پاکستان مسلم لیگ (ن) کی نائب صدر مریم نواز نے واضح طور پر کہا ہے کہ میری اور بلاول کی ملاقات میاں نواز شریف اور شہباز شریف کی اجازت سے ہورہی ہے. پارٹی کے تمام فیصلے نواز شریف اور شہباز شریف سمیت پارٹی کے لوگوں سے مشاورت سے کیے جاتے ہیں اور پارٹی کےاصول اورقواعد و ضوابط کی پاسداری دوسروں کی طرح مجھ پر بھی لازم ہے۔

I hope you’re feeling better, dear friend. This & all other decisions in the party are taken after the approval of MNS & MSS & taking the senior leaders into confidence. Discipline & part hierarchy are followed by all including me. Warm regards. https://t.co/FBBfLp9Hys

— Maryam Nawaz Sharif (@MaryamNSharif) June 15, 2019

باغی ٹی وی کی رپورٹ‌ کے مطابق حکومت کی جانب سے انکوائری کمیشن بنائے جانے کی خبروں اور اپوزیشن لیڈروں کی گرفتاریوں کے بعد پیپلز پارٹی اور مسلم لیگ ن کے مابین رابطے اور ملاقاتیں‌ تیز ہو گئی ہیں. اسی حوالہ سے مسلم لیگ (ن) کی نائب صدر مریم نواز نے کل جاتی امرا میں ظہرانہ کا اہتمام کیا ہے جس میں چیئرمین پیپلزپارٹی بلاول بھٹو زرداری، مصطفی نواز کھوکھر، قمرالزمانن کائرہ، ایاز صادق، پرویز رشید، رانا ثناء اللہ،حسن مرتضی ، چوہدری منظور اور محمد زبیر مریم نواز سے ملاقات کریں گے۔

ظہرانہ کے موقع پر ہونے والی ملاقات میں دونوں جماعتوں کی مرکزی سیاسی قیادت کی گرفتاری، ملک کی موجودہ معاشی صورت حال اور حکومت کے خلاف احتجاج کے حوالے سے مشترکہ لائحہ عمل تشکیل دینے کی حکمت عملی طے کی جائے گی.

سماجی رابطے کی ویب سائٹ ٹویٹر پر صحافی غریدہ فاروقی کی جانب سے پوچھے گئے ایک سوال کے جواب میں مسلم لیگ (ن) کی نائب صدر مریم نواز شریف نے کہا ہے کہ میری اور بلاول کی ملاقات میاں نواز شریف اور شہباز شریف کی اجازت سے ہورہی ہے. پیپلز پارٹی کے چیئرمین بلاول بھٹو کل دوپہر ڈیڑھ بجے جاتی امراء جار ہے ہیں جہاں‌ مذکورہ قائدین کے مابین ملاقاتیں‌ ہوں گی.

واضح رہے کہ وزیر اعظم نواز شریف کی معاون خصوصی فردوس عاشق اعوان نے بلاول مریم ملاقات سے متعلق کہا ہے کہ یہ صرف انتشار پھیلانے اور نیب سے ریلیف حاصل کرنے کی سازش کا حصہ ہے.

وفاقی وزیر برائے سائنس وٹیکنالوجی فواد چودھری نے سینئر صحافی سمیع ابراہیم کو تھپڑ مارے جانے سے متعلق ردعمل ظاہر کرتے ہوئے کہا ہےکہ وہ اس پر معافی نہیں‌ مانگیں‌ گے. یہ وزارتیں شزارتیں میرے لیے مسئلہ نہیں ہیں۔ یہ وزارت چلی گئی تو پھر آجائے گی ۔ میں پہلی یا آخری مرتبہ وزیر نہیں بنا۔

باغی ٹی وی کی رپورٹ‌ کے مطابق فواد چوہدری نے میڈیا سے گفتگو کرتے ہوئے سینئر صحافی سمیع ابراہیم کی جانب سے تھانہ فیصل آباد میں درخواست جمع کروانے پر ردعمل دیتے ہوئے کہاکہ گرمی سردی ہو گئی، بات ختم ہو گئی اگر غصہ میں‌ اس موقع پر تھپڑ مار دیا تو اس میں کیا ہے. معذرت والی کوئی بات نہیں ہے. غصہ آہی جاتا ہے انسان کو.

وفاقی وزیر فواد چودھری کا کہنا تھا کہ بات بڑھی تو ایسا ہو گیا، معذرت والی بات نہیں ہے۔وزارت جاتی ہے تو جائے میں معافی نہیں مانگوں گا. میں‌ دو مرتبہ پہلے وزیر بنا ہوں جبکہ تیسری مرتبہ اب بنا ہوں. یہ وزارت تو آنی جانی چیز ہے.

واضح رہے کہ سمیع ابراہیم کی جانب سے تھانہ منصور آباد فیصل آباد میں فواد چوہدری کی جانب سے تھپڑ‌مارے جانے کے خلاف درخواست دے دی ہے. ادھر صحافیوں‌ کی جانب سے مختلف شہروں و علاقوں میں‌ فواد چوہدری کی اس نازیبا حرکت کے خلاف شدید احتجاج کا سلسلہ جاری ہے.

وزیراعظم پاکستان عمران خان نے کہا ہے کہ حکومت کی طرف سے جو تحقیقاتی کمیشن قائم کیا جارہا ہے یہ اقامہ رکھنے والوں کا حساب بھی کرے گا۔ تحقیقاتی کمیشن جلد قائم کیا جارہا ہے جس کا مقصد 24 ہزار ارب کے قرضوں کا حساب لینا ہے. مشکل فیصلے کر کے ملک کو دیوالیہ ہونے سے بچا لیا.

باغی ٹی وی کی رپورٹ کے مطابق وزیراعظم عمران خان کی زیر صدارت بنی گالہ میں پارٹی رہنماؤں اور ترجمانوں کا اجلاس ہوا جس میں پی ٹی آئی کے سینئر رہنما جہانگیر ترین، حفیظ شیخ، عمر ایوب، مراد سعید، شبر زیدی، سینیٹر فیصل جاوید، فردوس عاشق اعوان اور دیگر نے شرکت کی۔ اس موقع پر قومی اسمبلی میں بجٹ پیش کئے جانے کے بعد کی صورتحال، اپوزیشن کی احتجاج سے کس طرح نمٹا جائے گا اور اپوزیشن لیڈروں کی گرفتاریوں سے متعلق تبادلہ خیال کیا گیا.

ذرائع کا کہنا ہے کہ اجلاس میں بجٹ کے بعد کی صورتحال اور اپوزیشن رہنماؤں کی گرفتاریوں پر اپوزیشن کے احتجاج سے نمٹنے کے لئے حکمت عملی طے کی گئی، وزیراعظم نے کہا کہ گرفتار ہونے والے این آر او کی تلاش میں ہیں، تمام ترجمان اور پارٹی رہنما پارلیمنٹ کے اندر و باہر اور میڈیا پر جارحانہ حکمت عملی اختیار کریں اور کہ اپوزیشن کے ہر حملے کا ہر طریقے سے جواب دیں۔

اجلاس میں سیاسی صورتحال پر غور اور قومی اسمبلی میں آئندہ کی حکمت عملی سے متعلق بھی غوروفکر کیا گیا۔ اس موقع پر مشیر خزانہ حفیظ شیخ نے بجٹ اور حکومتی اہداف سے متعلق آگاہ کیا. چیئرمین ایف بی آر شبر زیدی نے ٹیکس اصلاحات اور اہداف سے متعلق اقدامات پر اور جہانگیر ترین نے زراعت پالیسی سے متعلق پیش رفت پر بریفنگ دی جب کہ وزیر اعظم عمران خان نے موجودہ صورتحال میں پارٹی بیانیے کے حوالے سے آگاہ کیا۔

اجلاس کے دوران خطاب کرتے ہوئے وزیر اعظم عمران خان کا کہنا تھا کہ آئندہ دنوں میں‌بنائے جانے والے تحقیقاتی کمیشن کا مقصد 24 ہزار ارب روپے کے قرضوں کا حساب ہے ، یہ جلد قائم کیا جائے گا، تحقیقاتی کمیشن اقامہ رکھنے والوں کا حساب بھی کرے گا۔ پاکستان کی معیشت مستحکم ہو چکی ہے اب وقت ہے معیشت ٹیک آف کرے گی۔ عوام کو غربت کی لکیر سے اوپر لانا پی ٹی آئی کی اولین ترجیح ہے اسی لیے احساس پروگرام کا بجٹ 100 ارب سے بڑھا کر 191 ارب روپے تک لے گئے ہیں۔

واضح رہے کہ انکوائری کمیشن کی جانب سے اقامہ سے متعلق تحقیقات کے اعلان پر اپوزیشن جماعتوں میں‌پریشانی کی لہر دوڑ گئی ہے.

وفاقی وزیرمنصوبہ بندی مخدوم خسرو بختیار نے کہا ہے کہ وزارت خزانہ نے ایشیائی ترقیاتی بینک کیساتھ 3 ارب 40کروڑ ڈالرکے قرض کا معاہدہ کیا ہے. پاکستان کو پہلے سال 2 ارب 10 کروڑ ڈالر ملیں گے.

باٹی ٹی وی کی رپورٹ‌ کے مطابق وفاقی وزیرخسرو بختیار نے اسلام آباد میں‌ پریس کانفرنس کرتے ہوئے کہا ہے کہ جنوبی پنجاب،دیہی سندھ، دیہی کےپی کی ترقی کیلیے 48ارب روپے رکھے گئے ہیں. اسی طرح زراعت کیلیے 12 ارب روپے جبکہ پانی کےمنصوبوں کیلیے 70 ارب روپےرکھے ہیں. ان کا کہنا تھا کہ فاٹا کو آیندہ مالی سال 73ارب روپےترقیاتی بجٹ سے ملیں گے.

خسرو بختیار کا کہنا تھا کہ کراچی کوترقیاتی بجٹ کی مد میں آیندہ سال 34ارب روپے 45 منصوبوں کیلیےدینگے جبکہ آیندہ مالی سال کاترقیاتی بجٹ 951ارب روپے ہے. واضح رہے کہ اپوزیشن جماعتوں‌ کی جانب سے حکومت کی طرف سے تیزی سے بیرونی قرضے لئے جانے پر تنقید کا نشانہ بنایا جارہا ہے جبکہ حکومت نے بھی پچھلے دس سال میں لئے گئے قرضوں سے متعلق انکوائری کمیشن بنانے کا اعلان کیا ہے.

وزیر ریلوے شیخ رشید احمد نے وفاقی وزیر برائے سائنس و ٹیکنالوجی فواد چوہدری کی جانب سے سمیع ابراہیم کو تھپڑ مارنے کی مخالفت کی اور کہا ہے کہ ان کی طرف سے ایک سینئر صحافی کو تھپڑ مارنا زیادتی ہے۔

سمیع ابراہیم کو تھپڑ، ملک بھر کی صحافی برادری سراپا احتجاج، فواد چوہدری کو وزارت سے ہٹانے کا مطالبہ

باغی ٹی وی کی رپورٹ کے مطابق لاہور میں‌ پریس کانفرنس کے دوران ان کا کہنا تھا کہ میں‌ اپنے گندے کپڑے میڈیا سے سامنے نہیں دھوتا. آخری سانس تک کابینہ میں غریب کی آواز اٹھاتا رہوں گا، فواد چوہدری کا صحافی کو تھپڑ مارنا زیادتی ہے۔ ان کا کہنا تھا کہ دنیا کے کسی ملک میں صدر اور وزیراعظم ایک ساتھ جیل میں نہیں ہوتے یہ گنیز ریکارڈ بن گیا ہے، انہوں نے کہا کہ میں نے پہلے ہی کہا تھا کہ جون سے پہلے جھاڑو پھرے گا ،کرپٹ سیاست دانوں کی نسلوں کو بھی لوٹی دولت نہیں ملے گی ،شیخ رشید احمد نے مزید کہا کہ شہبازشریف نے نوازشریف کو نکلوانے کی پوری کوشش کی.

فواد چودھری نے تھپڑ مارا اور گالیاں دیں،سمیع ابراہیم نے مقدمہ کیلئے درخواست دائر کر دی

شیخ‌ رشید احمد کی طرح حکمران جماعت سے وابستہ کارکنان کی طرف سے بھی فواد چوہدری کے اس اقدام کو ناپسندیدگی کی نگاہ سے دیکھا گیا ہے. واضح‌ رہے کہ سمیع ابراہیم نے فیصل آباد میں‌ پیش آنے والے اس واقعہ کے خلاف تھانہ منصور آباد میں دی جانے والی درخواست میں لکھا ہے کہ گزارش ہے کہ سائل سمیع اللہ ابراہیم ولد نعمت اللہ حصارمی سکنہ اسلام آباد بول نیوز کا صدر اور اینکر پرسن ہے. 14 جون کو رات ساڑھے نو بجے تقریبا فیصل آباد کے نجی ہوٹل میں 92 نیوز کے مالک کی بیٹی کی شادی کی تقریب میں آیا تھا، سائل اپنے ساتھی صحافی ارشد شریف، روف کلاسرا، ڈی جی ایف آئی اے بشیر میمن اور تحریک انصاف کے رکن اسمبلی فرخ حبیب کے ہمراہ موجو دتھا کہ وفاقی وزیر سائنس و ٹیکنالوجی فواد چودھری نے اپنے ساتھیوں کے ہمراہ بلا اشتعال مجھ پر حملہ کیا. مجھے تھپڑمارا اور غلیظ گالیاں دیں. اور پھر خطر ناک نتائج کی دھمکیاں دیں اور وہاں سے چلا گیا، گزارش ہے کہ فواد چوھدری کے خلاف اپنے ساتھیوں کے ہمراہ گالیاں نکالنے اور خطرناک نتائج کی دھمکیاں دینے پر قانونی تقاضے پورے کر مقدمہ درج کیا جائے اور سائل کو انصاف فراہم کیا جائے.