فیصل آباد، ڈپٹی کمشنر سردار سیف اللہ ڈوگرکی ہدایت پر ضلع بھرمیں انسداد ڈینگی مہم بھرپورانداز میں جاری ہے اور اینٹی ڈینگی ٹیمیں باقاعدگی سے مختلف مقامات پر سرویلنس میں مصروف عمل ہیں۔ڈسٹرکٹ کوآرڈینیٹر برائے ڈینگی کنٹرول ڈاکٹربلال احمد کی زیرنگرانی ٹیموں نے ان ڈور اورآؤٹ ڈور سرویلنس کے علاوہ ڈینگی لاروا کی افزائش کے ممکنہ مقامات کی کیمیکل ٹریٹمنٹ کی اور ذرائع کاصفایا کیا گیا۔اینٹی ڈینگی ٹیموں نے آؤٹ ڈور میں کباڑخانوں،ٹائر شاپس،قبرستانوں،پودوں کی نرسریوں اور ان ڈور میں فریج کی ٹرے،گملوں،کیاریوں،پانی کی ٹینکیوں اوردیگر جگہوں کو بھی تفصیلی چیک کیا۔
۔۔۔///۔۔۔
Category: صحت
فیصل آباد میں انسداد ڈینگی مہم بھرپور انداز میں جاری
پانی انسان کے لیے کتنا ضروری ہے؟؟؟ حکیم حبیب الرحمن کمبوہ
جسمانی ٹشوز کے وزن کا ٪ 70 پانی ہوتا ہے اور پروٹو پلازم کا لازمی جزو ہے۔ خوراک کے بغیر انسان 15 یوم تک زندہ رہ جاتا ہے مگر پانی کے بغیر انسان 48 گھنٹوں سے زیادہ زندہ رہنا ایک خاص واقعہ ہو سکتا ہے۔
یہ ہمارے جسمانی نظام کے لئے بے حد اہم ہے۔
یہ خوراک ہضم کرنے اور ہضم شدہ غذاء اور دوسرے بے شمار مادوں کو مائع حالت میں ترسیل میں مدد دیتا ہے۔
ہمارے جسم میں ہونے والے تمام کیمیائی عوامل پانی کی موجودگی میں محلول (سلوش فارم) میں ہوتے ہیں۔
انسانی جسم میں پانی پینے سے اور بعض غذائیں مائع حالت میں لینے سے حاصل ہوتا ہے۔
اسی طرح جسم سے فاسد مادوں پیشاب اور فضلہ کا اخراج، جلد اور پھیپھڑوں کے راستے سے بھی دن میں 2 سے 3 لیٹر پانی خارج ہوتا ہے جسکی کمی پانی پینے سے پوری ہوتی ہے۔
اسکے علاوہ دیگر انزائمز بھی پانی کی موجودگی ہی میں فعال ہوتے ہیں۔
پانی خون کو پتلا رکھتا ہے جسکی وجہ سے یہ جسم کے ہر سیل تک پہنچتا ہے.
پانی جسم کے درجہ حرارت کو بھی کنٹرول کرتا ہے.
پانی کی کمی سے ڈی ہائیڈریشن ہو جاتی ہے جو مہلک ثابت ہو سکتی ہے.
سبز پودوں میں فوٹو سینتھیسز کا عمل اسکے بغیر ممکن نہیں.
انسانی جسم کیلئے پانی کی مقدار کا انحصار کسی انسان کی سر گرمیوں اور ماحولیاتی حالات پر ہوتا ہے.
ایسے لوگ جو گرم اور خشک علاقوں میں رہتے ہیں انہیں پانی کی زیادہ ضرورت ہوتی ہے.
اسی طرح سانس لینے پسینہ اور پیشاب کے اخراج سے جسم سے پانی کا اخراج ہوتا رہتا ہے اس کمی کو پورا کرنے کے لئے ایک عام نارمل اور صحت مند بالغ انسان کو تقریباً 3 لیٹر پانی کی دن بھر میں اوسطاً ضرورت ہوتی ہے۔
انجمن بہبودی مریضاں گجرات کی فنڈ ریزنگ جاری
گجرات(نمائندہ باغی ٹی وی) انجمن بہبودی مریضاں کی فنڈ ریزنگ کا سلسلہ جاری ہے۔ جاوید بٹ جنرل سیکرٹری انجمن بہبودی مریضاں کی قیادت میں شیخ ظہیر احمد، شیخ سہیل منیر، مرزا خالد محمود اور خادم علی خادم نے فنڈ ریزنگ میں حصہ لیا۔ پندرہ لاکھ سے زیادہ کے فنڈ اکٹھے ہو گئے۔ آج فنڈ ریزنگ ر یلوے روڈ پر کی گئی۔ ریلوے روڈ کی تاجر برادری نے انجمن بہبودی مریضاں کے لیے زیادہ سے زیادہ فنڈز دیئے۔ انجمن بہبوید مریضاں سالانہ ایک کروڑ دس لاکھ سے زیادہ کی میڈیسن کمرہ نمبر 28 اور کمبرہ نمبر 15 میں مستحق مریضوں کو مفت ادویات فراہم کی جاتی ہیں جو گورنمنٹ ادویات فراہم نہیں کرتی وہ ادویات انجمن بہبودیمریضاں مستحق مریضوں کو فراہم کرتی ہے۔ جتنے زیادہ فنڈ اکٹھے ہوں گے اتنے ہی زیادہ مریضوں کو ادویات فراہم کریں گے۔
فیصل آباد رمضان بازاروں میں منافع خوروں نے پھلوں اور سبزیوں کی قیمتوں میں 50 فیصد تک بڑھا دی ہیں، حکومت قیمتیں کنٹرول کرنے میں ناکام
فیصل آباد میں منافع خوروں نے پھلوں اور سبزیوں کی قیمتوں میں پچاس فیصد تک بڑھا دی ہیں، رمضان المبارک میں ضلعی انتظامیہ اور مارکیٹ کمیٹیاں قیمتیں کنٹرول کرنے میں مکمل ناکام دکھائی دیتی ہیں۔
رمضان المبارک کی آمد کے ساتھ ہی مہنگائی کے نام پر، منافع خوروں نے عوام کی جیبوں پر ڈاکہ ڈالنے کے لئے کمر کس لی۔ پھلوں، سبزیوں سمیت اشیاء خورونوش کی قیمتوں میں پچاس فیصد تک اضافہ کر دیا۔ سیب 200 روپے سے بڑھ کر 350 روپے کلو ہو گئے، کیلا 150 روپے درجن تک جا پہنچا اور فالسہ 400 روپے کلو تک فروخت ہونے لگا۔
کجھور 70 روپے کے اضافے سے 250 روپے کلو تک پہنچ گئی، سبزیوں میں گرمی کی سوغات کریلے 70 روپے فی کلو سے بڑھ کر 150 روپے ہو گئے۔ کھانوں کا لازمی جز لہسن اور ادرک کی قیمت میں 50 سے 60 فیصد اضافہ کر دیا گیا ہے۔ لہسن 100 روپے اضافے کے ساتھ 225 روپے کلو
جبکہ ادرک 60 روپے اضافے کے ساتھ 190 روپے کلو ہو گیا۔
گرمی کا توڑ لیموں 320 روپے کلو تک جا پہنچے، گاہک کہتے ہیں دکاندار مارکیٹ کمیٹی کی طرف سے جاری کردہ نرخ نامے آویزاں کرنے کی بجائے خود ساختہ قیمتیں مقرر کر کے پھل اور سبزیاں بیچتے ہیں۔
دوسری جانب دکاندار حضرات کہتے ہیں اگر پھلوں سبزیوں کی قیمتوں کو کنٹرول کرنا ہے تو انتظامیہ آڑھتیوں کو قابو میں کریں۔رمضان بازاروں میں سستی چینی کی خریداری کے سلسلے میں صارفین کی مشکلات کو دور کیا جائے
فیصل آباد: ڈپٹی کمشنر سردار سیف اللہ ڈوگر نے کہا ہے کہ رمضان بازاروں میں سستی چینی کی خریداری کے سلسلے میں صارفین کی مشکلات کو دور کیا جارہا ہے اور کوشش کی جارہی ہے کہ ضلع فیصل آباد کے لئے سستی چینی کے کوٹہ سے زیادہ سے زیادہ صارفین مستفید ہوں۔ انہوں نے یہ بات مختلف رمضان بازاروں کے معائنہ کے دوران سستی چینی کی خریداری سے متعلق صارفین کی شکایت سنتے ہوئے کہی۔ ڈپٹی کمشنر نے کہا کہ رمضان بازاروں میں چینی کی سپلائی بلاتعطل جاری ہے جسکا عام مارکیٹ کی نسبت فی کلو گرام ریٹ کم ہونے کی وجہ سے خریداروں کا رش زیادہ ہے جس کے باعث لوگوں کو درپیش مشکلات کا ازالہ کریں گے۔ انہوں نے مختلف سٹالز پر پھلوں‘ سبزیوں‘ دالوں اور دیگر اشیاء کا معیار چیک کیا اور نگران افسران کو ہدایت کی کہ صارفین کو غیر معیاری اشیاء کی فروخت کی شکایت نہیں ہونی چاہئے۔ انہوں نے سستے آٹے کے معیار اور تھیلے کے وزن کی جانچ پڑتال بھی کی اور کہا کہ غیر معیاری آٹا ہونے کی ہونے کی صورت میں فلور ملز کے خلاف کارروائی عمل میں لائی جائے گی۔ ڈپٹی کمشنر نے سیکورٹی اور صفائی ستھرائی کے امور پر نظر رکھنے کی بھی ہدایت کی اور کہا کہ رمضان بازاروں میں خریداری کے لئے صاف ستھرے اور خوشگوار ماحول کا تاثر ابھرنا چاہئے۔ انہوں نے رمضان بازار سرسید ٹاؤن میں اشیاء کی سپلائی اور دیگر انتظامی معاملات کو مزید بہتر بنانے کی ہدایت کی اور کہا کہ مارکیٹ کمیٹی کی فیئر پرائس شاپ پر صبح بروقت فروخت کا آغاز ہو جانا چاہئے۔انہوں نے ضلع کے تمام رمضان بازاروں کو طوفان و بادوباراں سے محفوظ بنانے کی بھی ہدایت کی اور کہا کہ آندھی یا بارش کی صورت میں رمضان بازاروں میں خرید و فروخت کے امور متاثر نہیں ہونے چاہئیں۔
کھانے پینے کی اشیاء مہنگے داموں فرخت کرنے کی پاداش میں 11 گرانفروشوں کو جرمانہ
فیصل آباد، ڈپٹی کمشنر سردار سیف اللہ ڈوگر کی ہدایت پر ایڈمن آفیسر/سپیشل پرائس کنٹرول مجسٹریٹ ریاض حسین انجم نے کھانے پینے کی اشیاء مہنگے داموں فرخت کرنے کی پاداش میں 11گرانفروشوں کو 19ہزارروپے کے جرمانے کئے۔پرائس کنٹرول مجسٹریٹ نے ملت روڈ،گلستان کالونی،نشاط آباد،شیخوپورہ روڈ اور دیگر علاقوں میں گوشت،دودھ،پھل اورسبزیوں کی زائد قیمت وصول کرنے والے دکانداروں کو موقع پر ہی مختلف مالیت کے جرمانے کئے.
ڈاکٹرز کس پر برہم خبر آ گئ
8سرگودھا(نمائندہ باغی ٹی وی) پنجاب میں سرکاری ہسپتالوں کی مجوزہ نجکاری کے خلاف گرینڈ ہیلتھ الائنس کی جانب سے سرگودھا میں دسویں روز بھی ڈاکٹر ز، نرسز، پیرا میڈیکل سٹاف نے ڈی ایچ کیو ہسپتال سرگودھا میں آﺅٹ ڈور بند کر کے ہڑتال کی اور احتجاجی مظاہرہ کیا، ایم ایس آفس کے باہر دھرنا دیا۔ جس سے ہسپتال میں علاج معالجہ کا عمل ٹھپ ہو کر رہ گیا، او پی ڈی مکمل بند ہونے کے باعث دور دراز سے آنے والے ہزاروں مریضوں کو مایوس واپس لوٹنا پڑا۔پنجاب بھر کی طرح سرگودھا میں بھی ہسپتالوں کی مجوزہ نجکاری کے خلاف اور چارٹر آف ڈیمانڈ کے حق میں ہفتہ کے روز بھی مکمل ہڑتال کی گئی اور ڈاکٹر ز و نرسوں نے مکمل طور پر بائیکاٹ کیا اور اور پیرامیڈیکل ہیلتھ الاﺅنس نے بھی اظہاریکجہتی کےلئے کام بند کئے رکھا،جس سے علاج معالجہ کا عمل درہم برہم اورآﺅٹ ڈور اور وارڈز کے مریض رل کر رہ گئے تاہم ایمرجنسی میں طبی امداد کا عمل جاری رہا، گرینڈ ہیلتھ الائنس کے زیر اہتمام احتجاجی مظاہرہ بھی کیا گیا۔ اور ہسپتالوں کی نجکاری کا فیصلہ فوری واپس لینے کا مطالبہ کیا گیا ہے، ا س موقع پر وائی ڈی اے پنجاب کے صدر ڈاکٹر قاسم اعوان، سینئر نائب صدر حامد جگ، سینئر نائب صدر ڈاکٹر عثمان امتیاز، چیئر مین سرگودھا ڈاکٹر وقاص لطیف بیگ، جنرل سیکرٹری اسامہ بن سعید اور پیرا میڈیکل کے صدر مجتبیٰ نے اظہار خیال کرتے ہوئے بتایا کہ چارٹر آف ڈیمانڈ کے حق میں گرینڈ الائنس قائم کیا گیا ہے، حکومت ہسپتالوں کی نجکاری کرنا چاہتی ہے جبکہ ہسپتالوں کی نجکاری کا کے پی کے میں کیا جانے والا تجربہ ناکام ہو چکا ہے۔ کسی بھی صورت پنجاب میں ہسپتالوں کی نجکاری نہیں ہونے دیں گے اور جب تک حکومت یہ فیصلہ واپس نہیں لیتی اس وقت تک احتجاج جاری رکھیں گے، اور آئندہ ہفتے پنجاب بھر کے ڈاکٹر لاہور میں وزیر اعلیٰ سیکرٹریٹ اور وزیر اعلیٰ ہاﺅس کے باہر دھرنا دیں گے۔ اگر حکومت نے کسی قسم کی تادیبی یا انتقامی کاروائی جس کا ہمیں کہا جا رہا ہے کی کوشش کی تو بھرپور مزاحمت کے ساتھ ساتھ پنجاب بھر کے ہسپتالوں کا نظام مکمل بند کر دیں گے۔
پولیو کیسز،لاہور میں انسداد پولیو مہم شروع کرنے کا فیصلہ
محکمہ صحت پنجاب نے لاہور میں انسداد پولیو مہم شروع کرنے کا فیصلہ کیا ہے
باغی ٹی وی کی رپورٹ کے مطابق مہم ان علاقوں میں شروع کی جائے گی جہاں پولیو کا خطرہ ہے، لاہور شہر میں امسال تین پولیو کے کیسز رپورٹ ہو چکے ہیں. محکمہ صحت نے اسی لئے پولیومہم شروع کرنے کا فیصلہ کیا ہے .انسداد پولیومہم لاہورکی 94 یونین کونسلوں میں 13 سے 19 مئی تک جاری رہے گی .
تھیلسیمیا ٹیسٹ کے لئے قانون سازی کی جائے
تھیلسیمیا کے عالمی دن کے موقع پرعوامی سطح پر آگاہی کےلئےڈی ایچ کیو ہسپتال مظفرگڑھ میں ریلی نکالی گئی۔ڈسٹرکٹ ہیڈکوارٹر ہسپتال مظفرگڑھ میں تھیلسیمیا کے حوالے سے عوامی سطح پر شعور اجاگر کرنے کے لئے نکالی گئی ریلی میں ڈاکٹرز،نرسز، پیرامیڈکل سٹاف اور محکمہ صحت کے افسران نے شرکت کی۔ ریلی کی قیادت ایم ایس ڈسٹرکٹ ہیڈ کوارٹر ہسپتال مظفرگڑھ ڈاکٹر مہر محمد اقبال نے کی۔ ریل کے شرکاء نے پلے کارڈز اور بینرز اٹھارکھے تھے جن پر تھیلسیمیا سے بچاو کے حوالے سے تحریریں درج تھیں۔ریلی کے شرکاء سے خطاب کرتے ہوئے مقررین کا کہنا تھا کہ تھیلسیمیا کے مرض پر قابو پانے کے لئے شادی سے پہلے تھیلسیمیا ٹیسٹ انتہائی ضروری ہے اور دوران حمل اگر خواتین کا تھیلسیمیا ٹیسٹ کرا لیا جائے تو بروقت سدباب ممکن ہوسکتاہے۔ ریلی کے شرکاء نے تھیلسیمیا کے مرض پر قابو پانے کیلئے شادی سے قبل تھیلسیمیا ٹیسٹ کو ضروری قرار دینے کے لئے قانون سازی کی ضرورت پر زور دیا۔
کڈنی سنٹر کے بورڈ آف گورنرز کا اجلاس، ڈاکو مینٹری فلم جلد چلانے کا فیصلہ
گجرات (نمائندہ باغی ٹی وی) کڈنی سنٹر گجرات کے بورڈ آف گورنرز کا اجلاس صدر میاں محمد اعجاز کی صدارت میں ہوا جس میں جنرل سیکرٹری جاوید بٹ نے سابقہ ماہ کی کارروائی رپورٹ پڑھ کر سنائی۔ اجلاس میں صدر میاں محمد اعجاز نے بتایا کہ کڈنی سنٹر کی ڈاکومنٹری فلم تیار ہو چکی ہے اور بورڈ آف گورنرز کی منظوری کے بعد ڈاکو منٹری فلم کو سوشل میڈیا اور مختلف فورم پر چلایا جائے گا تاکہ لوگوں کو پتہ چلے کہ گجرات کے کڈنی سنٹر میں دکھی انسانیت کی خدمت کیسے کی جا رہی ہے۔ اجلاس میں یہ بھی فیصلہ کیا گیا کہ لیتھو تھراپی مشین کی جلد سے جلد فراہمی کے لئے چوہدری عمر سعید سے دوبارہ ملاقا ت کی جائے گی۔ میاں محمد اعجاز نے بورڈ آف گورنر ز کو بتایا کہ فضل دین اینڈ سنز کمپنی کو چوہدری عمر سعید نے ذمہ داری سونپی ہے کہ وہ لیتھو تھراپی مشین فراہمی کے لئے اقدامات کریں۔ انہوں نے بتایا کہ اب ہر ماہ 60 لاکھ روپے مخیر حضرات سے اکٹھے ہوں گے جس سے کڈنی سنٹر میں مستحق مریضوں کے مفت ڈائلسز ہوںگے۔ جاوید بٹ نے بتایا کہ 2016 ءسے لے کر اب تک 28 ہزار 905ڈائلسز ہو چکے ہیں اور روزانہ 67 ڈائلسز ہو رہے ہیں۔ میاں محمد اعجاز نے بتایا کہ ماہ اپریل میں 45 لاکھ ، 1653 روپے کے اخراجات ہوئے جبکہ 19 کروڑ ،57 لاکھ ، 75 ہزار روپے کے اخراجات بلڈنگ اور مشینری پر خرچ ہوئے ہیں اور 21کروڑ، 36 لاکھ ، 76ہزار856 روپے کے عطیات اور انکم ہوئی جبکہ اس وقت ایک کروڑ 79 لاکھ روپے موجود ہیں اور کڈنی کے مریضوں کی تعداد میں بھی اضافہ ہو رہا ہے۔ اجلاس میں چوہدری اظہر حسین، چوہدری اعجاز وڑائچ شاہدولہ ٹاو¿ن، الحاج امجد فاروق، جاوید بٹ، ڈاکٹر طاہر عباس گوندل، احمد حسن مٹو، طارق بلال ملک، ڈاکٹر عابد غوری، عاصم مشتاق بٹ، چوہدری نواز ریحانیہ بھی شریک ہوئے۔ چوہدری نواز ریحانیہ کی طرف سے 6لاکھ روپے، طارق بلال ملک کی طرف سے 2لاکھ روپے جبکہ طارق محمود(نواب سٹیل )کی طرف سے ایک لاکھ روپے کا عطیہ دیا گیا۔ اجلاس میں فیصلہ کیا گیا کہ فنڈ ریزنگ کے لئے رمضان کے آخری ہفتے میں افطار ڈنر کا اہتمام کیا جائے گا۔ جس میں فنڈ ریزنگ کی جائے گی۔ تمام ممبران کوکڈنی سنٹر کی ڈاکو منٹری بھی دکھائی گئی اور اس کے لئے مزید تجاویز بھی دی گئیں۔
