Category: بین الاقوامی

دبئی: متحدہ عرب امارات کے نائب صدر اور وزیر اعظم شیخ محمد بن راشد المکتوم کی صاحبزادی شیخہ مہرہ المکتوم نے شوہر سے طلاق کے چند ہفتوں بعد ’طلاق‘ کے نام سے پرفیوم متعارف کروا دیا۔

باغی ٹی وی : غیر ملکی میڈیا کی رپورٹس کے مطابق 30 سالہ شہزادی شیخہ مہرہ المکتوم نے انسٹاگرام پر اپنے نئے پرفیوم کی لانچ کا اعلان کیا ہے۔انہوں نے اپنے برانڈ مہرہ ایم 1 کے تحت اس پرفیوم کو متعارف کروایا ہے، شہزادی نے پرفیوم کی لانچ سے قبل اس حوالے سے ایک ویڈیو جاری کی تھی، ان کی حالیہ انسٹا پوسٹ نے سوشل میڈیا صارفین کو حیران کر دیا، پوسٹ دیکھ کر یوں لگتا ہے کہ شہزادی اپنی طلاق کا غم بھلا نہیں سکیں۔

شیخہ مہرہ نے ایک سیاہ پرفیوم کی تصویر پوسٹ کی جس کا نام Divorce پر رکھا گیا ہے، جس میں وہ ممکنہ طور پر اپنی حالیہ طلاق کے حوالے سے اشارہ دے رہی ہیں،سوشل میڈیا پر ان کے مداحوں کی جانب سے پوسٹ پر مختلف تبصرے کیے گئے،مذکورہ ویڈیو میں ٹوٹے ہوئے شیشے، کالی پنکھڑیاں اور ایک بلیک پینتھر کا ایک مونٹیج دکھایا گیا تھا، اس کے ساتھ ہی انہوں نے اپنے پرفیوم کی بوتل کی رونمائی بھی کر دی، جس کا رنگ سیاہ اور اس پر ’ڈائیوورس‘ کندہ ہے۔

خیال رہے دبئی کی شہزادی شیخہ مہرہ کی گزشتہ برس 5 اپریل 2023ء کو شیخ مَانع المکتوم سے شادی ہوئی تھی۔ بعد ازاں شادی گزرنے کے ایک سال بعد ہی انہوں اپنے شوہر سے طلاق کا اعلان کیا تھا،جوڑی کی طلاق کی خبر رواں برس 2024 میں پہلے بچے کی پیدائش کے صرف دو ماہ بعد سامنے آئی تھی۔

ایڈنبرا: اگلی دہائی میں 100,000 میتھین گیس خارج کرنے والے قدرتی کنوؤں کو سیل کرنے کا منصوبہ بنایا گیا ہے یہ منصوبہ ٹیکنالوجی کے ماہرین نے بنایا ہے-

باغی ٹی وی: عالمی میڈیا رپورٹس کے مطابق ایڈنبرا یونیورسٹی کے محققین نے اگلی دہائی میں 100،000 میتھین خارج کرنے والے کنوؤں کو بند کرنے کا فیصلہ کیا ہے تاکہ لاکھوں ٹن گرین ہاؤس گیسوں کے اخراج کو روکا جا سکے۔

ایڈنبرا کی Heriot-Watt یونیورسٹی سے متصل ایک کلین ٹیکنالوجی کمپنی، ’راکٹ‘ نے اپنے اس منصوبے کا انکشاف کیا ٹیم نے پیش گوئی کی ہے کہ اس تکنیک سے ہزاروں سالوں تک زہریلی گرین ہاؤس گیسوں کو زیر زمین گہرائی میں بند کیا جاسکتا ہے،راکٹ کمپنی کے اس مںصوبے کو اسکاٹش انٹرپرائز کے ہائی گروتھ اسپن آؤٹ پروگرام میں قبول کر لیا گیا ہے جس میں اس منصوبے کو بڑھانے کے لیے £ 75,000 کی فنڈنگ بھی منظوری کی گئی ہے۔

خان یونس: جنوبی غزہ کے علاقے خان یونس میں پناہ گزینوں کے کیمپوں پر اسرائیلی طیاروں کے حملے سے 40 فلسطینی شہید جبکہ درجنوں زخمی ہو گئے۔

باغی ٹی وی : عالمی میڈیا کے مطابق خان یونس شہر کے مغرب میں واقع المواسی کے انسانی حقوق کے علاقے میں بے گھر افراد کے خیموں کو نشانہ بنایا گیا جس کے نتیجے میں بڑے بڑے گڑھے بن گئے۔

حماس کی سول ڈیفنس اتھارٹی کے آپریشنز ڈائریکٹر نے برطانوی خبر رساں ادارے کو بتایا کہ حملے میں 40 فلسطینی شہید اور 60 سے زائد زخمی ہوئے ہیں جبکہ متعدد افراد اب بھی ملبے تلے دبے ہوئے ہیں، آدھی رات کے فورا بعد المواسی کے علاقے میں بڑے دھماکے ہوئے اور آسمان پر شعلوں کے شعلے اٹھتے دیکھے جا سکتے ہیں۔

حملے کے مقام کے قریب رہنے والے ایک خیراتی ادارے کے رضاکار خالد محمود نے کہا کہ وہ اور دیگر رضاکار مدد کے لیے پہنچے لیکن وہ تباہی کی شدت کو دیکھ کر دنگ رہ گئے حملوں سے سات میٹر گہرے تین گڑھے بن گئے جن کے نیچے 20 سے زیادہ خیمے دب گئے۔

دوسری جانب اسرائیلی فوج کا کہنا ہے کہ اس کے طیاروں نے خان یونس میں حماس کے جنگجوؤں کے ایک آپریشن سینٹر پر حملہ کیا ہے،جبکہ حماس نے اسرائیلی فوج کے اس دعوے کو مسترد کر دیا کہ علاقے میں حماس کے جنگجو موجود ہیں۔

بھارت میں میڈیکل کالج میں خاتون ڈاکٹر کے ساتھ زیادتی و قتل کیس کے بعد بھارت بھر میں احتجاج جاری ہے، واقعہ کو ایک ماہ ہو گیا، شہری سڑکوں پر ہیں اور ملزم کو سزا دینے کا مطالبہ کررہے ہیں، بھارتی سپریم کورٹ میں بھی آج کیس کی سماعت ہوئی

بھارتی سپریم کورٹ کے چیف جسٹس ڈی وائی چندرچوڑ، جسٹس جے بی پاردی والا اور جسٹس منوج مشرا پر مشتمل بینچ نے کیس کی سماعت کی، دوران سماعت مغربی بنگال حکومت نے جائے حادثہ پربڑی تعداد میں لوگوں کے پہنچنے سے متعلق اپنی رپورٹ پیش کی ، سی بی آئی نے بھی اپنی رپورٹ عدالت میں جمع کروائی، دوران سماعت بھارتی چیف جسٹس نے ریمارکس دیتے ہوئے کہا کہ ہم نے تحقیقاتی رپورٹ دیکھی،کھلی عدالت میں تبصرہ نہیں کرنا چاہتے،منگل کو سی بی آئی تحقیقات میں مزید پیشرفت پر رپورٹ پیش کرے،کیس کی سماعت اب 17 ستمبر کو ہو گی.

سپریم کورٹ نے بھارت میں ڈاکٹر کے ساتھ زیادتی کے واقعہ کے بعد ڈاکٹروں کے احتجاجی مظاہروں کے بعد از خود نوٹس لیا تھا،سپریم کورٹ میں بنگال حکومت کی طرف سے پیش ہونے والے وکیل کپل سبل نے عدالت میں کہا کہ ڈاکٹروں کی ہڑتال کے دوران 23 افراد کی موت ہوئی ہے، سی بی آئی کی رپورٹ پڑھتے ہوئے بھارتی چیف جسٹس نے استفسار کیا کہ پرنسپل کا گھرکالج سے کتنی دور ہے جس پر بتایا گیا کہ پرنسپل کا گھر 20-15 منٹ کے فاصلے پر ہے،سپریم کورٹ سے سالسٹر جنرل نے کہا کہ ایسا لگتا ہے کہ مغربی بنگال حکومت سی بی آئی سے کچھ چھپانا چاہتی ہے، تبھی رپورٹ مرکزی ایجنسی کو نہیں دی گئی،عدالت نے مغربی بنگال حکومت سے پوچھا کہ ہمیں دو پہلوؤں پروضاحت چاہئے ہم جاننا چاہتے ہیں کہ موت کا کیس کس وقت رجسٹرڈ ہوا؟ وکیل نے بتایا کہ ڈیتھ سرٹیفکیٹ دوپہر1:47 بجے دیا گیا، بھارتی چیف جسٹس نے جی ڈی میں درج کئے جانے کا وقت پوچھا؟ کپل سبل نے کہا کہ جی ڈی میں دوپہر2:55 بجے درج کیا گیا۔

کپل سبل نے کہا کہ صبح ساڑھے 8 بجے سے رات 10:45 بجے تک تلاشی اورضبطی کی گئی، ایک بارلاش کو پوسٹ مارٹم کے لئے ہٹایا گیا، اس کے بعد پھرتصاویر لی گئیں،بھارتی چیف جسٹس نے کہا کہ یہ بتانے کے لئے ایک سی سی ٹی وی فوٹیج ہے کہ ملزم کس وقت اندرآیا اور وہاں موجود تھا، ظاہرطورپرصبح 4:30 بجے کے بعد کا فوٹیج ہوگا، کیا سی سی ٹی وی فوٹیج پوری طرح سے سی بی آئی کو دی گئی،جس پر سالسٹر جنرل نے کہا کہ 4 کلیپنگ، کل 27 منٹ کے دورانیئے کی ویڈیو ہیں ہارڈ ڈسک میں ویڈیو کوئی حصوں میں دیئے گئے ہیں، ہمارے پاس فرانزک رپورٹ ہے ایک بات مانی گئی ہے، جب لڑکی 9:30 بجے ملی، تو وہ نیم برہنہ حالت میں تھی، اس کے جسم پرچوٹ کے نشانات تھے۔

دوسری جانب ٹرینی خاتون ڈاکٹر کے زیادتی کیس سے متعلق ڈاکٹر کے والدین نے پولیس سے متعلق تہلکہ خیز انکشافات کیے ہیں،بھارتی میڈیا رپورٹس کے مطابق کلکتہ میں زیادتی کے بعد قتل کی جانے والی ڈاکٹر کے والدین نے پولیس پر الزام عائد کیا ہے کہ وہ کیس کے آغاز سے ہی شواہد کو ختم کرنے کی کوشش کر رہے ہیں، ٹرینی ڈاکٹر کی والدہ کا کہنا تھا کہ حکومت، انتظامیہ اور پولیس نے کیس کے آغاز سے ہی ہمارے ساتھ تعاون نہیں کیا، پولیس آغاز سے ہی ثبوت ختم کرنے کی کوشش کررہی ہے، میرے خیال میں یہ مظاہرہ تب تک جاری رہنا چاہیے جب تک ہمیں انصاف نہیں مل جاتا۔ڈاکٹر کے والد نے شہریوں سے اپیل کی کہ وہ مظاہروں میں ان کا ساتھ دیں، وہ جانتے ہیں انصاف اتنی آسانی سے نہیں ملتا لیکن ہمارا ساتھ دیں تو یہ ممکن ہے۔

بھارتیہ جنتا پارٹی کی زیرقیادت اپوزیشن نے الزام لگایا کہ ڈاکٹر سے زیادتی کے واقعہ کے بعد جائے وقوعہ پر شواہد کے ساتھ چھیڑ چھاڑ کرنے کی کوشش کی جا رہی ہے۔ قابل ذکر بات یہ ہے کہ کلکتہ ہائی کورٹ نے پہلے ہی ریاستی حکومت پر برہمی کا اظہار کیا تھا اور عمارت کی تیسری منزل کے کچھ حصوں کی تزئین و آرائش کی عجلت پر سوال اٹھایا تھا، جہاں یہ خوفناک جرم ہوا تھا۔

جب متاثرہ کے اہل خانہ نے انکشاف کیا کہ اسپتال کے حکام نے انہیں اطلاع دی تھی کہ خاتون نے خودکشی کر لی ہے، تو سندیپ گھوش کی مبینہ کوششوں میں ملوث ہونے اور اس کیس کو چھپانے کی کوشش کی جانچ پڑتال کی گئی۔ متاثرہ کے والد کے مطابق انہیں اپنی بیٹی کی لاش دیکھنے کے لیے تین گھنٹے سے زیادہ انتظار کرنا پڑا۔ سندیپ گھوش کو آخرکار 2 ستمبر کی شام کو سنٹرل بیورو آف انویسٹی گیشن نے مالی بددیانتی میں ملوث ہونے کے الزام میں گرفتار کر لیا جس میں لاوارث لاشوں کی فروخت، طلباء سے بھتہ خوری اور اسٹیبلشمنٹ میں ادویات فراہم کرنے والوں سے کک بیکس شامل ہیں۔کولکتہ میں ڈاکٹر انصاف کا مطالبہ کرتے ہوئے اپنی ہڑتال جاری رکھے ہوئے ہیں اور بڑی تعداد میں عام لوگ بھی اس میں شامل ہوئے ہیں۔

دوسری جانب بھارتی وفاقی تحقیقاتی ایجنسی سی بی آئی نے کلکتہ کے آر جی کار اسپتال سے وابستہ ٹرینی خاتون ڈاکٹر کے زیادتی کیس میں ایک ہی ملزم کے ملوث ہونے کی تصدیق کی ہے، تحقیقات آخری مراحل میں ہیں اور سی بی آئی بہت جلد اس حوالے سے کیس فائل کرے گی،سی بی آئی تحقیقات میں اس بات کی تصدیق ہوئی ہے کہ خاتون ٹرینی ڈاکٹر کے ساتھ اجتماعی زیادتی کی باتوں میں کوئی حقیقت نہیں، زیادتی کے واقعے میں صرف ایک ہی ملزم سنجے رائے ملوث تھا جو اس وقت قانون نافذ کرنے والے اداروں کی حراست میں ہے،

ڈیٹنگ ایپس،ہم جنس پرستوں کے لئے بڑا خطرہ بن گئیں

دوہرا معیار،موبائل میں فحش ویڈیو ،اور زیادتی کے مجرموں کو سزا کا مطالبہ

بھارت میں خاتون ڈاکٹر زیادتی و قتل کیس،سپریم کورٹ نے سوال اٹھا دیئے

بھارت،موٹرسائیکل پر لفٹ مانگنے والی کالج طالبہ کی عزت لوٹ لی گئی

بیٹی کی لاش کی کس حال میں تھی،خاتون ڈاکٹر کے والد نے آنکھوں دیکھا منظر بتایا

ٹرینی خاتون ڈاکٹر کی دل دہلا دینے والی پوسٹ مارٹم رپورٹ،شرمگاہ پر بھی آئی چوٹیں

مودی کا بھارت”ریپستان” ڈاکٹر کے ریپ کے بعد آج بھارت میں ملک گیر ہڑتال

بھارت ،ڈاکٹر کی نرس کے ساتھ زیادتی،دوسری نرس ،وارڈ بوائے نے کی مدد

ڈاکٹر کو زیادتی کا نشانہ بنانے سے قبل ملزم نے شراب پی، فحش ویڈیو دیکھیں

شادی شدہ خاتون کی عصمت دری اور تشدد کے الزام میں ایف آئی آر درج

لاوارث لاشوں کی فروخت،سابق آر جی کار پرنسپل سندیپ گرفتار

غزہ: جبالیا میں اسرائیلی بمباری کے نتیجے میں غزہ شہری دفاع کے ڈپٹی ڈائریکٹر محمد عبدالحیی مرسی اہل خانہ سمیت شہید ہو گئے۔

باغی ٹی وی: شہری دفاع کے ترجمان نے اسرائیلی حملے میں ڈپٹی ڈائریکٹر کی شہادت کی تصدیق کرتے ہوئے کہا کہ ان کے گھر کو ہدف بنا کر حملہ کیا گیا تھا جس کے نتیجے میں ان کے اہل خانہ بھی شہید ہو گئے۔

رپورٹس کے مطابق صیہونی افواج کے حملوں میں اب تک شہری دفاع کے 83 اہلکار شہید اور 200 سے زائد زخمی ہو چکے ہیں فلسطینی وزارت صحت کے مطابق اسرائیلی حملوں میں گزشتہ 24 گھنٹوں کے دوران 33 فلسطینی شہید ہو چکے ہیں جبکہ جنوبی لبنان میں بھی 3 ایمرجنسی اہلکار شہید ہو چکے ہیں۔

دوسری جانب فلسطینی مزاحمتی تنظیم حماس کی قید میں موجود اسرائیلی یرغمالیوں کی واپسی کے لیے اسرائیل میں اب تک کا سب سے بڑا مظاہرہ ہوا،اسرائیلی دارالحکومت تل ابیب میں یرغمالیوں کے اہل خانہ سمیت لاکھوں مظاہرین سڑکوں پر نکل آئے،یرغمالیوں کے اہل خانہ نے اسرائیلی وزیر اعظم نیتن یاہو سے حماس کے ساتھ جنگ ​​بندی کا مطالبہ دُہرایا۔

مظاہرین نے نیتن یاہو پر تنقید کرتے ہوئے کہا کہ اپنی کرسی بچانے کے لیے یرغمالیوں کی جانیں داؤ پر لگائی جارہی ہیں۔

دوسری جانب امریکا کی جانب سے اسرائیل اور حماس کے درمیان جنگ بندی کی نئی تجویز کو حتمی شکل دینے کی کوششیں جاری ہیں، تاہم حکام کو ان تجاویز کی منظوری کی زیادہ امید نہیں ہے اور ابھی اس بارے میں فیصلہ نہیں کیا گیا کہ انہیں کب منظر عام پر لایا جائے گا۔