Baaghi TV

Category: اہم خبریں

  • زرتاج گل کی بہن کا ڈائریکٹر نیکٹا تعیناتی کا معاملہ، وزیر اعظم نے ایسا حکم جاری کر دیا کہ سن کر حیران رہ جائیں‌ گے

    زرتاج گل کی بہن کا ڈائریکٹر نیکٹا تعیناتی کا معاملہ، وزیر اعظم نے ایسا حکم جاری کر دیا کہ سن کر حیران رہ جائیں‌ گے

    وزیر اعظم عمران خان نے زرتاج گل کی بہن کی ڈائریکٹر نیکٹا تعیناتی کے معاملے کا نوٹس لیتے ہوئے زرتاج گل کو ہدایت کی ہے کہ وہ نیکٹا کو لکھا گیا خط واپس لیں.

    باغی ٹی وی کی رپورٹ کے مطابق وزیر اعظم عمران خان کے ترجمان نعیم الحق کی جانب سے سماجی رابطے کی ویب سائٹ ٹویٹر پر کہا گیا ہے کہ ایسا کرنا پی ٹی آئی کی روایات کیخلاف ہے کیونکہ پی ٹی آئی کا ماضی گواہ ہے کہ اس نے ہمیشہ اقربا پروری کی مخالفت کی ہے. نعیم الحق کا کہنا تھاکہ سفارش پر تقرریاں کر کے پی ٹی آئی حکومت میں کوئی شخص اپنے عزیز و اقارب کو فائدہ نہیں پہنچا سکتا،


    یا د رہے کہ زرتاج گل کی بہن شبنم گل لاہور کالج برائے خواتین یونیورسٹی میں اسسٹنٹ پروفیسر تعینات تھیں اور انہوں نے 2014 سے لےکر 2018 تک پی ایچ ڈی مکمل کرنی تھی لیکن انہوں نے مزید چار سال کی توسیع کروائی ۔ پی ایچ ڈی کے بعد پانچ سال کسی بھی ادارے میں پڑھانا لازمی ہوتا ہے لیکن شبنم گل نے قواعد و ضوابط کی خلاف ورزی کی اور اس کے علاوہ وہ ڈائریکٹر نیکٹا کے شرائط پر پورا بھی نہیں اترتیں ۔ اس تقرری کے بعد سوشل میڈیا پر اس حوالہ سے سخت تنقید کی جارہی تھی جس پر وزیر اعظم عمران خان کی جانب سے اب نوٹس لیتے ہوئے زرتاج گل وزیر کو نیکٹا کو لکھا گیا خط واپس لینے کی ہدایت کی گئی ہے.

  • حکومت کہیں‌ نہیں‌ جارہی اور نہ ہی پارٹی میں‌ کوئی اختلاف ہے. فواد چوہدری

    حکومت کہیں‌ نہیں‌ جارہی اور نہ ہی پارٹی میں‌ کوئی اختلاف ہے. فواد چوہدری

    وفاقی وزیر سائنس و ٹیکنالوجی فواد چودھری نے کہا ہے کہ ملک میں جمہوری نظام کی کامیابی کیلئے عمران خان کا کامیاب ہونا ضروری ہے. حکومت کہیں‌ نہیں‌ جارہی اور نہ ہی پارٹی میں‌ کوئی اختلاف ہے.

    باغی ٹی وی کی رپورٹ کے مطابق سوشل میڈیا سائٹ ٹویٹر پر انہوں نے لکھا کہ پارٹی میں اختلافات کی خبریں‌ بے بنیاد ہیں. اگر ہم صرف یہ نظر دوڑائیں کہ ہمارے ساتھ آزاد ہونے والے ممالک کہاں کھڑے ہیں احساس ہو گا اس عرصے میں کیا کھویا کیا پایا۔

    وفاقی وزیر سائنس و ٹیکنالوجی فواد چودھری نے کہا کہ وزیر اعظم عمران خان کو ایک ریزہ ریزہ نظام ملا ہے اور وہ اس نظام کو کھڑا کرنے کی کوشش کر رہے ہیں۔ سول ادارے مکمل تباہ ہیں، جس ادارے کا جائزہ لیں پتا چلے گا اقربا پروری، سفارش اور میرٹ کے اصولوں کو بالائے طاق رکھ کر ان اداروں سے کھلواڑ کیا گیا، اس لئے ایک دو برسوں میں ان اداروں میں بہتری کی کوئی توقع نہیں ہے.

    واضح رہے کہ قبل ازیں‌ فواد چوہدری نے یہ بیان دیا تھا کہ کئی اہم فیصلے ہو جاتے ہیں‌ مگر ان کا پتہ نہیں‌ چلتا. ان کے اس بیان کے بعد یہ بحث جاری تھی کہ کیا فواد چوہدری بھی حکومتی پالیسیوں‌سے خوش نہیں‌ ہیں تاہم آج انہوں نے یہ بیان دیکر سوشل میڈیا پر پھیلنے والی افواہیں ختم کرنے کی کوشش کی ہے.

  • محکمہ صحت کا شدید گرمی کے پیش نظر ہیٹ ویو الرٹ جاری، سر ڈھانپ کر گھروں سے باہر نکلنے کی ہدایات

    محکمہ صحت کا شدید گرمی کے پیش نظر ہیٹ ویو الرٹ جاری، سر ڈھانپ کر گھروں سے باہر نکلنے کی ہدایات

    محکمہ صحت پنجاب نے ملک بھر کے مختلف علاقوں میں‌ شدید گرمی کے پیش نظر ہیٹ ویو الرٹ‌ جاری کر دیا ہے. کہا گیا ہے کہ سخت گرمی کے سبب بچے اور بزرگ افراد ہیٹ سٹروک کا شکار ہو سکتے ہیں.

    باغی ٹی وی کی رپورٹ کے مطابق اس وقت ملکے بیشتر علاقوں‌ جھلسا دینے والی گرمی پڑ رہی ہے اور لاہور سمیت دیگر علاقوں میں‌درجہ حرارت 48 ڈگری سینٹی گریڈ تک جا پہنچا ہے جس پر شہریوں‌ کا گرمی سے برا حال ہے. ادھر لوڈ شیڈنگ کی وجہ سے بھی شہریوں‌ کو سخت پریشانی کا سامنا کرنا پڑ رہا ہے. محکمہ موسمیات کا کہنا ہے کہ آج بھی لاہور، فیصل آباد اور ملتان میں درجہ حرارت 45 سے 47 اور سکھر میں 49 ڈگری سینٹی گریڈ تک جانے کا امکان ہے. اسی طرح کراچی میں درجہ حرارت 37 ڈگری سینٹی گریڈ تک رہے گا۔ چیف میٹرولوجسٹ کراچی عبدالرشید کا کہنا ہے کہ گرمی کی حالیہ لہر عید الفطر پر بھی برقرار رہے گی جس پر توقع کی جارہی ہے کہ شہری اس مرتبہ عید پر زیادہ وقت گھروں پر ہی گزاریں‌ گے.

    ملک بھر کی شدید گرمی کی وجہ سے ہی محکمہ صحت پنجاب نے ہیٹ ویو الرٹ جاری کیا ہے، ڈی جی ہیلتھ پنجاب کی جانب سے جاری کردہ بیان میں کہا گیا ہے کہ گرمی کی شدت سے بچے اور بزرگ افراد ہیٹ اسٹروک کا شکار ہو سکتے ہیں، گرمی کی شدت میں اضافہ، سر درد، چکر، بلڈ پیشر اور غنودگی ہیٹ اسٹروک کی علامات ہو سکتی ہیں لہذا دھوپ میں نکلتے وقت سر کپڑے سے ڈھانپنے کا خصوصی طور پر اہتمام کریں. محکمہ موسمیات نے کہا ہے کہ آئندہ چند روز میں موسم مزید گرم ہونے کا امکان ہے جبکہ اس دوران گرم ہوائیں بھی چلیں گی. اس بار عید کے پہلے 2 روز بھی موسم گرم اور خشک رہنے کا امکان ہے۔

    محکمہ موسمیات کے مطابق ملک کے بالائی علاقوں مالاکنڈ، ہزارہ، کوہاٹ، گلگت بلتستان اور کشمیر میں چند مقامات پر آندھی چلنے اور گرج چمک کے ساتھ بادل برسنے کا امکان ہے۔ یاد رہے کہ پچھلے کچھ دنوں‌ سے مختلف علاقوں میں شدید گرمی پڑ رہی ہے اور لوگ ہیٹ سٹروک اور دیگر بیماریوں‌کا شکار ہو رہے ہیں.

  • عید الفطر، پردیسیوں‌ نے آبائی شہروں‌ کا رخ‌ کر لیا، بس اڈوں‌ پر شدید رش، ٹرانسپورٹرز دوگنا کرایہ وصول کرنے لگے

    عید الفطر، پردیسیوں‌ نے آبائی شہروں‌ کا رخ‌ کر لیا، بس اڈوں‌ پر شدید رش، ٹرانسپورٹرز دوگنا کرایہ وصول کرنے لگے

    ملک بھر کے دیگر شہروں‌ کی طرح لاہور سے بھی عید منانے کیلئے پردیسیوں نے اپنے آبائی علاقوں‌ کا رخ‌ کر لیا ہے تاہم انہیں‌ اپنے گھروں‌کو جانے کیلئے سخت پریشانیوں‌کا سامنا کرنا پڑا رہا ہے. ٹرانسپورٹر حضرات کرائے بھی زیادہ وصول کر رہے ہیں اور حکومتی اداروں‌کی کارکردگی بھی کمزور دکھائی دے رہی ہے.

    باغی ٹی وی کی رپورٹ کے مطابق عیدالفطر ہو یا عیدالاضحی پردیسیوں‌کو ہر عید کے موقع پر چھٹیوں‌میں‌ شدید رش کی وجہ سے اپنے آبائی علاقوں میں‌ جانے کیلئے پریشانی کا سامنا کرنا پڑتا ہے. امسال عید الفطر کے موقع پر بھی ایسی ہی صورتحال دکھائی دے رہی ہے. گرمی اس قدر زیادہ ہے کہ درجہ حرارت 48 ڈگری سینٹی گریڈ تک پہنچ گیا ہے جبکہ دوسری طرف بس اڈوں، ٹرینوں اور دیگر گاڑیوں میں‌زبردست رش کی صورتحال ہے. مسافروں نے حکومت سے مطالبہ کیا ہے کہ عید پر جو سپیشل ٹرینیں‌چلانے کا اعلان کیا گیا ہے یہ بہت کم ہیں حکومت کو اس سلسلہ میں مزید اقدامات اٹھانے چاہئیں.

  • چھت پر جانے کی ضرورت نہیں، موبائل سے چاند کیسے دیکھ سکتے ہیں؟ فواد چوہدری نے بتا دیا

    چھت پر جانے کی ضرورت نہیں، موبائل سے چاند کیسے دیکھ سکتے ہیں؟ فواد چوہدری نے بتا دیا

    وزیر سائنس اور ٹیکنالوجی فواد چوہدری نے ایک بار پھر واضح طور پر کہا ہے کہ عوام کو شش و پنج کی ضرورت نہیں ہے عید الفطر 5 جون کو ہی ہوگی۔

    باغی ٹی وی کی رپورٹ‌ کے مطابق فواد چوہدری نے کہاکہ رویت ہلال کمیٹی کا فیصلہ بھی یہی ہو گا. ان کا کہنا تھا کہ ماضی میں‌ جب پرانا دور تھا تو لوگ چھت پر جا کر چاند دیکھا کرتے تھے لیکن اب یہ دور گزرگیا ہے. آپ اب موبائل ایپ ڈاؤن لوڈ کرکے کمرے میں بیٹھ کر چاند دیکھ سکتے ہیں ۔

    یاد رہے کہ اس سے قبل بھی فواد چوہدری نے کہا تھا کہ ہم نے 5 سال کے لئے قمری کیلنڈر بنایا ہے اور پاکستان میں 5 جون کو ہی عید الطفر ہوگی۔ ان کا یہ بھی کہنا تھا کہ رویت ہلال کمیٹی اور چاند دیکھنے کے لیے بڑے پاپڑ بیلنے کی ضرورت نہیں ہے، ٹیکنالوجی کی مدد سے آسانی سے پتا لگایا جاسکتا ہے کہ چاند کب نظر آئے گا جبکہ دوسری جانب ملک بھر کے علماء نے واضح طور پر کہا ہے کہ رویت کے بغیر چاند دکھائی دینے کا اعلان شرعی طور پر درست نہیں‌ہے.

  • جاسوسی کا الزام، سزا پانے والے دو فوجی اور ایک سول افسر کو جیل حکام کے حوالے کر دیا گیا، آئی ایس پی آر

    جاسوسی کا الزام، سزا پانے والے دو فوجی اور ایک سول افسر کو جیل حکام کے حوالے کر دیا گیا، آئی ایس پی آر

    پاک فوج کے ترجمان میجر جنرل آصف غفور نے کہا ہے کہ جاسوسی کے الزام میں‌ سزا پانے والے دو آرمی اور ایک سویلین افسر کو سول جیل حکام کے حوالے کردیا گیا ہے۔

    باغی ٹی وی کی رپورٹ کے مطابق آئی ایس پی آر کے ڈائریکٹر جنرل میجر جنرل آصف غفور کا کہنا ہے کہ 30 مئی کو سزا پانے والے تینوں افسران کو جرائم کی تصدیق کے فوری بعد حراست میں لے لیا گیا تھا اور تینوں افسران ٹرائل کے دوران فوج کی حراست میں رہے۔

    جاسوسی کے الزام میں دو اعلیٰ فوجی افسران کو سزائے موت، ایک کو 14 سال قید، بڑی خبر آگئی

    یاد رہے کہ 30 مئی کو آئی ایس پی آر کی جانب سے بتایا گیا تھا کہ تین افسران کو جاسوسی کے الزام میں سزا سنائی گئی ہے. مجرمان نے حساس معلومات دوسرے ملکوں کو لیک کی تھیں.

  • سپریم کورٹ کا حکم، پی آئی اے کے چھ ایئربس طیاروں کی خریداری میں گھپلوں کی تحقیقات کا آغاز

    سپریم کورٹ کا حکم، پی آئی اے کے چھ ایئربس طیاروں کی خریداری میں گھپلوں کی تحقیقات کا آغاز

    سپریم کورٹ کے احکامات پر ایف آئی اے نے پی آئی اے کے چھ ایئربس 310 طیاروں کی خریداری سے متعلق بد عنوانی کی تحقیقات کا آغاز کر دیا اور اس حوالہ سے چیف ٹیکنیکل افسر سمیت دیگر متعلقہ افسران کو ریکارڈ سمیت طلب کیا ہے.

    باغی ٹی وی کی رپورٹ کے مطابق ایف آئی اے کی جانب سے یہ تحقیقات 2004 میں ڈرائی لیز پر حاصل کردہ چھ ایئر بس300 طیاروں کے حوالے سے کی جارہی ہیں. کہا گیا ہے کہ پی آئی اے کی جانب سے 2012 میں لیز کے خاتمے پر مینٹینس کی مد میں ادا شدہ 57 ملین ڈالرزکی واپسی کا کلیم کیا جس پر ایئر بس نے کلیم کی ادائیگی کے بجائے پی آئی اے کو مذکورہ طیاروں کی ملکیت جاری کر دی. طیاروں کی یہ ملکیت مبینہ معاہدے کے تحت 32 ملین ڈالرز کے عوض جاری کی گئی ہے.

    رپورٹ میں‌ بتایا گیا ہے کہ ایئر بس نے پی آئی اے کے نام 15 ملین ڈالرز اد اکرنے کیلئے کریڈٹ نوٹ جاری کیا اور اس کریڈٹ نوٹ کی ادائیگی بھی ابھی تک پی‌ آئی اے کو نہیں‌ کی گئی ہے. یہ بھی کہا گیا ہے کہ تحقیقات میں سابق ایم ڈی کیپٹن ندیم یوسف زئی جو 2012 میں تعینات تھے، ان کا بیان ریکارڈ کر لیا گیا ہے جبکہ سابق ایم ڈی کا کہنا ہے کہ اس معاملہ کے ذمہ دار مبینہ طور پر اس وقت کے چیئرمین پی آئی اے ہیں.

    واضح‌ رہے کہ پی آئی اے کے چھ ائربس 310 طیاروں کی خریداری کے حوالے سے سپریم کورٹ آف پاکستان نے تحقیقات کا حکم دیا تھا جس پر پی آئی اے کے چیف ٹیکنیکل آفیسر اور دیگر عہدیداران کو طلب کر کے تحقیقات کی جارہی ہیں. ایف آئی اے کی طرف سے 2004سے2012 کے دوران تعینات سی ٹی او اور چیف انجینئرز کی تفصیلات بھی طلب کی گئی ہیں. اسی طرح چیف ٹیکنیکل افسرسے طیاروں کے مرمتی کام کے حوالے سے ریکارڈ بھی طلب کر لیا گیاہے۔ یاد رہے کہ پی آئی اے میں اس سے قبل بھی بے ضابطگیوں‌کے کئی واقعات سامنے آتے رہے ہیں اور قومی ایئر لائن کو کرپشن کے واقعات کے سبب شدید خسارے کا سامنا رہا ہے.

  • خوشاب میں ڈاکخانہ ملازمین کا صحافیوں‌ پر تشدد، پی ایف یو جے کا شدید احتجاج، ملزمان کی گرفتاری کا مطالبہ

    خوشاب میں ڈاکخانہ ملازمین کا صحافیوں‌ پر تشدد، پی ایف یو جے کا شدید احتجاج، ملزمان کی گرفتاری کا مطالبہ

    پی ایف یو جے کے صدر جی ایم جمالی اور سیکرٹری جنرل رانا محمد عظیم نے الیکٹرانک میڈیا ڈسٹرکٹ خوشاب کے صدر رانا ظہیر ساجد پر حملہ کی شدید مذمت کی ہے۔

    باغی ٹی وی کی رپورٹ کے مطابق پاکستان فیڈرل یونین آف جرنلسٹ (پی ایف یو جے) کے عہدیداروں نے رانا ظہیر اور ان کے ساتھیوں کے ساتھ اظہار یکجہتی کرتے ہوئے کہا کہ بزرگ پنشنرز کے مسائل حل کرنے کیلئے جانے والی صحافیوں کی ٹیم پر حملہ کر کے انہیں زخمی کرنے والے پوسٹ ماسٹر اور دیگر کے خلاف فوری مقدمہ درج کیا جائے۔ خوشاب ڈاکخانہ کے پوسٹ ماسٹر اور ان کے سٹاف نے رانا ظہیر اور ان کے سٹاف پر حملہ کر کے انہیں شدید زخمی کیا جبکہ ان کا کیمرہ بھی چھین کر توڑ دیا تھا۔ پی ایف یو جے لیڈرشپ نے مطالبہ کیا ہے کہ مقامی انتظامیہ واقعہ کا فوری نوٹس لے اور مجرموں کو فوری گرفتار کیا جائے۔ پی ایف یو جے کی قیادت نےصوباٸی حکومت سے بھی مطالبہ کیا ہے کہ وہ صحافیوں کی سکیورٹی کو یقینی بنائے۔ پی ایف یو جے کی طرح‌ دیگر صحافتی تنظیموں نے بھی خوشاب میں‌ صحافیوں‌پر حملہ کی شدید مذمت کی ہے.

    یاد رہے کہ ڈاکخانہ ملازمین نے خوشاب میں‌ صحافیوں پر حملہ کر کے 3 صحافی زخمی کر دیے ہیں جس پر صحافتی برادری سراپا احتجاج ہے.

  • خوشاب میں‌ ڈاکخانہ ملازمین کا کوریج کرنے والی صحافیوں‌ کی ٹیم پر حملہ، بدترین تشدد سے 3 زخمی، کیمرے توڑ ڈالے

    بزرگ پنشنرز کے مسائل حل کرنے کیلئے ڈاک خانہ خوشاب جانے والی میڈیا ٹیم پر ڈاکخانہ ملازمین نے بدترین تشدد کیا اور ان کے کیمرے توڑ‌ڈالے.

    باغی ٹی وی کی رپورٹ‌ کے مطابق ڈاک خانہ ملازمین کے تشدد سے سماء ٹی وی کے رانا ظہیر، آپ نیوز کے ستار مرزا اور ہم نیوز کے وقاص‌ شامل ہیں. زخمی صحافیوں‌ کو ڈی ایچ کیو ہسپتال جوہر آباد میں‌ داخل کروا دیا گیا ہے. خوشاب میں‌پیش آنے والے اس واقعہ کی جوہر آباد خوشاب سمیت ملک بھر کی تمام صحافتی تنظیموں نے شدید مذمت کی ہے اور صحافیوں پر بلاوجہ بہیمانہ تشدد کرنے والے ڈاکخانہ ملازمین کے خلاف کاروائی کا مطالبہ کیا ہے.

    رانا ظہیر جو اس واقعہ میں‌بری طرح زخمی ہوئے ہیں. خوشاب میں‌الیکٹرونک میڈیا کے صدر ہیں‌. وادی سون پریس کلب کے عہدیداران الطاف چغتائی، ملک احمد سعید اعوان اور ملک زاہد فاروق اعوان و دیگر نے اس افسوسناک واقعہ کی سخت مذمت کرتے ہوئے ڈی سی او خوشاب سے فوری کاروائی کا مطالبہ کیا ہے.

    پی ایف یو جے اور پاکستان میڈیا کونسل نے بھی اس واقعہ کی شدید مذمت کی ہے.

  • 27 ویں‌ شب، مسجد الحرام میں‌ 20 لاکھ سے زائد فرزندان توحید کی عبادت، عالم اسلام کیلئے خصوصی دعائیں

    27 ویں‌ شب، مسجد الحرام میں‌ 20 لاکھ سے زائد فرزندان توحید کی عبادت، عالم اسلام کیلئے خصوصی دعائیں

    مکہ مکرمہ میں‌ مسجد الحرام میں‌ 27ویں رمضان المبارک کی شب تراویح اور قیم اللیل کے موقع پر 20 لاکھ سے زائد افراد نے عبادت کی سعادت حاصل کی.

    باغی ٹی وی کی رپورٹ‌ کے مطابق سعودی عرب میں‌ حرمین شریفین پریزیڈنسی کی طرف سے جاری کردہ اعداد وشمار میں بتایا گیا ہے کہ 27 رمضان المبارک کی شب مسجد حرام میں عبادت کے لیے روزہ داروں کی آمد کا سلسلہ عصر کے بعد شروع ہو گیا تھا جو کہ رات گئے تی جاری رہا۔ افطاری اور مغرب کی نماز سے قبل مسجد حرام زائرین، معتمرین اور نمازیوں سے مکمل طور پر بھر گئی تھی۔ سعودی حکام کی جانب سے نمازیوں‌ کی معاونت اور ان کی سہولت کے لیے 12 ہزار سے زیادہ رضا کار تعینات کیے گئے ہیں جو 24 گھنٹے اپنے اپنے اوقات میں فرائض انجام دے رہے ہیں۔

    رپورٹ‌میں‌کہا گیا ہے کہ مسجد الحرام میں معتکفین اور عمومی نمازیوں کے لیے آب زمزم کے 25 ہزار کولر فراہم کئے گئے ہیں‌ جبکہ اسی طرح مسجد نبوی میں بھی وسیع انتظامات کئے گئے ہیں‌ جہاں 16 ہزار کولر کے ذریعے مکہ سے سیکڑوں میل دور بھی آب زمزم کی فراہمی کو یقینی بنایا گیا ہے۔ مطاف اور مسجد حرام کے بیرونی احاطے کی صفائی کے لیے 4000 افراد پر مشتمل صفائی کا عملہ تعینات کیا گیا ہے۔ مسجد حرام میں معتکفین کے لیے 3500 الماریاں فراہم کی گئی ہیں جب کہ مسجد نبوی میں 16 ہزار قالین بچھائے گیئے ہیں۔

    27 ویں‌ رمضان کی شب حرمین پریذیڈنسی کی ویب سائٹ پر فرزندان توحید کی عبادت میں خشوع وخضوع اور اللہ کے دربار میں گریہ زاری کی پیشہ وارانہ معیار کی حامل تصاویر میں مسجد حرام میں روحانیت اور بیت اللہ شریف کے حسن وجمال کو نمایاں دیکھا جا سکتا ہے۔ لاکھوں افراد کی موجودگی میں نظم وضبط اور صفوں کی تیاری کے مناظر بھی ان تصاویر کے حسن کو دوبالا کر رہے ہیں۔

    باغی ٹی وی کی رپورٹ‌ کے مطابق مسجد حرام میں معتکفین اور معتمرین کی رہ نمائی کے لیے 11 گائیڈ سروس فراہم کی گئی ہیں جب کی مسجد حرام کے 74 اضافی دروازے کھولے گئے ہیں۔ اس وقت مسجد حرام کے کل کھلے دروازوں‌ کی تعداد 170ہو گئی ہے۔ مسجد نبوی کے 100 دروازے کھولے گئے ہیں۔ مسجد کےاندر ضروری کاموں کے لیے 250 ملازمین تعینات ہیں۔

    یاد رہے کہ مسجد الحرام میں سعودی عرب کی جانب سے عمرہ کی سعادت حاصل کرنے کی خاطر دنیا بھر سے آنے والے زائرین کی خدمت کیلئے بہترین انتظامات کئے جاتے ہیں. امسال بھی وسیع پیمانے پر انتظامات کئے گئے ہیں جنہیں‌ دیکھ کر کوئی بھی دا د دیے بغیر نہیں‌ رہ سکتا.