میٹا کی زیر ملکیت میسجنگ ایپلیکیشن واٹس ایپ نے ایک ایسے فیچر پر کام شروع کیا ہے جس سے انٹرنیٹ کے بغیر بھی فائل شیئر کی جا سکیں گی، یہ فیچر تصاویر، ویڈیوز اور دیگر دستاویزات کو شیئر کرنے کا طریقہ بدل کر رکھ دے گا۔
باغی ٹی وی: واٹس ایپ کی اپ ڈیٹس پر نظر رکھنے والی ویب سائٹWABetaInfo کی رپورٹ کے مطابق واٹس ایپ کے اس نئے فیچر کے ذریعے قریب موجود افراد سے فائلز شیئر کرنا بہت آسان ہو جائے گا،اگر آپ اینڈرائیڈ فونز میں نیئر بائی شیئر نامی فیچر استعمال کر چکے ہیں تو واٹس ایپ کا یہ نیا فیچر ضرور پسند آئے گا۔
یہ نیا فائل شیئرنگ فیچر اس وقت اینڈرائیڈ ڈیوائسز کے لیے واٹس ایپ کے بیٹا (beta) ورژن میں دستیاب ہےاس فیچر کے بارے میں پہلی بار جنوری 2024 میں بتایا گیا تھا مگر اب مزید تفصیلات سامنے آئی ہیں یہ فیچر اسی وقت کام کرے گا جب دیگر افراد کی جانب سے شیئر کی درخواست کو منظوری دی جائے گی،اس فیچر کے تحت صرف ان افراد سے فائلز شیئر کرنا ممکن ہوگی جو صارف کی کانٹیکٹ لسٹ میں موجود ہوں گے۔
رپورٹ میں بتایا گیا ہے کہ ہر طرح کی فائلز کو انٹرنیٹ کنکشن کے بغیر شیئر کرنا ممکن ہوگا تمام شیئر فائلز کو انکرپشن کا تحفظ حاصل ہوگا تاکہ کسی تیسرے کی ان تک رسائی نہ ہوسکے یہ نیا فیچر عوامی مقامات پر کسی فرد کے ساتھ فوٹوز یا ویڈیوز شیئرنگ کے لیے کارآمد ثابت ہوگاابھی اس فیچر کی آزمائش بیٹا ورژن میں ہو رہی ہے تو ابھی یہ کہنا قبل از وقت ہے کہ کب تک اسے تمام افراد کے لیے متعارف کرایا جائے گا۔
