Category: اہم خبریں

لاہور:افغانستان کے معاملے پراوآئی سی کا کامیاب اورغیرمعمولی اجلاس بلا کرکمال کردکھایا:پاکستان مبارک کا مستحق ہے:،اطلاعات کے مطابق امریکی وزیر خارجہ انتھونی بلنکن نے کہا ہے کہ او آئی سی اجلاس میں عالمی برادری کو افغان عوام کی حمایت کیلئے تعاون جاری رکھنے کی دعوت پر پاکستان کے مشکور ہیں۔

سماجی رابطے کی ویب سائٹ ٹویٹر پر اپنے ایک بیان میں انہوں نے لکھا کہ افغانستان پر اسلامی تعاون تنظیم (او آئی سی) کا غیر معمولی اجلاس انتہائی ضرورت مندوں کی مدد کیلئے ہمارے اجتماعی عزم اور عمل کی بہترین مثال ہے۔

ٹویٹر پر انہوں نے مزید لکھا کہ امریکا اس اہم اجلاس کی میزبانی کرنے اور عالمی برادری کو افغان عوام کی حمایت کے لیے تعاون جاری رکھنے کی دعوت دینے پر پاکستان کا شکریہ ادا کرتا ہے۔

The OIC Extraordinary Session on Afghanistan is a prime example of our collective determination and action to help those most in-need. We thank Pakistan for hosting this vital meeting & inviting the global community to continue cooperating to support the Afghan people. #OIC4Afg

— Secretary Antony Blinken (@SecBlinken) December 22, 2021

واضح رہے کہ پاکستان 40 سال بعد اسلامی تعاون تنظیم کے وزرائے خارجہ کے اجلاس کی میزبانی کی تھی، اس سے قبل 1980 میں جب پاکستان میں یہ اجلاس منعقد ہوا تھا تب بھی توجہ کا مرکز افغانستان ہی تھا۔

یاد رہے کہ وزیراعظم عمران خان نے اتوار کو اسلام آباد میں اسلامی تعاون تنظیم (او آئی سی) کے اجلاس سے خطاب میں امریکا کو براہِ راست مخاطب کرتے ہوئے کہا ہے کہ واشنگٹن کو 4 کروڑ افغان عوام اور طالبان کی حکومت کو الگ کر کے دیکھنا ہوگا۔

اپنی تقریر کے دوران وزیرِ اعظم نے بارہا امریکہ کو مخاطب کرتے ہوئے افغان طالبان پر پابندیاں لگا کر پیچیدگیاں بڑھانے کے بارے میں بات کرتے ہوئے کہا کہ اس وقت ان پابندیوں کا براہِ راست اثر وہاں کے عوام پر پڑ رہا ہے۔

اپنے خطاب میں عمران خان نے کہا کہ کسی بھی ملک کو افغانستان جیسی صورتحال کا سامنا نہیں ہے، وہاں سالہا سال کرپٹ حکومتیں رہیں، افغانستان کےحالات کی وجہ سےسب سے زیادہ نقصان پاکستان نے اٹھایا، جہاں 80 ہزار کے قریب لوگ دہسشت گردی کے نتیجے میں ہلاک ہوئے۔ اور اگر دنیا نےاقدامات نہ کیے تو یہ انسانوں کا پیدا کردہ سب سےبڑا انسانی المیہ ہو گا۔

لاہور:شریف فیملی کوغلطی کا احساس ہوگیا ہے:اس لیے اب نوازشریف کا متبادل لایا جارہا ہے:اہم شخصیت کا دعویٰ،اطلاعات کے مطابق اہم شخصیت نے دعویٰ کیا ہے کہ شریف فمیلی کو نوازشریف اور شہبازشریف کی کرپشن کی وجہ سے ہونے والے نقصان کا احساس ہوگیا ہے جس کی وجہ سے اب شریف فیملی نے نوازشریف کا متبادل لانے کا فیصلہ کیا ہے ،

یہ بھی معلوم ہوا ہے کہ اس دعوے کی جہاں ن لیگی حلقوں میں گونج پیدا ہورہی ہے وہاں معاون خصوصی ڈاکٹر شہبازگل نے بھی یہی دعویٰ کیاہے کہ نوازشریف اب پیچھےچلےجائیں گے اور فیملی ‏کا نیا شخص لانچ کیا جا رہا ہے۔

ذرائع کے مطابق ایک نجی ٹی وی میں گفتگو کرتے ہوئے شہبازگل نے کہا کہ شریف فیملی ‏میں سے ایک نیا شخص لانچ کرنےکی کوشش کی گئی ہے پتہ نہیں مریم نواز کے کیسز میں وکلا کی ‏زیادہ بیماریاں کیوں ہو رہی ہیں۔

شہبازگل نے کہا کہ پرپارٹی اپنی پالیسی کےمطابق آگےبڑھتی ہے خیبرپختونخواسےمتعلق فیصلے ‏کےپی حکومت نے کیے ہوں گے وزیراعظم نےفیصلہ کیاآئندہ بلدیاتی امیدواروں کاانتخاب خود کریں ‏گے۔

انہوں نے کہا کہ کےپی میں بلدیاتی انتخابات میں شکست یقیناًپریشانی کی ہے عمران خان نے ‏ہمیشہ کہا ووکرز کو ٹکٹ دینےکی زیادہ کوشش کریں عمران کان نےکہابھائی بھتیجےکوٹکٹ دینے ‏کے بجائے ورکرز کو ٹکٹ دیں جب بھی وزیراعظم عمران خان کےوژن سےہٹیں گےنقصان ہوگا۔

معاون خصوصی نے واضح کیا کہ وزیراعظم کو بلدیاتی انتخابات کی کوئی تحقیقاتی رپورٹ نہیں ‏جمع کرائی گئی خبردرست نہیں وزیراعظم عمران خان براہ راست عوام سےرابطےمیں ہوتےہیں ‏تحمل رکھیں ہم اپنی غلطیوں سےسیکھتےہیں دہراتےنہیں۔

راولپنڈی:افغان بھائیوں کومشکل میں نہیں دیکھ سکتے:انسانی بحران سے بچانے کےلیےدنیا کوآگےآنا چاہیے:اطلاعات کےمطابق آرمی چیف جنرل قمر جاوید باجوہ نے کہا ہے کہ افغانستان پر بین الاقوامی اتفاق رائے کی ضرورت ہے، وہاں انسانی المیہ کو جنم لینے سے روکنا ہو گا۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق کمانڈر رائل بحرین نیول فورس محمد یوسف العصام نے جنرل ہیڈ کوارٹرز (جی ایچ کیو ) کا دورہ کیا اور آرمی چیف سے ملاقات کی۔

آئی ایس پی آرکے مطابق ملاقات کے دوران باہمی دلچسپی کے امور، افغانستان کی صورتحال اور دو طرفہ دفاعی و سکیورٹی تعاون پر تبادلہ خیال کیا گیا۔

ملاقات کے دوران بحرینی کمانڈر نے مختلف شعبوں میں تعاون کو مزید فروغ دینے کی خواہش کااظہار کیا جبکہ پاکستان کی مسلح افواج کے پروفیشنلزم کی تعریف کیساتھ ساتھ افغانستان کی صورتحال میں پاکستان کے کردار اور بارڈر منیجمنٹ کو سراہا۔

اس موقع پر سپہ سالار جنرل قمر جاوید باجوہ کا کہنا تھا کہ پاکستان بحرین کے ساتھ روایتی روابط کی روایت برقرار رکھنا چاہتا ہے، دیرپا ہمہ جہتی تعاون اور تعلقات کی خواہش رکھتے ہیں، افغانستان پر بین الاقوامی اتفاق رائے کی ضرورت ہے، افغانستان میں انسانی المیہ کو جنم لینے سے روکنا ہوگا، افغانستان میں امن و مفاہمتی اقدامات کی اہمیت اور ضرورت ہے۔

پشاور:خیبرپختونخوا میں تحریک انصاف کی حکومت ہونے کے باوجود بلدیاتی الیکشن میں بدترین کارکردگی کے بعد پی ٹی آئی شکست کے ذمہ داروں کے نام سامنے آ گئے۔

ذرائع کے مطابق 19 دسمبر کو خیبرپختونخوا میں ہونے والے بلدیاتی الیکشن میں پشاور، مردان، صوابی، بنوں، ڈی آئی خان و دیگر اضلاع میں ہارنے کی رپورٹ وزیراعظم عمران خان کو پیش کی گئی، تحریک انصاف کی شکست میں اضلاع کی سطح پر ذمہ داروں کا تعین کر دیا گیا، تحصیل مئیر پشاو کا ٹکٹ گورنر شاہ فرمان ، کامران اور تیمور سلیم جھگڑا کی سفارش پر دیا گیا۔

رپورٹ کے مطابق مئیر کے ٹکٹ پر سفارش پر ارباب شہزاد خاندان کی مخالفت پر شکست کا سامنا کرنا پڑا، مردان کے تمام ٹکٹ عاطف خان خان کی سفارش پر دئیے گئےتھے، صوابی میں تمام ٹکٹ سپیکر اسد قیصر اور صوبائی وزیر شہرام ترکئی کی سفارش پر دیئے گئے۔ ناقص کارکردگی پر گورنر، سپیکر اسد قیصر سمیت 4 صوبائی وزراء اور 11 اراکین اسمبلی شکست کے ذمہ دار قرار پائے۔

متھرا میں ارباب نور عالم اور ایم پی اے ارباب وسیم شکست کا ذمہ دار قرار پائے۔ تحصیل بڈھ بیر میں گورنر شاہ فرمان اورایم این اے ناصر موسی زئی کے درمیان اختلافات پر شکست کا سامناکرنا پڑا۔

ذرائع کے مطابق رپورٹ میں بلدیاتی الیکشن کے دوران مخالف امیدوار کی حمایت کرنے پر چارج شیٹ تیار کرنے کا فیصلہ کیا گیا ہے، اراکین اسمبلی کو شوکاز نوٹس دیئے جائینگے، پارٹی پالیسی کیخلاف جانے والےایم پی ایزاورایم این ایزکےخلاف کاروائی کا بھی فیصلہ کیا گیا ہے۔

ذرائع کے مطابق پارٹی کی جانب سے ایم این ایز،ایم پی ایزکوشوکازکے علاوہ مزید کوئی کاروائی نہیں کی جاسکتی۔

دوسری طرف وزیراعظم عمران خان سے وزیراعلی خیبرپختونخوا محمود خان کی ملاقات ہوئی، وزیراعظم کو بلدیاتی انتخابات میں پارٹی کی ناقص کارکردگی کی رپورٹ پیش کی گئی۔ رپورٹ میں بلدیاتی انتخابات کے مایوس کن نتائج کی وجوہات بتائی گئی۔ رپورٹ میں ساتھ نہ دینے والے ارکان پارلیمنٹ اور سینئر رہنماؤں کی نشاندہی کی گئی ہے۔

وزیراعظم عمران خان نے وزیراعلیٰٓ محمود خان کو اگلے مرحلے کی حکمت عملی سے متعلق گائیڈ لائنز دی۔

ذرائع کے مطابق مہنگائی اور ٹکٹوں کی غلط تقسیم کے ساتھ ساتھ مقامی رہنماوں کے آپسی اختلافات شکست کی بڑی وجہ قرار دیئے گئے۔

پختونخوابلدیاتی انتخاب پراٹھنےوالےشورمیں کسی کو یہ احساس نہیں ہورہاکہ یہ انتخابات کامیاب جمہوریتوں میں پائےجانےوالےنظام کی طرزپرجدیداورمنتقل شدہ اختیارات کےحامل بلدیاتی نظام کانکتۂ آغازہیں۔براہِ راست منتخب شدہ تحصیل ناظمین معیارِحکومت میں بہتری لائیں گےاورمستقبل کےقائدین بنیں گے

— Imran Khan (@ImranKhanPTI) December 22, 2021

اس سے قبل وزیراعظم عمران خان نے سماجی رابطے کی ویب سائٹ پر ٹویٹ کرتے ہوئے کہا تھا براہ راست منتخب تحصیل ناظم گورننس کو بہتر بنائیں گے، ایسے نظام سے مستقبل کے لیڈرز تیار ہوں گے، خیبرپختونخوا بلدیاتی الیکشن پر شور شرابہ کیا جا رہا ہے، کسی کو احساس نہیں کہ یہ انتخابات جدید اور تبدیل شدہ نظام کی شروعات ہیں، ایسا نظام کامیاب جمہوریت میں ہوتا ہے، 74 سالہ تاریخ میں پہلی بار ہمارے پاس با اختیار بلدیاتی نظام ہے۔

پشاور:واقعی پی ٹی آئی کوپی ٹی آئی نے ہرایا :وزیراعظم کورپورٹ پیش ،اطلاعات کے مطابق وزہراعظم کو رپورٹ پیش کردی گئی ہے جس میں یہ چیز سامنے آئی ہیں کہ ملک میں پی ٹی آئی کو پی ٹی آئی ہی ہرا رہی ہے ، بنیادی طور پر یہ رپورٹ کے پی کے انتخابات سے متعلق تھی ، اس رپورٹ میں خانیوال میں ہارکے اسباب بھی شامل ہیں‌

ذرائع کے مطابق موروثی سیاست پر تنقید کرنے والے عمران خان کی پارٹی میں گورنر، وزرا، ایم پی ایز اور ایم این ایز کے رشتے داروں اور ان کے حمایت یافتہ امیدواروں کو ٹکٹ دیے گئے، ان میں سے کئی امیدوار شکست کھا گئے جس کا اعتراف خود پارٹی کے وزراء نے بھی کیا۔

خیبرپختونخوا بلدیاتی انتخابات میں صوبائی اسمبلی کے ڈپٹی اسپیکر محمود جان کے بھائی احتشام خان کو پی ٹی آئی کی جانب سے پشاور کی تحصیل متھرا کی چیئرمین شپ کے لیے ٹکٹ دیا گیا مگر ہار ان کا مقدر بنی۔

تحصیل شاہ عالم کی میئرشپ کے لیے ٹکٹ ایم پی اے ارباب جہانداد کے بھانجے ارباب وقاص خان کو ملا مگر وہ بھی ناکام ثابت ہوئے۔

اسی طرح صوابی کی تحصیل رزڑ کے لیے صوبائی وزیر شہرام ترکئی کے کزن بلند اقبال کو پی ٹی آئی کا ٹکٹ دیا گیا مگر وہ اے این پی کے امیدوار سے 22 ہزار ووٹوں سے شکست کھا گئے ۔

وزیر دفاع پرویز خٹک کے بیٹے اسحاق خٹک کو تحصیل نوشہرہ کے چیئرمین اور اسپیکر قومی اسمبلی اسد قیصر کے کزن عطا اللہ کو صوابی سے چیئرمین شپ کا ٹکٹ دیا گیا جو دونوں کامیاب ہوئے۔

وزیراعظم عمران خان کو موصول ہونے والی رپورٹ میں بھی اس بات کی نشاندہی کی گئی ہے کہ ٹکٹ اراکین اسمبلی کے رشتے داروں اور منظور نظر افراد کو دیے گئے۔

خانیوال کے حوالے سے رپورٹ میں انکشاف کیا گیا ہے کہ جیتنے والے رانا سلیم جو کہ پی ٹی آئی کے پرانے ورکروں اور ساتھیوں میں سے تھے اور انہوں نے 2018 کا الیکشن بھی پی ٹی آئی کے پلیٹ فارم سے لڑا تھا اس مرتبہ رانا سلیم کو ٹکٹ نہ دے کراورن لیگ سے بے وفائی کرنے والے نشاط ڈاہا مرحوم کی بیوہ کوٹکٹ ہی شکست کا سبب بنا

رپورٹ میں یہ بھی انکشاف کیا گیا ہے کہ پی ٹی آئی کے کارکنوں کو اس بات سے اختلاف تھا کہ ایک نظریاتی اورپرانے ساتھی کو چھوڑ کر ایک منحرف سابق رکن اسمبلی کی بیوہ کوٹکٹ کیوں دیا جارہا ہے ، یہی وجہ ہے کہ خانیوال کے اس الیکشن میں رانا سلیم کوپی ٹی آئی کے 90 فیصد ورکروں نے ووٹ دے کرعثمان بزدار کے غلط فیصلے کودریائے سندھ میں ڈبو دیا

لاہور:فیک نیوز،جھوٹے تبصروں اورپیڈ تجزیوں کے خاتمے کا وقت آگیا:سمجھیں”کھرا سچ "آگیا:لوگوں کی اُمید کا پیغام آگیا،اطلاعات کے مطابق جہاں ایک طرف ملک میں عوام الناس فیک نیوز اور خودساختہ جھوٹے تبصروں اور تجزیوں سے اس وقت بہت تنگ آچکے ہیں وہاں عوام الناس حقیقت پرمبنی خبروں ،تبصروں اور تجزیوں کے متلاشی بھی ہیں

ان حالات کے پیش نظر پاکستان کی جانی پہنچانی شخصیت جن کو دنیا ان کے نام سے زیادہ ان کی پہچان یعنی کھرے سچ اور جھوٹ کے خلاف باغی کے طور جانتی ہے ایک بار پھر اپنے چاہنے والوں کے مطالبے پر بڑی سکرین پرآرہے ہیں ،مصدقہ ملنے والی اطلاعات کے مطابق یہ وہ شخصیت ہے جن کے پاکستان اور دنیا بھر میں چاہنے والوں کی تعداد آدھے کروڑ سے زیادہ لوگ شامل ہیں

Khara Sach returns soon on the screens. Stay tuned for more updates!

— Mubasher Lucman (@mubasherlucman) December 22, 2021

یہ جانی پہچانی شخصیت جن کو دنیا مبشرلقمان کے نام سے جانتی ہے اور ان کے تعارف کی ایک وجہ ملک میں سچی ، حقیقت پر مبنی صحافت ہے

یہ بھی معلوم ہوا ہے کہ عوام الناس کی شدید خواہش پر فیک نیوز ، جھوٹے تبصروں اورتجزیوں کے خاتمے کےلیے میدان میں اترنے کا فیصلہ کرلیا ہے

باغی ٹی وی ذرائع کے مطابق اس حوالے سے جب سنیئر صحافی تجزیہ نگار مبشرلقمان سے رابطہ کیا گیا تو انہوں نے ان خبروں کی تصدیق کرتے ہوئے ایک بڑی سکرین پرنمودارہونے کے حوالے سے باقاعدہ ایک پیغام بھی جاری کیا ہے

مبشرلقمان نے سماجی رابطے کی ویب سائٹ ٹویٹر پران خبروں کی تصدیق کرتے ہوئے کہا کہ وہ واقعی پھر سے عوام الناس کی خدمت میں‌ حق ، سچ اور معیاری خبروں ، تجزیوں اور تبصروں کے ساتھ بڑی سکرین پراُتر رہے ہیں‌

یہ بھی معلوم ہوا ہے کہ وہ اپنے معروف برانڈ "کھراسچ "کے پلیٹ فارم سے بہت جلد پاکستان کی "دنیا”میں فیک نیوز سے پاک حقیقی خبروں ، تبصروں اور تجزیوں کے ساتھ نمودار ہورہےہیں‌

واشنگٹن:میں وبائی امراض کے باربارحملوں میں دنیا کی تباہی دیکھ رہا ہوں:صورتحال بے قابو ہوچکی :بل گیٹس نے ہاتھ کھڑے کردیئے،اطلاعات کے مطابق کورونا وائرس کی نئی قسم اومی کرون کئی ممالک میں پھیل چکی ہے۔ امریکہ اور برطانیہ میں اومیکرون بہت تیزی سے پھیل رہا ہے۔

اسی وقت، ہندوستان میں بھی اومیکرون کے 200 سے زیادہ کیسز سامنے آئے ہیں۔ مائیکروسافٹ کے شریک بانی بل گیٹس نے اومی کرون کے تیزی سے بڑھتے ہوئے کیسز کے درمیان تشویش کا اظہار کیا ہے۔

بل گیٹس نے خبردار کیا کہ دنیا وبائی مرض کے بدترین مرحلے میں داخل ہو سکتی ہے کیونکہ اس قسم کے نتیجے میں اب تک کا بدترین اضافہ ہو سکتا ہے۔ بل گیٹس نے ٹویٹ کیا کہ ان کے بہت سے دوست اس نئے ویریئنٹ سے متاثر پائے جانے کے بعد انہوں نے چھٹیوں کے اپنے بیشتر منصوبے منسوخ کر دیے ہیں۔

انہوں نے کہا، اومی کرون کسی بھی وائرس سے زیادہ تیزی سے پھیل رہا ہے۔ اس کے کیسز جلد ہی تمام ممالک میں دیکھے جائیں گے۔ بل گیٹس نے دعویٰ کیا کہ یہ سب سے زیادہ متعدی ہے۔

انہوں نے لوگوں کوکوڈ۔19 ویکسین کے بوسٹر شاٹس لینے کا مشورہ دیتے ہوئے کہا کہ یہ بہترین تحفظ فراہم کرتی ہے۔ بل گیٹس نے ٹویٹ میں مزید کہا، ‘اس دوران ہم سب کو ایک دوسرے کا خیال رکھنا ہوگا، خاص طور پر ان لوگوں کا جو زیادہ کمزور یا حساس ہیں۔

چاہے وہ سڑکوں پر رہتے ہوں یا کسی اور ملک میں۔ اس کا مطلب ہے کہ ہمیں ماسک پہننے ہوں گے، بڑے واقعات سے گریز کرنا ہوگا اور ویکسین لینا ہوگی۔ بوسٹر کی خوراک لینے سے مزید تحفظ ملے گا۔ بل گیٹس نے مزید کہا کہ اچھی خبر بھی ہے۔

اومی کرون اتنی تیزی سے حرکت کرتا ہے کہ ایک بار جب یہ کسی ملک پر غلبہ حاصل کر لیتا ہے تو وہاں لہر 3 ماہ سے بھی کم وقت تک چلنی چاہئے۔ وہ چند مہینے خراب ہو سکتے ہیں، لیکن مجھے پھر بھی یقین ہے کہ اگر ہم صحیح اقدامات کریں تو 2022 میں وبا ختم ہو سکتی ہے۔