Baaghi TV

Category: اہم خبریں

  • پی ٹی آئی کے خلاف ریفرنس 48 گھنٹوں میں سپریم کورٹ بھیجا جائے،نواز شریف

    پی ٹی آئی کے خلاف ریفرنس 48 گھنٹوں میں سپریم کورٹ بھیجا جائے،نواز شریف

    وزیراعظم شہباز شریف کی زیر صدارت حکمران اتحاد کے قائدین کے اجلاس کی اندرونی کہانی کا باغی ٹی وی نے پتہ لگا لیا۔

    باغی ٹی وی کی رپورٹ کے مطابق حکمران اتحاد کے قائدین کے اجلاس میں مسلم لیگ ن کے قائد اور سابق وزیراعظم نواز شریف نے اتحادی جماعتوں کو آئندہ 48 گھنٹوں میں پاکستان تحریک انصاف کے خلاف ریفرنس سپریم کورٹ بھیجنے کی ہدایت کردی۔

    حکومتی اتحادی جماعتوں کا عمران خان کو نااہل قراردینےکیلئے ریفرنس دائرکرنےکا فیصلہ

    ذرائع کے مطابق سابق وزیراعظم نواز شریف نے ہدایت کی ہےکہ سپریم کورٹ سے استدعا کی جائےکہ اس ریفرنس کو فل کورٹ سنے۔ نواز شریف کا کہنا تھا کہ ملک دشمن عناصرکے ایجنڈے پر عدم استحکام پیدا کرنے والوں سےکوئی رعایت نہ برتی جائے، انہوں نے کہا کہ عمران خان سی پیک کو رول بیک اور کشمیرکا سودا کرنے میں بھی براہ راست ملوث ہے۔

     

    فارن فنڈنگ کیس:اسد قیصر، قاسم سوری و دیگر کیخلاف آپریشن کلین اپ شروع ہونیکا امکان

     

    اس موقع پر قومی وطن پارٹی کے سربراہ آفتاب شیرپاؤ نےکہا کہ اتحادی حکومت کو اب کارکردگی دکھانا ہوگی، حکومت کو مہنگائی کے جن کو ہر صورت قابو کرنا ہوگا۔ اجلاس میں فیصلہ کیا گیا کہ اتحادی جماعتیں ملک بھر میں تحریک انصاف کے خلاف مل کر جلسےکریں گی، ایم کیو ایم کراچی میں اور پیپلز پارٹی حیدر آباد اور سکھر میں جلسے کرےگی۔ جے یو آئی پشاور میں پختونخوامیپ اوربی این پی مینگل کوئٹہ میں جلسہ کریں گی، مسلم لیگ ن لاہور ، راولپنڈی اور اسلام آباد میں جلسے کرےگی، جلسوں میں اتحادی جماعتوں کی تمام قیادت شریک ہوگی۔

     

    پی ٹی آئی کو فارن فنڈنگ پارٹی ڈکلیئر کرنے کا فیصلہ کرنا ہے،رانا ثناء اللہ

     

    قبل ازین بھی سابق وزیراعظم اور مسلم لیگ ن کے قائد نواز شریف نے لندن میں میڈیا کے نمائیندوں سے گفتگو کرتے ہوئے کہا تھا کہ میں یہ سمجھتا ہوں کہ ثاقب نثار صاحب چاہے ریٹائر ہو گئے ہیں لیکن وقت آئے گا اور ان کو ان سب باتوں کا جواب دینا پڑے گا. عظمت شیخ صاحب جو جج تھے ان کو اس بات کا جواب دینا پڑے گا،انہوں نے وٹس ایپ پر کس طرح سے جے آئی ٹی بنائی؟،اب کھوسہ صاحب کو بھی اس بات کا جواب دینا پڑے گا کہ انہوں نے عمران خان کو کہا تم کیوں سڑکوں پر پھرتے ہو ؟ اؤ ہمارے پاس اپنا کیس لے کر آؤ،ہم فیصلہ سنائیں گے.

    نواز شریف نے کہا کہ حد ہوتی ہے نا انصافیوں کی ،ظلم کی، ذیادتیوں کی، میرے خلاف ظلم ،ذیادتی ،ناانصافی کرتے کرتے پاکستان کو ڈبو دیا.پاکستان کو نعوزوبلا تباہ وبرباد کر دیا.آج پاکستان کو ایسی جگہ پر پہنچا دیا ہے جہان آج پاکستان کو اپنے پاؤں پر کھڑا کرنا مشکل ہو رہا ہے.پاکستان کی معیشت کا گزشتہ چار سال میں وہ حال کر دیا ہے کہ اس کو وینٹی لیٹر پر لے آئے ہیں،جس کی آج دوبارہ سانس بحال کرنا مشکل ہو رہا ہے.

    انہوں نے کہا کہ بے چارے لوگوں کی مہنگائی سے قمر ٹوٹ گئی ہے ، چار سال سے قمر توڑ مہنگائی کا تسلسل چل رہا ہے جو بند ہونے کا نام ہی نہیں لیتا.میں سمجھتا ہوں کہ یہ سب چیزیں پاکستان کے ساتھ زیادتی ہیں. نواز شریف نے کہا کہ میں بڑے پر زور الفاظ میں حکومت سے کہوں گا اور پاکستان کے سیاسی پارٹیوں کو بھی کہوں گا کہ اس میں کردار ادا کریں اس فتنے کی فتنہ بازی اور شرانگیزی کو اب ہمیشہ کیلئے ختم کریں ،آئین اور قانوں کے مطابق اس کے خلاف فوری ایکشن لیں.

  • ہیلی کاپٹرحادثہ، امریکی ڈرون کے چرچے،جعلی ٹویٹ،سازشی پکڑے گئے

    ہیلی کاپٹرحادثہ، امریکی ڈرون کے چرچے،جعلی ٹویٹ،سازشی پکڑے گئے

    ہیلی کاپٹر حادثہ، امریکی ڈرون کے چرچے،جعلی ٹویٹ،سازشی پکڑے گئے

    باغی ٹی وی کی رپورٹ کے مطابق بلوچستان میں ہیلی کاپٹر حادثے کے بعد سوشل میڈیا پر پروپیگنڈے کا سلسلہ جاری ہے
    ہیلی کاپٹر حادثے کے بعد سماجی رابطے کی ویب سائٹ ٹویٹر پر ایک ٹویٹ کی گئی جس کو لے کر پروپیگنڈے کا طوفان کھڑا کیا گیا ہے، ہیلی حادثے کے بعد جعلی اکاؤنٹ سے کی جانے والی ٹویٹ میں یہ کہا گیا تھا کہ پاکستان میں امریکی ایمبیسی بڑے افسوس سے اطلاع دیتی ہے کہ غلطی سے پاک فوج کے ہیلی کاپٹر کو ڈرون نے ہٹ کر دیا جس کے نتیجے میں اموات ہوئی ہیں ،ٹیمیں کریش کی جگہ لسبیلہ پر پہنچ رہی ہیں ہمیں لیفٹیننٹ جنرل سرفراز علی کی موت پر افسوس ہے

    جب اس اکاؤنٹ سے ٹویٹ کی گئی تو اسکے ٹوٹل دو فالورز تھے جو بعد میں بڑھتے گئے، اسکا سکرین شاٹ بھی وائرل ہوا اور پروپیگنڈہ کیا گیا،حقیقت جاننے کے باوجود یہ ایک فیک اکاؤنٹ ہے پی ٹی آئی کے حامی سول میڈیا صارفین نے اس کو لے کر ٹویٹس کیں اور تنقید کی ،جب جعلی اکاؤنٹ سے کی گئی ٹویٹ وائرل ہونے لگی تو اس اکاؤنٹ کا نام بدل دیا گیا

    جس اکاؤنٹ سے ہیلی کاپٹر ڈرون سے گرنے کی ٹویٹ کی گئی باغی ٹی وی کی رپورٹ کے مطابق اس اکاؤنٹ سے پہلے بھی کچھ ٹویٹس کی گئی تھیں جنکو ڈیلیٹ کر دیا گیا ہے، وہ ٹویٹس بھارت مین مسلمانوں کو نشانہ بنانے کے حوالہ سے کی جا رہی تھیں

    اس بات میں کوئی شک نہیں ہے کہ اس وقت سوشل میڈیا ایک بہت بڑا فتنہ بنا ہوا ہے اور اس فتنے کا دشمن پھرپور استعمال کررہا ہے۔ مزے کی بات یہ ہے کہ اس فتنے کی مدد سے دشمن ہزارون میل دور بیٹھ کر بھی گھروں میں بیٹھے ہوئے معصوم لوگوں تک پہنچ کر بدگمانی پیدا کر رہا ہے، دشمن ہر برے وقت میں حالات سے بھرپور فائدہ اٹھا رہا ہے اور ایسا کوئی موقع ضائع نہیں ہونے دے رہا جس سے وہ قوم میں انتشار اور بدگمانی پھیلا سکتا ہے۔ یہ ہماری بدنصیبی بھی ہے کہ ہمارے اپنے ملک کے لوگ اس میں استعمال ہو رہے ہیں اور دشمن اپنے ہی لوگوں کا روپ دھار کر خوب فساد مچا رہا ہے۔ یہ ساری باتیں میں ہوا میں نہیں کر رہا ہے بلکہ اس کے ثبوت ایسے ہیں آپ وہ ثبوت دیکھ کر حیران رہ جائیں گے

    سینئر صحافی و اینکر پرسن مبشر لقمان نے انکشاف کرتے ہوئے کہا کہ دراصل آج کل ہو کیا رہا ہے کہ بڑے ناموں سے جن کی بات معاشرے کے لوگوں کے لیے اہمیت رکھتی ہے ان کے نام سے جعلی اکاونٹ بنا کر فتنہ پھیلا کر مقاصد حاصل کیے جاتے ہیں اور بعد میں اکاونٹ کا نام تبدیل کر لیا جاتا ہے۔ اگر آپ فیس بک یا ٹویٹر استعمال کرتے ہیں تو آپ اس سے بخوبی واقف ہوں گے کہ کس کس سیاستدان، کس کس مذہبی لیڈر اور دیگر اہم رہنماوں کے نام سے اکاونٹ بنے ہوئے ہیں۔ مثال کے طور پر چوہدری نثار کے نام سے کئی اکاونٹ سامنے آتے ہیں جن سے سیاسی طور پر کئی غیر معمولی باتیں کی جاتی ہیں لیکن چوہدری نثار نے ہمیشہ یہ کہا ہے کہ یہ میرے اکاونٹ نہیں ہیں۔ اسی طرح حال ہی میں ایک ہیلی کاپٹر کو بدنصیب واقعہ پیش آیا جس میں پاک فوج کے سینئر افسران بھی سوار تھے جو حادثہ کی صورت میں شہید ہو گئے۔

    اسی دن بائیڈن نے ایمن الظوائری کو ڈرون حملے میں اڑانے کی خبر دی۔ پہلے تو تحریک انصاف کے نام نہاد لیڈروں نے یہ سوال پوچھنا شروع کر دیا کہ یہ ڈرون کہاں سے ہو کر گیا تھا۔ لیکن اس کے ساتھ ہی ہمسایہ دشمن ملک نے اس حادثے کے حوالے سے بد گمانی پیدا کرنی شروع کر دی۔ اس کے لیے ایک جعلی اکاونٹ بنایا گیا اس کی پروفائل پر لکھا ہوا تھا Level 2 policy advisor to David blom, US ambassoder to paksitan پھر اس اکاونٹ سے جو Caryn E. Giffordکے نام سے تھا سے ایک ٹویٹ کی گئی کہ پاکستان میں امریکی ایمبیسی بڑے افسوس سے یہ اطلاع دیتی ہے کہ ہمارے ایک Tactical droneنے غلطی سے پاک فوج کے ایک ہیلی کاپٹر کو ٹارگٹ کر دیا جس کے نتیجے میں کچھ اموات ہوئی ہیں، ٹیمیں کریش کی جگہ پر لسبیلہ میں پہنچ رہی ہیں۔ ہمیں لیفٹینٹ جنرل سرفراز علی 12 corpsکے نقصان کا افسوس ہے۔ جب یہ ٹویٹ کہ گئی تو ا سوقت اس اکاونٹ کے فالورز کی تعداد دو تھی۔ جو دیکھتے ہی دیکھتے ایک ہزار تک پہنچ گئی۔ یہ بڑی دلچسپ بات ہے کہ اس کے فالورز کون ہیں۔

    ایک ہزار تک فالورز پہنچنے کے بعد اس کے سکرین شارٹس کو پراپیگنڈے کے لیے استعمال کیا گیا اور اکاونٹ کا نام تبدیل کر دیا گیا۔ اور اس اکاونٹ کا نیا نام Chantille Austin رکھ دیا گیا۔ جبکہ پاکستان کے ہیلی کاپٹر پر ٹویٹ کرنے سے پہلے اس اکاونٹ سے ہندو ازم اور مسلمانوں کو ہندوستان میں نشانہ بنانے کے حوالے سے ٹویٹ کی جا رہی تھی۔ جو آپ دیکھ سکتے ہیں۔ جس نے توہین رسالت کرنے والی نوپور شرما کی حمایت کے علاوہ پاکستان کے خلاف بھی ٹویٹ کی ہوئی تھی، جو بعد میں ساری ڈیلیٹ کر دی گئی اکاونٹ کا نام تبدیل کرنے کے بعد۔لیکن اب پھر ان ٹویٹس کو دوبارہ لگا دیا گیا ہے اور کہا گیا ہے کہ میں نے پالیسی کی وجوہات پر وہ ڈیلیٹ کر دی ۔

    جبکہ وہ لوگ جو پراپیگنڈا کے لیے فوری ویب سائیٹس بنا کر اس کے اصلی ہونے کا تاثر دینے کے لیے خبریں لگاتے ہیں ان سے ایک ویب سائٹ بھی بنوائی گئی اور یہ خبر وہاں بھی لگائی گئی۔اب آپ اگر ان کے فالورز پر نظر ڈالیں تو حیران ہو ں گے کہ اس میںArmy training command میجر گورو آریا
    عائشہ صدیقہ
    سبرامینیم سوامی
    میجر سرندر پونیا
    بھارت کی نیوز ایجنسی اے این آئی
    ریپبلک ٹی وی
    وزیر اعلی یو ۔ پی ۔۔یوگی ادیتیہ ناتھ
    راج ناتھ سنگھ
    سمیت بہت سے اہم لیڈروں کے
    Verified
    اکاونٹ ہیں۔ اب ان لوگوں کے اکاونٹ سے اس طرح کی ٹویٹ ری ٹویٹ ہو گی تو کون ایسا بندہ ہے جو فورا دھوکہ نہیں کھا جائے گا۔اور دوسری سب سے اہم بات یہ ہے کہ تحریک انصاف کے وہ Key board warrier جو Regime change operation کی آڑ میں پاک فوج کو نشانہ بنا رہے ہیں بڑی تعداد میں اس کو فالو کر رہے ہیں۔ اسے فالو کرنے کا مقصد معلومات حاصل کرنا تھا یا کچھ اور ۔ یا یہ ان کے لیے استعمال بھی ہو رہے ہیں یہ کہنا ابھی مشکل ہے۔ لیکن اس میں کئی ایسے بھارتی ایجنٹ ہیں جو تحریک انصاف کے سپورٹر کاروپ دھار کے لگے ہاتھوں اپنے ہاتھ صاف کر رہے ہیں۔اس کا مقصد بھی امریکہ سے پاکستان کے تعلقات کو نقصان پہنچانا ہے، پاکستان میں امریکہ کے لیے نفرت پیدا کرنے ہے، دونوں ملکوں کے تعلقات خراب کر کے پاکستان کے معاشی اور سیاسی حالات کو مزید خراب کرنا ہے۔

    مبشر لقمان کا مزید کہنا تھا کہ میں یہ نہیں کہوں گا کہ تحریک انصاف کا سوشل میڈیا بھارت کا ساتھ دے رہا ہے لیکن یہ بات سوچنے کے لائق ہے کہ اگر بھارت کے مفاد میں ہے کہ امریکہ اور پاکستان کے تعلقات خراب کیئے جائیں تو یہاں پاکستان میں لوگ کیوں پاکستان اور امریکہ کے تعلقات کو برباد کرنے پر تلے ہوئے ہیں۔اور پھر کہتے ہیں کہ مین امریکہ کا دشمن نہیں ہوں۔؟

    [wp-embedder-pack width=”100%” height=”400px” download=”all” download-text=”” attachment_id=”525600″ /]

  • پی ٹی آئی کو فارن فنڈنگ پارٹی ڈکلیئر کرنے کا فیصلہ کرنا ہے،رانا ثناء اللہ

    پی ٹی آئی کو فارن فنڈنگ پارٹی ڈکلیئر کرنے کا فیصلہ کرنا ہے،رانا ثناء اللہ

    وفاقی وزیر داخلہ رانا ثناء اللّٰہ کا کہنا ہے کہ حکومت نے پی ٹی آئی کو فارن فنڈنگ پارٹی ڈکلیئر کرنے کا فیصلہ کرنا ہے، فوری طور پر یہ کل کے اجلاس میں نتیجہ نہیں آئے گا، ضروری درکار وقت میں یہ کام ہو گا، اس پر کام جاری ہے، کل وفاقی کابینہ میں اس حوالے سے اہم فیصلے ہوں گے۔

    اسلام آباد میں پریس کانفرنس کرتے ہوئے رانا ثناء اللّٰہ نے کہا کہ پی ٹی آئی کل احتجاج کے نام پر انتشار پھِیلانا چاہتی ہے، یہ الیکشن کمیشن پر حملہ آور ہو سکتے ہیں۔
    حکومتی اتحادی جماعتوں کا عمران خان کو نااہل قراردینےکیلئے ریفرنس دائرکرنےکا فیصلہ

    انہوں نے کہا کہ کل تحریک انصاف نے الیکشن کمیشن کے سامنے احتجاج کا اعلان کیا، ہمیں محسوس ہوا اس میں ان کی خاص دلچسپی نہیں ہے، کچھ رپورٹس ملی ہیں، عمران خان اور فواد چوہدری کا بیان بھی آیا، رپورٹس کے مطابق یہ الیکشن کمیشن کے سامنے بے نظمی کا ارادہ رکھتے ہیں۔

    وزیر داخلہ نے کہا کہ اسلام آباد ہائی کورٹ نے ریڈ زون میں احتجاج پر پابندی لگا رکھی ہے، ریڈ زون میں احتجاج کی قطعاً اجازت نہیں ہے، ریڈ زون میں کسی نے داخل ہونے کی کوشش کی تو پھر گلہ نہیں کرنا، متنبہ کرتا ہوں ریڈ زون کے اندر داخل ہونے کی کوشش نہ کریں۔

    رانا ثناء اللّٰہ نے کہا کہ پر امن احتجاج جمہوری دور میں ہر ایک کا حق ہے، مخصوص جگہیں ہیں جہاں پرامن احتجاج کیا جاسکتا ہے، الیکشن کمیشن کے سامنے احتجاج کی اجازت نہیں ہے، قانون کو ہاتھ میں لینے کی کسی کو اجازت نہیں دیں گے۔

     

    عمران خان ملزم نہیں مجرم،فوری کاروائی کی جائے، مولانا فضل الرحمان

     

    انہوں نے کہا کہ الیکشن کمیشن کے فیصلے کے بعد پی ٹی آئی فارن ایڈڈ پارٹی ثابت ہوچکی ہے، عمران خان نے فارن فنڈنگ لی اور پاکستان کی سیاست میں انتشار پھیلایا۔ عدالتوں نےکہا ہے کہ ایچ نائن اور ایف نائن پارک میں احتجاج کریں، احتجاج کی مختص جگہ پر مکمل سیکیورٹی دی جائے گی، ریڈ زون میں زبردستی داخلے پر قانون کے مطابق روکا جائے گا۔

    رانا ثناء اللّٰہ نے مزید کہا کہ آنسو گیس کے استعمال کو بھی پھر آپ ظلم اور بربریت سمجھتے ہیں، چار سال ان کے انتقام سے ہم بھیانک شکل سے گزرے ہیں، آپ پرامن احتجاج جمہوری حق کی طرح کریں۔

    وزیر داخلہ نے کہا کہ اگر کسی کے خلاف مقدمہ ہے تو اسے گرفتار کریں، عدالت میں پیش کریں، فیصلے سے اگر چوہا نکلا ہے تو احتجاج کیوں رکھا ہے؟

  • حکومتی اتحادی جماعتوں کا عمران خان کو نااہل قراردینےکیلئے ریفرنس دائرکرنےکا فیصلہ

    حکومتی اتحادی جماعتوں کا عمران خان کو نااہل قراردینےکیلئے ریفرنس دائرکرنےکا فیصلہ

    اسلام آباد:حکومتی اتحادی جماعتوں نے چیئرمین پی ٹی آئی عمران خان کو نااہل قرار دینے کیلئے ریفرنس دائر کرنے کا فیصلہ کیا ہے۔پاکستان ڈیموکریٹک موومنٹ (PDM) اور اتحادی جماعتوں کا سربراہی اجلاس وزیر اعظم ہاؤس میں ہوا، وزیر اعظم شہباز شریف اور سربراہ پی ڈی ایم مولانا فضل الرحمان بھی اجلاس میں شریک ہوئے۔

     

    اجلاس میں پیپلزپارٹی کی جانب سے خورشید شاہ، فیصل کریم کنڈی، پلوشہ بہرام اور فاروق ایچ نائیک، جب کہ مسلم لیگ ن کی نائب صدر مریم نواز، مریم اورنگزیب، اعظم تارڑ، رانا تنویر، دیگر جماعتوں کے آفتاب شیرپاؤ، محمود خان اچکزئی، کشور زہرہ بھی شریک ہوئیں، اجلاس میں لندن سے ویڈیو لنک پر نواز شریف اور اسحاق ڈار بھی شریک ہوئے۔

    پی ڈی ایم اور حکومتی اتحادی جماعتوں نے اجلاس میں چیئرمین تحریک انصاف عمران خان کو نااہل قرار دینے کیلئے ریفرنس دائر کرنے کا فیصلہ کرلیا۔

    اجلاس میں عمران خان اور دیگر پی ٹی آئی رہنماؤں کے نام ای سی ایل میں شامل کرانے پر بھی اتفاق ہوا، وفاقی کابینہ کل اجلاس میں نام ای سی ایل میں ڈالنے سے متعلق فیصلہ کرے گی۔

    گزشتہ روز ہونے والے پی ڈی ایم اجلاس کی اندرونی کہانی سامنے آگئی ہے، جس میں دو کمیٹیوں کے قیام کا فیصلہ کیا گیا۔ سیاسی کمیٹی کے سربراہ خورشید شاہ، جب کہ قانونی کمیٹی کے وفاقی وزیر قانون اعظم نذیر تارڑ ہوں گے۔

    ذرائع کا کہنا ہے کہ اجلاس میں حکومتی اتحادی جماعتوں کا تحریک انصاف کے خلاف سخت فیصلے کرنے پر اتفاق ہوا، اور فیصلہ کیا گیا ہے کہ الیکشن کمیشن کے فارن فنڈنگ کیس کے فیصلے پر پی ڈی ایم جماعتیں نیا سیاسی بیانیہ بنائیں گی، اور وزیراعظم شہبازشریف نے وزراء کو الیکشن کمیشن (ECP) کے فیصلے پر پی ٹی آئی کو ٹف ٹائم دینے کی ہدایت کردی ہے۔

  • عمران خان ملزم نہیں مجرم،فوری کاروائی کی جائے، مولانا فضل الرحمان

    عمران خان ملزم نہیں مجرم،فوری کاروائی کی جائے، مولانا فضل الرحمان

    پی ڈی ایم اجلاس،عمران خان کے خلاف کارروائی سے متعلق غور
    باغی ٹی وی کی رپورٹ کے مطابق حکومتی اتحاد کا وزیراعظم شہباز شریف کی زیر صدارت اجلاس ہوا

    اجلاس میں پیپلزپارٹی اوردیگر اتحادی جماعتیں شریک تھیں آفتاب شیرپاؤ،محمود اچکزئی ،کشور زہرہ شریک تھے خورشید شاہ،فیصل کریم کنڈی،پلوشہ بہرام اور فاروق نائیک شریک تھے ن لیگ کی نائب صدرمریم نواز بھی پی ڈی ایم اجلاس میں شریک تھیں مریم اورنگزیب،اعظم نذیرتارڑ،رانا تنویر نے بھی شرکت کی ،اجلاس میں الیکشن کمیشن فیصلے پرعمران خان کے خلاف کارروائی سے متعلق غور کیا گیا پی ٹی آئی کے مرکزی اور صوبائی عہدیداروں کیخلاف کارروائی شروع ہوگی پورے پاکستان میں مختلف ٹیمیں بیک وقت کارروائی کریں گی، ایف آئی اے اور دیگر متعلقہ ادارے کارروائی کریں گے عمران خان کیخلاف الیکشن کمیشن کے فیصلے کی روشنی میں کارروائی ہو گی،عمران خان کی نااہلی کیلئے قانونی کارروائی کرنے کا اصولی فیصلہ کر لیا گیا

    نجی ٹی وی کے مطابق عمران خان کے ساتھیوں کی گرفتاری اورقانونی کارروائی عمل میں لائی جائیگی، پی ٹی آئی سینٹرل سیکریٹریٹ کے4 ملازمین کو شامل تفتیش کرنے کا فیصلہ کیا گیا ہے پی ٹی آئی کے مرکزی فنانس بورڈ کے 6 ارکان کیخلاف بھی قانونی کارروائی ہوگی،

    دوسری جانب پریس کانفرنس کرتے ہوئے پی ڈی ایم کے سربراہ مولانا فضل الرحمان کا کہنا تھا کہ عمران خان اور تحریک انصاف کے خلاف فرد جرم آچکا ہے،عمران خان ایک ملزم نہیں بلکہ اب مجرم بھی قراردیا جا رہا ہے .ثابت ہوچکا ہے کہ تحریک انصاف کو غیر ملکی فنڈنگ ہوئی ہے ,عمران خان الیکشن کمیشن کے فیصلے کے بعد صادق اور امین نہیں رہے عمران خان نے 5سال تک الیکشن کمیشن کے سامنے جھوٹ بولاعمران خان کا بیانیہ ہر دن تبدیل ہوتارہا ہے،الیکشن کمیشن میں جھوٹے سرٹیفکیٹ اور حلف نامہ جمع کیا گیا،ممنوعہ فنڈنگ کیس عمران خان کے خلاف فرد جرم ہے،اب آئین اور قانون کے مطابق کارروئی کی جائے گی،عمران خان عملی طور پر پاکستان کے نااہل ترین حکمران ثابت ہوئے،اس نے اسرائیل اور ہندوستان سے فنڈنگ لی ہے،عمران خان نے الیکشن کمیشن میں جھوٹا بیان حلفی جمع کرایا،16 بینک اکاونٹس الیکشن کمیشن سے چھپائے، ایک دوسرے کو مبارکباد دیتے رہے کہ فیصلہ ہمارے حق میں آگیا،عمران خان نے متعدد غیرملکی کمپنیوں اور غیرملکی شہریوں سے فنڈنگ لی،الیکشن کمیشن کو بلیک میل کیا جا رہا ہے،پی ٹی آئی کی 2013کے بعد کی فنڈنگ کا بھی حساب لیا جائے،

    مولانا فضل الرحمان کا کہنا تھا کہ حکومت فوری طور پران کیخلاف کارروائی کرے، ڈاکٹر عارف علوی کو فوری طور پر عہدے سے استعفیٰ دینا چاہئے،فوری طور پر ان کی گرفتاریاں عمل میں لائی جائیں جن کے نا م پر اکاونٹس کھولے گئے ہیں ان کو بھی گرفتار کر کے تحقیقات کی جائیں

    قبل ازیں ن لیگی رہنما محمد زبیر نے کہا ہے کہ پی ٹی آ ئی والوں نے فیصلہ رکوانے کی کوشش کی ،ن لیگی رہنما محمد زبیر کا کہنا تھا کہ درخواست اکبر ایس بابر نے دی تھی جو پی ٹی آئی کے ہی رکن ہیں،ہم سمجھے تھے کہہ یہ لوگ تھوڑا بہت شرمندہ ہونگے مگر نہیں ،اگر کوئی مسئلہ نہیں تھا تو 8 سال سے رکوانے کی کوشش کیوں کی ،پی ٹی آئی نے فارن فنڈنگ کیس کی رپورٹ سامنے نہ آنے کیلئے دباؤ ڈالا، پی ٹی آئی والے انگلی اٹھا اٹھا کر پچھلے 10 سال سے ہر ایک پر الزام لگاتے رہے،پی ٹی آئی سپورٹرز 7 صفحے پڑھ لیں ، عمران خان اور پی ٹی آئی سے سوال کریں ،عارف نقوی نے 2012 میں کوئی غلط کام نہیں کیا،آج فواد چودھری نے کہا عارف نقوی پرتو کوئی کیس ہی نہیں،

    عمران خان سمیت پوری پی ٹی آئی کو نااھل قرار دے کر پی ٹی آئی کی رجسٹریشن منسوخ کرنے کا مطالبہ 

    ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

    ،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

    اکبر ایس بابر سچا اور عمران خان جھوٹا ثابت ہوگیا،چوھدری شجاعت

    عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

  • آرمی چیف کی کوئٹہ میں لیفٹیننٹ جنرل سرفرازعلی شہید کی نماز جنازہ میں شرکت

    آرمی چیف کی کوئٹہ میں لیفٹیننٹ جنرل سرفرازعلی شہید کی نماز جنازہ میں شرکت

    آرمی چیف کی کوئٹہ میں لیفٹیننٹ جنرل سرفراز علی اور بریگیڈیئر محمد خالد شہید کی نماز جنازہ میں شرکت

    باغی ٹی وی کی رپورٹ کے مطابق آرمی چیف جنرل قمر جاوید باجوہ کوئٹہ پہنچ گئے ہیں ڈی جی آئی ایس پی آر کے مطابق آرمی چیف جنرل قمر جاوید باجوہ نے کوئٹہ میں لیفٹیننٹ جنرل سرفراز علی اور بریگیڈیئر محمد خالد شہید کی نماز جنازہ میں شرکت کی، نماز جنازہ میں وزیر اعلیٰ بلوچستان ،گورنر اور اعلی ٰفوجی اور سرکاری افسران نے شرکت کی

    ڈی جی آئی ایس پی آر کے مطابق آرمی چیف جنرل قمر جاوید باجوہ نے شہید لیفٹیننٹ جنرل سرفراز علی اور بریگیڈیئر محمد خالد کے اہل خانہ سے ملاقات کی ،آرمی چیف جنرل قمر جاوید باجوہ نے شہید لیفٹیننٹ کرنل لئیق بیگ مرزا کے اہلخانہ سے بھی ملاقات کی

    آرمی ایوی ایشن کا ہیلی کاپٹر سسی پنوں کے قریب تباہ ہو گیا.

    وزیراعظم نے آرمی ایوی ایشن کے لاپتہ ہیلی کاپٹر سے متعلق تازہ ترین معلومات حاصل کیں

    ہیلی کاپٹر حادثہ،کور کمانڈر سمیت چھ افسران شہید، ڈی جی آئی ایس پی آر کی تصدیق

    ڈی جی آئی ایس پی آر کے مطابق میجر طلحہ منان ،میجر محمد سعید او رنائیک مدثر فیاض کی نماز جنازہ ادا کردی گئی تینوں شہدا کی نماز جنازہ ان کے آبائی علاقوں میں ادا کی گئی نائیک مدثر فیاض کی نما زجنازہ شکر گڑھ نارووال میں اداکی گئی میجرمحمد سعید کی نماز جنازہ لاڑکانہ میں ان کے آبائی علاقے میں ادا کی گئی میجر طلحہ منان کی نماز جنازہ راولپنڈی میں ادا کی گئی میجر طلحہ منان کی نماز جنا زہ میں چیف آف جنرل اسٹاف لیفٹینٹ جنرل اظہرعباس نے شرکت کی میجر طلحہ منان کی نماز جنازہ میں کورکمانڈر راولپنڈی ساحرشمشاد نے شرکت کی تینوں شہدا کی تدفین کے وقت انہیں گارڈ آف آنر پیش کی گئی تینوں شہدا کی تدفین کے وقت انہیں گارڈ آف آنر پیش کیا گیا

  • وزیراعظم کا ریسکیوکے اقدامات کی چوبیس گھنٹے مانیٹرنگ کرنے کا حکم

    وزیراعظم کا ریسکیوکے اقدامات کی چوبیس گھنٹے مانیٹرنگ کرنے کا حکم

    باغی ٹی وی کی رپورٹ کے مطابق وزیراعظم شہباز شریف نے سیلاب زدہ علاقوں میں ریسکیو، ریلیف اوربحالی کے اقدامات کی چوبیس گھنٹے مانیٹرنگ کرنے کا حکم دیا ہے

    حکام کی جانب سے وزیراعظم شہباز شریف کو رپورٹ پیش کی گئی جس میں بتایا گیا کہ بلوچستان کی صوبائی حکومت کے تعاون سے متاثرہ علاقوں میں امدادی کاموں میں تیزی لائی گئی ہے، دیگر صوبوں کی حکومتوں کے تعاون سے اقدامات کئے جا رہے ہیں

    وزیراعظم شہباز شریف کی جانب سے متعلقہ حکام کو بلوچستان میں خاص طور پر بولان، کوئٹہ، ژوب، دکی، خضدار، کوہلو، کیچ، مستونگ، ہرنائی، قلعہ سیف اللہ اور سبی جیسے علاقوں میں امدادی رقوم کی تقسیم کا عمل تیز کر نے کی ہدایت کی گئی ہے وزیر اعظم شہباز شریف کا کہنا ہے کہ سندھ، خیبرپختونخوا اور پنجاب کے متاثرین کی امداد کا عمل مربوط، موثر اور تیز بنایا جائے، سیلاب متاثرین ہم سب کی طرف دیکھ رہے ہیں، کوتاہی برداشت نہیں کروں گا، متاثرین کو خوراک، ادویات اور رہائش کی سہولیات یقینی بنائیں

    سیلاب سے ہونے والے نقصان کے سرکاری اعداد وشمارجاری

    حکومت بارش سے متاثرہ افراد کو معاوضہ دینے کا اعلان کرے،سربراہ پاکستان سنی تحریک

    بارش کے بعد کی صورتحال ، میئر کراچی نے گورنر سندھ سے ملاقات میں وفاق سے مدد مانگ لی

    اکثر ارکان اسمبلی ڈیفنس اور کلفٹن کے رہائشی ہیں انہیں پتا ہی نہیں کہ کراچی کے عوام کے مسائل کیا ہیں،حافظ نعیم الرحمان

    ملک میں سیلاب سے متاثرہ اضلاع میں پاک فوج کی امدادی سرگرمیاں جاری ہیں

    وزیراعظم نے یکساں انداز میں ملک بھر میں سیلاب متاثرین کی بھرپور مدد کرنے کی ہدایت دیتے ہوئے کہا کہ سیلاب زدہ علاقوں میں صفائی، بروقت سپرے کے انتظامات کئے جائیں تا کہ ڈینگی اوردیگر وباؤں سے بچا جاسکے متاثرین کو پینے کے پانی کی فراہمی کےلئے مؤثر اقدامات کریں تاکہ لوگوں کو پیٹ کے امراض سے بچایا جاسکے بلوچستان کے متعلقہ علاقوں میں خوراک، میڈیکل کیمپ اور شیلٹر کا بندوبست کر دیا گیا ہے

  • عمران خان کی کرپشن مخالف مہم دراصل اپنی کرپشن چھپانے کیلیے تھی. بلاول زرداری

    عمران خان کی کرپشن مخالف مہم دراصل اپنی کرپشن چھپانے کیلیے تھی. بلاول زرداری

    وزیر خارجہ بلاول بھٹو زرداری نے کہا ہے کہ عمران خان نے کرپشن کے خلاف نام نہاد مہم اسی لیے چلائی کہ اپنی کرپشن کو چھپا سکیں۔

    الیکشن کمیشن کی جانب سے پی ٹی آئی ممنوعہ فنڈنگ کیس کے فیصلے پر اپنے ردعمل کا اظہار کرتے ہوئے چیئرمین پاکستان پیپلز پارٹی بلاول بھٹو زرداری نے مزید کہا کہ عمران خان ملکی تاریخ کے سب سے بڑے چور ثابت ہوچکے ہیں۔

    انہوں نے کہا کہ کرپشن کے خلاف عمران خان کا بیانیہ جھوٹا نکلا۔ پی ٹی آئی کی بنیاد ہی کرپشن پر رکھی گئی تھی۔ الیکشن کمیشن کو تحقیقات سے روکنے کے لیے اوچھے ہتھکنڈے اختیار کرنے والے عمران خان آج قوم کے سامنے بے نقاب ہوچکے ہیں۔ غیرملکیوں سے فنڈز لے کر غیرملکی سازش کا نعرہ لگانا پی ٹی آئی کی منافقت تھی، جس کا پردہ اب چاک ہوچکاہے۔

    وزیر خارجہ بلاول بھٹو زرداری نے مزید کہا کہ جو شخص جھوٹا حلف نامہ الیکشن کمیشن کو دے، وہ صادق اور امین نہیں ہوسکتا۔ عمران خان نے کرپشن کے خلاف نام نہاد مہم اسی لیے چلائی کہ اپنی کرپشن کو چھپاسکیں۔ غیرملکیوں سے پیسے لے کر ملکی سیاست کو آلودہ کرنے والے عمران خان عوام کے مجرم ہیں۔


    دوسری جانب وزیر خارجہ بلاول بھٹو زرداری آسیان ریجنل فورم کے وزارتی اجلاس میں شرکت کے لیے آج کمبوڈیا روانہ ہونگے۔ سہ روزہ دورے میں دیگر ممالک کے وزرائے خارجہ سے ملاقات ہوگی.

  • عمران خان پر غیرملکی سرمایہ کاری کس ایجنڈے کے تحت ہوئی. خواجہ سعد رفیق

    عمران خان پر غیرملکی سرمایہ کاری کس ایجنڈے کے تحت ہوئی. خواجہ سعد رفیق

    وفاقی وزیر خواجہ سعد رفیق نے اسلام آباد پی آئی ڈی مین پریس کانفرنس کرتے ہوئے کہا کہ عمران خان پر غیر ملکی سرمایہ کاری کس ایجنڈے کے تحت ہوئی اور عمران خان نے اپنے اکاؤنٹس کیوں چھپائے۔ غیر ملکی کمپنیاں اور شہری عمران خان کو کس خوشی میں پیسے دے رہے تھے ؟

    انہوں نے عمران خان سے سوال کیا کہ آپ بتائیں کہ آپ کو بھارتی، برطانوی اور دیگر ملکی شہری پیسہ کیوں دیتے رہے، عمران خان کو اس کا جواب دینا ہوگا.

    وفاقی وزیر نے کہا کہ: فارن فنڈنگ کیس میں وفاقی حکومت اپنی ذمہ داری پوری کرےگی، ایم ایل ون کیلئے پی ٹی آئی حکومت نےکیاکیا؟

    فاقی وزیر ریلوے خواجہ سعد رفیق نے کہا: ہم نے تنقید ضرور کی لیکن نامناسب زبان کا استعمال نہیں کی.

    وزیر کے مطابق: عمران خان کا پہلا مقصد تو سی پیک رول بیک کرنا اورچین کو نارض کرناتھا، عمران خان پر غیر ملکی سرمایہ کاری کس ایجنڈے کے تحت ہوئی.

    وزیر ریلوے نے کہا: ابہام پیدا کیا گیا اور پنجاب میں پرویز الہٰی کی حکومت آئی ، اور دوسرا عمران خان نے معیشت کو وینٹی لیٹر پر چھوڑا،

    عمران خان آئین شکنی کرتے ہیں، ا نہیں ندامت ہی نہیں ، اورانکی پنجاب میں حکومت بنتے ہی نذید چوہان کو ایسے اٹھایا گیا جیسے دہشتگردوں کو اٹھایا جاتاہے ، یہ قابل مذمت ہے.

    دوسری جانب وزیراعظم ہاؤس کو ممنوعہ فنڈنگ سے متعلق الیکشن کمیشن کے فیصلے کی نقل موصول ہوگئی ہے۔

    الیکشن کمیشن کے فیصلے سے متعلق وزیراعظم شہباز شریف کی زیر صدارت قانونی ٹیم کا اجلاس جاری ہے جس میں اتحادی جماعتوں کے وزراء بھی شریک ہیں۔

    وفاقی وزیر قانون اعظم نذیر تارڑ نے اجلاس کے شرکاء کو الیکشن کمیشن کے فیصلے پر بریفنگ دی.

    علاوہ ازیں پاکستان تحریک انصاف (پی ٹی آئی) کے رہنما فیصل جاوید نے کہا ہے کہ فارن فنڈنگ کیس میں کوئی غیر قانونی فنڈنگ نہیں ہوئی۔

    پی ٹی آئی رہنما فیصل جاوید نے سماجی رابطے کی ویب سائٹ ٹوئٹر پر لکھا کہ فنڈنگ کیس بہت ہی واضح ہے کہ کوئی غیر ملکی فنڈنگ نہیں ہوئی اور نہ ہی کوئی غیر قانونی فنڈنگ ہوئی۔


    انہوں نے کہا کہ جس جس وقت فنڈ ریزنگ ہوئی اس وقت کے قانون کے مطابق ہوئی اور فیصلے میں متعدد غلطیاں سامنے آرہی ہیں۔ ان تمام محب وطنوں کو سلام جو ملک کی خاطر کام کر رہے ہیں، شاد رہیں، آباد رہیں۔

  • بالآخر عمران خان کی 62 ون ایف والی دعا قبول ہوگئی

    بالآخر عمران خان کی 62 ون ایف والی دعا قبول ہوگئی

    الیکشن کمیشن کے فارن فنڈنگ کیس فیصلہ کےبعد سوشل میڈیا پر بحث چھڑ گئی کہ ہے کیا سابق وزیر اعظم عمران خان 62 ون ایف والی دعا قبول ہوگئی ہے.

    اس حوالے سے سینئر صحافی اور میزبان کیپٹل ٹاک حامد میر نے چیئرمین تحریک انصاف عمران خان سے لیئے گئے اپنے ماضی کے ایک انٹرویو کا ویڈیو کلپ شیئر کرتے ہوئے کہا: ‏ایک دفعہ میں نے چئیرمین تحریک انصاف عمران خان سے پوچھا کہ نواز شریف اور جہانگیر ترین پر 62 ون ایف کی تلوار گری، کہیں یہ تلوار آپ پر بھی تو نہیں گرے گی؟


    اس کے جواب میں خان صاحب نے جواب میں کہا تھا "اللّٰہ کرے میرے پر بھی یہ تلوار گرے کیونکہ 62 کا مطلب ہے کہ صادق اور آمین اور یہ قانون ساری دنیا میں ہے.

    عمران خان نے مزید کہا: لوگ جب آپ پر یقین کرتے ہیں اور آپ کے کہنے پر امداد کرتے جیسے مجھے شوکت خانم اور نمل کیلئے امداد دی جاتی ہے. لہذا چونکہ آپ نے عوام کا پیسہ اکھٹا کرنا ہے اور پھر اسے دیانت داری سے خرچ کرنا ہے اس لیئے ضروری ہے کہ آپ کا صادق و آمین ہونا لازم ہے اور جو اس قانون پر پورا نہیں اترتا وہ ہرگزصادق و‌آمین نہیں ہوسکتا ہے.

    یہ بھی پڑھیں فارن فنڈنگ کیس: کیا آرٹیکل 62 کے تحت عمران خان نااہل بھی ہوسکتے ہیں؟

    ایک اور ویڈیو کلپ میں عمران خان نے کامران شاہد کے پروگرام میں دعوی کیا تھا تھا: ” اگر میں 62 اور 63 پر نااہل ہوجاتا مجھے منظور ہے، لیکن یہ قانون 62 اور 63 آئین کے اندر ہونا ضروری ہے.


    عمران خان نے مغربی جمہوریت کی مثال دیتے ہوئے کہا کہ یہ قانون وہاں ضروری ہے کیونکہ اگر آپ صادق و آمین نہیں ہیں تو آپ مغربی جمہوریت کا حصہ نہیں بن سکتے.

    انہوں نے مزید کہا تھا: یہ قانون بتاتا ہےکہ آپ کے لیڈر کو ایماندار اور سچا ہونا چاہئے اور یہی دو چیزیں ہیں 62 اور 63 کے اندر.

    واضح رہے کہ الیکشن کمیشن نے گزشتہ روز پی ٹی آئی ممنوعہ فنڈنگ کیس کا فیصلہ سنایا جس کے مطابق تحریک انصاف پر ممنوعہ فنڈنگ ثابت ہوگئی، الیکشن کمیشن فارن فنڈنگ کیس میں محفوظ فیصلہ سناتے ہوئے کہا کہ عمران خان نے الیکشن کمیشن کو جھوٹا بیان حلفی جمع کروایا تھا.

    الیکشن کمیشن نے مزید کہا: فارن فنڈنگ کیس ثابت ہوگیا کہ تحریک انصاف نے بیرون ملک پاکستانی شہریوں کے علاوہ غیر ملکی شہریوں سے پیسے لیئے جس کی پاکستانی قانون میں اجازت نہیں ہے لہذا تحریک انصاف نے آئین کی خلافی ورزی کرتے ہوئے اس معاملے کو چھپایا.

    دوسری جانب جیونیوز کے پروگرام جیو پاکستان میں گفتگو کرتے ہوئے وزیر داخلہ رانا ثنااللہ نے کہا کہ الیکشن کمیشن نے سو فیصد درست فیصلہ کیا جس سے ثابت ہوتا ہے کہ پی ٹی آئی ایک فارن فنڈڈ جماعت ہے اور یہی وجہ ہے کہ جعلی صادق و آمین نے ریکارڈ میں جعل سازی کی اور اکاؤنٹس چھپائے۔

    انہوں نے کہا کہ پی ٹی آئی 34غیر ملکی شہریوں اور 351 کمپنیوں سے فنڈز لیتی رہی ہے اور پولیٹیکل پارٹی ایکٹ اور الیکشن ایکٹ کے مطابق بھی ممنوعہ فنڈنگ جرم ہے، حکومت ان مصدقہ ثبوتوں پر ڈکلیریشن دے سکتی ہے اگر سپریم کورٹ یہ ڈکلیریشن برقرار رکھتی ہے تو تحریک انصاف تحلیل ہوجائے گی۔

    وزیر داخلہ کاکہنا تھا کہ: الیکشن کمیشن کے فیصلے نے عمران کو جھوٹا اور جعل ساز ثابت کیا، حکومتی اتحاد کی میٹنگ میں فیصلے کے بعد کا لائحہ عمل بنایا گیا ہے، قوم کو عمران خان سے متعلق آگاہ کرنے کی ضرورت ہے۔

    انہوں نے مزید کہا کہ: عمران خان سیاست میں رہے گا تو نہ جمہوریت رہے گی اور نا ہی سیاست آگے بڑھ سکے گی.

    ان کے مطابق: یہ عمران خان کی رعونیت اور تکبر ہے کہ یہ کہتا ہے کہ ملک کے دشمنوں سے بات کرسکتا ہوں مگر سیاسی مخالفین سے نہیں.

    یاد رہے کہ پاکستان تحریک انصاف کے خلاف ممنوعہ ذرائع سے فنڈز حاصل کرنے کا معاملہ الیکشن کمیشن میں کوئی دوسری سیاسی مخالف جماعت نہیں بلکہ تحریک انصاف کے اپنے بانی اراکین میں سے ایک اکبر ایس بابر سنہ 2014 میں لے کر گئے تھے۔

    اکبر ایس بابر نے الزام عائد کیا گیا تھا کہ پاکستان تحریک انصاف نے بیرون ممالک مقیم پاکستانیوں کے علاوہ غیر ملکیوں سے بھی فنڈز حاصل کیے ہیں جس کی پاکستانی قانون اجازت نہیں دیتا۔