Category: بین الاقوامی

غزہ کی پٹی میں وزارت صحت نےاتوار کو کہا کہ 7 اکتوبر سے غزہ کی پٹی پر جاری اسرائیلی حملوں میں مرنے والوں کی تعداد 22,835 ہو گئی ہے اور 58,416 زخمی ہیں۔

باغی ٹی وی: وزارت صحت نے ایک مختصر بیان میں کہا کہ اسرائیل نے غزہ کی پٹی میں خاندانوں کے خلاف”قتل عام” کا ارتکاب کیا، جس میں گذشتہ 24 گھنٹوں کے دوران 113 افراد ہلاک اور 250 زخمی ہوئے۔

دوسری جانب عرب میڈیا کے مطابق اسرائیلی فوج نے شمالی غزہ میں فلسطین کی مزاحمتی تنظیم حماس کا فوجی نیٹ ورک مکمل تباہ کرنے کا دعویٰ کر دیا اور ساتھ ہی شمالی غزہ میں بڑی جنگی کارروائیاں روکنے کا اشارہ دے دیا، اسرائیلی فوج کے ترجمان نے کہا کہ اسرا ئیلی فورسز نے تقریباً 8 ہزار جنگجوؤں کو ہلاک کرنے کے بعد اب شمالی غزہ میں حماس کے ملٹری فریم ورک کو مکمل طور پر ختم کر دیا ہے جس کے بعد بڑی جنگی کارروائیاں ختم ہوسکتی ہیں۔

اسرائیل حزب اللہ کے ساتھ جنگ جیتنے میں کامیاب نہیں ہو گا،امریکی انٹیلیجنس

اسرائیل کی جانب سے خان یونس میں گھر پر تازہ حملے میں 12بچوں سمیت 17 فلسطینی شہیدہوئے جبکہ رفح کے شمال میں گھر پر اسرائیلی بمباری میں متعدد بچے زخمی ہوگئےغزہ میں اسرائیلی بمباری میں فلسطینی اولمپک فٹ بال ٹیم کے کوچ بھی شہید ہوگئے۔فلسطینی فٹ بال ایسوسی ایشن نے ہانی المصدر کی موت کو بڑا نقصان قرار دیا،7 اکتوبر سے اب تک 67 فٹبالرز سمیت 88 کھلاڑیوں کے علاوہ 24 منتظمین مارے جاچکے ہیں۔

اس سے قبل غزہ میں شہری دفاع نے کہا تھا کہ 7 اکتوبر سے پٹی پر اسرائیلی بمباری کے نتیجے میں 8000 سے زائد لاپتہ افراد ملبے تلے دبے ہوئے ہیں، گذشتہ سات اکتوبرسے غزہ کی پٹی پر اسرائیلی بمباری کے نتیجے میں 22,600 سے زیادہ اموات اور 57,000 سے زیادہ زخمی ہوئے۔

اسرائیلی حملے میں الجزیرہ کے بیورو چیف کا بڑا بیٹا بھی شہید

انہوں نے مزید کہا کہ اسرائیلی بمباری کے آغاز سے اب تک سول ڈیفنس کے عملے کے 43 ارکان ہلاک اور 180 سے زائد زخمی ہوچکے ہیں،انہوں نے کہا کہ غزہ کی پٹی میں سول ڈیفنس کے 18 مراکز میں سے دس مراکز کو تباہ کر دیا گیا اور اسرائیلی فوج نے جان بوجھ کر پٹی میں پورے انفراسٹرکچر کو تباہ کر دیا،ہ اسی عرصے میں سول ڈیفنس کے 5 ارکان کو گرفتار کیا گیا اور ان کے بارے میں ابھی تک کوئی اطلاع نہیں ہے۔

انہوں نے عالمی برادری، اقوام متحدہ اور انسانی حقوق کی تنظیموں سے مطالبہ کیا کہ وہ "غزہ کی پٹی پر مسلط کی جانے والی خون ریز جنگ کو روکنے کے لیے فوری اورموثر کارروائی کریں اور شہری دفاع کے باقی ماندہ عملے کے تحفظ کے لیے فوری مداخلت کریں-

اسرائیلی فورسز کی بمباری کے بعد غزہ ’ناقابلِ رہائش‘ ہو چکا ہے،اقوام متحدہ

ڈھاکا: بنگلا دیشی کرکٹ ٹیم کے سابق کپتان شکیب الحسن اتوار کو ہونے والے پارلیمانی انتخابات جیت کر رکن پارلیمنٹ منتخب ہوگئے۔

باغی ٹی وی: 36 سالہ شکیب الحسن نے مغربی قصبے میں واقع ماگورا حلقے میں اپنے حریف کو ایک لاکھ 50 ہزار سے زیادہ ووٹوں کے بڑے فرق سے شکست دی ہے، ضلع کے چیف ایڈمنسٹریٹر ابو ناصر بیگ نے اس کی تصدیق کردی،شکیب الحسن نے وزیراعظم شیخ حسینہ واجد کی حکمران جماعت عوامی لیگ کے ٹکٹ پر الیکشن میں حصہ لیا تھا،جبکہ حسینہ واجد نے بھی اپنے آبائی حلقے سے 8ویں مرتبہ کامیابی حاصل کرلی ہے۔

واضح رہے کہ الیکشن سے پہلے شکیب الحسن نے الیکشن میں حصہ لینے پر فکر مندی ظاہر کرتے ہوئے کہا تھا کہ وہ کرکٹ اور سیاست میں متوازن کردار ادا کرسکتے ہیں شکیب الحسن نے تاحال کرکٹ سے ریٹائرمنٹ نہیں لی ہےشکیب الحسن بیک وقت تینوں کرکٹ فارمیٹس میں آئی سی سی نمبر ون آل راؤنڈر رینکنگ رکھنے والے واحد کرکٹر ہیں۔

پاک اور سعودیہ نے حج 2024 کے معاہدے پر دستخط کر دئیے

دوسری جانب بنگلادیش کے عام انتخابات میں حکمران اتحاد نے پارلیمان کی 60 فیصد نشستوں پر برتری حاصل کرلی ہے۔بنگلادیش میں ہونے والے عام انتخابات کیلئے پولنگ کا وقت مکمل ہونے کے بعد ووٹوں کی گنتی کا عمل جاری ہےالیکشن کمیشن کے مطابق ووٹرز ٹرن آؤٹ 40 فیصد رہا، 2018 کے الیکشن میں ووٹرز ٹرن آؤٹ 80 فیصد سے زیادہ رہا تھا۔

بنگلا دیشی میڈیا کے مطابق غیر سرکاری طور پر پارلیمنٹ کی 300 میں سے 225 نشستوں کے نتائج آگئے ہیں جس میں وزیراعظم شیخ حسینہ واجد کی جماعت عوامی لیگ کو برتری حاصل ہے، غیر سرکاری اور حتمی نتائج کے مطابق حکمران اتحاد نے پارلیمان کی 60 فیصد نشستوں پر فتح حاصل کرلی ہے۔حکمران جماعت عوامی لیگ نے 172 نشستوں پر کامیابی حاصل کرلی ، پارلیمنٹ کی باقی نشستوں پر ووٹوں کی گنتی جاری ہے۔

پاکستان میں ذیابیطس ٹائپ 1 میں مبتلا بچوں کی تعداد میں اضافہ

کراچی کا مستقبل جماعت اسلامی سے وابستہ ہے،حافظ نعیم

عمان: مشرق وسطیٰ کے دورے پر امریکی وزیر خارجہ انٹونی بلنکن نے اردن کے فرمانروا شاہ عبداللہ دوم سے ملاقات کی۔

باغی ٹی وی: عرب میڈیا کے مطابق اس اہم ملاقات میں غزہ میں جنگ بندی کے امکانات اور مستقل امن کے لیے اقدامات پر تبادلہ خیال کیا گیا اور جلد از جلد اس مسئلے کے حل پر زور دیا گیا،اردن کے فرمانروا شاہ عبداللہ نے ملاقات میں اپنے مؤقف کو دہرایا کہ فلسطین کا پائیدار حل دو آزاد ریاستوں کے قیام سے مشروط ہے جس کے لیے عالمی قوتوں کو اپنا کردار ادا کرنا ہوگا،غزہ سے فلسطینیوں کی جبری بے دخلی بین الاقوامی قوانین کی صریح خلاف ورزی ہے، اسرائیل کو روکا جائے اور انسانی امدادی سامان کی ترسیل کو تیز تر کیا جائے۔

جس پر امریکی وزیر خارجہ انٹونی بلنکن نے رفح کراسنگ کے ذریعے غزہ میں انسانی ہمدردی کے تحت امدادی سامان کی زیادہ سے زیادہ ترسیل کی ضرورت پر اتفاق کرتے ہوئے یقین دہانی کرائی کہ وہ اس معاملے پر اسرائیل سے بات کریں گے۔

واضح رہے کہ امریکی وزیر خارجہ اپنے دورے میں تمام فریقین سے ملاقات کریں گے اور غزہ میں جنگ بندی کے لیے کسی نئے معاہدے پر اتفاق کا امکان بھی ہے۔

نئی دہلی: بھارت سے تعلق رکھنے والی گلوکارہ نے بیک وقت 140 زبانوں میں پرفارم کرکے گنیز ورلڈ ریکارڈز کی کتاب میں اپنا نام درج کروالیا۔

باغی ٹی وی: بھارتی میڈیا کے مطابق سچیتا ستیش نے نومبر میں دبئی میں موسمیاتی تبدیلی کے حوالے سے ہونے والے کانسرٹ میں 9 گھنٹوں میں 140 زبانوں میں پرفارم کرکے سب کو حیران کر دیا،سچیتا ستیش نے انسٹاگرام پر اپنی پوسٹ کے ذریعے بتایا کہ مجھے بہت خوشی ہو رہی ہے کہ خدا کے فضل سے میں نے 24 نومبر کو موسمیاتی تبدیلی کے لحاظ سے اپنے کنسرٹ کے دوران 9 گھنٹوں میں 140 زبانوں میں گا کر نیا گنیز ورلڈ ریکارڈ قائم کیا ہے۔

گنیز ورلڈ ریکارڈز کے حکام نے بھی سچیتا ستیش کے ریکارڈ کی تصدیق کردی ہے ، گنیز ورلڈ ریکارڈزکے مطابق سچیتا نے دبئی میں بھارتی قونصلیٹ آڈیٹوریم میں موسمیاتی تبدیلی کے بارے میں بیداری پیدا کرنے کے لیے 140 زبانوں میں پرفارم کر کے ریکارڈ اپنے نام کیا،140 زبانوں کا انتخاب ان 140 ممالک کی نمائندگی کے لیے کیا گیا جنہوں نے دبئی میں موسمیاتی تبدیلی کے COP 28 سربراہی اجلاس میں شرکت کی۔

اسرائیل حزب اللہ کے ساتھ جنگ جیتنے میں کامیاب نہیں ہو گا،امریکی انٹیلیجنس

پی ٹی آئی حکومت نے میرے کیس سے فائدہ اٹھا کر اپنے نیب کیسز ختم …

مجلس وحدت المسلمین کے رہنما آئی پی پی میں شامل

واشنگٹن: امریکی (یو-ایس) ڈیفنس انٹیلی جنس کے حوالے سے رپورٹ میں انکشاف کیا گیا ہے کہ اسرائیل ممکنہ طور پر حزب اللہ کے ساتھ جنگ جیتنے میں کامیاب نہیں ہو گا۔

باغی ٹی وی: امریکی اخبار کی رپورٹ کے مطابق امریکی ڈیفنس انٹیلی جنس نے اسرائیل کو خبردار کیا ہے کہ اسرائیل کو حزب اللہ سے جنگ میں ناکامی کا خطرہ ہے، غزہ میں فوجی کارروائیوں کی وجہ سے اسرائیل کی فوجی صلاحیت کم ہو جائے گی امریکی عہدیداروں نے اسرائیلی رہنماؤں کو حزب اللہ سے براہ راست تنازع سے متعلق خدشات ظاہر کر دیئے، اسرائیلی فوج نے تازہ کارروائیوں میں 30 سے زائد مرتبہ لبنانی مسلح افواج کو نشانہ بنایا ہے، امریکی حکام کو تشویش ہے کہ اسرائیلی وزیراعظم نیتن یاہو اپنی سیاسی بقا کی خاطر لبنان تک جنگ بڑھا سکتے ہیں۔

یورپی یونین کی خارجہ پالیسی کے اعلی نمائندے برائے خارجہ امور اور سلامتی پالیسی جوزپ بوریل نے علاقے میں ایسے تصادم سے خبر دار کیا ہے جس میں لبنان کو ملوث ہونا پڑ جائےجیسا کہ پچھلے کئی ماہ سے اسرائیل اور لبنان کے درمیان سرحد پر حماس کی اتحادی حزب اللہ کے ساتھ تصادم سنگین ہوتا چلا جا رہا ہے،جوزپ بوریل نے لبنان میں اپنے ہم منصب سے بات کرتے ہوئے کہا ‘اس سے بچنا انتہائی ضروری ہے، تاکہ مشرق وسطیٰ کو جنگ سے محفوظ رکھا جا سکے وہ ان دنوں خطے کی کشیدہ صورت حال کے پیش نظر لبنان کے دورے پر ہیں، ان کے اس اہم دورے کے بعد امریکی وزیر خارجہ انٹونی بلنکن بھی اسرائیل اور مشرق وسطیٰ کے تفصیلی دورے پر آنے کا ارادہ رکھتے ہیں۔

غزہ: اتوار کے روز غزہ کی پٹی پر ہونے والی اسرائیلی بمباری کے نتیجے میں حمزہ وائل الدحدوح اور مصطفیٰ ثریا نام کے دو مزید صحافی شہید ہو گئے ہیں۔

باغی ٹی وی: جنوبی غزہ کے علاقے خان یونس میں اسرائیل کی جانب سے بدترین جارحیت جاری ہے جہاں فضائی حملوں میں معصوم فلسطینیوں سمیت قطری میڈیا الجزیرہ غزہ کے بیوروچیف وائل الدحدوح کا بیٹا صحافی حمزہ الدحدوح بھی شہید ہوگیا۔

رپورٹ میں بتایا گیا ہے کہ مصطفیٰ ثریا ‘اے ایف پی’ کے لیے ویڈیو سٹرینگر کی حیثیت سے اور حمزہ الدحدوح الجزیرہ کے ساتھ کام کرتے تھے دونوں صحافی گاڑی میں سفر کر رہے تھے اس دوران حملے کا نشانہ بنے، اسرائیل نے پچھلے تین ماہ کے دوران 79 صحافیوں کو ہلاک کیا ہے، زیادہ تر صحافی اسرائیلی بمباری اور گولہ باری کے نتیجے میں ہلاک ہوئے ہیں-

اسرائیلی فورسز کی بمباری کے بعد غزہ ’ناقابلِ رہائش‘ ہو چکا ہے،اقوام متحدہ

حمزہ کے والد الدحدوح بھی حال ہی میں ایک ایسی ہی بمباری کے نتیجے میں زخمی ہوئے تھے تاہم ان کی جان بچ گئی اس سے قبل حمزہ الدحدوح کے خاندان کے تین افراد ایک اور بمباری کی نتیجے میں شہید ہوگئے تھے،ان میں حمزہ کی والدہ اور دو چھوٹے بھائی تھے اس طرح اس صحافی خاندان کے کل چار افراد اسرائیلی بمباری کا نشانہ بن چکے ہیں جبکہ دیگر کئی صحافیوں کے خاندان بھی اسرائیلی بمباری کا نشانہ بنائے گئے ہیں۔

اسرائیلی مظالم پر صدر جوبائیڈن کی خاموشی،سینئیر رہنما عہدے سے احتجاجاً مستعفیٰ

واضح رہے کہ 7 اکتوبر سے اب تک اسرائیلی حملوں میں شہید فلسطینیوں کی تعداد 22 ہزار 925 سے متجاوز ہو چکی ہے جبکہ 57 ہزار 910 سے زائد افراد زخمی ہو چکے ہیں، فلسطینی وزارت صحت کے مطابق شہید فلسطینیوں میں 9 ہزار 600 سے زائد بچے اور 6 ہزار 750 سے زائد خواتین شامل ہیں جبکہ زخمیوں میں بھی 8 ہزار 663 بچے اور 6 ہزار 327 سے زائد خواتین شامل ہیں۔

امریکہ کی 9 ریاستوں میں بم کی اطلاعات، سرکاری عمارتوں کو خالی کروا لیا گیا

ڈھاکا: بنگلادیش میں عام انتخابات کیلئے پولنگ کا وقت مکمل ،ووٹوں کی گنتی کا عمل جاری ہے۔

باغی ٹی وی: بنگلا دیشی میڈیا کے مطابق وزیراعظم شیخ حسینہ واجد نے ڈھاکا میں اپنا ووٹ کاسٹ کیا اس موقع پر شیخ حسینہ کا کہنا تھا کہ انتخابات کا بائیکاٹ کرنے والی مرکزی جماعت ایک "دہشت گرد تنظیم” ہے، اس بات کو یقینی بنانے کی کوشش کر رہے ہیں کہ ملک جمہوری رہے بنگلا دیش ایک خودمختار ملک ہے، لوگ میری طاقت ہیں اور ہماری جماعت عوا می مینڈیٹ حاصل کرے گی۔

دوسری جانب بنگلادیش نیشنل پارٹی (بی این پی ) سمیت اپوزیشن کی بڑی جماعتوں نے شیخ حسینہ واجد کی نگرانی میں ہونے والے الیکشن کو غیرمنصفانہ قرار دے کر عام انتخابات کا بائیکاٹ کر رکھا ہے بی این پی نے کل سے ملک بھر میں 2 روز کی ہڑتال کی کال بھی دے رکھی ہے جبکہ الیکشن سے پہلے پُرتشدد واقعات بھی سامنے آئے اور اس دوران 5 اسکولوں اور 4 پولنگ بوتھز کو جلا دیاگیا چٹاگانگ میں پولیس اور اپوزیشن ارکان کے درمیان جھڑپیں بھی دیکھنے میں آئیں، اپوزیشن کارکنان نے ٹائر جلا کرسڑک بلاک کر رکھی تھی، اپوزیشن کو منتشر کرنے کیلئے پولیس کی جانب سے شاٹ گن سے فائرنگ کی گئی۔

لاہور پر قبضہ جمانے والوں کو انکے گھر میں ہی شکست دینگے،بلاول بھٹو

بنگلہ دیش میں عام انتخابات سے ایک روز قبل فساد ،کئی پولنگ بوتھ اور ٹرین …

ڈرامہ "ہمسفر” میں پیسوں کی خاطر کام کیا،فواد خان

جنیوا: اقوام متحدہ کے انسانی ہمدردی کے امور کے سربراہ مارٹن گریفتس نے جمعے کو کہا ہے کہ اسرائیلی فورسز کی جانب سے مسلسل بمباری کے بعد غزہ ’ناقابلِ رہائش‘ ہو چکا ہے۔

باغی ٹی وی: فرانسیسی خبر رساں ایجنسی اے ایف پی کے مطابق گریفتس نے ایک بیان میں کہا کہ سات اکتوبر 2023 سے جاری خوفناک حملوں کے تین ماہ بعد، غزہ موت اور مایوسی کی جگہ بن گیا ہے غزہ ناقابل رہائش ہو گیا ہے اس کے لوگوں کے وجود کو روزانہ خطرات کا سامنا ہے جبکہ دنیا صرف دیکھ رہی ہے انسانی برادری کو 20 لاکھ سے زیادہ لوگوں کی مدد کا ناممکن مشن درپیش ہے، ہم مسلسل جنگ کے فوری خاتمے کا مطالبہ کر رہے ہیں، نہ صرف غزہ کے لوگوں اور خطرے سے دوچار اس کے پڑوسیوں کے لیے، بلکہ آنے والی نسلوں کے لیے جو ان 90 دنوں کے جہنم اور انسانیت کے بنیادی اصولوں پر ہونے والے حملوں کو کبھی نہیں بھولیں گے، یہ جنگ کبھی شروع نہیں ہونی چاہیے تھی، لیکن اس کے ختم ہونے میں بہت وقت گزر چکا ہے۔

روس کا یوکرین میں میزائل حملہ، 11 افراد ہلاک

واضح رہے کہ غزہ کی وزارت صحت کے مطابق غزہ پر اسرائیلی جارحیت کے نتیجے میں کم از کم 22 ہزار 600 فلسطینی جان سے جا چکے ہیں جن میں زیادہ تر خواتین اور بچے تھے،غزہ پر اسرائیلی حملوں کے دوران شہریوں کی اموات میں اضافہ ہوا ہے اور اقوام متحدہ نے انسانی بحران کے بارے میں متنبہ کیا ہے اس لڑائی کے دوران لاکھوں افراد بے گھر ہو چکے ہیں اور قحط اور بیماریوں کا سامنا کر رہے ہیں۔

الاسکا ائیر لائنز نے اپنے تمام 65 ’737 میکس 9‘ طیاروں کو گراؤنڈ کر دیا

دوسری جانب اسرائیلی فوج نے مقبوضہ بیت المقدس کے مشرقی علاقے میں فائرنگ کی جس میں 2 فلسطینی زخمی ہوگئے جب کہ فورسز نے متعدد فلسطینیوں کو گرفتار کرلیا،عرب میڈیا کے مطابق 7 اکتوبر سے اب تک اسرائیلی فورسز نے مقبوضہ مغربی کنارے پر متعدد کارروائیاں کی ہیں جن میں 3800 فلسطینی زخمی ہوئے اور 325 شہید ہوچکے ہیں۔

انٹونی بلنکن کا دورہ ترکیہ،ترک صدر سے ملاقات

کیف: یوکرین کے مشرقی علاقوں میں روس نے میزائل حملے کئے جن میں 5 بچوں سمیت 11 افراد ہلاک ہو گئے۔

باغی ٹی وی:"الجزیرہ” کے مطابق علاقائی گورنر ودیم فلاشکن نے ٹیلی گرام پر پوسٹ کیا کہ روسی میزائل حملے میں یوکرینی شہر پوکرو وسک اور اس کے آس پاس کے علاقے کو نشانہ بنایا گیا دشمن شہریوں کو نشانہ بنا رہا ہے، زیادہ سے زیادہ مصیبتیں لانے کی کوشش کر رہا ہے S-300 میزائل حملوں کی ایک سیریز میں استعمال کیے گئے تھے، اور ایک نے چھ افراد کے خاندان کے ایک گھر کو نشانہ بنایا تھا۔

فلاشکن نے ایسی تصاویر جاری کیں جن میں امدادی کارکنوں کو بمباری کے بعد ملبے میں سے کام کرتے دکھایا گیا ہے انہوں نے کہا کہ اس حملے سے ظاہر ہوتا ہے کہ روسی افواج "ہماری سرزمین پر زیادہ سے زیادہ غم پہنچانے کی کوشش کر رہی ہیں-

یوکرین کے صدر ولادیمیر زیلنسکی نے اپنے ویڈیو خطاب میں کہا کہ روسی افواج نے رہائشی علاقوں کو نشانہ بنایا ہے،روس کو ہمیشہ اس طرح کے حملوں کے نتائج کا احساس کرنا چاہیے۔

بولیویا میں 22 کروڑ ڈالر مالیت کی منشیات یورپ اسمگل کرنے کی کوشش ناکام

واضح رہے کہ دو روز قبل روس اور یوکرین نے متحدہ عرب امارات کی وساطت سے سینکڑوں جنگی قیدیوں کا تبادلہ کیا تھایوکرین نے 248 روسی جنگی قیدی رہا کیے جن کے بدلے روس نے یوکرین کے 230 جنگی قیدی متعلقہ حکام کے حوالے کیے۔

فلم”اینیمل” کے اداکار نے لڑکی کی جان بچا لی

اوریگون: الاسکا ائیر لائنز نے اپنے تمام 65 ’737 میکس 9‘ طیاروں کو گراؤنڈ کر دیا ہے-

باغی ٹی وی:جمعے کو امریکہ کی ریاست اوریگون میں ایک مسافر طیارے کو تب ایمرجینسی لینڈنگ کرنی پڑی جب اس کے باہری حصے کا ٹکڑا پرواز کے دوران ٹوٹ کر فضا میں اڑ گیا، الاسکا ایئرلائنز کی بوئنگ 737 میکس 9 کیلیفورنیا کی طرف اپنی پرواز کے 35 منٹ بعد ہی واپس پورٹلینڈ آ گئی جب اس کی کھڑکی سمیت بیرونی سیکشن کا ایک بڑا حصہ فضا میں اڑ گیا۔

الاسکا ایئرلائنز نے کہا ہے کہ اس فلائٹ پر عملے سمیت کل 177 افراد تھے اور جہاز نے بحفاظت لینڈنگ کر لی تھی، اس واقعہ کے بعد اس نے اپنے تمام 65 ’737 میکس 9‘ طیاروں کو گراؤنڈ کر دیا ہے تاکہ ان کا معائنہ کیا جا سکے۔

بولیویا میں 22 کروڑ ڈالر مالیت کی منشیات یورپ اسمگل کرنے کی کوشش ناکام

بی بی سی کے مطابق الاسکا ایئرلائنز سی ای او بین منیکوچی نے 64 طیاروں کے گراؤنڈ کرنے کے فیصلے کے اعلان کرتے ہوئے کہا کہ ہر ایک طیارے کو دوبارہ پرواز کے لیے صرف اس وقت کلیئر کیا جائے گا جب ان مکمل حفاظتی معائنہ کر لیا جائے گا۔

فلائٹ ٹریکنگ ڈیٹا کے مطابق جب طیارے نے ہنگامی طور پر اترنا شروع کیا تو یہ 16,000 فٹ (4,876 میٹر) سے زیادہ کی بلندی پر اڑ رہا تھا۔

مکہ مکرمہ میں ہریالی میں 600 فیصد اضافہ

بین منیکوچی نے طیارے کے عملے کے چھ اراکین کی تعریف کی، بین منیکوچی نے کہا کہ جو اس پرواز پر موجود تھے ان کے میری نیک تمنائیں ہیں، میں بہت معذرت کرتا ہوں اس کے لیے جس سے آپ کو گزرنا پڑا،میں اپنے پائلٹس اور عملے کے ردِ عمل پر ان کا شکریہ ادا کرتا ہوں۔

انٹونی بلنکن کا دورہ ترکیہ،ترک صدر سے ملاقات