لاہور: پنجاب بھر میں پولیو اور ڈینگی کے روز بروز نئے کیسز سامنے آنے کے بعد کمشنر لاہور نے ورکروں کوذمہ دارقرار دیا ہے. ناقص کارکردگی پر ڈینگی اور پولیو ورکرز کی شامت آگئی، کمشنر لاہور نے ڈینگی اور پولیو مہم کے دوران 30 فیصد سے کم کارکردگی والے سٹاف کو شوکاز جاری کرنے کا حکم دے دیا ہے۔

کمشنر ہاوس سے ذرائع کے مطابق آج کمشنر لاہور آصف بلال لودھی کی زیر صدارت ڈینگی و پولیو کا جائزہ اجلاس منعقد ہوا، اجلاس میں ایڈیشنل کمشنر طارق قریشی، ڈی سی شیخوپورہ سید طارق بخاری، ڈی سی ننکانہ راجہ منصور ، اے ڈی سی جی لاہور صفدر ورک، اے سی جی لاہور انعم زید اور تمام سی ای اوز ہیلتھ اتھارٹیز اور پی آئی ٹی بی افسران نے شرکت کی۔

دوران بریفنگ کمشنر کو بتایا گیا کہ لاہور شہر میں یکم جنوری تا 31 جولائی 2019 ڈینگی کے مصدقہ 7 مریض سامنے آئے ہیں، جس کے جواب میں‌ کمشنر لاہور نے کہا کہ لاہور میں انسداد پولیو پر پورا فوکس کریں، انہوں نے کہا کہ ڈینگی مریض رپورٹنگ سسٹم کو موثر بنائے بغیر اعدادو شمار غیر موثر ہیں۔

کمشنر لاہور نے کہا کہ والڈ سٹی، یو ای ٹی اور مرغزار کالونی سمیت دیگر علاقوں میں سرویلنس بہتر ہوئی ہے، انہوں نے ڈینگی اور پولیو مہم کے دوران 30 فیصد سے کم کارکردگی والے سٹاف کو شوکاز جاری کرنے کا حکم بھی دے دیا۔ شاہدرہ اور فیروز والہ میں گہری ڈینگی لاروا سرویلنس کی جائے،

لندن : بجلی کی مدد سے مختلف بیماریوں کا علاج ممکن ہے ،بڑھاپا کئی بیماریوں کا پیش خیمہ ہوتا ہے اور اس عمر میں کان کی لو پر ہلکی بجلی پہنچا کر عمررسیدگی سے وابستہ کئی امراض کا علاج کیا جاسکتا ہے یا کئی بیماریوں کو روکا جاسکتا ہے۔ماہرین نے اسے ایئر ٹکلنگ تھراپی کا نام دیا ہے۔

یہ بجلی کا جھٹکا کیسے اور کہاں لگایا جائے کہ بیماریوں سے آرام آجائے اس کے بارے میں برطانوی ماہرین نے کہا ہے کہ کان پر ایک خاص رگ ہوتی ہے جسے ویگس نرو کہا جاتا ہے۔ یہ رگ جسم کی طویل ترین رگ بھی ہے جو دل، آنتوں اور جسم کے مختلف حصوں تک جاتی ہے۔ اس کے علاوہ اس کی کارکردگی اعصابی نظام پر بھی اثر انداز ہوتی ہے جسے پیرا سمپیتھے ٹک نروس سسٹم بھی کہا جاتا ہے۔

برطانوی ماہرین کا کہنا ہےکہ پیراسمپیتھے ٹک اور سمپیتھے ٹک نروس سسٹم دونوں مل کر خودکار اعصابی نظام کی تشکیل کرتے ہیں جو سانس لینے اور دل کی دھڑکن جیسے عمل کو خودبخود ممکن بناتے ہیں۔

دوسری طرف یونیورسٹی آف لیڈز اور گلاسگو یونیورسٹی کے ماہرین نے کہا ہے کہ اس رگ کا ایک اہم گوشہ کان کے پاس موجود ہوتا ہے اور بیرونی جانب محسوس ہوتا ہے۔ اس پر ہلکی بجلی دے کر آٹونومک یا خوداختیار نروس سسٹم کو بہتر بنایا جاسکتا ہے۔ اس نروس سسٹم کو بہتر کرکےصحت کو بہتر رکھا جاسکتا ہے اور بڑھاپے کے امراض کو ٹالا جاسکتا ہے۔ ان امراض میں امراضِ قلب، بلڈ پریشر اور دیگر بیماریاں شامل ہیں۔

برطانیہ میں اس بات کا پتہ لگانے کے لیے کہ کیا واقعی یہ طریقہ علاج مفید ہے اس تجربے کے لیے 55 سال سے زائد عمر کے کئی افراد کے اعصاب پر ہلکی بجلی دی گئی۔ شرکا کو ذیابیطس، بلڈ پریشر، مرگی اور امراضِ قلب کی کوئی شکایت نہیں تھی۔ پہلے مرحلے میں 14 افراد کو ویگس اعصاب پر بجلی دی گئی۔

برطانوی ماہرین طب کا کہنا ہے کہ پہلے مرحلے میں بہت زیادہ کامیابی ملنے کے بعد ہم نے فیصلہ کیا کہ اس پر مزید تجربات کیے جائیں ، اس سلسلے میں‌دوسرے مطالعے میں 51 افراد کو ایک ایک مرتبہ بجلی کے ہلکے جھٹکے دیئے گئے۔ 29 افراد کو دو ہفتے تک روزانہ اعصابی بجلی کے جھماکے دیئے گئے۔ صرف دو ہفتوں بعد ان کے خود کار اعصابی نظام میں بہتری پیدا ہوئی اور سب نے نیند، موڈ اور ہاضمے میں بہتری کے علاوہ معیارِ زندگی بہتر ہونے کا قرار کیا۔

سائنسدانوں کا کہنا ہے کہ ان تجربات سے جو فوائد سامنے آئے ہیں وہ بہت معمولی ہیں جبکہ یہ تکنیک کئی طرح سے انسانوں اور بالخصوص بزرگوں کی صحت پر انتہائی مفید اثرات مرتب کرسکتی ہے۔ اس سے بڑھاپے کے ساتھ ساتھ لاحق ہونے والے مرض کو بھی ٹالا جاسکتا ہے۔ماہرین نے اسے ایئر ٹکلنگ تھراپی کا نام دیا ہے۔

لاہور : ہمارے ہاں ناخن کُترنا ایک عام سی عادت سمجھی جاتی ہے اور ایک اندازے کے مطابق دنیا میں تقریباً 20 سے 30 فیصد لوگ اس عادت میں مبتلا ہیں. ایسے افراد کئی قسم کی بیماریوں میں‌ مبتلا ہوجاتے ہیں ،لیکن طبی ماہرین اس دباؤ، بے چینی، اور احساس کمتری کو اس عادت کی بنیادی وجہ قرار دیتے ہیں۔

ڈاکٹروں کےمطابق ناخنوں کے اندر بے شمار جراثیم پائے جاتے ہیں، اگر کوئی شخص ناخن کُترنے کی عادت میں مبتلا ہے تو وہ جلد اس سے پیچھا چُھڑا لے کیونکہ اس عادت کی وجہ سے صحت پر مضر اثرات مرتب ہوتے ہیں۔

ڈاکٹروں کے مطابق ناخن کُترنے کی عادت سے نزلہ اور زکام کے امکانات بڑھ جاتے ہیں، اس کے علاوہ قوت مدافعت بھی شدید متاثر ہوتی ہے جس کے باعث جراثیم جسم پر باآسانی حملہ آور ہوتے ہیں۔

انسانی صحت کے حوالے سے دی اکیڈمی آف جنرل ڈینٹسٹری نے جو تحقیق کی ہے اس کے مطابق ناخن چبانے کی عادت سے ناصرف ہمارے دانت اور مسوڑں کو شدید نقصان پہنچتا ہے بلکہ اس کے باعث نظام ہضم بھی متاثر ہو جاتا ہے۔

طبی ماہرین کا کہنا ہے کہ اس عادت میں مبتلا افراد کو انگلیوں کے انفیکشن ہونے کا خطرہ لاحق ہوتا ہے کیوںکہ ناخن چبانے سے انگلیوں کا میل براہ راست پیٹ میں جاتا ہے جو ہیضے، معدے کی خرابی اور پیٹ درد جیسی بیماریوں کو جنم دیتی ہے۔

طبی ماہرین کا کہنا ہے کہ اس عادت سے چھٹکارا حاصل کرنے کے لیے ’چوئنگ گم‘ کا استعمال موثر ہے تاکہ ذہن ناخن کُترنے کے بارے میں نہ سوچے۔ اگر اس بیماری سے چھٹکارا حاصل نہیں کیا گیا تو یہ عادت مہلک بیماریوں کا شکار کر سکتی ہے اور انسان صحت مند زندگی سے ہاتھ دھو بیٹھ سکتا ہے۔

لاہور: چینی کے بارے میں‌ بہت سے ماہرین طب کا یہ کہنا ہےکہ اس کا زیادہ استعمال نقصان دہ ہوسکتا ہے. اس حوالے سے ایک نئی تحقیق آئی ہے کہ کتنی چینی کا استعمال جسم کے لیے بہت زیادہ ہوتا ہے؟ اس سوال کا جواب مختلف ماہرین طب نے کچھ اس طرح دیا ہے.

چینی کے روزانہ استمعال کے بارے میں‌ایک تحقیق سامنے آئی کہ لوگوں کو روزانہ صرف 50 گرام چینی کا استعمال کرنا چاہئے۔یہ4 چائے کے چمچ یا سافٹ ڈرنک کے ایک کین سے کم کچھ کم ہوتی ہے۔روزانہ 25 گرام یا 6چائے کے چمچ چینی کا استعمال طبی لحاظ سے فائدہ مند ثابت ہوتا ہے۔

سائنسی طبی تحقیقی رپورٹس کے مطابق اگر کوئی زیادہ چینی استمعال کرتا ہے تو پھر اس کوکیا بھگتنا پڑسکتا ہے.ماہرن طب نے تحقیق کے بعد یہ اخذ کیا ہے کہ اس کے زیادہ استعمال سے ہر وقت بھوک کا بہت زیادہ احساس رہتا ہے.

بھوک کا یہ احساس کیسے محسوس ہوتا ہے ، ماہرین طب بتاتے ہیں‌کہ ایک ہارمون لپٹین جسم کو بتاتا ہے کہ کب اس نے مناسب حد تک کھالیا ہے۔ جن لوگوں میں اس ہارمون کی مزاحمت پیدا ہوجاتی ہے تو انہیں پیٹ بھرنے کا اشارہ کبھی موصول نہیں ہوتا اور یہ وزن کنٹرول کرنے کے لیے بڑی رکاوٹ ثابت ہوتا ہے۔

کچھ طبی ماہرین تو یہ کہتے ہیں‌کہ لپٹین کی مزاحمت موٹاپے کے اثرات میں سے ایک ہے مگر چوہوں پر ہونے والی ایک تحقیق سے معلوم ہوا کہ بہت زیادہ چینی کا استعمال خاص طور پر اس کا سیرپ جو کولڈ ڈرنکس میں عام ہوتا ہے، براہ راست لپٹین کے لیول کو معمول سے زیادہ بڑھا دیتا ہے اور اس ہارمون سے متعلق جسمانی حساسیت میں کمی آجاتی ہے۔کچھ طبی ماہرین اس سے اگلی سطح کے شروع ہونے کا بھی اشارہ کرتے ہیں اور ان کے مطابق یہ شوگر یا ذیا بطس کی صورت میں ہوسکتاہے

تازہ ترین طبی تحقیق سے یہ بات ثابت ہوتی ہے کہ جن ممالک میں چینی کا استعمال بہت زیادہ ہوتا ہے وہاں اس مرض کی شرح کافی بلند ہے۔ 51 ہزار خواتین پر ہونے والی ایک تحقیق میں یہ بات سامنے آئی تھی کہ جو لوگ میٹھے مشروبات جیسے کولڈ ڈرنکس، میٹھی آئس ٹی، انرجی ڈرنکس وغیرہ استعمال کرتے ہیں ان میں ذیابیطس کا خطرہ بھی بہت زیادہ ہوتا ہے۔ ماہرین طب کے مطابق ذیابطس کے بعد چینی کا زیادہ استعمال گردوں پر منفی اثرات چھوڑتا ہے .

حال ہی میں‌ دنیا بھر سے ہونے والی تحقیقات سامنے آئی ہیں‌جن سے پتا چلتا ہے کہ چینی سے بھرپور غذا اور بہت زیادہ سافٹ ڈرنکس کا استعمال گردوں کے امراض کا خطرہ بھی بڑھا سکتا ہے۔ ایک تحقیق میں بتایا گیا ہے کہ میٹھے مشروبات کا استعمال گردوں کو نقصان پہنچا سکتے ہیں۔ تحقیق کے مطابق گردوں کے نقصان اور میٹھے مشروبات کے درمیان تعلق ایسے افراد میں سامنے آیا ہے جو 2 یا 3 کولڈ ڈرنکس روزانہ استعمال کرتے ہیں۔ ماہرین کا یہ بھی کہنا ہے کہ چینی کے زیادہ استمعال سے موٹاپے کی بیماری بھی لاحق ہوسکتی ہے.

تحقیقات سے پتا چلتا ہے کہ موٹاپا چینی کے زیادہ استعمال کے نتیجے میں لاحق ہونے والے بڑے خطرات میں سے ایک ہے۔ روزانہ صرف ایک کین کولڈ ڈرنک کا استعمال ہی ایک سال میں تین کلو وزن بڑھنے کا باعث بن جاتا ہے جبکہ سوڈا کا ہر کین بہت زیادہ موٹاپے کا امکان بڑھاتا چلا جاتا ہے۔ چینی براہ راست موٹاپے کا خطرہ بڑھا سکتی ہے مگر اس کے ساتھ ساتھ ذیابیطس، میٹابولک سینڈروم یا عادات جیسے زیادہ غذا کا استعمال اور ورزش نہ کرنا بھی اس کا باعث بنتے ہیں۔ ایک تحقیق کے مطابق ہماری غذا کی سپلائی اور ان کے استعمال کا رویہ موٹاپے کا باعث بنتے ہیں۔

چینی کے زیادہ استعمال سے جگر کے متاثر ہونے کا بھی خطرہ رہتا ہے. ڈاکٹروں کے مطابق بہت زیادہ مقدار میں چینی آپ کے جگر کو بہت زیادہ کام پر مجبور کردیتی ہے اور لیور فیلیئر کا خطرہ بڑھ جاتا ہے۔ ایک تحقیق کے مطابق چینی کو جس طرح ہمارا جسم استعمال کرتا ہے وہ جگر کو تھکا دینے اور متورم کردینے کے لیے کافی ثابت ہوتا ہے۔

چینی کے زیادہ استعمال کو حوالے سے یہ بات بھی سامنےآئی ہےکہ چینی کی بہت زیادہ مقدار جگر پر غیر الکحلی چربی بڑھنے کے مرض کا باعث بن سکتی ہے اور یہ چربی بتدریج پورے جگر پر چڑھ جاتی ہے۔ عام فرد کے مقابلے میں 2 گنا زیادہ سافٹ ڈرنکس استعمال کرنے والے افراد میں اس مرض کی تشخیص زیادہ ہوتی ہے۔ جگر پر غیر الکحلی چربی کے امراض کے شکار بیشتر افراد کو اکثر علامات کا سامنا نہیں ہوتا اور یہی وجہ ہے کہ وہ کافی عرصے تک اس سے آگاہ بھی نہیں ہوپاتے۔

اس سے پہلے عام طور پر نمک کو فشار خون یا ہائی بلڈ پریشر کا باعث سمجھا جاتا ہے مگر بہت زیادہ چینی کھانے کی عادت بھی آپ کو اس جان لیوا مرض کا شکار بناسکتی ہے۔ طبی ماہرین نے بلڈ پریشر کے حوالے سے غلط سفید دانوں پر توجہ مرکوز کررکھی ہے۔ تحقیق کے بعد یہ رائے سامنے آئی ہے کہ نمک کے مقابلے میں اس غذا پر توجہ مرکوز کرنی چاہئے جو لت کی طرح انسانی دماغ کو اپنی گرفت میں لے لیتی ہے اور وہ ہے چینی۔ محقین کے خیال میں اس کی وجہ یہ ہے کہ چینی کو ہضم کرنے سے یورک ایسڈ پیدا ہوتا ہے یعنی ایسا کیمیکل جو ہائی بلڈ پریشر کا باعث ہے۔تاہم محققین کے مطابق اس حوالے سے بڑے پیمانے پر طویل المعیاد تحقیق کی ضرورت ہے۔

زیادہ چینی کے استعمال سے انسولین کا معاملہ پچیدہ ہوجا تا ہے ماہرین طب کےمطابق جب آپ ناشتے میں بہت زیادہ مٹھاس پر مشتمل غذا استعمال کریں تو کیا ہوگا؟ یہ آپ کے جسم میں انسولین کی طلب کا مطالبہ بڑھا دے گی۔ انسولین وہ ہارمون ہے جو غذا کو قابل استعمال توانائی میں تبدیل کرنے کا کام کرتا ہے مگر جب اس کی مقدار زیادہ ہو تو جسم اس کے حوالے سے کم حساس ہوجاتا ہے اور خون میں گلوکوز جمنے لگتا ہے۔