Baaghi TV

Category: اہم خبریں

  • سب سے بڑا ڈاکو پنجاب کا وزیراعلیٰ تو ڈیرھ ارب کرپشن سیکنڈل کا ملزم مشیر مقرر

    سب سے بڑا ڈاکو پنجاب کا وزیراعلیٰ تو ڈیرھ ارب کرپشن سیکنڈل کا ملزم مشیر مقرر

    انصاف اور احتساب کا نعرہ لگا کر اقتدار میں آنے والی جماعت نے انصاف کے ساتھ ساتھ اپنوں کے لئے احتساب بھی ختم کر دیا

    نواز شریف، آصف زرداری تو لٹیرے ٹھہرے لیکن پنجاب کا سب سے بڑا ڈاکو جسے کہا تھا اسکی درجن سے بھی کم سیٹیں ہونے کے باوجود پنجاب کا وزیراعلیٰ کا بنا دیا گیا ، پرویز الہیٰ نے بھی وزیراعلیٰ بنتے ہی کمال کر دکھایا ، ایسے لوگوں کا اپنا مشیر منتخب کرنا شروع کر دیا جو پہلے ہی سیکنڈلائز ہیں اور کرپشن کے کیسز میں انکے نام آ چکے ہیں،

    این آئی سی ایل سکینڈل کےمرکزی کردارایاز خان نیازی وزیراعلیٰ کے مشیرمقرر،اطلاعات کے مطابق پاکستان کے ایک بہت بڑے ادارے میں بہت بڑے اسکینڈل کے مرکزی کردار ایاز خان نیازی کو وزیراعلیٰ پنجاب کا سیاسی مشیر بنانے پرسخت تنقید کی جارہی ہے ،ایازخان نیازی کی اس تقرری پرسوشل میڈیا صارفین کا کہنا ہے کہ پرویزالٰہی اور عمران خان نے ایک کرپٹ شخص کو مشیر بنا کراپنے ہی نظریے کی نفی کی ہے ، عوام الناس کا کہنا ہے کہ انہیں یہ توقع نہیں تھی کہ عمران خان کسی ایسے شخص کوکابینہ کا حصہ بنائیں گے مگرایسا ہوگیا ،

    ایک صارف کا کہنا تھا کہ تین نوجوان دوست مونس الہی،محسن وڑائچ اور ایاز خان نیازی —ڈیرہ ارب روپے کے NICL سکینڈل کے مرکزی کردار تھے۔ آج مونس کے ابا حضور پرویز الہی نے اسی ایاز نیازی کو اپنا مشیر مقرر کر دیا۔
    امید ہے تینوں دوست اپنی “قابلیت”کا سلسلہ وہیں سے شروع کریں گے جہاں سے ٹوٹا

    صحافی رؤف کلاسرا ٹویٹ کرتے ہوئے کہتے ہیں کہ PTI نوجوانو مبارک ہو۔ سڑکوں پر شیل کھاتے رہے،پولیس کی کٹ کھائی لیکن لاٹری ایاز خان نیازی کی نکل آئی جو NICK سکینڈل میں گرفتار رہا،عدالت نے سات سال سزا سنائی۔آف شور کمپنیاں۔آج پرویز الہی نے اسے ایڈوائز بنا لیا۔ عوام صرف پسند کے لیٹروں کو اقتدار میں چاہتی ہے۔بس لیٹرا مرضی کا ہو

    رؤف کلاسرا ایک اور ٹویٹ میں کہتے ہیں کہ جس ایاز خان نیازی کو آج پرویز الہی نے اپنا مشیر مقرر کیا ہے ان کے بارے SC فیصلہ پڑھ لیں تو کانوں سے دھواں نکل جائے۔مونس الہی بارے ہدایت بھی پڑھ لیں کہ ان سے لندن بنک اکاونٹ سے گیارہ لاکھ پونڈز بھی ریکور ہونے تھے۔ آج دونوں دوست دوبارہ حکمران بن گئے ہیں۔عوام کا بس لیٹرا مرضی کا ہو

    وزیراعلیٰ پنجاب چوہدری پرویز الٰہی نے اپنی کابینہ میں توسیع کردی، 3 مشیر اور 4 معاونین خصوصی کی تقرری کے نوٹیفکیشن جاری کردیئے گئے۔وزیراعلیٰ پنجاب چوہدری پرویز الٰہی نے 3 سیاسی مشیروں کا تقرر کردیا، عمر سرفراز چیمہ وزیراعلی پنجاب کے ایڈوائزر ہوں گے، محمد ایاز خان نیازی اور نوابزادہ وسیم خان بادوزئی بھی سیاسی مشیر ہوں گے۔چیف سیکریٹری پنجاب نے وزیراعلیٰ پنجاب کے مشیران اور معاونین خصوصی کی تقرری کا نوٹیفکیشن جاری کردیا۔

    یاد رہے کہ نیشنل انشورنس کمپنی لمیٹڈ (این آئی سی ایل) اسکینڈل میں اربوں روپے کا ایک سیکنڈل سامنے آیا جس میں‌ سابق چیئرمین ایاز خان نیازی سمیت چھ ملزمان شامل تھے نیب کے مطابق ملزمان پر کورنگی میں مہنگے داموں زمین خریدنے کا الزام تھا اور ملزمان نے قومی خزانے کو 490 ملین روپے کا نقصان پہنچایا تھا۔

    یہ بھی یاد رہے کہ مئی دو ہزار دس میں ٹرانس پیرنسی انٹرنیشنل نے سپریم کورٹ کو خط لکھ کر نیشنل انشورنس کمپنی میں میگا اسکینڈل کا بھانڈہ پھوڑا تھا۔ جس پر عدالت نے ازخود نوٹس لیا تو بڑے بڑے پردہ نشینوں کے نام سامنے آئے تھے۔

    :ہیلی کاپٹر حادثہ ، سوشل میڈیا پر اداروں کیخلاف مہم میں پی ٹی آئی ایکٹوسٹ ملوث نکلے

    عارف علوی بھی اپنی غیرجانبداری سے ہٹ کر پارٹی کے چیئرمین عمران خان کے نقش قدم پر چل پڑے

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

  • تعلیمی اداروں میں اساتذہ کو تنخواہیں نہیں مل رہیں، سوشل میڈیا انفلونسرز کیلئے 87 کروڑ مختص

    تعلیمی اداروں میں اساتذہ کو تنخواہیں نہیں مل رہیں، سوشل میڈیا انفلونسرز کیلئے 87 کروڑ مختص

    خیبرپختونخواہ حکومت کا کمال،تعلیمی اداروں میں اساتذہ کو تنخواہیں نہیں مل رہیں، سوشل میڈیا انفلونسرز کیلئے 87 کروڑ مختص

    خیبرپختونخواکے مختلف اضلاع سے ایک ہزار 96 میڈیا انفلونسرز کو بھرتی کیا گیا ہے سرکاری دستاویزات کے مطابق خیبر پختونخوا کے لیے 87 کروڑ روپے مختص کیے گئے ہیں، سوشل میڈیا انفلونسرکو ایک سال کنٹریکٹ پر رکھا گیا ہے سوشل میڈیا انفلونسرزکو ماہانہ 25 ہزار روپے تنخواہ دی جائے گی ، انفلونسرز حکومت کی پالیسیوں اور کارکردگی کو سوشل میڈیا پر اجاگرکریں گے کورونا سے بچاو ویکسین سے متعلق آگاہی بھی میڈیا انفلونسرز کی ذمہ داری ہوگی

    ترجمان خیبر پختونخوا حکومت بیرسٹر سیف کا کہنا ہے کہ میڈیا انفلوانسرز انٹرن پروگرام حکومت اور عوام کا رابطہ موثر بنانے کے لیے ہے،ان انٹرنیز کا کسی جماعت یا اس کی تشہیر سے کوئی تعلق نہیں، انٹرن شپ کے لیے سوشل میڈیا انفلوانسرز میرٹ پر شفاف طریقے سے بھرتی ہوئے، آن لائن نظام کے تحت بھرتی تمام میڈیا انفلوانسرز کا ریکارڈ آن لائن موجود ہے،

    ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

    فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    سوشل میڈیا کے لئے ٹیمیں تنخواہ پر رکھنے پر سماجی رابطے کی ویب سائٹ ٹویٹر پر منصور احمد قریشی کہتے ہیں کہ خیبر پختونخوا کی سرکاری یونیورسٹیاں مالی بحران کا شکار ہو گئیں، ملازمین اب تک تنخواہوں اور الاؤنس سے محروم ہیں۔ اور پیسے سوشل میڈیا پر جھوٹی کیمپینز چلانے کے لئے اڑائے جارہے ہیں ۔

    دوسری جانب اطلاعات ہیں کہ عمران خان کی حکومت جانے کے بعد پی ٹی آئی کے سوشل میڈیا ایکٹوسٹ اداروں کے خلاف پروپیگنڈہ کر رہے ہیں ،ایف آئی اے نے کئی ایسے افراد کو گرفتار بھی کیا ہے جن کا تعلق کسی نے کسی ذریعہ سے پی ٹی آئی کی ذیلی تنظیموں سے نکلا، ان سوشل میڈیا ایکٹوسٹ نے اپنے جرم کا اعتراف بھی کیا ،گزشتہ روز بھی پی ٹی آئی اسٹوڈنٹ ونگ کے رہنما محمد منیب کیانی سوشل میڈیا پر فوج کے خلاف مہم چلانے پر شرمندگی کا اظہار کرتے ہوئے معذرت بھی کی ہے۔ اپنے اعترافی بیان میں ملزم نے کہا کہ میرا نام محمد منیب کیانی ہے اور میرے والد کا نام فرحت نعیم کیانی ہے، میں دو سال کے لیے پی ٹی آئی (آئی ایس ایف) انصاف یونین فیڈریشن کاسینئر ڈپٹی کنوینر رہا ہوں اور کل میں نےدو ٹوئٹس کیں جس میں ایک ٹوئٹ میں نے خود جنریٹ کی اور دوسری میں نے کاپی پیسٹ کی تھی دوسری جانب ملزم کے والد نے اعترافی بیان میں کہا کہ میں فرحت نعیم کیانی جو محمد منیب کیانی کا والد ہوں میرے بیٹے نےکل ایک ٹوئٹ کی تھا جو کہ قابل اعتراض تھی اور اس کو میں عین وقت پر چیک نہیں کرسکا جس کی میں ذمہ داری لیتا ہوں اور آج میں اس چیز کی گواہی دیتا ہوں کہ آئندہ یہ کام نہیں ہوگا اور ہم اس چیز سے دور رہیں گے اور میں اپنے بیٹے کی تمام ایکٹیویٹی پر نظر رکھوں گا۔

    سوشل میڈیا پر عمران خان کی کامیابی کا راز فاش

    سابق خاتون اول بشریٰ بی بی کی دیرینہ دوست فرح گوگی کا ایک اور بڑا سکینڈل منظر عام پر آ

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

    قبل ازیں سیکریٹری اطلاعات پیپلزپارٹی فیصل کریم کنڈی کا کہنا ہے کہ بلوچستان میں ہیلی کاپٹر سانحہ پر ساری قوم دکھی اور غمزدہ ہوئی ، قومی سانحہ پر پی ٹی آئی کے سوشل میڈیا ونگ کا زہریلا پروپیگنڈہ شرمناک ہے ،سانحہ پر شرمناک پروپیگنڈہ کرنے والے روبوٹوں کا ریموٹ کنٹرول بنی گالا میں ہے، عمران خان قوم کو گمراہ کرنے کے مجرم ہیں آئین کی پاسداری کرتے ہوئے ادارے غیر جانبدار ہوئے تو عمران خان کو تکلیف ہوئی ،عمران خان کی خواہش تھی کہ قومی ادارے ان کے ٹائیگرز بن جائیں،ممنوعہ فنڈنگ کے بل بوطے پر عمران خان خود کو قانون سے بالاترسمجھتے ہیں، عمران خان کی بدزبانی نے معاشرے کو آلودہ کردیا ہے

    :ہیلی کاپٹر حادثہ ، سوشل میڈیا پر اداروں کیخلاف مہم میں پی ٹی آئی ایکٹوسٹ ملوث نکلے

    عارف علوی بھی اپنی غیرجانبداری سے ہٹ کر پارٹی کے چیئرمین عمران خان کے نقش قدم پر چل پڑے

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

  • 9 حلقوں کے جاری الیکشن شیڈول کے خلاف پی ٹی آئی درخواست سماعت کے لیے مقرر

    9 حلقوں کے جاری الیکشن شیڈول کے خلاف پی ٹی آئی درخواست سماعت کے لیے مقرر

    الیکشن کمیشن کے 9 حلقوں کے جاری الیکشن شیڈول کے خلاف پی ٹی آئی درخواست سماعت کے لیے مقرر کردی گئی ہے.

    تحریک انصاف نے 9 حلقوں کے لیے الیکشن کمیشن کا جاری کردہ انتخابی شیڈول اسلام آباد ہائی کورٹ میں چیلنج کردیا ہے۔

    پی ٹی آئی کی جانب سے وکیل فیصل چوہدری نے اسلام آباد ہائی کورٹ میں متفرق درخواست دائر کی ہے جس میں اسلام آباد ہائی کورٹ سے انتخابی شیڈول کو معطل کرنے کی استدعا کی گئی ہے۔

    درخواست میں کہا گیا ہے کہ پی ٹی آئی ارکان کے استعفوں کی مرحلہ وار منظوری کے خلاف درخواست زیر التوا ہے، عدالت چار اگست کو درخواست پر سماعت کرکے نوٹس جاری کر چکی ، الیکشن کمیشن کو نوٹس کا معلوم ہے اس کے باوجود شیڈول جاری کردیا گیا۔

    درخواست میں استدعا کی گئی ہے کہ الیکشن کمیشن کا پانچ اگست کو جاری کردہ شیڈول معطل کیا جائے، پی ٹی آئی کے مرکزی کیس کے فیصلے تک الیکشن کمیشن کا انتخابی شیڈول معطل رکھا جائے۔

    اسلام آباد ہائی کورٹ نے پی ٹی آئی کی درخواست سماعت کے لیے مقرر کردی، قائم مقام چیف جسٹس عامر فاروق درخواست پر بدھ کو سماعت کریں گے۔

    یاد رہے کہ گزشتہ روز الیکشن کمیشن آف پاکستان نے قومی اسمبلی کے 9 حلقوں میں ضمنی انتخاب کا اعلان کیا تھا۔

    الیکشن کمیشن کے ترجمان نے بتایا تھا کہ کاغذاتِ نامزدگی 10 اگست سے 13 اگست تک جمع کروائے جا سکتے ہیں، جن کی جانچ پڑتال 17 اگست کو کی جائے گی جبکہ پولنگ 25 ستمبر کو ہو گی۔

    الیکشن کمیشن کے مطابق یہ ضمنی انتخاب این اے 22 مردان 3، این اے 24 چارسدہ 2، این اے 31 پشاور 5، این اے 45 کرم 1، این اے 108 فیصل آباد، این اے 118 ننکانہ صاحب 2 جبکہ کراچی کے قومی اسمبلی کے حلقوں این اے 237 ملیر 2، این اے 239 کورنگی کراچی 1 اور این اے 246 کراچی جنوبی 1 میں ہوگا۔

  • صدر عارف علوی بھی عمران خان کے نقش قدم پرچلنے لگے

    صدر عارف علوی بھی عمران خان کے نقش قدم پرچلنے لگے

    لاہور:صدرمملکت پاکستان عارف علوی بھی اپنی غیرجانبداری سے ہٹ کر پارٹی کے چیئرمین عمران خان کے نقش قدم پر چل پڑے ہیں اور اب توان کواپنےعہدے کا بھی پاس نہیں ، ان خیالات کا اظہار کرتےہوئے سینیئرصحافی مبشرلقمان نے کہا ہے کہ صدرملک کا سپریم کمانڈر ہوتا ہے لیکن وہ اپنی ذمہ داریوں سے پوری طرح آگاہ نہیں یا پھرذمہ داری کا مظاہرہ نہیں کررہے

    مبشرلقمان کا کہنا تھا کہ قوم سخت صدمے میں ڈوبی ہوئی ہے ، پاک فوج کے ایک کورکمانڈراپنے ساتھیوں سمیت دوران ڈیوٹی شہید ہوگئے مگرعارف علوی کے پاس وقت نہیں کہ وہ ان شہدا کے نمازجنازہ میں شرکت کرسکیں

    ان کا کہنا تھا کہ اس وقت عجیب سی کیفیت ہے کہ جو کام عمران خان نے کیا وہ عارف علوی کررہےہیں اور شہدا کے گھر ابھی تک نہیں گئے ، ان کا یہ بھی کہنا تھاکہ یہ بھی دیکھنے میں آیا ہےکہ سوشل میڈیا پلیٹ فارم پر پاک فوج کے ان شہدا کے متعلق بہت غلط پراپیگنڈہ کیا جارہا ہے اور ممکن ہے کہ عارف علوی اس کی وجہ سے شہدا کے گھرجانے سے گریز کررہے ہوں،

     

    ان کا یہ بھی کہنا تھا کہ سوشل میڈیا پر جو مہم چلائی جارہی ہے ایف آئی اے کو چاہیے کہ وہ ایسے افراد کے خلاف کارروائی کرے ، اور اس میں ملوث افراد کو سخت سزائیں دے

    مبشرلقمان کا کہنا تھا کہ انہیں بہر کیف دکھ ہوا ہے کہ سپریم کمانڈراگراپنے فوجیوں کے ساتھ اس غم کی گھڑی میں ان کی حوصلہ افزائی نہ کرے تو یہ تو ایک بہت ہی بری چیز ہے ، ان کا کہنا تھا کہ عارف علوی ایک پارٹی ممبربن چکے ہیں اوروہ اپنی ذمہ داریاں ادا کرنے سے قاصرہیں ، مبشرلقمان نے کہا کہ ہمیں ایسے رویوں سے اجتناب کرنا چاہیے کہ جن سے ہمارے شہدا کو دکھ پہنچے

  • آرمی چیف کی میجر جنرل امجد حنیف (شہید) اور میجر محمد طلحہ منان (شہید) کے اہل خانہ سے ملاقات

    آرمی چیف کی میجر جنرل امجد حنیف (شہید) اور میجر محمد طلحہ منان (شہید) کے اہل خانہ سے ملاقات

    راولپینڈی :آرمی چیف کی میجر جنرل امجد حنیف (شہید) اور میجر محمد طلحہ منان (شہید) کے اہل خانہ سے ملاقات،اطلاعات کے مطابق پاک فوج کے سربراہ آرمی چیف جنرل قمر جاوید باجوہ نے راولپنڈی میں میجر جنرل امجد حنیف (شہید) اور میجر محمد طلحہ منان (شہید) کے اہل خانہ سے ملاقات کی۔

    شہدائے پاک فوج کے خاندانوں سے ملاقات کے دوران آرمی چیف جنرل قمر جاوید باجوہ نے کہا کہ شہدا ہماری قوم کا فخر ہیں، ہم اپنے شہدا کے اہل خانہ کا ان کی عظیم قربانی پر کبھی بھی شکریہ ادا نہیں کر سکتے۔ آرمی چیف نے اس موقع پر شہدا کے خاندانوں کو حوصلہ دیتے ہوئے کہا کہ ان کے ساتھ جڑے رہنا ہمارا فرض ہے اور ہم ان کی بھلائی کے ہمیشہ کے لیے ذمہ دار ہیں۔

    واضح رہے کہ بلوچستان میں امدادی سرگرمیوں میں مصروف ہیلی کاپٹر پیر یکم اگست کو خراب موسم کے باعث ضلع لسبیلہ میں حادثے کا شکار ہوا تھا۔ حادثے میں کور کمانڈر کوئٹہ لیفٹیننٹ جنرل سرفراز علی سمیت چھ افراد شہید ہو گئے تھے۔

    شہداء میں کور کمانڈر کوئٹہ لیفٹیننٹ جنرل سرفراز علی کے علاوہ ڈائریکٹر جنرل پاکستان کوسٹ گارڈز میجر جنرل امجد حنیف ستی اور انجینئرنگ کور کے بریگیڈیئر محمد خالد ، پائلٹ میجر سعید احمد، پائلٹ میجر محمد طلحہ منان اور نائیک مدثر فیاض شامل ہیں۔

  • آرمی چیف جنرل قمر جاوید باجوہ کا آرمی سائبر کمانڈ کا دورہ

    آرمی چیف جنرل قمر جاوید باجوہ کا آرمی سائبر کمانڈ کا دورہ

    راولپنڈی :آرمی چیف جنرل قمر جاوید باجوہ کا آرمی سائبر کمانڈ کا دورہ،اطلاعات کے مطابق پاک فوج کے سربراہ آرمی چیف جنرل قمر جاوید باجوہ نےپاک فوج کی نئی جہت پرترتیب دی جانے والی آرمی سائبر کمانڈ کا دورہ کیا۔

    پاک فوج کے ترجمان ادارے آئی ایس پی آر کے مطابق آرمی چیف نے سائبر ڈویژن اور آرمی سینٹر آف ایمرجنگ ٹیکنالوجیز کا بھی دورہ کیا، جو آرمی سائبر کمانڈ کے دو اہم اجزاء ہیں۔

    اس موقع پر پاک فوج کے سربراہ آرمی چیف جنرل قمرجاوید باجوہ نے کہاکہ دنیا میں جنگ کی نوعیت اور کردار بدل رہا ہے۔ اس دوران فائر پاور اور سائبر مستقبل کی جنگ کی اہم بنیاد کے طور پر ابھرے ہیں ،آرمی چیف جنرل قمرجاوید باجوہ نے کہا کہ ان حالات میں ہمیں ان ڈومینز میں اپنی صلاحیت اور صلاحیت کو بڑھانے کی ضرورت ہے۔

    اس موقع پر توقعات ظاہر کرتےہوئے آرمی چیف نے کہا کہ نئی اٹھائی گئی سائبر کمانڈ کو بتدریج سہ فریقی خدمات کی سطح سے جوڑ دیا جائے گا اور قومی سطح پر ہم آہنگی کے لیے قومی سائبر اقدامات کا حصہ بھی بنے گا،

    پاک فوج کے ترجمان کے مطابق پاک فوج کے سربراہ آرمی چیف جنرل قمرجاوید کی آمد پر کمانڈر آرمی سائبر کمانڈ لیفٹیننٹ جنرل آصف غفور نے استقبال کیا۔ اس موقع پر لیفٹیننٹ جنرل ساحر شمشاد مرزا، لیفٹیننٹ جنرل اظہر عباس اور دیگر اعلیٰ فوجی افسران بھی موجود تھے۔

  • ملک وملت کواپنےشہدا پرفخرہے،شرپسند عناصرگمراہی پھیلانےسےبازرہیں:ترجمان پاک فوج

    ملک وملت کواپنےشہدا پرفخرہے،شرپسند عناصرگمراہی پھیلانےسےبازرہیں:ترجمان پاک فوج

    راولپندی:ملک وملت کواپنےشہدا پرفخرہے،شرپسند عناصرگمراہی پھیلانےسےبازرہیں:ترجمان پاک فوج نے سوشل میڈیا پر پراپیگنڈہ کرنے والوں کو وارننگ دے دی ،

    اطلاعات کےمطابق پاک فوج کے ترجمان ادارے آئی ایس پی آر کی طرف سے سوشل میڈیا پیجز پر پاک فوج کےشہدا کے بارے میں گمراہ کن پراپیگنڈہ کرنے والوں کو احساس ذمہ داری یاد دلاتے ہوئے کہا ہےکہ ہمیشہ سےملک وقوم کو اپنے شہدا پرفخررہا ہے اور یہ شہدا قوم کے احیا کی ضمانت ہوتے ہیں ، پاک فوج کے شہدا کی ایک طویل فہرست ہے ، پاک فوج کے جوانوں اور شاہینوں نے اپنی جانیں نچھاور کرتے ہوئےاس ملک کی سرحد کی حفاظت کی ،

    پاک فوج کے ان شہدا نے دہشت گردوں اور ملک وقوم کے دشمنوں کی سازشوں کو ناکام بنایا،

    پاک فوج کے ترجمان ادارے کی طرف سے توجہ مبذول کرواتے ہوئے کہا گیا ہے کہ چند دن قبل یعنی یکم اگست کو پاک فوج کے اعلیٰ افسران سیلاب متاثرہ لوگوں کی مدد کے لیے بلوچستان کے دوردراز علاقوں تک پہنچتےرہے ، اس اثنا میں بدقسمتی سے ایک ہیلی کاپٹر حادثے میں پاک فوج کے افسران شہید ہوگئے،اس قومی سانحے پر پوری قوم گہرے غم میں مبتلاہے مگرسوشل میڈیا پرپاک فوج کے ان شہدا کے بارے میں پراپیگنڈہ کیا جارہا ہے ،

    یہ پر اپیگنڈہ مہم شہدا کے خاندانوں اور مسلح افواج کے رینک اینڈ فائل میں گہرے غم اور پریشانی کا باعث بنی ہے۔ جبکہ پوری قوم اس مشکل وقت میں ادارے کے ساتھ کھڑی ہے، بعض بے حس حلقوں نے سوشل میڈیا پر توہین آمیز اور تضحیک آمیز تبصروں کا سہارا لیا جو ناقابل قبول اور انتہائی قابل مذمت ہے۔

  • ڈیرہ غازی خان ۔ وزیراعظم کا دورہ، سیلاب سے جاں بحق افراد کے ورثاء کو 10، 10 لاکھ روپے امداد دینے کا اعلان

    ڈیرہ غازی خان ۔ وزیراعظم کا دورہ، سیلاب سے جاں بحق افراد کے ورثاء کو 10، 10 لاکھ روپے امداد دینے کا اعلان

    ڈیرہ غازیخان ۔ وزیراعظم کا دورہ، سیلاب سے جاں بحق افرادکے ورثاء کو 10، 10 لاکھ روپے امداددینے کااعلان
    سیلابی صورتحال وفاق اور صوبائی حکومت کا مشترکا چیلنج ہے
    باغی ٹی وی رپورٹ۔وزیراعظم میاں محمد شہباز شریف نے ڈیرہ غازی خان کے دورے کے موقع پر جاں بحق ہونے والے افراد کے ورثا کو 10 لاکھ روپے امداد دینے کا اعلان کیا ہے۔سیلاب متاثرہ علاقوں کے دورے پر وزیراعظم میاں محمد شہباز شریف جمعہ 5 اگست کو ڈیرہ غازی خان پہنچے۔وزیراعظم شہباز شریف نے کہا ہے کہ آفت کی گھڑی میں مل کر کام کریں گے، یہ سیاست کا نہیں خدمت کا وقت ہے، آخری گھر آباد ہونے تک چین سے نہیں بیٹھیں گے، سیاست بعد میں ہو گی پہلے سیلاب متاثرہ علاقوں کی خدمت ہوگی۔انہوں نے کہا کہ وفاق جاں بحق افراد کے لواحقین کو 10، 10 لاکھ جبکہ زخمیوں کو اڑھائی لاکھ روپے دے گا۔ حق دار کو ان کی دہلیز پر حق پہنچایا جائے گا،

    ان کے بس میں ہو تو بڑھ چڑھ کر متاثرین کی امداد کریں۔ مزید کہا کہ مکان تباہ ہونے پر 5 لاکھ، جزوی نقصان پر اڑھائی لاکھ دیا جائے گا۔انہوں نے کہا کہ فصلوں اور دیگر اشیا کے نقصانات پر چیف سیکریٹری ینے سروے کرلیا ہے لیکن وفاق نے طے کیا ہے کہ صوبوں کے ساتھ مل کر یہ سروے مکمل کیا جائے گا تاکہ حق دار کو اس کا حق ملے۔وزیراعظم شہباز شریف نے کہا یہاں ہمارے نوجوان وائس چیئرمین احمد خان کی جانب سے پانی کا چینل بنانے کا مطالبہ کیا گیا ہے، میں آپ سے وعدہ کرتا ہوں کہ ان شا اللہ یہ آپ کو بنا کر دیں گے۔انہوں نے کہا کہ میں اس وقت آپ سے اتنا ہی وعدہ کر سکتا ہوں کیونکہ این ایف سی ایوارڈ کے تحت وسائل کی تقسیم کے معاہدے کے مطابق 58فیصد صوبوں کو چلا جاتا ہے، لہذا صوبائی حکومتوں کی اولین ذمہ داری ہے کہ وہ اپنے صوبے کے عوام کی بھلائی، خوشحالی اور ترقی کے لیے وسائل استعمال کریں اور وہ یقینا ایسا ضرور کریں گے۔

    وزیراعظم شہباز شریف نے کہا کہ سیلاب کے بعد پیدا ہونے والی موجودہ صورتحال وفاق اور صوبائی حکومت کا مشترکہ چیلنج ہے، ان شا اللہ مل کر ہم اس سے نمٹیں گے، میں آپ سے وعدہ کرتا ہوں کہ جب تک آخری گھر آباد نہیں ہوجاتا میں چین سے نہیں بیٹھوں گا۔حکام کی جانب سے جنوبی پنجاب اور بلوچستان کے سیلاب متاثرہ علاقوں کے دورے کے دوران ریسکیو اور ریلیف کے کاموں سے متعلق تفصیلی بریفنگ دی گئی۔ انہوں نے متاثرین کیلئے مختص فنڈز بحالی پروگرام کی جلد تکمیل کیلئے فوری خرچ کرنے کا حکم دیا۔وزیراعظم شہباز شریف نے سیلاب سے متاثرہ علاقوں کے دورے کے دوران کہا کہ سیلاب زدہ علاقوں میں صوبائی حکومتوں سے مل کر کام کر رہے ہیں، انہوں نے ہدایت کی کہ امدادی رقم سیلاب متاثرین پر خرچ ہونی چاہیے۔اس موقع پر وفاقی وزیرِ اطلاعات و نشریات مریم اورنگزیب، معاونِ خصوصی عطا اللہ تاررڑ، رکنِ قومی اسمبلی سردار ریاض محمود خان مزاری، اسلم بھوتانی اور نیشنل ڈیزازٹر مینجمنٹ کے چیئرمین لیفٹیننٹ جنرل اختر نواز بھی وزیرِ اعظم کے ہمراہ رہے۔ڈیرہ غازیخان آمد پرانہیں سرداراویس احمدخان لغاری،سید عبدالعلیم شاہ،میربادشاہ قیصرانی ،سردارعبدالقادرخان کھوسہ ودیگرنے انہیں خوش آمدیدکہااور انتظامیہ کی جانب سے وزیرِ اعظم کو وہاں سیلاب متاثرین کی جاری مدد پر تفصیلی طور پر بریفنگ دی گئی۔ این ڈی ایم اے حکام نے وزیراعظم کو سیلاب کی تباہ کاریوں اور اقدامات سے متعلق بھی آگاہ کیا۔بریفنگ کے دوران وزیراعظم شہباز شریف کا کہنا تھا کہ سیلاب متاثرین کیلئے صوبائی حکومتوں کے ساتھ مل کر کام کر رہے ہیں، متاثرین کے نقصانات کا جائزہ لینے کیلئے جوائنٹ سروے کی ضرورت ہے۔وزیراعظم کا یہ بھی کہنا تھا کہ صوبوں کو ملنے والی امدادی رقم سیلاب متاثرین پر خرچ ہونی چاہیے۔

  • الیکشن کمیشن نے پی ٹی آئی کو جاری شوکاز نوٹس پر سماعت مقرر کردی

    الیکشن کمیشن نے پی ٹی آئی کو جاری شوکاز نوٹس پر سماعت مقرر کردی

    الیکشن کمیشن نے پی ٹی آئی کے ممنوعہ فنڈ ضبط کرنے کا باضابطہ شو کاز نوٹس جاری کردیا

    شو کاز نوٹس میں 23 اگست کو پیش ہونے کی ہدایت کی گئی ہے،نوٹس چیئرمین تحریک انصاف عمران خان کو جاری کیا الیکشن کمیشن نے پی ٹی آئی کو جاری شوکاز نوٹس پر سماعت مقرر کردی چیف الیکشن کمشنر کی سربراہی میں الیکشن کمیشن 23 اگست کو سماعت کرے گا

    علاوہ ازیں توشہ خانہ کیس،عمران خان کی نااہلی کی درخواست سماعت کیلئے مقرر کر دی گئی،الیکشن کمیشن حکمران اتحاد کی درخواست پر 18 اگست کو سماعت کرے گا حکمران اتحاد نے عمران خان کی نااہلی کیلئے الیکشن کمیشن سے رجوع کیا تھا

    ممنوعہ فنڈنگ کیس کا فیصلہ الیکشن کمیشن نے آٹھ برس کے بعد سنایا،پی ٹی آئی مسلسل فیصلے میں التوا مانگتی رہی، حکومتی اتحادی جماعتوں نے فیصلہ جلد سنانے کا مطالبہ کیا تھا، الیکشن کمیشن کے تین رکنی بینچ نے متفقہ فیصلہ سنایا تھا جس میں کہا تھا کہ عمران خان نے جھوٹا حلف نامہ جمع کروایا، ممنوعہ فنڈنگ ثابت ہو گئی ہے

    الیکشن کمیشن نے فارن فنڈنگ کیس کا فیصلہ سناتے ہوئے کہا ہے کہ تحریک انصاف کو ابراج گروپ سمیت غیر ملکی کمپنیوں سے فنڈنگ موصول ہوئی تھی۔الیکشن کمیشن کے مطابق: تحریک انصاف نے اپنے اکاؤنٹس الیکشن کمیشن سے چھپائے ہیں۔ الیکشن کمیشن نے مزید کہا کہ: عمران خان نے الیکشن کمیشن میں "مس ڈیکلیریشن” جمع کرایا تھا اور پی ٹی آئی چیئرمین کا سرٹیفکیٹ غلط تھا۔ای سی پی نے دعوی کیا کہ: پی ٹی آئی نے امریکا سے ایل ایل سی سے فنڈنگ لی تھی جو ثابت ہوگئی لہذا تحریک انصاف نے آرٹیکل 17 کی خلاف ورزی کی ہے۔

    دوسری جانب تحریک انصاف کے وائس چیئرمین شاہ محمود قریشی کا کہنا ہے کہ پی ٹی آئی واحد سیاسی جماعت ہے جس نے شفاف فنڈ ریزنگ کی،الیکشن کمیشن کی جانبداری کے باوجود ہم نے مکمل ثبوت دیئے ہیں،اورسیز پاکستانیوں کو ناراض کرنے کے عزائم ہمیشہ ناکام رہیں گے،الیکشن کمیشن نے 8 کیسز میں ہمارے خلاف فیصلہ دیا،توقعات لگا کر بیٹھنے والے حساب دینے سے کترا رہے ہیں

    ،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

    اکبر ایس بابر سچا اور عمران خان جھوٹا ثابت ہوگیا،چوھدری شجاعت

    عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

    پی ڈی ایم اجلاس،عمران خان کے خلاف کارروائی سے متعلق غور

    دوسروں کو چور کہنے والا خود کتنا بڑا چور نکلا۔ اسحاق ڈار

    ممنوعہ فنڈنگ کیس میں ایف آئی اے نے تحقیقات کا آغاز کردیا

    دوسری جانب وزیر مملکت مصدق ملک نے نیوزکانفرنس کرتے ہوئے کہا کہ فارن فنڈنگ کی ساری تحقیقات پی ٹی آئی دور میں ہوئیں،عمران خان نے گورنر سٹیٹ بنک لگایا، انہوں نے ہی ریکارڈ الیکشن کمیشن کو دیا،گورنر سٹیٹ بنک عمران خان نے لگایا، کیا وہ بھی جھوٹ بول رہے ہیں؟ چیف الیکشن کمشنر عمران خان نے لگایا، کیا وہ بھی جھوٹ بول رہے ہیں؟ عمران خان بیرونی ہاتھوں میں کٹھ پتلی ہیں،شہزاد اکبر لندن گئے اور خفیہ معاہدہ کیا، جو اربوں روپے حکومت پاکستان کو ملنا تھے وہ خفیہ معاہدے کے تحت ملک ریاض کو ملے عمران خان کے ارد گرد ہر شخص مشکوک ہے،عمران خان کا کالا دھن بھی سفید اور عام آدمی کا سفید دھن بھی کالا دھن، عمران خان نے ہسپتال کیلئے دیا گیا چندہ بھی سیاست کیلئے استعمال کیا،قانون کے مطابق چلیں گے، کسی کے خلاف کوئی انتقامی کارروائی نہیں ہو گی،

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    بشریٰ بی بی کی قریبی دوست فرح نے خاموشی توڑ دی

    عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

  • باپ وائس چیئرمین، بیٹا ایم پی اے، بیٹی ایم این اے کی امیدوار،پی ٹی آئی سے موروثیت ختم

    باپ وائس چیئرمین، بیٹا ایم پی اے، بیٹی ایم این اے کی امیدوار،پی ٹی آئی سے موروثیت ختم

    باغی ٹی وی کی رپورٹ کے مطابق تحریک انصاف بھی موروثی جماعت نکلی

    عمران خان موروثیت کے خاتمے کے دعویدار، ن لیگ پیپلز پارٹی پر تنقید کرتے رہتے ہیں مگر اب انہوں نے اپنی پارٹی پر نظر نہیں ڈالی، موروثیت یہاں تک کہ باپ تحریک انصاف کا وائس چیئرمین، سابق رکن اسمبلی، بیٹا ایم پی اے اور اب بیٹی ایم این اے کا الیکشن لڑ رہی ہے،

    پورے حلقہ این اے 157 میں تحریک انصاف کو کوئی ایسا کارکن نہیں ملا جس کو اس حلقے سے ٹکٹ دیا جا سکے، پہلے ضمنی الیکشن صوبائی سیٹوں پر ہوئے تو شاہ محمود قریشی کے بیٹے زین قریشی کو ٹکٹ دے دیا گیا اب قومی اسمبلی کے الیکشن ہو رہے ہیں تو شاہ محمود قریشی کی بیٹی نے کاغذات نامزدگی جمع کروا دیئے ہیں

    مہر بانو قریشی نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ خان صاحب نے جو امید کا دِیا جلایا ہے ہم اُسے بُجھنے نہین دین گے

    ملتان میں پی ٹی آئی کارکن انجینئر وسیم نے ساتھیوں کے ہمراہ وائس چیئرمین شاہ محمود قریشی کے خلاف احتجاج کیا اور کہا کہ ,این اے 157 میں شاہ محمود قریشی اپنی بیٹی مہر بانو قریشی کو امیدوار کھڑا کر کے موروثی سیاست کو فروغ دے رہے ہیں,

    سماجی رابطے کی ویب سائٹ ٹویٹر پر ٹویٹ کرتے ہوئے ایک پی ٹی آئی کارکن کا کہنا تھا کہ ملتان میں تحریک انصاف کے رہنماؤں اور کارکنوں کی جانب سے سوشل میڈیا پر #موروثی_سیاست_نامنظور ، #notacceptable اور #rejected ٹاپ ٹرینڈ بن رہا ہے خان صاحب کو اس فیصلے پر نظر ثانی کرنا ہوگی۔مہر بانو قریشی صاحبہ کا کوئی ورک پارٹی میں آج تک کہیں نظر آیا تو نہیں پھر ٹکٹ کیوں ؟؟؟

    https://twitter.com/Khawajaraheel/status/1555477207216267264

    ایک صارف کا کہنا تھا کہ پی ٹی آئی کا فراڈی اور چندہ خور لیڈر جو کہتا ہے کرتا اس سے 180ڈگری دوسرا کام ہے یہ مہر بانو قریشی ہے شاہ محمود قریشی کی بیٹی پہلے باپ پھر بیٹا اب بیٹی کو ٹکٹ دے دی ۔ جلسوں میں اعلان کرتا کہ موروثی سیاست کے خلاف ہوں مگر ٹکٹ پرانے سیاسی خاندانوں کو دیتا ہے

    https://twitter.com/farhanaaghapak/status/1555442362444353539

    سماجی رابطے کی ویب سائٹ ٹویٹر پر ایک اور صارف کا کہنا تھا کہ شاہ محمود قریشی ایم این اے کے بیٹے زین قریشی ایم این اے157کے مستعفی ہونے سے خالی ہونے والی سیٹ پر شاہ محمود قریشی کی بڑی بیٹی مہر بانو قریشی کو پی ٹی آئی کا ٹکٹ جاری کرکے موروثی سیاست کا خاتمہ کر دیا۔ یاد رہے کہ زین قریشی استعفیٰ کے بعد پی ٹی آئی کے ٹکٹ پر ایم پی اے بن گئے تھے

    ایک اور صارف نے ٹویٹ کرتے ہوئے کہا کہ پارٹی پالیسی سر آنکھوں پر لیکن ملتانیوں پر مورثی سیاست مسلط کرنے پر سوال تو بنتا ہے شاہ محمود ،زین قریشی اور اب مہر بانو ایک ورکر پوچھ رہا ہے کیا پورے ملتان میں مہربانو کے علاوہ کوئی ایسا قابل ورکر نہیں؟یہ بات تو واضع ہے کہ ووٹ شخصیت کو نہیں بلکہ بلے کے نشان کو دیکھ کر دیا جاتا

    منصور احمد قریشی کہتے ہیں کہ شاہ محمود قریشی ایم این اے
    زین قریشی بیٹا ایکس ایم این اے / ایم پی اے
    مہر بانو قریشی امیدوار فار ایم این اے
    پی ٹی آئی میں موروثی سیاست کا کوئی لینا دینا نہیں ۔

    ن لیگی رکن پنجاب اسمبلی حنا پرویز بٹ نے ٹویٹ کرتے ہوئے کہا کہ کہتے ہیں عمران خان موروثی سیاست کیخلاف ہے، دوسری جانب شاہ محمود قریشی کے بیٹے کو ایم پی اے بنانے کے بعد اب ان کی بیٹی کو پارٹی ٹکٹ دیدیا گیا۔۔۔واہ

    قبل ازیں گزشتہ روز تحریک انصاف کے رہنما شاہ محمود قریشی کا کہنا تھا کہ الیکشن کمیشن نے این اے 157 کا شیڈول جاری کر دیا ہے عمران خان کی اجازت سے میری بیٹی مہر بانو نے اپنے کاغذات جمع کروا دہے ہیں,میری بیٹی تعلیم کے بعد صحافت سے بھی منسلک رہی ہے ,میری بیٹی کو پاکستان کی اگلی نسل کا احساس بھی ہے,پاکستان کی آدھی آبادی خواتین پر مشتمل ہے, عمران کا بیانیہ ہر جگہ پہنچنا ہماری سیاست کے لیے ضروری ہے,حکومت نے لنگر خانوں کو بند کرنے کی کوشش کی,نون کے لوگ این اے ایک سو ستاون میں پیپلزپارٹی کے ساتھ چلنے کو تیار نہیں ہیں,ووٹر ترازو میں تول کر اپنا فیصلہ کرے,این اے ایک سو ستاون میں مہر بانو بیسٹ آپشن ہے پیپلزپارٹی کو پنجاب میں ووٹ دے کر ووٹ ضائع کرنے والی بات ہے,یوسف رضا گیلانی لندن میں سیٹوں کی بھیک مانگ رہے ہیں,

    عمران خان سمیت پوری پی ٹی آئی کو نااھل قرار دے کر پی ٹی آئی کی رجسٹریشن منسوخ کرنے کا مطالبہ 

    ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

    ،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

    اکبر ایس بابر سچا اور عمران خان جھوٹا ثابت ہوگیا،چوھدری شجاعت

    عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

    پی ڈی ایم اجلاس،عمران خان کے خلاف کارروائی سے متعلق غور