Category: اہم خبریں

کل بھارت کے یوم آزادی کو پاکستان سمیت دنیا بھر میں یوم سیاہ کے طور پر منا یا گیا. کشمیریوں سے بھر پور یکجہتی کا اظہار کیا گیا.

تفصیلات کے مطابق ملک بھر میں بھارتی یوم آزادی کو یوم سیاہ منانے کے ساتھ ساتھ کشمیریوں سے اظہار یکجہتی کیلئے ریلیاں نکالی گئیں، کراچی سے خیبر تک عوام کشمیر کی خصوصی حیثیت ختم کرنے اور وادی میں مظالم پر بھارت کیخلاف سراپا احتجاج رہے۔ آزاد کشمیر، برطانیہ، یورپ سمیت دیگر ممالک میں بھی مظاہرے کیے گئے
پاکستانیوں اور کشمیریوں نے دنیا بھر کے امن پسندوں اور انسانیت کی سربلندی پر یقین رکھنے والوں کو آگاہ کیا کہ جنونی ہندوؤں نے کس طرح مظلوم کشمیریوں کی زندگی اجیرن بنا دی ہے؟ شرکا نے اپنے احتجاج اور تقاریر سے عالمی برادری کا ضمیر جھنجھوڑنے کی کوشش کی اور انہیں آمادہ کرنے کی سعی کی کہ اس وقت ان کے لیے لازمی ہے کہ وہ مودی سرکار کی غاصبانہ حکمت عملی کے خلاف عملاً اقدامات اٹھائیں اور مظلوم کشمیریوں کو ان کا بنیادی حق دلانے میں اپنا کردار ادا کریں۔

ریلیاں نکالی گئیں اور مظاہرے کئے گئے،پاکستان . کشمیریوں سے اظہار یکجہتی کیلئے شاہراہ دستور پر ریلی نکالی گئی ریلی میں ہزاروں کی تعداد میں شرکاءشریک تھے ،شرکاءنے ہاتھوں میں کشمیر کے پرچم اٹھا رکھے تھے جن پر بھارت کے خلاف اور کشمیریوں کے حق میں نعرے درج تھے، شرکاءنے بازووں پر کالی پٹیاں بھی باندھی ہوئی تھیں، شرکاءکشمیر بنے گا پاکستان کے نعرے لگا تے رہے۔ فیصل آباد میں کاروباری مراکز بند رہے۔ خیبرپختونخوا کے علاقے ٹانک میں عمائدین علاقہ نے ریلی نکالی۔
قومی سلامتی کمیٹی اور حکومتی فیصلوں کی روشنی میں بھارت کے یوم آزادی کو یوم سیاہ کے طور پر منانے کے لیے وفاقی وزارت داخلہ نے باقاعدہ نوٹی فکیشن جاری کیا تھا جس کے مطابق ملک بھر میں قومی پرچم سرنگوں رہا۔

حکومت پنجاب کی جانب سے جاری کردہ ہدایت نامے کے تحت احتجاجی ریلیوں میں شریک تمام افراد نے بازوؤں پر سیاہ پٹیاں باندھیں اور مختلف شہروں کی اہم عمارات پر پاکستان و آزاد کشمیر کے جھنڈے لہرائے گئے۔ مختلف عمارات پر بھارتی مظالم کے خلاف بطور احتجاج سیاہ جھنڈے بھی لہرائے گئے۔
اس طرح ملک کے طول عرض اور قریہ قریہ نگر نگر کشمیریوں کے حق میں ریلیاں اور جلوس نکالے گئے. پاکستان کے علاوہ دنیا بھر میں پاکستانی اور کشمیریوں نے بھارت کے خلاف یوم سیا ہ منایا اور بھارت کے حالیہ اقدام کی پر زور انداز سے مذمت کی.

لائن آف کنٹرول پر بھارتی فوج کی طرف سے ایک مرتبہ پھر بلا اشتعال فائرنگ کی گئی جس کے نتیجہ میں 3 پاکستانی فوجی شہید ہوئے ہیں،

باغی ٹی وی کی رپورٹ کے مطابق پاک فوج کی بھرپورجوابی کارروائی میں 5 بھارتی فوجی ہلاک ہو گئے ہیں، ڈی جی آئی ایس پی آر کا کہنا ہے کہ پاک فوج کی طرف سے منہ توڑ جواب دیے جانے پر پانچ فوجیوں‌کی ہلاکت کی طرح انڈیا کے متعدد فوجی زخمی بھی ہوئے ہیں،

ڈی جی آئی ایس پی آر کی طرف سے کہا گیا ہے کہ ہندوستانی فوج کی فائرنگ سے 3 پاکستانی جوان شہید ہوئے ہیں. شہدامیں نائیک تنویر،لانس نائیک تیموراورسپاہی رمضان شامل ہیں، ڈی جی آئی ایس پی آر میجر جنرل آصف غفور کا کہنا ہے کہ پاک فوج کی جوابی کارروائی میں بھارتی فوج کے کئی بنکرز بھی تباہ ہوئے ہیں، ان کا کہنا تھا کہ موجودہ صورتحال سے توجہ ہٹانے کیلیےبھارتی فوج نے ایل او سی پر فائرنگ کی، ڈی جی آئی ایس پی آر کی جانب سے کہا گیا ہے کہ شہیدلانس نائیک تیمورکاتعلق لاہور سے ہے، اسی طرح شہید نائیک تنویر اور سپاہی رمضان کا تعلق خانیوال سے ہے،

لندن میں بھارتی ہائی کمیشن کے سامنے تاریخ کا سب سے بڑا احتجاج شروع ہو گیا ہے اور برطانیہ کے مختلف شہرو‌ں‌ و علاقوں سے کشمیریوں‌ اور ان کی حمایت کرنے والوں کی بہت بڑی تعداد ہندوستانی ہائی کمشن کے باہر پہنچنا شروع ہو گئی ہے،

باغی ٹی وی کی رپورٹ کے مطابق یہ احتجاج مقبوضہ کشمیر کی خصوصی حیثیت ختم کرنے کیخلاف کیا جارہا ہے، بھارتی یوم سیاہ کے موقع پر کئے جانے والے اس احتجاجی مظاہرے سے لارڈ نذیر احمد، شیخ رشید احمد، زلفی بخاری اور دیگر رہنما خطاب کریں گے، وزیراعظم پاکستان کے معاون خصوصی شہزاد اکبر بھی مظاہرے میں شریک ہیں، برطانیہ کے طول و عرض سے لوگوں‌کی آمد شروع ہو گئی ہے جسے دیکھ کر لگتا ہے کہ کشمریوں‌کے حق میں اور بھارتی ظلم و بربریت اور دہشت گردی کیخلاف لندن میں کیا جانے والا یہ تاریخی احتجاج ہو گا،

شیخ‌ رشید کے متعلق بتایا جارہا ہے کہ وہ مظاہرہ میں‌ شرکت کیلئے ہندوستانی سفارت خانے کے باہر پہنچ گئے ہیں، بھارتی ہائی کمشین کےباہر احتجاج کے موقع پر اس وقت صورتحال یہ ہے کہ لندن کی سڑکوں پر پاکستانی پرچموں کی بہار دکھائی دیتی ہے، گرین اسٹریٹ، الفرڈلین اورساؤتھ آل میں گزشتہ روز پاکستان کے یوم آزادی کا جشن منایا گیا ، شرکا کا کہنا تھا کہ جشن آزادی کی خوشیوں میں مقبوضہ کشمیر کو نہیں بھولیں گے، اس موقع پر نوجوانوں نے بھارتی سفارتخانے کے باہراحتجاج میں شریک ہونے کا عزم کیا تھا اور اب لندن کی سڑکوں‌ پر لوگ احتجاج میں شرکت کیلئے آتے دکھائی دیتے ہیں، احتجاجی مظاہرہ میں سکھ برادری کے لوگ بھی شریک ہیں اور انہوں‌نے کشمیریوں کی مکمل حمایت کا اعلان کیا ہے،

بھارت کی طرف سے آرٹیکل 370 ختم کئے جانے کے بعد پاکستان کی طرف سے جو اقدامات اٹھائے جارہے ہیں اس کے نتیجہ میں سفارتی سطح پر اسے بڑی کامیابی حاصل ہوئی ہے اور اقوام متحدہ کی سلامتی کونسل نے کل مقبوضہ کشمیر کی صورتحال سے متعلق اہم اجلاس طلب کر لیا ہے،

باغی ٹی وی کی رپورٹ کے مطابق 50 سال میں پہلی بار جموں کشمیر کا مسئلہ سلامتی کونسل کے ایجنڈے پر آیا ہے، کل صبح‌ یہ اجلاس دس بجے شروع ہو گا، جموں‌ کشمیر کی تازہ صورتحال سے متعلق یہ اجلاس پاکستانی وزیر خارجہ شاہ محمود قریشی کی جانب سے سلامتی کونسل کو لکھے گئے تحریری خط کے بعد طلب کیا گیا ہے،

پاکستان کی طرف سے اقوام متحدہ کو لکھے گئے خط میں مطالبہ کیا گیا تھا کہ سلامتی کونسل کا خصوصی اجلاس بلایا جائے، کشمیر پر 50 سال میں سلامتی کونسل کا پہلا اجلاس ہوگا، بین الاقوامی سطح پر کل ہونے والے اس اجلاس کو انتہائی اہمیت کی نگاہ سے دیکھا جارہا ہے،

واضح رہے کہ گزشتہ روز او آئی سی نے بھی مقبوضہ کشمیر کی صورتحال پر سخت اظہار تشویش کرتے ہوئے عالمی برادری سے نوٹس لینے کا مطالبہ کیا تھا،