Category: اہم خبریں

ایک افغان انٹیلی جنس سے منسلک سوشل میڈیا اکاؤنٹ ’ال مرصاد‘ نے حال ہی میں ایک من گھڑت اور مسخ شدہ خبر پھیلانا شروع کی ہے، جس میں دعویٰ کیا گیا ہے کہ مبینہ داعش خراسان کا ایک دہشت گرد پاکستان میں مارا گیا ہے۔ اس بے بنیاد دعوے کو نہ صرف بعض افغان حکومتی بیانیے سے جڑے افراد نے آگے بڑھایا بلکہ سابق امریکی نمائندہ خصوصی زلمے خلیل زاد نے بھی اسے غیر ذمہ داری سے تقویت دی۔

تجزیہ کاروں کے مطابق زلمے خلیل زاد کی جانب سے اس طرح کے غیر مصدقہ اور یکطرفہ پروپیگنڈے کو بڑھاوا دینا یہ ظاہر کرتا ہے کہ وہ افغانیوں کے پروپیگنڈا نیٹ ورک کا غیر رسمی ترجمان بن رہے ہیں۔ سوال یہ ہے کہ خلیل زاد اس مخصوص بیانیے کو آگے بڑھانے میں کیوں پیش پیش ہیں،پاکستان کے خلاف اس طرح کی منفی مہم کا مقصد نہ صرف پاکستان کی ساکھ کو نقصان پہنچانا ہے بلکہ ان بین الاقوامی سطح پر تسلیم شدہ کامیابیوں کو بھی مشکوک بنانا ہے جو پاکستان نے داعش کے خلاف گزشتہ برسوں میں حاصل کی ہیں،،وہ کامیابیاں جن کی بدولت دنیا متعدد بڑے دہشت گرد حملوں سے بچی۔

ال مرصاد کی جانب سے گھڑی گئی یہ کہانی دراصل مختلف بے بنیاد رپورٹس کو جوڑ کر ایک ایسا تاثر پیدا کرنے کی کوشش ہے جس سے پاکستان کو بدنام کیا جاسکے۔پاکستانی حکام کے مطابق یہ خبر مکمل طور پر جھوٹ اور گمراہ کن پروپیگنڈہ ہے، جسے دوٹوک طور پر مسترد کیا جاتا ہے۔

یہ بھی سامنے آیا ہے کہ اس جعلی خبر کو پھیلانے میں ایک مربوط سوشل میڈیا نیٹ ورک شامل ہے، جس کے اہم عناصر میں ال مرصاد، GDI سے منسلک اکاؤنٹس، اور اُن کے بیانیے کو آگے بڑھانے والے مخصوص حلقے شامل ہیں۔ اس نیٹ ورک کا مقصد جھوٹ کو فروغ دینا، حقائق کو مسخ کرنا، اور اقوام متحدہ کی ان رپورٹس سے توجہ ہٹانا ہے جن میں واضح طور پر کہا گیا ہے کہ داعش خراسان کی اصل موجودگی اور آپریشنز افغانستان کے اندر ہیں، نہ کہ پاکستان میں۔

پاکستان نے گزشتہ کئی برسوں میں داعش سمیت دہشت گردی کی مختلف جہتوں کے خلاف مؤثر اور کامیاب کارروائیاں کی ہیں۔بین الاقوامی ادارے، اقوام متحدہ کے ماہرین، اور عالمی سکیورٹی فورمز بارہا تسلیم کر چکے ہیں کہ پاکستان نے داعش کے نیٹ ورکس کو توڑنے، ان کی پاکستان کے اندر موجودگی کو روکتے ہوئے، اور ان کے عالمی سطح پر بڑے حملوں کے منصوبوں کو ناکام بنانے میں کلیدی کردار ادا کیا ہے۔

گمراہ کن معلومات کے ذریعے پاکستان کے خلاف بیانیہ سازی ایک منظم پروپیگنڈا ہے، جسے مکمل طور پر مسترد کیا جاتا ہے۔پاکستان اس عزم کا اعادہ کرتا ہے کہ وہ نہ صرف داعش کے خلاف اپنی کارروائیاں جاری رکھے گا بلکہ خطے اور دنیا کی سکیورٹی کیلئے اپنا ذمہ دارانہ کردار ادا کرتا رہے گا۔

جعفرآباد کے شاہی چوک میں واقع قانون نافذ کرنے والے ادارے کے چیک پوسٹ پر دستی بم حملے کی ذمہ داری کالعدم تنظیم بلوچ لبریشن آرمی نے ایک غیر مصدقہ بیان میں قبول کرلی ہے۔ تنظیم کے مطابق حملے میں ایک اہلکار شدید زخمی ہوا، تاہم کسی سرکاری ادارے کی جانب سے اب تک اس واقعے کی نہ تصدیق کی گئی ہے اور نہ ہی کوئی سرکاری بیان جاری ہوا ہے۔

کالعدم بلوچ لبریشن آرمی (BLA) نے ایک غیر مصدقہ میڈیا بیان میں پاک چین اقتصادی راہداری روٹ کے ساتھ راہی ناگور کے علاقے میں قانون نافذ کرنے والے اداروں کی گاڑی پر ریموٹ کنٹرول حملے کی ذمہ داری قبول کی ہے۔ دعوے کے مطابق حملے سے گاڑی کو نقصان پہنچا۔ تاہم حکومتی یا سیکیورٹی ذرائع نے اس واقعہ کی تاحال کوئی تصدیق نہیں کی۔

سیکیورٹی ذرائع کے مطابق بولیدہ کے علاقے زردان میں موٹر سائیکل سوار اہلکاروں پر مسلح حملے کی اطلاعات موصول ہوئی ہیں۔ کالعدم بلوچ لبریشن فرنٹ (BLF) نے اس حملے کی ذمہ داری قبول کرنے کا دعویٰ کیا ہے، جو اب تک کسی سرکاری ادارے سے تصدیق شدہ نہیں۔ واقعہ اس وقت پیش آیا جب چار اہلکار دو موٹر سائیکلوں پر ایک قافلے کی حفاظت پر مامور تھے۔ فائرنگ کے بعد علاقے میں سرچ آپریشن جاری ہے جبکہ سرکاری سطح پر کوئی مؤقف سامنے نہیں آیا۔

تحصیل ہیڈکوارٹر مستونگ کے قریب نامعلوم افراد کی جانب سے دستی بم حملہ کیا گیا جو خوش قسمتی سے کسی جانی نقصان کا سبب نہیں بنا۔ سیکیورٹی اہلکاروں نے فوری طور پر علاقے کو گھیرے میں لے کر سرچ آپریشن شروع کر دیا۔ حکام کے مطابق واقعے کی تحقیقات جاری ہیں۔

جنوبی وزیرستان،خیسورہ کے علاقے تیارزہ میں موٹر سائیکل سوار دہشتگردوں نے مقامی قبائلی عمائدین پر فائرنگ کردی، جس کے نتیجے میں ملک رابوٹ خان شہید جبکہ عبد اللہ جان زخمی ہوگئے۔ مقامی افراد نے جوابی کارروائی کرتے ہوئے ایک حملہ آور کو ہلاک اور دوسرے کو زندہ گرفتار کر لیا۔ پولیس کے مطابق دونوں کا تعلق ایک کالعدم تنظیم سے ہے جس کا مقامی کمانڈر اسلام الدین بتایا جاتا ہے۔ علاقے کو گھیرے میں لے کر مزید مشتبہ عناصر کی تلاش جاری ہے۔

تیراہ وادی کے ذاخہ خیل کارپا میگان گاؤں میں کالعدم لشکرِ اسلام اور جماعت الاحرار کے درمیان جھڑپ ہوئی۔ سیکیورٹی ذرائع کے مطابق یہ تصادم مبینہ طور پر شہریوں کے اغوا کے معاملے پر دونوں گروہوں کے کمانڈروں گلا مین اور عادل بادشاہ کے درمیان تنازع کے بعد شروع ہوا۔ فائرنگ کے تبادلے میں ایک شدت پسند زخمی ہوا۔ علاقے میں کشیدگی بڑھنے کے باعث نگرانی مزید سخت کردی گئی ہے۔

گندی خانہ خیل کے علاقے نصیر کالا میں نامعلوم مسلح افراد کی فائرنگ سے پولیس اہلکار فرید اللہ شہید ہوگئے۔ پولیس نے علاقے کو گھیرے میں لے کر سرچ آپریشن شروع کر دیا ہے اور حملہ آوروں کی تلاش جاری ہے۔

باسی خیل تھانے کی حدود میں دھماکے میں ہلاک ہونے والے دہشتگرد کی شناخت زیاد عرف حمزہ کے نام سے ہوئی ہے، جو لالوزئی سورانی کا رہائشی تھا۔ پولیس کے مطابق وہ پولیس اور سی ٹی ڈی پر ٹارگٹ کلنگ کا ماسٹر مائنڈ اور بم بنانے کا ماہر تھا۔ وہ خود ہی بم نصب کرتے ہوئے دھماکے میں مارا گیا۔ اس کے زخمی ساتھی کی تلاش جاری ہے۔ موقع سے پستول اور دھماکہ خیز مواد برآمد ہوا۔

بیٹنی علاقے میں مقامی آبادی نے کالعدم ٹی ٹی پی کے کمانڈر طور بیٹنی اور اس کے ساتھی شہزیب بیٹنی کے گھروں کو نذر آتش کر دیا۔ حکام کے مطابق عوام میں دونوں کے دہشتگردانہ سرگرمیوں پر شدید غم و غصہ پایا جاتا تھا۔ سیکیورٹی ادارے صورتحال کی نگرانی کر رہے ہیں اور نقصان کا جائزہ لیا جا رہا ہے۔

مامند خیل میں سیکیورٹی فورسز کی گاڑی پر حملے میں سپاہی رومان شہید جبکہ سپاہی عتیق زخمی ہوگئے۔ زخمی اہلکار کو سی ایم ایچ بنوں منتقل کیا گیا ہے۔ فورسز نے علاقے کو گھیرے میں لے کر سرچ آپریشن شروع کر دیا ہے۔سی ٹی ڈی، الیٹ فورس اور باجوڑ پولیس کی مشترکہ کارروائی میں ایک افغان خودکش حملہ آور اور اس کے سہولت کار کو گرفتار کر لیا گیا۔ گرفتار افغان شہری کی شناخت قیص ولد شاہ خان جبکہ سہولت کار رفیع اللہ ولد نور محمد کے نام سے ہوئی ہے۔ کارروائی کے دوران تین ہینڈ گرینیڈ، نیلا بیگ میں موجود خودکش جیکٹ کا IED، فیوز اور دیگر دھماکہ خیز مواد برآمد ہوا۔ حکام کے مطابق دونوں ایک بڑی دہشتگرد کارروائی کی منصوبہ بندی کر رہے تھے۔

شاہپور تھانے کی حدود میں بھتہ خور سرگرم ہوگئے۔ رپورٹ کے مطابق ایک پراپرٹی ڈیلر سے 3 کروڑ 50 لاکھ روپے بھتہ طلب کیا گیا ہے۔ پولیس نے مقدمہ درج کر کے تحقیقات شروع کر دی ہیں۔

معرکۂ حق میں بدترین ناکامی اور عالمی سطح پر رسوائی نے بھارتی عسکری و سیاسی قیادت کو شدید دباؤ میں دھکیل دیا ہے۔عسکری کمزوریوں، بدترین آپریشنل کارکردگی اورآتم نربھر بھارت کی ناکامیاں دفاعی ڈھانچے کو لاغر ثابت کر چکی ہیں۔مودی سرکار کی ہندوتوا ،زدہ سیاسی ذہنیت نے عسکری قیادت پر غیرمعمولی سیاسی دباؤ مسلط کر رکھا ہے، جہاں وہ فلمی طرز کے بیانیے پیش کر کے اپنے آپ کو مہاتما ثابت کرنا چاہتے ہیں۔

ایسی کشمکش میں کبھی تین مہینے بعد سات طیارے مار گرانے کا دعویٰ کر دیا جاتا ہے اور کبھی دہشتگردوں کے ٹھکانے کو تباہ کرنے کا دعویٰ سامنے آتا ہے۔اسی سلسلے میں بھارتی آرمی چیف نے ایک اور متضاد اور کنفیوژن بھرا بیان دے کر صورتحال کو مزید مضحکہ خیز بنا دیا۔ایک طرف دعویٰ ہے کہ “ہندوستان نے کچھ اسلحہ استعمال کر کے پاکستان کو گھٹنے ٹیکنے پر مجبور کردیا،،دوسری طرف اعتراف یہ ہے کہ “ایسی جنگ جیتنے کے لیے مزید اسلحہ خریدنا پڑے گا۔ یہ تضاد بھارتی عسکری قیادت کی بوکلاہٹ، غیرسمجھی اور عدم تیاری کا ثبوت ہے

آپریشن سندور میں جھوٹی فتح کے ڈھول پیٹنے والے بھارتی آرمی چیف دراصل اپنی خفت مٹانے اور اندرونی انتشار سے توجہ ہٹانے کی کوشش کر رہے ہیں۔چانکیا ڈیفنس ڈائیلاگ میں جنرل اوپیندر دویدی کا دھمکی آمیز مگر کمزور بیانیہ بھی اسی پریشانی کا اظہار ہے، جس میں وہ اعتراف کرتے ہیں کہ آپریشن سندور میں تو صرف ٹریلر دکھایا گیا، فلم تو ابھی شروع بھی نہیں ہوئی اور پھر بھارتی آرمی چیف اسی سانس میں اپنے دفاعی کمزوریاں کھول کر رکھ دیتے ہیں۔

بھارتی آرمی چیف نے کہا کہ کیا ہمارے پاس طویل جنگ کے لیے کافی ساز و سامان اور ہتھیار ہیں ؟ اگر نہیں تو فوری تیاری کی ضرورت ہے۔یہ اعترافات بھارتی فوج کی کمزور پیشہ وارانہ صلاحیت، نااہل سیاسی قیادت، اور ناکام دفاعی منصوبہ بندی کے زندہ ثبوت ہیں، اور ساتھ ہی اس حقیقت کا اظہار کہ بھارتی عسکری قیادت اس وقت پالیسی، حکمتِ عملی اور تیاری، تینوں محاذوں پر شدید ذہنی انتشار سے گزر رہی ہے۔

سکیورٹی فورسز نے خیبر پختونخوا میں مختلف کارروائیوں کے دوران بھارتی حمایت یافتہ 15 خوارج کو ہلاک کر دیا۔

ڈی جی آئی ایس پی آر کے مطابق 15 اور 16 نومبر کو سکیورٹی فورسز نے خیبر پختونخوا میں دو مختلف کارروائیاں کیں، آپریشن الخوارج کی موجودگی کی مصدقہ اطلاع پر کیا گیا،سکیورٹی فورسز نے ڈی آئی خان کے علاقے کلاچی اور شمالی وزیرستان کے علاقے دتہ خیل میں انٹیلیجنس بیسڈ آپریشن کیا، آپریشنز کے دوران دہشتگردوں کے ٹھکانوں کو مؤثر انداز میں نشانہ بنایا گیا، کارروائیوں کے دوران بھارتی حمایت یافتہ فتنۂ الخوارج کے 15 دہشتگرد ہلاک کر دیے گئے، ایک کارروائی میں 10 اور دوسری کارروائی میں 5 خوارج ہلاک کر دیے گئے،کلاچی میں آپریشن کے دوران ہلاک خوارج میں دہشت گردوں کا سرغنہ عالم محسود بھی شامل ہے، علاقے میں بھارتی سرپرستی یافتہ خوارج کےخاتمے کے لیے کلیئرنس آپریشن جاری ہے، غیر ملکی پشت پناہی یافتہ دہشتگردی کے مکمل خاتمے تک انسداد دہشتگردی کی مہم جاری رکھیں گے.

وزیراعظم محمد شہباز شریف نے کولاچی، ضلع ڈیرہ اسماعیل خان اور دتہ خیل ، ضلع شمالی وزیرستان میں فتنتہ الخوارج کے دہشت گردوں کے خلاف دو مختلف کامیاب کاروائیوں پر سیکیورٹی فورسز کو خراج تحسین پیش کیا ہے،وزیراعظم نے ان آپریشنز میں فتنتہ الخوارج کے 15 دہشت گردوں کو ہلاک کرنے پر سیکیورٹی فورسز کی پزیرائی کی اور کہا کہ عزم استحکام کے ویژن کے تحت سیکیورٹی فورسز دہشت گردی کے خلاف بڑی کامیابیاں حاصل کر رہی ہیں،پوری قوم دہشت گردی کے خلاف اس جنگ میں پاکستان کی افواج کے ساتھ کھڑی ہے،ملک سے ہر قسم کی دہشت گردی کے مکمل خاتمے کے لئے پر عزم ہیں

ڈیرہ اسماعیل خان میں سیکیورٹی فورسز نے ایک اہم اور کامیاب انٹیلی جنس بیسڈ آپریشن کے دوران 10 خارجی دہشت گردوں کو ہلاک کردیا۔ حکام کے مطابق یہ کارروائی تحصیل کلاچی کے دشوار گزار علاقے میں کی گئی، جہاں دہشت گردوں کی موجودگی کی مصدقہ اطلاع ملنے پر سیکیورٹی فورسز نے گھیراؤ کر کے کارروائی شروع کی۔

سیکیورٹی ذرائع نے بتایا کہ آپریشن کے دوران دہشت گردوں نے فورسز پر فائرنگ کی جس کے جواب میں اہلکاروں نے بھرپور جوابی کارروائی کی۔ مقابلہ کئی گھنٹوں تک جاری رہا، جس کے نتیجے میں تمام 10 دہشت گرد ہلاک ہوگئے۔ ہلاک شدہ دہشت گردوں کے قبضے سے خودکار اسلحہ، گولہ بارود اور دیگر جنگی سامان برآمد کیا گیا۔ذرائع کے مطابق مارے گئے تمام دہشت گردوں کا تعلق افغانستان سے تھا اور یہ حالیہ دنوں میں سرحد پار کارروائیوں اور پاکستان میں دہشت گردی کی منصوبہ بندی میں ملوث تھے۔ علاقے میں سرچ آپریشن مزید وسیع کردیا گیا ہے تاکہ ممکنہ سہولت کاروں اور دیگر مشتبہ افراد کو گرفتار کیا جاسکے۔ سیکیورٹی حکام کا کہنا ہے کہ ملک دشمن عناصر کے خلاف کارروائیاں جاری رہیں گی اور دہشت گردوں کو کسی صورت امن خراب کرنے کی اجازت نہیں دی جائے گی۔مقامی آبادی نے سیکیورٹی فورسز کے کامیاب آپریشن پر اطمینان کا اظہار کرتے ہوئے کہا کہ ایسی کارروائیاں علاقے میں پائیدار امن کے لیے ناگزیر ہیں۔

وزیر اعظم شہباز شریف کا کہنا ہے کہ محکمہ ریلوے نے شالیمار کو آؤٹ سورسنگ سے نیا بنا دیا ہے، کراچی روشنیوں کا شہر ہے، شالیمار ٹرین کی صفائی کراچی ویسٹ مینجمنٹ کی ذمہ داری ہے۔

کراچی میں خطاب کرتے ہوئے وزیراعظم نے کہا کہ تھرکول کو ٹرانسپورٹ کرنے کیلئے وفاق اور سندھ حکومت کا اشتراک ہے، یہاں ریلوے ایک بوسیدہ نظام بن گیا ہے، حنیف عباسی نے اپنی ٹیم کے ساتھ مل کر اس بوسیدہ نظام کو جدید کیا، میں حنیف عباسی کو دل کی گہرائیوں سے مبارکباد دیتا ہوں،وزیراعلیٰ پنجاب کی طرح سندھ، بلوچستان اور کے پی کے ساتھ بھی پارٹنرشپ کریں، تھرکول کو ٹرانسپورٹ کرنے کے لئے بھی فریٹ سسٹم کو بحال کررہے ہیں، جو رقم آپ کو درکار ہے وہ ہم آپ کو مہیا کریں گے،انتظار گاہ، ڈائننگ روم، آٹومیٹک ٹکٹکنگ سسٹم اور شالیمار ایکسپریس کو نئی ٹرین بنا دیا ہے، تہران سے استنبول کے روٹ کو بحال کریں گے تو ہماری ریلوے کو چار چاند لگیں گے، یہ سارے منصوبے کاغذوں میں تھے جن کو آپ حقیقت بنارہے ہیں، سینٹرل ایشیا میں ریلوے کی بڑی ضرورت ہے، آپ کوشش کریں تاکہ ہم پاکستان کو ریلوے کے ذریعے دیگر ممالک کے ساتھ جوڑیں۔

وزیراعظم شہباز شریف نے کراچی کینٹ اسٹیشن کا دورہ کیا، وزیر ریلوے حنیف عباسی نے وزیر اعظم کو بریفنگ دی، وزیر اعلیٰ سندھ مراد علی شاہ بھی موجود تھے، وزیراعظم شہبازشریف نے شالیمار ایکسپریس کی اپ گریڈیشن کے بعدافتتاح کردیا،تقریب سے خطاب کرتے ہوئے وزیر ریلوے حنیف عباسی نے کہا کہ وزیراعظم شہباز شریف کی رہنمائی اور وژن کی روشنی میں محنت کرنا سیکھا، اگر سیاست میں کسی کو استاد مانتا ہوں تو وہ وزیراعظم کو مانتا ہوں۔

حنیف عباسی نے کہا کہ گزشتہ 8 ماہ میں ریلوے میں نمایاں اصلاحات کی گئی ہیں، یہ جو کچھ آپ نے دیکھا ہے وہ صرف 8 ماہ میں ہوا ہے، جب مجھے ریلوے کا محکمہ دیا گیا تب زبوں حالی کا شکار تھا، کراچی کے سٹی اسٹیشن کی بھی اپ گریڈیشن کرنے جارہے ہیں، ایک سو 50 سال بعد روہڑی جنکشن کو اپ گریٹ کرنے جارہے ہیں، ہم اپنی ٹرین، اسکول کالجز کو کو آؤٹ سورس کررہے ہیں، ہم نے اپنے ملازمین کی حفاظت کی ہے، 14 ٹرینیں مزید آؤٹ سورس ہونے جارہی ہیں، جب ایم ایل ون کے ٹرین کو نیا بنانےکی بات آئی تو وزیراعظم نے فیصلہ کیا، کہا جاتا ہے کہ لاہور بن گیا اسلام آباد بن گیا، یہاں پورا پاکستان بیٹھا ہے۔

وزیر اعلیٰ سندھ نے کہا کہ وفاقی حکومت کی جانب سے ریلوے اسٹیشن کی تزئین و آرائش کرنا قابل تعریف ہے، میں نے کہا تھا کہ جب تک سکھر حیدرآباد روڈ بنے تب تک یہی آسرا ہے، ہم ٹرانسپورٹ میں بہت کوشش کررہے ہیں، ہم پیپلز بس، الیکٹرک بس اور پنک بسیں لارہے ہیں، کراچی کو سرکلر ریلوے کی سخت ضرورت ہے، اس میں آپ کے تعاون کی ضرورت ہے،مراد علی شاہ نے کہا کہ وزیراعظم سے درخواست ہے سکھر حیدرآباد موٹروے جلد بنا دیں۔

دبئی ایئر شو 2025 کے موقع پر بھارتی فضائیہ اور بھارتی ایرو اسپیس صنعت کو اس وقت شدید خفت کا سامنا کرنا پڑا جب بھارتی ساختہ تیجس لڑاکا طیارے میں اچانک فیوژلاج کے نیچے سے تیل کا اخراج شروع ہوگیا۔

یہ واقعہ اس وقت پیش آیا جب طیارہ ایئر شو کے اسٹیٹک ڈسپلے ایریا میں موجود تھا اور درجنوں بین الاقوامی مبصرین، میڈیا نمائندے اور عسکری وفود اسے قریب سے دیکھنے میں مصروف تھے۔عینی شاہدین کے مطابق تیل کے قطرے تیزی سے رن وے پر ٹپکنے لگے، جس پر بھارتی فضائیہ کے اہلکار فوری طور پر موقعے پر پہنچے۔ مناسب آلات یا کنٹینمنٹ ٹرے دستیاب نہ ہونے کی وجہ سے اہلکاروں نے شاپنگ اور گفٹ بیگز تیزی سے طیارے کے نیچے رکھ کر تیل جمع کرنے کی کوشش کی، جس نے وہاں موجود لوگوں میں حیرت اور طنزیہ ردِعمل کو جنم دیا۔

متعدد دفاعی ماہرین نے اس واقعے کو بھارتی دفاعی سازوسامان کی ساکھ کے لیے دھچکا قرار دیا۔ بھارتی فضائیہ کی جانب سے فوری طور پر کوئی باقاعدہ بیان جاری نہیں کیا گیا تاہم دفاعی تجزیہ کاروں کا کہنا ہے کہ بین الاقوامی ایئر شو میں ایسے واقعات کسی بھی طیارے کے امیج پر براہِ راست اثر ڈالتے ہیں۔

دہشت گرد احسان اللّٰہ نے فتنہ الخوارج سے متعلق بیان میں کہا ہے کہ میرا نام احسان اللّٰہ ولد عبدالجنان قوم محسود ہے، فتنہ الخوارج مذہب کے نام پر نوجوانوں کو ورغلا کر فوج کے خلاف اکساتے ہیں۔

دہشت گرد احسان اللّٰہ کا کہنا ہے کہ دہشت گرد کمانڈر زبدری، مشتاق، گرنیڈ اور اسلام الدین کے لیے 3 سال سہولت کاری کی، ہم نے تتور میں پولیس اسٹیشن اور بکتربند گاڑی پر حملے سمیت کئی کارروائیاں کیں، فتنہ الخوارج نوجوانوں کی ذہن سازی کرتے ہیں، فتنہ الخوارج نوجوانوں کو فوج کے خلاف دہشت گردی میں استعمال کرتے ہیں، خارجی کمانڈر ذاتی مفادات کے لیے نوجوانوں کو بدکاری کی طرف بھی دھکیلتے ہیں،خوارجی کمانڈر ہمارے ساتھ بداخلاقی کرتے تھے، حقیقت میں خوارج خود کافر اور مرتد ہیں، جب میں نے انہیں دیکھا تو پتہ چلا پاکستانی فوج تو حقیقی مسلمان ہے، میں نے پاک فوج کے جوانوں کو 5 وقت نماز پڑھتے دیکھا، میں نے نماز اور کلمے سیکھے جو پہلے نہیں آتے تھے، نوجوانوں سے اپیل ہے دہشت گرد عناصر کے خاتمے کے لیے پاک فوج کا ساتھ دیں، ہم ان خوارج کی وجہ سے تباہ و برباد ہو گئے ہیں۔

ڈھاکا: بنگلادیش کی معزول وزیراعظم شیخ حسینہ، سابق وزیرِ داخلہ اسد الزمان خان کمال اور سابق آئی جی پی چوہدری عبداللہ المأمون کے خلاف انسانیت کے خلاف جرائم کے مقدمے کا فیصلہ عدالت نے سنا دیا

بنگلہ دیشی عدالت نے سابق وزیراعظم حسینہ واجد اور سابق وزیر داخلہ اسد الزمان ملک کو سزائے موت سنادی، دونوں کو مہلک ہتھیاروں کے استعمال پر سزا سنائی گئی، عدالت سے تعاون پر سابق آئی جی عبداللہ مامون کی سزائے موت 5 برس قید میں تبدیل کردی،سابق وزیراعظم حسینہ واجد اور سابق وزیر داخلہ اسد الزمان ملک سے فرار ہوچکے ہیں، آج عدالت میں مرکزی ملزموں میں سے صرف سابق پولیس چیف موجود تھے،بنگلہ دیش کی انٹرنیشنل کرائمز ٹریبونل نے انسانیت کیخلاف جرائم کے کیس میں سابق وزیراعظم کو مجرم قرار دیتے ہوئے سزائے موت اور عمر قید کی سزائیں سنادیں۔ انٹرنیشنل کرائمز ٹربیونل۔1 کی تین رکنی بینچ نے فیصلہ سنایا۔ بینچ کی سربراہی جسٹس غلام مرتضیٰ موجمدار نے کی جبکہ دیگر اراکین میں جسٹس محمد شفیع الاسلام محمود اور جج محیط الحق انعام چودھری شامل ہیں۔

23 اکتوبر کو چیف پراسیکیوٹر محمد تاج‌ الاسلام اور اٹارنی جنرل محمد اسد الزمان نے اپنے دلائل مکمل کیے تھے۔
ریاست کی جانب سے مقرر کردہ وکیل محمد امیر حسین نے ملزمان کی جانب سے جواب الجواب دلائل پیش کیے۔کارروائی کے دوران پراسیکیوشن ٹیم میں میزان الاسلام، غازی ایم ایچ تمیم، فاروق احمد، معین‌الکریم، اے بی ایم سلطان محمود اور دیگر وکلا بھی موجود رہے۔فیصلہ پہلے 13 نومبر کے لیے مقرر کیا گیا تھا تاہم بعد ازاں اسے 17 نومبر تک مؤخر کر دیا گیا۔

22 اکتوبر تک ریاستی دفاع نے غیر حاضر ملزمان شیخ حسینہ اور اسد الزمان خان کمال کی جانب سے دلائل دیے، جبکہ موجود “شاہی گواہ” سابق آئی جی پی چوہدری عبداللہ المأمون کی طرف سے بھی مؤقف پیش کیا گیا۔پراسیکیوشن نے تینوں ملزمان کے لیے زیادہ سے زیادہ سزا کا مطالبہ کیا تھا۔دفاع نے تین روزہ دلائل میں متعدد اہم گواہوں کی شہادتوں کو چیلنج کیا، جن میں چوہدری عبداللہ المأمون، روزنامہ امردیش کے ایڈیٹر محمود الرحمان اور نیشنل سٹیزن پارٹی کے کنوینر ناہید اسلام شامل ہیں،وکیل امیر حسین نے دعویٰ کیا کہ المأمون کا “تعاون” دباؤ کا نتیجہ تھا، جبکہ محمود الرحمان کے سیاسی نظریات نے ان کے بیان کو مشکوک بنا دیا۔بعد ازاں المأمون کے وکیل زاہد بن امجد نے بطور گواہ و ملزم الگ دلائل بھی دیے۔

10 جولائی کو کیس نے اس وقت حیران کن رخ اختیار کیا جب سابق آئی جی پی چوہدری عبداللہ المأمون نے جولائی،اگست تحریک کے دوران ہونے والی ہلاکتوں اور تشدد کی ذمہ داری قبول کر لی۔انہوں نے ٹربیونل کے روبرو بیان دیا “ہم پر قتل اور نسل کشی کے جو الزامات عائد کیے گئے ہیں وہ درست ہیں۔ میں جرم قبول کرتا ہوں۔ میں عدالت کی مدد کرنا چاہتا ہوں تاکہ مکمل حقیقت سامنے آ سکے۔”اسی روز ٹربیونل نے تینوں کے خلاف فردِ جرم باقاعدہ منظور کی اور رہائی کی درخواستیں مسترد کر دیں۔

سابق وزیراعظم پر انسانیت کے خلاف جرائم کا مقدمہ ہے، استغاثہ نے شیخ حسینہ کے لیے سزائے موت کی درخواست کر رکھی ہے۔شیخ حسینہ کے خلاف عدالتی فیصلہ آنے پر بنگلادیش میں حالات خراب ہونے کے خطرے کے پیش نظر سیکیورٹی سخت کردی گئی ہے۔شیخ حسینہ کی جماعت عوامی لیگ نے فیصلے کے خلاف ملک گیر احتجاج کی کال دے رکھی ہے۔خیال رہے کہ شیخ حسینہ پر 2024 میں طلبہ تحریک کے خلاف کریک ڈاؤن کے احکامات دینے اور وسیع پیمانے پر ہلاکتوں کا الزام ہے۔اقوامِ متحدہ کے مطابق مظاہروں کے دوران 1,400 افراد ہلاک ہوئے تھے۔