Category: اہم خبریں

توشہ خانہ کیس محفوظ فیصلہ سنا دیا گیا

چئیرمین تحریک انصاف عمران خان کے خلاف توشہ خانہ کیس قابل سماعت قرار دے دیا گیا، عمران خان کی درخواست مسترد کر دی گئی، ایڈیشنل سیشن جج ہمایوں دلاور نے محفوظ فیصلہ سنا دیا

توشہ خانہ کیس قابلِ سماعت قرار،آج سماعت ملتوی کرنے کی درخواست مسترد کردی گئی ،12 جولائی کو توشہ خانہ کیس سماعت کے لیے مقرر کر دیا گیا، عدالت نے توشہ خانہ فوجداری کیس کے ٹرائل کیلئے گواہان کو طلب کر لیا ،12 جولائی سے توشہ خانہ ٹرائل کا آغاز ہو گا

چیئرمین پی ٹی آئی عمران خان کے خلاف توشہ خانہ کیس کی سماعت ہوئی ،عمران خان اور اس کے وکیل عدالت پیش نہ ہوئے، توشہ خانہ فوجداری کارروائی کیس میں عمران خان کے وکلا آج پھر دلائل نہیں دینا چاہتے سیشن کورٹ نے 11:30 کا وقت دے دیا "جج نے ریمارکس دیتے ہوئے کہا کہ دلائل دیں نہیں تو فیصلہ کر دیں گے جتنا عدالت اس کیس میں تحمل کا مظاہرہ کر رہی ہے اتنا تاریخ میں نہیں ہوا 27 سماعتوں میں عمران خان ایک دفعہ بھی پیش نہیں ہوئے ” کوئی ایک سماعت بتا دیں جس میں عمران خان پیش ہوئے ہوں،

چیئرمین پی ٹی آئی کی جانب سے حاضری سے استثنیٰ کی درخواست دائر کی گئی الیکشن کمیشن کے وکیل سعد حسن نے استثنیٰ کی درخواست پر اعتراض اٹھا دیا۔ پی ٹی آئی کے وکیل گوہر علی خان نے آج سماعت ملتوی کرتے ہوئے کہا کہ چیئرمین پی ٹی آئی کو ضلعی کچہری میں پیشی پر سیکیورٹی خدشات ہیں سیشن عدالت نے ایک روز میں 3،3درخواستوں پر بھی فیصلے کیے

سیشن جج نے ریمارکس دیتے ہوئے کہا کہ گزشتہ 3 روز میں ایک بار بھی وکیل خواجہ حارث پیش نہیں ہوئے انڈر ٹیکنگ آپ نے دی کہ خواجہ حارث پیش ہوں گے توشہ خانہ کیس میں آپ کیلئے عدالت بہت نرم رویہ رکھ رہی ہے اتنے نرم رویے کی مثال اور کہیں نہیں ملتی ، دلائل دیں ورنہ الیکشن کمیشن کے وکیل کو سن کر ساڑھے 11بجےفیصلہ کر دوں گا

کرپٹ پریکٹس سنگین جرم ہے جس کی سزا جیل بھی ہے،وکیل الیکشن کمیشن
چیئرمین پی ٹی آئی کے خلاف توشہ خانہ فوجداری کارروائی سے متعلق کیس کی سماعت دوبارہ آغاز ہوا،الیکشن کمیشن کے وکیل امجد پرویز کی جانب سے دلائل کا سلسلہ شروع ہوا،امجد پرویز کی جانب سے مختلف فیصلوں کا حوالہ دیا گیا، وکیل الیکشن کمیشن نے کہا کہ الیکشن کمیشن کی آئینی زمہ داری ہےکہ کرپٹ پریکٹس کے خلاف کاروائی کرے،چیرمین پی ٹی آئی کے وکلاء کو دائر شکایت کے حوالے سے غلط فہمی ہوئی ہے،کسی پر لگا جرم کبھی مرتا نہیں ،جرم ثابت ہوتا ہے یا نہیں؟اس کا فیصلہ ٹرائل کے بعد ہوگا،کرپٹ پریکٹس سنگین جرم ہے جس کی سزا جیل بھی ہے،قانون کے مطابق جرم کی کوئی ایکسپائری ڈیٹ نہیں ہوتی

وکیل الیکشن کمیشن نے کہا کہ الیکشن کمیشن نے سابق وزیراعظم کا ٹیکس ریکارڈ طلب کیا، اسپیکر قومی اسمبلی کے بھیجے گئے ریفرنس کی بنیاد پر کاروائی کو عمل میں لایا گیا،ثابت ہوا کہ چیرمین پی ٹی آئی نے توشہ خانہ سے تحائف لیے لیکن ظاہر نہیں کیا،چیرمین پی ٹی آئی نے اعتراف کیا کہ توشہ خانہ سے تحائف لیے،وکیل امجد پرویز نے کہا کہ بیرسٹر علی گوہر اس کیس میں پہلے دن سے پیش ہورہے ہیں ۔یہ عدالت میں ملزم کی نمائندگی کررہے ہیں ۔ان کا یہ کہنا کہ خواجہ حارث کریں گے یہ کیس کو طول دینے کی سوا کچھ نہیں۔ بیرسٹر گوہر نے کہاکہ ملزم کا حق ہوتا ہے کہ کونسا وکیل اس کی نمائندگی کرے ۔عدالت ہمیں دلائل کیلئے پیر تک کا وقت دے ۔ہمارا حق ہے کہ عدالت ہمیں سنے ۔اسلام آباد ہائیکورٹ کے فیصلے کے مطابق بھی مزید چار دن کا وقت ہے ۔

عدالت نے ریمارکس دیتے ہوئے کہا کہ خواجہ حارث بڑے وکیل ہیں انھیں آنا چاہیئے تھا ۔ اس کیس پر پورے پاکستان کی نظر ہے ۔ عدالت لوگوں کی نظروں کو بالائے تاک رکھتے ہوئے فیصلہ کرے ۔ بیرسٹر گوہر کا کہنا تھا کہ خواجہ حارث لاہور میں ہیں پیر تک کا وقت دے دیا جائے ۔

دوسری جانب عمران خان نے توشہ خانہ ریفرنس ٹرائل کورٹ منتقل کرنے کا اسلام آباد ہائیکورٹ کا فیصلہ سپریم کورٹ میں چیلنج کر دیا ہے عمران خان کی جانب سے سپریم کورٹ میں دائر درخواست میں موقف اختیار کیا گیا ہے کہ اسلام آباد ہائیکورٹ کے سنگل ممبر بنچ نے توشہ خانہ کیس ٹرائل کورٹ کو بھجوایا ٹرائل کورٹ کے جج نے چیئرمین پی ٹی آئی کیخلاف دوران حراست فرد جرم عائد کی، اسلام آباد ہائیکورٹ کا توشہ خانہ مقدمہ واپس اسی جج کو بھیجنا بدنیتی ہے الیکشن کمیشن کی فوجداری کارروائی کی درخواست قابل سماعت قرار دینا خلاف قانون ہے ڈسٹرکٹ جج میانوالی کے اختیارات اسلام آباد کے ڈسٹرکٹ جج استعمال نہیں کر سکتے

قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

10جولائی تک فیصلہ کرنا ہے،آپ کو 7 اور 8 جولائی کے دو دن دیئے جا رہے ہیں 

اسلام آباد ہائیکورٹ سے سابق وزیراعظم عمران خان کی گرفتاری کے معاملے پر سپریم کورٹ نے تحریری فیصلہ جاری کردیا۔ جس میں کہا گیا کہ چیئرمین پی ٹی آئی کی احاطہ عدالت سے گرفتاری بنیادی حقوق کی بھی خلاف ورزی ہے۔ سپریم کورٹ کا تفصیلی فیصلہ 22 صفحات پر مشتمل ہے، فیصلہ چیف جسٹس عمر عطاء بندیال کی سربراہی میں 3 رکنی بینچ نے جاری کیا۔ جسٹس محمد علی مظہر نے فیصلے سے اتفاق کرتے ہوئے علیحدہ وجوہات جاری کرنے کا نوٹ بھی لکھا۔

صحافی افضل جاوید کے مطابق فیصلے میں لکھا گیا کہ پولیس حکام، تحقیقاتی ایجنسی احاطہ عدالت سے گرفتاری سے پرہیز کریں، احاطہ عدالت سے گرفتاری عدالت کی عزت و تکریم اور وقار کی خلاف ورزی ہے، احاطہ عدالت سے گرفتاری شہریوں کی بنیادی حقوق کی بھی خلاف ورزی ہے، عدالتوں کو لوگ اپنے لیے محفوظ سمجھ کر انصاف حاصل کرنے آتے ہیں ، چیٸرمین پی ٹی آٸی اسلام آباد ہاٸیکورٹ میں سرینڈر کر چکے تھے۔ عدالت نے اپنے فیصلے میں لکھا کہ چیٸرمین پی ٹی آٸی سے پوچھا گیا کہ کیا وہ خود کو نو مٸی کے واقعات سے لاتعلقی ظاہر کرتے ہیں، سابق وزیراعظم نے جواب دیا وہ گرفتار تھے۔ معلوم نہیں کہ ملک میں کیاہوا، انہوں نے یقین دہانی کرواٸی کہ بھی کارکنوں کو تشدد پرنہیں اکسایا، چیٸرمین پی ٹی آئی نے یقین دہانی کرواٸی کہ وہ ملک میں امن چاہتے ہیں۔

فیصلے میں کہا گیا کہ چیئرمین پی ٹی آئی نے القادر ٹرسٹ کیس میں ضمانت قبل از گرفتاری کے لیے ہائیکورٹ سے رجوع کیا، چئیرمین پی ٹی آئی القادر ٹرسٹ سمیت ایک اور کیس کے لیے ہائیکورٹ پہنچے تھے، ہائیکورٹ میں بائیو میٹرک کے وقت رینجرز نے ڈائری برانچ میں زبردستی گھس کر چیئرمین پی ٹی آئی کو گرفتار کیا، رینجرز نے 9 مئی کو ہائیکورٹ کے احاطے میں شیشے توڑے، وکلا اور عملے کو تشدد کا نشانہ بنایا۔ سپریم کورٹ کے تحریری فیصلے مزید میں لکھا کہ اسلام آباد ہائیکورٹ کے چیف جسٹس نے 9 مئی کو چیئرمین پی ٹی آئی کی گرفتاری کے واقعے کا نوٹس لیا، ہائیکورٹ کے چیف جسٹس نے گرفتاری کے طریقے کو غلط لیکن گرفتاری کو قانونی قرار دیا۔

فیصلے میں کہا گیا ہے کہ چیئرمین پی ٹی آئی نے گرفتاری غیر قانونی قرار دینے کے لیے سپریم کورٹ سے رجوع کیا، عدالتی حکم پر ساڑھے چار بجے چیئرمین پی ٹی آئی کو عدالت میں پیش کیا گیا، عدالت نے 9 مئی کے واقعات پر بیان کے لیے چیئرمین پی ٹی آئی کو روسٹرم پر آنے کی اجازت دی۔ عدالتی فیصلے میں یہ بھی کہا گیا کہ چیئرمین پی ٹی آئی نے گرفتاری کے بعد کے واقعات سے لا علمی کا اظہار کیا، عدالت نے پوچھا کہ کیا وہ 9 مئی کے واقعات کی مذمت کرتے ہیں، چیئرمین پی ٹی آئی نے یقین دہانی کرائی اور کہا کبھی اپنے چاہنے والوں کو تشدد پر نہیں اکسایا۔

سپریم کورٹ کے تحریری فیصلے میں لکھا گیا کہ درخواست گزار نے اسلام آباد ہائیکورٹ کے احاطے سے گرفتاری پر مایوسی کا اظہار کیا، نیب پراسیکیوٹر اور اٹارنی جنرل کو سننے کے فوری بعد مختصر حکم جاری کیا گیا، مختصر حکم میں چیئرمین پی ٹی آئی کی گرفتاری کے وارنٹ کو غیر قانونی قرار دیا گیا۔ فیصلے میں مزید کہا گیا کہ چیئرمین پی ٹی آئی کو پولیس گیسٹ ہاؤس میں نامزد لوگوں سے ملاقات کی اجازت دی گئی، احاطہ عدالت سے گرفتار کر کے انصاف کے حصول کے بنیادی حق کو پامال کیا گیا، طے شدہ اصول ہے کہ عدالتی وقار اور تقدس کی پاسداری سب پر لازم ہے، لوگ اس یقین دہانی پر عدالتوں آتے ہیں کہ آزادانہ ماحول اور شفاف انصاف ملے گا۔

تحریری فیصلے میں کہا گیا کہ ہائیکورٹ میں پیش ہو کر بائیو میٹرک تک چئیرمین پی ٹی آئی نے عدالت کے سامنے سرنڈر کر دیا تھا، جس طریقے سے گرفتاری ہوئی ہائیکورٹ کی اتھارٹی اور تقدس کو پامال کیا گیا، اس سے قبل احاطہ عدالت سے گرفتاری پر سپریم کورٹ توہین عدالت کی کارروائی کر چکی ہے، عدالت کی صوابدید ہے کہ توہین عدالت کی کارروائی کرے یا اس سے احتراز برتے۔ سپریم کورٹ کے فیصلے میں کہا گیا ہے کہ ہائیکورٹ نے اپنے تقدس کو شہری کے انصاف کے حصول کے بنیادی حق پر ترجیح دی، ہائیکورٹ انصاف کے تقاضوں کو پورا کرنے کے لیے حفاظتی ضمانت دے سکتی ہے، اگر چیئرمین پی ٹی آئی کی گرفتاری قانونی قرار دی جاتی تو القادر ٹرسٹ میں دائر ضمانت کی درخواست غیر مؤثر ہو جاتی۔
مزید یہ بھی پڑھیں؛
بہکی بہکی باتیں،عمران کی ذہنی حالت تشویشناک، مبشر لقمان کا اہم ویلاگ
آئی سی سی ورلڈ کپ سے پہلے دوسرا بڑا اپ سیٹ ہو گیا
عمران خان کیخلاف مقدمات کی تفصیلات فراہمی تک کاروائی روکی جائے، وکیل
یونان کشتی حادثہ کے بعد کاروائیاں،35 انسانی سمگلرز گرفتار
نومئی واقعات،خواتین کا فوجی عدالتوں میں ٹرائل نہیں ہو گا
سویڈن واقع پر سپریم کورٹ بار ایسوسی ایشن آف پاکستان نے فارن آفس میں مذمتی قرارداد جمع کرا دی
عدالتی فیصلے میں یہ بھی کہا گیا کہ اگر سابق وزیراعظم کی گرفتاری قانونی قرار دی جاتی تو آئندہ احاطہ عدالت سے گرفتاری معمول بن جاتی، عدالت گرفتاری کی توثیق کرتی تو پولیس اور قانون نافذ کرنے والے ادارے احاطہ عدالت کو ملزمان کے شکار کا گڑھ بنا لیتے، پولیس سمیت قانون نافذ کرنے والے اداروں کو ملزمان کے ساتھ احاطہ عدالت میں بدتمیزی کی اجازت مل جاتی، سپریم کورٹ نے آرٹیکل 4، 9 اور 10 اے کے بنیادی حقوق کے تحفظ کے لیے گرفتاری غیر قانونی قرار دی۔ سپریم کورٹ نے چیئرمین پی ٹی آئی کی گرفتاری کا اسلام آباد ہائیکورٹ کا وارنٹ غیر قانونی قرار دے کر انہیں رہا کردیا تھا۔

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ

مبشر لقمان آفیشیل یوٹیوب چینل پر بات کرتے ہوئے مبشر لقمان کا کہنا تھا کہ سب سے پہلی بات یہ ہے کہ کوئی بھی شخص خود کشی کرتا ہے سوچیں وہ کیسے کرتا ہو گا، کتنی دیر اس فیصلے پر عمل کرنے کے لئے سوچا ہو گا، کتنی دیر ارد گرد ، دوست، احباب بارے سوچا ہو گااور پھر کتنا مجبور ، جہانگیر ترین کے بھائی کی خود کشی، افسوسناک واقعہ ہے،ایک تحریر بھی ملی جس میں انہوں نے بیماری کا حال لکھا، اس میں لکھا کہ نہ سویا جاتا ہے نہ بیٹھا جاتا ہے کافی تکلیف میں ہوں، مبشر لقمان کا کہنا تھا کہ لوگ بغیر پیسوں کے بھی صحتمند اور اچھی زندگی گزار رہے ہیں اور یہ بدنصیبی دیکھیں کہ دنیا کی ساری نعمتیں اور پھربھی زندگی کی بجائے موت کو ترجیح دی، اللہ عالمگیر ترین کی مغفرت کرے اور لواحقین کو صبر جمیل دے، ایسی موت انسان کی کمر توڑ دیتی ہے ، جانے والا چلا جاتا ہے لیکن پیچھے والے تکلیف میں ہوتے ہیں، اللہ رحم کرے.

مبشر لقمان کا ایک سوال کے جواب میں مزید کہنا تھا کہ عمران خان کی دماغی حالت پر مجھے شک ہونا شروع ہو گیا ہے، حکومت کس کی تھی پنجاب میں جو وہ الزام لگا رہا، اپنا وزیراعلیٰ، اپنا آئی جی، اپنا ہوم منسٹر، اس واقعہ کی تحقیقات کیوں نہیں ہوئی، کوئی علاقہ غیر تو نہیں یہ،کوئی کوشش کی انہوں نے، کتنی دیر تک انکی حکومت رہی اور پھر کہہ دیا کہ ہیلی کاپٹر کے فیول کی مکسنگ کی گئی، وزیراعلیٰ کا ہیلی کاپٹر ہے اس میں مسنگ کون کر سکتا ہے؟ چیف منسٹر کا اپنا عملہ کرے گا یا سیکورٹی والے، اس وقت تحقیقات ہوئیں، آپ بولتے رہیں گے اور لوگ سنتے رہیں گے؟ تین دن بعد پھر عمران خان بونگی مارے گا کہ جنرل باجوہ نے مجھے کملپین سے روکا، انکوائری سے کون روکتا ہے؟ اب تو اپنوں کی بھی سمجھ آ جانی چاہئے کہ وہ کر کیا رہا ہے

مبشر لقمان کا مزید کہنا تھا کہ قرآن کی آیتوں کا غلط ترجمہ کرنا شروع کر دیا،یہ کر کیا رہا ہے؟ نیٹ فلکس پر کوئی فلم دیکھتا ہے اور اگلے دن پوری کی پوری فلم اسکی تقریر کا حصہ بن جاتی ہے، میں نے بہت پہلے کہا تھا کہ عمران خان کو گرفتار ہونا چاہئے، پتہ نہیں یہ اپنے ساتھ کیا کر لے، اسکو پکڑ کر بیٹھنا پڑے گا، جب جب سے عمران خان نے کہا مجھے خوشی ہے، پھر روتا ہے، جب بھی اس نے کہا یہ میں نہیں کروں گا، وہ کر لیتا ہے،

ہوشیار۔! آدھی رات 3 بڑی خبریں آگئی

زمان پارک کی جادوگرنی، عمران پر دس سال کی پابندی حسان نیازی کہاں؟ پتہ چل گیا

لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو

الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

اینکر پرسن مبشر لقمان اوورسیز پاکستانیوں کی آواز بننے کے لئے میدان میں آ گئے

باغی ٹی وی کی رپورٹ کے مطابق عمران خان کی گرفتاری کے بعد لاہور سمیت دیگر شہروں میں فوجی تنصیبات پر حملے کرنیوالے شرپسندوں کا ٹرائل فوجی عدالتوں میں کرنے کا فیصلہ کیا گیا تھا، اس ضمن میں شرپسندوں کی لسٹ بھی جاری کی گئی تھی جن کا فوجی عدالتوں میں ٹرائل ہو گا، اب اطلاعات ہیں کہ فوجی تنصیبات پر حملوں میں ملوث خواتین اور اٹھارہ برس سے کم عمربچوں کا فوجی عدالتوں میں ٹرائل نہیں ہو گا،

فوجی عدالتوں میں جن شرپسندوں کا ٹرائل ہو گا، ان ملزمان کے خاندان کو ہفتے میں ایک روز ملنے کی اجازت ہوگی چیئرمین پی ٹی آئی عمران خان کا کیس بھی فوجی عدالت میں لانے پرغور کیا جارہا ہے جبکہ اس سلسلے میں بعض وزرا کی رائے ہے کہ عمران خان کا کیس عدالتوں میں ہی چلایا جائے

ب ملٹری کورٹس میں کن کن افراد کے مقدمے چلیں گے، انکی فہرست باغی ٹی وی نے حاصل کر لی ہے، ملٹری کورٹس میں 59 افراد کا کیس چلے گا جو ملک بھر میں فوجی تنصیبات پر حملوں میں ملوث ہیں،

باغی ٹی وی کی ملنے والی فہرست کے مطابق نومئی کو ہنگامہ آرائی کرنیوالے شرپسندوں میں سے پنجاب کے صوبائی دارالحکومت لاہور سے 48 شرپسندوں کا مقدمہ ملٹری کورٹ میں چلے گا، پنڈی سے آٹھ، میانوالی سے پانچ، فیصل آباد سے آٹھ اور گوجرانوالہ سے دس شرپسندوں کا مقدمہ فوجی عدالت میں چلے گئے، فوجی عدالت میں ٹرائل کے لئے بھجوائے گئے ناموں میں تحریک انصاف کے رہنما محمود الرشید کے داماد اکرم عثمان، عباد فاروق کا نام بھی شامل ہے، سترہ افراد کے خلاف سرور روڈ تھانے میں مقدمہ درج ہے جنکا کیس فوجی عدالت منتقل کیا گیا،جن میں ارسلان، عمیر ، رحیم،ضیا، وقاص،رئیس، فیصل ،بلاول،فہیم،میاں محمد اکرم، حاشر خان،حسن شاکر،عبدالہادی،میاں عباد فاروق،ارزم جنید شامل ہیں

واضح رہے کہ سانحہ نو مئی کے شرپسندوں کے خلاف فوجی عدالتوں میں ٹرائل ہو رہا ہے جس پر تحریک انصاف نے فوجی عدالتوں کے خلاف اب سپریم کورٹ میں درخواست دائر کر رکھی ہے،

سپریم کورٹ میں سویلین کے فوجی عدالتوں میں ٹرائل کیخلاف اعتزاز احسن نے درخواست دائر کی ، دائر درخواست میں سویلین کا فوجی عدالتوں میں ٹرائل کو غیر آئینی قرار دینے کی استدعا کی گئی،اعتزاز احسن کی طرف سے وکیل سلمان اکرم راجہ نے درخواست دائر کی، سپریم کورٹ میں دائر درخواست میں استدعا کی گئی کہ وفاقی حکومت کے فوجی عدالتوں میں ٹرائل کا فیصلہ کالعدم قرار دیا جائے۔ وفاقی حکومت نے فوجی عدالتوں میں ٹرائل کے کور کمانڈر فیصلہ پر رپڑ اسٹمپ کا کردار ادا کیا۔سویلین کا ٹرائل آرمی ایکٹ کے سیکشن 2 اور 59 آئین سے متصادم ہیں آرمی ایکٹ قانون کے سیکشن 2 اور 59 کو کالعدم قرار دیا جائے آرمی ایکٹ کا سیکشن 94 اور 1970 کے رولز غیر مساوی ہے۔سیکشن 94 اور رولز کا بھی غیرآئینی قرار دیا جائے انسداد دہشت گرد عدالتوں کے ملزمان کو عسکری حکام کے حوالے کرنے کا فیصلہ کالعدم قرار دیا جائے، عسکری حکام کے حراست میں دئیے سویلین کی رہائی کا حکم دیا جائے ،سپریم کورٹ میں دائر درخواست میں شہباز شریف، خواجہ آصف، رانا ثناءاللہ، عمران خان، پانچوں آئی جیز، تمام چیف سیکرٹریز، وزارت قانون، داخلہ، دفاع، کابینہ ڈویژن کو فریق بنایا گیا ہے

 کسی سویلین کا ٹرائل ملٹری کورٹ میں نہیں ہونا چاہیے

کرپشن کا ماسٹر مائنڈ ہی فیض حمید ہے

برج کھیل کب ایجاد ہوا، برج کھیلتے کیسے ہیں

عمران خان سے اختلاف رکھنے والوں کی موت؟

حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر

برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے

کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس

وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟

9 مئی کے بعد زمان پارک کی کیا حالت ہے؟؟

واضح رہے کہ تحریک انصاف کے چیئرمین عمران خان کی گرفتاری کے بعد ملک بھر میں جلاؤ گھیراؤ ہوا، تحریک انصاف کے کارکنان کی جانب سے فوجی تنصیبات پر حملے کئے گئے، حکومت کی جانب سے فیصلہ ہواکہ حملے کرنیوالے تمام شرپسندوں کے مقدمے ملٹری کورٹ میں چلائے جائیں گے ,تحریک انصاف کے چیئرمین عمران خان کی گرفتاری کے بعد ملک بھر میں ہونے والے جلاؤ گھیراؤ،ہنگامہ آرائی میں ملوث افراد دن بدن بے نقاب ہو رہے ہیں، واقعات میں ملوث تمام افراد کی شناخت ہو چکی ہے ،جناح ہاؤس لاہور میں حملہ کرنیوالے ایک اور شرپسند کی ویڈیو سامنے آئی ہے جس میں شرپسند نے اعتراف جرم کرتے ہوئے بتایا کہ وہ تحریک انصاف کا کارکن اور قیادت کے کہنے پر حملہ کیا ہے،

تحریک انصاف کے کارکن شرپسند عاشق خان کو گرفتار کیا تھا جو جناح ہاؤس جلاؤ گھیراؤ میں ملوث تھا، عاشق خان نے جلاؤ گھیراؤ کے دوران نہ صرف پاک فوج کے خلاف نعرے لگائے بلکہ کارکنان کو حملے کے لئے بھی اکسایا، عاشق خان نے حملے کے لئے لوگوں کا کہا کہ میں کورکمانڈر ہاؤس کی جانب گامزن ہوں اس پر حملہ کریں، عاشق نے اعتراف کیا کہ چیئرمین تحریک انصاف عمران خان کی گرفتاری پر زمان پارک میں طے ہوا تھا کہ کورکمانڈر ہاؤس پر حملہ کرنا ہے حملے کی ہدایات ہمیں زمان پارک میں پہلے سے ملتی رہیں، جب سے پی ٹی آئی کی حکومت گئی پاک فوج کے خلاف ہماری ذہن سازی کی جاتی رہی تھی ہمارے ذہن میں فوج کے خلاف نفرت کو ابھارا جاتا رہا ہمارے ذہنوں میں فوج کیلئے نفرت بھری گئی ۔ یہی سوچ ہمیں کورکمانڈر ہاؤس لے گئی اور ہم حملہ آور ہو گئے

جناح ہاؤس حملے میں مبینہ طور پر پی ٹی آئی کی قیادت ملوث ہے واقعہ کے بعد پی ٹی آئی رہنماؤں کی آڈیو بھی لیک ہوئی تھیں، کل بھی ایک شرپسند کا ویڈیو بیان سامنے آیا تھا جس میں شرپسند نے اپنے جرم کا اعتراف کیا حاشر درانی کا تعلق بھی لاہور سے ہی تھا اور اس نے ویڈیو بیان میں کہا کہ جناح ہاؤس میں دوران حملہ میں انقلاب کے نعرے لگاتا رہا جس میں انقلاب مبارک ہو اور آزادی مبارک ہو کے نعرے شامل تھے

جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

سیاسی مفادات کے لئے ملک کونقصان نہیں پہنچانا چاہئے

نواز شریف کو سزا سنانے والے جج محمد بشیر کی عدالت میں عمران خان کی پیشی 

 لیگل ٹیم پولیس لائن گئی تو انہیں عدالت جانے سے روک دیا گیا

غیر ملکی سفارت خانوں نے اپنے شہریوں کو محتاط رہنے کی ہدایت کر دی 

جی ایچ کیو حملے میں پی ٹی آئی خواتین رہنماوں کا کردار,تحریک انصاف کی صوبائی رکن فرح کی آڈیو سامنے آئی ہے،

جناح ہاؤس میں سب سے پہلے داخل ہونے والا دہشتگرد عمران محبوب اسلام آباد سے گرفتار 

باغی ٹی وی کی رپورٹ کے مطابق تحریک انصاف کے چیئرمین عمران خان کی حکومت جانے کے بعد سے عمران خان کبھی امریکہ کے خلاف بیان دیتے رہے تو کبھی جنرل ر باجوہ کے خلاف کبھی حکومت جانے کا ذمہ دار محسن نقوی کو قرار دیتے رہے ، عمران خان اپنے کسی ایک بھی بیان پر قائم نہ رہے، اب عمران خان کے اوپر اپنی موت کا بھوت سوار ہے، وہ اپنی گفتگو میں کبھی کہتے ہیں کہ مجھ پر گولیان برسائی گئیں، کبھی کہتے ہیں ہیلی کاپٹر خراب کرنے کی کوشش کی گئی، کبھی کچھ اور کبھی کچھ کہتے ہیں، اب ان پر مقدمے بن چکے ہیں وہ شامل تفتیش نہیں ہو رہے اور ایک ہی رٹ لگائی ہوئی ہے کہ انکی جان کو خطرہ ہے

عمران خان کی گفتگو اور انکی حالت کے حوالہ سے اینکر غریدہ فاروقی نے سماجی رابطے کی ویب سائٹ ٹویٹر پر ٹویٹ کی ہے کہ یہ اہم اور انتہائی موزوں وقت ہے کہ پاکستان میں اس موضوع پر گفتگو کی جائے کہ پی ٹی آئی کے سربراہ عمران خان کی ذہنی حالت کو درپیش چیلنجز کیا ہیں۔ یہ ایسا موضوع ہے جس پر گفتگو سے نہ تو ہچکچانا چاہئیے نہ خوف کھانا چاہئیے۔

غریدہ فاروقی کہتی ہیں کہ کیونکہ کئی واقعات سے اب یہ بات ثابت شدہ ہو گئی ہے کہ عمران خان ایک شدید ذہنی بیماری (persecutory delusion) کا شکار ہو چکے ہیں کیونکہ وہ ہر وقت خوف کا شکار رہتے ہیں اور انہیں لگتا ہے کہ ہر ایک انہیں مارنے یا نقصان پنچانے کا ارادہ رکھتا ہے مثلاً ہیلی کاپٹر، راکٹ لانچر، آئی جی اسلام آباد کا کِلر سکواڈ، آئی جی لاہور کا کِلر سکواڈ، ڈرٹی ہیری، جاوید، نامعلوم افراد وغیرہ وغیرہ جیسے بوگس بے بنیاد الزامات۔۔۔ لیکن اگر نفسیاتی اعتبار سے ان الزامات کا جائزہ لیا جائے تو یہ سنگین ذہنی بیماری معلوم ہوتی ہے۔

غریدہ فاروقی کہتی ہیں کہ چونکہ عمران خان کا دعوی ہے کہ وہ سب سے “مقبول ترین” رہنما ہیں اس لیے یہ اور بھی ضروری ہو جاتا کہ خان صاحب نہ صرف خود بلکہ اُن سے محبت کرنے والے بھی ان کی ذہنی حالت کا خیال رکھیں تاکہ وہ جس “حقیقی آزادی” کا خواب رکھتے ہیں وہ بھی تو پورا ہو سکے ۔۔۔ عمران خان کے قریبی لوگوں سے درخواست کرنی چاہیے کہ اگر خان صاحب اپنی اس ذہنی بیماری سے انکاری بھی ہوں اور علاج کے لیے آمادہ نہ بھی ہوں تو بھی اُن کے علاج کے لیے کوشش ضرور کریں کیونکہ یہ مشکل ضرور ہے مگر ناممکن نہیں ۔۔

تنزیلہ مظہر نے ٹویٹ کرتے ہوئے کہا کہ عمران خان کے دو مسئلے نفسیاتی بیماری بن چکے ہیں اوپ سمجھتے ہیں کہ سچ وہ ہے جو وہ کہتے ہیں اور دوسرا وہ ہر وقت سوچتے رہتے ہیں کہ کوئی ان کو نقصان پہنچانا چاہتا ہے اس کی مثال گزشتہ ڈیڑھ سال میں ان کی جانب سے مختلف شخصیات پر لگائے جانے والے الزامات ہیں کہ یہ تمام ان کو مارنا چاہتے ہیں ۔ نفسیات میں اس دوسرے مسئلے کو پیرا سیکاٹری ڈیلوژن کہتے ہیں ۔

عمران خان کے دو مسئلے نفسیاتی بیماری بن چکے ہیں اوپ سمجھتے ہیں کہ سچ وہ ہے جو وہ کہتے ہیں اور دوسرا وہ ہر وقت سوچتے رہتے ہیں کہ کوئی ان کو نقصان پہنچانا چاہتا ہے اس کی مثال گزشتہ ڈیڑھ سال میں ان کی جانب سے مختلف شخصیات پر لگائے جانے والے الزامات ہیں کہ یہ تمام ان کو مارنا چاہتے…

— Tanzeela Mazhar (@TenzilaMazhar) July 7, 2023

"استحکام پاکستان پارٹی” نام سے متعلق عون چودھری کی وضاحت

چھینہ گروپ بھی استحکام پاکستان پارٹی میں شمولیت اختیار کرنے کو تیار

جہانگیرترین کی پارٹی کا نام الیکشن میں رجسڑیشن سے پہلے ہی الیکشن کمیشن اور اعلی عدلیہ میں چیلنج

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

 ریاست مخالف پروپیگنڈے کوبرداشت کریں گے نہ جھکیں گے۔

استحکام پاکستان پارٹی کی پریس کانفرنس، فواد چودھری "منہ” چھپاتے رہے، تصاویر وائرل

باغی ٹی وی کی رپورٹ کے مطابق وزیراعظم محمد شہباز شریف نے نوجوان لیپ ٹاپ تقسیم کا افتتاح کر دیا

تقریب سے خطاب کرتے ہوئے وزیراعظم شہباز شریف نے کہا کہ نوجوانوں کو لیپ ٹاپ دے رہا ہوں کلاشنکوف نہیں،وسائل ہوں تو قوم کے بیٹے بیٹیوں کو 1 لاکھ نہیں 1 کروڑ لیپ ٹاپ تقسیم کروں، اپنے ہر دور میں میرٹ کی بنیاد پر تعلیمی وظائف دیے،نوجوانوں پر سرمایہ کاری سے بڑھ کر کوئی چیز نہیں، زرعی قرضوں پر اربوں روپے مختص کیے گئے،ایک لاکھ لیپ ٹاپ غریب اور مستحق لوگو کو جب تعلیمی میدان میں ملیں گے تو پاکستان کی ترقی کا کوئی راستہ نہیں روک سکے گا،خواہش ہے پورے پاکستان میں ہر طالبعلم کو لیپ ٹاپ دوں ،نوجوان قوم کا مستقبل اور خوشحالی کی ضمانت ہیں نوجوانوں پر سرمایہ کاری سے بڑھ کر کوئی چیز نہیں

لیپ ٹاپ کی تقسیم کی تقریب میں نوجوان کا وزیراعظم کوخوشگوار سرپرائز
وزیراعظم شہباز شریف کو لیپ ٹاپ کی تقسیم کی تقریب میں نوجوان نے خوش گوار سرپرائز دے دیا ،لیپ ٹاپ تقسیم کی تقریب میں نوجوان محسن نے تقریر کی اور بتایا کہ وہ تندور پرروٹیاں لگاتا تھا۔ محسن کی ذاتی جدوجہد، حصول تعلیم اور زندگی میں کامیابی کے سفر پر کیس سٹڈی پیش کی گئی۔ محسن نے وزیر اعلی شہباز شریف کے دئیے تعلیمی وظیفے پر تعلیم حاصل کی اور آج وہ میو کالج لاہور میں لیکچرر ہے۔ وزیراعظم شہباز شریف اپنی نشست سے اٹھ کر خاص طور پر نوجوان محسن کے پاس گئے اور اسے اپنے سینے سے لگا لیا ،وزیراعظم شہباز شریف نے نوجوان سے کہا کہ مجھے آپ جیسے نوجوانوں پر فخر ہے، اسی جذبے سے آگے بڑھتے رہیں، آپ کو مزید ترقی کرتے دیکھنا چاہتا ہوں۔وزیراعظم شہباز شریف جب محسن سے مل رہے تھے تو تمام شرکاء نے کھڑے ہو کر تالیاں بجائیں۔ اس موقع پر مناظر بھی نظر آئے اور کئی شرکاء کی خوشی سے آنکھیں نم ہو گئیں۔

محسن علی نے پاکستان کے نوجوانوں کو کامیابی کا راز سمجھایا ہے۔ مریم اورنگزیب
ن لیگی رہنما، وفاقی وزیر اطلاعات مریم اورنگزیب نے سماجی رابطے کی ویب سائٹ ٹویٹر پر ویڈیو شیئر کرتے ہوئے ٹویٹ کی اور لکھا کہ یہ قابل رشک اور قابل فخر محمد محسن علی کی کامیابی کی کہانی ہی نہیں بلکہ تعلیم کے ذریعے نوجوانوں کی زندگی اور معاشرے میں تبدیلی لانے کے ولولہ انگیز وژن اور سوچ کی کامیابی کی ایک بہترین مثال بھی ہے۔ پانچ گولڈ میڈل جیتنے والے حافظ آباد کے گاﺅں میاں رحیما کے اس قابل اور محنتی محسن علی نے پاکستان کے نوجوانوں کو کامیابی کا راز سمجھایا ہے۔ وزیراعلی پنجاب کے طورپر شہبازشریف نے محسن علی جیسے سینکڑوں ذہین لیکن غریب نوجوان بچوں اور بچیوں کی سرپرستی کی، تعلیمی وظائف ، بیرون ملک اعلی تعلیم حاصل کرنے کے مواقع دے کر ان کی حوصلہ افزائی اور سرپرستی کی جو آج قائدمحمد نوازشریف اور شہبازشریف کے یوتھ پروگرام کی کامیابی کے درخشاں ستارے بن چکے ہیں۔ اس وژن کی کامیابی کی گواہی دے رہے ہیں۔ آج محسن علی اُسی میوکالج لاہور میں لیکچرار ہے جس کے قریب واقع تندور میں وہ روٹیاں لگا کراپنے خاندان کے لئے رزق حلال کما رہا تھا۔ وزیراعظم شہبازشریف نے آج محسن علی کو کروڑوں پاکستانیوں کے سامنے سینے سے لگا کر شاباش دی۔ ایک شاباش نوازشریف اور شہبازشریف کو بھی ملنی چاہیے جن کے وژن نے محسن علی اور اس جیسے سینکٹروں غریبوں کو کامیابی کی اس منزل تک پہنچنے اور اپنے خواب سچ کردکھانے میں عملی مدد کی۔ یہ ہوتا ہے وژن، یہ ہوتی ہے عوام کی منتخب قیادت #چُھولوآسمان_نوجوان

یہ قابل رشک اور قابل فخر محمد محسن علی کی کامیابی کی کہانی ہی نہیں بلکہ تعلیم کے ذریعے نوجوانوں کی زندگی اور معاشرے میں تبدیلی لانے کے ولولہ انگیز وژن اور سوچ کی کامیابی کی ایک بہترین مثال بھی ہے۔ پانچ گولڈ میڈل جیتنے والے حافظ آباد کے گاﺅں میاں رحیما کے اس قابل اور محنتی محسن… pic.twitter.com/Yr8uVgfUcp

— Marriyum Aurangzeb (@Marriyum_A) July 7, 2023

مصیبت میں گھرے لاکھوں خاندانوں کو 70ارب روپے شفاف طریقے سے تقسیم کیے،وزیرِ اعظم
دوسری جانب وزیرِ اعظم شہباز شریف نے بینظیر انکم اسپورٹ پروگرام کے تحت سماجی تحفظ اکاؤنٹ کے اجراء کی تقریب سے خطاب کرتے ہوئے کہا کہ پچھلے سال ایک تباہ کن سیلاب آیا تو ہم ہر جگہ پینچے چاروں طرف تباہی نظر آرہی تھی جن مشکل حالات میں ہم نے حکومت کی باگ ڈور سنبھالی لیکن اس وقت اگر کسی پروگرام نے مصیبت میں گھرے لاکھوں خاندانوں کو 70ارب روپے شفاف طریقے سے تقسیم کیے تو وہ بے نظیر انکم سپورٹ پروگرام ہے.یہ بات نامکمل ہوگی اگر میں یہ نہ کہوں کہ آج بھی سیلاب کی تباہ کاریاں اور انکے اثرات ہر جگہ نظر آتے ہیں اللہ تعالیٰ کرے گا کہ ہم ضرور اس قابل ہونگے کہ اپنے سیلاب زدگان کو مزید امداد ہم پہنچا سکیں.

وزیراعظم کا حوالدار لالک جان شہید نشان حیدر کو چوبیسویں یوم شہادت پر خراج عقیدت
دوسری جانب وزیراعظم شہبازشریف نے حوالدار لالک جان شہید نشان حیدر کو چوبیسویں یوم شہادت پر خراج عقیدت پیش کیا اور کہا کہ لالک جان شہید نے کارگل کی جنگ میں اپنی بے مثال جرات وبہادری سے دشمن کا مقابلہ کیا ،ناردرن لائٹ انفینٹری کے اس جانباز مجاہد نے انتہائی مشکل حالات میں مادروطن کا دفاع کرتے ہوئے جام شہادت نوش کیا ،قوم اپنے شہداءاور ان کی عظیم قربانیوں کو سلام پیش کرتی ہے ،شہداءاور غازی ہمارے سر کا تاج اور ملک وقوم کی سلامتی کا فولادی حصار ہیں ،اللہ تعالی شہداءکے درجات بلند فرمائے اور اُن کے اہل خانہ کو صبرجمیل دے۔ آمین

مفتی عزیز الرحمان کا اعتراف جرم، کہا بہت شرمندہ ہوں

مفتی عزیزالرحمان ویڈیو سیکنڈل کی حمایت کرنیوالا مفتی اسماعیل بھی گرفتار

مفتی عزیز الرحمان کو دگنی سزا ملنی چاہئے، پاکستان کے معروف عالم دین کا مطالبہ

مفتی عزیزالرحمان ویڈیو سیکنڈل، پولیس نے مانگا مفتی کا مزید”جسمانی” ریمانڈ

مدرسہ ویڈیو سیکنڈل ،مفتی عزیز الرحمان کی عدالت پیشی، عدالت کا بڑا حکم

مدرسہ ویڈیو سیکنڈل،مفتی عزیز الرحمان کے بیٹوں کی درخواست ضمانت پر ہوئی سماعت

سویڈن میں قرآن پاک کی بے حرمتی کیخلاف آج پاکستان بھر میں یوم تقدیس قرآن منایا جارہا ہے

یومِ تقدیس قرآن کے سلسلے میں وزیراعظم شہباز شریف نے قوم سے نماز جمعہ کے بعد احتجاج کی اپیل کی تھی، سویڈن میں قرآن پاک کی بے حرمتی کےخلاف پورا ملک سراپااحتجا ج ،اس ناپاک جسارت کے خلاف چاروں صوبوں، آزادکشمیر اور گلگت بلتستان میں احتجاجی ریلیاں نکالی گئیں ۔قرآن کی حرمت پر جان بھی قربان ہے۔ اس کی توہین کرنے والے دنیا میں اپنے انجام کو پہنچیں گے۔ اس قبیح حرکت سے تمام عالم السلام کے جذبات مجروح ہوئے

قرآن ہمارے لیے صرف قرات نہیں بلکہ جینے کا قرینہ ہے۔وزیراعظم
وزیراعظم شہباز شریف نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ میرے اہل وطن! بات ہو قرآن کی تو قوم ایک ہے۔ سانحہ سویڈن پر پوری امتِ مسلمہ مضطرب ہے۔ ایک بد بخت کے ہاتھوں قرآن پاک کی بے حرمتی کے دلخراش واقعے پر اپنے جذبات اور احساسات کا اظہار کرنے کے لئے یوم تقدیس قرآن کے عنوان سے آج ہم سب یک آواز ہو کر ملک گیر احتجاج کریں گے اور بعد از نماز جمعہ پاکستانی مسلمانوں کے تمام طبقات ناموسِ قرآن کا پرچم اٹھا کر اپنا پر امن احتجاج ریکارڈ کرائیں گے۔ قرآن ہمارے قلب میں ہے۔ قرآن ہمارے لیے صرف قرات نہیں بلکہ جینے کا قرینہ ہے۔

میرے اہل وطن!
بات ہو قرآن کی تو قوم ایک ہے۔
سانحہ سویڈن پر پوری امتِ مسلمہ مضطرب ہے۔
ایک بد بخت کے ہاتھوں قرآن پاک کی بے حرمتی کے دلخراش واقعے پر اپنے جذبات اور احساسات کا اظہار کرنے کے لئے یوم تقدیس قرآن کے عنوان سے آج ہم سب یک آواز ہو کر ملک گیر احتجاج کریں گے اور بعد از…

— Shehbaz Sharif (@CMShehbaz) July 7, 2023

جماعت اسلامی، مرکزی مسلم لیگ، تحریک لبیک،جے یو آئی سمیت تمام جماعتوں کے نماز جمعہ کے بعد اجتماع ہوئے، تاجر برادری بھی سڑکوں پر نکی،کراچی کے تاجروں نے آج شہر کی مارکیٹیں دوپہر 2 سے 4 بجے تک احتجاجاً بند رکھی

لاہور میں حرمتِ قرآن پاک کے حوالے سے سوڈان کے خلاف پاکستان تحریک انصاف کی ریلی pic.twitter.com/hDiQS5IVJI

— Baaghi TV باغی ٹی وی (@BaaghiTV) July 7, 2023

پوٹھوہار ینگ جرنلسٹ ایسوسی ایشن کی جانب سے قرآن پاک تقسیم
پوٹھوہار ینگ جرنلسٹ ایسوسی ایشن کا قرآن پاک کی بے حرمتی کے خلاف منفرد احتجاج قرآن پاک کی اجتماعی تلاوت کی گئی جبکہ قرآن پاک تقیسم کیے گئے اس موقع پر چیئرمین پوٹھوہار ینگ جرنلسٹ ایسوسی ایشن بابر اورنگزیب چوہدری نے سویڈن میں قرآن پاک کی بے حرمتی کی سخت الفاظ میں مذمت کرتے ہوئے کہا ہے کہ سویڈن کے ملعون، بدبخت شہری نے حکومت اور انتظامیہ کی سرپرستی میں قرآن پاک کی بے حرمتی کی، اس ناپاک حرکت سے دنیا بھر کے مسلمانوں کے جذبات مجروح ہوئے جس سے امت مسلمہ شدید غم و غصے میں مبتلا ہے تقریب سے قاری عظمت علی چشتی نے خطاب کرتے ہوئے کہا کہ قرآن پاک کی حفاظت کا ذمہ خود میرے رب نے اٹھایا ہے اس لیے اسکو کوئی نہ مٹا سکا نہ مٹا سکے گا انہوں نے کہا کہ اس سے قبل بھی مختلف ادوار میں کبھی قرآن پاک اور کبھی مسلمانوں کی برگزیدہ ہستیوں کی گستاخیاں کر کے مسلمانوں کے جذبات سے کھیلا جاتا رہا ہے، انہوں نے واضح کیا کہ یہ فاقہ کش جو موت سے ڈرتا نہیں ذرا، روح محمدؐ اس کے بدن سے نکالنے کی ناپاک جسارت کبھی بھی کامیاب نہیں ہو گی احتجاج میں وائس چیئرمین افتخار علی بھٹی، صدر ضیاء الرحمان ضیاء، جنرل سیکرٹری راجہ رفاقت حسین ، ایڈیشنل جنرل سیکرٹری صباء شاہین، سیکرٹری اطلاعات سردار آفتاب اقبال، احسان راج، یاسر فاروق، قاسم جمشید، عمر فاروق، عبدالرازق، بلال حسین ، عمر سلیم ، محمد عمیر سمیت دیگر عہدیداران و ممبران سمیت صحافیوں اور مدارس کے بچوں سمیت نو جوانوں کی کثیر تعداد موجود تھی انہوں نے اقوام متحدہ اور مسلمانوں کے حقوق کی نمائندہ تنظیم او آئی سے مطالبہ کیا کہ وہ اپنے اثر و رسوخ اور اختیارات کا استعمال کرتے ہوئے سویڈن کے خلاف قرار دادا مذمت لائے اور آئندہ کے لئے اس قسم کی ناپاک حرکات کی روک تھام کے لئے عالمی قوانین پر عمل درآمد کروانے کے لیے یورپی ممالک پر دباؤ ڈالے آخر میں شرکاء نے ہاتھوں میں پلے کارڈ اٹھا کر سویڈن کے خلاف احتجاج کیا

سویڈن واقع پر سپریم کورٹ بار ایسوسی ایشن آف پاکستان نے فارن آفس میں مذمتی قرارداد جمع کرا دی ۔قرار داد میں کہا گیا ہے کہ عیدالاضحیٰ کے موقع پر سویڈن میں قرآن مجید کی بے حرمتی کا ہولناک، گھناؤنا اور انتہائی قابل مذمت عمل ہے۔ ایسوسی ایشن اس پر اپنی انتہائی مذمت اور گہری تشویش کا اظہار کرتی ہے۔ قرآن مجید دنیا بھر کے لاکھوں مسلمانوں کے لیے روحانی رہنمائی، اخلاقی تعلیمات اور الہامی وحی کے ذریعہ بہت اہمیت رکھتا ہے بے حرمتی نہ صرف مسلمانوں کے لیے اذیت اور تکلیف کا باعث ہے قرآن پاک اور حضور اکرم صلی اللہ علیہ وسلم بے پناہ احترام اور محبت کا حکم دیتے ہیں ، پوری امت مسلمہ کے لیے سرخ لکیر ہے۔ ہمارے عقائد کی توہین یا توہین کرنے والا کوئی بھی عمل برداشت نہیں کیا جائے گا یہ ایسوسی ایشن مذہبی آزادیوں کے تحفظ اور مختلف مذہبی روایات کے درمیان باہمی احترام کو فروغ دینے کی اہمیت پر پختہ یقین رکھتی ہے۔ کسی بھی مذہبی صحیفے کی بے حرمتی یا بے عزتی کی کارروائیوں کی مہذب معاشرے میں کوئی جگہ نہیں ہے یہ عمل انسانی وقار اور مذہبی آزادی کے اصولوں کی خلاف ورزی ہے۔ ایسی حرکتیں ممکنہ طور پر نفرت، تقسیم اور مذہبی کشیدگی کو ہوا دے سکتی ہیں، ماضی میں ایسے واقعات کے باوجود عالمی برادری اسلامو فوبیا کی لعنت کو کم کرنے میں مکمل طور پر ناکام رہی ہے،عالمی برادری کا فرض ہے کہ وہ ایسے واقعات کا نوٹس لے اور مذہبی عدم برداشت کے ایسے اقدامات کا خاتمہ کرے یہ ایسوسی ایشن سویڈن کی حکومت سے مطالبہ کرتی ہے ایسے واقعات کو روکنے کے لیے ضروری اقدامات کرے، بین الاقوامی برادری کا فرض اور ذمہ داری ہے کہ وہ اسلامو فوبک واقعات کو ناکام بنانے کے لیے ضروری اقدامات کرے۔ حکومت اس طرح کے اقدامات کے خلاف ہر سطح پر آواز اٹھائے۔او ائی سی اسلامو فوبیا کو فروغ دینے والے تمام مجرموں کے خلاف فوری کارروائی کرے۔

سویڈن میں قرآن پاک کی بے حرمتی کیخلاف تحصیل تحت بھائی میں چئیرمین عمران خان کی ہدایت پر پاکستان تحریک انصاف کا احتجاجی مظاہرہ، کارکنان کی کثیر تعداد میں شرکت۔ #قران_کی_بےحرمتی_نامنظور pic.twitter.com/P0izk7PKm1

— PTI (@PTIofficial) July 7, 2023

وزیر اوقاف و مذہبی امور پنجاب بیرسٹر سید اظفر علی ناصر کا یوم تقدیسِ قرآن پر پیغام میں کہنا تھا کہ سویڈن میں قرآن پاک کی بے حرمتی کے خلاف دنیا بھر کے مسلم ممالک میں غم و غصہ پایا جاتا ہے، دنیا میں قرآن کریم کی جان بوجھ کر بے حرمتی کے واقعات رونما ہونا افسوسناک ہے۔ اس طرح کے واقعات اسلام کے خلاف کچھ افراد اور گروہوں کے عدم رواداری اور جنونی رویے کی عکاسی کرتے ہیں، یہ واقعات باہمی امن کیلئے خطرہ ہیں اور انتہا پسند ذہنوں کو انتقامی کارروائی کرنے کیلئے اکسانے کی بڑی وجہ ہیں،قرآن پاک کی بے حرمتی کے دلخراش واقعے پاکستانی قوم آج یوم تقدیس قرآن منارہی ہے۔ قرآن پاک تمام انسانیت کے لئے ہے اور قرآن پاک کا موضوع انسان ہے،مسلمان پچھلے مقدس صحیفوں اور انبیاء پر یقین رکھتے ہیں اور ان پر ایمان اسلام کا ایک لازمی حصہ ہے۔ آج عالمی سطح پر مقدس کتابوں کے تقدس کیلئے مربوط پالیسی تشکیل دینے کی اشد ضرورت ہے،

سویڈن کے ساتھ سفارتی تعلقات ختم کریں۔ نرگس فیض ملک
پاکستان پیپلز پارٹی خواتین ونگ پنجاب کی جنرل سیکرٹری سابق ایم پی اے نرگس فیض ملک نے سویڈن میں اسٹاک ہوم کی مسجد کے باہر قرآن پاک کو سرعام نذر آتش کرنے کے واقعہ کی شدید مذمت کرتے ہوئے کہا کہ اس دردناک واقعے سے اربوں مسلمانوں کے جذبات کو شدید ٹھیس پہنچی ہے،مسلم ممالک سویڈن کے ساتھ سفارتی تعلقات ختم کریں جبکہ ان گستاخانہ حرکات کا مستقل بنیادوں پر قلع قمع کرنے کیلئے عالمی سطح پر قانون سازی کی جائے۔ صحافیوں سے گفتگو کرتے ہوئے پاکستان پیپلز پارٹی خواتین ونگ پنجاب کی جنرل سیکرٹری سابق ایم پی اے نرگس فیض ملک کا کہنا تھا کہ اسلاموفوبیا مغرب میں کینسر کی طرح پھیل رہا ہے، ہر ریاست کو ایسی اسلامو فوبیا پر مبنی کارروائیوں کی روک تھام کیلئے اقدامات کرنے چاہیں کیونکہ اس طرح کے واقعات معاشروں میں تقسیم اور نفرت کی وجہ بنتے ہیں، مذاہب کا احترام اور اپنے عقیدے پر عمل کرنے کی آزادی ایک ہم آہنگ اور جامع معاشرے کا بنیادی ستون ہے۔ان کا کہنا تھا کہ مسلم ممالک کے حکمران خواب غفلت سے بیدار ہوکر قرآن کریم کی بے حرمتی اور گستاخی کے خلاف یک آواز ہوجائیں،مراکش نے سویڈن سے اپناسفیر واپس بلواکر امت مسلمہ کا سر فخر سے بلند کردیا،اب دیگر مسلم ممالک بھی سویڈن سے اپنے اپنے سفیر واپس بلواکر سویڈن کے ساتھ سفارتی تعلقات ختم کریں۔

قران پاک مسلمانوں کے دلوں میں محفوظ ہے جسے کوئی طاقت نہیں مٹا سکتی،مرتضی وہاب
میئر کراچی بیرسٹر مرتضی وہاب نے سوئیڈن میں قران پاک کی بے حرمتی کی شدید الفاظ میں مزمت کی اور کہا ہے کہ قران پاک مسلمانوں کے دلوں میں محفوظ ہے جسے کوئی طاقت نہیں مٹا سکتی۔ قران پاک کی بے حرمتی کرنے والوں کے خلاف سوئیڈن حکومت سخت ایکشن لے۔ اس گھٹیا حرکت پر امت مسلمہ سراپا احتجاج ہے۔ مسلمان ہر مزہب کا احترام کرتے ہیں اور یہ ہمارا دین ہمیں سکھاتا ہے۔ دیگر مزاہب کے افراد پر بھی اسلام کا احترام لازم ہے۔

مرکزی علماء کونسل پاکستان کے زیر اہتمام یوم تقدیس قرآن منایا گیا
سویڈن میں قرآن پاک کی بے حرمتی کے خلاف ملک بھر میں مرکزی علماء کونسل پاکستان کے زیر اہتمام یوم تقدیس قرآن منایا گیا جمعۃ المبارک کے اجتماعات میں سویڈن واقعہ پر مذمتی قرار دادیں منظور کی گئیں اور مطالبہ کیا گیا کہ عالمی برادری مذہبی مقدسات کی بے حرمتی کو جرم قرار دینے کیلئے قانون سازی کرے پاکستان کی وزارت خارجہ عوام کے جذبات مغرب تک پہنچائے سویڈش حکومت سے مطالبہ کیاگیا کہ قرآن کی بے حرمتی میں ملوث افراد کے خلاف قانونی کارروائی کی جائے اور ایسے اقدامات کئے جائیں تاکہ ایسا دلخراش واقعہ دوبارہ رونما نہ ہو سکے اسلام فوبیا کے واقعات سے بھی سنجیدگی سے نبٹا جائے مقدس الہامی کتب شخصیات عبادت گاہوں کے احترام کو یقینی بنایا جائے مستقبل کی اجتماعی حکمت علمی وضع کرنے کیلئے اسلامی تعاون تنظیم کو اس سلسلہ میں عملی اقدامات اٹھانا ہوں گے چیئرمین مرکزی علماء کونسل پاکستان صاحبزادہ زاہد محمود قاسمی مرکزی جامع مسجد گول فیصل آباد پیر جی خالد محمود قاسمی جامعہ قاسمیہ فیصل آباد مولانا شاہ نواز فاروقی گوجرانوالہ حافظ محمد شعبان دیپال پور مولانا شبیر احمد عثمانی ابراہیمی مسجدمنصور آباد مولانا حفیظ الرحمان کشمیری میاں طیب ایڈووکیٹ مولانا مشتاق لاہوری لاہور مولانا ابوسفیان حنفی بورے والا حافظ محمد شعیب صدیق راولپنڈی مولانا حافظ مقبول احمد چنیوٹ مولانا اعظم فاروق سرگودھا مولانا ممتازالحق آزاد کشمیر مولانا آزاد جمیل سندھ مولانا اکرام اللہ قاسمی خیبر پختونخواہ مفتی شکیل احمد بلوچستان سمیت مرکزی علماء کونسل پاکستان کے مرکزی صوبائی ڈویژنل ضلعی تحصیلوں سے علماء و خطباء و عہدیداران نے سویڈن واقعہ کی شدید الفاظ میں مذمت کی اور قرآن مجید کی بے حرمتی کرنے والے فرد کے خلاف سخت سے سخت کارروائی کرنے کا مطالبہ کیا

"استحکام پاکستان پارٹی” نام سے متعلق عون چودھری کی وضاحت

چھینہ گروپ بھی استحکام پاکستان پارٹی میں شمولیت اختیار کرنے کو تیار

جہانگیرترین کی پارٹی کا نام الیکشن میں رجسڑیشن سے پہلے ہی الیکشن کمیشن اور اعلی عدلیہ میں چیلنج

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

 ریاست مخالف پروپیگنڈے کوبرداشت کریں گے نہ جھکیں گے۔

استحکام پاکستان پارٹی کی پریس کانفرنس، فواد چودھری "منہ” چھپاتے رہے، تصاویر وائرل

پارلیمنٹ کا مشترکہ اجلاس اسپیکر راجہ پرویز اشرف کی زیر صدارت ہوا،

اجلاس میں دہشتگردی کے خلاف جنگ میں شہید ہونے والوں کیلئے فاتحہ خوانی، حالیہ بارشوں میں جاں بحق افراد کے لئے فاتحہ خوانی کی گئی،وزیر اعظم شہباز شریف نے خطاب کرتے ہوئے کہا کہ سویڈن میں قرآن کریم کی بے حرمتی کی شدید مذمت کرتے ہیں پاکستان سویڈن واقعہ کی شدید مذمت کرتا ہے، ایسی مذموم حرکتوں کے خاتمے کیلئے کمیٹی تشکیل دی جائے،قرآن کریم اللہ تعالیٰ کی آخری کتاب ہے ، قرآن کریم پوری دنیا کو محبت ، ایثار اور صبر کی تلقین کرتا ہے،سب سے گزارش کرونگا کہ کل نماز جمعہ کے بعد پورا ملک احتجاج کرے ، دنیا کو بتایا جائے ایسی حرکت آئندہ کسی نے کی تو ہم سے کوئی گلہ نہ کرے ، سیاسی و مذہبی جماعتیں نماز جمعہ کے بعد بھرپور احتجاج کریں ،

وزیر اعظم شہباز شریف کا کہنا تھا کہ آج یہ سارا ایوان دکھی دل کیساتھ بیٹھا ہے پاکستان کے کروڑوں عوام دکھی دل کیساتھ ہیں.عید کے روز سویڈن کی پولیس نے اس خبیث , لعنتی کو اجازت دی کہ وہ آکے قرآن کی بے حرمتی کرے کبھی کسی نے سوچا نہیں تھی کہ پولیس اپنی کسٹڈی میں ایک لعنتی شخص کو یہ حرکت کرنے کی اجازت دے. اس ایوان کے ذریعے ہم پوری ملت اسلامیہ اور پاکستان کے عوام کے جذبات ہم ایک زبان کیساتھ پوری دنیا تک پہنچائیں. اس قبیح حرکت کی بھرپور قوت کیساتھ نہ صرف اس کی مذمت کریں بلکہ مؤثر ترین الفاظ میں قرارداد کی منظوری ہو ،آج اگر یہاں پرامن احتجاجی ریلیاں ہورہی ہیں اور تحمل و برداشت کا مظاہرہ کیا جارہا ہے تو اس کا قطعاً یہ مطلب نہیں کہ ہم خدانخواستہ کسی حوالے سے کمزور ہیں.اپنی بہنوں بھائیوں کو یہ گزارش کرونگا کہ کل جمعہ کی نماز کے بعد پورے ملک میں ہکجہتی کا اظہار کریں.

دوسری جانب وزیر اعظم نے احتساب ریفرنس میں نواز شریف کی بریت پر اظہار تشکر کیا اور کہا کہ اللہ کا شکر ہے کہ نواز شریف کو انصاف ملا، عدالت نے تسلیم کیا نواز شریف لاہور ہائیکورٹ اور حکومت کی اجازت سے بیرون ملک گئے،فیصلہ گواہی دے رہا ہے کہ نواز شریف کو جھوٹے مقدمے میں ملوث کیا گیا،

سماجی رابطے کی ویب سائٹ ٹویٹر پر ٹویٹ کرتے ہوئے وزیر اعظم شہباز شریف کا کہنا تھا کہ پی ٹی آئی کے سینیئر وکیل اور صحافی کی طرف سے حالیہ ہوشربا انکشافات جن میں بتایا گیا کہ کیسے نواز شریف کو پانامہ پیپرز میں دانستہ طور پر پھنسایا گیا اور جس کا مقصد انہیں حکومت سے نکال کر سیاست میں پابندی لگانا تھا جس کا ہمیں روز اول سے پتا تھا۔ تاہم یہ انکشافات اب اس لئے بھی نہایت اہم ہیں کہ سچ تھوڑا تھوڑا کرکے سامنے آرہا ہے۔ پاکستان کو درپیش موجودہ بحرانوں کا سلسلہ وہاں سے شروع ہوتا ہے جہاں نواز شریف کے خلاف حکومت سے نکالنے کی سازش کرکے عمران خان کو ہر قیمت پر حکومت دلوانے کی سرتوڑ کوشش کی گئی۔ اس سارے عمل میں پاکستان کو بے پناہ نقصان پہنچا، جمہوری ارتقاء میں رکاوٹ آئی اور معیشت شدید متاثر ہوئی۔ نوازشریف کے خلاف کئے گئے اقدامات کی درستگی حالات کی بہتری کیلئے انتہائی اہم ہیں۔ الحمدللہ، مجھے اس بات پر فخر ہے کہ میرے قائد تاریخ میں صحیح سمت کھڑے رہے اور سرخرو ہوئے ہیں۔

پاکستان اور یو اے ای کے درمیان معاہدہ خوش آئند ہے، وزیر اعظم
دوسری جانب وزیراعظم شہباز شریف اور یو اے ای کے وزیر صنعت و ٹیکنالوجی نے میڈیا ٹاک کی ہے، اس موقع پر متحدہ عرب امارات کے ساتھ آج لینڈ مارک ایم او یو سائن کیا گیا، پاک یو اے ای قابل تجدید توانائی سیکٹر میں مفاہمتی یادداشت پر دستخط کئے گئے، وزیر اعظم شہباز شریف کا کہنا تھا کہ پاکستان اور یو اے ای کے درمیان معاہدہ خوش آئند ہے، ہر مشکل وقت میں یو اے ای نے پاکستان کا ساتھ دیا،آئی ایم ایف ڈیل کے دوران متحدہ عرب امارات کا کلیدی کردار رہا، پروجیکٹ کی استعداد کار 10 ہزار میگاواٹ ہے

"استحکام پاکستان پارٹی” نام سے متعلق عون چودھری کی وضاحت

چھینہ گروپ بھی استحکام پاکستان پارٹی میں شمولیت اختیار کرنے کو تیار

جہانگیرترین کی پارٹی کا نام الیکشن میں رجسڑیشن سے پہلے ہی الیکشن کمیشن اور اعلی عدلیہ میں چیلنج

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

 ریاست مخالف پروپیگنڈے کوبرداشت کریں گے نہ جھکیں گے۔

استحکام پاکستان پارٹی کی پریس کانفرنس، فواد چودھری "منہ” چھپاتے رہے، تصاویر وائرل

سینئر صحافی و اینکر پرسن مبشر لقمان نے کہا ہے کہ عمران خان کے خلاف کیس مضبوط ہیں، اس نے پھنسنا ہی پھنسنا ہے،

مبشر لقمان آفیشیل یوٹیوب چینل پر بات کرتے ہوئے مبشر لقمان کا کہنا تھا کہ عمران خان کے خلاف آرمی ایکٹ کے تحت کاروائی کا فیصلہ ہو چکا، وہ ماسٹر مائنڈ ہے، کاروائی ہونی بھی چاہئے، ہر جگہ کے لئے ہدایات دی گئی تھیں، منظم منصوبہ بندی کی گئی تھی، عمران خان کی گرفتاری کے 15 منٹ بعد ہی دو سو مقامات پر ہنگامہ آرائی اور جلاؤ گھیراؤ وہ بھی عسکری تنصیبات پر یہ منصوبہ بندی نہیں تو اور کیا تھا، کاروائی ضروری ہے،

مبشر لقمان کا کہنا تھا کہ مستقبل کی باتیں نہیں کرتا، ماضی پر بات کی جا سکتی ہے، آنیوالے الیکشن میں عمران خان کا رول نظر نہیں آ رہا،اگلے تین ماہ کے اندر سیاسی درجہ حرارت بڑھے گا،لیکن عمران خان کا سیاسی مستقبل مخدوش ہو گا، مبشر لقمان کا کہنا تھا کہ دو جمع دو چار نہیں بلکہ دو جمع دو یہاں بائیس ہو جاتا ہے، یہاں پر ایک اور ایک دو نہیں بلکہ گیارہ ہو جاتے ہیں، عمران خان کے کیس اوپن اور شٹ ہیں، اس میں اسکی کوئی بچت نہیں، توشہ خانہ کیس سب کے سامنے ہے، اوپن اینڈ شٹ کیس ہے ، اس میں عمران خان نے پھنسنا ہے، پنڈی کے دکاندار کا بھی بیان آ چکا ہے جس میں اس نے کہا ہے کہ میری رسید کسی نے جعلی بنائی ہے،مقدمے تو بہت ہیں،

مبشر لقمان کا کہنا تھا کہ شیخ رشید اپنی پارٹی کے سربراہ ہین، عمران خان جلسے کرتا تھا اور شیخ رشید کو اس میں خطاب کرنے کا موقع مل جاتا تھا، شیخ رشید کو ایسا کراؤڈ کہاں سے ملتا وہ تو اکیلے ہی پارٹی ہیں، عید کی چھٹیاں ہیں اتنی لمبی کیا اب شیخ رشید عمران خان کو عید ملنے آئے،گوشت دینے آئے؟ پنڈی میں عمران خان جا رہے عدالت میں تو وہان شیخ رشید کیوں نہیں گئے؟ اب شیخ رشید عمران خان سے کیوں دور ہیں؟

مبشر لقمان کا کہنا تھا کہ عمران ریاض ان درندوں کے ہاتھ نہ آئے جو اپنے مقصد کے لئے لوگوں کو استعمال کرتے ہیں، اللہ تعالیٰ عمران کو محفوظ رکھے، اسے حاسدوں اور دشمنوں کے شر سے بچائے،

ہوشیار۔! آدھی رات 3 بڑی خبریں آگئی

زمان پارک کی جادوگرنی، عمران پر دس سال کی پابندی حسان نیازی کہاں؟ پتہ چل گیا

لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو

الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

اینکر پرسن مبشر لقمان اوورسیز پاکستانیوں کی آواز بننے کے لئے میدان میں آ گئے