Category: اہم خبریں

اسلام آباد:اے اہل کشمیرتمہیں تکلیف اور غم میں نہیں دیکھ سکتے ، پاکستانی کشمیری ہیں اور کشمیری پاکستانی ہیں.میں کشمیریوں کی آزادی کے لیے آخر حد تک جاوں گا ،کشمیریوں سے اظہار یکجہتی کے لیے وزیراعظم عمران خان نے یوم آزادی کا دن آزاد جموں کشمیر میں گزارنے کا فیصلہ کیا ہے۔ وزیراعظم عمران خان قانون ساز اسمبلی آزاد جموں کشمیر کے اجلاس میں خطاب بھی کریں گے،

وزیر اعظم ہاوس کے ترجمان کے مطابق وزیر اعظم 14 اگست کا دن مظفر آبادمیں گزاریں گے، وزیر اعظم 14 اگست کی صبح بذریعہ ہیلی کاپٹر مظفر آباد پہنچیں گے جب کہ وفاقی وزراء بھی وزیر اعظم کے ہمراہ ہوں گے۔وزیر اعظم اسمبلی سیکرٹریٹ آزاد جموں کشمیر آئیں گے جہاں انہیں گارڈ آف آنر دیا جائے گا، وزیر اعظم اسپیکر چیمبر میں آل پارٹیز حریت کانفرنس اور کشمیری رہنماوں سے ملاقات کریں گے جس کے بعد وزیر اعظم قانون ساز اسمبلی آزاد جموں کشمیر میں جائیں گےجہاں وزیراعظم کی آمد پر پاکستان اور آزاد کشمیر کے ترانے بجائیں جائیں گے ۔

ذرائع کے مطابق یوم پاکستان کے دن وزیر اعظم آزاد جموں کشمیر اپوزیشن لیڈر اور اسپیکر اسمبلی بھی اجلاس میں خطاب کریں گے جس کے بعد وزیر اعظم خطاب کے بعد اسلام آباد روانہ ہو جائیں گے۔واضح رہے کہ وزیر اعظم عمران خان نے یوم آزادی کو کشمیریوں کے ساتھ اظہار یکجہتی کے لیے منانے کا فیصلہ کیا تھا۔

بیجنگ:بھارت کی بدمعاشیاں ناقابل قبول ، کشمیر کشمیریوں کا ہے ، بھارتی اقدامات کو ایک با رپھر مسترد کرتے ہیں. چین کے وزیر خارجہ وانگ ژی نے کہا ہے کہ چین کو کشمیر کی حالیہ صورتحال اور پاکستان اور بھارت کے درمیان کشیدگی میں اضافہ پر گہری تشویش ہے۔

چین کے وزیر خارجہ وانگ ژی نے اپنے بھارتی ہم منصب سبرامانم جے شنکر سے ملاقات کے دوران کیا۔انہوں نے کہا کہ وہ کشمیر کی موجودہ صورتحال اور پاک بھارت تنازعہ پر گہری نظر رکھے ہوئے ہیں اور چین ایسے کسی بھی ایسے یکطرفہ اقدام کی مخالفت کرتا ہے جس سے صورتحال پیچیدہ ہو۔

چینی میڈا کے مطابق وزیر خارجہ وانگ ژی کہا کہ بھارت کی جانب سے مقبوضہ کشمیر کی آئینی حیثیت ختم ہونے سے خطے میں کشیدگی کی صورتحال پیدا ہوئی۔ انہوں نے کہا کہ پاکستان اور بھارت کو پرامن طریقے سے یہ مسئلہ حل کرنا چاہئے اور خطے میں امن و استحکام کی مجموعی صورتحال کیلئے مل کر کام کرنا چاہئے۔

راوالپنڈی : عید الاضحیٰ کے مبارک موقع پر آرمی چیف جنرل قمر جاوید باجوہ نے قوم کو یقین دلاتے ہوئے کہا ہے کہ حکومت نے مسئلہ کشمیر کے حل کے لیے کثیرالجہتی کوششوں کا آغاز کردیا ہے۔پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق آرمی چیف جنرل قمر جاوید باجوہ نے باغ سیکٹر میں لائن آف کنٹرول کا دورہ کیا اور جوانوں کے ساتھ عید منائی۔

اپنے بیان مین پاک فوج کے سربراہ نے کہا کہ حکومت نے مسئلہ کشمیر کے حل کے لیے مختلف کوششوں کا آغاز کردیا ہے، جس طرح امن کے لیے ہماری خواہش ہے، اسی طرح مسئلہ کشمیر کے لیے ہم پُرعزم ہے۔ آرمی چیف نے کہا کہ بہت جلد کشمیری بھارت کی غلامی سے نکلنے والے ہیں.

بھارت کی خباثت سے متعلق .آرمی چیف نے کہا کہ بھارت، مقبوضہ جموں و کشمیر سے دنیا کی توجہ ہٹا کر ایل او سی اور پاکستان کی طرف موڑنے کی کوشش کر رہا ہے اور اس مقصد کے لیے وہ کچھ بھی کرسکتا ہے، تاہم ہم بھارت کو مقبوضہ کشمیر میں کیے جانے والے جرائم کو چھپانے کا کوئی موقع فراہم نہیں کریں گے۔

لاہور:اگلے چند ہفتے پنجاب حکومت کے لیے انتہائی اہم ہیں .تبدیلی کی دعویدارپنجاب حکومت خود تبدیلیوں کا شکار نظر آنے لگی ، باغی ذرائع کے مطابق ناقص کارکردگی کی وجہ سے کئی وزرا کی چھٹی ہونے والی ہے اوراس تبدیلی کی صورت میں بعض نئے ارکان وزیر بنیں گیے . معتبر ذرائع کے مطابق اس تبدیلی کے دوران بعض وزرا کی ڈانٹ ڈپٹ ہونے کا بھی قوی امکان ہے.

باغی ٹی وی کو حاصل ہونے والی اہم ترین معلومات کے مطابق وزیر اعظم عمران خان پنجاب حکومت کے چند وزرا کی کارکردگی سے بالکل مطمئن نہیں ہیں. یہ بھی معلوم ہوا ہے کہ چند دن قبل وزیر اعظم عمران خان کی لاہور میں وزیر اعلیٰ عثمان بزدار سے میٹنگ بھی اسی سلسلے کی ایک کڑی تھی، جس میں عمران خان پنجاب میں وزرا کی ناقص کارکردگی پر برہم بھی ہوئے تھے

باغی ٹی وی کے مطابق پنجاب میں مہنگائی پر قابوپانے میں ناکامی اور خود ساختہ قیمتوں کو کنٹرول نہ کرنا بھی کئی وزرا کے لیے دھچکہ ہوسکتا ہے. وزیر اعظم سب سے بڑے صوبے میں ناقص منصوبہ بندی پر بھی ناراض دکھائی دیتے ہیں. ذرائع کے مطابق پنجاب حکومت میں تبدیلیوں کی دوسری بڑی وجہ عوام الناس تک صحت کی سہولتوں کو مناسب حد تک نہ پہنچانا بھی ہے، مون سون کی بارشوں کے دوران صحت کے حوالے سے بہتر حفاظتی انتظامات اور اقدامات نہ کرنے پر بھی وزیر اعلیٰ عثمان بزدار کافی پریشان ہیں اور وزیراعظم کی ہدایت پر اس شعبے میں بھی بڑی تبدیلیاں متوقع ہیں

عثمان بزدرار کی حکومت میں بڑے پیمانے پر تبدیلیوں سے وزیر اعلیٰ خود بھی پریشان دکھائی دے رہے ہیں. یہی وجہ ہے کہ آج دن بھر عثمان بزدار اپنے آپ کو کیمروں اور ٹی وی اسکرینوں پر مصروف دکھائی دے رہے تھے اور چند دن ایسے ہی تاثر دیں گے کیونکہ وہ نہیں چاہتے کہ اپوزیشن اس تبدیلی پر ان کو نشانہ تنقید بنا کر ان کے لیے مزید مشکلات پیدا کرے

پنجاب حکومت میں بڑے پیمانے پراکھاڑ پچھاڑ میں کن وزرا کی چھٹی ہونے والی ہے اور کن نئے چہروں کے مقدر میں آئیں گی صوبائی وزارتیں یہ صرف آپ کو باغی ٹی وی ہی بتائے گا . اس دوران کن وزرا کو وارننگ دی جائے گی اور کن وزرا کی وزارتیں تبدیل ہوں گی یہ بھی باغی ہی بتائے گا. لیکن اس کے لیے آپ کو ہر وقت باغی ٹی وی دیکھتے رہنا ہوگا

اسلام آباد:اہے اہل کشمیراور پاکستانی قوم تم کو عیدالاضحیٰ مبارک ہو ، عید کےمبارک دن بھی کشمیری بڑے یاد آرہے ہیں. اے کشمیریوں آپ کے بغیر ہماری خوشیاں کس کام کی؟وزیراعظم عمران خان اور صدر مملکت ڈاکٹر عارف الرحمن علوی نے اپنے پیغامات میں کشمیریوں سے اظہار ہمدردی کرتے ہوئے کہا کہ بہت جلد کشمیری بھی آزادی کی خوشیاں منائیں گے.پاکستان قوم آپ کو کبھی بھی نہیں بھولے گی ، صدرمملکت عارف علوی نے اپنے پیغام میں کہا آج کے دن حضرت ابراہیم اور اسماعیل نےاطاعت وایثار کی اعلیٰ مثال قائم کی ،قربانی کے جذبے کے بغیر دنیا میںکوئی قوم ترقی نہیں کرسکتی۔

یاد رہے کہ وزیر اعظم عمران خان نے قوم کوکشمیریوں سے اظہار یکجہتی کے لیے عید سادگی سےمنانے کی ہدایت کی انہوں نے اپنے پیغام میں کہا پاکستان معاشی اور معاشرتی مشکلات سے گزر رہا ہے ۔قوم کو اقتصادی بحالی کی حکومتی کوششوں میں تعاون کرنا ہوگا ۔

دوسری طرف خیبر پختونخوا کے وزیر اعلیٰ محمود خان نےخصوصی ویڈیوں پیغام میں کہا ہے عید کی خوشیوں میں کشمیریوں کو ضروریاد رکھیں ۔دیگر سیاسی رہنماؤں نے بھی زوردیا عیدکے موقع پر اپنے کشمیری بھائیوں کو نہ بھولیں۔

راوالپنڈی :عید الاضحیٰ‌کے مبارک موقع پر ڈی جی آئی ایس پی آر میجر جنرل آصف غفور نے کشمیریوں کو عیدمبارک کا پیغام دیتے ہوئے خوشخبری سنائی ہے کہ بہت جلد آپ بھی بھارت کی غلامی سے نکل کر آزادی کی خوشیاں منائیں گے ، میجر جنرل آصف غفور نے اپنے مبارک باد پیغام میں کہا کہ اس مبارک موقع پر تمام پاکستانی کشمیریوں کے حق خودارادیت کی بھرپور حمایت کرتے ہیں اور وعدہ کرتے ہیں کہ تمام بھارت کے رحم وکرم پر نہیں چھوڑیں گے ،
https://twitter.com/peaceforchange/status/1160689873193488389
میجر جنرل آصف غفور نے کہا کہ کشمیریوں کی آزادی کے لیے صرف سوشل میڈیا ہی نہیں تمام پاکستانی اپنا حصہ ڈالیں ، بھارت کے مظالم کو ننگا کریں ، کشمیریوں کی آزادی کے لیے آواز اٹھائیں، ترجمان پاک فوج میجر جنرل آصف غفور نے مبارک باد کا پیغام دیتے ہوئے کہا ہے کہ بہت جلد کشمیری بھی پاکستانیوں کی طرح آزادانہ عید کی خوشیوں کی طرح خوشیاں منائیں‌گے.