Category: اہم خبریں

اسلام آباد:نوازشریف پرحملہ،برطانوی میڈیابےخبر،بھارتی میڈیاچیخنےلگا،مذمت پاکستان میں:گارڈکی پیشانی پرکٹ؟چند منٹ پہلے پاکستانی میڈیا میں چلائے جانے والی خبرجس میں یہ آہ وبکا کی گئی کہ لندن میں‌ نوازشریف پرحملہ ہوگیا ہے اور ایک حملہ آور نے نوازشریف کو موبائل دے مارا ہے

دنیاکو خبرنہیں اور بھارتی میڈیا چیخ چیخ کر کہہ رہا ہےکہ نوازشریف پرحملہ ہوگیا،بچالو اسے

یہ کہانی بھی بڑی عجیب لگتی ہے ، پہلی تو بات یہ ہے کہ یہ حملہ جس جگہ بتایا جارہا ہے وہاں پچاس میٹر دور تک کوئی ناواقف شخص قریب نہیں آسکتا ہے ، پھردوسری اہم وجہ یہ ہے کہ وہ شخص جس نے نوازشریف کو موبائل دے مارا وہ سیکورٹی گارڈز کو عبور کرکیسے کرکے قریب آگیا اور فرض کرلیں کہ اس حملہ آور نے حملہ کیا تو پھرکس سے کیا

انشاءاللّہ ان کو اب نہیں چھوڑنا۔ https://t.co/gSDrhw4sA5

— Maryam Nawaz Sharif (@MaryamNSharif) April 2, 2022

بتایا جارہا ہے کہ حملہ آور نے موبائل دے مارا اور وہ سیکورٹی گارڈ کو لگ گیا لیکن جو زخم بتایا جارہا ہےوہ موبائل لگنے کی وجہ سے نہیں ہے ، کیوں کہ موبائل اگرقریب سے پھینکا گیا تو اس کی رفتار سو کلومیٹر فی گھنٹہ ہوتو وہ جہاں سے پھینکا گیا وہاں سے 10 میٹر سے ہوا میں سفر کرسکتا ہے اور اگر اتنی تیزی سے لگا ہے تو پھر سیکورٹی گارڈ کی پیشانی پرجہاں سے خون بہہ رہا ہے اس کے گردو نواح کا حصہ بھی متاثر ہونا چاہیے ، سوزش بھی یقینی تھی لیکن وہ کیوں نہ ہوئی ، آنکھ کے اس حصے پر کوئی چیز بھی لگے تو وہ تو بہت زیادہ سوج جاتی ہے ، جیسا کہ ہرکسی کے علم میں‌ہے

اس کے ساتھ ساتھ یہ بتایا جارہا ہے کہ موبائل زور سے مارا جہاں موبائل لگا وہاں ارد گرد پیشانی کی جلد کا رنگ کیوں نہ تبدیل ہوا ، اورپھرجو زخم لگا اس گہرے زخم سے خون کا ایک قطرہ آکر آنکھ پر کیوں‌ رُک گیا اور بھی خون بہنا چاہیے تھا

اس کے بعد یہ جائزہ لیں تو یہ بھی صورت حال سامنے آتی ہے کہ جو پیشانی پرزخم دکھایا جارہا ہے وہ تو ایک کٹ ہے اور اور کٹ بھی اس تکنیک سے لگایا گیا ہے کہ نہ تو گہرا ہے اور نہ ہے زیادہ پھیلا ہوا

پھر اگر فرض کرلیا جائے کہ واقعی حملہ ہوا تو حملہ آورکہاں گیا ، اس کا نام کیا ہے ، اس کا موبائل کہاں گیا اور اگرموبائل پاس ہے تو اس میں موجود سم کا ڈیٹا دیا جاتا

بی بی سی انگلش میں واقعہ کے کئی گھنٹے بعد تک نوازشرپف پرحملے کا کوئی ذکر نہیں 

یہ بھی یاد رکھیں کہ اس تحقیق کے بعد پاکستانی میڈیا پرپھر ایک بار فرضی حملہ آور کو اس ڈرامے کو سچ ثابت کرنے کے لیے پیش کیا جائے لیکن یہ یاد رکھیں کہ برطانوی میڈیا اور عدالت میں یہ حقائق پیش نہیں کیے جائیں گے کیونکہ وہاں جھوٹ نہیں چلتا

اس کےبعد آتے ہیں کہ جب یہ واقعہ ہوا تو اس وقت تو میاں نوازشریف اپنے محل میں بیٹھے چند غیرملکیوں کے ساتھ میٹنگ کررہے تھے ، میاں صاحب ان غیرملکیوں کو میٹنگ میں چھوڑ کراچانک باہر کیوں آئے ، اور پھراگرآگئے تو پھر خاموشی سے واپس کیوں چلے گئے اور ان غیرملکیوں کو کیوں نہ بتایا کہ یہ ڈرامہ ہوگیا ہے

اس کے بعد آتے ہیں کہ حسب روایت میاں نوازشریف کی حمایت میں بھارتی میڈیا سب سے پہلے آتا ہے اور آج بھی بھارتی میڈیا نے یہ خبر بریک کی اور دھاڑیں مار مار کررورہا ہےکہ نوازشریف پر حملہ ہوگیا

جبکہ برطانیہ جہاں سیکڑوں ادارے بین الاقوامی معاملات پر لمحہ بہ لمحہ رپورٹنگ کررہے ہیں ان کو کیوں نہ پتہ لگا کہ نوازشریف پر حملہ ہوگیا ،

بی بی سی اردو میں کئی گھنٹے بعد تک نوازشرپف پرحملے کا کوئی ذکر نہیں 

برطانوی نشریاتی اداروں کے ساتھ ساتھ دیگرعالمی میڈیا کو پتہ نہیں کہ نوازشریف پر حملہ ہوگیا اوربھارتی میڈیا چیخیں مار رہا ہے ، اس کے پیچھے کیا مقاصد ہیں‌؟

پھر اگرحملہ ہوا ہے تو اسکاٹ لینڈ یارڈ کو کیوں نہ رپورٹ جمع کروائی گئی اور اس رپورٹ کی کاپیاں کیوں نہ شیئر کی گئیں اگر یہ سچ ہے تو ؟

اتنا بڑا ڈرامہ کیوں اور کیسے ہوا اور اس کے مقاصد کیا ہیں ؟

اس وقت پاکستان میں سیاسی عدم استحکام ہے اور آج پاکستان کے وزیراعظم کے خلاف عدم اعتماد ہونے جارہی ہے ، ملک کے مشہور میڈیا گروپس اس معاملے پرحکومت اور ریاست کے خلاف ہیں اور وہ نوازشریف اور زرداری کے پے رول کے طور پرکام کررہے ہیں ،وہ اس موقع پر حکومت کو گہرے زخم لگانے اور عوام کو یہ باور کرانے کی کوشش کررہے ہیں کہ یہ حکومت ظالم حکومت ہے اور یہ اپنےمخالفین پر حملوں میں ملوث ہے لٰہذا اسے کے خلاف نکلنا اب واجب ہوگیا ہے

دوسرا اس کا مقصد یہ ہےکہ پاکستانیوں کے ذہنوں میں یہ تاثردیا جائے کہ یہ حکومت جارہی ہیے اوراسی وجہ سے یہ گھنونے کام کررہی ہے ، اس کے ساتھ ساتھ یہ بھی تاثر دینے کی کوشش کی جارہی ہےکہ اسلام اباد میں اس حکومت کے ورکرز بڑی تعداد میں موجود ہیں اور وہ اپوزیشن کے خلاف میدان میں نکل آئے تاکہ عوام کی ہمدردیاں حاصل ہوسکیں ،

لندن سازش کو کس طرح کمک پہنچائی جارہی ہے.پاکستان میں ہونے والی زہرآلود رپورٹنگ کی ٹائمنگ،وقت اور موضوع ،طئے شدہ منصوبے کا حصہ

مختصر یہ کہ یہ وہی کھیل ہے جو پہلے بھی کھیلا جاتا ہے اور جھوٹ اور ڈرامہ بازی کے ذریعے پاکستانی معاشرے کو پراگندہ کرنے کی کوشش کی جارہی ہے لیکن سوال یہ ہےکہ اتنے بڑے ڈرامے کرنے والے کب تک جھوٹوں کا سہارا لیں‌گے آخر کوئی تو ہے جو دیکھ رہا ہے

بات یہ ہے کہ نوازشریف کے گارڈز نے ایک نوجوان پر تشدد کیا اور پھرپولیس کی کارروائی سے بچنے کےلیے یہ ڈرامہ کیا جس کا سارا منظرنامہ اس ویڈیو میں موجود ہے

لندن میں نوازشریف پرحملہ نہیں ہوا بلکہ نوازشریف کے گارڈز نے ایک نوجوان پرحملہ کیا
لندن سے لاہور تک جھوٹ بول کر"جیو"#Breaking #pakistan @ImranKhanPTI @fawadchaudhry#PakistanZindabad @MaryamNSharif @BBhuttoZardari@MoulanaOfficial #NawazSharif #PunjabAssembly pic.twitter.com/6KASQNWx3i

— Baaghi TV باغی ٹی وی (@BaaghiTV) April 2, 2022

اسلام آباد:باغی ٹی وی کی رپورٹ کے مطابق وزیراعظم عمران خان نے اراکین اسمبلی کے اعزاز میں عشائیہ دیا ہے جس میں 140 اراکین اسمبلی نے شرکت کی۔ وزیراعظم عشائیہ میں پرجوش دکھائی دیئے تا ہم یوں لگتا ہے کہ اراکین انکا ساتھ چھوڑ چکے ہیں ۔عدم اعتماد پر ووٹنگ کل اتوار کو ہونی ہے اور اپوزیشن کے پاس نہ صرف نمبرز پورے بلکہ زیادہ ہیں

گزشتہ قومی اسمبلی کے اجلاس میں اپوزیشن کے 172 اراکین نے شرکت کی تھی جس میں ایم کیو ایم اور باپ کے اراکین بھی شامل تھے پی ٹی آئی کے منحرف اراکین جو حکومت کا ساتھ چھوڑ چکے ہیں وہ اس اسمبلی اجلاس میں شریک نہیں تھے اگر وہ شریک ہوتے تو اراکین کی تعداد دو سو کے قریب ہو جاتی۔ آج کے عشائیہ سے ظاہر ہوتا ہے کہ وزیراعظم عمران خان کو عدم اعتماد میں کل شکست ہونے والی ہے اور اپوزیشن کی جیت ہو گی

وزیراعظم نے سرپرائز دینے تھے مگر آج انکا عشائیہ سب سے بڑا سرپرائز نکلا جس میں وہ مطلوبہ اراکین ہی پورے نہیں کر سکے۔ وزیراعظم کے عشائیہ میں سیکورٹی کے سخت انتظامات کیے گئے تھے اور اراکین سے انکے موبایل فون جمع کر لیے گئے تھے ۔وزیراعظم کا کہنا ہے کہ امریکہ نے اپوزیشن کے ساتھ ملکر سازش کی اسکو ناکام بنایا جائے گا جنہوں نے شیروانی سلوا رکھی ہے وہ کل دیکھتے رہ جائیں گے

دوسری جانب اسلام آباد میں تحریک عدم اعتماد کے موقع پر سیکورٹی کے سخت انتظامات ہوں گے پولیس کی بھاری نفری تعینات ہو گی ۔پی ٹی آئی نے کارکنان کو بھی بلا رکھا ہے تاہم فواد چودھری کا کہنا ہے کہ کسی قسم کا کوئی تصادم نہیں ہو گا ۔شہباز گل کا کہنا ہے کہ میڈیا پر جھوٹی خبریں دی جا رہی ہیں ہمارا تصادم کا کوئی ارادہ نہیں ہے

ارکان پارلیمنٹ سے گفتگو میں وزیراعظم عمران خان کا کہنا تھا کہ بلدیاتی انتخابات کے نتائج سے آپ کو پتا چل جانا چاہیے کہ قوم آج کس طرف ہے، اب یہ مجھے پنجاب کا کوئی بھی ضمنی انتخاب جیت کر دکھادیں، شکر ہے کہ وہ چلے گئے جو پیسا بنانے کے لیے آئے تھے۔

وزیراعظم کا کہنا تھا کہ ایسا لگ رہا ہے جیسے آپ لوگ مجھے خدا حافظ کر رہے ہیں جیسے ہم ہار رہے، مجھے تو فکر ہی نہیں کیونکہ ہم کل نہیں ہار رہے، جب تک آخری گیند نہیں پھینکی جاتی فیصلہ نہیں ہوسکتا، ذہن میں نہ ڈالیں کہ کل کیا فیصلہ ہوگا، آپ کا کپتان ماہر ہے اور کوئی پتہ نہیں کل کیا کر جائے۔

ان کا کہنا تھا کہ لوگوں کو سازش کی سمجھ آنا شروع ہوگئی ہے، 35 سال سے چند لیڈر ملک کو لوٹ رہے۔

وزیراعظم عمران خان نے کہا ہے کہ نوجوانوں کو کہتاہوں کہ خاموش رہنے کا وقت نہیں ہے، اچھائی اور برائی میں نیوٹرل رہیں گےتو بُرائی کا ساتھ دیں گے۔ بیرونی سازش کے خلاف سب کو احتجاج کرناچاہیے۔ عدم اعتماد پر امریکا نے اپوزیشن کیساتھ ملکر سازش کی، آج فیصلہ کریں گے سازشیوں کے خلاف کیا قانونی کارروائی کرنی ہے۔ ان کے خلاف غداری کا مقدمہ درج کرانے کا منصوبہ بنایا ہے۔

نوجوانوں کو پیغام دیتے ہوئے وزیراعظم نے کہا کہ پاکستان اس وقت فیصلہ کن موڑ پر کھڑا ہے، اس وقت پاکستان کے مستقبل کی جنگ ہے، قوموں کی زندگی میں مشکل وقت آتے ہیں، ہمیں درست راستے کا انتخاب کرنا ہے، قوم نے آج فیصلہ کرنا ہے کہ ملک کو کس طرف لے کر جانا ہے، اللہ تعالیٰ کا حکم ہے کہ اچھائی کےساتھ اور برائی کیخلاف کھڑے ہو، جو معاشرہ اچھائی کا ساتھ دیتا ہے وہ زندہ ہوجاتا ہے۔وہ قوم تباہ ہوجاتی ہے جس میں اچھے اور برے کی تمیز ختم ہوجائے۔

لاہور:اے ماہ رمضان:رب کے مہمان:تیرا آنا مبارک ہو:لاہور، اسلام آباد، کراچی میں رمضان کا چاند نظرآ گیا ،اطلاعات کے مطابق لاہور، اسلام آباد، کراچی میں رمضان کا چاند نظرآ گیالاہور، اسلام آباد اور کراچی میں رمضان المبارک کا چاند نظر آ گیا\ اتوار کو پہلا روزہ ہو گا۔

زونل رویت ہلال کمیٹی کی طرف سے جاری کردہ بیان کے مطابق لاہور، کراچی، اسلام آباد میں رمضان کا چاند نظر آ گیا ہے، حتمی فیصلہ مرکزی رویت ہلال کمیٹی کرے گی۔

چاند نظر آنے کا اعلان ہوتے ہوئی ملک بھر میں نماز تراویح کا آغاز ہوگیا جبکہ سحری کی تیاریاں بھی شروع کردی گئیں۔

گزشتہ روز سعودی حکام نے اعلان کیا تھا کہ سعودی عرب میں رمضان المبارک کے مقدس مہینے کے آغاز کا چاند نظر آ گیا ۔چاند نظرآنےکےبعد یکم اپریل شعبان المعظم کا آخری دن تھا اور ماہ مقدس کا آغاز 2 اپریل سے ہوگا۔

خبر ایجنسی کے مطابق امام کونسل آف ساؤتھ آسٹریلیا کہا کہنا تھا کہ جنوبی آسٹریلیا میں چاند نظر آنے کے شواہد ملے ہیں اور یکم رمضان 2 اپریل کو ہو گا۔

ملائیشیا اور انڈونیشیا میں رمضان المبارک کا چاند نظر نہیں آیا، لہٰذا یکم رمضان 3 اپریل کو ہو گا۔

دوسری طرف اقوام متحدہ کے سیکرٹری جنرل انتونیو گوتریس نے عالم اسلام کو رمضان المبارک کا پیغام بھیجا ہے۔

اقوام متحدہ کے سیکریٹری جنرل انتونیو گوتریس نے سماجی رابطے کی ویب سائٹ ٹوئٹر پر کہا کہ یہ مہینہ ہمدردی اور اکٹھے ہونے کا وقت ہے۔

اقوام متحدہ کے سیکرٹری جنرل کا کہنا ہے کہ اس سال بھی وہ یکجہتی کے لیے مسلم ممالک کا دورہ کریں گے۔

انہوں نے یہ بھی لکھا کہ وہ اس مشکل گھڑی میں تنازعات والے علاقوں میں ہر ایک کے ساتھ اظہار یکجہتی کرتے ہیں۔

انتونیو گوتریس نے کہا کہ میں دنیا بھر کے لاکھوں مسلمانوں کو رمضان المبارک کے مقدس مہینے کو خوش آمدید کے وقت اپنی مخلصانہ خواہشات پیش کرتا ہوں۔

دوسری جانب امریکا کے صدر جو بائیڈن نے بھی امریکا اور دنیا بھر کے مسلمانوں کو رمضان المبارک کی مبارکباد دی ہے۔

امریکی صدر نے بھی ٹوئٹر پر لکھا کہ میری اہلیہ اور میں رمضان کے موقع پر امریکا اور دنیا بھر میں مسلم معاشروں کے لیے نیک خواہشات کا اظہار کرتے ہیں۔

انکا کہنا ہے کہ رمضان تمام مسلمانوں کے لیے غور و فکر اور روحانی علاج کا وقت ہے۔

جوبائیڈن نے مزید لکھا کہ اس سال کی افطاریاں صحت، خاندان اور معاشرے کی خوبصورتیوں کی یاد دہانی ثابت ہوں گی۔

انکا کہنا تھا کہ ہمارے دل ان لوگوں کے ساتھ دھڑکیں گے جنہوں نے اپنے پیاروں کو کھو دیا ہے جنہیں اپنی میزوں پر خالی کرسیوں کا سامنا ہے۔

اس کے علاوہ برطانوی وزیر اعظم بورس جانسن نے اپنے ویڈیو پیغام میں کہا کہ وہ اس لگن اور ایمان کے معترف ہیں کہ ہر رمضان میں طلوع آفتاب سے غروب آفتاب تک روزہ رکھنا ضروری ہے۔

اسلام آباد:وزیراعظم عمران خان نے کہا ہے کہ نوجوانوں کو کہتاہوں کہ خاموش رہنے کا وقت نہیں ہے، بیرونی سازش کے خلاف سب کو احتجاج کرناچاہیے۔

نوجوانوں کو پیغام دیتے ہوئے وزیراعظم نے کہا کہ پاکستان اس وقت فیصلہ کن موڑ پر کھڑا ہے، اس وقت پاکستان کے مستقبل کی جنگ ہے، قوموں کی زندگی میں مشکل وقت آتے ہیں، ہمیں درست راستے کا انتخاب کرنا ہے، قوم نے آج فیصلہ کرنا ہے کہ ملک کو کس طرف لے کر جانا ہے، اللہ تعالیٰ کا حکم ہے کہ اچھائی کےساتھ اور برائی کیخلاف کھڑے ہو، جو معاشرہ اچھائی کا ساتھ دیتا ہے وہ زندہ ہوجاتا ہے۔وہ قوم تباہ ہوجاتی ہے جس میں اچھے اور برے کی تمیز ختم ہوجائے۔

ان کا کہنا تھا کہ آج بیرونی سازش کے تحت سیاستدانوں کی بکروں کی طرح نیلامی ہورہی ہے، اگر نوجوان چپ بیٹھیں گے تو وہ برائی کا ساتھ دیں گے، نوجوانوں کو چاہیے کہ اپنے مستقبل کیلئے احتجاج کریں ،

عمران خان نے کہا کہ نوجوانوں کو کہتاہوں کہ خاموش رہنے کا وقت نہیں ہے، سازش کے خلاف سب کو احتجاج کرناچاہیے، نوجوانوں کو اپنے مستقبل کے لیے باہر آنا پڑے گا، کیا باہر کی قوت 15ارب روپے خرچ کرکے حکومت گرادے گی۔

اس سے پہلے وزیراعظم عمران خان کا کہنا ہے کہ تحریک عدم اعتمادغیرملکی سازش ہے،ضرور ناکام ہوگی، عوام ہمارے ساتھ ہیں۔

تفصیلات کے مطابق وزیراعظم عمران خان کی زیرصدارت سیاسی کمیٹی کا اجلاس ہوا ، جس میں تحریک عدم اعتماد سے متعلق مشاورت کی گئی۔

اجلاس میں وزیراعظم نے اظہار خیال کرتے ہوئے کہا کہ تحریک عدم اعتمادغیرملکی سازش ہے، ضرور ناکام ہوگی، عوام ہمارے ساتھ ہیں۔

عمران خان کا کہنا تھا کہ اپوزیشن عوام سے مسترد شدہ ہے، کے پی کے عوام نے تحریک عدم اعتماد کے خلاف فیصلہ سنادیا، ضمیر بیچنے والے عوام کے سامنے آگئے ہیں۔

اسلام آباد : امریکہ نے رجیم چینج کی دھمکی دی:عمران خان پاکستان کا غیرت مند بیٹا نہ جُھکا نہ جھُکنے دے گا ،اطلاعات کے مطابق وفاقی وزیر شیریں مزاری کا کہنا ہے کہ امریکا نے واضح طور پر رجیم چینج کی دھمکی دی،عمران خان کو ٹارگٹ کیا اور کہا عمران خان کوہٹاؤگے توہم آپ کومعاف کریں گے۔

تفصیلات کے مطابق وفاقی وزیر شیریں مزاری نے سماجی رابطے کی ویب سائٹ ٹوئٹر پر اپنے ویڈیو بیان میں کہا ہے کہ امریکا سے بیان آرہےہیں ہم نےکوئی ایسی بات نہیں کی، امریکا نے کب سچا بولا؟امریکی حکومت نے ہمیشہ دنیا سے جھوٹ بولا۔

شیریں مزاری کا کہنا تھا کہ امریکا سے جو بھی تردیدی بیان آرہے ہیں وہ سراسرجھوٹ ہیں، یادرکھیں امریکا نےجوتردیدکی ہے وہ سراسرجھوٹ ہے، امریکا نےعراقی ہتھیاروں سے متعلق اقوام متحدہ میں بھی جھوٹ بولا۔

شیریں مزاری کا کہنا تھا کہ امریکاکے ساتھ آفیشل میٹنگ ہوئی، امریکا نے واضح طور پر رجیم چینج کی دھمکی دی،عمران خان کو ٹارگٹ کیا، امریکانےکہا عمران خان کوہٹاؤگے توہم آپ کو معاف کریں گے۔

وفاقی وزیر نے سوال کیا کس چیزکی معافی ؟ کیونکہ عمران خان نےقوم کی خودداری کےلیےاسٹینڈ لیا؟ امریکاکویادہوناچاہیےعمران خان کےپیچھےیہ قوم اب خوددارہوگئی ہے۔

ادھر اطلاعات کے مطابق تحریک عدم اعتماد پر پارلیمنٹ کے فیصلہ کن کارروائی کے دوران وزیراعظم عمران خان بھی قومی اسمبلی اجلاس میں شرکت کریں گے۔

ذرائع کے مطابق پہلے خبر تھی کہ وزیراعظم عمران خان نے تحریک عدم اعتماد کے حوالے سے شیڈول قومی اسمبلی کے اجلاس میں اپنے ارکان کو جانے سے منع کردیا تھا، تاہم اب حکومت نے اپنی حکمت عملی میں تبدیلی کر لی ہے۔

اب فیصلہ ہوا ہے کہ تحریک انصاف کے ممبران کل قومی اسمبلی جائیں گے۔ ارکان قومی اسمبلی عدم اعتماد کے خلاف ووٹ دیں گے جبکہ وزیراعظم عمران خان بھی کل قومی اسمبلی اجلاس میں شرکت کریں گے۔اس سے قبل وزیراعظم عمران خان نے تحریک عدم اعتماد کے روز پی ٹی آئی کے ارکان کو قومی اسمبلی کے اجلاس میں شرکت سے روک دیا تھا۔

اسمبلی قانون کے مطابق وزیراعظم کے خلاف عدم اعتماد کی تحریک پر اپوزیشن کو اپنے نمبرز گیم پورے کرنے ہوتے ہیں اور ممکنہ تعداد کو قومی اسمبلی میں لانا ہوتا ہے۔

قومی اسمبلی کا ایوان 342 ارکان پر مشتمل ہے، اپوزیشن کو تحریک عدم اعتماد کو کامیاب بنانے کے لئے 172 ارکان کی ضرورت ہوتی ہے۔

متحدہ اپوزیشن پہلے ہی اپنی عددی برتری ثابت کرچکی ہے جبکہ حکومت کا دعویٰ ہے کہ وہ عدم اعتماد کے روز بڑا سرپرائز دینگے۔

لاہور: پنجاب میں ن لیگ نے اپنی ناکامی کا اعتراف کرلیا:چوہدری پرویزالٰہی کا وزیراعلیٰ بننا یقینی ہوگیا،اطلاعات کے مطابق وزیراعلیٰ پنجاب کے انتخاب سے قبل ترین گروپ ٹوٹ پھوٹ کا شکار ہوگیا ہے۔

تفصیلات کے مطابق وزرات اعلیٰ کے انتخاب سے قبل جوڑ توڑ کا سلسلہ جاری ہے، کل پاکستان مسلم لیگ (ن)اور ق لیگ کے درمیان وزیراعلیٰ پنجاب کے لئے کانٹے کا مقابلہ ہونے جارہا ہے، دونوں جماعتوں کی نظریں اس وقت جہانگیر ترین گروپ پر مرکوز ہیں۔

ذرائع کا کہنا ہے کہ ترین گروپ وزیراعلی کے انتخاب پر ٹوٹ پھوٹ کا شکار ہوگیا ہے، جس کی بڑی وجہ جہانگیر ترین کا نون لیگ کی جانب جھکاؤ بتایا جارہا ہے۔

ذرائع کا کہنا ہے کہ گزشتہ شب رات گئے ترین گروپ کے چھ ارکان صوبائی اسمبلی نے سابق وفاقی وزرا اور پرویز الہیٰ سے طویل ملاقات کی اور اپنی حمایت کا یقین دلایا تھا۔

ذرائع کا کہنا ہے کہ ترین گروپ کا ہر رکن انفرادی طور پر کسی نہ کسی سیاسی جماعت سے رابطے میں ہے جس کے باعث انہیں واضح اعلان کرنے میں مشکلات کا سامنا ہے۔

پنجاب اسمبلی میں چھینہ گروپ پہلے ہی پرویز الہیٰ کی حمایت کا اعلان کرچکا ہے اس کے علاوہ پاکستان مسلم لیگ (ن) کے منحرف ارکان بھی ق لیگ کے امیدوار کی حمایت کا اعلان کرچکے ہیں۔

ادھر ذرائع کا کہنا ہے کہ پنجاب کے نئے قائد ایوان کے انتخاب کے روز پاکستان مسلم لیگ (ن) کے چار ارکان غیر حاضر ہوسکتے ہیں، جس کا براہ راست فائدہ پرویز الہیٰ کو ہوگا۔

ترین گروپ وزیراعلی کےانتخاب پرٹوٹ پھوٹ کا شکار،جہانگیر کا جھکاو نون لیکن چند ارکان کےپرویز الہی سے رابطے،ترین گروپ کے6ایم پی ایز نےرات 2بجےپی ٹی ائی رہنماؤں سےملے۔نون کے4ایم پی ایز ووٹنگ کےوقت غیرحاضر ہوسکتےہیں،نون نے ایم پی ایز سےرابطوں میں تاخیر کی،اب راناثناٗ اللہ کوششیں کررہے pic.twitter.com/R7noVPfboq

— Naeem Ashraf Butt (@naeemashrafbut3) April 2, 2022

ذرائع کا مزید کہنا ہے کہ نون لیگ کی جانب سے تاخیر سے وزارت اعلیٰ کے امیدوار کا اعلان کیا گیا جس کے باعث حمزہ شہباز ارکان اسمبلی سے موثر رابطہ نہ کرپائے، ارکان اسمبلی سے رابطے کا ٹاسک رانا ثنااللہ کو دیا گیا ہے جو کہ ارکان سے رابطے کی کوششوں میں مصروف ہیں۔

دوسری طرف ذرائع نے یہ بھی دعویٰ کیا ہے کہ ن لیگ اب صرف میڈیا کے سہارے پراپیگنڈہ کرکے حالات کو قابومیں رکھنے کی کوشش کررہی ہیں لیکن اس وقت یہ ہتھیار بھی کامیاب ہوتے نظرنہیں آرہا اور چوہدری پرویز الٰہی کی یقینی جیت کے بعد اب ن لیگ نے اپنی شکست کواپنی ناقص حکمت عملی کا نتیجہ قراردیا