Category: اہم خبریں

وزیراعظم پاکستان عمران خان کی زیر صدارت وفاقی کابینہ کااجلاس ختم ہو گیا ہے، اجلاس کے دوران وزیر اعظم نے وفاقی کابینہ کو دورہ امریکہ پر اعتماد میں لیا،

باغی ٹی وی کی رپورٹ کے مطابق کابینہ کے اجلاس میں‌ سابق حکمرانوں کےبیرون ملک دوروں پراخراجات کی رپورٹ کابینہ اجلاس میں پیش کی گئی، گزشتہ10سال میں حکمرانوں کی پی آئی اےطیاروں کے استعمال کی رپورٹ کابینہ میں پیش کی گئی، اجلاس کے دوران وفاقی کابینہ نےپاسپورٹ سےپیشے کاکالم ختم کرنے کی منظوری دےدی ہے،

وزیر اعظم عمران خان نے کابینہ اجلاس میں بتایا کہ دورہ امریکا اپنی نوعیت کا کامیاب دورہ ہے ، مسئلہ کشمیر کو اجاگر کرنے میں پاکستان نےبھرپور کردار ادا کیا ، امریکی صدر کے ساتھ کامیاب میٹنگ ہوئی ، وزیر اعظم عمران خان نے کابینہ اجلاس میں بتایا کہ امریکی صدر ڈونلڈ ٹرمپ جلد پاکستان کا دورہ کریں گے ، واضح رہے کہ وفاقی کابینہ کے اجلاس میں‌ پہلے سے مقدمات کا سامنا کرنے والے سیاستدانوں‌ میں‌ اس رپورٹ کے پیش کئے جانے پر میں بے چینی پائی جاتی ہے،

پاکستان ریلوے کے کل 136 مسافر ٹرینوں میں سے 72 ٹرینیں خسارے میں چلنے کا انکشاف ہوا ہے جن میں 12 نئی چلائی گئی ٹرینوں اور 60 پرانی ٹرینیں شامل ہیں،

باغی ٹی وی کی رپورٹ کے مطابق چنددن قبل چلنے والی نیازی ایکسپریس (آپ ڈاون)کی دستاویزات ابھی نہیں مل سکیں۔ 250 کلومیٹر سے کم چلنے والی تمام ٹرینیں خسارے میں ہیں،لانگ روٹ کی دوٹرینیں بھی خسارے میں ہیں ۔ خسارے میں چلنے والی ٹرینوں میں ایسی مسافر ٹرینیں بھی شامل ہیں جن میں تل دھرنے کی بھی جگہ نہیں ہوتی ہے۔ریلوے حکام واضح کر چکے ہیں جو ٹرین خسارے میں ہو گی اس کو بند کر دیا جائے گا۔

باغی ٹی وی کو دستیاب سرکاری دستاویزات کے مطابق پاکستان ریلوے کی پاکستان میں کل 136 مسافر بردار ٹرینیں چل رہی ہیں جن میں آدھے سے زیادہ ٹرینیں خسارے میں چل رہی ہیں۔ 72 ٹرینیں خسارے میں ہیں جن میں سے بارہ موجودہ دور حکومت میں چلائی گئی ہیں جبکہ ساٹھ سابقہ ادوار میں چلائی جانے والی ٹرینیں ہیں۔ دستاویزات کے مطابق 64 ٹرینیں منافع میں چل رہی ہیں ۔منافع میںچلنے والی گاڑیوں میں نئی چلائی گئی ٹرینیوں میں 6اور سابقہ ادوار کی 58مسافر ٹرینیں شامل ہیں ۔میانوانی سے لاہور(آپ اینڈڈاؤن) ٹرین جن کا حال ہی میں افتتاح کیا گیا ہے ان کے بارے میں معلوم نہیں ہو سکا کہ وہ خسارے میں ہیں یا منافع میں چل رہی ہیں۔

دستاویزات کا تجزیہ کرنے پر معلوم ہوتا ہے کہ خسارے میں چلنے والی اکثر ٹرینوں کا فاصلہ 250 کلومیٹر سے کم ہے۔ صرف دو ٹرینیں جن کا فاصلہ 800 کلومیٹر سے زیادہ ہے وہ خسارے میں ہیں۔ ان میں کوئٹہ، کراچی کے درمیان چلنے والی ٹرین اور پشاور اور کراچی کے درمیان میں چلنے والی ٹرین شامل ہے۔ ریلوے کو سب سے زیادہ آمدن کراچی کے لئے جانے والی لانگ روٹ مسافر ٹرینوں سے ہو رہی ہے۔ ریلوے حکام سینیٹ و قومی اسمبلی کی قائمہ کمیٹی ریلوے میں واضح کر چکے ہیں کہ جو مسافر ٹرین خسارے میں ہو گی اسے بند کرنے کا اصولی فیصلہ کر لیا گیا ہے۔ دستاویزات کے مطابق اگر اس پر عمل کرنا شروع کر دیا جائے تو ریلوے کی آدھے سے زیادہ مسافر ٹرینیں بند کرنا پڑیں گی۔

محمد اویس

مریم نواز کا ایک اور جھوٹ باغی ٹی وی نے پکڑ لیا،

باغی ٹی وی کی رپورٹ کے مطابق اپوزیشن جماعتیں آج یوم سیاہ منا رہی ہیں ،لاہور، پشاور،کوئٹہ سمیت دیگر شہروں میں اپوزیشن جماعتوں نے احتجاج کا اعلان کر رکھا ہے، مسلم لیگ ن کی رہنما مریم نواز احتجاجی جلسہ سے خطاب کرنے کے لئے کوئٹہ پہنچ گئی ہیں ،میر حاصل بزنجو نے مریم نواز کا کوئٹہ ائیر پورٹ پر استقبال کیا.

مریم نواز نے کوئٹہ پہنچنے پر سماجی رابطے کی ویب سائٹ ٹویٹر پر ٹویٹ کرتے ہوئے ایک ٹویٹ کو ریٹویٹ کیا، اس ٹویٹ میں ایک تصویر لگائی تھی جس میں گاڑیوں کا رش تھا، ٹویٹ میں کہا گیا تھا کہ کوئٹہ چمن روڈ عوام کے لئے بند کر دیا گیا ہے تا کہ لوگ اپوزیشن کے جلسہ میں شرکت نہ کر سکیں اپوزیشن کو حق ہے کہ وہ حکومت کے خلاف احتجاج کرے

Quetta Chaman road closed to stop people from participating in opposition Jalsa. Press is free in Pakistan , opposition has the right to protest against the government as there is total democracy in Pakistan.@MaryamNSharif pic.twitter.com/cyWuYGA7dD

— Ati khan (@atizaztariqkhan) July 25, 2019

مریم نواز نے اس ٹویٹ کو ریٹویٹ کیا تا ہم باغی ٹی وی نے مریم نواز کا جھوٹ پکڑ لیا، مریم نواز نے ٹویٹر پر جو تصویر شیئر کی وہ آج کی نہیں بلکہ ایک برس پرانی 2018 کی ہے. مریم نواز کی جانب سے شیئر کردہ تصویر اگست 2018 کی ہے جب متحدہ مجلس عمل نے اگست 2018 میں الیکشن میں دھاندلی کے خلاف احتجاج کیا تھا. یہ تصویر بلوچستان ایکسپریس نے 9 اگست 2018 کو شائع کی تھی،

قومی اسمبلی میں قائد حزب اختلاف شہباز شریف نے برطانوی اخبار ڈیلی میل کے خلاف تاحال دعویٰ دائر نہیں کیا،برطانوی اخبار نے شہباز شریف پر زلزلہ زدگان کے فنڈز کھانے کی خبر شائع کی تھی. دو ہفتے گزرنے کے باوجود شہباز شریف کی جانب سے عدالت میں درخواست دائر نہیں کی گئی.

باغی ٹی وی کی رپورٹ کے مطابق شہباز شریف نے برطانوی اخبار کے خلاف ابھی تک دعویٰ دائر نہیں کیا البتہ اس حوالہ سے مشاورت جاری ہے، شہباز شریف کی پاکستان میں موجود لیگل ٹیم برطانیہ پہنچ چکی ہے، سلمان بٹ کی نگرانی میں قانونی ٹیم برطانوی وکیل کی خدمات حاصل کرے گی تا ہم ابھی تک برطانیہ سے ن لیگ نے کوئی وکیل نہیں کیا اور نہ ہی عدالت میں دعویٰ دائر کیا ہے.

لندن پہنچنے کے بعد شہباز شریف کی لیگل ٹیم نے پیغام بھجوایا کہ ہم کیس تیار کر رہے ہیں ہتک عزت کیس کے حوالہ سے 3 مختلف ماہرین سے مشاورت کی ہے تا ہم کسی سے ابھی تک فائنل بات نہیں کی، جلد بات فائنل کر کے عدالت میں کیس دائر کریں گے. شہباز شریف نے قانونی ٹیم کو جلد کیس دائر کرنے کی ہدایت کی ہے.

شہباز شریف کے بھتیجے حسن نواز اور حسین نواز بھی لندن میں ہیں، ان کی وہاں موجودگی کے باوجود ابھی تک کیس دائر نہیں کیا گیا، برطانوی اخبار نے خبر 14 جولائی کو شائع کی تھی، شہباز شریف نے ایک ہفتے کے اندر کیس کا اعلان کیا تھا مگر دو ہفتے گزرنے کے باوجود ابھی تک کیس دائر نہ ہو سکا.

واضح رہے کہ برطانوی اخبار ڈیلی میل نے کہا تھا کہ سابق وزیراعلیٰ پنجاب شہباز شریف کے خاندان نے زلزلہ متاثرین ملنے سے والی برطانوی امداد میں چوری کی۔ پاکستان کو دی گئی امداد میں شہباز دور میں برطانوی امدادی ادارے نے لگ بھگ 50 کروڑ پاؤنڈ پنجاب کو دیئے۔ ایک جانب عالمی ترقیاتی منصوبوں کے لیے امداد دینے والا برطانوی محکمہ DFID سابق وزیراعلیٰ پنجاب پر امدادی رقم کی بارش کرتا رہا تو دوسری جانب ان کا خاندان عوامی فنڈ کے ملین پاونڈز منی لانڈرنگ کے ذریعے برطانیہ منتقل کرتے رہے۔ برطانوی اخبار کی رپورٹ کے مطابق پاکستان کے تحقیقاتی ذرائع کا کہنا ہے کہ انہیں یقین ہے کہ منی لانڈرنگ کے ذریعے برطانیہ منتقل کی جانیوالی رقم میں DFID سے لی گئی امداد کا حصہ شامل ہے۔رپورٹ کی تفصیلات میں بتایا گیا ہے کہ پیسہ شہباز شریف کی اہلیہ، بچوں اور داماد کو منتقل ہوا، شہبازشریف کے داماد کو متاثرین کیلئے 10 لاکھ پاؤنڈز دیئے گئے تھے۔

اس خبر کی اشاعت کے بعد مسلم لیگ ن کی ترجمان مریم اورنگزیب نے برطانوی اخبار کی خبر کو جھوٹا قرار دے کر عدالت جانے کا اعلان کیا تھا، ن لیگ کے گرفتار رہنما شاہد خاقان عباسی نے بھی اس خبر کو جھوٹا قرار دیا تھا، شہباز شریف نے کہا تھا کہ عمران خان اورشہزاداکبرکے خلاف بھی قانونی چارہ جوئی کریں گے، خود ساختہ اور گمراہ کن خبر عمران خان اور شہزاد اکبر کے ایما پرچھاپی گئی، برطانوی اخبارکےخلاف قانونی چارہ جوئی کا فیصلہ کیا ہے

آشیانہ ہاؤسنگ سکیم کیس کی سماعت کے موقع پر شہباز شریف کا کہنا تھا کہ میرے خلاف زلزلہ زدگان کے پیسے کھانے کی خبر برطانوی اخبار میں چھپوائی گئی، خدانخواستہ اگر میرے خلاف آدھے دھیلے کی کرپشن ہوتی تب بھی ڈیلی میل میں خبر چھپوانے کی کیا ضرورت تھی، اس طرح سے پاکستان کو پوری دنیا میں بدنام کیا گیا، اگر اس کیس میں حقیقت تھی تو پاکستانی میڈیا کے سامنے لیکر آتے غیر ملکی اخبار میں خبر چھپوانے کی کیا ضرورت تھی۔

وزیراعظم کے معاون خصوصی احتساب شہزاد اکبر کا کہنا ہے کہ شہباز شریف قوم کو گمراہ نہ کریں اور ان کے داماد علی عمران کو ادا کی گئیں 6 کروڑ روپے کی رقم کا حساب دیں۔ علی عمران اینڈ کو کے 3 ادائیگیوں کے چیکس دکھائے گئے، علی اینڈ کو کمپنی شہباز شریف کے داماد علی عمران کی ہے، کمپنی کو تین ادائیگیاں کی گئیں جن کی کُل رقم 6 کروڑ روپے بنتی ہے، ہم شہباز شریف سے صرف 3 ادائیگیوں کا پوچھ رہے ہیں جو ایرا کے فنڈز سے کی گئیں۔ شہباز شریف نے مجھ سے وعدہ کیا تھا برطانوی عدالت میں مقدمہ کروں گا، ان سے پھر کہتا ہوں کہ میرے خلاف لندن میں مقدمہ کریں، آئندہ ہفتے شہباز شریف کی منی لانڈرنگ سے متعلق مزید انکشافات کروں گا

وزیراعظم عمران خان نے امریکا میں کئے گئے اعلان پر پاکستان میں آتے ہی عملدرآمد کروا دیا، کوٹ لکھپت جیل میں نواز شریف کا اے سی بند، فون کی سہولت بھی ختم کر دی گئی

باغی ٹی وی کی رپورٹ کے مطابق کوٹ لکھپت جیل میں سابق وزیراعظم نواز شریف سے اے سی اور فون کی سہولت واپس لے لی گئی، باغی ٹی وی کے ذرائع کے مطابق جیل حکام نے جب نواز شریف کا اے سی بند کیا تو نواز شریف نے جیلر سے کہا کہ ایسا نہ کرو مجھے پت ہو چاتی ہے ،گرمی کی وجہ سے مجھے الرجی ہو جائے گی، جس پر جیلر نے کہا کہ اوپر سے آرڈر آیا ہے.

سابق وزیراعظم نواز شریف نے جیلر کی منت کرتے ہوئے کہا کہ انہیں فون پر گھر بات کرنے دی جائے جس پر جیلر نے کہا کہ اب سے سہولیات ختم ،اب عام قیدیوں کی طرح آپکو اب ٹریٹ کیا جائے گا، مقررہ وقت پر ہی ملاقات اور بات ہوگی.

دوسری جانب نواز شریف سے آج جمعرات کو ملاقات کا دن ہے، آج شریف خاندان کا کوئی فرد نواز شریف سے ملاقات نہیں کرے گا، مریم نواز کوئٹہ جا رہی ہیں وہ اپوزیشن کے جلسہ میں شرکت کریں گی، شہباز شریف بھی احتجاجی جلسوں کی وجہ سے مصروف ہیں. وہ بھی آج ملاقات نہیں کریں گے. سابق وزیراعظم نواز شریف کوٹ لکھپت جیل میں قید ہیں وہ العزیزیہ ریفرنس کیس میں سات برس قید کی سزا کاٹ رہے ہیں، نواز شریف کی طبیعت کی خرابی کی وجہ سے خاندان کے 5 افراد کو ملاقات کی اجازت دی جاتی ہے ،گزشتہ جمعرات کو مریم اور شہباز شریف نے ملاقات کی تھی. تاہم آج شریف خاندان کا کوئی بھی فرد مریم نواز سے ملاقات نہیں کرے گا.

واضح رہے کہ وزیراعظم عمران خان نے امریکا کے دورہ کے دوران پاکستانی کمیونٹی کے اجتماع سے خطاب کرتے ہوئے کہا تھا کہ نواز شریف اور آصف علی زرداری کے جیل خانوں سے ٹیلی ویژن اور ایئر کنڈیشنر کی سہولتیں واپس لینے کا فیصلہ کر لیا ہے۔ نواز شریف کہتا ہے کہ جیل کا کھان اچھا نہیں ہے مجھے گھر سے کھانا لاکر کھلایا جائے، پھر انہوں نے ٹی وی اور ایئر کنڈیشن کی سہولت مانگ لی۔ وزیر اعظم عمران خان نے کہا کہ 80 فیصد پاکستانیوں کو ایئر کنڈیشن کی سہولت میسر نہیں جبکہ کم از کم 60 فیصد کے پاس ٹی وی بھی نہیں ہے.

وزیراعظم نے مزید کہا تھا کہ یہ کوئی جیل کی سزا ہوتی ہے جس میں وہ رہ رہے ہیں۔ پاکستان واپس جاکر ان کے جیل خانوں سے ٹی وی اور ایئر کنڈیشنر کی سہولت واپس لے لیں گے، مجھے پتہ ہے کہ مریم بی بی بہت شور مچائیں گی۔ لیکن نواز اور زرداری اسی صورت جیل سے باہر آسکتے ہیں کہ وہ قوم کا لوٹا ہواپیسہ واپس کر دیں۔ جب بھی آصف زرداری جیل جاتا ہے تو وہ بیماری کا بہانہ بنا کر ہسپتال پہنچ جاتا ہے اور وہ زیادہ تر قید تو ہسپتال میں گزارتا ہے، آصف علی زرداری آپ کو بھی ٹی وی اور ایئر کنڈیشنر کے بغیر جیل میں رکھیں گے.

وزیراعظم عمران خان گزشتہ شب امریکا کا دورہ مکمل کر پاکستان واپس پہنچے ہیں، ان کی ایئرپورٹ آمد پر وفاقی وزیر برائے ہوا بازی غلام سرور خاں، فردوس عاشق اعوان، فواد چوہدری، مراد سعید، جہانگیر ترین اور دیگر وزراء سمیت کارکنان کی بڑی تعداد نے زبردست استقبال کیا اور پھولوں کی پتیاں‌ نچھاور کی گئیں، کارکنان کی جانب سے اپنے قائد عمران خان کا دیکھ کر زوردار نعرے بازی بھی کی گئی،

اپوزیشن جماعتیں یوم سیاہ کے موقع پر اختلافات کا شکار ہو گئیں، مولانا فضل الرحمان نے الگ جلسہ کرنے کا اعلان کر دیا

باغی ٹی وی کی رپورٹ کے مطابق اپوزیشن جماعتیں آج پچیس جولائی کو یوم سیاہ منا رہی ہیں ،تمام بڑے شہروں میں اپوزیشن جماعتوں کے جلسے ہوں گے، لاہور، کراچی، کوئٹہ پشاور سمیت دیگر شہروں میں بھی جلسے ہوں گے،

خیبر پختونخواہ کے صوبائی دارالحکومت پشاور میں بھی اپوزیشن جماعتوں کا مشترکہ جلسہ ہو گا اے این پی کے سربراہ اسفندیار ولی، پیپلز پارٹی کے رہنما فرحت اللہ بابر، قومی وطن پارٹی کے چیئرمین آفتاب احمد شیرپاؤ سمیت دیگر قائدین خطاب کریں گے

تاہم اس جلسے میں مولانا فضل الرحمان نے شرکت کا انکار کر دیا ہے، مولانا فضل الرحمان کا کہنا ہے کہ ہم الیکشن کے بعد سے ملک بھر میں جلسے کر رہے ہیں ، جمعیت علماء اسلام ف کے جلسے کامیاب ترین ہوتے ہیں ،ہم ملین مارچ کے سلسلہ میں رنگ روڈ پر اپنا الگ جلسہ کریں گے

مولانا فضل الرحمان کو اپوزیشن جماعتوں کے قائدین نے منانے کی کوشش کی لیکن انہیں کامیابی نہیں ملی، جمعیت علماء اسلام ف نے رنگ روڈ پر جلسے کی تیاریاں شروع کر دی ہیں.

وزیر اعظم پاکستان عمران خان نے وطن واپسی پر استقبال کیلئے آنے والے کارکنان سے خطاب کرتے ہوئے کہا ہے کہ اللہ کا شکر ہے کہ میں میں خود سوائے اللہ تعالیٰ کے، کسی کے سامنے جھکا ہوں نہ پاکستانی قوم کو جھکنے دوں‌ گا، بھیک مانگ کر اور کسی طاقتور کے سامنے جھک کر کوئی قوم نہیں بنتی، جو خود اپنی عزت کرتا ہے دنیا اسی کی عزت کرتی،

باغی ٹی وی کی رپورٹ کے مطابق وزیر اعظم عمران خان کی ایئرپورٹ آمد پر وفاقی وزیر برائے ہوا بازی غلام سرور خاں، فردوس عاشق اعوان، فواد چوہدری، مراد سعید، جہانگیر ترین اور دیگر وزراء سمیت کارکنان کی بڑی تعداد نے زبردست استقبال کیا اور پھولوں کی پتیاں‌ نچھاور کی گئیں، کارکنان کی جانب سے اپنے قائد عمران خان کا دیکھ کر زوردار نعرے بازی بھی کی گئی، وزیر اعظم عمران خان نے رات گئے استقبال کیلئے ایئرپورٹ پر موجود کارکنان کا شکریہ ادا کیا اور خطاب کرتے ہوئے کہاکہ ان کا دورہ امریکہ ہر لحاظ سے کامیاب رہا ہے.

عمران خان نے اس موقع پر خطاب کرتے ہوئے کہاکہ جن ڈاکوؤں نے اس ملک کو لوٹا انکو میں نہیں چھوڑوں گا ایک ایک کو جیل میں ڈالوں گا ہم اداروں میں اصلاحات لائیں گے اور نوجوانوں کو روزگار دیں گے، میں‌ آپ سے وعدہ کرتا ہوں کہ قوم کو مایوس نہیں کروں گا، وہ وقت جلد آئے گا جب پاکستانی پاسپورٹ کی دنیا بھرمیں عزت ہوگی، حقیقت یہ ہے کہ چوروں نے اس ملک کو مقروض کر کے مشکل حالات میں چھوڑ دیا، ہم چوروں سے ایک ایک روپے کاحساب لیں گے، غریب لوگوں کا پیسہ چوری کرکے بیرون ملک منتقل کیا جاتا رہا ہے، میں نے بیرون ملک درخواست کی ہے کہ غریبوں کا پیسہ وطن لانے میں ہماری مدد کریں،

واضح رہے کہ وزیراعظم عمران خان کے دورہ امریکہ کو ہر لحاظ سے تاریخی قرار دیا جا رہا ہے، یہ پہلی مرتبہ ہے کہ کسی پاکستانی وزیر اعظم کے دورہ امریکہ کے دوران ڈومور کی بات نہیں کی گئی اور وزیر اعظم کی جانب سے بھی پاکستان کا مقدمہ صحیح طور پر ان کے سامنے پیش کیا گیا ہے. دورہ امریکہ کے دوران عمران خان کی باڈی لینگویج بھی اچھی رہی، امریکی صدر ٹرمپ نے مسئلہ کشمیر پر ثالثی کی بات بھی کی اور کہا کہ بھارتی وزیر اعظم نریندر مودی نے بھی ان سے ثالثی کیلئے کہا ہے، عمران خان اور ٹرمپ کے مابین ہونے والی ملاقات میں دونوں ملکوں کے درمیان پائے جانے والے کشیدہ تعلقات میں بھی بہت بہتری آئی ہے، امریکی صدر ٹرمپ نے عمران خان سے ملاقات کے دوران افغان امن عمل میں پاکستانی کردار کو سراہا اور آئندہ بھی نبھانے کی خواہش کا اظہار کیا ہے،

امریکی کانگریس نے عمران خان کے حق میں ایک قرارداد بھی پاس کی ہے جس میں کہا گیا کہ عمران خان کی شکل میں پاکستان کو ایماندار، بہادر اور کرپشن سے پاک قیادت میسر آئی ہے، ان کے وزیر اعظم بننے کے بعد پاکستان میں سرمایہ کاری بھی آرہی ہے، واضح‌ رہے کہ وزیر اعظم عمران خان نے دورہ امریکہ سے واپسی پر کچھ دیر کیلئے قطر میں قیام کیا اور قطری وزیر اعظم عبدالله بن نصر بن خلیفہ الثانی سے ملاقات کی. اس موقع پر دونوں ممالک کے درمیان تجارت، سرمایہ کاری، توانائی، ہوا بازی، زراعت، سیاحت کے شعبوں میں تعاون بڑھانے، افرادی قوت اور عوامی روابط کو فروغ دینے کے عزم کو بھی دہرایا گیا ہے،

وزیراعظم پاکستان عمران خان آج صبح دورہ امریکہ سے واپسی پر پاکستان پہنچ گئے ہیں، ان کی ایئرپورٹ آمد پر وفاقی وزیر برائے ہوا بازی غلام سرور خاں، فردوس عاشق اعوان، فواد چوہدری، مراد سعید، جہانگیر ترین اور دیگر وزراء سمیت کارکنان کی بڑی تعداد نے زبردست استقبال کیا اور پھولوں کی پتیاں‌ نچھاور کی گئیں، کارکنان کی جانب سے اپنے قائد عمران خان کا دیکھ کر زوردار نعرے بازی بھی کی گئی،

باغی ٹی وی کی رپورٹ کے مطابق وزیر اعظم عمران خان نے رات گئے استقبال کیلئے ایئرپورٹ پر موجود کارکنان کا شکریہ ادا کیا اور خطاب کرتے ہوئے کہاکہ ان کا دورہ امریکہ ہر لحاظ سے کامیاب رہا ہے. اللہ کا شکر ہے کہ میں میں خود سوائے اللہ تعالیٰ کے، کسی کے سامنے جھکا ہوں نہ پاکستانی قوم کو جھکنے دوں‌ گا،

وزیر اعظم عمران خان کی آمد پر اسلام آباد سے ایک بڑی ریلی نکالی گئی جس میں پی ٹی آئی رہنماؤں کے علاوہ کارکنان کی کثیر تعداد موجود تھی، سوشل میڈیا پر بھی عمران خان کے خطاب کو شیئر کرتے ہوئے ان کے حق میں زبردست مہم چلائی جاتی رہی،

واضح رہے کہ وزیراعظم عمران خان کے دورہ امریکہ کو ہر لحاظ سے تاریخی قرار دیا جا رہا ہے، یہ پہلی مرتبہ ہے کہ کسی پاکستانی وزیر اعظم کے دورہ امریکہ کے دوران ڈومور کی بات نہیں کی گئی اور وزیر اعظم کی جانب سے بھی پاکستان کا مقدمہ صحیح طور پر ان کے سامنے پیش کیا گیا ہے. دورہ امریکہ کے دوران عمران خان کی باڈی لینگویج بھی اچھی رہی، امریکی صدر ٹرمپ نے مسئلہ کشمیر پر ثالثی کی بات بھی کی اور کہا کہ بھارتی وزیر اعظم نریندر مودی نے بھی ان سے ثالثی کیلئے کہا ہے، عمران خان اور ٹرمپ کے مابین ہونے والی ملاقات میں دونوں ملکوں کے درمیان پائے جانے والے کشیدہ تعلقات میں بھی بہت بہتری آئی ہے، امریکی صدر ٹرمپ نے عمران خان سے ملاقات کے دوران افغان امن عمل میں پاکستانی کردار کو سراہا اور آئندہ بھی نبھانے کی خواہش کا اظہار کیا ہے،

وزیر اعظم پاکستان عمران خان نے کل وفاقی کابینہ کا اجلاس طلب کر لیا ہے،

باغی ٹی وی کی رپورٹ کے مطابق عمران خان کی پاکستان آمد پر کل سہ پہر تین بجے اجلاس طلب کیا گیا ہے، وزیر اعظم وفاقی کابینہ کے اجلاس میں دورہ امریکہ کے دوران ہونے والی ملاقاتوں اور تازہ ترین صورتحال سے متعلق آگاہ کریں گے، کابینہ اجلاس میں ملکی سیاسی صورتحال پربھی تبادلہ خیال ہوگا،وزیراعظم دورہ امریکاکےحوالےسےکابینہ ارکان کواعتماد میں لیں گے، اجلاس میں تمام وزراءکوحاضری یقینی بنانےکی ہدایت کی گئی ہے، وزیر اعظم عمران خان کابینہ اجلاس کی صدارت کریں گے،

وزیر اعظم عمران خان آج رات پاکستان پہنچ رہے ہیں، اس موقع پر پی ٹی آئی کی جانب سے استقبال کے زبردست انتظامات کئے گئے ہیں، اسلام آباد میں ایئرپورٹ تک ایک بڑی ریلی بھی نکالی جائے گی جس میں پی ٹی آئی کے عہدیداران اور کارکنان کثیر تعداد میں شریک ہوں گے،