Category: صحت

سرگودہا(نمائندہ باغی ٹی وی)پنجاب ہیلتھ کیئر کمیشن نے15عطائیوں کے اڈے سیل کر دیے _تفصیلات کے مطابق کمیشن کی ٹیم نے شہر اور کوٹ مومن کے مختلف علاقوں میں واقع 68علاجگاہوں پر چھاپے مارکر غیر قانونی طور پر کام کر نے والی عام علاجگاہوں ،دندان ساز وں اور دواخانوں کو بند کر دیا ۔
ممتاز ڈینٹل کیئر،ابو بکرکلینک،ہاشمی کلینک،اسلم دواخانہ،ندیم کلینک،ارشد ڈینٹل سروس،آد م کلینک،جاوید دندان سازکو سر بمہر کر دیا گیا ۔
بلال ڈینٹل میٹریل اینڈ کلینک،نورکلینک، الشفا کلینک اورارشد علی کلینک بھی بند کر دیے گئے ۔
کمیشن نے ضلع میں اب تک 1,856علاجگاہوں پر چھاپے مار کر442عطائیوں کے کاروبار بند کیے ہیں جبکہ 506عطائیوں کی دکانوں پر کاروبار تبدیل کر دیے گئے ہیں ۔

سرگودھا(نمائندہ باغی ٹی وی) گورنمنٹ میاں مولا بخش ہسپتال میں ڈاکٹروں کی غفلت کے باعث آپریشن کے دوران ماں اور بچہ جاں بحق ورثاء کا ہسپتال انتظامیہ کے خلاف شدید احتجاج اور نعرے بازی . مڈھ رانجھا کے رہائشی محمد احسان کا کہنا تھا کہ میں اپنی بیوی روبینہ بی بی کو ڈلیوری کے لئے ہسپتال لایا.جسے ڈاکٹروں نے نارمل ڈلیوری ہونے کے باوجود آپریشن کیا جس کے باعث مریضہ روبینہ بی بی اور پیدا ہونے والا بچہ جاں بحق ہوگیا ہسپتال انتظامیہ مریضہ مرنے کے باوجود پانچ گھنٹے تک ورثاء کو خون اور ادویات کے لئے ذلیل کرتے رہے ورثاء کے اصرار کے باوجود مریض کو ملنے تک نہ دیا اور اپنی غلطی چھپانے کے لئے چھ گھنٹے تک ورثاء کو مریضہ کے جاں بحق ہونے کی اطلاع نہ دی .خون کی بوتل کے لئے 25 سو روپے وصول کئے اور مریضہ کے تمام ٹیسٹ ہسپتال سے باہر کروائے گئے اور ادویات بھی ہسپتال میں میسر نہ ہے جبکہ ہسپتال انتظامیہ کا رویہ بھی ٹھیک نہ ہے ورثاء کا وزیر اعلی پنجاب سے واقعہ کا نوٹس لینے کا مطالبہ

سرگودھا(نمائندہ باغی ٹی وی )ینگ ڈاکٹرز ایسوسی ایشن کے صدر قاسم اعوان، چیئر مین پنجاب شعیب تارڑ، سینئر نائب صدر پنجاب عثمان امتیاز، سینئر نائب صدر پنجاب حامد جگ، چیئر مین سرگودھا وقاص لطیف بیگ، جنرل سیکرٹری اسامہ بن سعید، نائب صدر سلطان حیدر، ڈاکٹر رانا محمد عبداﷲ ، ڈاکٹر محمد امتیاز چوہدری و دیگر رہنماﺅں سرگودھا میں افطار ڈنر سے خطاب کرتے ہوئے کہاہے کہ وائی ڈی اے ہڑتال کے حق میں نہیں، اگر حکومت ڈاکٹرز کی فلاح و بہبود اور مریضوں کے علاج معالجہ کے لئے بروقت اور ٹھوس اقدامات اٹھائے تو وائی ڈی اے کو احتجاج نہ کرنا پڑے۔ ڈاکٹرز اور محکمہ صحت کے ملازمین کی تنخواہوں اور اضافے کا بل پاس ہونے پر سابق چیف جسٹس سپریم کورٹ آف پاکستان ثاقب نثار کو خراج تحسین پیش کرتے ہیں، اور واضح کرتے ہیں کہ تنخواہوں میں اضافے کا بل وائی ڈی اے پنجاب کی کوششوں سے ہوا، جس میں پنجاب بھر کے ڈاکٹروں کی یکجہتی کا بھر پور کردار تھا۔ ایم ٹی آئی بل پر کسی صورت کوئی سمجھوتہ نہیں کریں گے۔ اس کےلئے گرفتاریاں دینا پڑیں تو گریز نہیں کریں گے۔ اگر ایسا کرنا ہے تو دیگر اداروں میں بھی یکساں کیا جائے۔ ڈاکٹر کمیونٹی کو ٹارگٹ کیوں بنایا جا رہا ہے۔ ایم ٹی آئی بل ڈاکٹرز اور محکمہ صحت کے ملازمین کے لئے کم اور مریضوں کےلئے زیادہ نقصان دہ ہے۔ ڈاکٹرز کے تحفظ کےلئے پیش کردہ بل 7 ماہ سے پاس نہیں ہوا جو صوبائی وزیر صحت اور پنجاب حکومت کی کارکردگی پر سوالیہ نشان ہے۔ حکومت اس بل کو فوری طور پر پاس کرے؟ وائی ڈی اے ہر وہ کام کرنے کےلئے تیار ہے جو مریضوں کے علاج معالجہ کے لئے سود مند ثابت ہو مگر اس کےلئے حکومت کو کسی بھی معاملے میں دی گئی احتجاج کی کال سے پہلے مذاکرات کا راستہ اپنانا چاہیے۔ حکومت لعت و لعل سے کام لیتی ہے تو وائی ڈی اے کو سڑکوں پر آنا پڑتا ہے۔ تقریب سے میڈیکل سپرنٹنڈنٹ غلام شبیر طاہر، سابق میڈیکل سپرنٹنڈنٹ ڈاکٹر عرفان فرید سمیت سینئر جونیئر ڈاکٹر، پیرا میڈیکل سٹاف، سٹاف نرسز کی بڑی تعداد نے شرکت کی۔

سرگودہا(نمائندہ باغی ٹی وی)سرگودہا ڈی پی او حسن مشتاق سکھیرا کا ایک اور احسن قدم تفصیلات کے مطابق ڈی پی او نے چغتائی لیب لاہور کے ساتھ معاہدے پر دستخط کر دیے معاہدے کی رو سے سرگودہا کے تمام پولیس ملازمین ان کے بیوی بچوں اور والدین کو چغتائی لیب صحت سروسز پر شوگر اور بلڈ ٹیسٹ کروانے پر خصوصی 20 فیصد رعایت دی جائے گی جبکہ سی ایل ایل بیلو کارڈ کے حامل اہلکاروں کو 25 فیصد تک رعایت دی جائے گی پولیس ملازمین یہ رعایت ڈی پی او آفس سے حاصل کردہ ریفرل کارڈ اور ایل ایل بیلو کارڈ دکھا کر حاصل کر سکتے ہیں اس موقع پر ڈی پی او نے کہا کہ پولیس ملازمین کی ویلفیئر میری اولین ترجیح ہے

سرگودہا(نمائندہ باغی ٹی وی) سرگودہا ڈسٹرکٹ ہیڈ کوارٹر ٹیچنگ ہسپتال سرگودہا کی انتظامیہ نے مریضوں کے لواحقین کو یہ کہ کر ہسپتال کی عمارت سے باہر نکال دیا کہ وزیر اعظم عمران خان کو شکایت کیوں لگائی جس سے مریضوں کے لواحقین شدید گرمی میں باہر بیٹھنے پر مجبور ہو گئے مناسب سہولتیں اور عملہ کی کمی ہونے کے باعث مریض تو خوار ہوتے
ہی ہیں اب ہسپتال انتظامیہ نے ان کے ساتھ آنے والے لواحقین کو بھی تنگ کرنا شروع کر دیا یاد رہے چند روز قبل عمران خان نے اچانک سرگودہا
کا دورہ کیا تھا اور لواحقین سے براہ راست مسائل کے بارے میں دریافت کیا تھا جس پر ہسپتال انتظامیہ کی خوب سرزنش ہوئی مریضوں کے لواحقین نے عمران خان سے فوری واقعے کا نوٹس لینے کا مطالبہ کر دیا