Category: اہم خبریں

قریشی نے سعودیوں کی توہین کی، سعودی عوام پھٹ پڑے

باغی ٹی وی کی رپورٹ کے مطابق پاکستان کے وزیر خارجہ شاہ محمود قریشی سے سعودی سفیر نواف بن سعید المالکی کی ملاقات ہوئی جس کے بعد تصویر میڈیا کو جاری کی گئی،

اس تصویر میں دیکھا جا سکتا ہے کہ وزیر خارجہ شاہ محمود قریشی سعودی سفیر کے سامنے ٹانگ پر ٹانگ رکھ کر بیٹھے ہیں، اس تصویر میں شاہ محمود قریشی کا اس انداز سے بیٹھنا سفارتی آداب کے خلاف قرار دیا گیا ہے، اس تصویر کو لے کر پاکستانی قوم نے جہاں وزیر خارجہ شاہ محمود قریشی کے اس اقدام پر تنقید کی وہیں سعودی عرب کی عوام بھی پھٹ پڑی اور اسے سعودیوں کی توہین قرار دے دیا،

سماجی رابطے کی ویب سائٹ ٹویٹر پر ٹویٹ کرتے ہوئے سعودی شہریوں نے اپنے جذبات کا اظہار کیا اور وزیر خارجہ شاہ محمود قریشی کے اس اقدام پر کڑی تنقید کی ،

پاکستان میں سعودی سفارت خانے کے مطابق،قریشی اور سعودی سفیر نے خطے کے موجودہ واقعات اور "دونوں برادر ممالک کے درمیان دو طرفہ تعلقات کا جائزہ لینے” کے لیے ملاقات کی۔ تا ہم سعودی شہریوں نے جاری تصویر پر وزیر خارجہ شاہ محمود قریشی پر کڑی تنقید کی،

ایک صارف نے کہا، "پاکستانی وزیر خارجہ نے پاکستان میں سعودی سفیر کا بے مثال مہمان نوازی کے ساتھ استقبال کیا۔”

https://twitter.com/BO__JG777/status/1476277466431950850

ایک صارف نے تو لکھ دیا کہ پاکستانی وزیر خارجہ نے سعودی سفیر کا جوتوں کے ساتھ پرتپاک استقبال کیا

https://twitter.com/AlEmad94895677/status/1476767701066420224

ایک صارف کا کہنا تھا کہ پاکستانی وزیر خارجہ سعودی عرب کے خلاف اپنے سخت موقف کے لیے جانے جاتے ہیں اور ان کے سابقہ ​​بیانات اس بات کی تصدیق کرتے ہیں، ہمارے سفیر کے سامنے اس کی بدتمیزی کو مسترد کر دیا جاتا ہے اور اسے اس کی قیمت چکانی ہوگی۔ دوسروں کے لیے سبق بنیں، ہمارے سفیر کو دوبارہ ان کے پاس نہیں بیٹھنا چاہیے

وزير الخارجية الباكستاني معروفاً بمواقفه العدائية ضد السعودية وتصريحات سابقة له تؤكد ذلك.هذا الرجل هو مهندس تمكين إيران من باكستان،جلسته الوقحه أمام سفرنا مرفوضة ويجب ان يدفع ثمنها لتكون درساً لغيره.كان يجب على سفيرنا ان لايجلس ثانية معه وان لايسلم له الخطاب #باكستان #السعودية

— أ.د. خالد آل هميل السبيعي (@Drkhalid_3) December 30, 2021

پاکستان اور سعودی عرب کے درمیان گہرے سفارتی اور فوجی تعلقات ہیں، لیکن حالیہ برسوں میں دونوں ممالک کے تعلقات اس وقت کشیدہ ہوئے جب اسلام آباد نے مبینہ طور پر ریاض کی جانب سے یمن جنگ میں فوجیوں کی مدد کی درخواست کو مسترد کر دیا تھا ،

ابھی حال میں ہی او آئی سی کا افغانستان بارے خصوصی اجلاس اسلام آباد میں ہوا جس کے بعد سعودی سفیر نے وزیر خارجہ شاہ محمود قریشی سے ملاقات کی تھی، وزیر خارجہ کی اس بدتمیزی پر سعودی عرب کی جانب سے ابھی تک حکومتی سطح پر کوئی ردعمل سامنے نہیں آیا، ماہرین کا کہنا ہے کہ سعودی عرب وقت آنے پر ایسا رد عمل دے گا کہ وزیر خارجہ پھر دیکھتے رہ جائیں گے

واضح رہے کہ وزیر خارجہ شاہ محمود قریشی سعودی عرب کے حوالہ سے ماضی میں بھی کچھ بیان دے چکے ہیں جس پر پاکستان کی اپوزیشن جماعتوں نے بھی احتجاج کیا تھا پاکستان مسلم لیگ(ن) کے صدر اور قائد حزب اختلاف شہباز شریف نے وزیر خارجہ شاہ محمود قریشی کے سعودی عرب کے بارے میں بیان کو غیر زمہ دارانہ قرار دے دیا ،شہباز شریف کا کہنا تھا کہ پاکستان کے ہمیشہ کے دوست برادر ملک سعودی عرب کے حوالے سے غیر ذمہ دارانہ بیان افسوسناک، قابل مذمت اور قومی وملی مفادات کے منافی ہے،‏بدقسمتی سے موجودہ حکومت اپنی عاقبت نااندیشی سے پاکستان کو خارجہ میدان میں تنہائی کا شکار کر رہی ہے شہباز شریف کا مزید کہنا تھا کہ موجودہ حکومت خارجہ محاذ پر نازک معاملات کو اپنی حماقت یا پھر کسی دانستہ ایجنڈے کے تحت زک پہنچا رہی ہے،‏پاکستان نے ہمیشہ امت کے اتحاد اور ان میں اختلاف کو سلجھانے میں کردار ادا کیا ہے،موجودہ حکومت اس سے پہلے پاکستان کے قریبی اور دوست ممالک سے متعلق بھی ایسی ہی حرکتیں کرچکی ہے ،سعودی عرب سے معذرت کی جائے اور معاملات کو خوش اسلوبی، دانائی اور احسن انداز سے ڈیل کیاجائے

سربراہ مرکزی جمعیت اہل حدیث پاکستان سینیٹر پروفیسر ساجد میر نے کہا تھا کہ شاہ محمود قریشی نے سعودی عرب کو دھمکی دے کر احسان فراموشی کا مظاہرہ کیا۔سینیٹر پروفیسر ساجد میر کا کہنا تھا کہ شاہ محمود قریشی کا لہجہ وزیر خارجہ والا نہیں بلکہ گدی نشین والا تھا۔ وہ شائد سمجھتے ہیں کہ سب ممالک ان کے مرید ہیں۔ سعودی عرب تو ویسے بھی پیری مریدی کے دھندے کو نہیں مانتا۔ انہیں اگر سفارتی اخلاقیات کا لحاظ نہیں ہے تو وہ وزارت چھوڑیں گدی نشینی کریں جو ان کے خاندان کا کام ہے۔ انہیں اس بات کا اندازہ ہی نہیں ہے کہ ان کے بیان نے ملک کو کتنا ناقابل تلافی نقصان پہنچایا۔

محمد بن سلمان کا نیا کارنامہ، سعودی عرب میں انقلاب آ گیا، سلمان خان کے ٹھمکے

سعودی عرب میں تبلیغی جماعت کے بعد سید ابوالاعلیٰ مودودی کی کتابوں پر بھی پابندی

قریشی نے سعودی عرب کو دھمکی دے کر احسان فراموشی کا مظاہرہ کیا،وزارت چھوڑ کرگدی نشینی کا کام کریں، ساجد میر

وزیر خارجہ کا سعودی عرب بارے بیان،شہباز شریف نے بڑا مطالبہ کر دیا

برف پگھلنے لگی، سعودی سفیر کی وزیر خارجہ سے ملاقات، سعودی اہم شخصیت کا دورہ پاکستان متوقع

سعودی عرب بمقابلہ پاکستان، اصل کہانی سامنے آ گئی، اہم انکشافات مبشر لقمان کی زبانی

سعودی عرب کا بین الاقوامی مسافر پروازوں کا آپریشن معطل،پی آئی اے نے بھی اعلان کر دیا

سعودی عرب کا بڑا وفد کب آ رہا ہے پاکستان؟ وزیر خارجہ کا بڑا اعلان

وفاقی وزیر دفاع پرویز خٹک سے سعودی سفیر کی ملاقات،کیا ہوئی بات؟

سعودی سفیر اچانک وزیر خارجہ کو ملنے پہنچ گئے

آرمی چیف کا سعودی نائب وزیر دفاع کی وفات پر اظہار افسوس

محمد بن سلمان کو بڑا جھٹکا،سعودی عرب دنیا میں تنہا، سعودی معیشت ڈوبنے لگی، اہم انکشافات مبشر لقمان کی زبانی

اگلے 2 ماہ میں محمد بن سلمان تخت یا تختہ، اقتدار کا کھیل آخری مراحل میں،تہلکہ خیز انکشافات مبشر لقمان کی زبانی

حالات گرم،فیصلہ کا وقت آ گیا،سعودی عرب اسرائیل کے ہاتھ کیسے مضبوط کر رہا ہے؟ اہم انکشافات مبشر لقمان کی زبانی

آرمی چیف کے دورہ سعودی عرب سے پہلے سعودی سفیر متحرک، اہم شخصیات سے ملاقاتیں

سعودی عرب میں پاکستانی سفیرکو واپس بلائے جانے کا امکان

بلال اکبرکی واپسی، سعودی عرب میں کون ہو گا نیا سفیر،طاہر اشرفی نے بتا دیا

کیا میں دہشت گرد ہوں؟ مولانا طارق جمیل سعودی سفیر کے پاس پہنچ گئے

1971کی پاک بھارت جنگ میں چھمب معرکے کی یاد میں گولڈن جوبلی تقریب ہوئی

ڈی جی آئی ایس پی آر کے مطابق چھمب معرکے کی یاد میں گولڈن جوبلی کی تقریب کا راولپنڈی میں انعقاد ہوا،تقریب میں چھمب معرکے میں حصہ لینے والے سابق فوجیوں نے شرکت کی سابق فوجیوں نے اپنے جنگی تجربات شیئر کیے کور کمانڈر راولپنڈی لیفٹیننٹ جنرل ساحر شمشاد مرزا نے شہدائے چھمپ اور غازیوں کوخراج تحسین پیش کیا،

پاک بھارت 1971 کی جنگ کے معرکہ کی گولڈن جوبلی، آئی ایس پی آر pic.twitter.com/ElmiSv187T

— Baaghi TV باغی ٹی وی (@BaaghiTV) December 31, 2021

ڈی جی آئی ایس پی آر کے مطابق کور کمانڈر راولپنڈی لیفٹیننٹ جنرل ساحر شمشاد مرزا نے پاک فوج کی جانب سے کیے گئے ایک انتہائی جرات مندانہ آپریشن میں حصہ لینے والے تمام رینک کے جوانوں و افسران جرات اور عزم کو سراہا۔

کشمیر تکمیل پاکستان کا نامکمل ایجنڈہ، آخری حد تک جائیں گے، آرمی چیف کا دبنگ اعلان

یوم دفاع و شہداء، چلو شہداء کے گھر،باغی ٹی وی کی خصوصی کوریج

ہمارے شہدا ہمارے ہیرو ہیں،ترجمان پاک فوج کا راشد منہاس شہید کی برسی پر پیغام

سیکیورٹی خطرات کے خلاف ہم نے مکمل تیاری کر رکھی ہے، ترجمان پاک فوج

الیکشن پر کسی کو کوئی شک ہے تو….ترجمان پاک فوج نے اہم مشورہ دے دیا

فوج کو سیاست میں نہ گھسیٹا جائے ، دعا ہے علی سد پارہ خیریت سے ہو،ترجمان پاک فوج

طاقت کا استعمال صرف ریاست کی صوابدید ہے،آپریشن ردالفسار کے چار برس مکمل، ترجمان پاک فوج کی اہم بریفنگ

انسداد دہشت گردی جنگ تقریبا ختم ہو چکی،نیشنل امیچورشارٹ فلم فیسٹیول سے ڈی جی آئی ایس پی آر کا خطاب

افغان امن عمل، افغان فوج نے کہیں مزاحمت کی یا کرینگے یہ دیکھنا ہوگا، ترجمان پاک فوج

وطن کی مٹی گواہ رہنا، کے نام سے یوم دفاع وشہداء منانے کا اعلان

شُہداء، غازیوں اوراُن سے جُڑے تمام رِشتوں کو سَلام،آئی ایس پی آر کی نئی ویڈیو جاری

اور وزیراعظم عمران خان کی ویڈیو بھی آ گئی

وزیراعظم کی ای لنک کے ذریعے ضلعی عدالت میں پیشی کی ویڈیو منظرعام پر آ گئی

وزیراعظم 17 دسمبر کو ایڈیشنل ڈسٹرکٹ اینڈ سیشن جج کے سامنے پیش ہوئے تھے جج نے وزیراعظم عمران خان سے بیان حلفی اور دستخطوں کی تصدیق کرائی ،وزیراعظم عمران خان کا کہنا تھا کہ اوتھ کمشنر کی موجودگی میں بیان حلفی پر خود دستخط کیے ، جج نے وزیراعظم سے سوال کیا کہ کیا آپ بیان حلفی میں لکھے ہوئے مندرجات سے بھی واقف ہیں؟ جس پر وزیراعظم عمران خان نے کہا کہ جی بالکل میں نے خود اپنے وکیل کوبیان حلفی لکھوایا تھا،بیان حلفی میں جو بھی معلومات دیں وہ سچ پر مبنی ہیں،بیان کے ساتھ منسلک کاغذات کے بھی درست ہونے کی تصدیق کرتا ہوں تصدیق مکمل ہونے کے بعد وزیراعظم نے جج سے رخصت کی اجازت مانگی

وزیراعظم عمران خان کی ای لنک کے ذریعے ضلعی عدالت میں پیشی کی ویڈیو منظرعام پر۔وزیراعظم 17 دسمبر کو ایڈیشنل ڈسٹرکٹ ایند سیشن جج کے سامنے پیش ہوئے تھے pic.twitter.com/ymUeZCGFKM

— Umar Jutt (Student of Arshad Sharif) (@UmarJavaidJutt) December 31, 2021

جج نے تصدیق کا عمل مکمل ہونے پر وزیراعظم کو جانے کی اجازت دی وزیراعظم نےخواجہ آصف کیخلاف ہتک عزت کا دعویٰ دائر کررکھا ہے ن لیگ کے خواجہ آصف نے شوکت خانم ٹرسٹ پر الزامات عائد کیے تھے وفاقی وزیر علی زیدی نے بھی سوشل میڈیا پر وزیراعظم کی پیشی کی ویڈیو شیئر کردی

پولیس کی زیادتی، خواجہ سراؤں نے ملک گیر احتجاج کی دھمکی دے دی

پلاسٹک بیگ پر پابندی لگی تو خواجہ سراؤں نے ایسا کام کیا کہ شہری داد دینے پر مجبور

کرونا لاک ڈاؤن، شادی کی خواہش رہی ادھوری، پولیس نے دولہا کو جیل پہنچا دیا

کرونا لاک ڈاؤن، گھر میں فاقے، ماں نے 5 بچوں کو تالاب میں پھینک دیا،سب کی ہوئی موت

دس برس تک سگی بیٹی سے مسلسل جنسی زیادتی کرنیوالے سفاک باپ کو عدالت نے سنائی سزا

شادی شدہ خاتون کے ساتھ اجتماعی زیادتی کے بعد ملزمان نے ویڈیو وائرل کر دی

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

لڑکی کو برہنہ کرنیوالے ملزم عثمان مرزا کو پولیس نے عدالت پیش کر دیا

کیا فائدہ قانون کا، مفتی کو نامرد کیا گیا نہ عثمان مرزا کو،ٹویٹر پر صارفین کی رائے

لڑکی کو برہنہ کرنے کی ویڈیو، وزیراعظم عمران خان کا نوٹس، بڑا حکم دے دیا

عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

نوجوان جوڑے پر تشدد کیس، پانچویں ملزم کو کس بنیاد پر گرفتار کیا؟ عدالت کا تفتیشی سے سوال

ویڈیو کس نے وائرل کی تھی؟ عدالت کے استفسار پر سرکاری وکیل نے کیا دیا جواب

نوجوان جوڑے کو برہنہ کرنے کا کیس،ملزم عثمان مرزا کو عدالت نے کہاں بھجوا دیا؟

نوجوان جوڑے کو برہنہ کرنے کا کیس،عدالت نے لڑکے اور لڑکی کو کیا طلب

نئے سال کی خوشی پبلک کو انجوائے کرنے دیں،عدالت

اسلام آباد ہائی کورٹ نے نئے سال کی خوشی میں فائر شو روکنے کی درخواست مسترد کردی

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ نئے سال کی خوشی میں فائر شو ساری دنیا میں ہوتا ہے صرف یہاں نہیں ہو رہا،نئے سال کی خوشی پبلک کو انجوائے کرنے دیں، فائر شو تو ابھی سعودی عرب میں بھی ہوا ہے، عدالت نے فائر ورک روکنے کی درخواست ناقابل سماعت قرار دے کر خارج کردی شہری نے ڈپٹی کمشنر کی جانب سے آج رات 12 بجے کے لیے این اوسی واپس لینے کی استدعا کی تھی

قبل ازیں نیو ائیر کی آمد ،لاہور میں اقبال ٹاؤن ڈویژن پولیس نے فلیگ مارچ کیا ہے، ڈی آئی جی آپریشنز ڈاکٹر محمد عابد کی ہدایت پر فلیگ مارچ کیا گیا، ایس پی اقبال ٹاؤن رضا تنویر کی قیادت میں فلیگ مارچ کیا گیا ۔فلیگ مارچ کے دوران شہریوں کو ہوائی فائرنگ۔ون ویلنگ۔پتنگ بازی۔ہلڑبازی سے اجتناب کے اعلانات بھی کئے گئے۔تھانہ جات کی گاڑیاں۔ڈولفن۔پیرو۔ایلیٹ فورس ٹریفک کی گاڑیاں بھی فلیگ مارچ میں شامل تھیں، فلیگ مارچ مسلم ٹاؤن ایس پی اقبال ٹاؤن دفتر سے شروع ہو کر وحدت روڈ۔بھیکے وال موڑ۔دبئی چوک سے ہوتا ہوا سکیم موڑ۔نیازی اڈا۔بابو صابو۔ڈبل سڑکاں۔سمن آباد موڑ سے واپس مسلم ٹاؤن اختام پذیر ہوا،فلیگ مارچ کے دوران ایس پی اقبال ٹاؤن رضا تنویر نے ناکہ جات کی ڈیوٹی کوچیک و بریف کیا۔ایس پی اقبال ٹاؤن رضا تنویر کا کہنا ہے کہ لاہور پولیس شہریوں کی حفاظت کے لئے پوری طرح الرٹ ہے،فلیگ مارچ کا مقصد سکیورٹی بڑھانا،شہریوں میں احساس تحفظ پیدا کرنا ہے،شہریوں اور املاک کی حفاظت کے لئے کوئی دقیقہ فروگداشت نہیں کریں گے،امن وامان برقرار رکھنے کیلئے فلیگ مارچ اور سرچ آپریشنز جاری رہیں گے

دوسری جانب سٹی پولیس آفیسرفیصل آباد غلام مبشر میکن نے سال نو کی آمد پر شہریوں کے لئے خصوصی پیغام میں کہاہے کہ نئے سال کی خوشیاں ضرور منائیں لیکن ہمیں مہذب شہری ہونے کا ثبوت دیتے ہوئے امن و امان کی فضا کو بھی برقرار رکھنا ہے۔خوشیاں منانے کایہ مقصد قطعانہیں کہ ہم غیر سماجی اقدامات ،ہلڑبازی ،ہوائی فائرنگ،ون ویلنگ اور پبلک مقامات پر آئی خواتین و فیملیز کے ساتھ ناشائستہ رویہ اپنائیں۔اگر کوئی بھی شہری قانون شکنی کرتا ہوا نظر آئے تو فوراًپکار 15پر پولیس کو اطلاع دیں۔نئے سال کے موقعہ پر مہذب شہری ہونے کا ثبوت دیتے ہوئے پنجاب پولیس کا ساتھ دیں۔

پاکستان میں کرونا سے مزید 9 اموات

برطانیہ میں اومیکرون کے پھیلاؤ میں تیزی

پاکستان میں پہلےاومی کرون کیس کی تصدیق

اومیکرون کا خدشہ ،برطانیہ سے پاکستان آنے والی پروازوں بارے نیا حکمنامہ

کرونا کو معمولی قرار دینے والے کک باکسنگ کے سابق عالمی چیمپئین کی موت

بھارتی کرکٹ ٹیم کے سابق کپتان سارو گنگولی بھی کرونا کا شکار

جنرل ہسپتال میں اومیکرون کی تشخیصی سہولت فراہم، رپورٹ اسی روز ملے گی

جوبائیڈن کا سفری پابندیاں ہٹانے کا اعلان، دہلی میں اومیکرون نے لاک ڈاؤن لگوا دیا

سعودی عرب،کرونا کا پھیلاؤ، ایک بار پھر پابندیاں نافذ

گو نیازی گو، شوکت ترین قوم کا غدار، قومی اسمبلی میں نعرے
قومی اسمبلی کا اجلاس ا سپیکراسدقیصر کی زیر صدارت شروع ہو گیا ہے

وفاقی وزیر خزانہ شوکت ترین نے فنانس بل پیش کیا، مالیاتی ضمنی بل 2021 ایوان میں پیش کر دیا گیا، سٹیٹ بینک آف پاکستان ایکٹ ترمیمی بل 2021 بھی پیش کر دیا گیا، بل پیش کرنے کی تحریک کے حق میں 145 اور مخالفت میں 3ووٹ آئے قومی اسمبلی کے اجلاس میں مسلم لیگ ن کے رہنماء پلے کارڈ اٹھائے پارلیمنٹ کے ایوان میں داخل ہوئے اورشوکت ترین کی جانب سے فنانس بل پیش کرنے کے موقع پر احتجاج کرتے رہے ،اپوزیشن نے گونیازی گو کے نعرے لگائے، اپوزیشن نے پلے کارڈز بھی اٹھا رکھے تھے،قومی اسمبلی اجلاس میں وفاقی وزیر خزانہ شوکت ترین کو اپوزیشن اراکین نے گھیر لیا اور قوم کا غدار کہا

اس دوران قومی اسمبلی کا ایوان مچھلی منڈی کا منظر پیش کرنے لگا، پی پی رہنما شازیہ مری کو دھکے دیئے گئے،قومی اسمبلی اجلاس میں شگفتہ جمانی اور حکومتی رکن غزالہ سیفی میں ہاتھا پائی ہوئی، شگفتہ جمانی اور غزالہ سیفی میں ہاتھا پائی سپیکر ڈائس کے سامنے وزرا کی چییئرز کے سامنے ہوئی

ن لیگی رہنما خواجہ آصف نے کہا کہ وہ آرڈیننس پیش کیے جارہے ہیں جن کی مدت ختم ہوچکی تھی، اسٹیٹ بینک کا کنٹرول آئی ایم ایف کو دیا جارہا ہے،ملکی معاشی خودمختاری کا سودا کیا جارہا ہے،3سال لوٹ مار نہ کی جاتی تو آج منی بجٹ نہ پیش کرنا پڑتا،میری آواز نہ بند کی جائے، پاکستان کی خودمختاری پر سرنڈر نہ کریں،ہمیں معاشی طور پر غلام بنایا جارہا ہے،میں پاکستان کے 22 کروڑ عوام کی نمائندگی کر رہا ہوں،جو ملک معاشی طور پر غلام ہو جائے وہ کالونی بن جاتا ہے، یہاں پتہ نہیں کون سی حکومت آگئی ہے، سپریم کورٹ کے فیصلے کے مطابق ایکسپائر آرڈیننس کو ری نیو نہیں کیا جا سکتا، اسٹیٹ بینک کو قرضوں کیلئے آئی ایم ایف کے پاس گروی رکھ دیا گیا،آپ نعرے لگاتے تھے کہ ہم دودھ کی ندیاں بہا دیں گے، خیبر پختونخوا کے حلقے گواہی دیتے ہیں کہ پی ٹی آئی نے 3سال میں صرف ظلم کیا ہے، اتنی مہنگائی میں تنخواہ دار طبقہ کیسے اپنے بچوں کا پیٹ پالے،

اسد عمر نے ایوان میں اظہار خیال کرتے ہوئے کہا کہ کچھ ہفتوں سے اپوزیشن نے طوفان کھڑا کیا ہوا تھا انہیں ووٹ ڈالنے کیلئے صرف 3 ممبر کھڑے ہوئے، اپوزیشن اپنے بندوں کو کرسی پر نہیں کھڑا کرسکتی حکومت کیا گرائے گی،مودی کو اپنے گھر بلوانے والے ہمیں درس دیتے ہیں کورونا کے بعد ایک صاحب سی وی اپ ڈیٹ کر کے بھاگے ہوئے آئے،یہ خود ہی اپنی تعریفیں کرتے ہیں، ہماری تو عالمی فورم تعریف کرتے ہیں ایکسپائرڈ لیڈروں کی تقریر سننا ہم پر لازم نہیں ہے، پچھلے سروے میں 86 فیصد عوام نے کہا وفاقی حکومت نے اچھا کام کیا خیبر پختونخوا میں ہماری 15اور تین جماعتوں کی 9سیٹیں ہیں،

اسدعمر نے خواجہ آصف کیلئے خواجہ آصف کا ہی جملہ دہرا دیا اور کپا کہ سرنڈر سے متعلق خواجہ آصف کی تقریر پر کہوں گا کوئی شرم ہوتی ہے، کوئی حیا ہوتی ہے

پی پی رہنما راجہ پرویز اشرف کا کہنا تھا کہ جس طریقے سے ترامیم کی جا رہی ہیں اس سے پارلیمنٹ کا تقدس پامال ہو رہا ہے،آئین کے تحت چلیں تو دو تہائی اکثریت درکار ہو گی،آج پارلیمنٹ پر داغ لگایا گیا،قانون سازی 22 کروڑ عوام کیلئے کی جا رہی ہے،خواجہ آصف کے بیان پر کیا جواب دیا گیا، کبھی بھی نہیں چاہتا کہ ہاوس کا ماحول خراب ہو،حکومت کا طریقہ کار ناقابل برداشت ہے،بتایا جائے ملک میں مہنگائی ہے یا نہیں؟ مہنگائی کنٹرول کرنے کا کہیں تو جواب آتا ہے آپ کی وجہ سے ہے،حکومت ہر محاذ پر فیل ہوئی یہ لوگ پاکستان کے عوام کے ساتھ مذاق کر رہے ہیں، اپوزیشن کو اسپیکر کیخلاف عدم اعتماد کی تحریک لانے پر مجبور کیا جاتا ہے، یہ سوئے رہتے ہیں، انہیں نہیں پتہ تھا کہ آرڈیننس ایکسپائر ہو گیا،یہ اسپیکر کی کرسی کو استعمال کر رہے ہیں،مجبور کر رہے ہیں کہ اسپیکر کے خلاف عدم اعتماد کی تحریک آئے اسپیکر صاحب سے درخواست ہے کہ نیوٹرل رہیں، جے یو آئی رہنما مولانا اسعد محمود نے کہا کہ پی ٹی آئی کی حکومت نے خارجہ اور معاشی پالیسی کو تباہ کیا،

فنانس ترمیمی بل کی کاپی سامنے آئی ہے، زیروریٹڈ انڈسٹری کی 6 آئٹمزپرجی ایس ٹی چھوٹ واپس لینے کی تجویزدی گئی ہے،امپورٹڈدودھ، سائیکلوں پردی گئی ٹیکس چھوٹ واپس لینےکی تجویز دی گئی ہے زیروریٹڈ آئٹمزپرٹیکس چھوٹ ختم ہونے سے ساڑھے 9ارب روپے کا بوجھ پڑے گا،59 امپورٹڈ فوڈآ ئٹمزپردی گئی جی ایس ٹی چھوٹ بھی ختم کرنےکی تجویزدی گئی ہے امپورٹڈ فوڈ آئٹمزپرٹیکس چھوٹ ختم ہونےسے 215ارب روپے کا اضافی بوجھ پڑے گا بیکری آئٹمز،برانڈڈ فوڈآئٹمزپربھی جی ایس ٹی چھوٹ واپس لینےکی تجویزدی گئی ہے پاورسیکٹرکیلئےامپورٹڈمشینری پردی گئی چھوٹ واپس لینے کی تجویز دی گئی ہے، امپورٹڈموبائل فونزپر 17 فیصد اضافی ٹیکس لگانے کی تجویزدی گئی ہے ،گاڑیوں کی رجسٹریشن فیس ایڈوانس ٹیکس میں 100 فیصداضافے کی تجویزدی گئی ہے ،غیرملکی ٹی وی سیریلز اورڈرامہ پرایڈوانس ٹیکس عائدکرنےکی تجویز دی گئی ہے 1000سی سی سے زائدگاڑیوں پرفیڈرل ایکسائزڈیوٹی بڑھانے کی تجویزدی گئی ہے

وزیراعظم عمران خان کی زیر صدارت پارلیمانی پارٹی کا اجلاس ختم ہو گیا ہے ،اسد عمر کا کہنا تھا کہ وزیر خزانہ ابھی بل سےمتعلق تفصیلات ایوان کو بتا دیں گے،خیبرپختونخوا میں ہونےوالے بلدیاتی انتخابات پر مطمئن نہیں ،حکومت مہنگائی کو کنڑول کرنے کیلئے اقدامات کر رہی ہے،حکومت مزید اقدامات بھی اٹھائے گی

وزیراعظم کی زیرصدارت پی ٹی آئی اور اتحادی جماعتوں کی پارلیمانی پارٹی کا اجلاس ہوا . پی ٹی آئی پارلیمانی پارٹی اجلاس میں ارکان کو منی بجٹ کے خدوخال پر بریفنگ دی گئی پی ٹی آئی پارلیمانی پارٹی اجلاس میں ارکان کو ایوان میں حاضری یقینی بنانے کی ہدایت کی گئی

نجی ٹی وی کے مطابق حکومتی پارلیمانی پارٹی اجلاس کی اندورنی کہانی سامنے آئی ہے ، حکومتی اتحادی جماعت ایم کیو ایم نے منی بجٹ پر تحفظات کا اظہار کر دیا، ایم کیو ایم اراکین کا کہنا تھا کہ ہمارے تحفظات کو دور نہیں کیا گیا،منی بجٹ سے مہنگائی کا طوفان آئے گا،

وزیر خارجہ شاہ محمود قریشی نے حکومتی پارلیمانی پارٹی اجلاس کے بعد میڈیا سے گفتگو کرتے ہوئے کہا کہ فنانس بل کے حوالے سے ممبران کو آگاہ کیا گیا،ممبران کا حق ہے کہ پیش کیے جانے والے بل سے متعلق آگاہ کیا جائےفنانس بل سے متعلق وزیر خزانہ نے ممبران کے سوالات کے جوابات دیئے، اسٹیٹ بینک ایکٹ میں ترامیم سے متعلق پائے جانے والے شکوک و شبہات کو دور کیا گیا،کابینہ خصوصی اجلاس میں فنانس بل پر تبادلہ خیال ہوا

تحریک انصاف اور اتحادی جماعتوں کی پارلیمانی پارٹی کے اجلاس میں اراکین اجلاس کے لئے پہنچے تو اراکین کے موبائل فونز باہر رکھوا لیے گئے خواتین ارکان کے بیگز بھی باہر رکھوا دیئے گئے

وزیراعظم عمران خان کا میڈیا سے گفتگو کرتے ہوئے کہنا تھا کہ اسمبلی میں شہبازشریف کی تقریر نہیں ہوتی جاب ایپلی کیشن ہوتی ہے،ہر تین ماہ بعد کہا جاتا ہے کہ حکومت مشکل میں ہے،حکومت کوئی مشکل میں نہیں،کہا جاتا ہے نواز شریف آج آرہے ہیں کل آرہے ہیں ،نواز شریف جب سعودی عرب گئے تب بھی یہی کہا جاتا تھا،

وفاقی وزیر داخلہ شیخ رشید احمد کا کہنا تھا کہ اتحادی حکومت کے ساتھ ہیں 72بلین ڈالر کا مجموعی بجٹ ہے،عام آدمی پر 2 بلین کا بوجھ پڑے گا،

قبل ازیں وزیراعظم عمران خان کی زیرصدارت وفاقی کابینہ کا اجلاس ختم ہو گیا ہے ،وفاقی کابینہ نے فنانس ترمیمی بل 2021 کی منظوری دے دی،وزیر خزانہ شوکت ترین نے بل کا مسودہ کابینہ میں پیش کیا،کابینہ منظوری کے بعد منی بجٹ اب قومی اسمبلی میں پیش ہو گا ،وفاقی وزیر اطلاعات فواد چودھری کا کہنا ہے کہ کابینہ نے فنانس بل کی منظوری دے دی ہے،اب یہ بل قومی اسمبلی کے اجلاس میں پیش کیا جائیگا،

حکومت آئی ایم ایف کی شرائط پوری کرنے واسطے 360 ارب روپے کا منی بجٹ وفاقی کابینہ کے خصوصی اجلاس سے منظوری کے بعد آج قومی اسمبلی میں پیش کرے گی 12 جنوری سے پہلے آئی ایم ایف کی شرائط پر عمل درآمد ضروری ہے

وفاقی وزیر خزانہ شوکت ترین نے میڈیا سے گفتگو کرتے ہوئے کہا کہ منی بجٹ میں عوام پر کوئی بوجھ نہیں ڈالا جا رہا،عوام پر بہت تھوڑا بوجھ پڑے گا،

دوسری جانب اپوزیشن جماعتوں کا بھی اجلاس ہوا تا ہم اپوزیشن جماعتوں کےمشترکہ اجلاس سےمرکزی قیادت غائب نظر آئی، اجلاس میں اپوزیشن لیڈر شہباز شریف نے شرکت نہیں کی آصف زرداری اور بلاول بھٹو بھی اجلاس میں نہیں آئے اپوزیشن جماعتوں کےاجلاس میں صرف 98 اراکین نے شرکت کی پیپلز پارٹی کے 56 میں سے صرف 30 اراکین آئے ,منی بجٹ کوعوام اور پاکستان کی پیٹھ میں خنجر گھونپنا قراردے کراراکین پارلیمنٹ کا امتحان لینے والے اپوزیشن لیڈرشہبازشریف خود ایوان میں نہیں آئے،بلاول بھی ایوان میں نہیں آئے،

سینیٹر فیصل جاوید کا کہنا ہے کہ اپوزیشن بھڑکیں مار رہی ہے اور گمراہ کرنے کی کوشش کر رہی ہے،اپوزیشن کہہ رہی ہے یہ بجٹ پاس نہیں ہونے دیں گے،اپوزیشن کو ناکامی کا سامنا کرنا پڑے گا،پیپلز پارٹی اور ن لیگ 14 دفعہ آئی ایم ایف کے پاس جا چکے ہیں پیپلز پارٹی اور ن لیگ نے آئی ایم ایف کا 82 فیصد قرضہ لیا

قبل ازیں مسلم لیگ ن کی ترجمان مریم اورنگزیب کا کہنا ہے کہ عوام کی جیبیں کاٹنے والے ظالموں کا بھرپورمقابلہ کرینگے ،منی بجٹ سےمہنگائی میں مزیداضافہ ہوگا،اپوزیشن کے نمبر بالکل پورے ہیں،پارلیمنٹ کے اندر اور باہر احتجاج کریں گے ،حکومت کے اتحادیوں کوبھی چاہیے کہ منی بجٹ پرآواز اٹھائیں،عمران خان روز جھوٹ بولتے ہیں، مہنگائی پرعوام کو جواب دیں

قبل ازیں پنجاب اسمبلی میں اپوزیشن لیڈر حمزہ شہباز شریف کا کہنا تھا کہ منی بجٹ سے لگنے والے ٹیکسوں سے کاروبار مزید ختم اور معیشت سکڑ جائے گی عمران خان کا منی بجٹ لانے کی وجہ گزشتہ حکومتوں کو قرار دینا دماغی خلل کا نتیجہ ہے، 350 ارب کے ٹیکسوں سے سیکڑوں اشیا مہنگی ہوں گی، ٹیکس سے جو سیکڑوں اشیامہنگی ہونے جا رہی ہیں اس کا عام مہنگائی پر اثر پڑے گا حکومت کا واحد معاشی مقصد اب صرف عوام سے ٹیکس بٹورنا رہ گیا ہے ترقیاتی بجٹ میں کٹوتی کی تجاویز بھی تشویشناک ہیں یہ بجٹ نہیں لاکھوں افراد کو بےروزگار کرنے کا منصوبہ ہے سیکیورٹی پالیسی پر بغلیں بجانا حکومت کی کوتاہ اندیشی کی مثال ہے،

قبل ازیں پیپلز پارٹی کی رہنما سینیٹر شیری رحمان نے کہا ہے کہ حکومت 600 ارب روپے کا منی بجٹ بم گرانے جا رہی ہے، پاکستان آئی ایم ایف کی ڈکٹیشن پر کیوں چل رہا ہے؟ ایڈجسٹمنٹ اخراجات میں کٹوتیوں اور ٹیکس چھوٹ میں کمی کی وجہ سے بے روزگاری اور افراط زر میں اضافہ ہوگا عوام کو آگے مزید مشکلات کا سامنا کرنا پڑے گا، کیا یہ وہ تبدلی ہے جس کا تباہی سرکار نے وعدہ کیا تھا؟ یہ ملک کو مدینہ کی ریاست نہیں، آئی ایم ایف کی کالونی بنا رہے ہیں، پہلے کہتے تھے آئی ایم ایف نہیں جائیں گے پی ٹی آئی حکومت یو ٹرن لے کر آئی ایم ایف چلی گئی، پھر کہتے تھے منی بجٹ نہیں ہوگا، اب منی بجٹ بم گرا رہے ہیں، جس سے مہنگائی کی سونامی آئے گی

نواز شریف کی نئی میڈیکل رپورٹ عدالت میں جمع، نواز ذہنی دباؤ کا شکار،جہاز کا سفر خطرناک قرار

جس ڈاکٹر کا سرٹیفیکٹ لگایا وہ امریکہ میں اور نواز شریف لندن میں،عدالت کے ریمارکس

اشتہاری ملزم کی درخواستیں کس قانون کے تحت سن سکتے ہیں،نواز شریف کے وکیل سے دلائل طلب

نواز شریف کی جیل میں طبیعت کیوں خراب ہوئی تھی؟ نئی میڈیکل رپورٹ میں اہم انکشاف

اشتہاری مجرم کی ضمانت منسوخی کی ضرورت ہے؟ نواز شریف کیس میں عدالت کے ریمارکس

نواز شریف کو مفرور بھی ڈکلیئر کر دیں تو تب بھی اپیل تو سنی جائے گی،عدالت

گرفتاری پہلے، مقدمہ بعد میں، مہذب ممالک میں کبھی ایسا دیکھا ہے؟ مریم نواز

مریم نواز کا وکیل بھاگ گیا

جاوید لطیف نوازشریف کے بیانیے کے ساتھ کھڑے ہیں،مریم نواز

قائمہ کمیٹی اجلاس،سابق چیف جسٹس ثاقب نثار، رانا شمیم کے نہ آنے پرجاوید لطیف کا بڑا اعلان

مشکل حالات، قومی اتفاق رائے پیدا کیا جائے، اپوزیشن کی حکومت کو پیشکش

کیا تبدیلی واقعی ہار چکی، سال 2021،ڈیل،ڈھیل، واپسی،اقتدار

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ ملکی سیاست میں اکیسویں صدی کا اکیسیواں سال بہت سے حوالوں سے سرد و گرم رہا ہے ۔ حکومت اور اپوزیشن کی جنگ کے ساتھ مہنگائی نے عوام کو خون کے آنسو رلائے۔ پھر کورونا کی عالمی وباء نے پاکستانیوں کو بھی عذاب میں مبتلاء کئے رکھا ہے ۔ پر لگتا ہے کہ نئے سال میں بھی سیاست کی گرم بازاری کا سلسلہ یوں ہی جاری رہے گا جیسے پہلے تھا بلکہ اس کی شدت میں اضافہ ہی ہوگا۔

مبشر لقمان کا کہنا تھا کہ کیونکہ کوئی چاہتا ہے کہ موجودہ حکومت کو ختم کر کے اُس کے لیے رستہ بنایا جائے تو کسی دوسرے کی یہ خواہش ہے کہ اُس کے لیے ملک اور سیاست میں واپسی کا راستہ ہموار کر کے آئندہ الیکشن کو آزادانہ کروایاجائے تو وہ راضی ہو گا۔ جبکہ جو اقتدار کے مزہ لے رہے ہیں ۔ وہ چاہتے ہیں کہ ڈیل والے اُن کے ساتھ ہی کھڑے رہیں ۔ چاہے اُن کی کارکردگی جیسی بھی ہو اُن کی حمایت جاری رکھیں اور اُن کے مخالفین کو کوئی رعایت نہ دیں۔ ۔ اس وقت جہاں ہر خاص وعام کی زبان پر اپوزیشن سے ڈیل کی باتیں جاری ہیں توعمران خان کی گفتگو بھی معنی خیز ہے ۔

مبشر لقمان کا مزید کہنا تھا کہ دراصل جس دن عمران خان نے اپنے وزیروں اور ترجمان کے خصوصی اجلاس میں یہ راز فاش کیا کہ نواز شریف کو چوتھی بار وزیر اعظم بنانے کی کوششیں ہو رہی ہیں۔ اس دن اس بحث کو مزید تقویت مل گئی جو ملک میں کئی دن سے جاری تھی۔ حقیقت میں عمران خان نے اعتراف کر لیا ہے کہ یہ سب کچھ ہو رہا ہے۔ ان کا بیان یہ بتاتا ہے کہ وہ یہ کہنا چاہتے ہیں وہ اس سے باخبر ہیں۔ وہ جواب میں کیا کریں گے۔ اس کا اندازہ ان کے ردعمل سے لگایا جائے گا۔ میرے خیال میں یہ کپتان کا بہت بڑا امتحان ہے۔ فی الحال اس امتحان میں وہ کامیاب نہیں جا رہے۔ ان کا ردعمل یہ ظاہر کرتا ہے کہ وہ محسوس کر رہے ہیں وہ جنگ ہار رہے ہیں۔ اور جوابی لڑائی کے لئے ان کی حکمت عملی بھی کوئی ایسی نہیں جس پر کسی کو پریشانی ہو۔ حقیقت میں پاکستان میں تبدیلی ہار چکی ہے ۔ جس کی واضح مثال کے پی کے بلدیاتی انتخابات میں شکست اور پے درپے ضمنی انتخابات میں حکومتی شکست ہے ۔ یوں صحیح معنوں میں عوام نے تحریک انصاف کے چھکے چھڑا دیے ہیں۔ دراصل اپوزیشن وہ کام نہ کر پائی ہے جو تحریک انصاف نے بذات خود انجام دے ڈالا ہے ۔ آپ دیکھیں ۔ خیبر پختونخوا کے بلدیاتی انتخابات میں شکست کا اثر یہ ہوا ہے کہ پی ٹی آئی کے اپنے ہی آپس میں لڑ لڑ پاگل ہونے کو ہیں ۔ جس نے اس شکست کو مزید بڑا کر دیا ہے ۔

مبشر لقمان کا مزید کہنا تھا کہ ایک جانب وزیراعظم کے معاون خصوصی ارباب شہزاد کے بھتیجے ارباب محمد علی نے گورنر کے پی شاہ فرمان کے احتساب کا مطالبہ کر دیا ہے۔ ۔ تو دوسری جانب یہ خبریں کہ گورنرخیبر پختونخوا اور صوبائی وزیر نے میئر پشاور کا ٹکٹ سات کروڑ میں بیچا۔ تاہم میئر پشاور کی نشست کیلئے تحریک انصاف کے امیدوار رضوان بنگش نے ٹکٹ کے عوض پارٹی قائدین کو رقوم دینے کی تردید کرتے ہوئے ارباب خاندان کو پارٹی کی ناکامی کا ذمہ دار قرار دیا۔۔ اس سب کا پنجاب کے مقامی انتخابات میں جو اثر پڑنے جا رہا ہے اُس کی خبر شاید تحریک انصاف کو لانے والے کو بھی نہیں ہے۔ پی ٹی آئی اس طرح منتشر ہوتی دکھائی دے رہی ہے جس طرح کسی تباہ شدہ جہاز کا ملبہ اور شاید اگلا انتخاب اس کا آخری انتخاب ہو۔ جس سے قبل اس پارٹی کے جہاز پر چڑھائے گئے مسافر ایسے جان چھڑانے کی تیاری میں ہیں ۔ جیسے ہمیں کابل کے ایئر پورٹ پر نظر آیا تھا۔ دیکھا جائے تو عمران خان کی سیاست کارکردگی کی نہیں۔ بلکہ صرف الزامات کی سیاست ہے اور لوگوں کے کان اتنے سالوں سے وہی الزامات سن سن کر پک چکے ہیں۔ عمران خان نے پی ٹی آئی کی تمام تنظیمیں توڑ کر نئے عہدیدار لگائے ہیں۔ لیکن یہ وقت ٹیم کا نہیں۔ بلکہ کپتان کی تبدیلی کا آ چکا ہے۔

مبشر لقمان کا مزید کہنا تھا کہ عوام اب مزید اس ناکام تجربہ کو برداشت کرنے کے لئے تیار ہیں اور نہ ہی اس قابل رہے ہیں کیونکہ ان کی برداشت کی سکت تیزی سے ختم ہو رہی ہے۔ پھر جو لوگ ڈیل کے دعوے کر رہے ہیں وہ یہ بتانے سے گریزاں ہیں کہ ڈیل کس کیساتھ اور کیا ہو رہی ہے؟ ن لیگ سے ، مولانا سے یا پھر پیپلزپارٹی سے ؟؟۔ جہاں بعض حلقوں کا خیال ہے کہ نواز شریف کی واپسی کے بعد ن لیگ کا وزارتِ عظمیٰ کا امیدوار دوسرا کوئی نہیں ہو سکتا جبکہ بہت سے سرگرم ن لیگی شہباز شریف کے امیدوار ہونے پر امید لگائے بیٹھے ہیں ۔ جبکہ کچھ کا ماننا ہے کہ وقت آنے پر مریم نواز، شہباز شریف کی تجویز کنندہ ہوں گی۔ فرض کریں اگر نواز شریف واپس آتے ہیں تو انہیں عدالت میں پیش ہونے کے لئے گرفتاری دینا ہو گی ۔ ضمانت کرانا ہو گی۔ سزا پر نظرثانی کے لئے دائر درخواستوں پر عدالتی فیصلہ کا انتظار کرنا ہوگا۔نا اہلی ختم کرانا ہو گی۔ اس کے بعد الیکشن میں حصہ لے سکیں گے۔ اور یہ سب کچھ پاکستان میں ممکن ہے ۔

مبشر لقمان کا مزید کہنا تھا کہ ہماری ستر سالہ تاریخ ایسی چیزوں سے بھری پڑی ہے ۔ یوں جوں جوں نواز شریف کی یقینی وطن واپسی کا وقت قریب آ رہا ہے۔ حکومتی ترجما نوں کی فوج کی آوازیں بلند ہونا شروع ہوگئی ہیں ۔ ویسے ان ترجمانوں کی تعداد کتنی ہے شاید خود حکومت کو بھی معلوم نہیں ۔ اس سے اندازہ لگایا جاسکتا ہے کہ حکومتی کیمپوں میں تھرتھلی مچی ہوئی ہے ۔ کہ کچھ ہونا والا ہے ۔ اس سب کے باوجود خبریں یہ ہیں کہ خود حکومتی پارٹی کے ممبران اسمبلی اپنا اپنا بائیوڈیٹا نواز شریف کے پاس پہنچانے کے لئے ہاتھوں میں لئے پھر رہے ہیں اور نواز شریف کی ہلکی سی نظر کرم کے منتظر ہیں۔ کیونکہ ان پی ٹی آئی ممبران اسمبلی کو بھی معلوم ہے کہ اگلے الیکشن میں پی ٹی آئی کا ٹکٹ یقینی شکست اور ضمانت ضبط کروانے کا ٹکٹ ہے۔ پھر جہاں مسلم لیگ ن کا حوصلہ مزید بلند ہوا ہے۔ تو زرداری صاحب بھی دو دو ہاتھ کرنے کے لیے بے چین ہو رہے ہیں۔ ان کی نظریں بھی جنوبی پنجاب سمیت بلوچستان پر ٹکی ہوئی ہیں۔ اور ان کی بھی خواہش ہے کہ کسی طرح کوئی بات بنے ۔ اور ایک بار پھر پیپلز پارٹی وفاق میں ابھر کر سامنے آجائے ۔

مبشر لقمان کا مزید کہنا تھا کہ اس حوالے سے کہا تو بہت جا چکا ہے ۔ پھر ابھی گزشتہ ہفتہ ہی سابق صدر آصف علی زرداری نے کہا تھا کہ فارمولے والے اُن کی مدد لینے آئے تھے کہ کس طرح ملک کو اس موجودہ بھنور سے نکالا جائے۔ جس پر اُنہوں نے فارمولے والوں کو کہا کہ پہلے عمران خان کو نکالو۔ یعنی ہر طرف ڈیل ہی ڈیل کی کہانیاں چل رہی ہیں۔ ڈیل ہو چکی۔ یا ڈیل ہو رہی ہے۔ اسکرپٹ فائنل ہو چکا یا ابھی اُس پر کام ہو رہا ہے، ان سب سوالات پر ہر طرف بحث و مباحثہ جاری ہے۔ نام کوئی نہیں لے رہا۔ نام عمران خان نے بھی نہیں لیا کہ کون نواز شریف کی نااہلی کے خاتمہ کا رستہ نکال رہا ہے۔ ایاز صادق بھی کھل کر نہیں بتا رہے کہ کون غیر سیاسی لوگ نواز شریف سے لندن میں ملاقاتیں کر رہے ہیں۔ صحافی حضرات بھی نہیں بتا رہے ہیں کہ وہ اسکرپٹ کس کا ہے جس سے نواز شریف مطمئن ہیں۔

مبشر لقمان کا مزید کہنا تھا کہ یہاں یاد کروادوں کہ کہا جاتا تھا کہ عمران خان کا خیال تھا کہ اس نے ملک کی مقتدر قوتوں کے لئے کوئی آپشن ہی نہیں چھوڑا۔ ن لیگ نہ پیپلز پارٹی اور یہ بھی کہ یہ تبدیلی ن لیگ کو آن بورڈ لئے بغیر نہیں آسکتی۔ اس لئے حکومت کا سارا زور ن لیگ کو ملیا میٹ کرنے پر رہا۔ جس میں وہ ہر دوسرے کام طرح مکمل ناکام رہے ۔ دراصل اس تمام صورت حال کی بڑی اور بنیادی وجہ خراب حکومتی کار کردگی ہے۔ عوام کو فوری ریلیف دینے میں حکومت اب تک ناکام ہے۔ ایسی بے چینی اور غیر یقینی کیفیت سے فائدہ اٹھانا اپوزیشن کا حق تھا اور اس نے اندرونی اختلافات کے باوجود اس سے سیاسی فوائد حاصل کر لیے ہیں ۔ پر ایک چیز طے ہے کہ اسٹیبلشمنٹ نے سب کو کچھ نہ کچھ دانا ڈالا ہوا ہے ۔ اور وہ شاید اس بار safe play کررہے ہیں کہ کوئی اگر آنکھیں دیکھائے تو ان کے پاس اس بار دوسرا آپشن موجود ہو ۔ مگر اپوزیشن کو بھی قدم پھونک پھونک کر رکھنے کی ضرورت ہے کیونکہ جہاں اس وقت واضح طور پر اِن ہاؤس تبدیلی کیلئے حالات خاصے تیار ہیں ۔ تو اپوزیشن نے اگر کسی فوری تبدیلی کیلئے مقتدرہ کا دروازہ کھٹکھٹایا توعمران خان سے بھی زیادہ مصیبت میں پھنس جائے گی۔ اس تمام شور شرابے میں مارچ بہت اہم ہے ۔ اور آپ دیکھیں گے عنقریب بہت تیزی سے تبدیلیاں رونما ہوں گی ۔ ایسے ایسے معجزے بھی ہوں گے جن کا کبھی کسی نے خواب وخیال بھی نہ سوچا ہوگا ۔ کیونکہ پاکستانی سیاست سب چلتا ہے اور سب کچھ ممکن ہے ۔ کیونکہ یہاں ڈیل اور ڈھیل کے بغیر کچھ ممکن نہیں ۔ ۔ یوں اب سیاسی گیند میاں نواز شریف اور مولانا فضل الرحمن کیساتھ ساتھ آصف زرداری کے کورٹس میں ہے۔