فیصل آباد(نمائندہ باغی ٹی وی) ڈپٹی کمشنر سردار سیف اللہ ڈوگر نے کہا ہے کہ سستے رمضان بازاروں پر عوامی اعتماد ان کی کامیابی کی واضح دلیل ہے لہذاڈیوٹی افسران صاف ستھری اور معیاری اشیاء ہمہ وقت دستیاب رکھیں تاکہ کسی صارف کو شکایت نہ ہو۔انہوں نے یہ بات تحصیل سمندری میں رمضان بازار کا معائنہ کرتے ہوئے کہی۔سی پی او اظہر اکرم بھی ان کے ہمراہ تھے۔اسسٹنٹ کمشنر سمندری سید تنویر مرتضی اور دیگر افسران بھی موجود تھے۔ڈپٹی کمشنر نے سستے آٹے اور سستی چینی کے سٹالز کو چیک کیا اور سیل ریکارڈ کاجائزہ لیتے ہوئے ہدایت کی کہ رمضان پیکج پر شفاف انداز میں عملدرآمد کو یقینی بنایا جائے۔انہوں نے کہا کہ زیادہ طلب کی کچن آئٹیمز کی سپلائی میں تعطل نہ آنے دیں۔ڈپٹی کمشنر نے خریداری میں مصروف شہریوں سے اشیاء کی دستیابی اور معیار کے بارے میں دریافت کیاتو انہیں مطمئن پایا۔انہوں نے مختلف سٹالز پر پھل وسبزیوں کے معیار،دستیابی اور قیمتوں کا بھی جائزہ لیا اور کوالٹی کو ہمہ وقت برقرار رکھنے کی تاکید کی۔سی پی او نے رمضان بازارمیں سیکورٹی پلان پر عملدرآمد کاجائزہ لیا اور سٹاف کو تاکید کی کہ وہ اپنے فرائض جانفشانی سے ادا کریں۔اسسٹنٹ کمشنر نے بتایا کہ رمضان بازار میں اشیاء کی دستیابی اورمعیارپر گہری توجہ ہے۔انہوں نے بتایا کہ عام مارکیٹ میں بھی اشیاء ضروریہ کی قیمتوں کو قابو میں رکھنے کے لئے موثر اقدامات کئے جارہے ہیں۔
Category: صحت
ایڈیشنل ڈسٹرکٹ اینڈ سیشن جج سید فہیم شاہد نے 8قیدیوں کی رہائی کا حکم جاری کر دیا،
حافظ آباد(نمائندہ باغی ٹی وی)ایڈیشنل ڈسٹرکٹ اینڈ سیشن جج سید فہیم شاہدنے ڈسٹرکٹ جیل کا دورہ کیا جہاں انہوں نے معمولی مقدمات میں ملوث 8قیدیوں کی رہائی کا حکم بھی صادر کیا۔ اس دوران ایڈیشنل سیشن جج نیخواتین اور بچوں کے وارڈز سمیت قیدیوں کی تمام بیرکوں کو چیک کیا جہاں انہوں نے صفائی ستھرائی سمیت تمام انتظامات کا جائزہ لیتے ہوئے قیدیوں کو جیل کے عملہ کی جانب سے دی جانیوالی سہولتوں کے بارے بھی استفسار کیا۔ بعدازاں سید فہیم شاہ نے جیل کی کچن میں جاکر قیدیوں کے دیئے جانے والے کھانے میں استعمال کی جانے والی اشیاء/میٹریل کو بھی چیک کیا۔ اور اس پر اپنے اطمینان کا اظہار کیا۔ اس دوران جیل کے ہسپتال میں صرف ایک مریض پایا گیاجسے اطمینان بخش طبی سہولیات فراہم کی جارہی تھیں
شہر میں مساجد کے باہر گندگی کے ڈھیر
(نمائندہ باغی ٹی وی)اسلام پورہ نزد پرانہ پل مین روڈ اور گلی نمبر 1 ، امام باگاہ اور دیگر مسجدوں کے باہر گندا پانی اور کوڑا کرکٹ کے ڈھیر جمع ہیں ۔ رمضان المبارک کے اس بابرکت ماہ میں لوگ مسجدوں اور امام بارگاہوں میں گنداپانی ہونے کی وجہ سے جانے سے قاصر ہیں ۔۔۔ 20 رمضان کو برادران فقہ جعفریہ کا سالانہ شہادت امام علی پر جلوس ہے جس کی وجہ سے لوگ پریشان ہیں ۔ انتظامیہ اور حکومت سے درخواست ہے کہ اس مسئلے کا فوری حل نکالیں
گجرات یونیورسٹی میں ورلڈ تمباکو ڈے سیمینار
گجرات(طارق محمود سے)جامعہ گجرات کے شعبہ ماحولیاتی علوم کے زیر اہتمام ورلڈ ارتھ ڈے اور ورلڈ تمباکو ڈے کے حوالہ سے ایک علمی سیمینار کا انعقاد ہوا جس میں مختلف شعبہ جات کے طلبہ و اساتذہ نے خصوصی شرکت کرتے ہوئے کرہ¿ ارض پر انسانی زندگی اور وسائل کی بقا کے لےے انفرادی سطح پر ذمہ دارانہ کاوشوں کی انجام دہی کا عہد کیا۔ UOGگرین سوسائٹی کی عملی کاوشوں کی بدولت منعقدہ اس علمی سیمینار کی صدارت کا فریضہ چیئر پرسن ڈاکٹر راشد سعید نے سرانجام دیا جبکہ شعبہ ماحولیاتی علوم کے سینیئر اساتذہ ڈاکٹر ذکی الزماں عاصم اور ڈاکٹر محسن عباس نے تمباکو نوشی کے عالمی و قومی منظر نامہ اور تمباکو نوشی کے مضمر اثرات کے حوالہ سے خصوصی سیر حاصل لیکچر پیش کئے۔ ڈاکٹر راشد سعید نے کہا کہ کرہ¿ ارض پر انسانی نسل کی بقا دیر پا عملی اقدامات کی متقاضی ہے ۔ انسانی آبادی میں بے ہنگم اضافہ، صنعتی و ماحولیاتی آلودگی، قوموں کے مابین نیوکلیائی و حیاتیاتی تباہ کُن ہتھیاروں کی اندھا دھند دوڑ، زمینی وسائل پر قبضہ کی کشمکش، بائیو ٹیکنالوجی کے منفی استعمال کی بنا پر کرہ¿ ارض کی سالمیت کو کئی سنگین خطرات لاحق ہیں۔ کرہ¿ ارض کی حیاتیاتی تاریخ بہت قدیم ہے اور اس کرہ¿ ارض پر لاکھوں کڑوڑوں سالوں میں قدرتی آفات کی بنا پر پانچ مرتبہ مکمل تباہی وقوع پذیر ہو چکی ہے مگر اب یوں محسوس ہوتا ہے کہ چھٹی آفاقی تباہی انسان کی خود ساختہ ہو گی۔ کرہ¿ ارض کا آئندہ منظرنامہ اگرچہ خطرناک نظر آتا ہے مگر نوجوان نسل انسانی بقا کو لاحق خطرات کو انفرادی سطح پر ذمہ دارانہ روّیوں کے مظاہرہ سے کم کرنے میں مددگارثابت ہو سکتی ہے۔ ڈاکٹر ذکی الزماں عاصم نے تمباکو نوشی کے حوالہ سے اپنی سیر حاصل گفتگو میں کہا کہ تمباکو نوشی یقینا مضرصحت ہے۔ تمباکو نوشی کئی موذی امراض کا باعث بنتے ہوئے قیمتی انسانی زندگیوں کے خاتمہ کا باعث بنتی ہے۔ تمباکو نوشی سے دنیا بھر میں سالانہ 7ملین اموات ہوتی ہیں۔ ترقی پذیر ممالک میں تمباکو نوشی وسیع پیمانہ پر عام ہے۔ پاکستان کا شمار دنیا بھر کے ان پندرہ ممالک میں ہوتا ہے جہاں تمباکونوشی نسبتاً زیادہ ہے۔ تمباکو نوشی بارے قانون سازی کے ساتھ ساتھ ان قوانین پر عملی اطلاق بہتر نتائج کا حامل ثابت ہو گا۔ ڈاکٹر محسن عباس نے کہا کہ تمباکو نوشی کئی موذی امراض کو جنم دیتے ہوئے کینسر، تپ دق وغیرہ کا باعث بنتی ہے۔ نوجوان طلبہ سماجی سفیر ہونے کے ناطہ سے اس سماجی و معاشرتی خرابی کے سدھار کے لےے اہم کردار ادا کر سکتے ہیں۔ پاکستان میں سگریٹوں کی سالانہ کھپت86.7بلین ہے۔ 40فیصد تعداد ان بچوں کی ہے جو دس سال کی عمر سے ہی سگریٹ نوشی شروع کردیتے ہیں جو ایک لمحہ ¿ فکریہ ہے۔ ڈاکٹر محسن نے اعداد و شمار کی روشنی میں تمباکو نوشی سے نجات کے لےے کچھ عملی اقدامات و تجاویز پیش کیں۔ سوسائٹی کوارڈینیٹر عائشہ صدیقہ نے زمینی وسائل کی حفاظت، کرہ¿ ارض پر ماحولیاتی آلودگی کم کرنے میں انسانی رویہ و کردار اور تمباکو نوشی کے جان لیوا خطرات کا تعارف پیش کیا۔ سیمینار کے اختتام پر ڈاکٹر راشد سعید نے اپنی ٹیم کے ہمراہ ماحولیاتی علوم کے حوالہ سے ملکی جامعات کے مابین مقابلہ جات میں UOGطلبہ ٹیم کو بہترین کارکردگی کا مظاہرہ کرنے پر انعامات واسناد پیش کیں۔
انجمن بہبودی مریضاں کا اجلاس، لیبارٹری کے لیے بڑی رقم جمع
گجرات(نمائندہ باغی ٹی وی) انجمن بہبودی مریضاں عزیز بھٹی شہید ہسپتال کا اجلاس۔ جدید لیبارٹری کے لئے 26 لاکھ، 15 ہزار روپے جمع ہو چکے ہیں۔ لیبارٹری کی جگہ کا تعین کرنے کیلئے 5 رکنی کمیٹی تشکیل، صدر میاں محمد اعجاز، جنر ل سیکرٹری جاوید بٹ، ایم ایس عزیز بھٹی شہید ہسپتال ڈاکٹر عابد غوری، امتیاز کوثر، چوہدری سلیم اختر، حاجی محمد ریاض شامل ۔ تفصیلات کے مطابق صدر میاں محمد اعجاز کی صدارت میں عزیز بھٹی شہید ہسپتال کا اجلاس ہوا جس میں جنرل سیکرٹری جاوید بٹ نے سابق ماہ کی کارروائی رپورٹ پڑھ کر سنائی۔ اجلاس میں حاجی صغیر احمد بشیر میرج ہال کو تاحیات ممبر بنانے کی منظوری دی گئی۔ اجلاس سید شوکت وسیم، شیخ افضال الرحمان شاد، چوہدری امتیاز، میاں افضل خالد، چوہدری اشفاق، امتیاز احمد، ملک محمد حسین اعوان، حاجی محمد ریاض، لالہ جی سعید اقبال مرزا اور دیگر ممبران موجود تھے۔ اجلاس میں بتایا گیا کہ ماہ اپریل میں 3308 مریضوں کو 3 لاکھ، 23 ہزار، 416 روپے کی مفت ادویات دی گئیںاور 4 لاکھ 29ہزار 992 روپے کے اخراجات ہوئے جبکہ 75 ہزار 300 کی آمدن ہوئی۔ اجلاس میں صدر میاں محمد اعجاز نے کہا کہ عزیز بھٹی شہید ہسپتال کے لیے لیبارٹری کیلئے 26 لاکھ 15 ہزار روپے اکٹھے ہو چکے ہیں اگر ہسپتال کی انتظامیہ ہمیں لیبارٹری بنانے کے لیے بلڈنگ دے تو ہم تمام انتظامات کر لیں گے۔ اجلاس میں بتایا گیا کہ لیبارٹری میں روزانہ 200 سے 500 تک ٹیسٹ کرنے کی سہولت ہو گی۔ لیبارٹری کے لئے فزیشن، آپریٹر اور کٹس بھی مہیا کرنا پڑیں گی اور یہ لمبا پراجیکٹ ہے۔ اس کے لیے لائحہ عمل اختیار کرنے کے لیے 5 رکنی کمیٹی تشکیل دی گئی جو لیبارٹری کے قیا م کا تعین کرے گی۔ اجلاس میں حاجی سردار (سردار ٹینٹ والوں) کی وفات پر فاتحہ خوانی کی گئی جبکہ ایم ڈی فین کے مالک مظفر ڈار، حاجی زاہد کے والد، ملک وسیم کے بھائی کی وفات پر بھی فاتحہ خوانی کی گئی اور جاوید بٹ کو عمرہ کی ادائیگی کے لیے روانگی سے قبل ہار پہنا کر الوداع کیا گیا۔
مظفرگڑھ کے ڈاکٹرز بھی پشاور کے ڈاکٹر پر مبینہ تشدد کے خلاف سراپا احتجاج
پشاور میں صوبائی وزیر صحت خیبرپختونخوا ہشام اللہ کے خیبر ٹیچنگ ہسپتال پشاور کے ڈاکٹر ضیاء الدین پر مبینہ تشدد کے خلاف مظفرگڑھ میں پاکستان میڈیکل ایسوسی ایشن کی جانب سے احتجاجی ریلی نکالی گئی اور مظاہرہ کیاگیا،احتجاجی ریلی اور مظاہرے میں ڈاکٹروں اور پیرامیڈیکل اسٹاف نے کثیر تعداد میں شرکت کی.خیبرپختونخوا کے وزیرصحت ہشام اللہ کے خیبر ٹیچنگ ہسپتال پشاور کے ڈاکٹرضیاء الدین پر مبینہ تشدد کیخلاف مظفرگڑھ کے ڈی ایچ کیو ہسپتال میں پاکستان میڈیکل ایسوسی ایشن کی جانب سے احتجاجی ریلی نکالی گئی اور مظاہرہ کیاگیا.احتجاجی ریلی پی ایم اے کے ضلعی صدر ڈاکٹر حسن رضاہاشمی،ضلعی جنرل سیکرٹری ڈاکٹر یوسف نسیم لغاری،ڈاکٹر مقبول عالم،ڈاکٹر اطہر کلیم اور ڈاکٹر یاسر رسول کی قیادت میں ڈی ایچ کیو ہسپتال کی ایمرجنسی سے شروع ہوکر مین گیٹ تک پہنچی۔ہسپتال کے مین گیٹ پر ڈاکٹروں اور پیرامیڈیکل اسٹاف کی کثیر تعداد کی جانب سے خیبرپختونخوا کے صوبائی وزیر صحت کیخلاف مظاہرہ کیاگیا۔اس موقع پرمظاہرین نے خیبرپختونخوا کے وزیرصحت کے خلاف شدید نعرہ بازی بھی کی ۔ریلی اور احتجاجی مظاہرے سے خطاب کرتے ہوئے پی ایم اے کے عہدیداروں نے ڈاکٹر پر تشدد کرنے والے صوبائی وزیر صحت کیخلاف کاروائی کا مطالبہ کیا۔مظاہرہ کرنے والے ڈاکٹرز کا کہنا تھا کہ جب تک تشدد کے واقعے میں ملوث خیبرپختونخوا کے وزیرصحت ہشام اللہ کے خلاف کاروائی نہیں کی جاتی ان احتجاج جاری رہےگا.
فوڈ اتھارٹی پنجاب کی بڑی کاروائی مشہور ڈھوڈا مضر صحت
سرگودھا(نمائندہ باغی ٹی وی)وزیر اعلی پنجاب کی ہدایت پر رمضان المبار ک میں ملاوٹ مافیا کے خلاف گرینڈ آپریشن کیاجا رہا ہےتفصیلات کے مطابق ڈی جی فوڈ اتھارٹی کی سربراہی میں میانوالی اور خوشاب میں 11 گھنٹے طویل آپریشن کیا گیا جس میں خوشاب کا معروف ڈھوڈا ہاؤس سیل، 2 یونٹس کی پروڈکشن اصلاح تک بند کر دی گئی ہے
864 کلوغیر معیاری سنیکس، 350 کلو ناقص گھی،180 کلوحشرات زدہ مٹھائیاں، 2 مکسنگ مشینیں، 5سلنڈر ضبط کیے گئے ہیں
کھلے رنگوں کے استعمال اور حشرات کی بہتات پر انور ڈھوڈا ہاؤس کو سیل کیا گیا ہے ڈی جی فوڈ اتھارٹی کے مطابق استعمال شدہ تیل اور ملاوٹ ذدہ دیسی گھی مٹھائی کی تیاری میں استعمال کیا جارہا تھا۔کیپٹن (ر) محمد عثمان اس کے علاوہ
غیر معیاری اجزاء کے استعمال پر ملک برادرز سویٹس اینڈ ٹانگری یونٹ کی پروڈکشن اصلاح تک بند کر دی گئی ہے
غلط لیبلنگ اور ممنوعہ اجزاء کی موجودگی پرحاجی شفیع ٹی سٹور کی پروڈکشن بھی بند کر دی گئی ہے مزید ازاں ڈی جی فوڈ اتھارٹی کیپٹن (ر)محمد عثمان نے نمائندہ باغی ٹی وی سے بات کرتے ہوئے اپنے بیان میں کہا کہ
صحت عامہ کے دشمنوں کو کسی بھی سطح پر کام کرنے کی ہرگز اجازت نہیں دی جائے گی۔
پنجاب میں خوراک کے معیار کو بہترین معیار پر لانے کے لیے دن رات کوشاں ہیں
ملاوٹ سے پاک پنجاب کے خواب کی تکمیل کیلئے ہر ممکن وسائل بروئے کار لا رہے ہیں
حکومت پنجاب کے ویژن کے مطابق صوبہ کو ملاوٹ کے ناسور سے پاک کریں گے۔چلڈرن ہسپتال میں بستروں کی کمی، ڈاکٹر معصوم بچوں کو زمین پر لٹا کر علاج کرنے لگے
جنوبی پنجاب کے سب سے بڑے چلڈرن ہسپتال ملتان میں سہولیات کا فقدان وارڈز میں بستر نہ ہونے کی وجہ سے والدین سخت گرمی میں اپنے بچوں کو زمین پر لٹانے پر مجبور ہو گئے.جنوبی پنجاب کے واحد چلدڑن ہسپتال ملتان میں سہولیات کا فقدان شدت اختیار کر گیا ہے ہسپتال میں ڈاکٹروں کی کمی اور وارڈز میں بسترے موجود نہیں ہیں ۔مریض بچوں کے والدین کے لیے ہسپتال میں بیٹھنے کی جگہ تک موجود نہیں ہے۔ ہسپتال میں مختلف وارڈز میں بسترے نہ ہونے کہ وجہ سے والدین بچوں کو زمین پر لٹانے پر مجبور ہیں۔ مریض بچوں کے والدین کا کہنا ہے کہ حکومت نے وعدہ کیا تھا کہ ہسپتالوں کی حالت ٹھیک کر دیں گے مگرچلڈرن ہسپتال ملتان میں کوئی بھی سہولت موجود نہیں ہے وزیر اعلی پنجاب عثمان بزدار سے اپیل ہے کہ وہ معاملہ کا نوٹس لیں اور چلڈرن اسپتال میں تمام سہولیات مہیا کی جائیں ۔
سول اسپتال فیصل آباد کے بلڈٹرانسفیوژن سینٹر میں ڈاکٹر موت بانٹنے لگے
فیصل آباد( نمائندہ باغی ٹی وی) سول اسپتال بلڈٹرانسفیوژن سینٹر میں ڈاکٹر موت بانٹنے لگے۔ بلڈ ٹرانسفیوژن سینٹر میں ذائد المیعاد بلڈ بیگ استعمال ہونے کا انکشاف سامنے آگیا۔ بلڈٹرانسفیوژن سینٹر میں ذائد المیعاد بلڈبیگ استعمال کیے جا رہے۔ سول اسپتال بلڈٹرانسفیوژن سینٹر کےڈاکٹرز بانٹ رہے ہیں۔ پہلے سے بیمار بچوں کو مزید بیماریوں کا شکار بنایا جارہا ہے۔ تھیلا سیمیا کے مرض میں مبتلا بچوں کو زائد المیعاد بلڈ بیگ میں خون لگایا جارہا ہے۔ بلڈٹرانسفیوژن سینٹر حکام مریضوں کی زندگیوں سے کھیل رہے ہیں۔ مریضوں کو خون کی بوتلیں فراہم کرنے کے ہزاروں روپے نذرانے بھی وصول کئے جاتے ہیں۔ اسپتال حکام حالات سے غافل، مریض موت کے منہ میں جانے لگے
وزیراعلیٰ پنجاب کا فیصل آباد انسٹی ٹیوٹ آف کارڈیالوجی کا دورہ
فیصل آباد: وزیراعلیٰ پنجاب نے فیصل آباد انسٹی ٹیوٹ آف کارڈیالوجی کا دورہ کیا۔ وزیر اعلیٰ پنجاب عثمان بزدارنے مریضوں کی عیادت بھی کی۔ میڈیا سے گفتگو کرتے ہوئے وزیراعلی پنجاب عثمان بزدار کے کہا کہ لوگوں کےمسائل جاننےکیلیے بھکر،منکیرہ سےفیصل آباد پہنچا ہوں، اسپتالوں میں ادویات کی دستیابی کا مسئلہ نہیں ہے، پنجاب بھر میں رکےہوئے ترقیاتی منصوبوں کیلیے فنڈز جاری کیے جارہے ہیں۔
