فیصل آباد، پنجاب میں جانوروں و مویشیوں کی تعداد میں سالانہ 5فیصد سے زائد کا اضافہ ہونے لگا ہے جبکہ رواں سال کے دوران صوبہ بھر میں مویشیوں و جانوروں کی تعداد 8 کروڑ سے بھی تجاوز کر گئی ہے لہٰذا مویشیوں کی بہتر نشوونما کیلئے سبز چارے کی پیداوار میں اضافہ ضروری ہے اسلئے مستقبل کی منصوبہ بندی کرتے ہوئے ملک کی بڑھتی ہوئی آبادی کی دودھ اور گوشت کی ضرورت پوری کرنے کیلئے ہمیں چارے کی پیداوار میں خاطر خواہ اضافہ کرنا ہوگا۔جامعہ زرعیہ فیصل آبادکے ماہرین بتایاکہ پنجاب میں پاکستان کے چارہ جات کے کل رقبہ کے 80فیصد یعنی 48 لاکھ ایکڑ رقبہ پر چارہ جات کاشت ہوتے ہیں نیزربیع کے چاروں کا رقبہ ساڑھے 25 لاکھ ایکڑ سے زائد ہے۔انہوں نے چارہ جات کی پیداوار میں اضافہ کیلئے کاشتکاروں کو زرعی ماہرین کی سفارشات پر عمل کرنے کی بھی ہدایت کی۔
Category: صحت
شہد ایک مکمل غذا اس کے طبی فوائد
شہد میں اللہ تعالیٰ نے انتہائی شفا رکھی ہے اسکا ذکر قرآن پاک میں بھی آیا ہے شہد کی مکھی دن رات کی انتھک محنت سے شہد تیار کرتی ہے اس میں اللہ نے قدرتی مٹھاس رکھی ہے قرآن پاک میں شہد کی مکھی کا ذکر اتنی اہمیت سے کیا گیا ہے کہ ایک پوری آیت اس کے نام پر نازل کی گئی ہے
قرآن پاک میں اللہ کا فرما ن ہے ”اسمیں شفاء کے علاوہ کچھ نہیں لیکن یقین کرنے والوں کے لیے” شہد کی انسانی جسم کے لیے فائدے بے شمار ہیں اسکا جلد کے امراض کے لیے استعمال نہایت مفید ہے جلد پر دانوں کے اوپر شہد لگانے سے چند ہی دنوں میں دانے ختم ہو جاتے ہیں
سبزیوں کے تیل اور لیموں کے رس میں شہد ملا کر لگانے سے جلد نرم و ملائم ہو جاتی ہے انڈے کی زردی میں تھوڑا سا شہد ملا کر چہرے پر لگانے سے چہرہ دلکش اور خوبصورت نظر آنے لگتا ہے چہرے کی جھریوں کے لیے شہد میں ایک چمچ لیموں کا رس اور عرق گلاب ملا کر ماسک بنا لیں اس کو منہ پر لگائیں تھوڑے دنوں میں جھریاں ختم ہو جائیں گی
رنگ نکھارنے کے لئے ایک چمچ بیسن میں تھوڑی سی ہلدی ایک چمچ گائے کا دودھ اور چند قطرے شہد ملا کر مکس کر کے ہفتے میں دو بار چہرے پر لگانے سے بہت زیادہ فرق پڑتا ہے شہد کو نیم گرم پانی میں مکس کر کے نہار منہ پینے سے اچھی صحت کے ساتھ ساتھ موٹاپا بھی کم ہوتا ہے
بچوں اور بڑوں کواکثررات میں سونے میں کھانسی کی شکایت ہو جاتی ہے جو نظام تنفس میں خرابی کی وجہ سے ہوتا ہے اس سے نجات کے لیے شہد کا استعمال انتہائی مفید ہوتا ہے شہد میں اینٹی بیکٹیریا اینٹی وائرس اور اینٹی فنگلز پائے جاتے ہیں جو کئی بیماریوں کا مقابلہ کرنے میں مفید ہوتے ہیں
خواتین کے لیے میتھی دانہ کھانے کے حیرت انگیز فائدے
میتھی دانہ موسمی وائرس سے محفوظ رکھتا ہے شوگر کے مریضوں کے لئے میتھی دانے کا استعمال خون میں شوگر کی سطح کو نارمل رکھنے کے لیے بہت مفید ہے گیس اور ڈائریا کی تکلیف میں دہی میں ملا کر کھانے سے آرام ملتا ہے
میتھی دانہ دودھ پلانے والی ماؤں کے لیے مفید ہے ڈلیوری کے بعد ہونے والی کمزوریوں میں میتھی دانے کے استعما ل سے بہت فائدہ ہوتا ہے دیہاتوں میں بچے کی پیدائش کے بعد ماں کو اسکے لڈو بنا کر کھلائے جاتے ہیں یہ ہڈیوں کو محفوظ کرتا ہے
ایک گلاس نیم گرم پانی کے ساتھ ایک چٹکی میتھی دانہ کھانے سے ماہواری کے درد سے نجات ملتی ہے ذہنی تناؤ اور سٹریس کم کرنے کے لئے میتھی دانہ لیموں کا رس شہد تلسی کے چند پتے اور دار چینی کا ٹکڑا ایک کپ پانی میں ابال کر ٹھنڈا ہو نے پر پی لیں اس سے ذہنی تنؤ اور اسٹریس کم ہو جاتا ہے
میتھی دانہ وزن کم کرتا ہے بالوں کا روکھا پن دور کرتا ہے جگر کی حفاظت کرتا ہے دل کی بیماریوں سے بچاتا ہے قبض اور پیچش میں آرام پہنچاتا ہے ہارمونز کی بے ترتیبی درست کرنے کے لئے ایک کپ پانی میں ایک چمچ میتھی دانہ ملا کر پی لیں اس کو دن میں دو سے تین مرتبہ استعمال کریں یہ ہارمونز کی ترتیب کے لئے جادو کا کام کرتی ہے
انگور کھانے کے فائدے جنہیں جان کر آپ حیران رہ جائیں گے
انگور مشہور میوہ ہے اسکی بہت سی اقسام ہیں جنگلی پہاڑی سفید کالا سرخ ہیں اصل میں دو رنگ اور دو اقسام کے زیادہ ہوتے ہیں سفید اور سیاہ بہتر وہ ہے جو گرمی کے موسم کا ہو اسکا مزاج پہلے درجے میں گرم تر ہے پکا ہوا انگور جلدی ہضم ہو جاتا ہے غذائیت میں تمام میووں سے زیادہ عمدہ اور خون پیدا کرنے میں بہترین ہے
جس انگور کا ذائقہ کھٹا میٹھا ہو وہ گرمی نہیں کرتا ایسا انگور معدے کے لیے مفید ہے اور دوسرے پھلوں کی طرح معدے میں فاسد نھی نہیں ہوتا بو علی سینا نے لکھا ہے انگور سے جو خون بنتا ہے اس میں انجیر کے خون کی طرح خرابی کم ہوتی ہے اور اسی کی طرح کثرت سے بنتا ہے پھر بھی اتنا نیں بنتا جتنا انجیر سے بنتا ہے انگور کا رس آنکھ پر لگانےسے آنکھ کی کھجلی ختم ہو جاتی ہے
انگور کی بیل کی لکڑی کی راکھ کو پانی میں گھول کر پینے سے مثانے کی پتھری پیدا نہیں ہوتی اور اس راکھ کی لیپ سے بواسیر کے مسوں سےآرام ملتا ہے انگور کا استعمال جسم میں فاسد مادوں کا اخراج کرتا ہے کھانسی زکام وغیرہ میں بھی بے حد مفید ہے اسکا رس معدے کی رطوبت کو ہاضم بنانے کے ساتھ ساتھ عمل انہضام کے بعد خون میں شامل ہو کر خون کو صحت مند بناتا ہے انگور کا رس درد شقیقہ معدے کی بیماریاں قبض تپ دق کھانسی جسم کی کمزوری خون کی کمی وغیرہ کے لئے بے حد مفید ہے
رفاہ ہسپتال میں روزانہ 300 سے زائد مریضوں کی آمد
سرگودھا۔23جولائی(اے پی پی) رفاہ ہسپتال سرگودھا کو محکمہ سوشل ویلفیئر نے بہترین قرار دیدیا ہے جہاں پر 5 روپے کی پرچی پر 2 دن کی ادویات فراہم کی جاتی ہیں۔رفاہ ہسپتال کے صدر حاجی محمد دین نے بتایا کہ ہسپتال میں سرجیکل‘ فزیشن‘ سرجیکل سپیشلسٹ‘ چائلڈ سپیشلسٹ‘ گائنی سپیشلسٹ‘ آئی سپیشلسٹ‘ الٹرا ساؤنڈ سپیشلسٹ سمیت دیگر امراض کے ماہر ڈاکٹرز صبح سے شام تک خدمات انجام دے رہے ہیں ہسپتال میں روزانہ کی بنیاد پر 300 سے 350 مریض آتے ہیں،جبکہ گائنی کیلئے ہسپتال میں 24 گھنٹے کی سہولت فراہم ہے۔حاجی محمد دین نے بتایا کہ عوام کی سہولت کیلئے ہسپتال میں الٹرا ساؤنڈ کی سہولت بھی فراہم کردی گئی ہے جبکہ رفاہ سوسائٹی کے زیر انتظام 10 روپے میں بلا تفریق تمام لوگوں کو دوپہر کا کھانا فراہم کیا جاتا۔ اس دستر خوان پر روزانہ 150 سے 200 کے قریب افراد کھانا کھاتے ہیں۔ انہوں نے کہا کہ ہسپتال کا انتظام ممبران اور عوام کی مدد سے چل رہا ہے اور علاقہ کے لوگوں کو بہتر طبی سہولتیں فراہم کی جارہی ہیں
فیصل آباد، سرکاری مذبحہ خانوں کے باہر پرائیویٹ جگہ پر جانور ذبح کرنے پر سخت پابندی عائد
قائمقام ڈپٹی کمشنر فیصل آباد طارق نیازی نے سرکاری سلاٹر ہاؤس سے باہر کسی بھی پرائیویٹ جگہ پر جانور ذبح کرنے کے غیر قانونی عمل پر سختی سے پابندی عائد کر دی ہے اور اس قسم کی حرکت کے مرتکب افراد کی نشاندہی کرنے والے کسی بھی شہری کو ڈسٹرکٹ گورنمنٹ کی جانب سے نقد انعام دینے کا اعلان بھی کیا ہے۔ ڈسٹرکٹ گورنمنٹ فیصل آباد کے ترجمان نے بتایاکہ جو بھی شخص سرکاری ذبح خانے کے علاوہ کسی پرائیویٹ جگہ پر گائے،بھینس،بکرے یا بھیڑیں ذبح کرتے ہوئے پایا گیا اسے فوری طور پر گرفتار کرکے فوجداری مقدمہ درج کیا جائے گا اور غیرقانونی طور پر ذبح کیا گیا تمام تر گوشت،جانور کی کھال اور دیگر باقیات بحق سرکارضبط کرکے روزانہ شام کو ضلعی انتظامیہ کی نگرانی میں تلف کر دی جائیں گی۔
میڈیکل کالجز اور ٹیچنگ ہسپتالوں میں تبادلوں پر پابندی عائد
لاہور:حکومت پنجاب نے عارضی طور پر پرائمری ہیلتھ کے بعد محکمہ سپیشلائزڈ ہیلتھ نے بھی تبادلوں پر پابندی عائد کر دی، تمام ٹیچنگ ہسپتالوں کے سربراہان کو مراسلہ ارسال، پابندی کا اطلاق 14 ستمبر تک ہوگا۔اس فیصلے کا مقصد ٹیچنگ ہسپتالوں میں خالی آسامیوں اور درکار وسائل کا اندازہ لگانا ہے.
محکمہ صحت حکومت پنجاب کے ذرائع کے مطابق محکمہ پرائمری اینڈ سیکنڈری ہیلتھ کے بعد محکمہ سپیشلائزڈ ہیلتھ کیئر کی جانب سے بھی لاہور سمیت پنجاب بھر کے میڈیکل کالجز اور ٹیچنگ ہسپتالوں میں تبادلوں پر پابندی عائد کر دی گئی ہے۔ نوٹیفکیشن کے مطابق تمام ٹیچنگ انسٹیٹیوشنز کے پرنسپل اور ایم ایس صاحبان کو پابندی کے اطلاق سے آگاہ کر دیا گیا، پابندی 14 ستمبر تک عائد رہے گی۔
اس عرصہ کے دوران کسی بھی قسم کے تبادلوں کی ہرگز اجازت نہیں ہوگی، پابندی دو ماہ کیلئے عائد کی گئی ہے۔ اس سے قبل محکمہ پرائمری ہیلتھ بھی تبادلوں پر پابندی عائد کر چکا ہے۔یاد رہے کہ اس سے قبل بھی تبادلوں اور تقرریوں پر پابندی عائد کردی گئی تھی
انیل مسرت کا پنجاب کیلیے ایسا اعلان کہ ہر شخص دعائیں دے
برطانوی بزنس مین انیل مسرت نے پنجاب حکومت کے اشتراک سے ہر ڈویژن میں ہسپتال بنانے کا اعلان کیا ہے
باغی ٹی وی کی رپورٹ کے مطابق وزیراعلیٰ پنجاب سے انیل مسرت نے ملاقات کی ہے، اس موقع پر انیل مسرت نے پنجاب کے ہر ڈویژن میں ہسپتال بنانے کا اعلان کیا ہے، انیل مسرت کا کہنا تھا کہ پنجاب کے 9 ڈویژن میں جدید اسپتال بنائیں گے،ان اسپتالوں کی اونرشپ کیلیے کمیونٹی کو بھی شامل کیا جائے گا،
اس موقع پر وزیراعلیٰ پنجاب عثمان بزدار نے کہا کہ پنجاب حکومت عام آدمی کو بہتر طبی سہولتیں دینےکےجامع پروگرام پرعمل پیرا ہے،ہمارا مقصد عام آدمی کو علاج معالجے کی معیاری سہولتیں دینا ہے، انیل مسرت کی جانب سے ہر ڈویژن میں اسپتال بنانےکا فیصلہ خوش آئند ہے، شعبہ صحت میں نجی شعبےکی شراکت داری اورسرمایہ کاری کاخیرمقدم کریں گے.
وزیراعلیٰ پنجاب نے مزید کہا کہ ملتان میں اربوں روپے کی لاگت سے نشتر2 اسپتال بنایا جا رہا ہے،ڈیرہ غازی خان میں کارڈک اسپتال کے منصوبے پر کام جاری ہے،دور دراز علاقوں میں مدر اینڈ چائلڈ اسپتال بنائے جا رہے ہیں،سرمایہ کارپنجاب میں سرمایہ کاری کےمواقع سےفائدہ اٹھائیں،ہرممکن سہولتیں دیں گے.
واضح رہے کہ انیل مسرت پاکستان کے وزیراعظم عمران خان کے دوست ہیں،
محکمہ صحت پنجاب نے حالیہ بارشوں کے پیش نظر حفاظتی اقدامات کی ہدایت کر دی
محکمہ صحت پنجاب کی موسم گرما کی شدت،سخت حبس، مون سون کی بارشوں کے پیش نظر شہریوں کو گیسٹرو سے بچاؤ کیلئے خصوصی حفاظتی، تدارکی،احتیاطی اقدامات پر عملدرآمد کی ہدایت
سرگودہا (نمائندہ باغی ٹی وی) محکمہ صحت پنجاب نے موسم گرما کی شدت،سخت حبس، مون سون کی بارشوں کے پیش نظر شہریوں کو گیسٹرو سے بچاؤ کیلئے خصوصی حفاظتی، تدارکی،احتیاطی اقدامات پر عملدرآمد کی ہدایت کی ہے اور کہا ہے کہ کھانے پینے میں احتیاط سے گیسٹرو کے مرض سے بچا جا سکتا ہے۔ محکمہ کے ترجمان نے بتایا کہ گیسٹرو نظام انہضام میں انفیکشن اور سوزش کی بیماری ہے جو آلودہ پانی کے استعمال اور کھانے پینے کی اشیاء میں موجود بیکٹیریا اور وائرس کا نتیجہ ہے۔انہوں نے کہا کہ شہری احتیاطی تدابیر کے طور پر پینے کا پانی ہمیشہ ابال کر استعمال کریں، کھانا اچھی طرح پکاکر کھائیں،فریج سے نکالاہوا کھانا اچھی طرح گرم کریں،کھاناکھانے سے پہلے اور رفع حاجت کے بعد صابن سے ہاتھ دھوئیں، کھانے کے برتن دھوئے بغیر استعمال نہ کریں، کچن،باتھ روم اور ٹوائلٹ کی صفائی کا خاص خیال رکھیں۔ انہوں نے کہا کہ شہری گیسٹرو سے متعلقہ کسی بھی قسم کی بیماری کی علامات ظاہر ہونے پر فوری اپنے قریبی سرکاری ہسپتال یا مستند ڈاکٹر سے معائنہ کروائیں تاکہ مرض کو بگڑنے سے روکا جا سکے۔ انہوں نے کہا کہ شہری مزید معلومات اور رہنمائی کیلئے فری ہیلتھ ہیلپ لائن 0800-99-000 پر بھی رابطہ کر سکتے ہیں
پنجاب میں3روزہ پولیو مہم کا آغاز کل سے ہو رہا ہے
لاہور:پولیو وائرس کے پھر پھیلنے گا، پنجاب کے اضلاع لاہور اور جہلم میں دو بچوں میں پولیو وائرس کی موجودگی کا معاملے پر پنجاب پولیو پروگرام کی جانب سے ایک بار پھر پولیو مہم شروع کرنے کا فیصلہ کرلیاگیاہے۔
محکمہ صحت کے مطابق پنجاب پولیو پروگرام کے تحت 22 سے 25 جولائی تک انسداد پولیو مہم لاہور، جہلم اور سرگودھا کی منتخب یونین کونسلز میں منعقد کی جائے گی۔ منتخب یونین کونسلز میں 126,000 سے زائد بچوں کو پولیوسے بچاﺅ کے قطرے پلائے جائیں گے۔لاہور کے شالامار ٹاﺅن اور راوی ٹاﺅن کی منتخب 10یونین کونسلز کو مہم میں شامل کیا گیا ہے۔
اس پولیو مہم میں جہلم کی پانچ اور سرگودھا کی 6 یونین کونسلز میں انسداد پولیو مہم کا انعقاد کیا جائے گا،پولیو سے بچاﺅ کے قطرے پلانے کے لئیے 340سے زائد انسداد پولیو ٹیمیں تشکیل دے دی گئی ہیں۔ پنجاب سے دو نئے پولیو کیس آنے کے بعد پاکستان بھر میں اب پولیو کیسز کی تعداد 45 ہو گئی ہے۔
وزارت قومی صحت کے ذرائع نے8 جولائی کو ہم نیوز کو بتایا تھا کہ 2 پولیو کیسز خیبر پختونخوا (کے پی) اور 2 بلوچستان سے سامنے آئے ہیں ۔بلوچستان کے ضلع جعفر آباد کی یوسی شاہان پلال کے 8 ماہ کے بچے میں پولیو وائرس کی تصدیق کی گئی ہے۔ اسی طرح قلعہ عبداللہ کے علاقے پنج پیرانی کے 9 ماہ کے بچے میں بھی پولیو وائرس پایا گیاہے۔
