Category: اہم خبریں

اسلام آباد:وزیر خزانہ اسحاق ڈار نے کہا ہے کہ متحدہ عرب امارات نے 2 ارب ڈالر ڈیپازٹس رول اوور کر دیئے ہیں۔

سماجی رابطے کی ویب سائٹ ٹوئٹر پر اپنے بیان میں وزیر خزانہ اسحاق ڈار نے کہا کہ وزیر اعظم شہباز شریف نے اپنے دورہ یو اے ای کے دوران 2 ارب ڈالر رول اوور کرنے کا کہا تھا، اسحاق ڈار نے پاکستان متحدہ عرب امارات دوستی زندہ باد کا نعرہ بھی لگایا۔

Abu Dhabi Fund for Development (ADFD) has rolled over their deposit of
$2billion with State Bank of Pakistan, as discussed by #PM @CMShehbaz with His Highness the President of UAE during last week’s official visit to 🇦🇪!
Long live Pak-UAE friendship!

— Ishaq Dar (@MIshaqDar50) January 18, 2023

دوسری جانب گورنر سٹیٹ بینک جمیل احمد نے بھی متحدہ عرب امارات کی جانب سے 2 ارب ڈالر کے ڈیپازٹس رول اوور کرنے کی تصدیق کرتے ہوئے کہا کہ جو برآمدکنندگان اپنے بیرونی خریداروں سے سپلائر کریڈٹ یا پراجیکٹ فنانس حاصل کرسکتے ہیں انہیں اسٹیٹ بینک سہولت دے گا، بندرگاہ پر رکے ہوئے کنٹینرز کی مالیت کا اندازہ لگا رہے ہیں۔

کراچی چیمبر آف کامرس اینڈ انڈسٹری میں تاجروں سے خطاب کرتے ہوئے گورنر سٹیٹ بینک نے کہا کہ رکے ہوئے کنٹینرز کے ڈیمریج و ڈیٹینشن کا حل نکالیں گے، تجارتی ایوانوں کی مشاورت سے درآمدات کی ترجیحی فہرست کا ریویو کر کے نئی فہرست جلد مرتب کی جائے گی۔ سٹیٹ بینک میں 2 جنوری سے مشینری امپورٹ کلئیرنس کا کوئی کیس نہیں آیا ہے۔

بلوچستان کے ضلع پنجگوڑ میں پاک-ایران سرحد پار سے دہشت گردوں کی فائرنگ میں پاک فوج کے 4 سپاہی شہید ہوگئے۔پاک فوج کے شعبہ تعلقات عامہ (آئی ایس پی آر) کی جانب سے جاری کردہ ایک بیان کے مطابق بلوچستان کے ضلع پنگوڑ میں پاک ایران سرحد کے علاقے چکاب سیکٹر میں دہشت گردوں کی فائرنگ سے 4 سپاہی شہید ہوگئے۔

آئی ایس پی آر نے کہا کہ سرحد پر پیٹرولنگ کرنے والے فوجی دستے پر حملہ کرنے کے لیے دہشت گردوں نے ایرانی سرزمین استعمال کی، تاہم ایران کو اپنی طرف سے دہشت گردوں کے خلاف کارروائی کا کہا گیا ہے۔

خیال رہے کہ بلوچستان میں مسلسل سیکیورٹی فورسز پر دہشت گرد حملے ہوتے رہے ہیں، گزشتہ برس 25 دسمبر کو بلوچستان میں ضلع ژوب کے علاقے سمبازا میں سیکیورٹی فورسز کے آپریشن کے دوران عسکریت پسندوں کے ساتھ فائرنگ کے تبادلے میں ایک دہشت گرد ہلاک جبکہ ایک سپاہی شہید ہو گیا تھا۔

آئی ایس پی آر نے کہا تھا کہ سمبازا میں خفیہ اطلاعات کی بنیاد پر شروع کیا گیا آپریشن گزشتہ 96 گھنٹوں سے جاری تھا۔اس سے قبل 26 نومبر کو سیکیورٹی فورسز نے بلوچستان کے علاقے کوہلو میں خفیہ اطلاع کی بنیاد پر کارروائی کرکے 9 دہشت گردوں کو ہلاک اور دیگر 3 کو زخمی حالت میں گرفتار کرلیا تھا۔

آئی ایس پی آر نے بیان میں کہا تھا کہ سیکیورٹی فورسز بلوچستان میں کوہلو کے علاقے سیاہ کوہ میں بی ایل اے (ایچ) کے دہشت گردوں کے خلاف خفیہ اطلاع کی بنیاد پر کارروائی کی۔نومبر 2022 میں بلوچستان کے علاقے شاہرگ میں دہشت گردوں کی جانب سے سیکیورٹی فورسز پر فائرنگ کی گئی تھی، جس کے نتیجے میں 2 جوان شہید ہوگئے تھے۔

لاہور:پاکستان کی تازہ ترین سیاسی صورت حال جس بڑی تیزی سے تبدیل ہورہی ہے ، اس حوالے سے سینئر تجزیہ نگار مبشرلقمان کی سپریم کورٹ بار کے سابق صدر احسن بھون سے گفتگو کی ہے اورپاکستان کی بگڑتی ہوئی سیاسی صورت حال پر تشویش کا اظہار بھی کیا ہے ،

اس سلسلے میں ایک سینئر صحافی مبشرلقمان نے سپریم کورٹ بار کے سابق صدر احسن بھون سے سوال کیا کہ سنا ہے کہ پنجاب کے نگران وزیراعلٰی کے لیے آپ کے نام قرعہ نکلا تھا اور آپ نے انکار کردیا ،یہاں تو لوگ وزارتوں کے پیچھے پیچھے پھرتے ہیں اور آپ نے انکار کردیا ہے ،

احسن بھون نے کہا کہ جی میں نے انکار کردیا ہے اورانکار اس لیے کیا ہے کہ اس وقت جو پاکستان میں سیاسی صورت حال ہے یہ ہمارےملک کی سیاسی تاریخ کا ایک بدترین اور گدلا دور ہے ، جہاں کسی کی کوئی عزت نہیں ، کوئی کسی کا لحاظ نہیں رکھ رہا ، نہ برداشت ہے اور نہ ہی کوئی مل بیٹھ کر معاملات کو حل کرنے کےلیے مخلص ہے، ان حالات میں ایک سیاسی عہدہ قبول کرنا بار اور قانون سے وابستہ شخص یہ عہدہ قبول نہیں کرسکتا

ایک اور سوال کا جواب دیتے ہوئے احسن بھون نے کہا کہ یہ ایک بہت بڑی پیشکش تھی مگرمیرے جیسا شخص ان حالات میں اس ماحول میں یہ عہدہ نہیں سنبھال سکتا

https://www.youtube.com/watch?v=l3skplU32bg

ایک اور سوال کے جواب میں احسن بھون کا کہنا تھاکہ پاکستان میں یہ پہلی مرتبہ ہوا ہے کہ اس قدر سیاسی ماحول گدلا ہے ، کوئی ملک کی خاطر مل بیٹھ کر معاملات کو حل کرنے کےلیے مخلص ہی نہیں ، سب جماعتیں اپنی اپنی سیاست کررہی ہیں ملک کےلیے کوئی بھی مخلص نہیں ہے ، احسن بھون نے مزید کہا کہ ہمارے ملک کا المیہ ہے کہ یہاں عدم برداشت بڑھ رہی ہے اور یہ پہلو ملک وقوم کے لیے خطرے سے خالی نہیں‌ ہے

ایک سوال جس میں مبشرلقمان نے پوچھا کہ عمران خان جو مرضی کرے اس کو کوئی پوچھنے والا نہیں ، اس کی ذمہ دار عدلیہ ہے یا دیگر ادارے تو ااس کا جواب دیتے ہوئے احسن بھون کا کہنا تھا کہ ساری جماعتیں ہی اس ماحول کو خراب کرنے کی ذمہ دار ہیں ، ساہیوال سے ن لیگ کے ممبر اسمبلی چوہدری اشرف کو گرفتار کرلیا جاتا ہے اور کوئی اس کو پوچھتا نہیں ، جبکہ دوسری طرف ایک سیاستدان آزاد پھرتا ہے،

ایک اور سوال کا جواب دیتے ہوئےاحسن بھون کا کہنا تھاکہ یہ کہنا کہ شہبازشریف عمران خان کے حوالےسے نرم رویہ رکھتے ہیں یا کہ وہ اس اہل ہی نہیں کہ وہ اس شخص کو لگا دے سکیں تو یہ بات درست نہیں‌ہے، ان کا کہنا تھاکہ یہ ضرور ہے کہ شہبازشریف واقعی ایک مصلحت پسند شخص ہیں اور وہ اس حد تک نہیں جانا چاہتے

ایک اور سوال کا جواب دیتے ہوئے ان کا کہنا تھا کہ اگریہاں بات ہوتی ہےکہ ایم این ایز کو اغوا کرنے کی تو یہ ایک قابل فکر بات ہے اور اس پر اگر کوئی ایکشن نہیں ہوتا تو اس کا مطلب واضح ہے کہ موجودہ حکومت میں اخلاقی طور پر اتنی جرات نہیں کہ وہ ایسے عوامل کا سد باب کرسکے