Category: صحت

اسلام آباد: وزارت صحت کے ترجمان نے کہا ہے کہ ملک کے چار اضلاع کے ماحولیاتی نمونوں میں پولیو وائرس کی تصدیق ہوئی ہے۔

باغی ٹی وی: سرکاری خبررساں ادارے اے پی پی کے مطابق وزارت صحت کے ترجمان نے بتایا کہ کراچی میں کیماڑی، حیدر آباد، چمن اور پشاور کے چار اضلاع سے حاصل نمونوں میں پولیو وائرس پایا گیا ہے پولیو سرویلنس نظام کی وجہ سے فوری وائرس کی تصدیق میں کامیابی ہوتی ہے پولیو موقع پرست وائرس ہے جو کمزور قوت مدافعت کے حامل بچوں کو فوری نشانہ بناتا ہے،بچوں کو وائرس اور معذوری سے بچانے کا واحد طریقہ پولیو ویکسینیشن ہے والدین ہر مہم کے دوران پانچ سال سے کم عمر بچوں کو پولیو کے قطرے لازمی پلوائیں، واضح رہے کہ پاکستان میں دنیا کا وسیع اور حساس ترین پولیو سرویلنس نظام موجود ہے۔

نوجوان ملک کی تقدیر، ہم نےگالم گلوچ اور پتھر مارنا نہیں سکھایا، شہباز …

7 اکتوبر کو اسرائیل پر ہونے والے حماس کے حملے پر تحقیقاتی رپورٹ جاری

نوجوان ملک کی تقدیر، ہم نےگالم گلوچ اور پتھر مارنا نہیں سکھایا، شہباز …

کثروبیشتر شیر خوار اور نومولود بچے اپنی آنکھوں کو مسلتے ہیں، بچے اپنی آنکھوں کو کیوں رگڑتے ہیں اس کی کئی وجوہات ہو سکتی ہیں، جیسے الرجین، دانت نکلنا، یا انفیکشن، اگر آپ اپنے بچے کو اکثر آنکھیں رگڑتے ہوئے دیکھتے ہیں تو بچوں کی اس کیفیت کو نظر انداز کرنا والدین کیلئے درست نہیں۔

باغی ٹی وی:والدین بچوں کی اس کیفیت کو نیند پوری نہ ہونے اور چڑچڑے پن سے منسلک کردیتے ہیں ماہرین کے مطابق بچوں کی اس کیفیت کے پیچھے کئی وجوہات ہوسکتی ہیں اور ان کو دور بھی کیا جاسکتا ہے،جیسا کہ بچوں کی آنکھوں کو رگڑنے کی سب سے عام وجوہات میں سے ایک یہ ہے کہ یہ ان کی نشوونما کا ایک عام حصہ ہے بچے اپنے اعضاء اور حرکات پر محدود کنٹرول کے ساتھ پیدا ہوتے ہیں، ان کی آنکھوں کو رگڑنا ابتدائی جسمانی عمل میں سے ایک ہے جو وہ کرنا سیکھتے ہیں۔

خشک یعنی آنکھوں میں نمی کی کمی کے سبب آنکھوں میں ہونے والی اینٹھن کو کم کرنے کے لیے بچے اپنے ہاتھوں سے آنکھیں رگڑتے ہیں،چونکہ شیرخواراور نومولود بچوں میں نیند کا دورانیہ کافی زیادہ ہوتا ہے، اس لیے نیند پوری نہ ہونے کی وجہ سے ان پرغنودگی طاری ہونے لگتی ہے،عموماً بچے اس کیفیت کے سبب اپنی آنکھوں کو بری طرح مسلتے ہیں، جب بچہ نیند میں ہوتا ہے تو وہ اپنی آنکھیں رگڑتا ہے، تو اس بات کا زیادہ امکان ہے کہ وہ صرف آرام کرنے اور سو جانے کی کوشش کر رہا ہے۔ بچوں کے تھکے ہوئے ہونے پر ان کی آنکھوں کو رگڑنا ایک فطری اضطراب ہے بچوں کے لیے نیند اہم ہے- انہیں عام طور پر تقریباً 12 سے 16 گھنٹے سونا چاہیے-

بچے اکثر آنکھ میں کسی چیز کے چلے جانے کی وجہ سے بھی اپنی انکھوں کو مسلتے ہیں، والدین کو کسی صورت بچوں کی اس حرکت کو نظر انداز نہیں کرنا چاہئے،بچوں کے آنکھوں کے مسلنے کی وجہ آنکھوں میں کسی قسم کی الرجی بھی ہوسکتی ہے ہاتھوں سے آنکھ مسلنے سے ناخن کے آنکھ میں لگ جانے سے بچوں کو تکلیف بھی ہوسکتی ہےوالدین کو چاہیئے کہ وہ بچوں کے ہاتھوں پر دستانے چڑھادیں، اگر دستا نے موجود نہ ہوں تو بچوں کی آستینوں کو لمبا کردیں

عالمی ادارہ صحت کا دعوی ہے کہ مچھر دنیا کا سب سے خطرناک جاندار ہےجس کی وجہ یہ ہے کہ مچھر کی بدولت ملیریا، ڈینگی اور اب مختلف ممالک میں زیکا وائرس جیسے امراض پھیل رہے ہیں جن کے نتیجے میں ہر سال 10 لاکھ سے زائد اموات ہوتی ہیں-

باغی ٹی وی : سکون میں خلل ڈالنے والے مچھر انسانی صحت کیلئے بھی نقصان دہ ہیں اورمتعدد بیماریوں سے دوچارکرسکتے ہیں سماجی رابطے کی ویب سائٹ ایکس پر ایک ویڈیو وائرل ہے جس میں مچھر اور مکھیوں کو گھروں سے بھگانے کا طریقہ بتایا گیا ہے،جو کافی پہلے سے چلا آرہا ہے اور خاصا آزمودہ بھی ہے،اس سے مچھروں سے باآسانی پیچھا چھوٹ سکتا ہے-
https://x.com/HiddenTips_/status/1733600110536540468?s=20
اس کے لیے ایک عدد بڑے سائز کا لیموں یا لائم لیں، اس کو درمیان سے دو حصوں میں کاٹ لیں،اس کے بعد آدھے حصے کو نیچے سے تھوڑا کاٹ لیں تاکہ وہ اپنی سطح پربا آسانی ٹھہر سکے،اس کے بعد اسی آدھے لیموں کے درمیان میں ایک چھوٹی موم بتی فکس کردیں پھر چند عدد لونگ لیموں کے دونوں حصوں پر لگا دیں، پھر 4 عدد ٹوتھ پکس بھی لگا لیں،اس کے بعد لیموں کے دوسرے آدھے حصے کو ان ٹوتھ پکس پر لگا کر موم بتی کو جلا کر گھر کے دروازوں اور کھڑکیوں پر رکھ دیں-