Category: بین الاقوامی

واشنگٹن: امریکا میں نوعمر آبادی میں خودکشی کی شرح 20 سالوں میں خطرناک حد تک بڑھ گئی ہے۔

باغی ٹی وی : میڈیا رپورٹس کے مطابق ’جاما نیٹ ورک اوپن‘ میں شائع ہونے والے ایک نئے مطالعے نے ظاہر کیا ہے کہ دو دہائیوں کے دوران 10 سے 19 سال کی عمر کے 47,000 امریکیوں نے خودکشی کی اور ہر سال اس میں تیزی سے اضافہ دیکھنے میں آرہا ہے، لڑکیوں اور لڑکوں میں خودکشی کے واقعات میں خاطرخواہ اضافہ ہوا ہے۔

امریکی نیشنل انسٹی ٹیوٹ برائے اقلیتی صحت اور تفاوت کے پروفیسر کیمرون اورمسٹن نے بتایا کہ نوعمر آبادی میں خودکشی کا رجحان امریکا کے تمام خطوں میں ہی دیکھا گیا ہے، نسل، جنس اور طریقہِ خودکشی کے لحاظ سے بھی پریشان کن رجحانات سامنے آئے ہیں مثال کے طور پر منشیات کی وجہ سے ہونے والی اموات میں نوعمر لڑکوں میں سالانہ 2.7 فیصد اضافہ ہوا ہے جبکہ لڑکیوں میں 4.5 فیصد اضافہ ہوا ہے،جبکہ بندوق کے استعمال سے خودکشی کرنے والے لڑکوں میں سالانہ 5.3 فیصد اضافہ دیکھنے میں آیا اور اس میں بھی تیزی سے اضافہ جاری ہے۔ جبکہ لڑکیوں میں بندوق کے ذریعے خودکشی میں سالانہ 7.8 فیصد اضافہ ہوا ہے۔

استنبول کے نائٹ کل میں آتشزدگی،29 افراد ہلاک ،متعدد زخمی

’گمراہ کن‘ اشتہارات بند نہ کیے تو سخت کارروائی ہو گی،بھارتی سپریم کورٹ …

برڈ فلو کا وائرس انسان میں منتقل ہونے کا دوسر ا کیس سامنے آگیا

بیجنگ: چینی صدر شی جن پنگ سے امریکی صدر جوبائیڈن نے ٹیلیفونک رابطہ کیا-

باغی ٹی وی : چینی میڈیا کے مطابق ٹیلیفونک رابطے میں دونوں رہنماؤں کے مابین سائبر سکیورٹی خدشات، یوکرین اور معاشی روابط سے متعلق بات چیت ہوئی، دونوں صدور نے آرٹی فیشل انٹیلی جنس، موسمیاتی تبدیلیوں اور انسداد منشیات سےمتعلق تعاون پر بھی اتفاق کیا۔

چینی صدر شی جن پنگ نے صدر جوبائیڈن کو آگاہ کیا کہ تائیوان کا معاملہ چین کیلئے ریڈ لائن ہے جو دونوں ممالک کے تعلقات میں کراس نہیں ہونا چاہئے، اگر امریکہ نے چینی ٹیکنالوجی کی ترقی روکنے کی کوشش کی تو چین خاموش نہیں بیٹھے گا، انہوں نے کہا کہ دونوں ممالک کیلئے ضروری ہے کہ ایک دوسرے کا احترام اور برابری کی سطح پر تعاون کیا جائے۔

استنبول کے نائٹ کل میں آتشزدگی،29 افراد ہلاک ،متعدد زخمی

کوہاٹ بلاک میں تیل و گیس کے نئے ذخائر دریافت

برڈ فلو کا وائرس انسان میں منتقل ہونے کا دوسر ا کیس سامنے آگیا

نئی دہلی: بھارتی سپریم کورٹ نے یوگا گُرو کہلائے جانے والے بابا رام دیو اور ان کی کمپنی کو وارننگ دی ہے کہ اگر ’گمراہ کن‘ اشتہارات بند نہ کیے گئے تو ان کے خلاف سخت کارروائی ہو گی۔

باغی ٹی وی : بھارتی میڈیا کے مطابق عدالت نے بابا رام دیو اور ان کی کمپنی کی جانب سے اشتہار بند نہ کرنے پر توہین عدالت کیس کی سماعت کی،عدالت میں سماعت کے دوران بابا رام دیو اور ان کے شریک بانی اچاریہ بال کرشن عدالت میں موجود تھے جب ان کی کمپنی ‘پتنجلی آیوروید‘ کے خلاف وارننگ جاری کی گئی۔

انڈین میڈیکل ایسوسی ایشن نے الزام لگایا تھا کہ بابا رام دیو کی کمپنی روایتی ادویات کی حوصلہ افزائی کرتی ہے اور اشتہارات کا سلسلہ جاری رکھے ہوئے ہے کہ اس کی ادویات بلڈ پریشر اور دمے کے امراض کا ’مستقل حل‘ پیش کرتی ہیں گزشتہ برس عدالت کو یہ اشتہارات بند کرنے کی یقین دہانی کروائی گئی تھی لیکن اس کے باوجود اشتہارات چلائے جا رہے ہیں۔

"اے او او اے” کا خط گمراہ کن اور سراسر جھوٹ پر مبنی ہے،سی …

عدالت نے کہا کہ وہ کمپنی کی طرف سے پیش کی جانے والی معذرت سے مطمئن نہیں ہے اور تفصیل میں بتایا جائے کہ اشتہارات بند کیوں نہیں کیے گئے، جسٹس ہیما کوہلی نے رام دیو اور ان کے وکلا سے کہا کہ اس توہین کو سنجیدگی سے لیں اور نتائج کے لیے تیار رہیں۔

اگرچہ ججز نے یہ نہیں کہا کہ توہین عدالت پر کیا کارروائی کی جائے گی لیکن بھارتی قانون کے مطابق اس کی سزا چھ ماہ قید اور جرمانہ ہے،دوسری جانب پتنجلی کمپنی کے ایک ترجمان نے کہا ہے کہ عدالتی حکم پر عمل کیا جائے گا۔

20 دن پہلے تک جیل کے قیدی نے سینیگال کی صدارت کا حلف اٹھا لیا

8 ججز کو پاؤڈر والے دھمکی آمیز خط،شیر افضل مروت نے الزام ن لیگ پر …

استنبول: ترکیہ کے شہر استنبول کے نائٹ کلب میں آگ لگنے سے 29 افراد ہلاک اور 8 افراد زخمی ہوگئے۔

باغی ٹی وی : غیر ملکی میڈیاکے مطابق استنبول کے گورنر کے دفتر نے بتایا کہ استنبول میں نائٹ کلب 16 منزلہ رہائشی عمارت کے گراؤنڈ فلور پر بنایا گیا تھا، آگ دن میں مرمتی کام کے دوران لگی جس نے 16 منزلہ عمارت کو دیکھتے ہی دیکھتے لپیٹ میں لے لیا، کلب کے اندر موجود افراد پھنس گئے جن میں سے 29 بری طرح جھلس کر دم توڑ گئے ، واقعہ میں مزید 8 افراد زخمی ہوئے جن میں سے 7 کی حالت تشویشناک ہے،آتشزدگی کے سبب کلب کی 2 منزلیں جل کر خاکستر ہو گئیں، آگ کے نتیجے میں متاثر ہونے والے تمام افراد کنسٹرکشن ورکرز ہیں،آگ بجھا دی گئی ہے، واقعہ کی وجوہات جاننے کے لیے تحقیقات جاری ہیں۔

ترکیہ کے وزیر انصاف سوشل میڈیا پر بیان جاری کرتے ہوئے بتایا کہ 5 افراد کے وارنٹ گرفتاری جاری کیے گئے ہیں، جن میں3 افراد وہ ہیں جو نائٹ کلب کا انتظام سنبھالتے ہیں۔

اسلام آباد ہائیکورٹ کے ججز کو دھمکی آمیز خطوط بھیجنے کا مقدمہ درج

بشری بی بی واحد قیدی ہیں جو اپنے ہی بیڈ روم میں من گھڑت کہانیاں …

کولیگ نے میٹرنٹی لیو پر جانے والی ساتھی حاملہ خاتون کے پانی میں زہر ملا …

بیجنگ: چین میں خاتون نے دفتر میں کام کے دباؤ سے بچنے کیلئے میٹرنٹی لیو پر جانے والی ساتھی حاملہ خاتون کے پانی میں زہر ملا دیا۔

باغی ٹی وی : عالمی میڈیا کے مطابق چینی خاتون نے ساتھ کام کرنےوالی ایک حاملہ کولیگ کے پانی میں زہر ملا کر اس کا حمل ختم کرنے کی کوشش کی تاکہ وہ چھٹیوں پر نہ جا سکے اور وہ دفتری کام کا بوجھ اکیلے برداشت نہ کرے،دونوں خواتین صوبہ ہوبائی میں ایک سرکاری ادارے میں کام کرتی ہیں۔

رپورٹ کے مطابق سارا معاملہ اس وقت سامنے آیا جب متاثرہ خاتون نے محسوس کیا کہ ان کا پینے کا پانی عجیب غریب ذائقہ رکھتا ہے، انہوں نے دوسرے ساتھیوں سے اس بات تذکرہ کیا جس پر کولیگ نے مذاقاً کہا کہ شاید دفتر میں کوئی اسے زہر دینے کی کوشش کر رہا ہے جس کو خا تون نے سیریس لیا معاملے کی تہہ تک پہنچے کا فیصلہ کرلیا۔

اس کے لئے خا تون نے اپنے ٹیبلٹ کا استعمال کیا اور اپنی میز اور اس کے قریب آنے والے ہر شخص کی ویڈیو ریکارڈ کی، آخر کار انہوں نے اپنی ایک ساتھی کو اس حرکت میں پکڑ لیا جب وہ پانی کی بوتل میں پاؤڈر جیسا مادہ ڈال کررہی تھی، متاثرہ خاتون نے فوری طور پر پولیس کو اطلاع کی جس کے بعد خاتون کو حراست میں لے کر تفتیش کا آغاز کردیا گیا ۔

اوسلو:عراقی نژاد ملعون سلوان صباح مومیکا مبینہ طور پر ناروے میں مردہ حالت میں پایا گیا-

باغی ٹی وی : عالمی میڈیا کے مطابق سویڈن کے دارالحکومت سٹاک ہوم میں قرآن کی بے حرمتی کرکے شہرت حاصل کرنے والا 37 سالہ ملعون سلوان مومیکا حال ہی میں سویڈن سے ناروے منتقل ہوا تھاسماجی رابطے کی ویب سائٹ ایکس پر 27 مارچ کو پوسٹ شیئر کرتے ہوئے ملعون نے صارفین کو آگاہ کیا تھا کہ وہ ناروے حکام کی حفاظت میں سویڈن سے ناروے منتقل ہو رہا ہے۔

ملعون سلوان مومیکا نے اپنی پوسٹ میں منتقلی کی وجہ بیان کرتے ہوئے مزید لکھا تھا کہ میں نے ناروے میں پناہ اور بین الاقوامی تحفظ کے لئے درخواست دی ہے کیونکہ سویڈن فلسفیوں اور مفکرین کے لئے نہیں بلکہ صرف دہشت گردوں کے لئے پناہ قبول کرتا ہے،میں اسلام کے خلاف اپنی جدوجہد جاری رکھوں گا، میں نے اس کی قیمت ادا کی ہے اور آگے بھی ادا کرتا رہوں گا اور میں اس کے لئے تیار ہوں، چاہے مجھے کوئی بھی قیمت ادا کرنا پڑے-

بین اسٹوکس کا ٹی 20 ورلڈ کپ کھیلنے سے انکار ،ای سی بی نے …

واضح رہے کہ قرآن پاک کی متعدد بار بے حرمتی کرنے والا سلوان مومیکا عراق کے صوبے موصل کے ضلع الحمدانیہ سے تعلق رکھتا تھا،سلوان صباح مومیکا عیسائی تھا جو بعدازاں ملحد ہو گیا تھا اور اپنا تعارف ’ایک لبرل ملحد نقاد اور مفکر‘ کے طور پر کرواتا تھا ،سلوان نے سویڈن میں پناہ حاصل کرنے سے قبل عراقی شہر نینوا میں ملیشیا کی سربراہی بھی کی، وہ دھوکا دہی سمیت متعدد کیسز میں عراق کو مطلوب تھا-

02 اپریل تاریخ کے آئینے میں

سلوان کئی سال قبل سویڈن فرار ہو گیا تھا اوراس کی حوالگی کے لیے عراقی حکومت کی جانب سے باقاعدہ طور پر سویڈش حکومت سے درخواست بھی کی گئی تھی تاہم سویڈن نے سلوان کو عراق کے حوالے نہیں کیا تھا مگر گزشتہ برس کے اختتام پر خبر سامنے آئی تھی کہ سویڈن نے سلوان کا مستقل رہائشی اجازت نامہ منسوخ کر دیا ہے جس کے بعد اب وہ حال ہی میں ناروے منتقل ہوگیا تھا۔

وائٹ ہاؤس میں سالانہ افطار پارٹی، مسلمان شخصیات کا احتجاجاً بائیکاٹ