امریکہ کی دھمکی کا جواب دیتے ہوئے ایران نے کہا ہے کہ ایران کو نیست و نابود کرنا امریکہ کے بس کی بات نہیں‌ہے

باغی ٹی وی رپورٹ کے مطابق ایرانی وزیر خارجہ محمد جواد ظریف نے امریکی صدر ڈونالڈ ٹرمپ کی دھمکیوں کے جواب میں کہا ہے کہ ایران کو نیست و نابود کرنا امریکہ کے بس کی بات نہیں۔

جواد ظریف نے اس بات کا اظہار تیران میں سی این این کے ایک نمائندے کے سوال کے جواب میں کہی ۔
ایرانی وزیر خارجہ نے کہا کہ ٹرمپ کو یہ خوش فہمی ہے کہ وہ ایران کو نیست و نابود کر دیں گے البتہ یہ اسی وقت ممکن ہوسکتا ہے کہ جب امریکہ ممنوعہ اسلحے کا استعمال کرے۔

انہوں نے کہا کہ ایران ہر قسم کی جارحیت کا جواب دینے کےلیے تیار ہے ،ہم جنگ نہیں چاہتے ،صدر ٹرمپ کو یہ یاد رکھنا چاہیئے کہ وہ جنگی دھمکیوں کا جو اظہار کر رہے ہیں وہ اقوام متحدہ کے معاہدوں کی خلاف ورزی ہے، کئی ہفتوں سے امریکی انتظامیہ ہمارے خلاف زہر اگل رہی ہے بالخصوص روحانی لیڈر پر لگی پابندیاں ایران عوام کے خلاف حقارت کا درجہ رکھتی ہیں۔

واضح رہے کہ ایک دن قبل ٹرمپ نے ایران کو دھمکی دی تھی کہ اگر وہ اپنے عزائم سے باز نہ آیا تو اس کو صفحہ ہستی سے مٹا دیں گے.

انڈونیشیا کے والدین ٹیکنالوجی سے اس قدر متاثر ہیں کہ انہوں نے اپنے بیٹے کا نام گوگل رکھ دیا۔

باغی ٹی وی رپورٹ کےمطابق . انڈونیشیا کے صوبے جاوا میں والدین کی طرف سے اپنے نو مولود بیٹےکا عجیب و غریب نام رکھ دیا گیا .یقینی طور پر یہ حیران کن بات ہے مگر انڈونیشیا کے مغربی صوبے جاوا سے تعلق رکھنے والی خاتون ایلا کارین اور آندی چایا کے ہاں دوسرے بچے کی ولادت ہوئی۔

میڈیا رپورٹس کے مطابق آندی چایا ٹیکنالوجی سے اس قدر متاثر ہیں کہ انہوں نے تین ماہ تک اپنے بیٹے کا کوئی نام نہیں رکھا اور پھر اُس کا نام ’’گوگل‘‘ رکھ کر سرکاری سطح پر رجسٹرڈ بھی کروالیا۔

والد کا کہنا ہے کہ ’’میں چاہتا ہوں میرا بیٹا گوگل کے سرچ انجن کی طرح ہماری اور دیگر لوگوں کی مدد اور رہنمائی کرے‘‘۔ آندی کہتے ہیں کہ وہ ٹیکنالوجی سے اس قدر متاثر ہیں کہ اگر اُن کے گھر مستقبل میں بچوں کی پیدائش ہوئی تو وہ ’’ونڈوز، آئی فون، مائیکروسافٹ، آئی او ایس‘‘ جیسے نام رکھیں گے۔

آندی نے اس بات کی وضاحت دیتے ہوئے کہا کہ ’’اب ہم جدید دور میں جی رہے ہیں جب ہماری زندگیاں مکمل تبدیل ہوگئیں تو وہی پرانے ناموں کی روایت بھی ختم کرنی چاہیے، اب جدید سائنس کے حساب سے ہی لوگوں کو اپنے بچوں کے نام رکھنے چاہیں‘‘۔

والد کا کہنا تھا کہ بچے کا نام صرف گوگل ہے اُس کے ساتھ کوئی نام جوڑا نہیں گیا۔ والدہ کہتی ہیں کہ اُن کی خواہش ہے بیٹا گوگل کی طرح کئی لوگوں کا رہنما بنے تاکہ سب کو فائدہ ہو۔

والدین نے بچے کا پیدائشی سرٹیفیکٹ بھی حاصل کرلیا جس میں اُس کا نام ’’گوگل‘‘ ہی درج ہے۔

وزیر خارجہ شاہ محمود قریشی اور افغان صدر اشرف غنی کےدرمیان ملاقات ہوئی ہے، افغانستان کے صدر نے افغان عمل میں پاکستان کی کوششوں کو سراہا ہے

افغان صدر پاکستان پہنچ گئے، کس نے استقبال کیا؟ اہم خبر

باغی ٹی وی کی رپورٹ کے مطابق پاکستان کےو زیر خارجہ شاہ محمود قریشی اور افغانستان کے صدر اشرف غنی کے مابین ملاقات ہوئی ہے، ملاقات میں دونوں ملکوں میں تجارت میں اضافے،معیشت اورسرمایہ کاری کے فروغ پر تبادلہ خیال کیا گیا، ملاقات میں مواصلات،توانائی،ثقافت اور عوامی روابط بہتربنانے پر خصوصی تبادلہ خیال کیا گیا ، ملاقات میں امن واخوت کے لیے وضع کردہ حکمت عملی کو عوام کی بہتری اور بہبود کےلیے بروئے کار لانے پر بھی اتفاق کیا گیا.

پاکستان کے وزیر خارجہ شاہ محمود قریشی نے اس موقع پر کہا کہ اشرف غنی کے دورہ سےدونوں ملک مزید قریب آئیں گے ،دورے سے دوطرفہ تعلقات کے استحکام میں مددملےگی ،افغان صدر اشرف غنی نے افغان امن عمل میں پاکستان کی کاوشوں کو سراہا

شاہ محمود قریشی کا مزید کہنا تھا کہ دہائیوں پر محیط تنازع اور عدم استحکام میں افغان عوام نے بے پناہ مشکلات کا سامنا کیا،افغانستان میں پائیدار امین، استحکام اور خوشحالی پاکستان کے مفاد میں ہے، قریشی کا مزید کہنا تھا کہ پاکستان افغان امن عمل کےلیے کھلے دل اورنیک نیتی سے مصالحانہ کردار ادا کرتا رہے گا ،پاکستان نے ہمیشہ افغان نیتجہ خیز مذاکرات کی ضرورت پر زور دیا،افغانستان میں پائیدار امن اور استحکام کا یہی واحد راستہ ہے .

قبل ازیں افغانستان کے‌صدر اشرف غنی دو روزہ دورے پر اسلام آباد پہنچ گئے، پاکستان کے مشیر تجارت عبدالرزاق داود ،افغانستان کے پاکستان میں سفیرعاطف مشعال اور دفتر خارجہ کے حکام نے افغانستان کے صدر کا استقبال کیا.

افغان صدر کو نورخان ائیر بیس پر اکیس توپوں‌ کی سلامی بھی دی گئی

عراق کی ایک فوج داری عدالت نے انڈونیشیا سےتعلق رکھنے والی ایک خاتون کو’داعش’ میں شمولیت پر 15 سال قید کی سزا کا حکم دیا ہے۔

تفصیلات کےمطابق عراق کی جوڈیشل کونسل کی طرف سے بدھ کو جاری کردہ ایک بیان میں کہا گیا کہ انڈونیشی خاتون ‘داعش’ کے ایک جنگجو کےساتھ شادی شدہ تھی۔ اس کے شوہر کو امریکا کی قیادت میں قائم عالمی عسکری اتحاد نے شام میں ایک فضائی حملےمیں ہلاک کردیا تھا۔

بیان میں مزید کہا گیا ہےکہ داعشی خاتون شام سے عراق کی نینویٰ گورنری میں داخل ہوئی تاہم یہ معلوم نہیں ہو سکا کہ وہ عراق میں کب داخل ہوئی تھی۔

چند ہفتے پیشتر عراق کی ایک عدالت نے ‘داعش’ سے تعلق کے الزام میں 10 فرانسیسی شہریوں کو سزائے موت سنائی تھی تاہم ان میں سے کسی کی سزاپرعمل درآمد نہیں کیا گیا۔

گذشتہ برس بین الاقوامی خبر رساں ایجنسی’اے پی’ نے اپنی رپورٹ میں بتایا تھا کہ عراق کی جیلوں میں 19 ہزار داعشی اور دیگر دہشت گرد قید ہیں۔ ان میں سے تین ہزار کو سزائے موت سنائی جا چکی ہے۔

ڈالر کی اونچی اڑان جاری ہے، ڈالر ملکی تاریخ کی بلند ترین سطح پر پہنچ گیا

باغی ٹی وی کی رپورٹ کے مطابق جمعرات کو مارکیٹ میں کاروبار کے دوران ڈالر نے پھر اونچی اڑان بھری، ڈالرانٹربینک میں ایک روپیہ 84 پیسے مہنگا ہونے سے تاریخ کی بلند ترین سطح 164 روپے پر ٹریڈ کرتا رہا۔ انٹربینک میں ڈالر 164 روپے 50 پیسے کا ہو گیا

پچھلے دو دنوں میں ڈالر سات روپے مہنگا ہوا ہے، جس کی وجہ سے پاکستانی کرنسی کی قدر میں کمی ہو گئی ہے، ڈالر کی قیمت میں اضافے کی وجہ سے بیرونی قرضے بھی بڑھ گئے ہیں جبکہ پاکستان میں بھی اشیاء کی قیمتوں میں اضافہ ہونے سے چیزیں مہنگی ہونے کا امکان ہے، ڈالر مہنگا ہونے کی وجہ سے تاجر برادری پریشان ہے.

.ڈالر کی قیمت میں مسلسل اضافے کی وجہ سے کاروباری لوگ پریشان ہیں اور ڈالر مہنگا ہونے کی وجہ سے مہنگائی میں بھی اضافہ ہو رہا ہے، حکومت نے بجٹ میں بھی عوام پر ٹیکسز لگائے ہیں دوسری جانب ڈالر مہنگا ہونے کی وجہ سے مہنگائی میں مسلسل اضافہ ہوتا رہتا ہے. معاشی ماہرین کا کہنا ہے کہ ڈالر کی قدر میں اضافے سے پاکستانی عوام کی مشکلات میں اضافہ ہو گیا ہے .

امریکی صدر ڈونلڈ ٹرمپ نے کہا ہے کہ اگرایرانی قیادت جوہری تنازع پر بات چیت کی طرف نہیں آتی تویہ اس کی بہت بڑی بے وقوفی اور ‘انا پرستی’ کا واضح ثبوت ہوگا۔

اس سے پہلے امریکی صدر نے کہا تھا کہ جنگ کی صورت میں ایران کوجلد ہی گھٹنے ٹیکنے پر مجبور کر دیں گے۔ جنگ میں ہراعتبار سے امریکا کا پلڑا بھاری رہے گا۔ ان کا کہنا تھا کہ ایران کے ساتھ ممکنہ جنگ اس لیے زیادہ طول نہیں‌ پکڑے گی کیونکہ اس میں بری فوج کو شامل نہیں کریں گے۔

تاہم ‘بزنس فاکس نیوز’ کو دیے گئے انٹرویو میں صدر ڈونلڈ ٹرمپ نے توقع ظاہر کی کہ ایران کے ساتھ جنگ کی نوبت نہیں آئے گی۔ البتہ جنگ ہوئی تو امریکا طاقت ورثابت ہوگا۔ ان کا کہنا تھا کہ جنگ طول نہیں پکڑے گی اور نہ ہی ہم بری فوج بھیجنے کا کوئی ارادہ رکھتے ہیں۔

امریکی صدر نے منگل کے روز خبردار کیا تھا کہ اگر ایران نے امریکی مفادات کو نشانہ بنانے کی حماقت کی تو اس کے نتیجے میں ایران کوصفحہ ہستی سے مٹایا جاسکتا ہے۔ ان کاکہنا تھا کہ ایرانی لیڈر قوم کامال دہشت گردی کے فروغ پر صرف کرتے ہیں اور یہ لوگ صرف طاقت کی زمان سمجھتے ہیں۔

دوسری طرف ایران نے امریکی صدر کی تنقید کو بلا جواز قراردے کر مسترد کردیا ہے۔ ایران کا کہنا ہے کہ وائیٹ ہائوس کاطرز عمل غیرمنطقی ہے جس کے باعث دونوں ملکوں‌میں‌جاری تنازع کا سفارتی حل کی مساعی ناکام ہوگئی ہیں۔ ایران نے امریکی قیادت کو ‘بے عقل ‘ اور بے وقوف قرار دیا

امریکی صدر ڈونلڈ ٹرمپ نے ایرانی قیادت کو تنقید کا نشانہ بناتےہوئے کہا کہ ایرانی شدید جھالت اور اھانت آمیز طرز عمل کا مظاہرہ کررہے ہیں۔ وہ زمینی حقائق کا ادراک نہیں کرتے

سابق وزیراعظم نواز شریف سے آج کوٹ لکھپت جیل میں ملاقات کا دن ہے، صوبائی وزارت داخلہ نے نواز شریف سے ملاقات کے لئے صرف پانچ افراد کو اجازت دی ہے،

نواز شریف کو اڈیالہ جیل میں ہوا تھا تیسرا ہارٹ اٹیک ،مریم نواز نے کیا پریس کانفرنس میں انکشاف

نواز شریف کی طبیعت خراب، جیل حکام نےایسا فیصلہ کیا کہ ن لیگی پریشان ہو گئے

شہباز شریف نے قومی اسمبلی میں کی نواز شریف کی مخالفت، اہم خبر

نیب کے بعد عدالت میں میڈیکل آفیسر نے جمع کروایا جواب، کہا نواز شریف کو……اہم خبر

باغی ٹی وی کی رپورٹ کے مطابق سابق وزیراعظم نواز شیرف العزیزیہ ریفرنس میں کوٹ لکھپت جیل میں سزا کاٹ رہے ہیں . جمعرات کو نواز شریف سے ملاقات کا دن طے ہے، محکممہ داخلہ نے آج بھی صرف پانچ افراد کو ملاقات کی اجازت دن ہے، دن دو بجے تک نواز شریف سے ملاقات کی جاسکتی ہے.

تحریک انصاف کا یوٹرن، نواز شریف کے قریبی ساتھی جو نیب ریڈار پر ہے بڑا عہدہ دے دیا

نواز شریف کے قریبی دوست میاں منشا کی کمپنی کو نوازنے پر نیب کی تحقیقات کا آغاز

جیل حکام کا کہنا ہے کہ نواز شریف کی طبیعت ٹھیک نہ ہونے کی وجہ سے ڈاکٹروں کی تجویز پر ملاقات منسوخ کی گئی ہے،.ڈاکٹروں نے نواز شریف کو ہدایت دی ہے کہ وہ کم گفتگو کریں جس کی وجہ سے پارٹی کارکنان ورہنماوں کو ملاقات کی اجازت نہیں دی جا رہی، صرف پانچ قریبی عزیزوں کو ملنے کی اجازت ہو گی .

نواز شریف کی بیماری کا علاج جیل میں نہیں ہو سکتا، ڈاکٹر کا انکشاف

میں پیر یا ولی نہیں لیکن عمران خان کے ساتھ کیا ہونیوالا ہے ؟ نواز شریف نے کیا کہہ دیا

نواز شریف کی طبیعت خراب، جیل حکام نےایسا فیصلہ کیا کہ ن لیگی پریشان ہو گئے

واضح رہے کہ گزشتہ جمعرات کو بھی نواز شریف سے صرف پانچ افراد کو ملاقات کی اجازت دی گئی تھی جس پر ن لیگ کی قیادت نے احتجاج کیا تھا ،صوبائی وزیر قانون راجہ بشارت کا کہنا تھا کہ نواز شریف سے ملاقات کی فہرست نواز شریف خود بناتے ہیں، حکومت نے کسی کو ملاقات سے نہیں روکا.

 شہباز شریف کا کہنا ہے کہ 3 بارمنتخب اورعوام کوریلیف دینے والے وزیراعظم سے عوام سے ریلیف چھیننے والا سلیکٹڈ وزیراعظم خوفزدہ ہے.عمران نیازی جومرضی ہتھکنڈےاستعمال کرلے آئی ایم ایف عوام دشمن بجٹ پاس نہیں ہوسکتا،عمران نیازی کےسرپربجٹ منظورنہ ہونےکاخوف سوارہے، انہوں نے کہا کہ نوازشریف سےذاتی معالج کونہ ملنے دینا انتہائی افسوسناک اورقابل مذمت ہے ،انہوں نے کہا کہ پنجاب حکومت کٹھ پتلی ہے،عمران نیازی کےاشاروں پرسب کیا جارہا ہے،

افغانستان کے‌صدر اشرف غنی دو روزہ دورے پر اسلام آباد پہنچ گئے

افغان صدر آج پہنچیں گے اسلام آباد

باغی ٹی وی کی رپورٹ کے مطابق افغانستان کے‌صدر اشرف غنی دو روزہ دورے پر اسلام آباد پہنچ گئے، پاکستان کے مشیر تجارت عبدالرزاق داود ،افغانستان کے پاکستان میں سفیرعاطف مشعال اور دفتر خارجہ کے حکام نے افغانستان کے صدر کا استقبال کیا.

افغان صدر اپنے دورہ کے دوران صدر مملکت ڈاکٹر عارف علوی سے ملاقات جبکہ وزیراعظم عمران خان سے وفود کی سطح پر مذاکرات بھی کریں گے۔ افغان صدر عسکری حکام سے بھی ملاقات کرینگے۔ افغانستان کے صدر اشرف غنی لاہور کا دورہ بھی کریں گے جہاں وہ بزنس فورم میں شریک ہوں گے جس میں دونوں ممالک کے کاروباری نمائندے موجود ہونگے۔