دیامیربھاشا اورمہمند ڈیم عملدرآمد کیس، سپریم کورٹ کا اظہار برہمی، بڑا حکم دے دیا

باغی ٹی وی کی رپورٹ کے مطابق دیامیربھاشا اورمہمند ڈیم عملدرآمد کیس کی سماعت سپریم کورٹ میں ہوئی،سپریم کورٹ میں ڈیم فنڈ کی سرمایہ کاری سے متعلق رپورٹ جمع کروا دی گئی، جسٹس اعجاز الاحسن نے کہا کہ آؤٹ اسٹینڈنگ سرمایہ کاری کی رقم 11 ارب روپے ہے،آپ نے 12 ارب روپے کی دوبارہ سرمایہ کاری کی،نمائندہ بینک نے کہا کہ جی، جو منافع آتا ہے پھر اسے سرمایہ کاری میں شامل کردیا جاتا ہے،بینک کے مطابق 21 نومبر کو دوبارہ سرمایہ کاری کی گئی،27فروری 2020 تک اس کا منافع آجائے گا،

جسٹس اعجاز الاحسن نے کہا کہ کیا اسٹیٹ بینک سے کوئی آیا ہوا ہے؟ ہمیں فنڈز جمع نہ ہونے کی کئی شکایات ملی ہیں، اسٹیٹ بینک کو دیکھنا چاہیے،پتا چلا ہے کہ نجی بینک فنڈز وصول نہیں کررہے،یہ سپریم کورٹ کا حکم تھا کون اس پر عمل نہیں کر رہا،کون سے بینک عدالتی حکم کی عدولی کررہے ہیں؟ بیرون ملک پاکستانی ڈیم فنڈ میں رقم جمع کرانا چاہتے ہیں لیکن بینک وصول ہی نہیں کررہے، تمام پاکستانیوں کو ڈیم فنڈ میں رقم جمع کرانے کی سہولت ہونی چاہیے،تمام نجی بینکوں کو فنڈز وصول کرنے کاحکم تھا ، پھر کون اس پرعملدرآمد نہیں کررہا،

نامزد چیف جسٹس گلزار احمد نے کہا کہ معلوم ہوا ہے بیرون ملک سفارتخانوں میں ڈیم فنڈ کی بہت بڑی رقم پھنس گئی ہے،رکاوٹ دور کریں اور سفارتخانوں سے رقم واپس لائیں،شکایات ملی ہیں کہ فنڈ جمع نہیں ہورہا لیکن ابھی تک اس پر کارروائی نہیں کی گئی،اسٹیٹ بینک تمام شکایتوں اور رکاوٹوں کو دور کرے،پاکستان میں تمام بینک فنڈ کی ترسیل میں حائل رکاوٹوں کو دور کریں،

چیئرمین واپڈا نے عدالت میں کہا کہ حکومت ہمارے 200 ارب روپے نہیں دے رہی،یہ 200 ارب سیکرٹری پاور کے پاس ہیں،عدالت نے سیکرٹری پاور اور سیکرٹری خزانہ کو واپڈا کے واجبات ادا کرنے کا حکم دے دیا،عدالت نے سیکریٹری پاور ڈویژن کوآئندہ سماعت پر رپورٹ پیش کرنے کا حکم دیا، نامزد چیف جسٹس گلزار احمد نے کہا کہ پاکستان میں وقت بدلتے دیرنہیں لگتی، کوشش کریں مہمند ڈیم کا کام 2025 سے پہلےمکمل ہوجائے،

کیس کی سماعت سردیوں کی تعطیلات کے بعدتک ملتوی کر دی گئی،

اور آصف زرداری کو بھی ملی رہائی ،بیماری بھی اب ختم، جائیں گے گھر

باغی ٹی وی کی رپورٹ کے مطابق سابق صدر آصف زرداری کو سے رہا کردیا گیا، آصف زرداری کی گزشتہ روز عدالت نے ضمانت منظور کی تھی، طبی بنیادوں پر آصف زرداری کی ضمانت منظور کی گئی تھی، آج عدالت میں مچلکے جمع کروائے گئے جس کے بعد عدالت نے روبکار جاری کی اور آصف زرداری کو رہا کر دیا گیا، آصف زرداری رہائی کے بعد ہسپتال سے زرداری ہاؤس روانہ ہوں گے، آصف زرداری پمز میں زیر علاج تھے جہاں پمز کو سب جیل قرار دیا گیا تھا.

قبل ازیں سابق صدر آصف علی زرداری کے ضمانتی مچلکے جمع کروا دیئے گئے۔ دوران سماعت احتساب عدالت کے جج اعظم خان نے ضامن سے استفسار کیا کہ آپ کو معلوم ہے نا کہ آپ کس کے ضامن بن رہے ہیں، جس پر ضامن نے جواب دیا کہ ہمیں معلوم ہے۔

نواز شریف کے عدالتی فیصلے کے بعد آصف زرداری سے انتہائی اہم شخصیت کی ملاقات

کیا آپ نے بھی کوئی ناصر بٹ رکھا ہوا ہے؟ سوال پرزرداری نے کیا جواب دیا،اہم خبر

اسلام آباد ہائیکورٹ نےگزشتہ روز ایک ایک کروڑروپے کےمچلکوں پر آصف زرداری کی ضمانت منظور کی تھی, دوران سماعت آصف زرداری کی میڈیکل بورڈ کی رپورٹ عدالت میں پیش کی گئی۔ چیف جسٹس اطہر من اللہ کی ہدایت پر ایڈیشنل پراسیکیوٹر جنرل نیب نے آصف زرداری کی میڈیکل رپورٹ پڑھ کر سنائی۔

آصف زرداری کو کچھ ہوا تو حکومت کو نہیں چھوڑیں گے، پیپلز پارٹی کی دھمکی

جیل سے نکلنے کا بہانہ، سیاسی لیڈر ہوتے ہیں بیمار، باغی ٹی وی کی خصوصی رپورٹ

سابق صدر آصف زرداری کو نیب نے اسلام آباد ہائیکورٹ سے ضمانت کی درخواست مسترد ہونے پر گرفتار کیا تھا، آصف زرداری کی ہمشیرہ کو بھی گرفتار کیا گیا تھا ، وہ جوڈیشل ریمانڈ پر جیل میں ہیں،نیب کے مطابق آصف زرداری اورفریال تالپورپرسمٹ بینک میں خوردبردکا الزام ہے،ملزمان پرمختلف کمپنیوں کوغیرقانونی طور  پر فنڈز جاری کرنے کا بھی الزام ہے، ریفرنس میں 24 ملزمان نامزد کئے گئے ہیں، نیب نے اسلام آباد کی احتساب عدالت میں ریفرنس دائر کیا ہے.ملزمان پر 2150 ملین روپے کی رقم غیرقانونی طورپرمنتقل کرنے کاالزام ہے

جعلی بینک اکاونٹس کیس کے بارے میں تحقیقات سپریم کورٹ کے حکم پر شروع ہوئیں. ڈپٹی پراسیکیوٹر جنرل نیب سردار مظفر عباسی کی جانب سے اسلام آباد ہائی کورٹ میں جمع کروائی گئی رپورٹ کے مطابق آصف زرداری کے خلاف دو ریفرنسز دائر کئے جا چکے ہیں جبکہ چھ ریفرنسز میں تحقیقات چل رہی ہیں. نیب رپورٹ میں بتایا گیا کہ جعلی بینک اکاؤنٹس کیس سے متعلق مجموعی طور پر 26 انکوائریز اور انوسٹی گیشنز جاری ہیں

بھارت کا کہاں‌ بائیکاٹ کیا جائے گا؟ ترجمان دفتر خارجہ کا اہم اعلان

باغی ٹی وی کی رپورٹ کے مطابق دفتر خارجہ میں ہفتہ وار پریس بریفنگ دیتے ہوئے ڈاکٹر محمد فیصل کا کہنا تھا کہ انسانی حقوق کے عالمی دن پر وزارت خارجہ میں ڈپلومیٹک کور کو بریفنگ دی گئی، سیکریٹری خارجہ نے مقبوضہ کشمیر کی صورتحال کو اجاگر کیا اور بھارت کے مقبوضہ کشمیر میں اقدامات کو یکسر مسترد کیا۔وزیر خارجہ نے ہارٹ آف ایشیا میں بھارتی وزیر کی تقریر کا بائیکاٹ کیا۔جیاں پر ضرورت ہو گی بھارے کا بائیکاٹ کیا جائے گا

ترجمان دفتر خارجہ نے مزید کہا کہ مقبوضہ کشمیر میں گزشتہ 132 دن سے لاک ڈاؤن جاری ہے اور وادی میں 80 لاکھ لوگ محصور ہیں۔مقبوضہ کشمیر میں بھارت نے تمام بنیادی حقوق سلب کر رکھے ہیں، وادی میں موبائل اور انٹرنیٹ سروس بھی بند ہیں۔

پاکستان سے سفارتی سطح پر بھارت کی ایک اور سازش ناکام بنا دی

مودی سرکار نے بنایا بھارتی جیلوں میں قید پاکستانیوں کے خلاف خطرناک منصوبہ

بھارتی جیلوں میں کتنے پاکستانی قید، اسمبلی میں رپورٹ پیش

ترجمان دفتر خارجہ نے بھارت کی جانب سے شہریت کے متنازع بل کے حوالے سے کہا کہ لوک سبھا کی قانون سازی تمام انسانی حقوق کی خلاف وزری ہے، پاکستان اس قانون سازی کو یکسر مسترد کرتا ہے۔ ہمارے علاوہ بھی بہت سے ممالک نے بھارت کے اقلیتوں کے خلاف بل کو مسترد کر دیا ہے،ہندوتوا کے حوالے سے بھارت کو بحارتی حکومت نے ایک بند گلی میں لا کھڑا کر دیا ہے،ہم بھی سارک کے جلد اجلاس کے حامی ہیں اکثر ممالک جلد از جلد سارک کا اجلاس چاہتے ہیں سارک کانفرنس کے حوالے سے صرف ایک ملک نے مخالفت کی ہوئی ہے۔بہت جلد پاک ترک اعلی سطح کی تزاویراتی کونسل کا اجلاس اسلام آباد میں طلب کیا جاے گا

ڈاکٹر محمد فیصل کا کہنا تھا مذاکرات کا خیر مقدم کرتے ہیں لیکن افغان امن پر پیشرفت کو خراب کرنے والوں پر نظر رکھنا ہو گی۔پاکستان نے امریکہ اور طالبان کے دورمیان براہ راست مزاکرات کی بحالی کا خیر مقدم کیا ہے،نقیب اللہ محسود قتل کیس میں ملوث سابق ایس ایس پی راؤ کا نام امریکا کی بلیک لسٹ میں ڈالے جانے سے متعلق سوال پر ڈاکٹر محمد فیصل کا کہنا تھا راؤ انوار کا معاملہ عدالت میں ہے لہذا اس پر زیادہ بات نہیں کی جا سکتی۔ہمیں حیرت ہے کہ امریکی محکمہ خزانہ مقبوضہ کشمیر میں انسانی حقوق کی بھرپور خلاف ورزیوں پر کسی کو نامزد کرنے میں ناکام رہا

چیف الیکشن کمشنر اور اراکین کی تقرری، ڈیڈ لاک برقرار،اجلاس کیوں‌ ملتوی کر دیا گیا؟

باغی ٹی وی کی رپورٹ کے مطابق چیف الیکشن کمشنر اور 2 ممبران کی تقرری کا معاملہ،چیف الیکشن کمشنراور2 ممبران کی تقرری کے حوالے سے پارلیمانی کمیٹی کا اجلاس ایک بار پھرملتوی کر دیا گیا،اجلاس اب 13 دسمبر کو ہو گا،

وفاقی وزیر دفاع پرویز خٹک کا کہنا ہے کہ پارلیمانی پارٹی کاآج ہونے والا آفیشل اجلاس ملتوی کردیا گیا،اپوزیشن جماعتوں کے ساتھ رابطے جاری ہیں، امید ہے اچھا رزلٹ نکلے گا ،پارلیمانی کمیٹی کا اجلاس کل طلب کیا گیا ہے،لو دو نہیں کر رہے ،جو بہترین ہوگا اس کا انتخاب کریں گے،

چیف الیکشن کمشنر سردار رضا کی ریٹائرمنٹ کے بعد رکن پنجاب الطاف ابراہیم نے قائم مقام چیف الیکشن کمشنرکےعہدے کاحلف اٹھالیا ،الیکشن کمیشن رکن ارشاد قیصر نے الطاف ابراہیم سےعہدے کا حلف لیا،  اپوزیشن لیڈر شہباز شریف نے وزیراعظم عمران خان کو تین نام بھجوائے جنہیں مسترد کر دیا گیا.حکومت کی جانب سے موجود سیکرٹری الیکشن کمیشن بابر یعقوب فتح محمد ، فضل عباس میکن اور عارف خان کے نام دیئے گئے ہیں.

فارن فنڈنگ کیس، شیخ رشید نے بھی بڑا مطالبہ کر دیا

فارن فنڈنگ کیس سماعت سے قبل وزیراعظم عمران خان کے لئے ایک اور مشکل

غیر ملکی فنڈنگ کیس میں تحریک انصاف کو ملی عدالت سے ملی بڑی کامیابی

وزیراعظم عمران خان نے الیکشن کمیشن آف پاکستان کے سندھ اور بلوچستان کے ممبران کی تقرری کے لیے نام تجویز کر دیئے، عمران خان نے چیئرمین سینیٹ اور سپیکر کے خط کا جواب دے دیا۔وزیراعظم کی جانب سے تجویز کر دہ ناموں میں سندھ کے لیے جسٹس ریٹائرڈ صادق بھٹی، جسٹس ریٹائرڈ نور الحق قریشی اور عبدالجبار قریشی شامل ہیں جبکہ بلوچستان سے ڈاکٹر فیض کاکڑ، نوید جان بلوچ اور امان اللہ بلوچ کا نام تجویز کیا گیا ہے۔

قبل ازیں قومی اسمبلی میں قائد حزب اختلاف شہباز شریف نے سندھ اور بلوچستان سے الیکشن کمشن کے ارکان کی تقرری کے لئے 3، 3 نام خط کے جواب میں دیئے، شہباز شریف نے سندھ کے لئے نثار درانی، جسٹس (ر) عبدالرسول میمن اور اورنگزیب حق کے نام جبکہ بلوچستان سے شاہ محمود جتوئی، محمد روف عطاء اور راحیلہ درانی کے نام دئیے

لوٹی گئی رقم بیرون ملک سے واپس لانے میں اہم پیشرفت

باغی ٹی وی کی رپورٹ کے مطابق لوٹی گئی رقم بیرون ملک سے واپس لانے میں اہم پیشرفت ہوئی ہے، سوئس حکومت نے 18ممالک کو بینکوں کی معلومات فراہم کرنےکی منظوری دے دی،

سوئس پارلیمنٹ نے اس حوالہ سے منظوری دی،جن ممالک کے لئے منظوری دی گئی ان میں پاکستان بھی شامل ہے،سوئس پارلیمٹ نے منظوری دی کہ معلومات غیرملکی باشندوں کے متعلقہ ممالک کوفراہم کی جائیں گی جس ممالک کے لئے منظوری دی گئی ‏ان ممالک میں پاکستان،البانیہ،آذربائیجان،برونائی ، مالدیپ،اومان اوردیگر شامل ہیں.

ایک رپورٹ کے مطابق پاکستانی شہریوں کی سوئس بینکوں میں رکھی گئی رقوم میں 3سال کے دوران کمی واقعی ہوئی ہے اور اب یہ رقوم کم ترین سطح پر آگئیں۔سوئس بینک کی سالانہ رپورٹ کے مطابق پاکستانی کاروباری اداروں اور شہریوں کی بینکوں میں رکھی گئی رقوم میں 33فیصد کمی واقع ہوئی ہے جو 2018میں کم ہو کر 744ملین سوئس فرانک رہ گئیں

سوئس بینکوں میں پاکستانی شخصیات کی رکھی گئی رقوم میں 2017میں 20فیصد اور 2016میں 6فیصد کمی آئی جبکہ اس سے قبل 2015میں ان رقوم میں 16فیصد اضافہ ہوا تھا۔ گزشتہ 3 سال کے دوران یہ پہلا موقع ہے کہ سوئس بینکوں میں بھارت کے مقابلے میں پاکستانیوں کے پیسے کم رہ گئے، بینکوں میں پاکستانیوں کے 63بلین روپے اور بھارتی شخصیات کے 95بلین روپے پڑے ہیں۔ سوئس نیشنل بینک نے ان اعداد و شمار میں وہ رقوم شامل نہیں کیں جو سوئس بینکوں کے غیر ملکی کلائنٹس شیل کمپنیوں کے نام پر رکھتے ہیں۔