Category: اہم خبریں

پی آئی اے کی مدینہ سے اسلام آباد آنے والی فلائٹ 50 سے زائد مسافروں کا سامان چھوڑ آئی جس پر مسافروں‌ کو زبردست مشکلات کا سامان کرنا پڑ رہا ہے.

باغی ٹی وی کی رپورٹ کے مطابق پی آئی اے کاعملہ ایئرپورٹ سے غائب ہے اور مسافردر بدر پھر رہے ہیں. پی کے 714 کے مسافروں کی جانب سے اسلام آباد ایئرپورٹ پر شدید احتجاج کیا جارہا ہے. ایک مسافر کا گفتگو کرتے ہوئے کہ ہے کہ کئی گھنٹوں‌ بعد انہیں یہ بات معلوم ہو چکی ہے کہ ان سب کا سامان مدینہ منورہ میں‌ رہ گیا ہے.

رپورٹ میں‌ بتایا گیا ہے کہ اسلام آباد ایئر پورٹ پر مسافر کئی گھنٹے سامان کا انتظار کرتے رہے لیکن سامان چونکہ مدینہ میں‌ ہی رہ گیا تھا اس لئے مسافروں‌ کو ان کا سامان نہیں‌ مل سکا جس پر انہیں‌ سخت پریشان کن صورتحال کا سامنا کرنا پڑا ہے.

آرمی چیف جنرل قمر جاوید باجوہ نے عید کے موقع پر لائن آف کنٹرول کا دورہ کیا اور جوانوں کے ساتھ وقت گزارا. اس موقع پر کور کمانڈر راولپنڈی لیفٹیننٹ جنرل بلال اکبر بھی ان کے ہمراہ تھے. آرمی چیف نے فرنٹ لائن پر نوجوانوں سے گفتگو کرتے ہوئے کہا کہ بجٹ کٹوتی کو خطرات کے خلاف دفاعی صلاحیت پر کسی صورت اثرانداز نہیں ہو نے دیں گے اور اسے دوسرے امور میں ایڈجسٹمنٹ سے پورا کیا جائے گا.

باغی ٹی وی کی رپورٹ کے مطابق ڈی جی آئی ایس پی آر کے مطابق جنرل قمر جاوید باجوہ نے کہاکہ ملکی معیشت کی بہتری کیلئے پاک فوج نے دفاعی بجٹ میں اضافہ نہ لینے کا فیصلہ کیا اور ہم سمجھتے ہیں‌ کہ یہ قوم پر احسان نہیں ہے. ہم ایک زندہ قوم ہیں اور یہ اقدام ہر قسم کے حالات میں یکجہتی کے عزم کا اعادہ کرتا ہے. ان کا کہنا تھا کہ ملکی دفاع کیلئے پرعزم جوانوں کی عید ان کا یہ فخر ہے کہ وہ عید جیسے تہوار پر بھی خاندان سے دور وطن عزیز کے دفاع کے مقدس فریضہ کی ادائیگی میں‌ مصروف ہیں.

جنرل قمر جاوید باجوہ نے کہا کہ وطن کے محافظوں کی پہلی فیملی پاکستانی قوم ہے جبکہ گھروں میں‌ موجود فیملی اور خاندان اس کے بعد ہے. ان کا یہ بھی کہنا تھا کہ تنخواہ میں اضافہ نہ لینے کا فیصلہ بھی صرف افسران کا ہے. اس فیصلے کا جوانوں پر اطلاق نہیں ہوگا اور بجٹ کٹوتی پاک فوج کے سپاہیوں کے معیار زندگی پر اثرانداز نہیں ہوگی۔

یاد رہے کہ ملکی معیشت کے پیش نظر پاک فوج نے دفاعی بجٹ میں اضافہ نہ لینے کا اعلان کیا ہے اور ان کے اس فیصلہ کو تحسین کی نگاہ سے دیکھا جارہا ہے.

وفاقی وزیر برائے سائنس و ٹیکنالوجی فواد چوہدری نے پاکستان پیپلزپارٹی سے رابطوں کی تردید کی اور کہا ہے کہ پیپلز پارٹی کا کوئی مستقبل نہیں ہے اور یہ کہ میں پارٹی سے ناراض نہیں ہوں‌۔

باغی ٹی وی کی رپور‌ٹ کے مطابق فواد چوہدری نے کہاکہ میں‌ خود پی ٹی آئی ہوں‌اور اپنے آپ کو کون چھوڑتا ہے. میں‌ قطعی طور پر پارٹی سے کسی بات پر ناراض نہیں‌ہوں. ان کا کہنا تھا کہ پیپلزپارٹی کا کوئی مستقبل نہیں ہے اور پھر نبیل گبول کو خود پارٹی میں کوئی نہیں پوچھتا جبکہ میں ہی پی ٹی آئی ہوں اور خود کو کون چھوڑتا ہے۔

انہوں نے کہاکہ پی ٹی آئی کا مستقبل شاندار ہے.

پاکستان میں شریف فیملی سے اس وقت صرف میاں نواز شریف جیل میں ہیں لیکن ذرائع کے مطابق رمضان المبارک کے مقدس ایام میں اس مرتبہ شریف فیملی میں سے کسی ایک فرد نے بھی عمرہ کی سعادت حاصل نہیں کی۔

باغی ٹی وی کی رپورٹ کے مطابق مسلم لیگ (ن) کے دور اقتدار میں ہر سال شریف فیملی کے کئی افراد حج و عمرہ کیلئے سعودی عرب پر جاتے ہیں اور یہ ہر سال کا معمول رہا ہے تاہم اس مرتبہ جیل میں تو صرف سابق وزیراعظم اور مسلم لیگ ن کے قائد نواز شریف ہیں لیکن شریف فیملی کا کوئی ایک فرد بھی ماہ مبارک میں عمرہ پر نہیں گیاجس پر حیرانگی کا اظہار کیا جارہا ہے۔

رپورٹ کے مطابق سوشل میڈیا پر اس سلسلہ میں زبردست بحث جاری ہے کہ کیا حج و عمرہ صرف سرکاری خرچ پر ہی کرنا چاہیے؟۔ کیا شریف خاندان کے لوگوں کے پاس پیسہ کی کمی ہے کہ اقتدار میں نہ ہوں تو عمرہ و حج کیلئے جانے سے بھی گریز کیا جاتا ہے؟۔ سوشل میڈیا پر بعض صارفین کا کہنا ہے کہ امسال چونکہ شریف فیملی کو سرکاری وسائل حاصل نہیں تھے اس لئے رمضان میں ان کا کوئی فرد عمرہ کیلئے نہیں گیا۔