وفاقی وزیر ریلوے شیخ رشید احمد نے پیشنگوئی کی ہے کہ 15دنوں میں مزید جھاڑو پھرسکتا ہے جس نےگاجریں کھائی ہیں نیب اس کوپھکی دے.

کونسی ٹرین کا افتتاح کرنے جا رہے وزیراعظم، شیخ رشید نے بتادیا

شیخ رشید کے دعوے صرف ہوا میں،ریلوے کا خسارہ کم ہوا یا زیادہ، اہم خبر

باغی ٹی و ی کی رپورٹ کے مطابق شیخ رشید احمد نے لاہو رمیں پریس کانفرنس سے خطاب کرتے ہوئے کہا کہ دنیا کے کسی ملک میں صدر اور وزیراعظم ایک ساتھ جیل میں نہیں ہوتے یہ گنیز ریکارڈ بن گیا ہے، انہوں نے کہا کہ میں نے پہلے ہی کہا تھا کہ جون سے پہلے جھاڑو پھرے گا ،کرپٹ سیاست دانوں کی نسلوں کو بھی لوٹی دولت نہیں ملے گی ،شیخ رشید احمد نے مزید کہا کہ شہبازشریف نے نوازشریف کو نکلوانے کی پوری کوشش کی

شیخ رشید احمد ان ایکشن، ریلوے کے حوالہ سے بڑا فیصلہ کر لیا

مجھے تقریر نہ کرنے دی گئی تو پھر دیکھتا ہوں کہ بلاول کیسے تقریر کرتا ہے؟ شیخ رشید

سابق صدر آصف زرداری کے حوالہ سے گفتگو کرتے ہوئے شیخ رشید احمد نے کہا کہ شہباز شریف اورفریال تالپور کو ڈھیل حاصل ہے،ڈیل نہیں ہو سکتی،بلاول بھٹوکوسب سےپہلے اپنےوالداور پھوپھی کیخلاف تحریک چلانی چاہیئے،بلاول کوسوچنا ہوگا کہ بی بی کی وصیت نوکرانی کے پرس سےکیسےنکلی،آصف زرداری چھاتی کے ساتھ لگا کرتاش کھیلنےوالا انسان ہے .آصف زرداری کے خلاف اہم گواہ موجود ہیں .شیخ رشید احمد نے کہا کہ میں نے کہا تھا کہ گندے انڈوں کو باہر پھینکو، عمران خان نہیں مانے،

شہباز شریف کو بھیک مانگتے دیکھا، شیخ رشید کا دعویٰ

مولانا فضل الرحمان اپنی زمینوں کی حفاظت کریں، شیخ رشید نے ایسا کیوں کہا؟

سابق صدر آصف زرداری کی ہمشیرہ فریال تالپور کا عدالت نے 9 روزہ جسمانی ریمانڈ دے دیا ہے تفتتیشی افسر کے ساتھ دو خاتون افسران بھی سب جیل میں تفتیش کے دوران موجود رہیں گی

فریال تالپور کو عدالت پیش کر دیا گیا،گرفتاریاں سیاسی ہیں، فریال تالپور

باغی ٹی وی کی رپورٹ کے مطابق فریال تالپور کو اسلام آباد کی احتساب عالت میں پیش کیا گیا ، عدالت کے جج ارشد ملک نے سماعت کی ،نیب نے عدالت سے فریال تالپور کے ریمانڈ کی استدعا کی، عدالت نے نیب سے پوچھا کہ فریال تالپور کے وارنٹ گرفتاری ضمانت مسترد ہونے سے پہلے جاری کئے گئے یا بعد میں جس پر نیب نے عدالت کو بتایا کہ وارنٹ بعد میں جاری کئے گئے.فریال تالپور کے وکیل فاروق ایچ نائیک نے عدالت میں کہا کہ نیب نے فریال تالپورکوان کےگھر میں گرفتار کیا، نیب پراسیکیوٹر نے سب جیل میں نیب افسران کا ڈیوٹی روسٹر عدالت میں پیش کیا ،عدالت نے تفتیشی افسر سے استفسار کیا کہ ملزمان کو ریفرنس کی کاپیاں فراہم کر دی ہیں، جس پر تفتیشی افسر نے عدالت میں کہا کہ جی ریفرنس کی کاپیاں جمع کرا دی ہیں رجسٹرار آفس میں جمع کرائی ہیں سکروٹنی ہو رہی ہے، جج ارشد ملک نے ریمارکس دیتے ہوئے کہا کہ پیر کو ریفرنس کی کاپیاں میری میز پر ہونی چاہئیں، .

زرداری کے بعد فریال تالپور گرفتار،بزدلوں کی حکومت ہے، بلاول کا رد عمل

زرداری کی گرفتاری کے بعد پیپلز پارٹی کیا کرنیوالی ہے؟ اہم خبر

عدالت نے فریال تالپور کو 9 روزہ جسمانی ریمانڈ پر نیب کے حوالے کرتے ہوئے 24 جون کو دوبارہ پیش کرنے کا حکم دے دیا

جماعت اسلامی کا حکومت کیخلاف تحریک چلانے کا اعلان،پہلا دھرنا کہاں ہو گا؟

ریاست کے اندر ایک اور ریاست نہ بنائیں، پیپلز پارٹی کی حکومت کو دھمکی

قومی اسمبلی اجلاس، اپوزیشن کا احتجاج، اسمبلی کو کینیٹینر نہ بنائیں، راجہ پرویز اشرف

زرداری کے پروڈکشن آرڈر جاری نہ ہونے پر پی پی کا سینیٹ سے واک آوٹ

واضح رہے کہ نیب نے گزشتہ روز رکن سندھ اسمبلی فریال تالپور کو اسلام آباد میں زرداری ہاؤس کے قریب ان کی رہائش گاہ سے گرفتار کیا تھا اور ان کو گھر منتقل کر دیا جس کو سب جیل قرار دے دے گیا، اس سے قبل نیب نے آصف زرداری کو بھی گرفتار کر رکھا ہے

سینئر صحافی و اینکر پرسن سمیع ابراہیم نے تھپڑ پڑنے کے بعد فیصل آباد کے تھانے میں فواد چودھری کے خلاف مقدمے کے لئے درخواست دائر کردی

وزیراعظم نے ترجمانوں کا اجلاس بلا لیا، ایجنڈہ سمیع ابراہیم کو تھپڑ یا کچھ اور؟

باغی ٹی وی کی رپورٹ کے مطابق سمیع ابراہیم نے فیصل آباد کے تھانہ منصور آباد میں دی جانے والی درخواست میں لکھا ہے کہ گزارش ہے کہ سائل سمیع اللہ ابراہیم ولد نعمت اللہ حصارمی سکنہ اسلام آباد بول نیوز کا صدر اور اینکر پرسن ہے. 14 جون کو رات ساڑھے نو بجے تقریبا فیصل آباد کے نجی ہوٹل میں 92 نیوز کے مالک کی بیٹی کی شادی کی تقریب میں آیا تھا، سائل اپنے ساتھی صحافی ارشد شریف، روف کلاسرا، ڈی جی ایف آئی اے بشیر میمن اور تحریک انصاف کے رکن اسمبلی فرخ حبیب کے ہمراہ موجو دتھا کہ وفاقی وزیر سائنس و ٹیکنالوجی فواد چودھری نے اپنے ساتھیوں کے ہمراہ بلا اشتعال مجھ پر حملہ کیا. مجھے تھپڑمارا اور غلیظ گالیاں دیں. اور پھر خطر ناک نتائج کی دھمکیاں دیں اور وہاں سے چلا گیا، گزارش ہے کہ فواد چوھدری کے خلاف اپنے ساتھیوں کے ہمراہ گالیاں نکالنے اور خطرناک نتائج کی دھمکیاں دینے پر قانونی تقاضے پورے کر مقدمہ درج کیا جائے اور سائل کو انصاف فراہم کیا جائے.

تبدیلی سرکار یا تھپڑوں والی سرکار،فواد چودھری کا سمیع ابراہیم کو تھپڑ مارنے کی اطلاعات

سمیع ابراہیم کو تھپڑپڑا تو فردوس عاشق نے کی معذرت،صحافیوں کی مذمت

واضح رہے کہ سمیع ابراہیم کو فواد چوھدری نے شادی کی تقریب میں تھپڑ مارا تھا اور تقریب سے چلے گئے تھے.

سمیع ابراہیم کو تھپڑ، ملک بھر کی صحافی برادری سراپا احتجاج، فواد چوہدری کو وزارت سے ہٹانے کا مطالبہ

تبدیلی سرکار یا تھپڑوں والی سرکار، وفاقی وزیر نے سینئر صحافی کو تھپڑ مار دیا

باغی ٹی وی کی رپورٹ کے مطابق وفاقی وزیر سائنس و ٹیکنالوجی فواد چودھری نے فیصل آباد میں ایک نجی تقریب کے دوران مبینہ طور ہر سینئر صحافی و اینکر پرسن سمیع ابراہیم کو تھپڑمار دیا

واضح رہے کہ سمیع ابراہیم نے عید سے قبل کہا تھا کہ عید کے بعد ججز یکجہتی کے حوالہ سے تحریک شروع ہو رہی ہے جو حقیقت میں پاکستان اور پاک فوج کے خلاف ہے، اس تحریک کو انڈیا و امریکہ کی مدد حاصل ہو گی، اپوزیشن جماعتیں وکلاء کے ساتھ تحریک میں حصہہ لیں گی. ،سمیع ابراہیم نے یہ بھی دعویٰ کیا تھا کہ تحریک انصاف کے اندر سے لوگ تحریک انصاف کو چھوڑ دیں گے انہوں نے فواد چوہدری کے بارے میں کہا تھا کہ وہ پیپلز پارٹی سے رابطے میں ہیں اور وہ تحریک انصاف چھوڑنے والوں کی قیادت کریں گے.

فواد چودھری نے سمیع ابراہیم کی اس ویڈیو کو ٹویٹر پر شیئرکر کے کہا تھا کہ اس (سمیع ابراہیم) کو دو کروڑ کے اشتہار دے دیتا تو دن رات میرے پاؤں چاٹتا. فواد چوہدری نے سمیع ابراہیم کے امریکی پاسپورٹ کی تصویر لگاتے ہوئے لکھا ہے کہ ‘ہمیں بتا رہا ہے امریکہ پاکستان کے خلاف سازشیں کر رہا ہے ، ایسے منافقوں سے باخبر اور محفوظ ہونا انتہائی اہم اور ضروری ہے۔

سوشل میڈیا ایکٹویسٹ فرحان ورک نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ہمیں ذرائع سے اطلاعات موصول ہو رہی ہیں کہ فواد چودھری نے فیصل آباد میں شادی کی تقریب کےدوران سمیع ابراہیم کو تھپڑ مار دیا۔

اس پر آپ کی کیا رائے ہے؟

ہمیں ذرائع سے اطلاعات موصول ہو رہی ہیں کہ فواد چودھری نے فیصل آباد میں شادی کی تقریب کےدوران سمیع ابراہیم کو تھپڑ مار دیا۔

اس پر آپ کی کیا رائے ہے؟

— Dr Farhan K Virk (@FarhanKVirk) June 14, 2019

ایک صارف نے لکھا کہ سمیع ابراہیم تو امریکہ میں ہے
https://twitter.com/GishkoriAyaz/status/1139595241986695168

تحریک انصاف کی حکومت نے ایک ایسے شخص کو عہدہ دے دیا جسکو ہٹانے کے لئے مسلم لیگ ن کے دور حکومت میں تحریک انصاف نے بھر پور تحریک چلائی تھی اور چیف جسٹس کو خط بھی لکھا تھا

باغی ٹی وی کی رپورٹ کے مطابق وزیراعظم عمران خان نے امریکہ میں تعینات رہنے والے سابق سفیر علی جہانگیر صدیقی کو سفیر برائے سرمایہ کاری مقرر کر دیا ہے. وزارت خارجہ کی جانب سے جاری نوٹفکیشن کے مطابق ان کا یہ عہدہ اعزازی ہو گا،

اس سے قبل علی جہانگیر صدیقی مسلم لیگ ن کی حکومت کے آخری دنوں میں پاکستان کے امریکہ میں سفیر تعینات تھے ، ان کی اس تعیناتی کے خلاف پی ٹی آئی نے نہ صرف احتجاج کیا تھا بلکہ نامزد نگران وزیر اعظم ناصرالملک کو خط بھی لکھا تھا جس میں ان کی برطرفی کا مطالبہ کیا گیا تھا۔

سابق وزیراعظم شاہد خاقان عباسی نے جب علی جہانگیر صدیقی کو امریکا میں سفیر تعینات کیا تھا تو ایک پریس کانفرنس میں اسلام آباد کے ایک سینئر صحافی سید عون شیرازی نے وزیراعظم شاہد خاقان عباسی سے پوچھا تھا کہ جہانگیر صیقی نے آپ کے ائیر بلیو کمپنی میں مبینہ طور پر اربوں کی سرمایہ کاری کی جس کے انعام کے طور پر علی جہانگیر صدیقی کو امریکا میں سفیر تعینات کیا ، جس کے جواب میں انہوں نے اس الزام کی تردید کی تھی. تحریک انصاف کے کئی رہنماء بھی اس دور میں ببانگ دہل اس الزام کو دہراتے تھے اور کہتے تھے کہ یہ تعیناتی ذاتی مفادات کی وجہ سے کی گئی اور فوائد لیے گئے.

اس وقت کے پی ٹی آئی کے ترجمان اور موجودہ وفاقی وزیر سائنس وٹیکنالوجی فواد چوہدری کی جانب سے نامزد نگران وزیر اعظم کو لکھے گئے خط میں الزام عائد کیا گیا تھا کہ علی جہانگیر صدیقی کی سابق وزیر اعظم شاہد خاقان عباسی کے ساتھ کاروباری شراکت ہے جبکہ ان کی نواز شریف کے ساتھ سیاسی وابستگی بھی ہے جس کے باعث انہیں امریکہ جیسے اہم ملک میں سفیر تعینات نہیں کرنا چاہیے کیونکہ ان کی تعیناتی پاکستان نہیں بلکہ شریف خاندان اور ن لیگ کیلئے فائدہ مند ہوگی۔ اس خط میں علی جہانگیر پر کرپشن کے الزامات اور نیب انکوائری کا تذکرہ بھی کیا گیا تھا۔پی ٹی آئی کے احتجاج کے باوجود نگران حکومت نے سفارتی تقرریوں میں کوئی تبدیلی نہیں کی لیکن جب تحریک انصاف کی حکومت آئی تو سب سے پہلے جن لوگوں کو عہدے سے ہٹایا گیا ان میں علی جہانگیر صدیقی شامل تھے.

اب تحریک انصاف نے ایک اور یوٹرن لیتے ہوئے علی جہانگیر صدیقی کو ایک پھر سفیر برائے سرمایہ کاری مقرر کر دیا ہے. دلچسپ امر یہ ہے کہ علی جہانگیر صدیقی نیب کو مطلوب ہیں اور ان کے خلاف نیب میں ریفرنس کی سماعت ہو رہی ہے ، علی جہانگیر صدیقی پر الزام ہے کہ انہوں نے سفیر تعینات ہونے سے قبل فواد حسن فواد کے اکاؤنٹ میں پندرہ کروڑ منتقل کیے تھے.سابق وزیر اعظم نواز شریف کے بہت ہی قریبی بیورو کریٹ کے اکاؤنٹس میں علی جہانگیر صدیقی کے امریکا میں سفیر تعینات ہونے سے چند روز قبل بڑی رقم منتقل ہوئی، نیب اکاؤنٹس میں منتقل ہونے والی اس رقم اور اس کے محرکات کی بھی تحقیقات کر رہا ہے۔

علی جہانگیر صدیقی ایئربلیو کے ڈائریکٹر بھی رہے جو سابق وزیراعظم شاہد خاقان عباسی کے خاندان کی کمپنیوں میں سے ایک ہے۔

چوہدری برادران کے دور میں اربوں روپے کی کرپشن کرنے والے صوبائی وزیر کو نیب نے گرفتار کر لیا

باغی ٹی وی کی رپورٹ کے مطابق نیب کی کرپٹ افراد کے خلاف کاروائیاں تیزی سے جاری ہیں، نیب نے پہلے سابق صدر آصف زرداری کو گرفتار کیا، پھر ان کی ہمشیرہ فریال تالپور کر آج گرفتار کیا، اس کے ساتھ ہی نیب نے تحریک انصاف کے صوبائی وزیر جنگلات سبطین خان کو بھی گرفتار کر لیا. سبطین خان پر الزام ہے کہ انہوں نے 2007 میں جب چوہدری برادران اقتدار میں تھے بطور وزیر چنیوٹ میں معدنی وسائل کا ٹھیکہ دیا اور اروبوں رپے کی کرپشن کی،.نیب کے مطابق صوبائی وزیر کو کل احتساب عدالت میں پیش کیا جائے گا اور ان کا جسمانی ریمانڈ لیا جائے گا.

واضح رہے کہ صوبائی وزیر جنگلات سبطین خان نے سیاست کا آغاز 90 کی دہائی میں کیا، وہ 1990 سے 93 سے پنجاب اسمبلی کے رکن رہے اور ساتھ میں صوبائی وزیر جیل خانہ جات بھی تھے، چوہدری برادران کی جب حکومت بنی تو وہ وزیر معدنیات بنے، گزشتہ الیکشن میں وہ تحریک انصاف میں شامل ہوئے اور الیکشن جیتے، تحریک انصاف نے انہیں صوبائی وزیر بنا دیا ،آج نیب نے انہیں گرفتار کر لیا