Category: اہم خبریں

لندن‌:نوازشریف کے حکم پرصحافیوں سے بدتمیزی اورانتہائی شرمناک رویہ:دنیا بھرکے میڈیا کی طرف سے مذمت جاری،اطلاعات کے مطابق لندن میں مقیم کرپشن کیسز پرسزا یافتہ نواز لیگ کے سربراہ اور سابق وزیراعظم نوازشریف نے وہی کردکھایا جس کی ان سے توقع کی جارہی تھی ،اطلاعات ہیں کہ آج نوازشریف کے حکم پرنوازشریف کے ساتھیوں نے لندن میں صحافیوں‌ کے ساتھ نہ صرف بدتمیزی کی بلکہ ان کو دھمکیاں بھی دیں‌

لندن سے ذرائع کے ماطابق کچھ صحافیوں نے نوازشریف سے ملاقات کی خواہش کا اظہار کیا اور پھر ملنے کے لیے جب نوازشریف کے شاہی محل پہنچے تو ان صحافیوں کی ملاقات کا پیغام نوازشریف کو پہنچایا گیا ، اطلاعات ہیں کہ ملاقات کا پیغام لے جانے والے اہلکار کے ساتھ محل سے واپسی پرکچھ نوازشریف کے قریبی ساتھی بھی باہر نکلے اور صحافیوں کو گھورنے لگے

Journalist outside of Nawaz Sharif’s residence was harassed by Nawaz Sharif’s security/goons. This is the mafia known as the PML-N! pic.twitter.com/SQKPLyXz8C

— Shayan Ali (@ShayanA2307) December 26, 2021

یہ بھی اطلاعات ہیں کہ اس دوران سیکورٹی اہلکاروں کو سختی سے حکم دیا گیا کہ جس طرح آپ کو نوازشریف نے حکم دیا ہے اس پر عمل کرو،اس کے بعد سیکورٹی اہلکاروں نے وہاں موجود صحافیوں کوگالیاں دیں اور ان کو دھکے دے کر وہاں چلے جانے کی دھمکیاں دیں

یہ بھی معلوم ہوا ہے کہ ان صحافیوں نے اس دوران عرض کی کہ وہ نوازشریف سے ملنا چاہتے ہیں اور ان کا موقف لینا چاہتے ہیں ، لیکن سیکورٹی اہلکاروں‌نے سختی سے دھمکاتے ہوئے کہا کہ نوازشریف صاحب کا حکم ہے کہ ان کو دھکے دے کریہاں سے بھگا دیا جائے

یہ بھی معلوم ہوا ہے کہ اس کے بعد سیکورٹی اہلکاروں نے صحافی اور اس کے ساتھیوں کو دھکے دئے اور نہ جانے کی صورت میں سنگین نتائج کی دھمکیاں بھی دیں‌

ادھر اس واقعہ کے سامنے آنے کے بعد یورپ ، مغرب اور دیگردنیا میں نوازشریف کے اس اقدام کی شدید مذمت کی جارہی ہے اور نوازشریف سے مطالبہ کیا گیا ہے کہ وہ صحافیوں سے ہونے والے بُرے سلوک کی معافی مانگیں ورنہ احتجاج کی کال دی جاسکتی ہے

اسلام آباد:کشمیریوں کا قتل عام پرپاکستان نے عالمی برادری سے بڑا مطالبہ کردیا ،اطلاعات کے مطابق پاکستان نے مقبوضہ جموں و کشمیر میں ماورائے عدالت قتل عام کی شدید مذمت کرتے ہوئے مطالبہ کیا کہ عالمی برادری انسانی حقوق کی سنگین خلاف ورزیوں پر بھارت کا فوری محاسبہ کرے،کشمیریوں کے ماورائے عدالت، جعلی مقابلوں اور تلاش آپریشنز میں قتل میں تشویشناک اضافہ ہوا اور شہداء کی میتیں لواحقین کی مرضی کے بغیر نامعلوم قبروں میں سپرد خاک کی جا رہی ہیں۔

ترجمان دفتر خارجہ عاصم افتخار نے کہا ہے کہ مقبوضہ جموں و کشمیر میں بھارتی قابض فورسز کے ہاتھوں کشمیریوں کا قتل عام جاری ہے، بھارتی قابض فورسز نے جعلی مقابلوں میں مزید 6 کشمیری نوجوان شہید کر دیے، فورسز نے آج صبح 19 سالہ طالبعلم کو ضلع اسلام آباد میں شہید کیا، رواں ماہ دسمبر میں 18 معصوم کشمیری شہید کیے۔

انہوں نے کہا کہ بھارتی قابض فوج نے مقبوضہ خطے میں اپنا جبر مزید تیز کر دیا ہے، مقبوضہ جموں و کشمیر میں عام شہریوں کی گرفتاریاں، رات گئے چھاپے مارے جاتے ہیں، کشمیریوں کی تذلیل، انہیں ہراساں کرنے کا سلسلہ بھی تیز ہو چکا ہے، کشمیریوں کے ماورائے عدالت، جعلی مقابلوں اور تلاش آپریشنز میں قتل میں تشویشناک اضافہ ہوا، شہداء کی میتیں لواحقین کی مرضی کے بغیر نامعلوم قبروں میں سپرد خاک کی جا رہی ہیں، شہداء کے جسد خاکی نامعلوم قبروں میں دفنانے کا سلسلہ اپریل سے جاری ہے۔

ترجمان کا مزید کہنا تھا کہ رویہ بھارتیہ جنتا پارٹی، راشٹریہ سوایم سیوک سنگھ کے ذہنی دیوالیہ پن کا عکاس ہے، بھارتی مظالم، طاقت کا استعمال غیور کشمیریوں کو مرعوب نہیں کر سکتے، کشمیری پوری بہادری سے بھارتی ریاستی دہشتگردی، جبر کا مقابلہ کر رہے ہیں، کشمیری اقوام متحدہ سلامتی کونسل قراردادوں کے تحت حق خودارادیت کی جدوجہد جاری رکھے ہوئے ہیں۔

انہوں نے کہا کہ عالمی برادری انسانی حقوق کی سنگین خلاف ورزیوں پر بھارت کا فوری محاسبہ کرے، اقوام متحدہ کمیشن آف انکوائری سے تحقیقات کروائی جائیں، تحقیقات کے لیے انسانی حقوق کمشنر دفتر 2018، 2019ء کی رپورٹس میں سفارش کر چکا ہے۔

اسلام آباد :آصف زرداری اسلام آباد پہنچ گئے:پہلی ہی ملاقات نوازلیگ کی تین بڑی شخصیات سے ہوگئی،اطلاعات کے مطابق سابق صدر آصف علی زرداری اسلام آباد پہنچ گئے ہیں اور اطلاعات ہیں کہ ان کے ساتھ نواز لیگ کے تین اہم رہنماوں کی ملاقات ہوگئی ہے ، یہی ملاقات کہاں ہوئی ،ٹیلی فونک رابطے ہوئے یا راہ گزرتے ہوئے ابھی اس حوالے سے تفصیلات نہیں آسکیں تاہم ن لیگ کے تین اہم شخصیات نے آصف علی زرداری دے رابطہ کرلیا ہے

یہ بھی یاد رہے کہ سابق صدر بینظیر بھٹو کی برسی کے موقع پر کل ہونے والے جلسے میں شرکت نہیں کریں گے جس کی تصدیق وزیراعلیٰ سندھ مراد علی شاہ نے بھی کی ہے۔

دوسری جانب آصف زرداری وفاقی دارالحکومت اسلام آباد پہنچ گئے ہیں جہاں وہ مختلف سیاسی شخصیات سے ملاقاتیں کریں گے۔ذرائع نے بتایا کہ ملاقاتوں میں ملک کی موجودہ سیاسی صورتحال پر مشاورت ہو گی اور اسپیکرقومی اسمبلی، چیئرمین سینیٹ کے خلاف ممکنہ تحاریکِ عدم اعتماد پربھی حکمت عملی پرغورہوگا۔

ادھر یاد رہےکہ آج ہی سابق صدر اور پاکستان پیپلز پارٹی کے شریک چئیرمین آصف علی زرداری نے محترمہ بینظیر بھٹو شہید کے یوم شہادت پر جاری اپنے پیغام میں کہا کہ بینظیر شہید کو خراج عقیدت پیش کرتے ہوئے اس عہد کی تجدید کرتے ہیں کہ ان کے ہر خواب کی تعبیر کریں گے۔

آصف زرداری نے کہا کہ ملک سے غربت اور بیروزگاری کا خاتمہ کرکے عوام کو معاشی مشکلات سے نجات کیلئے جدوجہد جاری رکھیں گے۔سابق صدر مملکت کا اپنے بیان میں کہنا تھا کہ ملک ہمیں اپنی جانوں سے زیادہ عزیز ہے، اس کی آزادی، وقار، خودداری اور عزت پر کوئی سمجھوتہ نہیں کرینگے۔

انہوں نے کہا کہ آج ملک خطر ناک صورتحال سے گزر رہا ہے، ملکی معیشت تباہ ہو گئی ہے، ملک کے خارجہ امور زبوں حالی کے شکار ہیں، قانون کو موم بنا دیا گیا ہے۔آصف زرداری کا کہنا تھا کہ غریب مشکلات کا شکار ہے، غریب ریاست کے ثمرات سے محروم کیے جا رہے ہیں۔

پی پی پی کے شریک چئیرمین نے کہا کہ 2013 کے بعد مسلسل پارلیمنٹ کے اختیار پر حملے ہو رہے ہیں، پارلیمنٹ کی عزت اور وقار کو بے توقیر کیا جا رہا ہے، پاکستان پیپلزپارٹی مزاحمت کر رہی ہے۔

انہوں نے کہا کہ پیپلزپارٹی کی قیادت نے تباہ حال ملک کی دوبارہ تعمیر کی، ملک کو بچایا اب ملک کو مشکلات سے نکالے گی، صبر اور برداشت ہماری کمزوری نہیں ہے ہمارا اصول ہے۔ محترمہ بینظیر بھٹو شہید کی عظیم قربانی رائیگاں نہیں ہونے دینگے۔

کراچی ’نواز شریف پاکستان آنا چاہیں تو 24 گھنٹے میں ویزا دوں گا، ٹکٹ اپنی جیب سے بھیجوں گا‘:اطلاعات کے مطابق وفاقی وزیر داخلہ شیخ رشید نے کہا ہے کہ شریف فیملی کے 3 لوگ یہاں موجود ہیں، نوازشریف بھی آ جائیں، آصف زرداری اور میرے ٹینٹ اکھڑنے کا وقت آ گیا ہے۔ طالبان کی مدد کیلئے پوری دنیا کو پاکستان مدعوکیا۔

کراچی میں پریس کانفرنس کے دوران وزیرداخلہ شیخ رشید نے کہا کہ عمران خان کہیں نہیں جا رہے۔ نوازشریف نے پاکستان آنا ہے تو اپنی جیب سے ٹکٹ کی پیشکش کرتا ہوں، انہوں نے اداروں کیخلاف باتیں کرنے کے سوا کچھ نہیں کیا، نوازشریف صحت مند ہیں کیونکہ کہیں سےعلاج تو کرایا نہیں، نوازشریف بیماری کابہانہ کرکےبیرون ملک گئے۔

انہوں نے کہا کہ آصف زرداری کہتے ہیں لاہور میں ٹینٹ لگانے جا رہا ہوں، ان کے اور میرے ٹینٹ اکھڑنے کا وقت آ گیا ہے۔شریف اور زرداری فیملی ملکی دولت بیرون ملک لے کر گئی، پاپڑ اور چنے والے میں نے تو نہیں نکالے۔ قوم نے ہمیں اس لئے ووٹ دیئے کہ مافیاز سے نجات دلائیں مگر ہم اس میں ناکام رہے۔

شیخ رشید کا کہنا تھا کہ طالبان کی مدد کیلئے پوری دنیا کو پاکستان مدعو کیا، طالبان نے یقین دہائی کرائی ان کی سرزمین کسی کیخلاف استعمال نہیں ہو گی، کالعدم ٹی ٹی پی کے ساتھ براہ راست نہیں، بالواسطہ رابطے ہیں۔

شمالی وزیرستان:شمالی وزیرستان: دہشتگردوں کا ملٹری پوسٹ پر حملہ، نائیک شہید ،اطلاعات کے مطابق دہشتگردوں کے شمالی وزیرستان کی ملٹری پوسٹ پر حملے کے دوران پاک فوج کا نائیک شہید ہو گیا۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق دہشتگردوں نے خیبرپختونخوا کے ضلع شمالی وزیرستان کے علاقے شیوہ میں ملٹری پوسٹ پر حملہ کیا۔ اس حملے کے بعد پاک فوج نے دہشتگردوں کو فوری طور پر جوابی کارروائی کی۔

آئی ایس پی آر کے مطابق دہشتگردوں کے ساتھ فائرنگ کے تبادلے میں پاک فوج کا نائیک نور مرجان جام شہادت نوش فرما گئے، 32 سالہ نور مرجان کا تعلق ضلع کرم سے تھا۔

آئی ایس پی آر کے مطابق شمالی وزیرستان کے علاقے شیوہ میں دہشت گردوں کی تلاش کے لئے آپریشن جاری ہے۔

لاہور:ایازصادق کےبعد خواجہ سعد رفیق:نوازشریف کا بیانیہ پڑھنےپرمجبور:سکرپٹ کون تیارکرتا ہے؟اہم خبرآگئی ،اطلاعات کے مطابق باغی ٹی وی کو معتبر ذرائع سے ملنے والنے والی خبروں کے مطابق نوازشریف نے ایازصادق کے بعد خواجہ سعد رفیق کے ذریعے فوج اور عدلیہ مخالف بیانیہ دلوا کر ایک وقت میں کئی مقاصد حاصل کرنے کی کوشش کی ہے

اس حوالے سے نواز شریف کو جاننے والے قریبی حلقوں کا دعویٰ‌ ہے کہ نوازشریف ہر اس شخص کو فوج کے خلاف استعمال کرتا ہے جس کے متعلق نوازشریف کو یہ اطلاعات ملتی ہیں کہ فلاں فوج اور دیگر اداروں کی نظر میں قابل قدر ہے ، ان ذرائع نے یہ بھی دعوی کیا ہےکہ دوسری بڑی وجہ یہ ہےکہ جن کی وفاداری پر نوازشریف کوشک ہوتا ہے نوازشریف ان کو کسی جہان کا نہیں چھوڑتے اور پھران کے ذریعے ایسے اقدام کرواتے ہیں کہ کرنے والا نہ رہتا ہے دھوبی کا اور نہ ہی رہتا ہے گھاٹ کا

اس حوالے سے مزید انکشاف ہوا ہے کہ تیسری بڑی وجہ یہ بھی ہے کہ جن کے بارے میں نوازشریف کو بتایاجاتا ہے کہ فلاں ن لیگی رہنما کے دیگر جماعتوں کے معزز ارکان اور دیگرشخصیات سے رابطے ہیں نوازشریف اس کی قربانی بھی ملک دشمن اور اداروں کے خلاف بیانیہ دلوا کرلیتے ہیں کہ اگرہمارا نہیں تو پھر اُن کا بھی نہ بن سکے

اس حوالے سے باغی ٹی وی کو ملنے والی اطلاعات میں اس وقت دعویٰ کیا گیا تھا کہ سردارایاز صادق کو جو بیانیہ دیا گیا تھا اور ا س بیانیے کو وہ نہیں‌پڑھنا چاہتے تھے لیکن کی وفاداری پر شک کیاگیا اور کہا گیاکہ اگروفادار ہیں تو یہ بیانیہ پڑھنا ہوگا

ذرائع کے مطابق اس کی وجہ یہ تھی کہ نوازشریف کو یہ خبری دی گئی تھی کہ عمران خان اپنی گفتگو میں اپنے کچھ ایسے قریبی دوستوں کو بہت اچھے انداز سے یاد کرتے ہیں جو ن لیگ کے بڑے بڑے رہنما بھی ہیں ، اس وقت یہ بھی خبردی گئی تھی کہ عمران خان سردار ایاز صادق کا اکثراپنی مجلسوں میں کرتے رہتے ہیں ، جس کے بعد نواز شریف نے ایازصادق کی قربانی لینے کا فیصلہ کیا اور پھر ان سے پاکستان مخالف بیانیہ دلوا دیا اور اور پھر نہ وہ بیچارے ادھر کے رہے نہ ادھر کے ،

ایسے ہی خواجہ سعد کے بارے میں بھی ایسی ہی اطلاعات نوازشریف کو دی گئیں تھیں جس کے بعد آج کا یہ بیانیہ دلوا کر خواجہ سعد رفیق اور خواجہ محمد رفیق کے پاک فوج سے محبت اور ایک محبت وطن سیاستدان کا طرہ امتیاز اب تباہ کرکے رکھ دیا ہے ، تاکہ خواجہ سعد رفیق کا جو احترام خواجہ محمد رفیق اور ان کی ایک محب وطن سیاستدان کے طور پر مسلمہ تھا آج یہ بیانیہ دلوا کردفن کروا دیا ہے اور آج کے بعد خواجہ سعد رفیق بھی ایاز صادق کی طرح نہ رہے دھوبی کے اور نہ رہے گھاٹ کے

آج خواجہ سعد رفیق سے پاکستان کی عدلیہ اور پاک فوج پر حملہ کروایا گیا جس میں وہ الزام دیتے ہیں کہ

"سابق چیف جسٹس آف پاکستان جسٹس (ر) ثاقب نثار نے جج کے کنڈکٹ کی خلاف ورزی کی، ان پر توہین عدالت لگنی چاہیے تھی۔سعد رفیق نے کہا کہ ملک میں بہت سی اندرونی دراڑیں ہیں، 10 ہزار کا جتھہ آتا ہے اور حکومت کو لرزا دیتا ہے، بولے پنجاب میں پیپلز پارٹی کا ’ری برتھ‘ ہونا چاہیے،کارکردگی کی بنیاد پر آگے بڑھیں اور ایک دوسرے کو رگیدنا بند کریں۔

یاد رہے کہ ایسی کئی مثالیں اور بھی ہیں جن میں کئی لوگوں کےذریعے بیانیہ دلوا کر قربانی لی گئی اور ابھی کئی قربان ہوں گے