارجہ نے بتا دیا

کرونا وائرس پاکستان میں پھیلنے کا خدشہ، ملتان کے بعد لاہور میں بھی چینی باشندہ ہسپتال داخل

وفاقی دارالحکومت میں بھی کرونا وائرس کا مشتبہ کیس سامنے آ گیا

واضح رہے کہ کرونا وائرس کے باعث ووہان میں 12 جامعات کے 2 ہزار سے زائد پاکستانی طلباء و طالبات خوراک کی قلت کا شکار ہیں، انہوں نے پاکستان سے اپیل کی ہے کہ وزیراعظم پاکستان اور وزارت خارجہ آفت زدہ صوبے سے نکلنے میں مدد کریں۔

طلبہ کا ویڈیو بیان میں کہنا تھا کہ کرونا وائرس کے باعث ووہان کا چین سے رابطہ منقطع ہوچکا ہے، ووہان میں 12 جامعات کے 2 ہزار سے زائد پاکستانی طلباء و طالبات خوراک کی قلت کا شکار ہیں، وزیراعظم پاکستان اور وزارت خارجہ آفت زدہ صوبے سے نکلنے میں مدد کریں۔

کرونا وائرس سے متاثرہ ووہان صوبے کی یونیورسٹیز میں پڑھنے والے طالبعلموں کا تعلق پنجاب، سندھ اور خیبرپختونخوا سے ہے.

کرونا وائرس، بچاؤ کے لئے کیا کیا جائے؟ وفاقی کالجز کے پروفیسرزنے دی تجاویز

شیخ رشید حاضر ہو، سپریم کورٹ نے کر لیا طلب

باغی ٹی وی کی رپورٹ کے مطابق ریلوے خسارہ کیس کی سپریم کورٹ میں سماعت ہوئی، چیف جسٹس کی سربراہی میں 3 رکنی بنچ نے سماعت کی ،عدالت نے وفاقی وزیر ریلوے شیخ رشید،سیکریٹری ریلوےاوردیگر کو کل سپریم کورٹ طلب کر لیا.

سپریم کورٹ نے ریلوے سے متعلق آڈٹ رپورٹ پراظہاربرہمی کیا، چیف جسٹس نے کہا کہ آپ کاتمام ریکارڈ کمپیوٹرائز ہونے کے بجائے مینوئل ہے،جسٹس اعجازالاحسن نے کہا کہ ریلوے کواربوں روپے کا خسارہ ہورہاہے، ریلوےکا نظام چل ہی نہیں رہا،دنیا بلٹ ٹرین چلا کر مزید آگے جارہی ہے،

چیف جسٹس نے کہا کہ محکمہ ریلوے ، مسافر اور نہ ہی مال گاڑیاں چل رہی ہیں، ریلوے پر سفر کرنے والا ہر فرد خطرے میں سفر کر رہا ہے، ریلوے میں کوئی چیز درست انداز میں نہیں چل رہی ہے، آج بھی ہم پاکستان میں 18ویں صدی کی ریل چلا رہے ہیں،

شیخ رشید کے دعوے صرف ہوا میں،ریلوے کا خسارہ کم ہوا یا زیادہ، اہم خبر

ریلوے کے ریٹائرڈ ڈرائیور کو سنائی شیخ رشید نے خوشخبری

ن لیگ میں ایک اور پارٹی جنم لے رہی ہے، شیخ رشید احمد

چیف جسٹس نے وکیل سے استفسار کیا کہ ریلوے میں جو آگ لگی تھی اس معاملے کا کیا ہوا؟ جس پر ریلوے کے وکیل نے کہا کہ معاملے کی انکوائری ہوئی ہے 2افراد کے خلاف کارروائی ہوئی جس پر چیف جسٹس گلزار احمد نے شدید برہمی کا اظہار کرتے ہوئے کہا کہ چولہے میں پھینکیں اپنی کارروائی،

چیف جسٹس نے کہا کہ ریلوے کے سی او عدالت میں پیش کیوں نہیں ہوئے؟ جس پر وکیل نے کہا کہ سابق سی او کو نوٹس گیا ہے موجودہ کو نہیں، چیف جسٹس نے کہا کہ اہم کیس تھا موجودہ سی او کو پیش ہونا چاہیے تھا،

ریلوے پولیس کی ایک سالہ کارکردگی رپورٹ جاری،کتنے لاکھ قومی خزانے میں جمع کروائے؟

بھارتی فوج کی ایل او سی پر بلااشتعال فائرنگ، سول آبادی کو بنایا نشانہ

باغی ٹی وی کی رپورٹ کے مطابق بھارتی فوج نے لائن آف کنٹرول پر بلا اشتعال فائرنگ کی ہے،بھارتی فوج کی فائرنگ سے ایک خاتون شدید زخمی ہو گئی ہے

ڈی جی آئی ایس پی آر کے مطابق بھارتی فوج نے چڑی کوٹ سیکٹر میں شہری آبادی کو نشانہ بنایا،بھارتی فوج کی فائرنگ سے ایک خاتون زخمی ہو گئی ہے جسے طبی امداد کے لئے ہسپتال منتقل کر دیا گیا ہے. بھارتی فوج نے جان بوجھ کر سول آبادی کو نشانہ بنایا

پاکستان فوج نے بروقت جوابی کارروائی کی، جوابی کاروائی سے بھارتی فوج کی چیک پوسٹوں کو بھی نقصان پہنچا

گھاس کاٹنے والوں کوبھارت نے عسکریت پسند بتایا، بھارت کا ایک اور جھوٹ بے نقاب

کشمیر کے لیے ‏‎آخری گولی،آخری سپاہی،آخری حد تک جائیں گے،ترجمان پاک فوج

کشمیریوں کے ساتھ کھڑے تھے ،ہیں اور رہیں گے، پاک فوج کا کشمیریوں‌ کو پیغام

بھارت سن لے، جنگیں اسلحہ سے نہیں جذبہ حب الوطنی سے لڑی جاتی ہیں، ترجمان پاک فوج

‏اسرائیل کو تسلیم کرنے سے متعلق باتیں پروپیگنڈا ہے. ڈی جی آئی ایس پی آر

یہ سوچ بھی کیسے سکتے ہیں کہ کشمیر پر کسی قسم کی کوئی ڈیل ہوئی، ڈی جی آئی ایس پی آر

بھارت مسلسل لائن آف کنٹرول کی خلاف ورزی کر رہا ہے، مسلسل اشتعال انگیزی کے خلاف بھارت کو باور کرایا گیا کہ وہ جنگ بندی کے معاہدوں ی خلاف ورزی بندکرے

ترجمان دفتر خارجہ کے مطابق بھارت دو سالوں میں سینکڑوں بار جنگ بندی معاہدے کی خلاف ورزی کر چکا ہے، بھارت امن معاہدے کو یقینی بنائے .بھاری فوج مسلسل سول آبادی کو نشانہ بنا رہی ہے